الأربعاء، 6 أبريل 2011

ياوزير الداخلية

ياااااااااااااوزير الداخليه استبشرنا بيك خير
ولكن جرائم وحوادث وبلطجه في كل مكان
طيب ليه ماتتخلصش من عربجية العادلي في وزارتك
يعني ايه قنبلة تدخل منطقه اثريه
تصدق شايفه من مكاني هنا اللامبارك واعوانه بيضحكوا علينا وبيطلعو لنا لسانهم
طول مافي مصريين بيعبدوا القرش والشر ياماهنشوف
ايه يعني البلد خلاص للدرجه دي في عصابه صعبان عليهم ان مصر تبقا حره
----
العداله اللي راكبه توكتوك هي اللي عملت كده
لو كل الناس دي اتلمت مره واحده لو اللي عملوا موقعة الجمل اتقبض عليهم من ساعتها واتحكموا وطلعوا في التليفزيون واتفضحوا زي برامج وراء القضبان
ماكنش حد اتجرء علي مصر وشعب مصر
----
ياريت نغير السياسه بقا وبلاش الحنيه الزايده دي في النهايه دول شوية مجرمين بيفسدوا في مصر
ياريت نفضح كل اللي بيعمل حاجه
----
ولا هي يااتجبر واسرق واحكمكم واقعد علي قلبكم واورثكم لأبني وليكم الامان
يا لو اتنمردتوا هقلبها لكم فوضي وايام سوده علي دماغكم
قال يعني لما كان موجود كان في امان
ياريت نرجع لصفحات الحوادث علي جميع الجرايد ونشوف
----
حسبي الله ونعم الوكيل
محروسه يامصر

هناك 43 تعليقًا:

أنا - الريس يقول...

تصدقي يا شموسة أنا من كتر البلطجة عايز حدود الإسلام هيا اللي ترجع
عشان البلطجي يتقتل ، والحرامي يتقطع إيده .
انا واحد قريبي إتسرق منه الاسبوع ده من بيته 60 ألف ، ومن شهر واحد صاحبي اتسرق منه عربية الشغل .. قاعد يلف عليها ..
وبلطجية في المحلة .

الاحلام يقول...

والله يا شمس انا فى غايه التأمل من ذلك تركين ناس كتير المفروض كل واحد منهم ياخد عقابه وعلنى امام الناس والبلطجيه اصبحت قنبله موقوته يمكن ان تنفجر فى وجه الناس فى اى وقت الانسياب والامبالاه اصبحت ثمه العصر
شكرا على سردك الجميل فى هذا الموضوع الحساس المهم جدا سعدت بوجودى هنا تقبلى تحياتى الاحــــــلام

مصطفي ريان يقول...

صح الكلام دة وموافق على كل حرف فيه

mrmr يقول...

انا كمان بناشد وزير الداخليه تعبنا قوى ولسه كمان يا ما ح نشوف
انا منتظره امر والعن من كده ربنا يعدى الشهر ده على خير لانى واثقه ان لازم تحصل كارثه
ربنا يعزى قلوبنا كلنا

حمدى جعوان يقول...

بصرف النظر عن انه فعلا توكتوك العداله ماشى براحته اوى ودا له تاثيره السلبى على الناحيه الامنيه فى مصر .. بس برضه انا شايف ان الشرطه عليها ضغوط كتيير ومنها او اهمها هى الشرخ الكبير اللى حصل بين الشرطه والشعب ... مش قادرين يتواجدوا بكل قوة لانه عارفين انهم منبوذين من الناس وخصوصا انه فى تجاوز فى حقهم فى كتير من الاوقات والمواقف وطبعا لما ده بيحصل بتبى صعبه على الشرطى انه يكون متواجد وغير كدا حتى لو كان موجود بيعمل الف حساب وحساب لكل مواطن قبل ما يعمل حتى مخالفة مرور

الفريق مجدى حتاته دلوقتى على دريم 2 وقال ان الشرطه دلوقتى بتمر بنفس تجربة الجيش بعد نكسة 67 وقال ان الحل ان ظباط الشرطه يتجاهلوا وينسوا كل التجاوزات فى حقهم الفتره دى لان هو ده وقت خدمة مصر

يمكن يكون كلامى بعيد شوية بس ده لانى وللاسف بره مصر طول الفتره دى
ان شاء الله فتره وهتعدى

حمدى جعوان يقول...

