السبت، 9 أبريل 2011

كلنا شركاء+تحديث1+تحديث2+تحديث3+تحديث 4+تحديث5


ايوة كده ايوة يادنيا
القبض علي رجل البلطجة الاول ابراهيم كامل لتورطه في احداث امس
انا قلت من الاول دول مش ظباط
هو في ظابط بيطول شعره كده وخصوصا لما يكون لسه ملازم
ولا في ظابط بيربي سوالف
ده غير الغلطات اللي في الزي العسكري
سؤااااااااال علي الماشي
اللي لسه بيدافعوا عن اللامبارك بيدافعوا ليه؟؟
وعلشان ايه؟
ماهو كويس اهو وصوته كله عجرفه وقوة يعني مش عيان يعني
======
ده ردي علي واحدة علي الفيس في جروب من الجرررررارييييب
زعلانة مني علشان الصورة دي واني بشتم مبارك
وبتقول من حقه يطلع يدافع عن نفسه انا زعلانة ليه مايحكمش
(صح من حق اي واحد يدافع عن نفسه صح ماالبجاحه لها ناسها فعلا وهو بصراحة بجح بجاحه ماشوفتهاش الحقيقه وان شاء الله النائب العام استدعاه علشان يعرف منه جاب الاموال دي كلها منين وليه امر بقتل شباب مصر والنائب العام لايستدعي الا من ثبتت ادانته وخصوصا لما يكون رئيس جمهورية سابق وماحدش راح عنده الا وخد 15 يوم علي زمة التحقيق وبتتجدد ولما احب ادافع عن نفسي مااكدبش وماهددش ولما احب ادافع عن نفسي مااطلعش في قناة يملكها صاحب العزة والفخامة اللي هربت فلوسي بأسمه وان شاء الله هيروح مزبلة التاريخ زيه زي هتلر)
=======
نسيت اهنيكم بتشريف نظيف علي البوووووررررش

=====
النائب العام يرد ابلغ رد ساحق ماحق

استدعاء اللامبارك ونجليه للتحقيق غداااااااااا
طيب والسيدة الفاضلة اخبرها ايه واخبار فلوس القاءة للجميع وفلوس مكتبة اسكندرية
======
كل الشباب رايح الان علي ميدان التحرير يشوف ايه حكاية الخطاب الخايب من هذا الرجل الخايب(ايوة بشتمك ارفع عليه انا كمان قضية)
طالع علينا يقول انا جدع وهربت كل الفلوس والممتلكات بأسماء اصحاب الفخامة والعزة والهيلمان
واشمعنا الكلمة تتذاع من قناة سعودية
طيب انت شريف وباقي العصابه شرفاء يبقا احنا الشعب المصري اللي طلعنا وحشين وحرمية
طيب ندااااااء
لكل المصريين في جميع عواصم العالم النهارده ويييك اند ياريت تلموا بعض وتتظاهروا امام املاك اللامبارك واسرته وحاشيته واللي معروفه للجميع
وياريت الهتاف يكون املاك الحرامي اهي
وحسبي الله ونعم الوكيل
في كل من ساعد هذا الحرامي في تهريب مال الشعب المصري
وعلي فكره اللي بيجي علي الشعب المصري مابيكسبش
والدليل الشلة اللي مشرفة في طرة لاند الان
ومنك لله يالامبارك حرقت دمي علي الضهر
==========
شكل هذه الاعداد الكبيرة في ميدان التحرير بالتليفزيون
(للأسف ماقدرتش انزل)
خالاني احس اننا كلناشركاء
لييييييه؟؟
عللشان احنا سكتنا30 سنة(بتكلم عن جيلي)لحد ماالدنيااتخربت
سكتنا ليه مش قادرة اجد تفسير
وزعلت من موضوع الظباط واللي حصل من ضرب للمعتصمين بغض النظر انهم مش ظباط وان رجل الاعمال ابراهيم كامل مسلطهم
-----
زعلانة جدا ان ابو الفتوح قال انه هيرشح نفسه للرئاسة ومستقل
وماحدش يفهم غلط انا مش ضد ان اي حد يرشح نفسه اطلاااااااقا
لكن الاخوان قالوا من الاول ان ده شئ بعيد عن حسباتهم ومش بيفكروا فيه
يعني رجعوا في كلامهم وده اللي مضايقني
-----
موضوع الشيوخ اللي فجأة بقوا سياسيين برضوا مزعلني بلاش التحكم في عقول الناس بالدين
بلاش نظام غزوة الصناديق واللي معانا مع الدين واللي مش معانا كافر ويخرج بره في كندا وامريكا
بلاش ندخل الدين في لعبة السياسه الغير شريفة والتاريخ الاسلامي والدول الاسلاميه موجود وتاريخ الاندلس موجود والامجاد اللي ضاعت بسبب شهوة الحكم والجلوس علي الكرسي للي عايز يقرا
مش دايما النوايا بتبقا حسنة
-----
موضوع صلاة الجمعة ده كمان مضايقني جدا
الشباب ينزل من بيته معاه السجادة ويتجمعوا علي الناصية يفضلوا يرغوا ويضحكوا واول ما الامام يقيم الصلاة يجروا يفردوا السجادة ويصلوا
حسب علمي صلاة الجمعة مش كده ابدا لابد من الذهاب الي المسجد علي الاقل مع الاذان
وصلاة تحية المسجد وسماع الخطبه في سكون وسكووووووت
ليه المشايخ في الجوامع ما بيلفتوش نظر المصلين لده زي كده ما دايما الامام يذكرنا بكيفية صلاة الجنازة كل مانصليها
ليه مايبقاش اخر تلات دقائق من الخطبه تعريف المصلين بحكم صلاة الجمعة
---------
اندهشت جدا من كلام زكريا عزمي ان هو اي حد يمتلك كام فيلا علي قصر يبقا مرتشي!!!؟؟؟
عايزة اقول له اللي اختشوا ماتوا
لا يبقا كميلة وزي الفل
ويارب الجمعة الجاية تعدي علي خير ويارب اشوف الشريف واعوانه وسرور واعوانه وكل فرد فاسد من النظام اللي بنحاول نخليه سابق
-----
ومش هنسي سفاحين الوطن العربي بشار وصالح والقذافي
ربنا ياخدكم ويريح الوطن العربي منكم
مش مصدقة اللي بتعملوه في شعوبكم وبفلوسهم
يارب انصر الشعب العربي

