ان شاء الله رايحة ميدان التحرير+تحدييييييث هام

الحمد لله ومبرووووووووووووك
علي تغيير رؤوس الفساد في الصحف المصرية
واخص بالذكر اسامة سرايا اللي شتم الثورة والثوار
وكمال عبد الله اللي ماسبش فضائيه اخباريه وغير اخباريه الا وشتم الشعب المصري فيها
الحمد لله عقبال باقي عصابة الوطني كل مكان

ان شاء الله رايحة ميدان التحرير
من بعد ماتنحي اللامبارك ما رحتش ميدان التحرير وقلت خلاص اتجه للمصابين والشهداء
لكن كده بقا في حاجات مش مفهومه
والثورة كده بتتشفط واحدة واحدة
وحلو اوي موضوع تجريم التظاهر ده عجبني اوي يعني ياثوار جعلناكم مجرمين ماشاء الله
انا ضد الوقفات الفئوية لكن نجرم التظاهررررر
تاااااااااااااااااني
وحتي الوقفات الفئوية تم التعامل معها غلط في غلط
وانا تدخلت في وقفتين واحدة منهم في كفر الشيخ
اللي كان عاملها عمال النظافة
وبصراحة كان عندهم حق وتم التعامل معهم بطريقة غبيه
وكان هم رئيس المدينة انهم يرجعوا شغلهم وبس
من غير مايعمل اللي همه عايزينه اللي هو المفروض وزير القوي العاملة والماليه
طلعوا بيه قرار
تثبيت العمالة المؤقته اللي بعقد ودي ناس علي قدهم
وهبقا اتكلم عن كفر الشيخ في بوست لوحدة
ان شاء الله
ومافيش اي حاجه بتتعمل واضحة وظاهرة والناس مافيش علي لسانهم غير الاستقرار والخوف
مش عارفة خايفين من ايه مااخر بعبع اهو خلاص مش قالوا البورصة بتنهار
وماشاء الله البورصة المصرية ضربت كل التوقعات وبالعكس بتسترد كمان الخسارة بسرعة غريبه غير متوقعه ماحصلتش حتي في نيويورك وقت 11سبتمبر
في ايه تاني خايفين منه
حتي بعبع امن الدولة خلاص
ليه كل المنحرفين متسابين بره يبرطعوا ويعملوا لنا ثورة مضادة
ويبلطجوا في الشوارع علي الناس
ليه العدالة بطيئه ليه المحكمات بتتأجل بالشهر
وليه التلاتي المرح شريف وسرور وزكريا
متسابين كده يعني ايه جمال اللامبارك بيتجول عادي خالص
وهو من افسد الحياة السياسيه والاقتصاديه وضحي بزميله في الاجرام عز
الاعلام ليه لحد النهاردة في ايد اللي ضللوا الشعب المصري وخوفوه
وماحدش يقول لي شالوا الفقي والشيخ
اذرعتهم لسه في المبني
بدليل الاعلام المصري واللي عملوا في الاستفتاء الغريب المريب اللي طلع بنعم والخطوات اللي بتتعمل دلوقتي خليط بين لا ونعم يعني حاجه تالته خالص غير اللي كان عليها الاستفتاء
وكل شوية قرارات غريبة
ياريت نرجع للتاريخ ونقرا ثورة يوليو عملت ايه واي ثورة علي مستوي العالم عملت ايه
والا الشعب المصري مابقاش قد الثورة والثوارات
حد حس بأي فرق لحد دلوقتي من قبل وبعد الثورة؟؟

الحمد لله والشكر لله الباشا خرج

الحمد لله المواطن نور الدين خرج من الحضان ويارب مايرجعه تاني
وبشكر كل من هناني وعقبالكم كلكم
sony2000-نور الدين-سواح في ملك الله-ابو علي-دعاء العطار-محمود عيوني كاميرا-فاتيما روح قلب ماما-وردة الجنة
-شيرين سامي حدوته مصرية-جايدا العزيزي-تامر نبيل-
لولا وزهرا بالحب اتجمعنا-نهي كلمتن من نور-محمود اسطي في زمن البلي
-موناليزا امة الله-مني تخاريف عقل وقلب-ابراهيم اتجاهات-
هيثم الفردوس الضائع-مرمر-متر هاني مصري جدا-
محمود الباحث عن الحب-اينو-ندي الياسمين صبرني سابقا-جيجي مش هنسكت-
فتاة من الصعيد-حميد-والازهري-فوكس لوجيي-
رحاب صالح-
محمد الجرايحي-ماجد القاضي-شريف صابر-ايناس نبع الغرام-
طالبة مقهورة ॥درجة اولي-لورنس العرب-
Hello -عاشقة الفردوس
نور الدين

الحمد لله

ادعوا لحفيدي نور الدين رجع تاني المستشفي ودخل الحضان

الحمد لله والشكر لله
ربنا رزقني باجمل هدية في عيد الام
رزقنا بنور الدين حفيدي الاول
عقبالكم كلكم
:))

