الأحد، 17 أبريل 2011

نساء اليمن السعيد الثائر الان+تحديث

بشار النحس القي خطابين وقطع النت وبيقتل في الشعب
كده فاضل له ايه؟؟؟
فاضل كام خطوة علي نجاح ثورة سوريا؟؟؟؟
مبرووووك لشهداء سوريا الجنة
وياريت يبيضوا السجن هناك ولو مش هيلحقوا يبعتوه هنا
اهو يتسلي مع اخواته عيلاء وجيمي علي ما
علي صالح يجي ومالهمش دعوة بالعقيد انا حاجزة له في الموريستان عنبر الحالات الحرجة

شدوا حيلكم ياعرب

:))))
والله نساء اليمن جدعاااااااااااان
المسيرة النهاردة كانت شكلها يفرح
بتقل ادبك ليه مع النساء
اهو طلعوا لك بمسيره شبه مليونيه
وهيرفعوا عليك قضية وهيجرجروك في المحاكم
ابقا امسك لسانك شوية معاهم
-------
خبر الموسم
حل الحزب الوطني الديمقراطي فرحة في كل بيت في كل شبر علي ارضك يامصر
اتحل الجسم السرطاني اللي كان طابق علي صدرك وصدرنا
يحياااااا العدل
-----
التحقيق مع مني ومحمد ابناء كمال الشازلي قرينا علي الراجل وقلنا عيلته نفدت
:)))
وكمان مع احمد هيكل
البكرة كرت خلاص يامنز
عقبال حل المجالس المحلية اللي فيها فساد للركب علي راي المرحوم زكريا عزم (معلش شلت الياء علشان بتشائم)
وخير اللهم اجعله خير الست عائشة هيتحقق معاها بكره ان شاء الله خير و15 يوم يااخت عائشة
والجبلي بتاع العلاج علي نفقة الدولة بتاع الغلابه والتأمين الصحي لزوم ذل الغلابه
------
الدكتره بتاع سوريا النحنوح طالع النهاردة يجر ناعم مع الشعب ويتكلم علي الشهداء والمصابين ويقول انه والوزراء في خدمة الشعب والا مالهمش لازمة
اهو احنا هنمسك في مالهومش لازمة دي ويالة يادكتره اتكل وامشي ياسفاح
مين ماشفش الفيديو الوحشي بتاع كلابك وهي بتنهش في الشعب
مش هقول لك اتقي الله علشان انت ناسي ربنا اصلا
واللي يقتل شعبه خاين
-----
ورئيس الجزائر كمان طالع علينا يعمل نفس الحكاية
هو في ايه صحيح الشعوب العربيه سكتتلكم سنين طويلة لحد ماافتكرتونا عبط
بس احنا مابقيناش كده وعمرنا ماكنا كده
وليعلم كل رئيس منكم انه ماشي ماشي كان غيركم اشطر
وخصوصا عميد السفاحين العرب اللي في ليبيا
هتمشي ماشيه انيل من مشية حبيبك اللامبارك
قال وبتحضر جن يقاتلوا معاك الشعب العاصي المستبد
جتك ستين جن ينططوك
قال جن قال
بالزمة ده رئيس يحكم كفر مش بلد

هناك 32 تعليقًا:

حمدى جعوان يقول...

الاخبار الايام دى كتييييير ومش ملاحقين عليها ياشمس ... بتلاقى الواحد محتار يتكلم فى ايه ولا ايه (:

خبر حل الوطنى اول مما سمعته فضلت اقول سبحانك يارب سبحانك يارب من تلات شهور كان الحزب الحاكم وكان مطلع عين اهالينا ..

والاخ بشار انهارده شوفت كلمتى .. بيقول حاجات المفروض انها فى الف باء حكم .. يعنى حاجات بديهيه اصلا ولازم تكون فى اى وزاره ( امال الناس دى كانت بتعمل ايه)

المهم الاحداث كتير وان شاء الله كله فى طريق الحرية
ونسيتى تكتبى ان انهارده كان يوم الاسير الفلسطينى .. يارب فرج كربهم واسرهم

سواح في ملك اللــــــــــــــــــه- يقول...

صباح الفل

((السجن الوطني الديمقراطي ))
العنوان الجديد لمقر الحزب
بتاع اليمن بقي عايزينهم يتشطروا
كده ويجيبوه طرة
عنبر المشاهير ههههه
يلا ويجيبولنا كام واحد من الي كابسين علي نفس الشعوب
بس القذافي بقي
علي السرايا الصفرا عدل
غم اني واله اشفق علي المجانين
تحيتي

شمس النهار يقول...