هناك 38 تعليقًا:

سواح في ملك اللــــــــــــــــــه- يقول...

مقدر مشاعرك طبعا
بس مهما حصل لازم نحافظ علي ترابط الجيش
علشان الي حصل ان مفيش حد مقرر الاعتصام
وفي اخر لحظة نلاقي معتصمين
ده كلام مش كويس
وبيجمح بالامور ناحية الفوضي
الناس لازم يبقي عندها وعي ومتنقادش وراء اي حد يقول هنعتصم
الجيش مؤسسة متماسكة ومحافظة علي البلاد
ولازم تفضل كدة
ولازم يبقي فيه قوانين نحترمها
تحيتي

غير معرف يقول...

كلنا شركاء

فعلا

بس كل يلتزم بحصته وما يحاولش ياخد من نصيب شريكه

الازهرى يقول...

صدقتينى لما قلت لك فى كمان لعبتين بلطجة لازم يحصلوا
دى واحدة وباقى واحدة

عرفت ازاى
بلطجى قديم وفاهم ازاى دماغهم ماشية
الموضوع كبير ولازم يتم لتعامل معاه بحسم

وربنا معانا

HighOnLife يقول...

عزيزتي حنان/شموسة
اللى عايز يفهم ملخص الاحداث يقرا لك.
مهم اوي نصىحتك بخصوص آداب صلآة الجمعة.
اسمحيلي اقتبس جمل من مدونتك للنشر علي تويتر
والفيس للافادة العامة مع لنك المدونة.
مرفت

كلمات من نور يقول...

يارب يسر علينا الشهور الجايه علشان كل يوم بيتكشف جديد وبنشوف عجب


ويارب ينصر أمة محمد قريبا

وفعلا خطبة الجمعة ركن من اركان الجمعة و إلا كانت تبقى صلاة ظهر عادية بس مع الأسف محتاجين توعيه للكل بهذا الشأن

كلمات من نور يقول...

عندك تاج يا شموسة في مدونتي ياريت تجاوبي عليه

موناليزا يقول...

متفقة مع كلماتك جدا

Dr Ibrahim يقول...