نسيت اقول انه انهارده تم انشاء لجنة وزارية لتفعيل الامن فى الشارع المصرى برئاسة شرف ودى اول مره يكون فى لجنة وزاريه خاصه بالامن وبرئاسة رئيس الوزراء دا اكيد لاحساسهم انه فعلا الامن غير موجود بصورة كبيره فى الشارع

الميكروباص يقول...

بعد ان نزعنا السلطه عن البوليس- كيف نتوقع منه ان ينزل الشارع لكي يحمينا؟

سواح في ملك اللــــــــــــــــــه- يقول...

هما بيقولوا في التلفزيون دي حاجة قديمة
من مخلفات الحروب

دعاء العطار يقول...

انا بجد نفسى افهممم .. هو مش مكفيه 30 سنه خرااااااااب للبلد ونهب وسرقه ؟

ده الواحد حتى بيمل بسرعه من اى حاجه تستمر لفتره طويله

هو مابيملش ؟

ده حتى ايامه معدوده فى الدنيا بدل مايحاول يقرب من ربنا وينهى حياته بخير

عايز ينهيها بسوء خاتمه

حسبى الله ونعم الوكيل فى كل حاكم بيعبد الكرسى والمال والسلطه هو وحاشيته

Ramy يقول...

دى مش حنية زيادة

سوررى

اللى بيعمله الوزير ده أسمه قلة أدب

شرطة أيه و أمن أيه دوول شوية

مش عارف أقول أيه الصراحة

منهم لله

sony2000 يقول...

يامصر
لكي الله

مش هقدر اقول غير كدا

كلمات من نور يقول...

باين قوي تواطؤهم مع النظام ومش قادره خلاص أقول السابق لإن كل أذياله و بصماته لازالت في مصر

يارب بكرة يبقى جمعة تطهير يارب

غير معرف يقول...

موافقك تماما

بلاش حنيه مع العربجيه دا شعار المرحله

ونطبق شعار لكل مقام مقال

بمعنى

المجرم معتاد الاجرام له نوع من التعامل(مع ابقاء حقه الأنساني)

والشخص العادي له تعامل اخر

momken يقول...

سيدتى دائما العداله بطيئه لكنها راسخه
ودائما الفوضى سريعه والبلطجه والعشوائيه اسرع
وادئما الامان متاخر لكنه دئم

المطلوب بعض الوقت فما كنا ننعم به من امان دفعنا ثمن باهظاً جدا له من اقواتنا واعرضنا واملاك بلادنا التى تحولت من العام الى الخاص

علينا فقط بعض الصبر ومزيد من الثقه فيمن سيوفرون ذاك الامن


تحياتى

AHMED SAMIR يقول...

في رأيي ان العدالة البطيئة ظلم

لــــ زهــــــراء ــــولا يقول...

"تصدق شايفه من مكاني هنا اللامبارك واعوانه بيضحكوا علينا وبيطلعو لنا لسانهم"


دي حقيقة للأسف بيطلعونا لسانهم وبيقولونا ورونا هتتصرفوا ازاي ياحلوين

لولا

Crazy Nemo يقول...

اللى انفجرت دى مش قنبلة ده جسم معدنى من ايام الحروب

احنا فعلا محتاجين سرعة شويه ف الاجراءات انا حاسه ان احنا راكبين فوق سلحفاه و بطريقه بتحرق قلب ام كل شهيد لما بتشوف اللى كانو السبب ف قتل ابنها من اكبر لاصغر واحد لسه متحاكموش بطريقه تخلى الاب اللى ابنه جالو سرطان من الاكل الملوث اللى بياكله دمه يتحرق لما يلاقى الناس اللى دخلت المواد المسرطنه و لوثت الاكل متحاكمتش و بيطلعولنا لسانهم !!!

