الأحد، 12 ديسمبر 2010

ربط بين خبرين




لما قريت الخبر ده زعلت جدا
وصعب علي الناس
والحمد لله مافيش حد مات بس اتشردوا

ولما قريت الخبر ده اتغميت
وصعب علي الناس برضو
صحيح مافيش حد مات بس برضوا اتشردوا وطلعوا من البيت من غير اغراضهم

ومش عارفه ليه ربطت بين الخبرين
الناس من الفقر وضيق الحال والازمه بيفضلوا يموتوا تحت العقار المنهار علي انهم يعزلوا
ماهو يعني هيروحوا فين اصلا؟؟

الحي يقول كلام والناس تقول كلام تاني
والحقيقه انهيار عقارات علي دماغ اصحبها




مافيش ثقه بين الناس والحكومه وقرارات الاحياء


فين رجال الاعمال اللي اغتنوا علي حساب الناس دي
فين حق الفقراء والمساكين

رايحه علي في
ن يامصر
؟؟؟؟؟؟
_____________

حتي المصا
نع كمان!!!؟؟؟؟



***********

مش عارفه هو في ايه؟؟
2010
مش عايزة تمشي الا لما تهدلها كام بيت علي مصنع علي الماشي
بعد مانشرت البوست
لاقيت الخبر ده

هناك 49 تعليقًا:

SHAPE YOUR LIFE (ABOALI) يقول...

لسه فيه امل
اهمالنا فى بعض اكيد ليه نتائج
بتظهر لينا كل فترة
يمكن نفوق لما نشوف
اننا لما بنبعد عن الطريق السليم
بيحصل كده ده

الشيخ الشعرواى يقول
القبح فى الوجود جمال

يعنى لما نشوف شيىء مش مظبوط ده دليل اننا مش ماشين كويس فى حتة معنيه وعطلنا حاجة امرنا بيها ربنا

تفائلى سيدتى ان شاء الله خير

sony2000 يقول...

والله ماعرفه اقول حاجه
بعد ماشفت الاخبار دي
انا نفسي بس
نقدر نعمل حاجه
نلم فلو او حاجه زي البؤجه كدا ليهم
ياريت

شمس النهار يقول...

* SHAPE YOUR LIFE (ABOALI)

اكيد لسه في امل

اهمال اجرامي

الضماير نامت حبتين

ده كده احنا معطلين مليون حاجه

لازم احنا الاول نتغير
ونغير اخلاق الزحمة اللي طفت علي السطح دي

بس برضه انا عندي تفاؤل

شمس النهار يقول...

* sony2000

الناس دي مش هينفعهم غير انهم يلاقوا حته تبقا سقف يناموا تحته
ابسط حقوق الانسانيه

غير معرف يقول...

مصر مشيت طريق طويل أوي للاشئ

هتتجهللنقطه الصحيحه للبدايه

بس بشوية معاناه

اقري التاريخ

هتلاقيها قصه مكرره

سواح في ملك اللــــــــــــــــــه- يقول...

ياست الكل
هما بيستنوا ويناموا تحت بيوتهم المنهارة
عشان لو معملوش كده
الحكومة مش هتديهم حتي لوعشة يسكنوا فيها

شمس النهار يقول...

* مصري جدا

عندي امل

ان مصر تتجه للأمام

الناس دي ذنبها ايه
بقينا بناكل بعض

شمس النهار يقول...

* سواح في ملك الله

تصدق انا قلت كده برضوا

بس المقال بيقول ان الحكومه اخطرتهم

واديتهم تعويضات

بس لو ده حصل همه قاعدين ليه؟؟؟

ماحدش فاهم حاجه

elsha3er يقول...

انا الحقيقة والله محتار جدا هو دلوقتين فى 2 مصر مصر اللى بنسمع عنها فى التلفزيون انها جميلة وكل شئ تمام بس انا مش لاقيها ومصر اللى بتنهار المؤسسات بتاعتها وشعبها بيموت من الظلم والجهل والسلطة والنفوذ ودى تقريبا مصر اللى انا عايش فيها
محدش بقى لقى مصر تالتة يا جماعة
حسبى الله ونعم الوكيل

الحياة الطيبة يقول...

