الجمعة، 15 أبريل 2011


صباح الخير علي اهل بلدي والمجتمع والناس
اوووووووول جمعة من 25 يناير مايبقاش في مليونيه
الحمد لله خلصنا علي النظام اللهم صلي علي النبي
الريس بحكومته برئيس ديوانه بمجلسي الشعب والشوري
وسبحان الله كمال الشازلي نفد بجلده

ونستخلص من كل ده ايه اننا كنا شعب نايم علي ودانه
ولي رجاء عند رئيس الوزراء
بمااننا لاغينا محافظة اكتوبر ورجعنا حلوان للقاهرة
يتم جميله بقا ويلغي محافظة المنوفيه

:))
وده اجراء احترازي علشان المحافظة ماتبعتلناش رؤساء تاني
بجد المحافظة دي تعبتنا كتير
:))
بالمناسبة حد له تعليق علي حركة المحافظين !!؟؟
التوليفة غريبة صح؟
وصباح الحرية اللي بينادي في كل شارع في بلادي
وياجمعة الحرية


هناك 37 تعليقًا:

غير معرف يقول...

تفتكري أن كمال الشاذلي فعلا نفد؟؟

ما أظنش

دعاء العطار يقول...

أحلى صباح على أحلى بلد وأحلى شعب فى الدنيا

الحمد لله انى مش من المنوفيه D: :D

الواحد حاسسس كده انه تخلص من كل الكراااااكيب اللى فى بلده

فتحسى ان البلد وسعت ونضفت

دمتى بكل خير ياارب وادام الله لنا فرحتنا (: (:

كلمات من نور يقول...

الجمعة جامعة وملائكتها سامعة وعملها مرفوع ودعاؤها مسموع ...اسأل الله تعالى أن يتقبل عملنا و يغفر ذنوبنا ويشملنا بعفوه ورحمته وينعم علينا بجوده وكرمه وجناته...قولوا آمين

أنا - الريس يقول...

هه رد مصري جدا عجبني .

بس هو نفد في الدنيا يا مصري

اللي مزعلني فيه ناس عواجيز صعبان عليهم مبارك وصعبان عليهم عزيز قوم ذل

بس لو كان واحد منهم مات حفيده أو ابنه في عبارة أو في ليبيا أو حتي علي السرير بمرض يمكن كان قلبه بقي طبيعي .

انا رأيي أصلا إننا نهجر بتوع المنوفية ونخليهم يعمروا سينا :)

لا فيه ناس منوفين جدعان .. لكن حظنا وقع في الواطيين .

صباحك قشطة يا شموسة .

Unknown يقول...

كمال الشاذلى يمكن
نفذ من حساب الدنيا
باق له حساب الأخرة والله
أعلم بما فيه وبأهواله!!
المهم صباح الفل ياشموووسة

سواح في ملك اللــــــــــــــــــه- يقول...

صباح العدل والانصاف
بس بلاش اقتراح الغاء محافظة المنوفية
احسن تتقلب محافظة محظورة
علي غرار الجماعة المحظورة سابقا
تحيتي

MǿиY El-Shreef يقول...

ياصباح الجمال يا شموسه :)))

الحمدلله ربنا يكفينا بقى شر الفئويات دلوقتي

وبالنسبه للمنوفيه ههههههههههههههههههههه

اعملي صفحه ع الفيس وبضغط الشعب هتتلغي المنوفيه :D:D:D

^^.

لــــ زهــــــراء ــــولا يقول...

ست الكل شمس الشمووووووووس

كمال الشاذلى ذهب الى من لا يغفل ولا ينام ولا تتاخر محاسبته او اسئلة النيابه او القضاء عنده ذهب الى الواحد الاحد

ربنا يجعل كل ايامك خير وهنا وفرح وسعاده
كنت عاوزه اقول حاجه كمان بس نسيت " وش مكسوووف من نفسه "


زهراء

لــــ زهــــــراء ــــولا يقول...

اه افتكرت ليا اصحاب من المنوفيه بصراحه ناس جدعه اوى اوى وكنت فاكره ان الهل المنوفيه فيهم نوع من البخل بالعكس اكتشفت مدى كرمهم واصلهم الجميل الطيب

زهراء

Mahmoud Ahmed يقول...

هو فعلا زلام المنوفيه دي تتلغي خالص هههههههههههههههه

و اخيرا جمعه من غير مظاهرات ^_^

ذو الوجه المبتسم يقول...

