الأحد، 6 مارس، 2011

ذهوووووووول + تحديث+ تحديث هاااااااااااااام

مش قلت لكم في حاجه غلط السماح للناس بالدخول جوه امن الدول في حاجه غلط
الملفات وسهولة الحصول عليها غلط
وملفات قديمه جداااااااا مطبوعه حديثا متسابه علي المكاتب والمفروض تكون في الارشيف ويكون شكلها قديم
المعلومات الغلط والمدسوسه للبلبله
واهوووووو
امن الدولة بيحرق مبني وزارة العدل
وزارة العدل بكل ملفاتها عايزين يحرقوها
حسبي الله ونعم الوكيل
عايزين يثبتوا ان المتنحي كان ساندنا
هو ياتحط رجلك علي رقبتنا
ياتمشي وتولع لنا البلد
هتروح من ربنا فين
هتروحوا من ربنا فين
====================
من اهم نتائج الثورة الجميلة ان تامر حسني اتخلع مع مبارك
يعني ربنا ريحنا من الاتنين في نفس واحد
:)))))
معلش ضحكه علي الماشي اصلي هطق ومش فاهمه موضوع امن الدولة
ولا موقف الجيش ولا فين المعتقلين
=============
http://www.facebook.com/home.php?sk=group_150308615029590#!/home.php?sk=group_१५०३०८६१५०२९५९०

ده لينك جروب المدونين علي الفيس
========
بعد اللي حصل النهارده في مقر امن الدولة في م نصر
انا من هنا بحذر من خفافيش الحزب الوطني
لابد من القبض عليهم او اضعف الايمان تتحدد اقامتهم وخصوصا الكوادر الرفيعة المستوي منهم
وماحدش يقول لي ماينفعش
البلد في حالة طوارئ يعني اسهل حاجه يتقبض علي المشتبه فيهم
الناس دي لو مااتقبضش عليها هتحصل كارثه كل شويه
واللي مش فهماه هو امن الدولة كان متساب يبرطع ليه لحد دلوقتي
ملحوظة :الاوراق المتسابه في امن الدولة بتحكي عن حاجات بتواريخ قديمة وفي نفس الوقت شكلها وحالتها كأنها لسه مطبوعه حااااااالا
اي حد عنده ورقة مطبوعه من كمبيوتر او حتي متصورة وشايلها من سنه يطلعها بعد مايقرا البوست ويشوف حالهتا عامله ازاي
والاوراق دي بتتكلم عن احداث من سنين ولسه بيضاء ناصعه ولا اللي مطبوعه ببرسيل
----الصورة دي للشباب وهمه بيفتشوا عربيات الزبالة اللي كانت بتعدي وبكثافه من امام المتظاهرين امام مقر امن الدولة ب م نصر
وللأسف اتهرب فيها ورق
-----

هناك 34 تعليقًا:

sony2000 يقول...

ربنا يستر بجد
يارب
احمي مصر
دا اللي اقدر اقولوا دلوقتي

شمس النهار يقول...

* sony2000

ماتخافيش ربنا معانا وهو الحكم العدل

وصدقيني ربنا سبب الاسباب علشان الثورة دي تقوم
وكل ده يحصل

وان شاء الله بكره احلي واحلي

مصري جدا يقول...

ولسا

على قدر ما كان يحكم من..............

هنشوف العجب

خدي بالك أحنا لسا عالبر

MR.PRESIDENT يقول...

اللهم أمين يا شموسه .
آن الأوان
للحق والعرفان
والثورة فعلا هبه
بفضل الرحمن

elsha3er يقول...

يارب استرها أما بقى جهاز أمن الدولة كان متساب لية لحد دلوقتى السؤال دة يرد علية الفريق\شفيق اللى كان بيتفزع لما كان حد يقوله حل جهاز أمن الدولة وينط لو حد جاب سيرتها ولا كأنه اكل شطة وطبعا وزير الداخلية وجدى اللى كان كل دة بيحصل وهو يطلع فى التلفزيون دى اشاعات ولاحد يصدق حاجة الناس تقول ضرب نار وهو يقول ابدا
أحنا عندنا فى اسكندرية لما حصل كدة بعديها بربع ساعة دخلت بلطجية على المحال التجارية فى الغرفة التجارية بالمنشية ومنظمين جدا وكانت معجنة وكأن ما كفهمش 30 سنة دمار لسة بيكملوا حسبى الله ونعم الوكيل
انا والله كنت دايما أمى تقولى يا أبنى بلاش اللى بتكتبه دة واقفل الصفحة اللى انت بتكتب فيها دى عشان أمن الدولة احنا مش حمل انهم يكسروا الباب ويخدوك مننا ومش حنعرف نجيبك وكنت بقعد اقولها مش للدرجادى ومش مصدق كلامها لما شفت السجون اللى تحت الارض وملفات لتصفية ناس والله جالى زهول الناس دى مافيش ربنا خالص اية كفرة يعنى ودول ناس ياما قوى مافهمش حد فكر مرة واحدة بس فى ربنا

سجل .. أنا مصرى يقول...

