الاثنين، 18 أبريل 2011

مدد شد حيلك يابلد

مدد الله الله الله حي
الحكم العدل المتقم الجبار المعز المذل
اللي نسيتوه يارؤساء مؤبد
شدي حيلك ياسوريا
شدي حيلك ياليبيا
شدي حيلك يايمن
شدي حيلك ياجزائر
وللي بيقولوا ان ده مخطط وبيتنفذ في الوطن العربي ووراه قوي خارجية
مره يقولوا ايران
ومرة يقولوا امريكا واسرائيل
ماترسوا علي بر هي ايران ولا امريكا واسرائيل
لو ايران ماتنفعش في سوريا اصلا ايران تدعم اسم الله عليه بشارة الفار
وامريكا واسرائيل برضوا ماينفعوش هناك ليييييه؟
اصل لو جه حكم ديمقراطي صح في سوريا من الشعب وللشعب
اول حاجه هيدور ليه من سنة67 لحد النهارده
مااضربش خرطوش من بندقية صيد في الجولان علي اسرائيل
وكمان هيسيبوا لبنان في حالها والدنيا تهدي
طيب واليمن هي امريكا هتتخلي عن عليوة ليه ده هو ده اللي مظبطهم مع القاعدة وحبيبهم
زي اللي كان عندنا كان صمام امان اسرائيل في المنطقة
يعني اللي بيقولوا حد محرك الناس دي بقول لهم عيب عيب قوي
من كتر مااستحملنا رخامتكم وجباروتكم وقهركم لينا افتكرتوا ان مش هيجي يوم ونثور عليكم ونسجنكم كمان
الشعب العربي فاق والحمد لله
من غير اجندات من غير كنتاكي من غير 50 يورو او 60 دولار(مش عارفة اشمعنا الارقام دي:))
اللي حركه ايمانه بالله والقهر وعشقه للحرية
والاغنية دي بهديها للشعب العربي كله

هناك 37 تعليقًا:

Ramy يقول...

هما مش قادرين يتصوروا ان الشعوب العربية خلاص قرفت و طهقت

و احساسها بالظلم عدى كل الحدود

قدرتهم على الأستيعاب وقفت

rack-yourminds يقول...

سيدتي عقلية النظم العربيه واحده,وسوف تلاحظين في تفاصيل تلك الثورات بداية من الثوره التونسيه والمصريه والليبيه واليمنيه والسوريه نفسي الحيل والاكاذيب والاجرام والاستخفاف بشعوبهم ,وبعتقد ان هذا نهج كل النظم فاقدة الشرعيه,سيدتي ما حدث في تونس ومصر فيه عبر وايات عظيمه ,انه مهما علا الفساد في الارض وتجبر فان له نهايه لان استمراره ضد قانون الله وسننه التي لن تتبدل ولن تتحول,اعلم انه في لحظات كدنا نفقد الامل فالأفق كان مسدودا وسمواتنا كان سوداء ملبده بالغيوم ,لكن هذه كلها كان بشارات النصر ,فالله يقول "حتي اذا استئيس الرسل وظنوا انهم قد كذبوا جاءهم نصرنا" وعندما تغيرت نفوس هذا الشعب وخرج الشباب الطاهر ,كان لابد لسنة الله أن تحقق "ان الله لا يغير ما يقوم حتي يغيروا ما بانفسهم"

أنا - الريس يقول...

هتشد يا شموسة بينا
معدش حد له شوق يحكمها
واللي ليه لأنه عشاقها
مصر بتتولد
بس دلوقتي في مخاض
ان شاء الله تتعدل
شدي حيلك يا بلد .. كل حاجة فيكي حلوة بإذن ربي بتتولد .

اللهم ثبت مصر علي الحق اللهم ثبت مصر علي الحق .

جايدا العزيزي يقول...

اه والله يا ست الكل

المفروض دلوقتى ان كل بالد تشد حيلها وتفوق

يارب حرر كل بلادنا العربيه من انظمتها الفاسده

تحياتى

Unknown يقول...

السلام عليكم أختي شمس..

أنا صراحة من موقعي هذا أحب أشكر كلا من أمريكا وإيران وإسرائيل والقاعدة (الكيان الهلامي) على مخططهم الرائع الذي أيقظنا من غيبوبتنا.. وأطالبهم - وأشدد في طلبي - على مخططات شبيهة لإخواننا الفلسطينيين والعراقيين..
(مخطط أمريكي لتحرير العراق؟!!! ومخطط إسرائيلي لتحرير فلسطين؟!!!!... اشمعنا دي اللي هتكون منطقية يعني)
وبالمناسبة مفيش مانع يستعينوا بالجن في الموضوع ده!!!!!!!!!