صباح الخير
جميلة الاغنية والاجمل اختيارك لها

الحمد لله ان كل يوم الصبح بنلاقي شمس يوم جديد ومنورة على ارض مصر

لسة فيه انوار لشموس كتير هتطلع كل يوم على ارض مصر كل ما نتخلص من ظلم ظالم
على فكرة لسة فيه مستخبي كتير
وزى ما الكل قال قبل كده
ان الله لا يغير ما بقوم حتى يغيرو ما بانفسهم
وان شاء الله متفائل خير

بخصوص المحافظيين والمحافظات اعتقد اللى حصل ده افضل ولسة ممكن كمان ممكن نضم بعض المحافظات لاخرى
على الاقل نحس بالوحدة والمشاركة اكتر

ربنا يبارك في مصر وابنائها

ذو القلب المبتسم

همس الاحباب يقول...

صباح الحرية والعدالة الاجتماعية
صباح الحساب لكل ظالم
صباح البهدلة لكل طاغية وظالم
صباح اللى بتغنى هههه
هى سعادة لا توصف لا شماتة بانهم جميعا شرفوا فى سجن المزرعة مع انى نفسى يكونوا فى ابو زعبل او وداى النطرون علشان يحسوا بطعم السجن صح
ههههههه
ولما يلغوا المنوفية مين يطلع عينا هههههه
وبعدين نص المدونين ينتمون لاهل المنوفية وكده يزعلوا مننا ههههه
تحياتى

SHAPE YOUR LIFE (ABOALI) يقول...

اولا كمال الشاذلى لم ينفذ
نسأل الله له الرحمة والغفران
اما عن المنوفية
والله ضحكت اجمل ضحكة لما قراءت
هو منطق برضوا

حركة المحافظين
للاسف تمسكت باصحاب الاعمار الكبرى من الوطن
ولعلها تكون فترة انتقالية يا مسهل

وربنا يضمنا على بعض
ولا تكون هناك ثورات اخرى
الا ثورة صحوة الضمائر والاعتزاز بالاديان والتعاملات الصحيحة

كل التقدير لانسان قدير

حمدى جعوان يقول...

مساااااء الخير يا"شمس النهار"

زى ما قولتى الحمد لله خلصنا علي النظام اللهم صلي علي النبي
الريس بحكومته برئيس ديوانه بمجلسي الشعب والشوري بسلطاته ب ببا غنوجه " على راى عمرو اديب "
بس بلاش نلغي المنوفيه فيها ناس طيبه برضه وبعدين كانوا مشاركين فى الثورة وتبرءوا من مبارك وال مبارك

وان شاء الله جمعه ورا جمعة مصر احسن

rack-yourminds يقول...

حلو حكاية نلغي محافظ المنوفيه
________

ان شاء الله هذا عصر النهضه والرياده لمصر

Unknown يقول...

السلام عليكم

مصرة إنتي دايما ترجعينا أيام الابيض والاسود لما كان الناس رايقااااااا.. أو على القل ده اللي كنا بنشوفه في الأفلام القديمة!!

ربنا يديم سعادتك..
أنا صراحة لم أتعرف بعد على كل المحافظين، وأعتقد حتى لو عرفت الأسماء لن تتكون لدي صورة معينة لأني أكيد لا أعرف معظمهم!!! لكني واثق في حكومة شرف..

ما طالني فقط من التغييرات أني نمت وبيتي في محافظة 6 أكتوبر.. صحيت لا قيته في محافظة الجيزة!!!! :)

تحياتي أختي الكريمة.. في انتظار تاجك.
..............
على فكرة: عجبتني إجابة (مصري جدا).

غير معرف يقول...

اتمنى كل مطالبنا تتحقق من غير مليونيات... الدنيا حر بصراحه :))

ربنا يسهل بقا :)

شمس النهار يقول...

*مصري جدا

نفد من الفضيحة له ولعائلته

موضوع ان الناس دي يتقبض عليها مش موضوع المحاكمة وبس
لا ده فضيحه ليهم ولأهلهم وخزي وعار
ده غير الكسرة يعني واحد زي الشريف ده من بعد ماكانوا بيبوسوا ايده
قاعد في زنزانة في السجن
من بعد الحمام اللي بالجاكوزي وطوبة فضة وطوبة دهب بقا جردل
لكن مش هينفد من عقاب ربنا الشازلي اللي حاكمه الحكم العدل
اااااااااااايه دنيااااااااا

شمس النهار يقول...

* دعاء العطار

تعبيرك عجبني جدا يادودو
فعلا تخلصنا من الكراكيب فعلا

وان شاء الله البلد هتنضف اكتر وعلي راي فاتيما هنستخدم رابسو كتير

:))

شمس النهار يقول...

* كلمات من نور

نقول ياجميلة
آآآآآآآآآمين
صباح الهنا

شمس النهار يقول...

