الاثنين، 27 ديسمبر 2010

عام رومنسي ان شاء الله :)



كل سنه وانتم طيبين
عايزة ابتدي السنة الجديدة بالكلام عن الرومانسية
والرومانسية مش مظاهر الحب من التوهان والسرحان والسنتحه(ماحدش يسألني يعني ايه هي بنتي بتقولها كده)والنحنحة
لا
كل شئ حوالينا م
مكن يبقا رومنسي
تبسمك في وجه اخيك صدقة (مش دي رومانسية)
الكلمة الطيبه (المجاملة الحلوة الصادقة) صدقة مش دي كمان رومانسية
الاخلاص والوف
اء رومانسية

لما نشوف شئ جميل ونقول تلقائي الله الله رومانسية
القعدة علي النيل او علي البحر رومانسية
لما نزور مريض ونقول له سلامتك وندعي له دي رومانسية
التدبر التفكر في خلق الله والكون رومانسية

حب الله ومنجاته من غير مانشوفه رومانسية
حب رسول الله رومانسية ما
احنا ماشفناهوش برضه
كنت بقرا عن معاملة الرسول لزوجاته لاقيته صلي الله عليه وسلم زوج محب رومانسي جدااااااا
حسيت ان كلمة رومانسية تعني لطف ورحمة تعني قلب رحيم رقيق لا يغدر ولا يخون
قلب عمران بحب الله
وحب الله هو اللي ه
يخليه رؤف رحيم
قلب محب
بمعني الكلمة
مافيهوش مكان للغلظة او الغدر
او البرود واللامبالاة
قلب بيتقي الله في كل افعاله
ولا انتوا رأيكم ايه في موضوع الرومانسية دي
:)
)
كل سنه وانتم طيبين وعام جديد سعيد رومنسي
:))

هناك 82 تعليقًا:

adel يقول...

كل سنة وحضرتك طيبة :)
وربنا يجعلها سنة رومانزية علي الكل

والسنتحة حلوة :)))

أنا - الريس يقول...

كل سنة وانتي طيبة يا شموستنا .. يا رفعة معنويتنا .

عام سعيد علي الناس أجمعين .
ويارب يارب
ميرفعوش التدعم علي التموين .
وإهدي الظلوم
الغشوم اللي مننا بقي مكين .
وحطله في أي دولة يروحها كمين
عشان نرتاحة منه .
أنا متفاءل إن العام دا
هيكون فتحة الخير علي مصر كلهاااااااااااااااا

قولي قادر يا كريم .

الرومانسية .
تعني ان تكون شخصا نبيلا . جنتل . خلوق .

شمس النهار يقول...

* adel

كل سنه وانت طيب ياعااااادل
من هنا ل7 يناير

:))

وان شاء الله تبقا رومااانزيه عليك انت كمان

السنتحة حلوة؟؟؟
بس توتا قالت رخمة

:)))))

شمس النهار يقول...

* MR.PRESIDENT

:))
ماشاء الله

برضوا الؤساء ليهم كلام تاني

(تعني ان تكون شخصا نبيلا . جنتل . خلوق .)

وربنا يحقق لك احلامك
آمين
وكل سنه وانت طيب وبخير وصحة وسعادة

المصوراتي يقول...

كل عام وانت اكثر رومنسيه بالمعني الرائع الذي اوضحتيه لنا

كل عام و انتي الي الله اقرب :)

adel يقول...

7 برضه :))) وحضرتك طيبة
لا انا 25 وخلاص اهو عدي :)))))

عي مش جايما السنتحة وحشة يعني حسب السنتوح :)))

Ramy يقول...

(:

حلو البوست و رومانسى (:


كل سنة و حضرتك طيبة

سنة سعيدة لكِ و للأسرة (:

شمس النهار يقول...

* المصوراتي

كل سنه وانت بالف خير وسعادة وصحة
ومحقق كل احلامك

:)

شمس النهار يقول...

* adel

25 اووووبس معلش عندي دي ياعادل
مش يابني المصريين كلهم 7

ولا انت علشان حضارة اوروبياااا بقا

وبعدين حسني مبارك قال 7 واداهلنا كمان اجازة

ولا انت عايز تقول انك بتفهم عن حسني مبااااارك ؟؟؟؟
هااااا قووووول ماتخاااافش

:))

كل سنه وانت والاسرة بالف خير

وعبتني اوي السنتوح دي
:))))))
ده فيرب توسنتح صح

شمس النهار يقول...

