حسيت انكم ممكن تكونوا قلقانين ومحتارين
مين هيكون رئيس مجلس الشعب للدورة القادمه
؟؟؟؟؟
قلت اطمنكم
ورحت جبتهاااااا ا
من الكنترول
الحمد لله ماتقلقوش وماتخافوش
فتحي سرور
طبعا مفاجأه قوية
صح؟؟
:)))))))
## رسائل أوليفر ساكس: نافذة على عبقرية حساسة
قبل 15 ساعة
هناك 62 تعليقًا:
بتحرقى المفاجأة ليه بس :):)
لااااااااااااااا
نفسي اشوف حد جديد يناس بقالي علي هذه الارض 24 سنة ولسة بشوف نفس الوجوه الكريهة عاوزين تغيير
والله مهزلة يافندم اللي بيحصل في الدايرة اللي انا فيها كارثة بما تحمله الكلمة من معني
الحزب الوطني مرشح واحد حشاش وبلطجي سابقا وصاحب فرن
والله بجد بقينا اضحوكة العالم واتفرجي حضرتك علي السي ان ان النهاردة
والجزيرة مباشر
فضيييييييييييحة بجد
ربنا يصبرنا
الحمد لله
انا كنت متاكد بس شاكك
* Dr Ibrahim
الحق عليا يعني؟؟
كنت اسيبكم قلقانين يعني؟؟
الحق عليا
:))))))))
صعبتوا عليا بجد
:)))
تحية طيبة سيدتي
أنا لسة مصريا ، لكنني عربي يحب وطنه العربي ، أحب كل شبر في وطني عربي حُبي لمسقط رأسي، أتمنى بصدق أن تكون زيارتي القادمة في مصر وأن يكون صعد لرئستها رجل مخلص وصاحب عقل رشيد .
في الحقيقة أن مبارك( مهزلة) من يرى وضع مصر يعلم أن قائدها غبي ، والله أن قلبي يحزن وأنا أسير في شوارعها دموما أقول في نفسي : تستحقين أفضل من هذا يامصر ليت مبارك يزول لتحل بركات الله على أرضك .
فلتعيش مصر في سعادة وأزدهار
وليزول عنها أشباه الأميين إلى أبد الأبدين اللهم آمين
لك تقديري
لاياشيخه بسده كان امله ضعيف جدا
ههههههههههههههههه
* Haytham Alsayes
يابختك ياهيثم بقالك 24 سنه بس
انا بقالي نص قرن
:))))
هو السي ان ان بس والجزيرة
ده كله حتي قنوات الاغاني
بس الحمد لله ياهيثم ادينا اتطمنا برضوا
:)))))
* dr.lecter
ماهو ده اللي خلاني اجيبها من الكنترول
اني اطمنكم
اصل الحياة مش محتاجه توتر
:)))))
* أفلح اليعربي
كلنا في الهم شرق
مافيش بلد عربي احسن حالا من التاني
كلنا شعوب عربيه
مقهورة تعبانه
واهلا بيك في مصر ام الدنيا
* سواح في ملك الله
تصدق انا نفسي استغربت جدا
بس الحمد لله
كنت هزعل جدا
بس ربنا سترها
:)))))))
لا لا مش مصدق
انا هاعيط من الفرحة
هو ده اليوم اللي كنا بنستناه ومطلب الشعب يتحقق بكل شفافية
* adel
طيب ماتنساش بقا ان انا اللي جبتلك البشري الحلوة دي
وماتاكلش عليا الحلاوة زي حلاوة نجاحك
اه مش انا دعيتلك تنجح
:))))))))
شمس النهار
--------
مين ده ؟؟
اول مره اسمع الاسم ده !!!