بس منصور العيسوى الصراحه عمل حاجات كويسه و الشرطه رجعت بنسبة كبيره جدا مقارنه بأيام شفيق ووزير السياحة من كام يوم كان لسه بيقول الراجل مش متأخر عن شرطة السياحة ف حاجه و الحاجه اللى بيحس انه مش قادر عليها بيستعين بالجيش زى اللى حصل ف الشرابية

Unknown يقول...

السلام عليكم

والله أختي شمس أنا أحسن الظن لدرجة كبيرة في وزارة د.شرف...

ورغم ضغطي مع الضاغطين من أجل مزيد من العمل والقضاء على الفساد، إلا أني أعتقد (بنسبة كبيرة جدا) أن وزير الداخلية يتعامل بحذر شديد، لأن جذور الفساد عميقة، والفاسدون السابقون كالأخطبوط أذرعهم في كل مكان، وربما يتحرك الرجل بالبطء البادي لنا بسبب حذره الشديد حيث لا يعرف دائما من ولاؤه للوطن ومن ولاؤه للأخطبوط.. لذا فليس من السهل أن يقوم مرة واحدة بجمع كل هؤلاء..!!!!
هذا ظني واعتقادي..!

والله الموفق..

تحياتي على هذه الحرقة من أجل مصر..

Dr Ibrahim يقول...

ربنا يقدم اللى فيه الخير إن شاء الله..

بالنسبة لردى على رد حضرتك عندى على موضوع
رداً على العلمانية.
هذا ردى:-
*شمس النهار:-

ومين اللى قال لحضرتك ان الشيوخ هيشتغلوا بالسياسة
هى الدولة الإسلامية معناها ان الشيوخ يشتغلوا بالسياسة؟
وهل تطبيق الشريعة الإسلامية معناها أن يشتغل الشيوخ بالسياسة؟

أختى الكريمة الدولة الإسلامية ليس معناها أن يتولى امور السياسة رجال الدين أو المشايخ.
والدولة الإسلامية ليست كالدولة الثيوقراطية، والتي تقوم على الحكم بالحق الإلهي المطلق، حيث يزعم الحاكم أنه يحكم نيابة عن الله، وأنه مفوض منه.
وفى السنة لايوجد عصمة الإمام كما عند الشيعة كما فى ايران.

الدولة الإسلامية معناها أن تستند الدولة لمرجعية الدين الإسلامى فى شئونها.

الدولة الإسلامية سيدتى الفاضلة هى الدولة التى تحكم بشريعة الله وسنة رسوله حلها حلال وحرامها حرام.

وموضوع أن يحكم الشيوخ إنما هى ظاهرة اشعلها العلمانيون ليكرهوا الناس فى الحكم الإسلامى وفقط.

ولا يمكن فصل الدين عن السياسة وسياسة بدون دين فى خطر أن تصبح غير أخلاقيه فالدين هو الذى يذهب السياسة ويوجهها التوجيه السليم،خاصة أن شريعتنا تعنى بالجانب السياسى فى الحياة الإنسانية كما تعنى بالجانب الإقتصادى والإجتماعى..

وهذا هو هدفنا ان يصل الدين لأهل السياسة لكى يهذبها ويبعدها عن المفاسد ولا لأن يشتغل أهل الدين بالسياسة...

وهذه الفيديوهات ترد على العلمانيين الذين يريدون فصل الدين عن الدولة او بمعنى اصح أن يعزلوا الدين فى المساجد عن الحياة الدنيوية.

وقصد حضرتك مين بالشيوخ اللى طلعت لهم أطماع سياسة؟ أريد أسماء بعذ اذن حضرتك

فى رعاية الله

Dr Ibrahim يقول...

