الثلاثاء، 5 أبريل 2011

ياتري ياهل تري:)+تحديث من عند ازهري

ياريت نتطلع علي البيان ده من عند ازهري
الصورة دي لاقيتها علي النت اللي عملها شاااااطر جداااا

مشرفين في السجن بعون الله
=======
ياتري ياهل تري فعلا فعلا
جيمي اللامبارك والثلاثي المرح هيروحوا جهاز الكسب غير المشروع ولا لأ؟؟
طيب لو مارحوش هيعملوا فيهم ايه؟؟
طيب واشمعني الاسبوع القادم لجيمي ممكن حد يفهمني؟؟
واللي يعيش ياما يشوف صحيح سبحان المعز المذل
وممكن اعرف لو حد عرف يعني يعرفني هل تم محاسبت اي حد من اللي تسببوا في مهزلة ماتش الزمالك وتونس
وماحدش يقول لي اصلهم لسه بيحققوا ولسه مايعرفوش مين
طيب علي الاقل حد يسأل بتوع قسم تاني م نصر
ليه مااتصرفوش لما مدير الاستاد عمل بلاغ باللي حصل الصبح قبل المباراة
ياريت مانخبيش الراي العام عايز يعرف ايه اللي حصل
مع الوضع في العلم موقف الاخين الحلوين حسام وابراهيم من الثوار والثورة
وتابعهم مرتضي منصور
ولو حد يعرف يفهمني ليه الحرص علي استمرار الدوري رغم المؤامرات المحيطه وغياب الشرطه

هناك 13 تعليقًا:

دعاء العطار يقول...

فعلاً علامات استفهام كبيييييييييره وكتييييييره

واسئله عايزين نعرف اجابتها

عايزه افهم ليه كللل التباطؤ ده فى محاكمة اى مجرم ؟؟

عامة الايام الجايه هى اللى هتكشفلنا كلللل حاجه

دمتى بكل ود

Unknown يقول...

وحشاني :)
يا ريت لو لقيتي حد يفهمك تبقي تفهميني

سواح في ملك اللــــــــــــــــــه- يقول...

معنديش تفسير غير
انها علي غرار موقعة الجمل
دي بقي موقعة الجلابية

لــــ زهــــــراء ــــولا يقول...

يعز من يشاء ويذل من يشاء

كل لما قرات حاجه عن النظام السابق واعوانه اردد الايه دى فى سرى


زهراء

الازهرى يقول...

بيان اللجنة عايز أنشره بسرعة كجزء من الدعوة

البيان موجود فى ذكريات
ساعدينى فى نشره

حمدى جعوان يقول...

السلام عليكم

والله فى حاجات كتير محتاجه تفسير وضرورى .. لان التباطوء اللى يشلللل فى بعض الاحيان تلاقيه مرريب وتتجمع عليه علامات استفهام وتعجب ... بس واضح ان وقفة يوم الجمعه عملت شغل برضه وان شاء الله مع زيادة العدد الجمعه الجايه الامور هتتسرع شوية عاوزين نشوف جمال وابوه مع اخواتهم فى طُره ( على فكره احنا مش عاوزين نشمت ) احنا عاوزين نتشفى يا جماااعه
:)

شمس النهار يقول...

* دعاء العطار
ان شاء الله الجمعه الجايه هتحدد حاجات كتير اوي

ياريت تشوفي البوست الاخير عند نواره

شمس النهار يقول...

* شيرين سامي

انتي كمان وحشاني
ونفس اللي مخوفك مخوفني
وان شاء الله خير وربنا هيحمي ثورتنا
وان شاء الله هنفهم كلنا
:))

شمس النهار يقول...

* سواح في ملك الله

عرفت من عند الاستاذ هاني صاحب مدونة نط في الكوز
ان شوبير استضاف الراجل ده وانه طلع علي نياته ومش فاهم حاجه خالص

شمس النهار يقول...

* لـــولا وزهـــراء

ان شاء الله نشوفهم مذلولين
زي ماذلوا شعب مصر
وربنا امرنا بالقصاص

شمس النهار يقول...

* الازهرى

حاضر بس كده
ده واجب علينا كلنا
هنشره حالا في كل مكان اقدر اوصل له

شمس النهار يقول...

* حمدى جعوان

وعليكم السلام ورحمة الله وبركاته

ان شاء الله كله هيبقا تمام وهننزل يوم الجمعة

وهنشر دلوقتي البيان

الاحلام يقول...

كله بالصبر هيكون المهم يكون فيه ناس مخلصين لمصر تكون موجوده على شان كل انسان ياخد حقه وكل واحد يتعاقب بمقدار ما فقعله منصوره دائما يا مصر باولادك المخلصين
دمتى بكل خير تقبلى تحياتى الاحــــلام