بجد مش عارفه اشكرك ازاى على النتجيه اللى جيت من الكنترول ربنا يطمن قلبك
تصدقى ايام ما كنت طالبه فى ابتدائى كان وزير التربيه والتعليم وبعد كده رئيس مجلس الشعب بصراحه بافكر اخلع من البلد دى قبل ما يتغير
الله يكرمك اوعى تبلغى عنى انا مش ناقصه لانى مطلووووووووبه اوى اليومين دووول ههههههههههههههههه
زهراء
اخييييييييرا جابو فتحى سرور
ياسلام
بجد فرحتى قلبى والله يا شموسة
ياااااااااااه
لايونكن
بجد
معقول
اول مره اعرف:)
* لـــولا وزهـــراء
ايوه طبعا ماهو ده التغيير
ماانا حبيت اطمنكم بس علشان تعرفوا تناااااموا
لماكان وزير التربيه والتعليم كنتي في ابتدائي ده انتي قد بنتي بقا
هو بصراحه كان بداية خراب التعليم
والحمد لله ده دكتور الاطفال الاسطي كمال كمل عليه
ماتخافيش انت هنا في امان
:)))
* فولتا
ايوه اخيرا استجااابوا لمطلب شعبي ملح جداااا
:)))))
مش متصوره مجلس الشعب من غيره
كنت هنهار
بس الحمد لله والشكر لله
:)))
* sony2000
علشان تعرفي بس
بجيب لكم الاخبار الحلوة اهو
بشري ولا كل المبشوراااات
علي راي محمد صبحي
:)))
ههههه
ووووواو ايه المفاجاه دى
انا اتفجئت خالص مالص خالص قوى ههههه
لا يا ستى مش مفاجاه
شئ كان متوقع جدا
اصل حكومتنا كده وح تفضل طول عمرها كده لغايه لما ربنا يتوب علينا ونشوف اشكال غير الاشكال
ربنا يدينا طولت العمر
تصبحى على خير
* mrmr
وانتي من اهل الخير
يابختك هتعرفي تنامي بعد الفرحه دي كلها
طبعاهتنامي وانتي مطمنه ماهو فتحي سرور
جالكم
بماانه كان وزير التربيه والتعليم في يوم من الايام
اخبار الثانويه العامه ايه
؟؟؟
::))))))))
عووووووووووو
أنا " موافق " علي المفاجاة دي
الناس بتقول أمين وأنا أقول
" موافق بالثلاثة "
موافقة
وحسبي الله ونعم الوكيل في شعبك يا مصر
* MR.PRESIDENT
::)))
بتحسبن علي شعبك ليه بس ياريس
مااحنا مهودين وحلوين وزي الفل
وبعدين ماانت موافق اهو زينا
:)))
ربنا يطمن قلبك يا خالتي
كده الواحد ينام ويحلم
لا
شاعقول
طب مصدرك موثوق فيه يعني
اصلها فجأة فجأة يعني
شامصدقة انا و منصدمة انصدام فظيع
فتحي سرور !!!
اول واحد متوقع و معروف
هو ده تغييرك يامصر
:))
صباحك ورد و فل ياشموستي
♥
* كلمات من نور
هو ده المقصود من الخبر
انكم تنااااااموا وترتاااااحوا
بشري حلوي يعني
:)))))
* Sweet Violet
عارفه ان الخبر غير متوقع بالمره
بس الحمد لله ياولاد ربنا سترها
كنت هتفجع فيه اوي لو غاب عن المجلس
:))))
اه نسيت الموقر
يا خسارة كان نفسى اكون اول واحد يقول المفاجأة :))))
بجد حاجة تحرق الدم والله فين بس التجديد والتغيير اللى مصدعين دماغنا بيه ليل ونهار ده ؟؟
حتى الوزرا نجحوا فى دوايرهم الانتخابية بحكم العادة !
يلا ما علينا هى جت على دى ؟؟؟
تحياتى
* Foxology
مبرك الاول ياابو يوسف ربنا يبارك لك فيه
:))
عارف بقا اهو موضوع الوزراء ده اللي مجنني
يعني همه خاربين وزاراتهم وكمان عايز المجلس
بيحلقوا علي شء ليه
وزير ازاي هيشوف شؤن الدايرة
وكمان شؤن الوزارة
وعلي رايك يعني جت علي دي
انا بقى حاسه انهم ان شاء الله هياخدوا بمبه كبيره ليه معرفش
حاسه ان ربنا مجهز لهم مايستحقوه يمكن امنيه
اما البيه اللى من ايام ما كنت فى الجامعه وهو رئيس مجلس الشعب ده بتمنى من ربنا يجى يوم قبل ما اموت واشوف مجلس الشعب له رئيس تانى
دي اول زيارة
بس بجد اتصدمت
هههههههههه
هي فعلا مفاجأة من النوع التقيل
وزي ما قال دكتور ابراهيم
لية بس تحرقي المفاجأة
تحياتي
انتى بتحسدينى علشان ح اعرف انام
يالهوووووى عليكى يا شموسه
ما كله من القهر يا اختى يعنى ورانا ورانا
اما عن الثانويه العاميه فدى بنتمى انها فى يوم من الايام تفتح بقى وكفايها عمى لحسن عمى الالوان طفح بينا الكيل
اسعد الله مساءك يا اجمل شموسه
الاخبار بتتسرب كده على طول
ما عادش فى حاجه بتستخبى
وحشاااااااني اوي يا شموسه
حرام عليك ياقلبى
كفايه خبطات راسى قربت تنفجر
هو الرجل ده مش عايز يرحنى شويه
ده كان وزير التعليم على ايامى
ربنا يرحمنا منه
ويكرمه زى ما كرم شارون
يارب ماتسمعش كلام شمس يارب
حراااااااااااااام
الضرب فى الميت حراااااااااام
تحياتى
السلام عليكم...