* حمدي جوعان

ايوة الوطن العربي ماشاء الله صحي من النوم

بس المصريين ماشاء الله احداث جديدة كل فيمتو ثانية
:))

ربنا يفك حبس كل اسير ويفرج كرب اهله
ويفرحنا بتحرير فلسطين

شمس النهار يقول...

*سواح في ملك الله

تصدق فكرة
ياريت نلملهم كلهم وعلي طرة لاند عدل
ودي هتبقا خدمة من مصر للوطن العربي

واهم يسلوا بعض ويحكوا عن المليون سنة اللي حكمونا فيها
وممكن نعمل رحلات سياحية لطرة لاند بفلوس لسياح العالم واهو نلم عليهم فلوس بدل اللي نهبوها
:))))

ونخص بالذكر الاخ معمر الجدافي اللي هيضرف في العباسية عنبر الحالات الحرجة

حمدى جعوان يقول...

ايه ده يا شمس ):

اسمى جعوااان مش جوعان
ههههههههههه
يلا غلطه كيبورديه

شمس النهار يقول...

*حمدى جعوان

:))))))))))

مش ممكن حتت غلطة
بس دي مش غلطة كيبوردية دي غلطة معداوية
يمكن علشان عاملة رجيم وجعااااااانة

:))))))))

shoshta_ joker يقول...

السلام عليكم.
ازيك يا شموسة

والله القذافى دا كبيرة يحكم مسطبة اساسا
انا متهيئلى انه شايل مخه فى التلاجة وماشى من غيره بس حيمشى باذن الله يعنى حيمشى دى نهاية الكلاب من المأكد.....


دومتى بخير
فى رعاية الله....
shemo

باحث عن حب يقول...

اختنا
ازيك
مقصر
فى حقك
بس
تدويناتك
رائعه
بجد
كل الدول
خايفه وبتخبط فى ركبها
وبتاع المغر ب كمان اصلاح دستورى
والدنيا هايصه
بس
يا شمس
عاوز
اعرف
حكايه البحرين
عاوز افهم

غير معرف يقول...

طبعا ولا واحد منهم ينفع يحكم كفر

لكن يكفر بلد

تفتكري يا ستنا المخلوع يفرق أي حاجه عن القذافي؟

رأي لأ

والدليل الطيارات اللي طارت فوق ميدان التحرير والتسريبات عن أطلاق اسود حديقة الحيوانات بعد تجويعها على الثوار واخيرا البلطجيه

لكن

لكن

دفع ثمن تكدير الجيش طوال ثلاثين عاما

ورحمة ربك سبحانه وتعالى

شمس النهار يقول...

*shemo_ joker

اهلا اهلا بالغايبين

ازيك يارب تكوني بخير

انا الحمد لله في فضل ونعمة من الله

القذافي مهما عمل من جرائم علشان يحتفظ بكرسي العرش
برضوا هيمشي هيمشي

مشيع باللعنات ويحاكم كا مجرم حرب

شمس النهار يقول...

*محمود(باحث عن حب)

اهلا بيك يامحمود

يارب تكون بخير

ومافيش تقصير ولا حاجة اهلا بيك في كل وقت

موضوع البحرين علي قد علمي
ان المظاهرات ابتدت سلمية للمطالبه بحقوق مشروعة
زي الحريات والاصلاحات
وبعد كده قلبت غم وادخلت السعودية وقلبت سنة وشيعة
وايران حبت تدخل في الموضوع
يعني قلبت غم علي الاخر

شمس النهار يقول...

*مصري جدا

كلهم زي بعض مايفرقوش عن بعض

والحمد لله ان الجيش وقف مع الشعب
كنت في الميدان يوم الخميس ببنتين من بناتي واصحابهم
ولاقيت علي الساعة ستة ونص اخويا وهو عقيد مهندس في الجيش بيكلمني وثائر جدا انتي فين ارجعي ماينفعش تقعدي عندك اكتر من كده وعمال يزعق
طنشته طبعا وروحت قبل خطاب الاستفزاز بتاع اللامبارك
بعد الدنيا ماهديت حكالي كان في ايه وايه القصة وان المخلوع كان عايز يسوي بينا الارض والجيش وقف له
اهو ربنا خسف بيه الارض
ووقع هو وكل اللي حواليه

كلمات من نور يقول...

رؤوساء إحنا صنعناهم مع الأسف وخليناهم طغاة بس ولادنا رفضوا الذل والهوان اللي احنا رضينا بيه سنين طويلة يا شموسة ...ربي يخليهم لنا ويبارك لنا فيهم غيرونا بجد ....بوست ظريف بيقول للطغاة : انسوا .....

Unknown يقول...

فعلا نساء
اليمن فاجأونى
اليوم بثقافتهن
وشجاعتهن ولباقتهن

Mahmoud Ahmed يقول...