الشعب يريد الاستفتاء:))

يارب انصر اخونا في ليبيا وسوريا واليمن والبحرين علي السفاحين
يارب انصرهم مش مصدقة ايه الرخامة دي ماتمشوا هو الحكم بالعافية يخربيت كده

فرحااااااااااااااااااااااااااانه
بغض النظر عن مين قال (لا) او مين قال(نعم)
من سنة 77 من يوم ماعملت بطاقة انتخابيه الي الان لم اري هذا الجمال والوعي
اول مره اروح انتخابات من غير ماالاقي بلطجيه وخناقات وشرطة جوه اللجان
دائرة الكابتن زكريا عزمي
اول مره انتخب جنب بيتي مااهاجرش علشان انتخب
اول مرة الاقي كل الاعداد دي من ناس فاهمه وواعيه
كل اللي واقفين اول مرة ينزلوا انتخابات
عارفين طبعا ان الشعب المصري بيكره الطوابير وبينه وبينها تاااااااااااار بايت من سنين مش عارف ياخده
النهارده خلااااااااااااص
عايزة اقول ان الطوابير سواء رجال او نساء ليس لها اخر ومع هذا الناس واقفه مبسوطه وبيتكلموا مع بعض وبيتناقشوا
اخدنا ساعة وربع ومازعلاناش
واول مرة في مصر يكون في حساب لكبار السن والحوامل
مبرووووووووووووووك يامصر مبروك مبروك ان شعبك اتحرك اخيرااااااااااااااااا
وفي كلمة وقفه في زوري بقا عايزة اقولها كل اللي قال نعم علشان خايف من حاجه او بيدور علي الاستقرار
ابقا تعالي قابلني
وعايزة اقول سواء النتيجه بلا او نعم هنقف جنب بعض ونقاتل علشان نحقق برضوا دستور جديد
يجيبوا زيد يجيبوا عبيد برضوا لازم دستور جديد ومجلس شعب وشوري يمثل كل الامة مش اتجاهين تلاته بس
ولو النتيجه نعم مش عايزة اسمع كلمة ماكفايه بقا لا مش كفايه
مصر تستاهل كل جديد ومافيش حاجه اسمها كفايه
الثورة ثورة علي كله مش حته منه

ليبيا اليمن سوريا النصر باذن الله

خبر في السريع: علي عبد الله صالح الكوميدي جداااااااا
قال ايه:المتظاهرين تشعبوا في الشوارع وضايقوا السكان فاحصل اللي حصل
لكن الشرطة ماضربت رصاص علي احد
:)))))))))))
ان شاء الله بعد مايسيب الحكم ويتخلع ارشحه يبقا نجم مسرح كوميدي

كفاااااااااااااااااية ارحلواااااااااااااااا
السفاح اللي في ليبيا
السفاح اللي في اليمن
السفاح اللي في سوريا
ان شاء الله مش هتقعدوا هتمشوا يعني هتمشوا
واضح انكم كنتم بتسقطوا في مادة التاريخ في المدرسة
اقروا تاريخ هتمشوا
ربنا بينصر الشعووووووووب
ربنا بينصر الحق
كل ده دم علشان تقعدوا علي قلوب شعوبكم
كل ده دمار ايه عايزين تحكموا بالعافيه
حسبي الله ونعم الوكيل فيكم وفي كل انسان بيقتل اخوه علشان شوية حكام خونه

علي الصبح كده+تحديث وبرضوا علي الصبح

اولا :مبرووووووك لليبيا قرار حظر الطيران الحمد لله اتلحقوا قبل مارئيس العصابة وانجاله يضربوا بني غازي النهارده بالطيران
ربنا ينصركم عليه ويثبت اقدامكم
ثانيا :خبر كوميدي واشاعة مضحكه كالعادة (خد قلمك الجاف معاك وانت رايح الاستفتاء علشان قلم اللجنة حبره هيختفي بعد ساعتين)
ونبي ماهعلق علي الكلام ده
ورغم ان الجيش عايز يقلبنا علشان يمشي في سبتمبر بس برضوا هوجه له تحيه كبييييييييرة علي وقفته القوية
========