المفروض من أول ما الثورة نجحت كان اتجمد الجهاز بس المهم ان لولا استمرار الثوار كان زمان أمن الدولة اتفرعن أكتر وأكتر وإحتمال كان سيطر على البلد

علشان ميجيش حد ويقول الكلمتين اللى ملهمش لازمة بتوع ما كفاية بقى ونحمد ربنا والهبل ده

م/محمود فوزى يقول...

معاكي حق فى انه مش كل ورقه تطلع من جوة تكون الحقيقه المطلقه
لازم ندرس كل ورقه الاول
وخاصه اذا كانت هدفها الفتنه
اما الاوراق الحقيقيه والتى تدل على الفساد والاجرام فدى نتعامل معاها كدليل ادانه

اتفق معاكي تماما في السيطره التامه على امن الدوله ومحاكمتهم

ربنا ينتقم منهم

شمس النهار يقول...

* مصري جدا

فعلا احنا لسه علي البر
ولو تلاحظ حضرتك ان يوم عن يوم رغم كل التدليس اللي حصل بس بنكتشف حاجات كتير جدا

شمس النهار يقول...

* MR.PRESIDENT

اللي حصل في مصر

ربنا اراد بيه خير لمصر

علشان يتحط حد لكل الهلس ده

شمس النهار يقول...

* elsha3er

:))
مش انا وعدتك اني كنت هجيب لك العيش والحلاوة

شوف ياسيدي همه كان نظريتهم ان احمد بيشتم مبارك في مدونته ماتسيبه يشتم علشان يتقال في حرية
لكن لو كلامه وشتيمته دي هتتقلب افعال هنا بقا لأ لازم يتجرجر علي امن الدولة يعلموه مايغلطش

شمس النهار يقول...

* سجل .. أنا مصرى

هو ده اللي كان المفروض يحصل

ان يتقبض علي الكل تحت بند حالة الطوارئ
واللي يطلع براءه يخرج

لكن اللي حاصل انا مش لاقيه له تفسير
ماكان الجيش اقتحم امن الدولة من الاول وخلصنا
ليه ساب الناس هي اللي تدخل
وبعد مادخلوا طلعهم
الموضوع ده انا مش فهماه

شمس النهار يقول...

* م/محمود فوزى

الورق اللي طالع من جوه ماعليهوش اي ختم ولا امضي حتي وورق زي اللي لسه مطبوع دلوقتي

كمان المعلومات غريبه والاغرب ان الورق اغلبه بيتكلم عن حاجات قديمة يعني المفروض يبقا في الارشيف مش في الادراج وعلي المكاتب زي ماقال اللي دخلوا

وزي مابيقول سجل انا مصري اهو اللي حصل مش هيخلي اللي جاي يتفرعن

وادينا بنشوف

شيرين سامي يقول...

تصدقي بالله أنا كنت متأكده ان كتير من الوثائق اللي بتتنشر على النت ديكذب في كذب و في حاجات للتشفي و حاجات لهز الثقه في ناس ممن يدعموا الثوره دي حتى وصلت للمفتي!
ربنا يستر
تحياتي لحضرتك

شمس النهار يقول...

* شيرين سامي

اغلب الاوراق المنشورة علي النت لا عليها ختم ولا امضاء

وتحسي انها موجهه علي ناس بعينها
يعني اشمعني يتلاقي ورق علي مجدي الجلاد وعمرو الليثي
طيب من باب اولي نلاقي لعمرو اديب

هي الفوضي كده
ولسه مستغربه من موقف الجيش

ماجد القاضي يقول...

السلام عليكم

مؤيدك تماما في ضرورة القبض على كل الرؤوس بضربة واحدة... لئلا يقوموا بأية حماقة بعد أن شعروا أنه (يا روح ما بعدك روح)!!!!! خاصة بعد كل الكوارث التي انكشفت أمام غير المصدقين حتى الآن والتي يندى لها الجبين...

ولعل في هذا دليل للمخدوعين في وزارة شفيق رحمها الله....!! فكل الفئران خرجت من الجحور عندما تأكدت أن الوزارة التي كانت تحميها (أو على الأقل كانت غير قادرة عليها) قد زالت!!!!!!

اللهم فهم غير الفاهمين.. ووعي الجاهلين.. وأزل الغشاوة عن أعين الذين لا يبصرون أو الذين لا يريدون أن يبصروا!!!!!!!