* Ramy

كل سنه وانت طيب من هنا ليوم 7 ولا انت زي عادل 25

كل سنه وانت بالف خير وصحة وسعادة

وسنه جميلة علينا كلنا

:))

لــــ زهــــــراء ــــولا يقول...

ايه الرومانسية الجمييييلة دي ياجميلة ..كل سنة وانتِ بخير وسعادة وحب
لولا

شمس النهار يقول...

* لـــولا وزهـــراء

انتي الاجمل يالولا

كل سنه وانتي بالف خير وسعادة

وسنه سعيدة جميلة عليكي

:))

Ramy يقول...

لالالا

أنا 7
7
7
(:
(:

سواح في ملك اللــــــــــــــــــه- يقول...

كل عام وانتي
بالف خير يامدام شمس
تحية طيبة ليكي

شمس النهار يقول...

* Ramy

طيب الحمد لله جت سليمة

كل سنه بقا وانت طيب من هنا ليوم 7

عيد سعيد عليك وعلي الاسرة

نجيت انت من مبارك

:))))

شمس النهار يقول...

* سواح في ملك الله

كل سنه وانت والاسرة بخير

ومحقق كل احلامك

ودمت بخير وصحة وسعادة

:))

باحث عن حب يقول...

عام سعيد رومانسى عليكنا يارب
دعواتك ياشمس

غير معرف يقول...

السلام عليكم
موضوع الرقه والحنيه في الاسره وفى التعامل بين الناس
ده شىء جميل
والرسول - صلى الله عليه وسلم - زي ماقلتى كان بيعامل زوجاته بشكل رائع جدا مفيش حد عمل زيه من بتوع حقوق المراه فى الغرب

وكمان فيه حديث للرسول صلى الله عليه وسلم
(ليس منا من لم يرحم صغيرنا ويوقر كبيرنا)
مش ده برضه تاكيد لكلامك في التعامل الجميل بين الناس

بس المهم التنفيذ
ربنا يصلح الاحوال
ربنا يكرمك ويوفقك

م/ الحسيني لزومي يقول...

كل عام انتم بخير ورومانسيه
جميل جدا اضافة مفاهيم جديده علي الرومانسيه لأن البعض فاهم الرومانسيه غلط

adel يقول...

المصريين اغلبهم 7 صحيح بس انا وغد من بتوع روما :))))

واه الحضارات الاوروبية تتلاقي دينيا وثقافيا في النقطة دي

وكلام الريس صح ماهي 25 لو جمعناها هتدي 7 برضه :))

وحضرتك طيبة وميرسي علي كلامك
وانا مش بحب اتسنوح كتير
بس ده ميمنفعش برضه انها لو جت مش هتضايق :))))
الصراحة حلوة

Unknown يقول...

السلام عليكم

الله عليكي أختي شمس..
عجبني جدا تعريفك للرومانسية.. بجد جميل.. ويستحق إعادة تأمل...

حقيقي بالمعنى ده إسلامنا كله رومانسية..
أحييك أختي الكريمة على كلماتك..
وكل عام وأنت واسرتك بخير..

دمتِ سالمة مع تحياتي..

إيمان هلال يقول...

على كده انا هموت من الرومنسيه
كل سنه وانتى طيبه يا جميل

Unknown يقول...

كل سنه و حضرتك طيبه
ما أجمل الرومانسيه بمعانيها الجميله اللي حضرتك وصفتيها و اللي أوقع و أصدق و أرق بكتييير من السنتحه و النحنحه
سنه سعيده كلها خير و حب على الجميع ان شاء الله
تحياتي الخالصه لكي

eng_semsem يقول...

ربنا يجعلها سنه رومانسيه بالمعنى اللي انت ذكرتيه للرومانسيه وياريت كلنا نحب بعض ونحافظ على شعور غيرنا
كل عام وانت بخير

عاشقة القمر يقول...

سلام عليكم ورحمة الله تعالى وبركاتة
كل عام انتي بخير يعطيك الصحه
والعافيه مشاءالله كلام جميل عن رومنسي
يسلموا يداك
عايزه منك طلب تدعي لي جداااااااااا
لان في وظائف في بنك قولي يارب تطلع من نصيبي
يارب

Unknown يقول...

