يامثبت العقل والدين يارب يعني مدير الاستاد عمل محضر بأقتحام البلطجيه قبل المباراة ب6ساعات
وماحدش اتحرك؟؟؟؟؟
لا كده بقا في مليون انه والمفروض ان الحكايه ماتعديش علي خير
ده كده مش ماتش كورة عايزين يبوظوه
دي سمعة مصر وناس عايزة تخرب وتنتقم وخلاص
======
ماتش النهاردة واللي حصل فيه
لايمكن هنصدق ان دول شباب الثورة اللي اعتصموا في التحرير وكانوا قمة التحضر والرقي
للدرجة دي العصابه هتموت نفسها علي الانتقام
المطلوب ان مصر وتونس يقعوا في بعض
ويتقال ادي مصر وتونس الثوار وقعوا في بعض
ده طبعا بعد ما التوانسه يضربوا المصريين اللي عندهم
اللي داخلين هربانين من ليبيا
ويطردوهم
وبكده يبقا شباب الثورة طلعوا مجرمين وبلطجيه في البلدين
لعبة خسيسه وهبلة وقديمة ومش هتنطلي علي عيل صغير
وشكر خاااااص للشرطة المصرية اللي عايزة صلح مع الشعب
مش عارفة بأمارت ايه
بلطجيه في الملعب بشوم وسنج ومطاوي
طيب واخرتها ياشرطة ماهو مصر مش هترجع لما قبل 25 يناير تاني
فاياريت تلموا الدور بقا وكفاية كده
عيب شكلنا بقا وحش قصاد العالم
ولا هو لوي دراع
وعايزنا نغني لكم
ده احنا من غيرك ولا حاجه وناقصنا كام مليون حاجه
وبقول للبلطجيه المصريين
حسبي الله ونعم الوكيل فيكم
بكره لما تخلص الفلوس اللي اخدتوها وتفقوا مش هتلاقوا لكم عيش بينا
واللي اتوعد ان ملفه يتشال ولا كأنه كان مجرم ولا حاجه
هيضحك عليه وهيضحوا بيه كمان
ماتش النهاردة واللي حصل فيه
لايمكن هنصدق ان دول شباب الثورة اللي اعتصموا في التحرير وكانوا قمة التحضر والرقي
للدرجة دي العصابه هتموت نفسها علي الانتقام
المطلوب ان مصر وتونس يقعوا في بعض
ويتقال ادي مصر وتونس الثوار وقعوا في بعض
ده طبعا بعد ما التوانسه يضربوا المصريين اللي عندهم
اللي داخلين هربانين من ليبيا
ويطردوهم
وبكده يبقا شباب الثورة طلعوا مجرمين وبلطجيه في البلدين
لعبة خسيسه وهبلة وقديمة ومش هتنطلي علي عيل صغير
وشكر خاااااص للشرطة المصرية اللي عايزة صلح مع الشعب
مش عارفة بأمارت ايه
بلطجيه في الملعب بشوم وسنج ومطاوي
طيب واخرتها ياشرطة ماهو مصر مش هترجع لما قبل 25 يناير تاني
فاياريت تلموا الدور بقا وكفاية كده
عيب شكلنا بقا وحش قصاد العالم
ولا هو لوي دراع
وعايزنا نغني لكم
ده احنا من غيرك ولا حاجه وناقصنا كام مليون حاجه
وبقول للبلطجيه المصريين
حسبي الله ونعم الوكيل فيكم
بكره لما تخلص الفلوس اللي اخدتوها وتفقوا مش هتلاقوا لكم عيش بينا
واللي اتوعد ان ملفه يتشال ولا كأنه كان مجرم ولا حاجه
هيضحك عليه وهيضحوا بيه كمان
هناك 39 تعليقًا:
حاجة تضايق
خلوا شكلنا وحش
مساء الورد
اولا احب اقول ان مش دول شباب الثوره
دول تبع الحزب الوطنى الفاسد اللى
عايز يشوه صوره ثورتنا الجميل
وبكره الحقيقه هتظر
تحياتى
مشكلة البلوجر انه مفيهوش ...LIKE ... زى الفايس بووك ... ومشكلة الفايس بووك ... انه مفيهوش امكانيات البلوجر وكمان متحسيش معاه بالآلفة زى البلوجر ... انما انا شايف ان ف المستقبل ممكن الفايس بووك والبلوجر يبقوا أيد واحدة ... !