تحياتي أختي الكريمة.

دعاء العطار يقول...

جهاز أمن الدوله كان لازم يتحل من زمااان

ان شاء الله مصر هتبقى احللللللى

(:

طالبة مقهورة ..درجة أولى يقول...

لا حول ولا قوة الا بالله
يعني المفروض نعمل ايه تاني
كل ده فساد كان موجود؟؟
كل ديه بلااااااااااوي سكتنا عليها

ديه حرقة دم رسمي فعلا
هنكمل للآخر الثورة ديه لحد ما كل الكبار يقعوا والصغيرين يسيبوا البلد..
ربنا ينتقم منهم

تخاريف مترجــِــمة يقول...

ياربي سبحانك

كل ده فساااااااد

!!

كل دولا مصريين فاسدين


حسبنا الله ونعم الوكيل

يارب احمي لنا مصر يارب

!!!!!!!!!!!!!!

وردشان smilyrose يقول...

ربنا يستر ويرحمنا وتعدى الفترة دى على خير وتمر بلدنا الحبيبه الازمه دى ومش هتنهز ابدا مهما عملوا يحرقوا يسرقو يقطعو برده كل ظالم هيتحاسب لان بلدنا زى ما المفسدين فيها عاشوا بالطول والعرض الخيرين هيصلحو ويعمرو ويحاسبوا كل مفسد وظالم وربنا معانا يارب
وحشتينى جدا وربنا عالم قد ايه انتى وحشانى

حلم بيعافر يقول...

ان شااااااااء الله خييييييييييييير
والخير هيبدا بمحاكمة جميع المجرمين

mrmr يقول...

بجد انا بحاول افهم

ربنا يستر

اعقل مجنونه يقول...

اللى بيحصل دلوقتى فوق مستوى الخيال ، انا حسه انتى مش فهمه حاجه خاااااااااالص ، بجد فى حلقه مفقوده فى الموضوع ، ربنا يستر

شريف صابر يقول...

ربنا يسترها بجد علينا
ونمر من عنق الزجاجه بقى ونخلص من الهم ده
اتمنى قريبا الافراج عن المعتقلين السياسين
والامور تهدى باذن الله
تحياتى ليكى

الازهرى يقول...

لا ولسه
الأيام الجاية هتوضح كتير من ألاعيبهم

بس ربنا يستر ونقدر على اللى جاى
دول بقوا زى الوحش المجروش اللى اتهد عرينه
يعنى فى قمة شراسته

لازم الكل ياخد باله

تحياتى دوما

شمس النهار يقول...

* ماجد القاضي

وعليكم السلام ورحمة الله وبركاته

صح هو ده اللي حصل اول شافيق مامشي وهو احد رموز العهد القديم
ظهر الناس دي بشجل فج

وبينتقموا منا علشان المفروض نعيش بدون كرامه

شمس النهار يقول...

* دعاء العطار

فعلا ده كان المفروض يحصل بس سياسة السلحفاء والتهديه والتنويم
ادتهم فرصوا يتوحشوا

شمس النهار يقول...

* طالبة مقهورة ..درجة أولى

الغريب ان الفساد من جبروته
بيحارب الشعب
بيضربونا بعض

شمس النهار يقول...

* تخاريف مترجــِــمة

ايوة واكتر

والمشكلة فعلا انهم مصريين

ساعات بحس اني في كابوس
ربنا يسلم

شمس النهار يقول...

* وردشان smilyrose

يانهار ابيض

ورد شان عندنا يامرحبا يامرحبا

حمد الله علي السلامة

ازيك يارب تكوني بخير وحشتيني يابنتي جداااااا

شمس النهار يقول...

* حلم بيعافر

عندي امل في الله

ربنا مش هيسبهم
والشعب خلاص ماعدش يسكت ولا يضحك عليه

شمس النهار يقول...

* mrmr

شوفي يامرم بكره كله هيبان
زي ماعرفنا مراكز القوي واتخدوا اخد عزيز مقتدر دول برضوا
ربنا مش هيسبهم

شمس النهار يقول...

* اعقل مجنونه

الله ينور عليكي
في حلقة مفقوده في الموضوع

دماغي من اول امبارح هطق نفسي اعرف الحلقة المفقوده دي

شمس النهار يقول...

* شريف صابر

الحق بينتصر دايما

وربنا بيقف مع الحق

والمعقلين بيفرج عنهم واحدة واحدة
او بمعني اصح اللي بيلاقوه

شمس النهار يقول...

* الازهرى

عندك حق

هيبان

بس ايه الجباروت ده

تصدق مش مصدقه نفسي
ولا اللي بيحصل
مين اللي بينتقم من شعب بحاله علشان قال لالالالالالالالالالا
ربنا ينصرنا عليهم