لك حق تزعلي وتتغمي ,الله معاهم يفرح لهم أزمتهم ولو الغني فكر بالفقير لأمطرت السماء ولكان الرزق أكبر وما فائدة كلمة لو مع هذه المآسي ,الله يحنن قلوب الأغنياء فيتحدوا ويعيدوا بناء هذه البيوت لأن انتظار حل الحكومة يطول ,لو فكر الأغنياء بما عند الله
لتسابقوا لمساعدتهم .....
الله معهم ولن يتركهم فهم عباده وسيفرج عنهم ثقي بذلك .
خبر محزن الله يبدل أحزانهم أفراح
مدونة مميزة ولها طابع خاص شمس النهار
تقبلي مروري ...تحياتي .

Mafrousa يقول...

لا حول ولا قوة الا بالله
حسبنا الله و نعم الوكيل بجد

نظيف قال
نجاح الوزرا بالمنظر ده دليل على ان الشعب بيحب الحكومة
شوفتى بقا

اما بقا مصر رايحة على فين؟؟؟؟؟
مش عارفة اسألى السواقين اللى سايقينها
حاجة تفرس بجد
الفسااااااااااااااااااااد
اه و حاجة تانية
احنا ما عنذناش ثقافة الصيانة على فكرة....ليهم ربنا

تخاريف مترجــِــمة يقول...

بصي هو الضمير اللي مش تمام موجود في كل مكان

بس الفكرة ان الشخص نفسه يكون عنده رقيب مادي غير ضميره طالما هو مش قادر يردعه

يعني فيه فساد ومحتاجين برضه قدامه رقابة

لكن فساد ضمائر منفذين مع عدم او استبعاد الرقابة فده بجد حرام

،،

وما زال هناك أمل

شكرا يا قمر للبوست الجميل

غير معرف يقول...

حضرتك كده شعوعيه رسمي :)

رجال اعمال ايه اللي يوزعوا فلوسهم ع الفقرا دوووووول ..

هو سبحان الله كل ما الواحد يقرا خبر في البلد دي عن الفقرا يحس ان مصر فعلا بتتقدم بينا زي ما بيقول الحزب الوطني

بس غالبا بتتقدم في الفساد والفقر الجهل والمرض بس :(

تحياتي

Dr Ibrahim يقول...

استرها يارب..

Foxology يقول...

اولا موضوع مثلث ماسبيرو الحكومة ماشية فيه من زمان اوى بس على نار هادية جداااا لدرجة ان قرار الازالة تم تنفيذه فجأة وبدون أى مقدمات وكالعادة زى ما حضرتك قولتى فى أزمة ثقة بين الحكومة وبين المواطنين ومفيش حد ميعرفش ان الحكومة عاوزة أرض مثلث ماسبيرو دى ليه واضح جدا انها هتتباع بمليارات لأن مساحتها كبيرة جدا على فكرة وانا اعرف المنطقة دى كويس

ثانيا موضوع انهيارات البيوت بسبب الأمطار فده شئ طبيعى جدا للآهمال والتسيب وجشع الملاك ودى عادة اصيلة فى مجتمعنا الرأسمالى والحمد لله لأنه مش منطقى انه يكون فى مصنع ولو حتى مصنع قماش فى قلب منطقة سكنية ولا ايه ؟؟

ثالثا مصر مش عارفة رايحة على فين ولا عارفة مين اللى عمال يزقها لأن الكل بيزق ومفيش حد محدد واضح انه هو السبب

تحياتى

Unknown يقول...

ازيك يا شموسة
اية اخبارك معليش انا مقصرة فى حقك جدا
بس انا كان عندى ظروف مش كويسة
لكن لله الحمد
بصى بالنسبة للخبرين اعتقد ان لو كل واحد عمل اللى عليه وحاول انه يتقى الله
ويشتغل بما يرضى الله لحلت الامور
كلكم راع وكل راع مسئول عن رعيتة


ثانيا عندى خبر حلو جدا ن شاء الله لكى
تدفعى كام وانا اقوله لك ؟؟

adel يقول...