أهو انا كنت عايز أعمل LIKE للتدوينة وأعتمد ... وأعمل صفحة زى بتاعت كلنا خالد سعيد ... واسميها ... كلنا أتنصب علينا ...ع الفايس بووك ... !
هههههههههه
مساء الفل يا هندزة
*سواح في ملك الله
وهو ده المطلوب اللي مش قادرة استوعبه لحد دلوقتي
يعني ايه مصري يشتري مصري تاني
علشان يخرب او يبلطج او يخلني شكلنا كده
ماهو البلطجي مصري واللي اشتراه مصري برضوا
؟؟؟؟؟؟؟؟؟
* شريف صابر
صباح الورد
عارفة ومتأكده ان مش دول شباب الثورة
ولا مشجعي الزمالك
لكن في النهاية مصريين
ازاي علشان الفلوس والوعود البراقه الكدابة يعملوا كده
لازم التحقيق يجيبهم ولازم العقاب يكون رادع وعبرة لأمثالهم
*ENG./ELSAYED,PMP
الفرق بين البلوجر والفيس
هو نفس الفرق بين الاكله البيتي المسبكة المعتمدة رسميا من ست البيت الشاطرة
والاكل التيكاواااي المتلصق اللي في الاوام اوام
يشبع بس مايفدش ولا يعلم وان برد مايتسخنش
:))
وممكن لو عجباك التدوينة تكتب التدوينة جميلة التدوينة عجباني انا بعمل كده لما بتعجبني تدوينة عند حد ومابيبقاش ليه عليها تعليق
بس مين نصب عليك في الفيس
والا علي اعتبار انه بيسرق الوقت علي الفاضي
وياتري انضميت لجروب المدونين ولا لأ
مساء الفل
:))
الجو عندي
مطر جامد ورد وبرق
وانا بدعي
يارب حلها من عندك
يارب
عااار علينا برغم انهم لا ينتموا لا لشعب مصر ولا لثورة مصر
* sony2000
عندي نفس الشئ مطر جامد بس مش برد
البرد عندي انا من الانفلونزا
ان شاء الله ربنا هيحلها بس احنا نعمل اللي علينا ونخلص في العمل
وكل دول هيتجابوا ويتحاكموا ان شاء الله تعالي
* حمدى جعوان
دول لازم يتحكموا بتهمة خيان الوطن
اللي كانوا في الاستاد قالوا ان الابواب اتفتحت للناس دي قبل المباره ماتخلص بخمس دقائق
واشمعنا الماتش ده
ماكان في ماتش تاني بعد الثورة وماحصلش حاجه
ومشجعي الزمالك قالوا مش احنا
ان شاء الله ربنا هيظهر الحق
بالنسبة للموضوع دا
الحقيقة بكره تبان
فلول النظام السابق يجب محاكمتهم بدلا من أن يفسدوا الدنيا
بدليل صوت المخرج وهو يحمس المذيع على شباب الثورة
وجود شخص يشتم فى الثورة على الهواء على قناة مودرن سبورت وتخصيص فناة سمعية له (مدبرة 100%)
وجود معظم شباب الجماهير فى المدرجات ولم ينزلوا الى الاستاد
وان حاولت الجماهير افساد المبارة بحجة ان الحكم ظالم فهى لن تخرب ستنزل الى الاستاد ولن تخرب كما حدث
وحسبنا الله ونعم الوكيل
بالنسبة للموضوع السابق
تمام يا فندم منا قولت
انا اللى حاسس بتغيير بالنسبة لحياتى انا :) او المحيط اللى انا ساكن فيه بالأمارة الموضوع دا
نسيم الحرية فى هواء جامعة المنصورة !