اللهم أزل الكرب والغمة عن إخواننا جميعا يا رب العالمين.. آمين.. آمين.
تحياتي الدائمة أختي الكريمة.

كلمات من نور يقول...

يارب انصر امة نبيك المصطفى واجمعهم على كلمة الحق و انصرهم وايدهم بنصرك

sony2000 يقول...

الفكره انهم بسبب اللي حوليهم مانفخو فيهم
اصيبوا بحنون العظمه

مرض قاااااااتل

سواح في ملك اللــــــــــــــــــه- يقول...

شفتي اخر ابداعات القذافي
جايب واحد ساحر علي التلفزيون بيعمل
عمل لجنود التحالف
ماشاء الله علي العقيد
انشاء الله ربنا هيوديه في داهية بسبب
نباهته الزيادة دي
هو لو واحد كدة يكون صالح وصاحب خطوة
يدعي ربنا تجيلهم شوطة تاخدهم كلهم زي الفراخ يبقي احسن

الازهرى يقول...

المعلومة اللى عندى انه فعلا مخطط

بس من الداخل

وعلى الله الستر

حمدى جعوان يقول...

خلااااص كرة الثلج تحركت ولن تقف... طعم الحرية حلو اوى يا شمس ( بس طبعا الحرية المسئولة )
الموضوع محسوم آجلا ام عاجلا وف كل شاااارع فى بلاااادى صوت الحرية بيناااادى


المشكله انهم مش بيتعلموا من بعض ... يعنى نفس الكلام اللى اتقال فى مصر اتقال فى ليبيا وفى اليمن وفى البحرين وفى سوريا
عقلية واحده فعلا ( عقلية المستبد )

Mahmoud Ahmed يقول...

هـــــــو زي ما حضرتك قولتي
شدوا حيلكوا يا عرب
شدوا حيلكوا يا عرب
شدوا حيلكوا يا عرب

Foxology يقول...

الحقيقة حاجة تفرح كفاية ان فى اليمن فى مباحثات وخطوات لنقل السلطة خلاص ده غير الجزائر اللى لسه قدامها شوية بس ربنا يسهلهم الحال

ليبيا بأة فى لغز كبير محدش قادر بفك طلاسمه .. اشمعنى الناتو تراجع واشمعنى الثوار بتتقدم وتتأخر ومفيش نتيجة ايجابية زى ما تكون حرب استنزاف طويلة الأجل ؟

تحياتى وربنا كريم

مامة مازن يقول...

شموستنا كيف حالك وحال اسرتك والكتكوت الجديد
ربنا يخلى ويبارك فيه يارب


ربنا معاهم بندعيلهم ربنا ينتقم من اللى ظلمهم وظلمنا

المهم انى وكتير غيرى كل يوم مش عارفين نفرح واللا نعيط وأوقات يختلط البكا بالضحك والضحك بالبكا
بنفرح بنصرة المظلوم وان كل يوم يتشد واحد واتنين يتحقق معاهم ويشرفوا فى طرة
وفى نفس الوقت فى هرج ومرج فى البلد غير عادى وفى مشاكل بالكوم
واللى اكتر من كده احلامنا اللى افتكرناها قربت منا ومسكناها لقيناه بتخرج من بين ايدينا وتبتدى تبعد عنا تانى شوية بشوية وخايفة الاقيها اختفت تانى بعد ما صحى الحلم والامل جوانا بمستقبل افضل وابتديت احلم لاولادى احلام اكتر من اللى كنت بحلمها
المشكلة ان كلها احلام عادية ومشروعة وممكن تتحقق ومن حقوقى كانسان لكن سماء الحلم ده ابتدت تغيم تانى وشمسها بتختفى وبتضلم بعد النور اللى كان مالى الدنيا

الثورة فتحت طريق الامل وتصرفات الناس هى اللى بتسد الطريق تانى

شمس النهار يقول...

* Ramy

اولا كل سنة وانت طيب وبخير وسعادة
وغايب ليه؟؟

فعلا كمان مش قادرين يستوعبوا انهم خلاص فقدوا شريعتهم وتحولوا الي سفاحين

شمس النهار يقول...

* rack-yourminds

كلامك تمام وصح
وقريت مرة تعليق لطيف ان الحكام العرب راضعين علي بعض
:))
اخوات في كل شء استنساخ دقيق جدا

بس لسه المصريين مااتغيروش اغلبهم ماتغيرش
وده شئ مزعلني
جدااااا

شمس النهار يقول...

* MR.PRESIDENT
قلقانه جدا من البلطجه

والطريقة اللي الناس بتتعامل بيها دلوقتي
الناس فهمت ان الصوت العالي هو اللي بيجيب الحق
ومنين ماتروح حته تلاقي خناقة وبلطجة
بس برضوا عندي امل

شمس النهار يقول...