يا فندم بالنسبة
بالنسبة لكلام الشيخ محمد حسين يعقوبوانه بيقول ان اللى معانا يبقى مع الدين واللى مش معانا يبقى كافر ويروح بره

واعلمى يا استاذتنا ان لما حد بيقول كلام على حد انه قاله وهو فعلا مقالوش يبقى بيفترى عليه
لانه قال
قال اللى مش عاجبه ان الدين يحكم يروح كندا وهناك فارق كبير بين الجملة دى واللى حضرتك ذكرتيه.


وبالنسبة للأخوان
هناك فرق بين لما المرشد يقول مفيش حد هيترشح...وعبد المنعم ابو الفتوح مع الجماعة يبقى مش هيترشح انما لو استقال من الجماعة يبقى كلام المرشد ميمشيش عليه..
انما لوحضرتك قصدك ان فكر ابو الفتوح نفس فكر الجماعة
يبقى حضرتك بتعترضى على فكر الجماعة ذات نفسها مش اعتراض على حكاية انهم قالوا ورجعوا فى كلامهم..

بالنسبة للصلاة
الشيوخ بتقول
وانا قولت لحضرتك سابقاً..
العيب ايضاً على التربية لأن انا طول عمرى الشيوخ بيذكرونا بأن نأتى قبل الصلاة وكلما أتينا مبكرا كلما كان الثواب أكبر..
ولكن الشباب لايستجيب
وهناك نقص فى جزء التربية الدينية من قبل الأهالى..فهناك اب يربى ابنه تربية صحيحة وهناك اب لايربى..

والدين يجب أن يدخل السياسة ليهذبها حتى لاتصبح السياسة غير أخلاقية..
ويجب أن نعلم أن هناك اسباب كثيرة من يقرأ التاريخ الإسلامى لإنهيار دولة المجد والازدهار الإسلامى..ولكن يجب أن نقرأ لمصادر موثوق منها وليس مجرد مشاهدة تلفاز وبرامج لانعلم من يعدها.

واذكر حضرتك فيه ردود عندى فى المدونة حضرتك لم تردى عليها..ولكى الحق فى عدم الرد عليها! إن كنتى لاتريدين ذلك
والسلام عليكم ورحمة الله وبركاته

غير معرف يقول...

أجمل ما في تحديثاتك أنفعالك الصادق مع كل تطور

أمسكي أعصابك شويه بئا على اخر الأسبوع

غير معرف يقول...

السلام عليكم و رحمة الله و بركاته اخواني أخواتي المدونين
أردة أن أدعوكم لزيارة مدونتي و اعطائي رأيكم فيها.
و لكم جزيل الشكر

تقبلو مني فائق الاحترام و التقدير

سلام لكم يا غاليين.........

Mahmoud Ahmed يقول...

اخبار كثيره قوي
انا قلت ادخل اسلم
و اقلوك الله يبارك فيكي بخصوص نظيف
و عقبال مبارك ان شاء الله

دعاء العطار يقول...

انا زعلانه اوى ع اللى حصل فى المظاهره

وبجد بقيت خايفه على مصر اكتر من اى وقت تانى

الثوره لسه مش اكتملت .. الفاسدين ماتخاكموش .. ده غير انهم بيحاولوا يثيروا الفتن ويوقعوا بينا وبين الجيش .. ده غير كمان انهم بيحاولوا بشوهوا الثوره

بجد ربنا يستر ع مصر وع الثوره

ويارب الناس دى كلها تتحكام بقى عشان نفوق لمصر ولمشاريعنا ونتقدم بقى ونوصل بمصر للمكانه اللى تليق بيها

دمتى بكل خير وود

شمس النهار يقول...

*سواح في ملك الله
دول مش جيش اصلا دي مجموعة من المغرر بيهم وواخدين فلوس
ارجع لأشكالهم وطريقة لبسهم هتلاقي غلطات كتير في الزي والهيئة
يعني مافيش ظابط وخصوصا الملازم بيبقا شعره طويل كده ولا مربي سوالف
وبعضهم الشارة علي ياقة القميص لاتطابق اللي علي الكم من فوق
والجيش تمام التمام
والحمد لله قبضوا علي ابراهيم كامل المتسبب في احداث امس

شمس النهار يقول...

* مصري جدا

ايوة كلنا شركاء اننا سكتنا عن هذا الخايب
واعوانه الاخيب

شمس النهار يقول...

* الازهرى

عندك حق
بس الحمد لله قبضوا علي ابراهيم كامل راس الحية

شمس النهار يقول...