علي فكرة قررت علي الصبح كده اني هقول لااااااااااااااااااا
زهقنا حلول وسط ومسك العصايا من النص
وبالاخص كلمة كفاية كده اللي سمعتها كتير اوي ايام الثورة
وكنا بنقول لا مش كفايه لحد ماتحقق الشطر الاول من اغنية الثورة
ليه مستكترين علي الشعب انه يكمل الشطر الثاني من بيت الشعر
علشان نكمل احلي قصيدة في الدنيا
وتبقا قصيدة صح موزونة وجميلة
هقول لا مش كفاية
والمصريين عايزين حقهم كامل مكمل
ومش مستعجلين اطلااااااااااقا
يعني ايه موضوع الفراغ ده يقولك احنا من غير رئيس ياسلااااام
ولما كان عندنا رئيس كان بيعمل ايه ماكان بيسرقنا هو وباقي الاربعين حرامي
اصل مافيش مجلس شعب ياصلاة النبي
وهو مجلس الشعب لما كان موجود كان بيعمل ايه
ماكان بيمرر كل القوانين المشبوهه
بقول لكم ايه انا عايزة دستور جديد
من كام يوم تلات شخصيات قالت
لا
التلات شخصيات اثق فيهم
البرادعي بغض النظر ينتخب رئيس او لا مش دي مشكلتنا
الرجل ده من يوم ماظهر في المحافل العالميه ماقلش كلمة كدب
اوقال شئ وماحصلش واثبته
واللي عايز يعرف يدخل جوجل ويتعب نفسه شويه ويعرف
والرجل ماغيرش كلامه من يوم مادعانا نهب للتغير
الرجل ده قال انا لو ملاك وجيت علي الدستور ده هبقا ديكتاتور رسمي
الشخصية التانيه عمرو الحمزاوي وده رجل بتاع سياسة واقتصاد يعني من الناحيتين واللي كان متابع برضوا كلامه كان صح جدا
ايام مااتقال ماينفعش مبارك يمشي علشان نقدر نعمل التعديلات
هو قال لا ينفع وقال اكتر من حل
وفي النهاية طلع صح انه يمشي وان كان بيضحك علي الشعب
والشخصية التالته المستشار تهاني وبرضوا الست دي كانت من اللي قالوا ان اللي يقول مبارك مايمشيش بيضحك علي الشعب
وفي شخصيات كتييييييييير قالت لا لها ثقلها
وبصراحة اللي خلاني اتخذ القرار حاجتين
اني كنت واخده قرار لا من الاول بس عايزة ضميري يرتاح علشان الاختيار الان اصبح امانه
اللي خلاني خلاص احسم الامر
ان الاخوان والحزب الوطني قالوا نعم
ودول نقيضين ازاي يجتمعوا علي راي واحد
يبقا كده علشان مجلش الشعب هيبقا همه الاغلبيه فيه
وبعدين اللي عايز يقول اه علشان خايف يقول
واللي عايز لا علشان عايز الاحسن يقول والفيصل صندوق الاقتراع
وهنحترم راي الاغلبيه
بس عايزة اقول حاجه اللي عايز يقول لا لازم عجلة الانتاج تدور والاقتصاد يمشي
يعني مانفضلش في الاحتجاجات والوقفات الفئويه علشان الدنيا تمشي
يعني الاقتصاد يشتغل و السياسه وتأسيس الحريات ماشي جنبها
علشان فعلا تبقا الثورة نجحت وماحدش ضحك علينا
واللي خايف من استمرار الجيش مايخافش الجيش هيمشي هيمشي بس مش قبل ماالحريات والديمقراطيه تتظبط
ياناس مصر بتظبط مشاكل ومهترات بقالها 59 سنة
وكان مشكلة 23يوليه التسرع واغلب القرارات طلعت فاشلة وغلط وودتنا في داهيه
يبقا شمس واسرتهااااااااااااااااااااا
هيقولوا
لاااااااااااااااااااااااااااااا
وان شاء الله هكتب لكم بوست عن كفر الشيخ

الحقوا الحكومة من الاعلام

انقذوا الحكومة من الاعلام هيبوظها ابتدي فريق النفخ الاعلامي يشتغل
الناس دي جايه من الشعب لأول مره صحيح مش كلهم
بس سيبوهم مش لازم (واحتضن الشاب الضرير في حنان الاب )مش فاهمه رئيس وزراء بيحضن انسان موهوب هيحضنه بحنان الفيل يعني
بلاش ارجوكم تلميع اعلامي وتأليه للحاكم بلاش الناس بتحبهم كده كده
كان ده بيتعمل مع الناس النص كم لكن دول ان شاء الله يكونوا اسم علي مسمي حكومة شرف

وبندعي للشعب السوري ربنا معاه وان شاء الله منصور وياريت الاخ الاسد يقصر ويجيب من الاخر ويورينا عرض كتافه
ويختار له اي سيناريو يايهرب زي بن علي يايرخم شويه ويتنحي زي مبارك
يايفضل يضرب في شعبه ويستعدي العالم عليه ويخرب بلده زي القذافي وبرضوا
هيمشي
يايفضل يلاعب في الشعب والشعب يلاعب فيه ولاتوم وجيري زي علي صالح وبرضوا هيمشي
كل الاصنام دي هتمشي ماعدش حد هيستعبد الشعب العربي ابدا
مش هنبقي ورث تاني خلاص

بالنسبة لموضوع الدستور لحد دلوقتي مش قادرة اخد قرار اسمع دول اقتنع اسمع دول اقتنع في النهايه لازم نفهم علشان نعرف ناخد القرار الصح ومانضيعش الدنيا
بس اللي فهمته ان الثورات بتسقط اي دستور
مين فين ليه ده اللي عايزين نركز فيه علشان نختار صح
وياريت كل اللي فاهم حاجه يعمل بوست وينشره كمان علي جروب مدونين علي الفيس علشان يطرح للنقاش
ماتنسوش تدعوا لليبيا وسوريا واليمن