وفعلا الثورات بتصنع تغيرات جذرية
وقلت فى تعليقى برده ان هناك مماطلة فى محاكمات الفاسدين السابقين. :D
مفيش اختلاف فى النقطة دى
اما بالنسبة لموضوع التعديلات الدستورية
حضرتك ذكرتى "بدليل الاعلام المصري واللي عملوا في الاستفتاء الغريب المريب اللي طلع بنعم"
اللى انا فهمته ان اللى حرض على نعم هو الإعلام...على الرغم اللى انا اعرفه ان وسائل الإعلام كان معظمها اتجاه ترجيح كفة لا..!
وهو فكرة التعديلات الدستورية
انا كان رأييى ان الجيش يطلع ويعمل الاعلان الدستورى بدون حكاية الاستفتاءات الدستورية اللى وجعت دماغ الشعب المصرى كله بدون اى داعى
ولكن انا اجدها عبارة عن أفيون شعوب او مجرد خطة للإلهاء بعيد عن شىء معين لا أعلم ما هو؟!
وربنا يوفقنا لما فيه الخير والفلاح
وحضرتك والله انا مبتخانقش ولا حاجة :D
بالعكس انا متقبل جدا للرأى الاخر وأسعى لتحقيق الرأى الاخر ان كان افضل من رأييى
وفى كل حياتى اتخذ مبدا المشورة حتى فى ابسط الامور على الرغم من وجود حلول فى عقلى ولكنى أسأل فقد أجد أراء أفضل وحلول افضل وأكتسب خبرات أكثر..
تحياتى
تحية طيبة...
ادراج قيم وذو معان هادفة...
دمتي بخير...
فعلا والله حقكم فوق راسنا من فوق
قريت في الموضوع ده ان بوابات الطواريء بتاع الاستاد كلها اتفتحت في توقيت واحد من غير سبب
فيه امور تحاك ضد البلد
فيه ناس خسرت و ليها امل ترجع تكسب تاني
لكن لازم املنا يكون اكبر من املهم علشان نقدر ننجح
لعبه قذرررررررررره
ومااعرفش هيستمروا فى اللى بيعملوه ده لامتى
هو مش مكفيهم 30 سنه خراااااااااب
يافيها ياأخفيها بقى ولا ايييييه ؟
بجد حسبى الله ونعم الوكيل
بالنسبه للشرطه
" ده احنا من غيرك ولا حاجه وناقصنا كام مليون حاجه "
ههههههههههههههههههههههه
ضحكتنى وانا مش جايلى نفس اضحك
دمتى بكل خير وود وصحه ياااارب
(:
انا زعلت كده على الى حصل
و الحمد لله ان الناس في تونس تفهموا الوضع شويه
مع اني انا متأكد ان برضه لسه هتبقي فيه مشاكل كتيره موجوده
ربنا يستر بقي
عن جد كلنا زعلنا من اللي صار في الاستاد ، بس بصراحة كان واضح انها مؤامرة لضرب الشعبين مع بعض ..
بس انا متأكدة انه الشعب التونسي ليس بالغباء لينجر خلف الفتنة الكروية ..
عموما ربنا يعدي الايام على خير .. جمعتنا الثورة ولن تفرقنا الكورة ..
تقبلي خالص تحيتي وتقديري.
السلام عليكم...
أيوه حقكم على راسنا...
أنا وضعت بانر اعتذار في مدونتي.
تحياتي أختي شمس.