ليهم ولينا ربنا :(

Diyaa' يقول...

أنا خايف أخرج منها مرجعش

ربنا يهدينا في كل تفاصيل حياتنا

بعدها بس هيتغير الوضع للأحسن

المدفعجي يقول...

موضوع يدل علي ان الشعب المصري شعب مطحون

شمس النهار يقول...

* elsha3er

طبعا في مصر تالته ياشاعرنا الهمام

مصر اللي في الافلام والمسلسات

اللي هي رجال اعمل نصابين وراقصات وتجار مخدرات
واونطجيه وناس بتلعب بالملايين

شمس النهار يقول...

* الحياة الطيبة

اهلا بيكي في اول زيارة

تعليقك اثلج صدري ودعوت لهم كثيرا ان ربنا يفرح قلبهم ويرفع عنهم الغمه

نورتيني

شمس النهار يقول...

* Mafrousa

بجد ضحكتيني هو نظيف قال كده

:))

وشوفتي بقا اهو سرور جه تاني
الكنترول ماكدبش عليا

:))

اللي سايقين مصر همه نفسهم سواقين الميكروباصات اللي مبهدلين الشوارع

لا عندنا ثقافة الصيانه ولا ثقافة المتابعه ولا الاداره

والدي الله يرحمه كان لو حنفيه فكرة وسولت لها نفسها انها تحاول تنقط كان علي طول السباك يجي لها يعقلها

الناس دي ليهم ربنا

شمس النهار يقول...

* تخاريف مترجــِــمة

اهلا وسهلا بيكي في اول زيارة

الضمير اولا واخيرا

الحقيقه في ضمائر نامت
وفي ضمائر ماتت

وكل ماتعانيه بلدنا ازمة ضمير

مش عارفه هي الناس دي مش واخده بالها انها هتقابل ربنا ولا ايه؟؟؟

شمس النهار يقول...

* فتاه من الصعيد

:))
خير يافتاة خير
هتودينا في داهيه ولا ايه؟؟؟

:))))
شيوعية ايه بس
هو انا قلت يوزعوا فلوسهم كلها
دول بس يدفعوا حق الله
مش في زكاة مش في صدقات

لا طبعا في تقدم طبعا
اومال التقدم في الاسعار ده ايه؟؟
مش الحاجه بتغلي كل يوم عن اللي قبله تقدم ده ولا مش تقدم
:)))

شمس النهار يقول...

* Dr Ibrahim

لانملك لهم الا الدعاء
وفي ناس طيبين اتحركوا وراحوا ودولهم معونات
والناس دي من البسطاء مش رجال اعمال ولا حاجه

شمس النهار يقول...

* Foxology

عندك حق ياابو يوسف
موضوع مسبيروا ده عملوه علي نار هاديه
علي فكره مش عيب انهم يعملوا ده
لكن العيب انهم ياخدوا الناس علي خوانه ومايوفروش لهم البديل
احنا مش ضد التقدم ولا الارتقاء
ولكن ضد الظلم
خد حقك واديني حقي

موضوع المصانع ده للأسف في قانون يمنع اقامة المصانع في وسط المساكن
وعلشان احنا اللي غلط وبنحب نتحايل علي القوانين ماهو برضوا الشعب في بعضه بيلعب علي الحكومه والقوانين
بيعملوا ايه بقا بيطلعوا الرخصه علي انه مشغل علي انه اي حاجه غير مصنع
وده لو له رخصه اصلا!!!

مافيش حد بيزق مصر
لكن في حد بيشده لتحت

شمس النهار يقول...

* نهر الحب

ازيك ياجميلة
انتي فين؟؟
:))

مافيش تقصير ولا حاجه ربنا يطمني عليكي

والظروف تروح لحالها ويحل محلها ظروف جميلة سعيدة

وقولي بس انتي الخبر الحلو ده اللي انا مستنياه وانا اديكي اللي انتي عيزاه
:))

شمس النهار يقول...