فى ردى الثانى على حضرتك
شمس النهار
لا يا فندم قريت كويس :)
انا بوضح الصورة كاملة لحضرتك بس:)

وبعدين حضرتك شوفتى نجيب ساويرس قال ايه على الاستفتاء انه خناقة..وبعدين الصراحة انا من رأييى ورأى الكثير من المشايخ والعلماء ان الشيخ يعقوب مغلطش ولا الكلام اللى قاله هيعمل فتنة ولاحاجة لانه مقالش ان اللى قال لا هيروح كندا انما قال اللى مش عاجبه ان الدين يحكم يروح كندا وهناك فارق كبير.

الكتور عبد المنعم أبو الفتوح لو هيترشح هيستقيل من جماعة الاخوان..دى حاجة مفروغ منها.

فى موضوع الخروج على الحاكم دا موضوع كبير
وهشرحه باختصار شديد ويمكن حضرتك تستزيدى من رجل دين..
قال صلى الله عليه وسلم "من كره من أميره شيئا فليصبر ، فإنه من خرج من السلطان شبرا مات ميتة جاهلية"
المصدر: صحيح البخاري
هذا تفسير لبعض الشيوخ حرمة الخروج على الحاكم

ولكن هناك شىء أخر فى السنة يدعو الى الخروج على الحاكم ففى صحيح البخارى
"دخلنا على عبادة بن الصامت وهو مريض ، قلنا : أصلحك الله ، حدث بحديث ينفعك الله به ، سمعته من النبي صلى الله عليه وسلم ، قال : دعانا النبي صلى الله عليه وسلم فبايعناه ، فقال فيما أخذ علينا : أن بايعنا على السمع والطاعة ، في منشطنا ومكرهنا ، وعسرنا ويسرنا وأثرة علينا ، وأن لا ننازع الأمر أهله ، إلا أن تروا كفرا بواحا ، عندكم من الله فيه برهان."

إذن الخروج على الحاكم يجب توافر ثلاث شروط:-
1- ظهور الكفر البواح الظاهر من الحاكم.
2- وجود القدرة الكافية على إزالته.
3- القدرة على تنصيب حاكم مسلم محله.

وهناك حديث اخر صحيح يرويه جابر بن عبد الله"يا كعب بن عجرة أعاذك الله من إمارة السفهاء قال وما إمارة السفهاء ؟ قال أمراء يكونون بعدي يهدون بغير هداي ويستنون بغير سنتي فمن دخل عليهم فصدقهم بكذبهم وأعانهم على ظلمهم فأولئك ليسوا مني ولست منهم ولا يردون علي حوضي ومن لم يصدقهم بكذبهم ولم يعنهم على ظلمهم فأولئك مني وأنا منهم وسيردون علي الحوض يا كعب بن عجرة الصوم جنة والصدقة تطفئ الخطيئة والصلاة برهان يا كعب بن عجرة الناس غاديان فمبتاع نفسه فمعتقها وبائع نفسه فموبقها"

وهذه الاحاديث التى تدعو إلى الخروج على الحاكم كانت ببساطة لا يتحدث بها على المنابر ولايتحدث بها الشيوخ لأنها ببساطة بتجيبلهم مشاكل ولاسيما بيتجروا على أمن الدولة عدل...

وفى وقت الثورة انقسم السلفيين الى قسمين قسم دعا الى الخروج على الحاكم وقسم التزم الصمت!

وانا بكرر لحضرتك لم يشتغل ولن يشتغل أهل الدين بالسياسة فالدولة الإسلامية تختلف عن غيرها كما ذكرت سابقاً فى التعليق السابق.

بالنسبة لترك أغلبية الشعب بيصلى غلط مش خطأ الدعاة بل خطأ من ربى اولاً ثم خطأ من تربى ثم خطأ الدعاة فى الأخير.
اضر ب لحضرتك مثال
ولد مبيروحش المدرسة وأبوه مرباهوش تربية صحيحة
هتعيبى على المدرس انه معلمهوش صح؟!!!
مثال تانى
الولد ابوه رباه صح وراح المدرسة بس كان بينفض للحصص ومبيذاكرش هل العيب على المدرس؟؟!!!!