* MR.PRESIDENT

الناس الكبيرة اخدت علي الادب الجم
ومش مستوعبين اللي بيحصل ولاان مبارك وحاشيتة اتسجنوا
بيني وبينك اغلبنا مش مستوعب
وهو انا جيت جمب المنايفة انا هلغي المحافظة بس
:)))))
ماتوقعناش في الغلط ياريس
ده احنا ليهم معانا نسب
شوف بقا لما الصعايدة يناسبوا المنايفة السلاله يبقا شكلها ايه
:))))

شمس النهار يقول...

* norahaty
صباح الهنا يادكتورة

بس حساب الدنيا معاه فضيحة

منورة البلوجر

شمس النهار يقول...

* سواح في ملك الله

:))))))))))))
ضحكتني فعلا ياسواح
صح هتبقا محظورة صحيح

:))))

شمس النهار يقول...

* MǿиY El-Shreef

صباح الهنا ياموني

لا ياستي مش هعمل صفحة

انا هلغي المحافظة بس وهضمها علي محافظة الشرقية

:))))))

شمس النهار يقول...

* لـــولا وزهـــراء

يااااصباح الفل يازهراء

الشازلي نفد من الفضيحة له وللعيلة بتاعته

وحد جاب سيرة المنايفة
انا عايزة بس اوقف توريد الؤساء

:)))))

شمس النهار يقول...

* سبايدرمان

:)))))
مش كده ونبي ونضمها لمحافظة الشرقية

او لطره لاند حيث اغلب النزلاء من المنوفية

شمس النهار يقول...

* ذو الوجه المبتسم

صباح الخير علي الناس اللي مابتجيش البلوجر

ان شاء الله بكرة هيبقا اجمل

وموضوع المحافظين التوليفة غريبة
واسامي مش معروفه للعامة
يعني شبه وجوه جديدة

شمس النهار يقول...

* همس الاحباب

صباح الورد

ماتركبنيش الغلط ياابو همس
:))))))))
انا ماجتش جنب المنايفة
دول اجدع ناس
انا هلغي المحافظة بس

:)))))))))

شمس النهار يقول...

* SHAPE YOUR LIFE (ABOALI)

:))
كمال الشازلي نفد من الفضيحة ليه ولأعائلته

اما المنوفية انا هلغي المحافظة او نغير اسمها
:))
اما المحافظين وجوه جديدة لم يألأفهم العامة
ولا حتي علي مستوي محافظاتهم

وان شاء الله نحاول مننا فينا تكون ثورة الضمائر 100 مليونية مش مليونية

شمس النهار يقول...

* حمدى جعوان

:)))))))))
اهل المنوفية دول علي راسنا من فوق

خلاص بلاش نلغي المحافظة بناء علي طلب الجماهير
نغير اسمها بس

:))))))))

شمس النهار يقول...

*rack-yourminds

لا خلاص مش هنلغيها
هنغير الاسم بس

بناء علي طلب الجماهير

انا صعيدية علي تركية
بس مش دكتاتورية

:)))))

شمس النهار يقول...

* ماجد القاضي
هو في اجمل من الفن ايام الابيض والاسود واغاني الابيض والاسود
:))
انا برضه عندي ثقة في شرف وحكومته الا بعض الوزراء الباقين من ايام اللامبارك

والمحافظين كلهم وجوه جديدة

:))
كده مرتين مرة الناس صحيت لقت نفسهم محافظة
وناموا شوية كمان صحيوا لاقوا نفسهم رجعوا تاني
:))))))))
المهم انكم مش تبع المنوفية
:)))

شمس النهار يقول...

*فتاه من الصعيد

لا خلاص ياجميلة مليونية ايه بقا ماخلاص

انا ست كبيرة مش حمل مليونية

والحر بيتعبني
ده انا شاكرة لله ان الثورة كانت في الشتاء

:)))))

Malooka Yousef يقول...

ربنا يهدى بس ومتكونش مرة كده بس ونرجع تانى يبقى فى مليونية
بس اشمعنى محافظة المنوفية اللى عاوزها تتلغى

شمس النهار يقول...

*Malooka Yousef

:))
اجراء احترازي علشان ماتبعتلناش رؤساء تاني

:))))

الاحلام يقول...

الكل جاى والكل هياخد عقابه وكلنا هنعيش حياه طبيعيه جميله وممتعه تحياتى لقلمك المتالق دائما
تقبلى تحياتى الاحــــــلام

غير معرف يقول...

السلام عليكم و رحمة الله و بركاته كيف حال الاخوة المدونيين لي الشرف أن أدعوى سيادتكم الموقرة لزيارة مدونتي و التفاعل فيها و اعطائي رأيكم في مدونتي

تقبلو سلامي و تحياتي