كل سنة والأمة العربية والاسلامية بخير
يا رب

sony2000 يقول...

الله
الله
عندك حق بجد
وكل سنه وانتي طيبه
:)

Haytham Alsayes يقول...

كل سنة وانت رومانسية
وخلو الكلام الرومانسي دة بصراحة
ولو هي بالشكل دة يبقي الواحد هيحب الحياة
وهي بصراحة لازم تتحب رغم المشاكل
وانا فعلا لما بقرأ في السيرة عن رومانسية الرسول مع زوجاته
مش ممكن بجد
يارب نتخذه قدوة عشان نخرج من الكبوات اللي احنا فيها
سواء علي المستوى الشخصي او العام

تحياتي

bastokka طهقانة يقول...

و انتي طيبة يا جميلة

جايدا العزيزي يقول...

كل عام وانت طيبه ياطيبه

ويارب كل ايامك رومنسيه

تحياتى

Dr Ibrahim يقول...

كل عام وأنتم بخير

Foxology يقول...

اولا كل سنة وحضرتك طيبة

ثانيا انا اتفق معاكى فى ان الرومانسية هى رقة القلب والطباع بصفة عامة ودى المفروض تكون اساس شخصية اى انسان خلقه ربنا لكن كالعادة بنحرف المعنى الحقيقى اما استهزاء او جهل فبقت الرومانسية زى ما حضرتك قولتى فى معناها العجيب الغريب اللى الناس مقتنعة انه صح من سنتحة ونحنحة وخلافه :)

تحياتى

صيدلانيه طالعه نازله يقول...

كل سنه و احنا احلى واجمل و اكثر رومانسيه
و الحنيه تزيد
و الوفاء يكتر
و الغدر و الخيانه يبعدوا عنا
و ربنا يكتر الطيبين فى طريقنا
و يخليهم دايما طاقه نور تساعدنا و تهدينا

و امنيه تانيه كده عايزه اقولها
عايزه اكلمك عشان وحشتينى
اتصرفى بقى
هه
بس

فاتيما يقول...

ازيك يا شمس نهار المدونات وقمرها

الاول كل سنة وانتى طيبة
وبناتك بألف خير يا ب


ثانياً
الرومانسية كلمة اتشوهت
وخدت معنى سيئ
اللى هوه السنتحة اللى قولتى عليها
يعنى واحد متبنج و عامل دماغ حب لدرجة التوهااان

ودا ملوش علاقة بالرمانسية من وجهة نظرى خالص

الرومانسية يعنى الرقة ف التعامل مع الآخرين اى كانوا مين
مش لازم يكونوا قريبين قوى
او فيه عوامل مشتركة عشان تحسى بيهم وبألمهم او مشاكلهم او تشاركيهم الحزن والفرح كمان
الرومانسية كل اللى قولتيه ف تعريفك
واللى اظنه يتلخص فى انك تشعر بالآخر
وتراعى مشاعره ولا تستخف بها أى كانت
ساذجة او غريبة او مش عجباك


بس كدا


آه كنت هنسى

انا ملحقتش اجاوب على بوست المدونات
وليه اخترت روح قلب ماما
متهيألى الحكاية معروفة يا شموسة
لأن يوسف
هوه روح قلبى
والمدونة سببها هوه
وعملتها بعد ما مشى بكام يوم عشان اكتب فيها كل حاجة حساها بعد فراقه
وكمان اوثق ذكرياتنا قبل ما ييجى يوم وانساها لأى سبب
وعشان لما يرجع يقراها ويعرف انى مكنتش نسياه ابدا
وعشان طول عمرى بحب الكتابة وناس كتير قالتلى ليه مطلعتيش صحفية زى باباكى .. والتدوين ادانى الفرصة اكتب من غير قيود ولا مواعيد ولا التزامات ولا حسابات


بس تانى

:)


دمت بكل الخير يا حبيبتى

وكل سنة وانتى
وكل احبابك
وكل الناس
مسلمين
ومسيحين يوم 7 و 25 وكل الأيام
بألف خير

إنسان || Human يقول...