بقالى فترة مش جيت
الصراحة انتى قولتلى مفاجاة بس متوقعة يا شموسة هههههه ربنا يحرمنا بقى برحمته.
دومتى بخير
فى رعاية الله.
shemo
ههههههههههه
هههههههههه
لا المفاجاة مش صحيحة يا دكتورة
لان النظام يسعى لتعيين الدكتور مفيد شهاب رئيسا لمجلس الشعب
تجديد الدماء مطلوب يا دكتورة
مع ان اللى نعرفه احسن من اللى ما نعرفوش
عامة من سرور لشهاب يا قلبى لا تحزن
تحياتى
ههههههههههههههههههه
شمس
والله عندك
حق
تصدقى مكنتش عارف
بس حلوة ملعوبه
طويل العمر يطول عمره وينصره على مين يعاديه
هااااااى هى
سمش النهار الجميلة
هنعمل ايه
منها وإليها
عليه العوض ومنه العوض
ههههههههههههههه
مافيش فايده
يالا الى تعرفوة احسن من اللي خدوووه
قصدى اللي مش تعرفوة
دمت متميزة يسكر
كوني بألف خير
ههههههههههههههه
بصراحه مفاجأه مفاجأه يعنى
مفاجأه متوقعه
هههههههههههه
وربنا حرام اللى بيعملوه فينا ده
هى دى مصر ياعبله
لأ في احتمال يكون مفيد شهاب
تلميذ جديد في معبد النفاق والطرمخة
المهم أنا جيت هنا بس علشان أقول تقريباً إعلان فودافون اتمنع ونزل اعتذار كمان وبيسحبوه من القنوات
عرفت كده من داليا وبعتتلي لينك فيديو فيه الراجل صاحب فيديو اليوتيوب اللي بدأ فيه الاحتجاج قبل العيد
وهو بيشكر شركة حودة فون على تفهمها لاحتجاج مشتركين كتير على الرسالة السلبية :)
وسحبهم للإعلان وده من قناتهم الرسمية في اليوتيوب لكن معرفش التلفزيون حصل ولا لأ ... أصلي مبحبش حاجة تتحكم فيا سواء تلفزيون أو نيكوتين أو غيره
المهم يا رب حضرتك تكوني بخير :)
هههههههه ..
وحشتينى يا شموسه ..