الوطن وحرف الميم +تحديث+تحديث هاااااااااام عن الوراق

تحديث:
للي يقدر يساعد الوحدة الصحية بالوراق كان الناس هتحرقها النهاردة من كتر الغضب بسبب طفل وقع في بيارة دماغه اتفتحت وجاله ارتجاج في المخ وطبعا الوحدة الصحية مافيهاش اي استعدادات طوارئ ولا اي اسعافات ولا اجهزة
الناس جريوا بيه بين الحياة والموت لمعهد ناصر والله اعلم حصا له ايه دلوقتي
المشهد بيتكرر كتير هناك ويااتلحق المريض يامتلحقش صحيح الاعمار بيد الله بس مانرمنيش نفسنا في التهلكه ونغمض عينينا عن الغلط
الناس علشان تهدا قلنا لهم ادونا وقت وهنقدر نعمل حاجه
اللي يقدر يتصل برجل اعمال شريف او جمعية تشارك في تجهيز الوحدة يبقا كتر خيره وهمه مش عايزين فلوس عايزين اجهزة ودكاترة متطوعين

واللي هيقدر يعمل حاجه يتصل بي

==========
بدور في التليفزيون علي قناة اوتي في خبطت في تامر امين سولت لي نفسي اشوف البروفسير تامر بيقول ايه وياهول ماقال بالحرف الواحد
الحزب الوطني مايهمناش ولابنخاف من الحزب الوطني
كفايه عليه ३० سنه
ده انا رغم الغم ضحكت ضحك
ولا حول ولا قوة الابالله العلي العظيم
-----------
ياريت ونتمني ان سيادة المشير ورئيس الوزراء يعملوا زي فرنسا ونعترف بالمجلس الوطني الانتقالي لأحرار ليبيا
علي الاقل احنا هنعملها محبه واخوه وهنقف جنب اخوتنا في ليبيا
لكن فرنسا عملتها منظرة قال ايه حامي حما الحرية
وهي اصلا عينها علي مليارات الاستثمار الليبي واللي اغلبها بيروح ايطاليا
فاياريت في مظاهرات بكره نهتف بالطلب ده
----------------
حزينة وزعلانه وهموت من الغم

هو الشهداء سقطوا والجرحي اللي فقدوا نور عينيهم او اصيبوا بعاها اخري
علشان في النهايه برضوا نقطع في بعض
علشان برضوا البلد تبقا ولعة
هوينفع كده شوية مرتزقه من بتوع امن الدولة فقدوا ضمائرهم يولعوا الدنيا كده

وهو في احلي واجمد من الفتنة الطائفيه تولع الدنيا وتشعللها

حدش جاب سيرة ان مظاهرات مسبيرو كان فيها مسلمين

حدش صور الصلبان اللي كانت مرفوعه ان كان معاها هلال

طبعا ده شئ ماريحش خفافيش الظلام

وازاي بقا في سابقه الاولي من نوعها رئيس الوزراء يخرج للناس (اقباط ومسلمين)ويكلمهم ويطمنهم

وازاي الناس تهتف اننا مصريين والجيش والشعب ايد واحده

فينك يامصري ياحدق يامدردح ياللي بتفهمها وهي طايرة
ليه تسيبهم يلعبوا بدماغك
ده ثورتنا علي مر التاريخ اقل الثورات خسائر ده ثورتنا الوحيدة اللي كانت الدنيا جميلة وبرضوا في ثورة
يعني الثورة لها مكان لتجمع الثوار وباقي البلد عاااااادي
ثورتنا اللي اظهرت المعدن الطيب للمصريين
ماصدقنا ان رجع لنا هويتنا الصح
وانتوا يابتوع امن الدولة اطالب بسحب الجنسيه المصرية من الفاسدين منكم من هددوا امن البلد بكل الاشكال
ويقام عليكم حد الحرابه
وانتوا يابلطجيه وياباكين علي العهد الماضي
معقول بعد ماثبت كل هذا الفساد وطلع مبارك حرامي هو وعيلته وحاشيته بعد ده كله لسه بتصدقوا العصابه دي وتثقوا فيهم وتنفذوا كل اللي يطلبوه منكم مش الفلوس اللي باقيه الانضمام للشعب وارادته هو ده اللي باقي
احب اقولكم ان الحق ان شاء الله هيغلب الحقوا نفسكم وارجعوا واطالب لكم اعادة تاهيل نفسي علشان ترجوا مصريين شرفاء طيبين تاني
وياريت يامصريين تتحدوا