على فكرة الدعوة شغالة شغل تمام وعلى يدى بس الكثير من الشباب لايستجيب والناس هى التى لاتستجيب ولاتطبق.
بس الدور الأكبر
على اللى يحفظ اولاده القرآن ويوديهم الكتاب ويربيهم صح واكرر التربية التربية.
وعلى اللى يحضر الخطبة من أولها.
ويحضر دروس المشايخ فى المسجد.
ويشاهد قنوات دينية بدل القنوات التافهة والافلام التافهة اللى الشباب بيشوفها حالياً.

انهى تصريحات يا فندم
قصدك بتاعة المتحولون؟
انا بنزل حالياً بتاعة المتحولون(فضفضة)اللى اتذاعت على قناة الناس .
او مش فاهم حضرتك تقصدى تصريحات ايه بالظبط؟؟

Dr Ibrahim يقول...

وبالنسبة للرابط اللى حضرتك وضعتيه مبيفتحش عندى حاليا مش عارف ليه..هشوفه ان شاء الله فى وقت لاحق وارد على حضرتك

Dr Ibrahim يقول...

فيه واحد رادد على حضرتك عندى على المدونة فى الموضوع نفسه فحبيت ان حضرتك اللى تردى عليه.

شمس النهار يقول...

* MR.PRESIDENT

ماهي دي المشكلة ياريس اللي ماحدش واخد باله منها الاسم المادة التانيه
والقوانين مش اسلامي خالص

يعني المادة موجودة واراهن حد يجيب لي احكام بتمشي البلد اسلاميه

يعني بنقول ومافيش فعل
والحمد لله ربنا ماسبش حاجه ماحطش لها قانون
ولكن لعن الله السياسه سيست كل شئ

اما عن احداث البلطجة فاهي كتير وده المطلوب علشان نندم ونخاف
بس المشكلة اننا لاهنخاف ولانندم ولاهنقول ولا يوم من ايامك يالامبارك

شمس النهار يقول...

* الاحلام
اللي بيتمسك بياخد عقابه

وموضوع البلطجه ده ممكن يتحل وبسرعة
بس زيه زي اي شئ اتحل من بعد الثورة
ببطئ شديد

ليه مش عارفة
زي زكريا عزمي اللي اتقبض عليه ليه مااتقبضش عليه في ساعتها
هو وباقي الشلة

التراخي ده مش من مصلحة الثورة ولا مصر

شمس النهار يقول...

* مصطفي ريان

:))
اهلا بك يامصطفي ومرحبا مرة اخري

في البلوجر

شمس النهار يقول...

* mrmr

الفاسدين كل يوم بيطلعوا لنا كارت جديد

وكل مابيطلعوا كارت ويتحرق
يدوروا علي غيرة

عندهم امل انهم يرجعوا
انا بعتقد اننا السبب كان من الاول مارجعناش الا لما كل ده تم

شمس النهار يقول...

* حمدى جعوان

ماشي انا معاك ان الشرطة عليها ضغوط
لكن مين اللي بوظ العلاقة بينهم وبين باقي الشعب

طيب الحل ايه؟؟
مانخلص من اعوان العادلي واللي اكيد معروفين
وفي اكتر من اقتراح انطرح هنا في البلوجر وعلي الفضائيات من اهل المعرفة
وهو ترقيت صغار شرفاء الشرطة واكيد معروفين
استدعاء الشرفاء اللي طلعوا علي المعاش بدري بدري لشرفهم
قبول دفعة من خيرجي الجامعات اللي مش لاقين شغل وتدريبهم
ولو عملوا كده من اول يوم كان زمانهم قربوا يتخرجوا
ومع احترامي الشديد لمجدي حتاته اللي ظهر علينا في هوجة الترشيح للرياسه
موقف الشرطه مش زي موقف الجيش خااااااااالص
مصر ماحربتش اصلا
والجيش ما موتش الشعب ولا بلطج ولاساب البلطجيه يبهدلوا الشعب علشان يعاقب امه بحالها
موقف الجيش انه اضحك عليه
لكن الشرطه هي اللي ضحكت علي الشعب

وطبعا مبسوطه بكل خطوات شرف بس هو ماشي تاته تاته حبتين

شمس النهار يقول...