* HighOnLife

المدونة مدونتك ياجميلة
خدي منها اللي انتي عايزاه احنا نطول
:))
ومبروك علي المدونة

شمس النهار يقول...

* كلمات من نور
فعلا الفترة الجاية شكلها عايزة صبر مننا علي المكاره

وهنقول كتير يامثبت العقل والدين يارب

وحاضر ياجميلة في وقت روقان كده هجاوب علي التاج

شمس النهار يقول...

* موناليزا

شكرا ياجميلة

بس تفتكري مؤيدي مبارك مؤيدينه ليه؟

rack-yourminds يقول...

ثورة الشعب المصري العظيم سوف تنتزع كل بقايا النظام السابق ,وسترجع مصر رائده وعظيمه ان شاء الله

شمس النهار يقول...

* Dr Ibrahim

علي فكرة ياابراهيم انا شوفت الفيديو اكتر من مره
والاشارة باليد تعني يطلع بره ما الكلمات القاطعة اللي قالها وياريت ترجع ليها
واري حوارنا حول هذا الموضوع واخد اكتر من حجمه بعد ماهو نفسه طلع وقال كنت بهزر
واللافتات اللي كانت مكتوبه وتتهم اللي قال لا بالكفر كانت معلقه في كل مكان
منها ماكان صريح ومنا من كان بالتلميح والا مامعني ان من قال نعم قال نعم للدين ومن قال لا فهو ضد الدين من هو اللي ضد الدين الاسلامي الا الكافر
والاستفتاء خلص والحمد لله والنتيجه احترمها كل من قال لا يعني لااحنا كفرة ولا طلعنا ثرنا ان النتيجة بنعم
والحمد لله ان اللي بيحصل لاهو نتاج لاولا هو نتاج نعم
بل خليط بين الاتنين
والحمد لله حتي الخليط ده في مصلحة مصر
اللي هي همنا الاوحد
اما موضوع الاخوان رغم اني رديت عليه عندك
الا هقول لك تاني من حقي اعترض علي اي فكر سواء الاخوان او غيره
ولكني لااعترض علي فكر الاخوان ولكن اعترض علي ابو الفتوح اللي تربي علي فكر الاخوان وبيتخلي عن الجماعة علشان يرشح نفسه للرئاسه ولم يحترم راي الجماعة اللي تربي فيها وحمل لواءها
اما صلاة الجمعة مش هرد عليه تاني
:)
علشان انا قلت لك انا ديكتاتوريه في الموضوع ده ورديت بستفاضه ليه انا دكتاتوريه في البوست السابق عندي
وعلي فكرة انا لااستقي التاريخ من التلفاز علشان اللي يعرفني كويس انا مش بحب التلفاز مش علشان حرام لا علشان مالييش خلق اتفرج علي التمثيليات والبرامج بتاعة الرغي والخناق
لكن بسمع نشرات الاخبار
وبرضوا رديت علي الموضوع ده عندك هناك
وبعيد عن ده كله
عايزة اقولك مافيش حد بيعرف كل حاجه ومتمكن من كل حاجه وملم بكل حاجةوعلشان كده انا برحب باي نقاش صحي يبني علي تبادل الافكار والمعلومات لاالاتهامات
ورديت علي التعليق والاتهام الموجه لي
:))
وعليكم السلام ورحمة الله وبركاته

شمس النهار يقول...

* مصري جدا

لا كده مش هينفع انا ست كبيرة وعندي القلب
ياريت يقصروا ويدونا المصايب كلها مرة واحدة:))

شمس النهار يقول...

* مدونة الأمل

اهلا وسهلا بالجزائر واهل الجزائر

وان شاء الله نتابع معاك

شمس النهار يقول...

* سبايدرمان

الله يسلمك ويبارك فيك

ان شاء الله الحكومة كلها من اول رئيس الجمهورية السابق مرورا برئيس الوزراء بالوزراء هيشرفوا
سجن
طره لاند
:))

شمس النهار يقول...

* دعاء العطار

الموضوع ده اللي مزعلني فيه ان الجيش لحد دلوقتي مااتكلمش فيه بصراحة وفهم الناس اغلب الناس فاكرين ان دول جيش
وهمه مش جيش واقري ردي علي سواح
والحمد لله ان اتقبض علي ابراهيم كامل مفجر ثورة البلطجية
:)
وادي نظيف حصل باقي وزراء وزارته
وعقبال باقي الوزراة
ربنا يعجل بشريف وسرور وجمال و.....ايه ده دول كتير اوي
ان شاء الله خير يادودو
منوراني

شمس النهار يقول...