وياريت نرجع للعقل والمنطق
ومش هقول غير لك الله يامصر

وبهني االشعب التونسي علي حكم المحكمه بحل الحزب المشبوه
وعقبال عندنا ان شاء الله لما نحل الحزب المشبوه تبعنا
-------------
ملحوظة:واشنطن واللي يشدد لها تركن علي جنب مالكوووووش دعوة نقبض علي الجناة مانقبضش علي الجناة نولع في الجناة نولع في بعض مالكووووووووش دعوة احنا اخوات في قلب بعض ماتدخلوش بينا
احسن لكم ورحوا اتشطروا علي نفسكم وانتوا طلعتوا نايمين علي ودنكم
يابتوع العصايا من النص

حكومة مايطلبه الشعب

*بنقول مبروك للحكومة الجديدة اللي برضوا فيها ناس قديمة (يمكن فسوخة)
واول حكومة بناء علي طلب الجماهير
ياريت نهدي بقا ونتعاون معاها علشان نقدر نعدي بمصر لبر الامان
وياريت كل وزير يغير ويحول للتحقيق وكلاء الوزارة الفاسدين مش نغير وزرا ونبقي علي وكلاء الشر
وربنا يكون في عون وزير الداخليه وخصوصا في وسط اللعب اللي بيحصل في الشارع المصري
زي مهاجمة بصات المدارس ومش اي بصات دول بينقوا البصات الغاليه مخصوص
بالمناسبه ياريت المحافظين بالشلة اللي حواليهم يستقيلوا ويريحونا
--------------
*هو ياتري ياهل تري الباشمهندسين بتوع جامعة الدول العربيه ظروفهم ايه بالنسبه للي بيحصل في الشعب الليبي همه مستنين لما المجنون يخلص عليهم ويدخلوا زي البوليس في الافلام المصريه ولا ايه
ده حتي علي غير العادة لم يشجبوا وينددوا ويستنكروا حتي
حتي دي حرمونا منها ربنا مايقطع لهم عادة
والاخ سيف القذافي واخوته لما بيهلوا علينا كده في وسائل الاعلام يتكلموا ويدلوا بتصريحات واوامر وتحذيرات زي مايكونوا رئيس ليبيا ايه وضعهم ولا ليبيا دي تكيه وهمه وابوهم بيديروها
-------------
*الاخت مني الشازلي ماكانتش قد اللقاء بأول اخواني يتكلم مع الناس وبصراحه للتعرف علي فكر الجماعة وكالعادة تهتهت وغمضت عينيها وفتحتها كان ناقص تقول ماما وبابا
وطبعا كنا ننتظر حوار اعمق من كده مش نظام تحب تاكل ايه؟
الشعب كان عايز يطمن ويعرف الناس اللي فضلوا محظورين ودفعوا من رجالهم الكتير علشان يعارضوا الحكام
ناويين علي ايه
توقعت حوار قوي من جانب واحد وحصل
الغرور قتل مني الشازلي وده بداية السقوط
----------------
*الاخوة بتوع الطلبات الفئويه ياريت تهدوا ومش لازم مظاهرات ولا اعتصامات ماتعملوا ده في داخل المكان ماانتوا عارفين الاجراء اللي تخدوه ماتقدموا شكوي ارفعوا قضايا لكن شكلنا كده مش حلو
واللي اعرفه ان اذناب الحزب الوطني المنتشرين هنا وهناك همه اللي بيقوموا الناس وبيفهموهم ان ماعملتوش كده مش هتخدوا حاجه وهتتنسي طلبات
-------------------
*ومش هنسي برضوا مخاوفي عن موضوع امن ادولة ياريت نعرف ايه السبب ان الجيش يدخل الناس مكان المفروض انهم محتلينه ويدخلوا ويصوروا ويلعبوا في الورق وياخدوه ونرجع ننادي اللي معاه ورقة يرجعها
----------------
*ياريت اللي بيشوه في كل رموز مصر يهمد بقا شويه مش معقول عمالين تشوهوا رمز ورا رمز البردعي وحش وعميل وعمرو موسي قام فط يسلم علي عز ومش عارف مين عمل ايه
عيب اوي ولا المطلوب مايكنش عندنا رموز قوية ولا ايه
-----------------
*هو قالها كلمة لو مشيت هتحصل فوضي ولما اتكبس وماحصلش اعوانه عملوا لنا فوضي تليق علي زوق الشعب المصري
وتلهينا عن باقي الحاجات

ذهوووووووول + تحديث+ تحديث هاااااااااااااام

مش قلت لكم في حاجه غلط السماح للناس بالدخول جوه امن الدول في حاجه غلط

الملفات وسهولة الحصول عليها غلط

وملفات قديمه جداااااااا مطبوعه حديثا متسابه علي المكاتب والمفروض تكون في الارشيف ويكون شكلها قديم