احلي خبر هو حل الحزب الوطني ^_^

لــــ زهــــــراء ــــولا يقول...

بكل صراحه السيدات فى اليمن كانوا مفاجاه بكل المقاييس ولا عمرى تخيلت انهم ممكن يعملوا كده ابدا

واضح ان البكره فعلا بدات تكر وكله عليه الدور وحسبى الله ونعم الوكيل فى كل ظالم ويااااااااريت كل واحد بيظلم يعلم انه له يوم ولن يتأخر

الست عائشه شكلها هتكون اول حد يشرف فى القناطر واكيد هناك هيكون لها اجمل تحيه من الستات اللى يعرفوا يقوموا بالواجب معاها

اللهم اضرب الظالمين بالظالمين وانقذنا منها سالمين

ياااااااااارب يومك جميل زى الفل والياسمين


زهراء

Lady E يقول...

الوضع في اليمن مؤلم جدا يا شموسه

اما عن الحزن الوثني فأخيرااااا شوفنا اليوم ده

شمس النهار يقول...

* كلمات من نور

ده ورث ورثناه نأله الحكام

بس خلاص مش هينفع تاني

شكرا علي كلامك ياجميلة

شمس النهار يقول...

* norahaty

ل وايه وهيلبسوه قضية

هو مايعرفش ان كيدهن عظيم

:)))

Unknown يقول...

مع ان كلامك يهلك من الضحك بس بجد حال العرب صعبان علي أوي لازم يموتوا و يتسحلوا و يتعذبوا و يتشردوا عشان الكلاب يحسوا بيهم...حسبي الله و نعم الوكيل فيهم جميعاً ربنا يجعل نهايتهم سوداء أسود من أعمالهم.
تحياتي لكي

شمس النهار يقول...

* سبايدرمان

ده خبر الموسم وكل موسم والي اخر العمر
وكمان هنسترد المقرات والاموال

يخربيتهم كانوا طايحين في البلد

شمس النهار يقول...

*لـــولا وزهـــراء

اوشه هتفتتح سجن النساء
وتستنا ستها وتاج راسها شوزي

تبقا تبوس فيها زي ماهي عايزة

:))

شمس النهار يقول...

*Lady E

مش بس الوضع في اليمن
في سوريا كمان وصل مرحلة نازية

ربنا يصبر ويسند السوريين

وكذلك الليبيين ربنا يثبتهم
عندهم رئيس مورستان واخيرا استعان بالجان

رحلتنا في الحياة يقول...

مع كمية الاحداث اللى بتحصل فى العالم العربى خلت الواحد مرتبك مش عارف ايه الصحوة اللى حصلت دى بس طبعا شئ مفرح
ربنا يصلح الاحوال دايما ويجعل اللى جاى افضل باذن الله

Unknown يقول...

السلام عليكم

جميلة إشارتك لنساء اليمن..

وربنا يجعل لنا كل يوم خبر سعيد بنصر جديد..

أعتقد بحبس رأس الفساد السابق (إن شاء الله ياخدو جميعا ما يستحقون من أحاكم) ستقل مظاهر الثورة المضادة كثيرا..
وأعتقد كذلك أن هذا مؤشر على قرب انتهاء فترة إزالة القاذورات أو الأنقاض... وبدأنا في مرحلة رمي الأساس (الانتخابات البرلمانية والرئاسية والدستور)... وبعدين نقدر نقول: الثورة انتهت ونبدأ البناء.

تحياتي أختي الكريمة.

شمس النهار يقول...

* ღ أحاسيس آيـــوشـاღ

ان شاء الله اللي جاي اجمل والوطن العربي يبقا اروق لما نتخلص من الؤساء المؤبد

شمس النهار يقول...

* ماجد القاضي

وعليكم السلام ورحمة الله وبركاته

موافقه علي كلامك كله

بس الثورة ماانتهتش

الثورة موجودة علي طول
بس مش المظاهرات
لا
الحماس الثوري هو اللي هيفضل موجود علشان يحرك سرعة البناء

دائما منور المدونة

tarek momen يقول...

الله ينور عليكي يا زعيمة

شمس النهار يقول...

*tarek momen

الله ينور عليك ياحاج
فينك ياكبير
مش باين

غير معرف يقول...

What's up, just wanted to mention, I loved this blog post. It was practical. Keep on posting!

my web blog; alojamiento web

غير معرف يقول...

І think the аdmin of this site iѕ gеnuinely
workіng hard in suρрort of hiѕ website, because hеre eνery ѕtuff is quality basеԁ information.



My webpage :: CRIA SITE

غير معرف يقول...

When some one sеarchеs for his vital thing, theгefore he/she needs
to be availablе that in detail, therefoгe that thing is maintained over
here.

Also viѕit my ωeblοg: Webpage Erstellen