* مصر

اهلا وسهلا
:)

شمس النهار يقول...

* rack-yourminds

ان شاء الله تعالي

ونقول يارب علي الظلمه

ربنا يكرمك

elsha3er يقول...

السلام عليكم
أتمنى ان تكونى بألف خير امى الغالية
انا حعلق على جزئيتين
الاولى الناس اللى عاشت 30 سنة تاكل حرام وتظلم الناس مش من الصعب عليهم انهم يهربوا الفلوس انا اعتقد حق عليهم قول الله نسوا الله فنساهم \فقد ختم الله على قلوبهم

النقطة الثانية الخاصة بترشح د\ابو الفتوح

والله انا برده اتضايقت ولنفس السبب حتى لو مستقل اعتقد ان دة هراء لان حد متربى فى مدرسة الجماعة وعمره كله فيها من الصعب ان يكون مستقل الفكر والمنهج شئ صعب جدا بل مستحيل فنزوله بلا حرج او أثم هو نزول الجماعة بعين كيانها دة على الاقل من وجهة نظرى

اتمنى لك التوفيق امى الغالية

حمدى جعوان يقول...

انا خااااااااايف وقلقااان

شمس النهار يقول...

* elsha3er
وعليكم السلام ورحمة الله وبركاته
الحمد الله انا بخير
شكرا علي سؤالك

والله عندك حق الناس دي اكلت حرام وليها حسابتها اللي مافيهاش الضمير اصلا

وبالنسبة لأبو الفتوح اشاركك الراي

الجروب في تجاوزات ونهي اشتكت لي وكانت عايزة تنسحب
واقتنعت ان ماتنسحبش واي حد يتجاوز بقول غير لائق نلفت نظره مرة واتنين وتلاته وان اصر علي التجاوز
يتطلب منه الانسحاب من الجروب او الادمن يشيله
الجروب علشان نتبادل الافكار والمعلومات والنقاش الجميل الجاد
لا الاستهزاء والتناحر او التجاوز وهكتب الكلام ده هناك
ربنا يوفقكم

شمس النهار يقول...

* حمدى جعوان

كلنا زيك
بس انا عندي امل في الله كبير

الحق هينصر الحق

sony2000 يقول...

اه ياقلبي
سؤالي
هما ليه بيعملوا كدا فوطنهم
هوا دا مش وطنهم؟

Unknown يقول...

السلام عليكم

احم.. أنا أحب أضيف إلى كلام حضرتك إعجابي بحديث وزير العدل لمنى الشاذلي بالأمس خاصة عندما نفى أنهم سيذهبون إلى المخلوع لبيته، وقال نحن لا نذهب لأحد إلا من لديه مانع صحي يمنعه من الحضور (وطبعا هو زي القرد وبيتكلم مع الفضائيات ولسه فيه حيل يقول: الأخوة والأخوات!!)..
ثم أكد النفي بقوله لا أحد فوق القانون ونحن استدعينا (المواطن) محمد حسني مبارك للمثول للتحقيق.

عجبتني أوي (المواطن) دي!!! :)

تحياتي.. وكل تحديث وانتي طيبة :)

شمس النهار يقول...

* sony2000

بيعملوا ايه بس ياسوني؟
:)
ماهو ده وطنهم همه عملوا حاجه دول بس بيربوا الشعب اللي كانوا مستعبدينه
مش اكتر
وكانوا فاكرين ان البلطجه هتنفع معانا
بس خلاص همه مش واخدين بالهم ان الشعب فاق وعرف شلة الحرمية
اللي كانت محتلانا

شمس النهار يقول...

* ماجد القاضي

وعليكم السلام ورحمة الله وبركاته

ايوة وعجبني انا كمان
بس يارب يعملوا كده فعلا
وماتبقاش فرقعة كلام وبس
وادينا مستنين
وربنا يستر

daloo3a يقول...

الله يحفظ مصر من كل شر ^^

mrmr يقول...

انا دمى محروق من الخطاب
حاسسنى اننا شعب مفترى وظالم وهو الحمل الوديع
ارحم يارب

شمس النهار يقول...

*daloo3a

آآآآآآآآآمين

شمس النهار يقول...

*mrmr

حسيت ان هيطلعنا احنا اللي حرامية

:))))