المعلومات الغلط والمدسوسه للبلبله

واهوووووو

امن الدولة بيحرق مبني وزارة العدل

وزارة العدل بكل ملفاتها عايزين يحرقوها

حسبي الله ونعم الوكيل

عايزين يثبتوا ان المتنحي كان ساندنا

هو ياتحط رجلك علي رقبتنا

ياتمشي وتولع لنا البلد

هتروح من ربنا فين

هتروحوا من ربنا فين

====================

من اهم نتائج الثورة الجميلة ان تامر حسني اتخلع مع مبارك
يعني ربنا ريحنا من الاتنين في نفس واحد
:)))))
معلش ضحكه علي الماشي اصلي هطق ومش فاهمه موضوع امن الدولة
ولا موقف الجيش ولا فين المعتقلين
=============
http://www.facebook.com/home.php?sk=group_150308615029590#!/home.php?sk=group_१५०३०८६१५०२९५९०

ده لينك جروب المدونين علي الفيس
========
بعد اللي حصل النهارده في مقر امن الدولة في م نصر
انا من هنا بحذر من خفافيش الحزب الوطني
لابد من القبض عليهم او اضعف الايمان تتحدد اقامتهم وخصوصا الكوادر الرفيعة المستوي منهم
وماحدش يقول لي ماينفعش
البلد في حالة طوارئ يعني اسهل حاجه يتقبض علي المشتبه فيهم
الناس دي لو مااتقبضش عليها هتحصل كارثه كل شويه
واللي مش فهماه هو امن الدولة كان متساب يبرطع ليه لحد دلوقتي
ملحوظة :الاوراق المتسابه في امن الدولة بتحكي عن حاجات بتواريخ قديمة وفي نفس الوقت شكلها وحالتها كأنها لسه مطبوعه حااااااالا
اي حد عنده ورقة مطبوعه من كمبيوتر او حتي متصورة وشايلها من سنه يطلعها بعد مايقرا البوست ويشوف حالهتا عامله ازاي
والاوراق دي بتتكلم عن احداث من سنين ولسه بيضاء ناصعه ولا اللي مطبوعه ببرسيل
----الصورة دي للشباب وهمه بيفتشوا عربيات الزبالة اللي كانت بتعدي وبكثافه من امام المتظاهرين امام مقر امن الدولة ب م نصر
وللأسف اتهرب فيها ورق
-----

نقاط علي الماشي +تحديث هاااااام

http://www.facebook.com/home.php?sk=group_150308615029590#!/home.php?sk=group_150308615029590
=============================================
ده لينك جروب المدونين علي الفيس

الشاعر عمله علشان نتلم كلنا علي الفيس

اشمعنا احنا اذا كان الحكومة رجلها خدت علي الفيس

:)))))))

==========

الف مبروك علي استقالة شفيق

عقبال امن الدولة مايحصله وباقي الاخوة الزملاء من الوزراء الغير مرغوب فيهم

وباقي العصابه اللي مش عايزة تيأس وعايسه فسادا في البلاد

=====
اتمني ان مايكنش المجلس العسكري بهدوئه وعدم اسراعه في لم رؤوس الفساد قد تسبب ان الغيلان دي تكون هربت اموالها بأسماء اخري لها وزنها زي الامير طلال وغيره وحرقت اللي حرقته من اوراق وطمست حقائق وستفتها
واتمني ان غيلان امريكا واوروبا اللي عاملين نفسهم دول ديمقراطيه ونزيهه مايضربوش الفلوس دي في جيوبهم
اه طبعا اذا كان همه مصوا دمنا واحنا في بيوتنا وبلدانا يبقا هيدونا فلوس اصلا في بنوكهم وبلادهم
وهي كانت رجعت فلوس قبل كده عندهم فين فلوس العراق؟
بس ابشر الغيلان ان حسابهم في الدنيا والاخرة هيبقا عسير
========

عايزة اضحكم شوية

الست اللي بتشتغل عندي(ام محمد)

كنت بشوف اخبار ليبيا لاقيتها بتقولي الحوار الاتي

ام محمد: هي ليبيا دي فيها دكاترة ومهندسين ومدرسيي وكده(ومرسوم علي وشها الجديه السياسيه)

شمس: طبعا ياام محمد وناس متنورة وزيهم زينا بالظبط

ام محمد: طيب لما همه متعلمين كده سابوا ازاي الرجل الاهبله ده يحكومهم ويمشي كلامه عليهم

هو في ريس يركب توكتوك

:))))))

========

ياريت المذعيين المصريين مايقلدوش مذيعين الجزيرة في طريقة الالقاء

وطريقتنا القديمة جميلة ومحببه

الكل بيقلد مذيعين اذاعة لندن طيب دول كان اغلبهم انجليز وبيتكلموا لغه عربيه

فاطلع كلامهم كده يعني مش قاصدين

لكن العرب اللي بيتكلموا كده يبقا ليه بقا

اتكلموا عادي وبلاش تحسسوني انكم هتنطوا من علي الكرسي من كتر مابتشدوا علي الكلام والحروف