* adel

انت فين ياعاااادل غايب ليه مش باين

شوفت فتحي سرور
:))))))

شمس النهار يقول...

* Diyaa'

:))
ماتخافش هترجع
هي دي المعادله الصعبه مهما قرفتنا في عيشتنا مابنقدرش نبعد

ومبروك علينا فتحي سرور

:))
كانوا مطلعين اشاعه ان العقده هيألف وزارة
يعني كمان رئيس الوزراء يبقا اسمه عقدة
:)))))

شمس النهار يقول...

* المدفعجي

لا لالالالا

الشعب المصري تعدي الكلمة دي بيجي ربع قرن كده
ده كان من ربع قرن

م/ الحسيني لزومي يقول...

عندما كنت اتحدث الي صديق علي نفس موضوع البوست الاخير علي مدونتك قال لي عباره اسوقفتني " الذين يعانون لا يشتكون أو يتحركون والذين لا يعانون يشتكون ولا يتحركون "
اتفق معه كثيرا فيما قال

مخبوطازاد يقول...

يارب سترك يا رب
والله ظروف تشيب الاطفال ربنا سترك ربنا لا تعقابنا بخطايانا و اعفو عنا و اغفر لنا يارب

مذكرات موززه عانس يقول...

فعلا والله حاجه تحزن جدا وبجد كلنا بنسأل السؤال ده هو مصر رايحه على فين ومش عارفين ايه الحل وهل فى امل ولا كده خلاص والناس دى هاتفضل عايشه فى الشارع فى البرد ده

Diyaa' يقول...

على فكرة في أي دولة محترمة الأثرياء ثراء فاحش بيدفعوا ضرائب بتوصل ل 40% من الأرباح بتاعتهم

لأن معلش واحد بيكسب ملايين كل سنة. كسبهم ليه إلا لو المجتمع والدولة سهلت له كده؟ وللمجتمع نصيب وحق المفروض ياخده من الربح ده أو يروح يورينا شطارته ويبدأ من الصفر في مجتمع تاني

مش شيوعية ولا ظلام. الكلام ده متطبق في الغرب

طهر فؤادك يقول...

السلام عليكم ورحمة الله وبركاتة

اخبارك اية

معلش امر المؤمن كلة خير كما قال رسولنا العظيم... وكمان الشوكة الى بتصيب الانسان مكفرة .. فالحمد الله على كل حال ..

ةكمان حاجة للتذكرة صوم التاسع والعاشر


صوم يوم تاسوعاء فسببه ما في صحيح مسلم من حديث ابن عباس ـ رضي الله عنهما ـ قال: صام رسول الله صلى الله عليه وسلم يوم عاشوراء وأمر بصيامه، قالوا يا رسول الله: إنه يوم تعظمه اليهود والنصارى فقال: إذا كان العام المقبل ـ إن شاء الله ـ صمنا اليوم التاسع. انتهى.

الربان يقول...

السلام عليكم ورحمة الله

ادعو الله ان يهدينا الي سبل الرشاد
فأذا كان في القلوب رحمة و ايمان قوي بالله...و ثقه فيما عند الله وعطائه
لكان الحال غير الحال

للاسف اختي شمس النهار قلوبنا تحجرت
و نٌزعت الرحمة والتراحم منها...فهي كالصخر او أشد قسوة.

كما فرقنا بين العبادات و المعاملات فنري المساجد ممتلئه في رمضان و يوم الجمعه و الاعياد و للاسف يخرج المصلون
و يتصرفون بعيدا عن اي قيم دينيه او
اوامر ونواهي الهيه...
القمامة تلقي بالشارع مثلا...و التحرشات موجودة و الانا تعاظمت و بغير شرع الله و خارج اي قانون توحشت و سيطرت

و الحل ينبع منا نحن كأمه و كشعب لابد ان يراجع كل منا نفسه و يعرضها علي تعاليم دينه و يهجر النواهي و يلزم اوامر الله ويقتدي بالسنن.