و أيه المفاجأت الجامده دى .. انفراد فى الأخبار .. :))
مش عارف لية الانتخابات دى بتفكرنى بجملة
أحنا محربناش عشان نتهزم...قولولهم أحنا محربناش عشان ننهزم
لا لا لا
قولى كلام غير ده
معقولة؟؟؟
يا عينى الراجل ممكن تجيله سكته قلبية من الفرحة
ده كان يا حبة عينى مستنيها من زمان
بس زعلتينى
انا افتكرت المرة ديه حيجيبوا واحد لا يسمع لا يري لا يتكلم
كان حيكون انسب
بس يالله معلش
تصدقى بالله
انا لا ليا فى الانتخابات ولا السياسة
بس مش عارفة ليه المرة ديه بجد زعلانة
ههههههههههههههههههه هههههههههههه
سبحان الله
الحمد لله كان الواحد قلبه متوغوش
احنا عايزين ايه غير الصالح العام
ههههههههههههههههههههه
وحشااااااااااااااااااااانى ياست الكل
هههههههههههههههههههههههههههه
احنا كمان عندنا في الزقازيق حد كده برده من الناس اللي لازم تكسب دي و اكيد اكيد مش هزار يعني هههههههههه
لنا الله
بس و الله يا جماعه مش فارقه كتير ما بين واحد تنتخبوه و يروح ينام في المجلس و ينسى الناس اللي رشحته و واحد انت مارشحتهوش و مش هيعملك حاجه
مش فارقه مش كده برده ؟
يبئا خلينا ساكتين هادين راسين متماسكين بدل ما ضغطنا يعلى على الفاضي
* الفقيرة إلى الله أم البنات
الشعب هو اللي اخدها بالمعارضه
:)
ان شاء الله لما يحصل كمال الشازلي
هتشوفي رئيس جديد وبرضه الي ماشاء الله
:))
* re7ab.sale7
اهلا بيكي يارحاب
نورتيني في اول زيارة
ماكنتش اقصد احرق المفاجأة
كنت عايزة اريح بالكم
:))
* mrmr
بصراحه انا بحسد كل اللي بيناموا
:))
وربنا يعينك علي الثانويه العاميه
واقري ردي عليكي في البوست اللي فات
:))
* ندى الياسمين
كله باللحلوح ياشوشو
تجيبي كل الاخبار
:))))
انتي كمان وحشتيني جدا
:))
* جايدا العزيزي
كان وزير التربيه والتعليم من ايامك انتي قد بنتي كده
ومعلش ياجايدا هذا قدرنا
:))
* shemo_ joker
اهلا بيك
حبيت افرحكم وافرح الشعب الزعلان
واقولكم سرور جانا
:))
* همس الاحباب
لا مااعتقدش انهم هيعملوا كده
هو ممكن يعملوه وكيل المجلس
لو هيعملوا كده كانوا مارشحوهوش للمجلس من الاصل
ربنا يوفقك في البؤجه وتكون كبيررررررة
* محمود(باحث عن حب)
:))))
تااااني يامحمود بتدعيله يطول عمره
:)))
* اسماء عبدالعزيز
اهلا بيكي ياكاتبتنا الجميلة
اصل المصريين عشريين
مابيحبوش يغيروا
:))
* دعاء العطار
مفاجأة العام الجديد
جااامدة صح
دي مش مصرنا دي مصرهم
:)
* Diyaa'
اهلا بيك ياضياء
لا اعتقد
ماكانوش خلوا سرور يرشح نفسه
مصر لايجتمع فيها رئيسين في مكان واحد
اي سابق ولاحق
لازم يكون السابق معاه كلمة مرحوم
:))
شكرا علي معلومات فودافون
والحمد لله انا بخير
:)
* rovy
روفيييي اااازيك
انتي كمان وحشتيني يارب تكوني بخير
طبعا انفراد ومش اي انفراد
:))
* elsha3er
صح تصدق صح
احنا ماانتخبناش علشان يبقا في منتخبين
:))
طيب وايه يعني ماهم زي المنتخب الوطني يعني كان مين انتخبه
:))
* Mafrousa
:)))))
ياريت تجيله واهو يبقا مات سعيد
واهو تغيير برضوا
لايسمع لا يتكلم لا يري
اكتر من كده
:))
وانا مالييش في السياسه برضوا
بس برضه زعلانه وحزينه
* ليس فقيرا من يحب
اهلا بيكي يارنيا
انتي فين وحشتيني
وهو في احلي من كده صالح عام سرور في سرور
:))
* دعاء عويضه
اهلا يادعاء ازيك
يارب تكوني بخير
كل الدوائر فيها الحمد لله اللي لازم ينجحوا
بمزجنا ومن غير مزجنا
:))
بس مرشحة الكوته عندكم امورة برضوا
:))
لأ معلش كان الشاذلي سابق وعضو في مجلس الشعب
وعزعوز بك كان لاحق وكان عضو في مجلس الشعب
أصل دي تفريعات جانبية.. بيحصل فيها التنازلات دي عادي يعني
هو احتمال برضه مش أكيد. يمكن صوته راح من كتر ما بيقول موافقة
تغيير دم علشان الصهيوني الصغير مش مرتاح للحرس القديم
ويا رب دايماً بخير :)
موااااااااااااااااااااااافقه..!!!!
إرسال تعليق