========

اتمني علي اتحاد الاذاعه والتليفزيون

ان الانتاج من هنا ورايح يكون علي مستوي فكر واخلاق الشعب المصري

اللي نزل كله ميدان التحرير

بلاش غسيل المخ

من هنا ورايح بلاش الهيافه والسطيحة

والهبل

اديكوا شفتوا الشعب المصري عامل ازاي

عايزن نوصل قيمة للناس

وبلاش مسلسات القصور والفخفخه

عايزين واقعيه ونحس بالناس بقا

وكليبات الخيال واللي بتحسسني انها كليبات مستورده

يعني لو سكت الصوت وشوفت الصورة بس هتحس انك بتتفرج علي كليب اجنبي

وكمان هابط

=====

الثورة المصريه في يناير دي ثورة شعب بحاله دعي لها الشباب والشعب كله طلع فيها من اول الطفل الي الكهل

وكل الطوائف وكل الاتجاهات

وفي موضه ان الشباب بيتباها انه نزل التحرير

واتجاه ان اللي نزل تحرير هو اللي وطني مصري والباقي لا

لا معلش

اللي مانزلش التحرير وقف تحت بيته يحرس اهل اللي في التحرير

ولو ماكنش كده كان اللي في التحرير رجع يحمي اهل بيته

وكان التحرير فضي وهي دي كانت الخطه علشان الناس ترجع

وعلي فكرة كان في اصحاب علشان الشارع اللي فيه صاحبه في التحرير الرجال فيه مش كتير كانوا بيرحوا يحرسوا بداله في منطقه غير منطقتهم

واللي كان علي النت بيشير الاخبار وبيحارب الناس اللي ضد الثورة علشان يفهمه اللي بيحصل برضوا ده شارك في الثورة

الثورة لسه ماخلصتش والادوار كتير ومكمله لبعض

بلاش الغرور وبلاش الفرقه والثورة دي سر نجاحها الاتحاد اللي حصل بين المصريين

========

وبالنسبه للداخليه ورجالتها اللي بيستهبلوا وبيعاقبوا الشعب ومش عايزين يرجعوا اماكنهم ويتحملوا المسؤليه

خليكم ماتنزلوش وزيدوا الطينه بله بالبلدي كده

وعايزة اعرف هو الشباب المصري مش فيه كانوا مجندين

وفيهم اللي بيلعب كراتيه وجودو وكنفو .......الخ

واغلبهم عامل بدي بيلدنج
ده غير ان الشاب المصري معروف بالجدعنه

مايعملوا جروب علي الفيس ويلموا بعض وينزلوا الشوارع والاماكن المحتاجه حراسه زي الجهاز المركزي للمحاسابت

زي الشباب اللي يفرح القلب اللي في المطار واللي في باقي الشوارع بينظم المرور

=====

وياريت خفافيش الظلام يهمدوا ويتهدوا

يعني فاهيم لما تحرقوا الاوراق مش هتتعرفوا

اتفضحتوا واللي كان كان

وربنا هيتمها علي خير

وهتتحطوا في السجن كلكم وتتحسروا علي مراكزكم وفلوسكم اللي جمعتوها في الحرام

وعندي اقتراح كده

ياريت نعمل لهم سجن مخصوص يليق بيهم

سجن رجال الاعمال

هندسيا زي بيوت العشوائيات اللي سابوها وغذوها علشان يحظلموا الناس ويسكنها بعض البلطجيه اللي بيستخدموهم وقت العوزه

يكون من غير سراير علشان يناموا في الارض زي مانيموا الناس في الارض

وياكلوا نفس الاكل اللي الفقراء كانوا بيكلوه

وياريت يكون من نفس النوعيه في الكم والكيف

وياريت نتوصي فيه بالهرمونات والمواد المسرطنه

ولو حد فيهم مرض نسيبه يومين تلاته كده علي نعالجه زي الفقراء اللي كانوا بيتذلوا علشان يتعالجوا

والميه ياريت ميه من المجاري زي ما الشعب كان بيشرب من المجاري

يعني من الاخر كده نعيشهم نفس العيشه بتاعات العشوائيات

القصاص والجزاء من نفس العمل

وقولوا يارب

ربنا يحميكي يامصر

خلطبيته ثورية

ان شاء الله هرد علي تعليقات البوست السابق ماشاء الله كلها تعليقات اثرت البوست فاعايزة ارد علي رواقه

بس عايزة اتكلم في كام حاجه كده

اولا:قعدت ابحث في كل ثورات الدنيا اللي طبعا ليها اسباب ونتائج

الا ثورتنا ليها اسباب والنتائج غريبة الشكل واللون

ثورة يعني مطالب ثوريه لازم تحقق علشان نقدر نقول الثورة نجحت

الثورات ليسها لها الا قانون واحد هو الثورة علي الحاضر اللي بمجرد قيامها بقا ماضي

لكن ثورتنا ماشاء الله الماضي حاضر معانا وبيطلع لنا لسانه

عدم الاسراع في تحقيق مطالب الثورة هيخلي الفيران تتصرف وتعمل لها جحور تانيه

حد يقولي كل ده مالقيوش حاجه علي صفوت الشريف ولا زكريا عزمي وسرور

همه فين دلوقتي الاخ الشريف اللي استفز المصريين وقعد يقول واقفين صامدين شامخين

والكل عارف ماضيه

حساه بيطلع لسانه للشهداء والجرحي والمصريين بيمارس شمخه بتهريب اللي بيقدر عليه وبيقطع الاوراق اللي تفضحه