* لورنس العرب

الشرطة هي اللي نزعت عن نفسها السلطه يوم تسلطت علي الشعب وكرهها

لما كنت في امريكا لم اري شرطي مرور واحد
كله كاميرات
وفي يدهم كل السلطه وكله بالقانون
ده مع شعب زي امريكا
لو احنا الشرطه استخدمت مالها وماعليها بالقانون والاصول هنفوق امريكا والبلدان اللي بننبسط فيها بمراحل
دليل علي كده ان المصريين بيكونوا منضبطين جدا في هذه البلدان
ملحوظة انت ليه قافل التعليقات عندك؟؟
عارفة انك كاتب ان الاختلاف يفسد للود قضية بس في النهايه ياتجد من تفعل معه صحيح العبارة او ليرحل عنك

شمس النهار يقول...

* سواح في ملك الله

انهي حروب؟؟
بصراحة انا مش مصدقة الكلام ده اطلاقا
المفسدين لاقوا ان السواح ابتدوا يرجعوا واحدة واحدة قالك نعمل قلق وفي اكتر منطقة تقلق يبقا نبتدي بالماتش ونوري العالم اننا شعب لابتوع ثورة ولاحاجه ولا متحضرين وتنضيف ميدان التحرير ده كان تمثيل
وبعدين نفرقع لنا قنبله في الهرم اكثر الاماكن شهرة
دول بيخططوا تخطيط ماهم اشرار بالسليقة

شمس النهار يقول...

* دعاء العطار

لا طبعا يادعاء ماشبعوش علشان ده طبع وكل ماالمال الحرام يملي بطونهم
يعطشوا اكتر زي شارب البحر

وبعدين الناس دي ليها حسابتها لافي دمغها ربنا ولا الموت حاسين انهم مأبدين
في الدنيا

انت فاهمه انهم اتعظوا؟؟
دول مابيفكروش غير في الانتقام

بس ان شاء الله خير

شمس النهار يقول...

*Ramy

عارف يارامي همه كل مابيطولوا المدة كل ما الناس بتقرف منهم اكتر
كنت سايقه عربيتي في تقاطع النادي الاهلي ولاقيت عساكر مرور
فاواحدة سايقة عربية قالت له حمد الله علي السلامة
رد واحد تاني من عربيه تانيه
قال لها علي ايه بعد ماسابونا لشوية بلطجيه وكان مال المرور والثورة انسحبوا همه كمان ليه
حسيت ان فعلا فعلا الشرطة بقت مكروهه جدا
ولازم الشدة مع المقصر فيهم

شمس النهار يقول...

* sony2000

وان شاء الله منصورة علي شوية الفاسدين

شوفتي الكميل زكريا عزمي وهو بفجر بين بيقول هو كل اللي عنده شوية شقق وقصر يبقا مرتشي
طيب ياريت حد يسأل حضرته خد كام علشان يخلص موضوع ابن كريازي

شمس النهار يقول...

* كلمات من نور

السابق تصدقي مش طلعة خالص ولا لايقة
انا بقول الفاسد
يكفي المحليات اللي لسه موجودة ورؤساء البنوك

شمس النهار يقول...

* مصري جدا ي

:))
عجبتني لاحنية مع عربجية دي

تصدق مش مصدقة كل الفساد ده
يعني احنا كان بيحكمنا شلة عربجيه علي بلطجيه علي حرميه
كان بيحكمنا آل كابوني
لا ده حتي آل كابوني كان عندهم مبادئ

بس ان شاء الله خير

شمس النهار يقول...

* momken

انتظار وصبر اكتر من كده!!؟؟

دي ثورة مش اصلاح

الثورة لها قوانينها
ونتيجة الهدوء والصبر حصلنا كل اعمال البلطجة دي

تفتكر ان الناس دي من يوم قيام الثورة لحد دلوقتي مااخفوش كم كبير من الادلة والبراهين علي اجرامهم

مافيش صبر مع الفاسدين

شمس النهار يقول...