السلام عليكم
ازيك ياحاجه .. سلامتك من الانفلونزا
انا بقدم اعتذارى للشعب التونسى الشقيق عن اللى حصل فى استاد القاهره وانا وانت وكل الناس عارفين مين السبب فى ده .. بس عايز اقول انه مش الثوره المضاده .. لانها بقت شماعه .. متهيأ لى ان التوأم لهم دور كبير فى الموضوع
تحياتى
شموسة انا شايف ان اللي حصل دة كانم متخططله بس مش بقايا الحزب الوثني ولا فلول الثورة المضادة دة من التراس الزمالك وحزب الكنبة اللي عايز يبوظ كل حاجة وعصابة وبلطجية الاخوان ابو اصبع اللي مكانهم الوحيد هو السجن
طبعا احنا بنعتذر للتوانسة كفاية انهم هما ميلاد الشرارة الاولى للثورة وللثورات العالم العربي
اما الشرطة فده سؤال بجد بقى محير قوي عدم نزولهم هما منتظرين ايه بعد كل دة
الناس رفعتهم على الاعناق وهتفو لهم لازم يرجعو ويتعاملو مع المحترم بكل ادب واحترام ومع قليل الادب بما يستحقه
تحياتي ليكي ولمقالك الجميل
السلام عليكم
ازيك يا ماما شمس انا جيت بس اسأل على حضرتك واتطمن عليكى يارب تكونى بألف خير
*Dr Ibrahim
لا ماهي كده بانت جدا
بعد كمان مااتعرف المحضر اللي عمله مدير الاستاد في قسم تاني م نصر
ضد البلطجيه اللي دخلوا الاستاد
كده اتعرف تمام مين وليه وعايز ايه
===
انا عارفه ان في بعض التغيرات لكن مش هي دي تغيرات الثورات
مافيش ثورة بتبقي علي قيادات من العهد السابق
والنتيجه اهي علي سبيل المثال لا الحصر اللي حصل في ماتش الكورة
التغيير لازم يبقا كامل شامل ولازم الفاسدين يتغيروا
من اول الفراش اللي علي مكتب الفاسد لأكبر راس
واهو الحمد لله تم اخيرا تغيير قيادات الصحف والتليفزيون بزمتك في ثورة تقوم ويبقا المتحدث الاعلامي في البلاد همه همه بتوع العهد السابق
الاعلام المصري لو ركزت فيه ماقبل الاستفتاء وخصوصا القناة الاولي هتلاقي كان بطريقة مريبه توحي للناس بنعم علشان القيادات ساعتها كانت من الحزب الوطني بغض النظر ان الصح لا او نعم
المفروض ان الاعلام الحكومي يكون محايد ويعرض وجهتين النظر بالعدل
ولو رجعت لجريدة الاهرام هتلاقي نفس الاتجاه علشان برضوا اسامة سرايا ولائه للحزب الوطني
واجد ان احنا متفقين علي موضوع الاستفتاء المريب اللي اتعمل واللي مش عارفه اتعمل ليه اصلا
وبالرغم ان النتيجه بنعم الا ان اللي بيتعمل الان مزيج بين نعم ولا
وانا ماقلتش انك بتتخانق ولا حاجه انا بتكلم في العموم ان لسه احنا مااستوعبناش الحرية الحقيقيه
وماقلتش انك بتتخانق خالص
انا بريئه من هذه التهمة:))))
بالعكس انا بحب النقاش والاختلاف جدا بحس انه بيفتح مواضيع وبيأتي بمفاهيم جديده وساعات تلاقي فكرة لطيفة طلعت من النقاش ده
بشكرك علي ردك وعلي المناقشه اللطيفة
:)
*الموسوعة الحرة
شكرا علي التعليق اللطيف
المدونة نورت
* كلمات من نور
الاعتذار واجب
وربنا ينتقم من اللي ورا البلطجيه
* ذو النون المصري
مش بس موضوع البوابات
موضوع الشرطه اللي مااتصرفتش رغم تحذير مدير الاستاد من البلطجيه
في شئ مش مفهوم
ورجوع لورا مش هنرجع
مصر خلاص بتجري للأمام
* دعاء العطار
لعبة وان شاء الله هتيجي علي دماغ اللي لعبها
وياريت المجلس ورئيس الوزراء مايفوتش الموضوع ده