ثانيا :اللي بيحصل دلوقتي من اعتصامات فئويه ومظاهرات مين اللي بيحركها

للأسف العناصر الفاسده اللي متسابه لحد دلوقتي علشان يتقال اهو ادي الثورة هتخرب البلد

موضوع عمال المحله ماكان خلص ورجعوا شغلهم لكن الخفافيش ماسكتتش بلعبه سخيفه خبيثه

اللي حصل ان العمال عملوا مظاهرات علي خفيف مع اعتصام جزئ مش كلي

مطالبين بعودة الاربع مهندسين اللي اتنقلوا نقل تعسفي 2008 بسبب احداث 6 ابريل

وتم حرمانهم من كل الحوافز والبدلات والعلوات

والاستناد الي حكم المحكمه بعودتهم مع دفع غرامه ماليه لهم قيمتها 7500

وكذلك شيل رئيس مجلس الادارة

وتم لقاء اللواء محمود حجازي وعرض الامر عليه

فأصدر قرار بعودتهم مستند لحكم المحكمه والعمال كانوا في منتهي السعاده وقرروا العودة

وعند دخولهم الي المصنع وجدوا منشور من الحاكم العسكري للمحلة

(المحلة لها حاكم عسكري من وقت احداث 6 ابريل ويرفضون دخول الشرطه)

بيقول ايه المنشور انه سينظر في عودتهم من عدمه

طبعا العمال اتجننوا واتهموا الجيش انه بيضحك عليهم

عملوا اعتصام ومظاهرات وتم نقل الخبر الي اللواء محمود حجازي

واطلاعه علي المنشور الصادر من الحاكم العسكري فااعطي وعد برجوعهم العمل فورا وعلي مسؤليته

وكذلك شيل رئيس مجلس الادارة

وتم كل ذلك فعلا والعمال في مصانهم والمهندسين رجعوا والمحله هديت

يبقا مين هنا اللي بيقوم الدنيا ومين اللي بيهدي الدنيا

كان المطلوب ان العمال تصعد وبدل مااضراب جزئ يبقا كلي

وتهيص المحلة لصالح مين الله اعلم شوفوا مين اللي له مصلحه والحدق يفهم

لمصلحة مين يشب حريق في الدور اللي تحت الدور اللي فيه كل اوراق الفساد في مجمع التحرير

مين له مصلحه يعني الثوار ولا الشعب

فتش عن السوس فتش عن اللي له مصلحة

اللعب بقا زيادة وعلي المكشوف

ثالتا: الفريق شفيق رجل عسكري يعني عنده كرامه وعزيت نفس شايف الدنيا هايصه والاغلبيه مش عيزاه

قاعد ليه ايه السبب

مايستقيل من نفسه ولو بيحب مصر ووطني مايخاف علي مصر ويلم الدور ولا كل واحد فاهم ان مافيش زيه

مصر كلها ناس كويسه وماشاء الله الكنوز البشريه ابتدت تظهر بعد ماكان الفساد دافنها بالحياة

الفساااااااااد لسه موجود انا بقول اهو

رؤوووس الفساد لسه موجوده حره طليقه وبتنخرب زي السوس

لازم يتقبض عليهم لازم البكره تكر والا كل اللي حصل ده راح

لو باقي المطالب ماتحققش

هننزل التحرير يوم الجمعة

خالينا رايحين جايين

المهم مايتسبش علي ارضك يامصر فاسد فاجر

====

شئ فرحني جدا كنت بجيب صديقه من المطار وانا داخله بالعربيه علشان اخدها هي والشنط لاقيت شباب بملابس مدنيه ومافيش غير واحد اواتنين شرطه

المهم الشباب واقف ينظم المرور امام البوابه وواحد منهم شال لنا الشنط وحطها في العربيه

وطلعت 5جنيه وبديهاله زعل جدا وقال لي انا مواطن مصري بساعد هنا في المطار لحد باقي الامن ماينزل تاني

انا مش شرطه علشان اخد منك فلوس

لما تلاقيني لابس بدله سوده ابقي اديني

هو ده شباب مصر وهي دي مصر

اظن دلوقتي عرفنا مين اللي بيخربها ومين اللي بيحافظ عليها ومين اللي بيعمرها

وان شاء الله هكتب بوست عن المشاريع التنمويه اللي بيعد لها شباب اللأتلاف

ومن المشاريع اللي مشتركه فيها مشروع الريسيكل

ومعانا مجموعه من الدكاتره

علي رأسهم

دكتور خالد طولان خبير الريسيكل

وهيكون في ندوة في ساقية الصاوي

وهكتب لكم الموعد للي يحب يحضر الندوة