*AHMED SAMIR
معاك فعلا
ولابد من القصاص العادل مااعتقدش ان مطلوب الصبر والبحث عن ادلة كتير لدانت الشريف انا بعتبر اخر مؤتمر صحفي له اثتاء الثورة ده ادانة في حد ذاته
دي ناس افسدت الحياة السياسيه وتيجي بقا الاقتصادية بعدين علي مهلها

شمس النهار يقول...

* لـــولا وزهـــراء

بس اعتقد بعد الجمعة اللي فاتت وتصريح القضاة والنائب العام
اعتقد انهم عرفوا ان لامنااااص
هيتجابوا هيتجابوا

شمس النهار يقول...

* Crazy Nemo

مش مصدقة انا موضوع الجسم المعدني ده ومن ايام الحرب احنا كده بنتكلم من ايام الحرب العالمية
:))
انا لااعتقد
وان شاء الله قلب كل ام شهيد او مصاب هيرتاح ربنا العادل المنتقم الجبار هيسمعنا كلنا كل خير وهيورينا فيهم سنين مش يوم

شمس النهار يقول...

* ماجد القاضي

وعليكم السلام ورحمة الله وبركاته

علي فكرة انا لااعيب شئ علي شرف او وزراءه بسثناء طبعا بعضهم اللي قاعدين من الوزارة القديمة
لكن هو رايق اوي زيادة عن اللزوم
:)
اما وزير الداخليه ماعنديش عليه اي تعليق
تصدق ايام الثورة كان له لقاء في برنامج اعتقد انه كان مع وائل الابراشي
وكلامه عجبني حسيت انه صادق قلت في نفسي ماهو في ظباط شرفاء اهو احنا عايزين من ده
وسبحان الله لاقيته نتعين استبشرت خير
بس هو برضوا واخدها واحدة واحدة بس في نفس الوقت عذراه
وشكرا ليك علي كلامك ومجاملتك

شمس النهار يقول...

* Dr Ibrahim

والله يادكتور ابراهيم هو ده اللي انا شايفاه
ان في شيوخ قالوا ممكن نرشح نفسنا
زي صفوت حجازي والشيخ عمرو خالد
وكنت اقصد علي تصريحات صفوت عن المتحولون وموضوع الترشيح للرئاسة
وايام الاستفتاء سمعت له خطبه كان بيقول نعم وبعد شوية شوفته في المحور بيقول غيرت راي وهقول نعم وبعد الانتخابات قال الانسب كان لا
علي فكرة مش كل الشيوخ حتي اللي ماليين الدنيا فتاوي وخطب مؤهلين اصلا لده
اغلبهم اتطلع علي كام كتاب وخلصنا
المفروض ان الشيخ الحق من يدرس ويتتلمذ علي يد شيوخ افاضل
والمصريين الحمد لله ربنا وهبنا الازهر
وعلي فكرة ياابراهيم الشيخ الشعراوي او الدكتور الشيخ الشعراوي لما عينه انور السادات وزير للأوقاف مارضاش يقعد علي الكرسي
وبعد شوية استقال وقال ان مكانه مش هنا
وممكن ترجع لكلامه في الموضوع ده
اما موضوع الدولة الاسلامية
فحدث ولا حرج يعني المادة التانيه منورة من زمان الزمان
ولايحكمنا اي شرع هات قانون الاحوال الشخصية وشوف كده هتلاقيه سمك لبن تمر هندي
مع ان الحمد لله ربنا ماسبش اي شئ للبشر حطلنا القوانين
علشان تعمل دولة اسلامية عايز عمر بن عبد العزيز
والتاريخ الاسلامي موجود وشاهد علي اللي كان بيحصل
لايوجد الان اي نموذج للدولة الاسلاميه اللي بنحلم بيها
دي اصبحت حلم صعب المنال
انت بيحكم شخص بختك ياابو بخيت
ياكويس ياوحش
واديك شايف اللي بيحصل في الوطن العربي
وفي افغانستان وايران
يمكن تركيا هي اللي ماسكة نفسها لسه شوية

شمس النهار يقول...