وياريت يكون في سرعة شويه
الناس شايطه
وصدق كلامي في الشرطه عايزينا نغني لهم
:))
* سبايدرمان
المره دي حصل كده والتوانسه قدروا
ماتضمنش ايه اللي يحصل المرة الجايه وهتكون في ايه
ان شاء الله هيتجابوا ويتحسبوا
* وجع البنفسج
ان شاء الله الشعوب العربيه هترجع ايد واحده تاني
واللي بيحصل من تحرر من الطغاه اكبر دليل
تجمعنا اشياء مشتركه كثيره جداااا
وان شاء الله عمرنا ماهنتفرق
* ماجد القاضي
وعليكم السلام ورحمة الله وبركاته
عجبني البانر جدا تسلم ايدك
وان شاء الله هنعرف مين اللي عمل العمله السوده دي
* فشكووول
وعليكم السلام ورحمة الله وبركاته
الله يسلمك انا الان الحمد لله
ده اكيد ان الاخين الحلوين ليهم يد
مش همه كانوا ضد الثورة من الاول
واللي حصل ده ضد البلد كلها
وهيبان من التحقيقات ايه اللي حصل
بس ياريت بسرعة
علشان اللي حصل مش شويه
* mostafa rayan
اهلا يامصطفي حمد الله علي السلامة
طبعا اللي حصل ده مخطط واضح وخسيس
وهيبان من التحقيقات مين اللي عملها
ولازم يتحاسب حساب عسير جدا جدا
وادعي معايا ربنا يحفظ مصر من الناس الفاسده دي
*elsha3er
وعليكم السلام ورحمة الله وبركاته
اهلا اهلا بشاعرنا الهمام
الله يسلمك ويبارك فيك
عارفة اني مقصره معاك ومع الجروب علي الفيس
بس موضوع الفيس ده عايز وقت كبير جدا وانا يادوب اليوم عندي بيقضي اللي عايزة اعمله بالعافيه
وادخل المدونة ولو لنص ساعه
ربنا يكرمك
من امن العقوبة فقد سلم
القوانين للاسف لا تطبق ونظل نشكو ونسكو
ربناااااااااااا يهدى الكل
احسن يعنى واضح انى المختلين عقليا ناويين يشدونا معاهم
تقديرى لحماسك وحبك لوطنك كما نحبه كلنا
*SHAPE YOUR LIFE (ABOALI)
صح عندك حق
الفاسدين امنين وبيعملوا كل اللي في نفسهم ضاربين بعرض الحائط كل اللي حواليهم مش شايفين غير نفسهم ومصالحهم وبس
والغريب انهم مش فاهمين ان الساعة مش هترجع للخلف ابدا
ممكن سؤال حيوي من انسان تافه
هو عرف منين بالإقتحام قبل المباراة ما تبدأ ؟
اللى هحصل هيتكرر تانى فى خلال أيام بسيطة علشان التأكيد على انعدام الأمن
وربنا يسترها
مثلما يوجد شباب ثوره قمه فى التحضر هناك ايضا شباب اعمى لا يرى الا نفسه فقط هذا هو حال كرة القدم مع المتعصبيين الشباب الاعمى
لكى الله يا مصر وكفاكى ما تلاقيه من شباب لا يمت لكى بصله سوى انه يعيش داخلك
شكرا على موضوعك غايه فى الروعه والاهميه
تقبلى تحياتى الاحـــــلام
*الازهرى
:))
ضحكتني ياازهري
مدير الاستاد عمل محضر ان دخل بالعافيه مجموعه من البلطجيه الاستاد الساعه 10 الصبح
الرجل عمل اللي عليه وراح عمل محضر لما امن الاستاد ماعملش حاجه
بس خلاص ادي الحكايه
التسيب او الروقان اللي فيه المجلس الاعلي اعطي فرصه للفاسدين من الحزن الوثني انهم يبرطعوا في البلاد
ولسه ياماهنشوف طول ما القصاص لم يتم
* الاحلام
هو ده الواقع للأسف بس مش في الكورة بس في كل مكان
في مصريين ضد التقدم والرقي والثورة
ربنا يهدي
شمس النهار
طلع فجر تهارك علينا ياشمس النهار طالما هناك اقلام ثائرة متيقظة متابعة امثالك
اعجبنى المامك بالكبيرة والصغيرة بالقريبة والبعيدة بالظاهرة والباطنة
وفقكم ورعاكم يابنات مصر
إرسال تعليق