اشكرك علي الموضوع لعله يرقق قلوبنا
ويردنا الي الله ردا جميلا...فنتعاون علي البر و التقوي...و اغاثة الملهوف

لك خالص تحياتي و تقديري

جايدا العزيزي يقول...

انا معاك يا ست الكل

حالنا لاعاد يسر عدو ولا حبيب

وبسال معاك رايحه على فين يامصر

الناس بجد تعبت اوووووووووووى

ربنا يلطف بينا

طرح فى الصميم

اشكرك

تحياتى

شمس النهار يقول...

* م/ الحسيني لزومي

الشعب المصري يعاني ويشتكي ولا يفعل شئ

فعل الشئ هنا ليس الشغب والهرج
ولكن التغيير قبل مانطلب من الحكومه نطلب من نفسنا

لازم احنا نتغير ونتحمل المسؤليه شويه
يعني مبني مصنع وسط المساكن الناس كانت فين مابلغتش عنه ليه
طيب اهو مات اكتر من 16 نفس كل من عرف ان ده مصنع ومخالف للشروط وسكت هو مشترك في قتلهم

شمس النهار يقول...

* مخبوطازاد

فعلا يامخبوطه لانملك الا النصح والدعاء

شمس النهار يقول...

* bombona

طول ما كل واحد بيقول وانا مالي

عمرنا ماهنتقدم

طول ماالانانيه هي المسيطره علي القلوب

مصر هتروح علي سكه مش حلوة

بس برضوا عندي امل

شمس النهار يقول...

* Diyaa'

ضرايب ايه بس ياضياء
هو انت بتشوف حاجه من فلوس الضرايب

انا بتكلم علي الزكاة والصدقه

عارف في امريكا لما شاب زيك يروح يتقدم لوظيفه اول حاجه لازم يقدمها ورقة تفيد انه اشترك في اكتر من عمل تطوعي يفيد المجتمع
وعلي قد مااشتركت بيكون نسبة فوزك بالوظيفه اكتر طبعا مع باقي المصوغات

ولما رجل اعمال يتقدم لمناقصه برضوا بيدوروا عمل ايه للمجتمع

واحنا هنا عايزين الحكومه تعمل كل حاجه

شمس النهار يقول...

* طهر فؤادك

وعليكم السلام ورحمة الله وبركاته

انا الحمد لله بخير ونعمة من الله

شكرا علي التذكرة

وكل سنه وانت طيب

شمس النهار يقول...

*الربان

هو ده اللي دايما بقوله
لازم نغير من نفسنا

مايبقاش الدين مجرد طقوس وخلاص

يبقا فعل وعمل وتطبيق

كل سنه وحضرتك طيب

شمس النهار يقول...

* جايدا العزيزي

لازم نتغير ياجايدا
وكل واحد يحاول يغير في محيطه

نورتيني

:))

جلال كمال الجربانى يقول...

الخبرين أعراض للمرض
للأسف مصر عيانه
وربنا حيشفيها مما هى فيه
انا بحلم أشوفها خفت وقامت من رقدتها التى طالت
ورجعت خطوتها تنزل على الأرض تدب
ماهو لو بطلنا نحلم حنموت

شمس النهار يقول...

* واحد من العمال

ايوة عندك حق
مصر عندها مرض عضال
ان شاء الله هتخف منه

momken يقول...

بوست جميل بحق ومؤثر جداً
ويستحق اعاده النشر

جزاكى الله خيراً


تحياتى

كلمات من نور يقول...

شموسة مش انا رديت عالبوست داه؟؟؟؟؟؟؟؟؟؟؟ انا مخي تعب الزهايمر ضربه؟؟؟؟؟؟؟؟؟؟؟ معموما اعلق تاتي

مصر موجوعه من اللي بيحصل فيها بإيد ولادها مش بإيد حد غريب يمكن زمان أيام الإستعمار كانت بتعذرنا انما دلوقتي عذرنا إيه؟

abo-bder يقول...

f