* Dr Ibrahim
علي فكرة انا مش زعلانة من النقاش الجميل ده بالعكس
مبسوطة اولا بعرف معلومات جديدة منك
وكمان بوضح راي
:)
الحقيقة ما سمعتش ساويرس مش لشئ غير ان رغم اني عارفة انه له مواقفه بس مش بصدقه ليه مش عارفة
واخيرا عرفت انه ضم ناس من بتوع الحزب الوطني واظن ابن اخو ابراهيم سليمان
اما بالنسبه للأستفتاء
انا شخصيا ماعجبنيش مواقف ناس كتير في الاستفتاء حسيت ان المصريين انقسموا زي يوم ماتش الاهلي والزمالك كمان الشعارات اللي اترفعت ماكانتش لطيفة واعتبرتها ضرت الاسلام
مش معقول ننزل بقدر الاسلام للدرجة دي
هو احنا ناقصين
بالنسبه ليعقوب لا ياابراهيم ماينفعش الكلام اللي قاله الراجل نفسه طلع وقال كنت بهزر ومن بعد ماقال كده ماينفعش حد يقول انه ماكنش غلطان
ده اصلا مش اسلوب حوار من شيخ المفروض انه مفوه
يعني لو الغزالي او الشعراوي او حتي عمرو خالد اللي المفروض انه شيخ شباب ممكن يقول كده
الشيوخ ليهم وقارهم من وقار الدين الجميل اللي بيحملوا علمه
بالنسبة للدكتور ابو الفتوح
الاخوان مش حزب تدخله ولما تستقيل منه خلاص
الاخوان فكر وطريقة واسلوب المفروض ان من ينتمي له مؤمن بالجماعة
مش لما هيستقيل خلاص مش هيكون اخوان
وده اللي مزعلني
وياريت تكون فهمت قصدي صح
اما تعليقك علي السلفيين قريته بس مش هعرف ارد عليه
علشان ماقريتش كتير عن السلفيين
لكن اوعدك اني اقرا بس افضي شوية
محتاجه فعلا اعرف اكتر عنهم
شوف موضوع الصلاة انا متربسه فيه تربسه غريبه
تقول لي مدرسة تقول لي اب مش هتناقش
دي مسؤلية متوزعة مابين البيت اللي اصلا الاب مايعرفش يصلي الجمعة اصلا ونرجع للبيضة الاول ولا الفرخة
وبين المدرسة اللي بقت حصة الدين فيها اخر تهريج
الي الجامع اللي جنب البيت اللي الميكريفون بيبقا فيه عالي لدرجة غريبه يعني حتي اللي مانزلش الصلاة هيسمع
وكمان مسؤلية كل شيوخ الفضائيات
حتي مسؤليه علي الصاحب اللي بيعرف يصلي وسايب صاحبه مايعرفش
بجد انا متربسه جدا في الموضوع ده مش مصدقة
كل الناس دي ولسه في ناس مابتعرفش تصلي واشياء اخري
محتاجين نفوق شوية للدين والتوعية الدينيه ونعرف الناس اصول الدين
من كام سنة كده اتفقنا مع الدكتورة سعاد صالح تعمل لنا محاضرات في قاعة بجوار نادي الشمس وتتبعه
علشان نتعلم الفروض صح من صلاة لصوم ......
تصدق همه محاضرتين ولاقينا خلاص مافيش اي محاضرات
ماعلينا يادكتور ابراهيم ياابني
الموضوع كبير

شمس النهار يقول...

*Dr Ibrahim

معلش اكيد هيفتح وحاضر هروح اشوف اللي رادد عليه
وعلي فكرة انا دايما بتابع دايما تعليقات علشان لو حد رد عليه ارد عليه تاني

شمس النهار يقول...

* مصر
اهلا وسهلا

المدونة نورت