أن يكون لك حُلم وتصر على تحقيقة مهما كانت الظروف من حولك

هي أن تطلق العنان لمشاعرك للجميع بدون إستثناء

أن تكون مشاعرك تلقائية ليست مغلفة بالتصنع

ولا مانع من قليل من العقل والمنطق حتى لاتنطلق مشاعرك كحصان جامح
.........
لن تصدقي أن هذا كتبته منذ ايام ...
أتفق معكي جداً
عجبتني قوي جزئية ان الرسول كان رومانسي فعلا عندك حق
كل عام وانتي في منتهى الرومانسية

غير معرف يقول...

كل سنه وانتي رومانسيه :)

وربنا يجعلها سنه جديده سعيده

تحياتي

arab video يقول...

كل سنة و انتي طيبة

ياسر سليم يقول...

اسمى رومانسية

Mahmoud Ahmed يقول...

بس هو معدش رومانسيه خالص
حتي الجواز بقي مصالح فقط
للأسف :(

همس الاحباب يقول...

كل سنة وحضرتك طيبة
وسنة سعيدة عليكى وعلى اسرتك ان شاء الله
وعجبنى جدا تعريفك للرومانسية بمفهوم رومانسى راق
تحياتى

ذو النون المصري يقول...

الرومانسية في الفن التشكيلي
لا تعني تصوير مشاهد الحب و الغرام بل تعني بتصوير مشاهد مشحونه انفعاليا في حياة الناس ايا كانت هذه الانفعالات
قد تكون حزن او فرح
فالرومانسي انفعالي او وجداني
تحياتي

شمس النهار يقول...

* محمود(باحث عن حب)

عام جميل سعيد عليك يامحمود

وبدعيلك

ان شاء الله الامتحانات تخلص علي خير وتنجح نجاااااح سااااحق ماااااحق


:))

كل سنه وانت طيب

شمس النهار يقول...

* م/محمود فوزى

الاسلام اعطي المراه حقوق مايحلمش بيها نساء الغرب ولسه مااخدتها نساء العرب

حبيت بس اوضح ان الرومانسيه لاتتعارض مع الرجولة والايمان


كل سنه وانت طيب

شمس النهار يقول...

* م/ الحسيني لزومي

كل عام وانت بخير وصحة وسعادة

مش البعض اغلب الشباب بل والكبار كمان

انك تشارك جارك في فرحه وتعمل حساب المه وحزنه دي برضوا رومانسيه

شمس النهار يقول...

* adel

:))))

ايه ده ياعادل (وغد)حسستني انك من بلاد واق الواق
:)))

كل ده علشان حسني مبارك

:))))

واتستنتح براحتك
:))
بس صدقني مش هتعرف اللي اتسنتح اتسنتح من زمااااان

:)))))))
كل سنه وانت طيب

شمس النهار يقول...

* ماجد القاضي

وعليكم السلام ورحمة الله وبركاته

شكرا علي مجاملتك وتعليقك

طبعا اسلامنا كله رحمة ورومانسيه
شوف بس تعاليم الرفق بالحيوان
هتلاقي اجمل رومانسيه

هو لما الرسول الكريم يشرب حيوان في نعله ده يبقا ايه

كل سنه وانت طيب

شمس النهار يقول...

* اعقل مجنونه

:)))))))

ماتخافيش الرومانسيه مابتموتش

الرومانسيه بترقق القلب بس

بتخلي الانسان انسان

كل سنه وانتي طيبه وبصحة وسعادة

شمس النهار يقول...

* شيرين سامي

وانتي طيبه ياجميلة وبالف خير

الرومانسيه تعني الصدق والاخلاص والوفاء

عام سعيد عليكي

شمس النهار يقول...

* eng_semsem

كل سنه وانتي بالف خير وصحة وسعادة

ويارب عام رومانسي سعيد علي الناس كلها

:))

شمس النهار يقول...

* عاشقة القمر

وعليكم السلام ورحمته وبركاته

يارب تكوني بخير

ومن عينيه هدعيلك من كل قلبي

ربنا ينولك اللي انتي عايزاه
ويريح قلبك

كل سنه وانتي بخير وصحة وسعادة
:))

شمس النهار يقول...

* حاتم عبدالفتاح

كل عام والبلوجر والعالم بخير

وانت بصحة وخير سعادة

:))

شمس النهار يقول...

* sony2000

كل سنه وانتي طيبه وبخير وسعادة

ومحققه كل احلامك

:))

شمس النهار يقول...

* Haytham Alsayes

اهلا بيك ياهيثم

خير مدونتك مغلقه ليه

كده هنستقبل العام الجديد بالاغلاق
انت متهرب من الضرايب والا ايه

:))

ايوه الرسول كان جميل مع زوجاته
حتي الغيرة كان بيستوعبها منهم وبيتعامل معاها بطريقة فريدة

كل سنه وانت محب للحياة رومانسي
وربنا يحقق لك كل احلامك

شمس النهار يقول...

* bastokka طهقانة

اهلا بيكي

كل سنه وانتي طيبه وبخير وسعادة

:))

شمس النهار يقول...

* جايدا العزيزي

كل سنه وانتي طيبه وبخير وصحة وسعادة ياجميلة

ياشاعرتنا الرقيقه الرومانسيه

:))

شمس النهار يقول...

* Dr Ibrahim

كل سنه وانت بالف خير وصحة وسعادة

:))

شمس النهار يقول...

* Foxology

كل سنه وانت طيب ياابو يوسف

ويوسف وام يوسف بخير وصحة وسعادة دائما

الرومانسيه هي الجدعنة اصلا

الحنيه انك تكون جنب صحبك تصون غيبته
وحاجاااات كتير اوي
للأسف بقت غايبه عن المجتمع بقت موضه قديمة

نورتني ياابو يوسف

شمس النهار يقول...

* صيدلانيه طالعه نازله

:))

يارب الناس كلهم يتقلبوا رومانسيين

ويغنوا همه يحبوا بعض

:)))))

انتوا كلكم وحشتونيييي

كل سنه وانتي بالف خير وصحه وسلامة وطاعة

شمس النهار يقول...

* فاتيما

الله يسلمك يافطومة ياجميلة


كل سنه وانتي بالف خير وصحة وسعادة

باظبط ياطمطم المشاركة هي مخ الرومانسيه بس المشاركه في الخير طبعا
:))

شكرا علي شرح مدونتك ياجميلة

نورتيني

وربنا يردلك يوسف ويبقاراجل تقر به عينك

وكل سنه وانتي طمطم الجميلة

:))

شمس النهار يقول...

* Hu-man

ماشاء الله تعليقك عجبني جدا

اهلا بيك في اول زيارة

وكل سنه وانت طيب وبخير وصحة وسعادة

نورتني

شمس النهار يقول...

* فتاه من الصعيد

كل سنه وانتي بخير وصحة وسعادة

ومحققه كل احلامك

:))

شمس النهار يقول...

* arab video

كل سنه وانت طيب وبخير وصحة وسعادة

:)

شمس النهار يقول...

* ياسر سليم

اهلا بيك
كل سنه وانت بخير وصحة وسعادة

:)

شمس النهار يقول...

* سبايدرمان

ايوه انا معاك ان الرومانسيه بقت موضه قديمة علشان الناس مش فهمه معناها اصلا

بس مش كل الجوازات مصلحه


كل سنه وانت طيب وبخير وصحة وسعادة

:))

شمس النهار يقول...

* سبايدرمان

ايوه انا معاك ان الرومانسيه بقت موضه قديمة علشان الناس مش فهمه معناها اصلا

بس مش كل الجوازات مصلحه


كل سنه وانت طيب وبخير وصحة وسعادة

:))

شمس النهار يقول...

* همس الاحباب

اهلا بيك ياابو همس

كل سنه وانت بالف خير وصحة وسعادة

وعايزة اقولك ان كل الخير اللي بتعمله ده نوع من انواع الرومانسيه
مجرد انك تحس بالم غيرك واحتياجه ده خير

:)

شمس النهار يقول...

* ذو النون المصري

الرومانسي انفعالي يعني بيحس بالاخر

والعكس الغير انفعالي لايحس بالاخر اي متبلد لايحس الا بنفسه اناني لايعطي اي شئ

يبقا الرومانسيه احساس بالاخر وعطاء

وتحت الاتنين دول كل شئ طيب جميل

كل سنه وانت طيب وبخير وصحة وسعادة
عام جديد سعيد

غير معرف يقول...

شمس النهار
اتفق معكي تماما ان الاسلام اعطى حقوق للمراه نفسى الغرب يفهمها ويعطيها للمراه عنده

اما عندنا فللاسف احيانا بيكون التقاليد اقوى عند البعض من الاوامر الاسلاميه

ربنا يهدي الجميع
ربنا يكرمك ويسعدك

شمس النهار يقول...

* م/محمود فوزى

التقاليد عمرها ماتكون عائق للشرع

لكن المفاهيم الغلط هي العائق للشرع

وكذلك غرور بعض الرجال
وتعديهم علي شرع الله
لو كل رجل اعطي الله حقه في اهله
وكل امراه اعطت الله حقه في نفسها وبيتها
كانت الدنيا بقت غير كده خالص
ربنا حطلنا القانون والشرع والطريق الجميل والانسان مصر مايمشيش عليه ويريح نفسه

شكرا علي متابعتك

Eno يقول...

كل سنة وانتي طيبة ياماما شموسة
يارب تبقي سنة سعيدة عليكي وعلي الكل
ويكون كلها رومانسية وحب الناس لبعضها

تحياتي:)

غير معرف يقول...

كل سنة وانتى طيبة

وربنا يخليها سنة سعيدة ويجبلنا شىء جميل يفرحنا


ونلاقى الحب وكل الناس تحب بعض وتتملى حياتناسعادة

وربنا يفرحك دايما

غير معرف يقول...

كل سنة وانتى طيبة

وربنا يخليها سنة سعيدة ويجبلنا شىء جميل يفرحنا


ونلاقى الحب وكل الناس تحب بعض وتتملى حياتناسعادة

وربنا يفرحك دايما

الغاردينيا يقول...

كل سنة ونتي طيبة يا احلى شموشه :)
وانا معاكي في كل ماقلتيه وبمارسه بالفعل بحياتي :)
اطيب الاماني بمناسبة السنة السعيدة
موااااااااااااح
وتحية لبنتك :)

واحد من الناس يقول...

كل سنه وانتي طيبه أولا

وثانيا

أعجبني تعريفك للرومانسيه

والخروج بها من دائرة "السنتحه" الضيقه إلى دائرة أشمل

تحياتي لك

شمس النهار يقول...

* Eno

اهلا اهلا بأم يوسف

منورة المدونة والبلوجر

كل سنه وانتي واسرتك الجميلة بخير وصحة وحب وسعادة وهنا

ان شاء الله يكون عام سعيد عليكم
ومتهنيين دايما

بوسه كبيييييرة ليوسف
:))

شمس النهار يقول...

* غير معرف

هو الحقيقه انا مش عارفة ليه بغير معرف بس مش مشكلة

كل سنه وانتي او انت طيب او طيبة

وشكرا

وربنا يستجيب

وسنة سعيدة علينا جميعا

شمس النهار يقول...

* الغاردينيا

كل سنه وانتي طيبة وبخير وصحة وسعادة ياجميلة:)

وسنه ان شاء الله سعيدة عليكي

وشكرا ليكي ياقمر

:))

شمس النهار يقول...

* واحد من الناس

كل سنة وانت بالف خير وصحة وسعادة
ومحقق كل احلامك


سنة ان شاء الله جديدة سعيدة

:)

غير معرف يقول...

شمس النهار
ايا كان الاسم المفاهيم الغلط او التقاليد فالمشكله ان فيه ناس بتنسى او تتناسي الشرع في سبيل اهواء لديه
او بسبب الناس متعوده على كده

صح عندك حق
لو كل واحد عمل اللى عليه بنيه رضا ربنا
الامور هاتفرق كتير
ربنا يصلح الاحوال
ربنا يكرمك ويوفقك

abo-bder يقول...




شركة تركيب اثاث ايكيا بالرياض
تركيب ستائر بالرياض
شركة تركيب ستائر بالرياض
شركة تركيب اثاث ايكيا بالرياض
فني تركيب ستلايت بالرياض
فني تركيب ستلايت بالرياض
فني تركيب ستلايت بجدة
ستلايت بالرياض
فني تركيب اثاث ايكيا بالرياض

abo-bder يقول...






شركة تنظيف مجالس بالرياض
شركة قص وازالة وتنسيق الاشجار بالرياض
شركة تعقيم بالرياض
شركة قص اشجار بالرياض
شركة قص اشجار بالرياض
فني تركيب ستلايت بالرياض
فني تركيب ستلايت بالرياض
فني تركيب ستلايت بجدة
شركة عزل فوم بالرياض

abo-bder يقول...


فني تركيب ستلايت بالرياض
فني تركيب ستلايت بالرياض
شركة قص اشجار بالرياض