* جايدا العزيزي

ان شاء الله البلاد العربيه كلها هتتحرر من الطغاة
ويحاكموهم كامجرمي حرب
من بعد ماكانوا ابطال نزلوا بنفسهم وطمعهم وجبروتهم الي مصاف السفاحين
يعني بالبلدي هزقوا نفسهم

شمس النهار يقول...

* ماجد القاضي

وعليكم السلام ورحمة الله وبركاته

:))) بجد ضحكتني
واضم صوتي لصوتك

اما موضوع الجن فانقدر نستفيد من خبررات العقيد القدافي في الموضوع
:))))

شمس النهار يقول...

* كلمات من نور

آآآآآآآآمين

ان شاء الله خير يانهي
والشعوب العربية تتنسم نسائم الحرية

شمس النهار يقول...

* sony2000

مش بس اللي حوايهم

الشعوب نفسها
لما تفتكري كلمات الاغاني قد ايه بتمجد في الحكام هتلاقي عندهم حق يتفرعنوا علينا

شمس النهار يقول...

* سواح في ملك الله

ايوة ماده اخر علامه هو متعلم كده ان في جن وعفاريت
:)))
جن ماينططه البعيد

وان شاء الله هتيجي انفلونزا الرؤساء تاخدهم شوطه واحدة

:)))))

شمس النهار يقول...

* الازهرى

كل سنة وانت طيب وعقبال ميت سنة
:))

وشوف ياازهري
مخطط منقط المهم ان الشعوب تاخد حريتها
وامريكا اصلا قلقانه جدا ان الشعوب العربية تاخد حريتها

شمس النهار يقول...

* حمدى جعوان

شوف كل الانظمة العربيه كوبي بيست من بعض
علشان كده
ان شاء الله هيغوروا كلهم زي بعض

ان شاء الله الوطن العربي هيضرب المثل في كيفية التحرر السلمي

شمس النهار يقول...

* سبايدرمان

الحق يتقال
همه شادين حيلهم
وربنا يثبتهم
ويحميهم
مش مصدقة اللي بيحصل في سوريا
مش ممكن ده مجنون رسمي

شمس النهار يقول...

* Foxology

ان شاء الله كل الشعوب العربية هتقدر تزيح السفاحين دول اللي كانوا لابسين ثوب الحكماء المصلحين

موضوع ليبيا فعلا غريب بس صدقني ماحدش هيقدر يقف ضد الشرعية
والقدافي فقد شرعيته وكل ده حلاوة روح
والثوار في بن غازي مش هيسمحوا للقوي الخارجيه تلعب بيهم
والحمد لله راح لهم سلاح
وان شاء الله منصورين والقدافي صدقني بقا مطلوب في اكتر من تار
وهيقطعوه

شمس النهار يقول...

* مامة مازن

اهلا بيك ياجميلة

الحمد لله البيبي ابتدي يبقا بخير بس بنتي هي اللي تعبانة جدا وربنا يعديها علي خير

صدقيني مخاوفك دي صحية
بس الامل موجود واللي حصل كتير ومش ممكن الناس دي هتسلم بسهولة ده فساد متغلغل في البلد بشكل سرطاني
وكل اللي كانوا مستفيدين هيقاوموا بشدة الاصلاح
لكن الحمد لله في اصلاح صحيح مش باين لسه بس هيبان
انا اللي قالقني امور البلطجة الغبية اللي بتحصل وموقف الشرطة الغريب

غير معرف يقول...

السلام عليكم ورحمه الله وبركاته
كلفنى الاستاذ بيرم المصرى بارسال هذه التحيه لجميع الاصدقاء وذلك لتعذر قيامه بها بشخصه
(اجمل التهانى واطيب الامانى للجميع بمناسبه عيد القيامه المجيد وشم النسيم)

ورد الغصون نيابه عن...

بيرم المصرى

ميرام يقول...

تماام
(:
انا فعلا بيجيلي شلل لما الاقي د مقتنع بالفكرة دي
تحيتي

شمس النهار يقول...

* غير معرف
وعليكم السلام ورحمة الله وبركاته
شكرا علي السلام
بس ليه بالنيابه عنه
خير ان شاء الله
يارب يكون بخير

شمس النهار يقول...

* ميرام

انهي فكرة البوست فيه افكار

:))
نورتيني

ذو النون المصري يقول...

لان الشعوب العربية نامت طوييييييييييييييلا ظن الحكام انهم ماتوا و لن تقم لهم قائمة فافسدوا و عاشوا علي هواهم دون نظر لامال الشعب و طموحاته
فكانت الثورة للشعوب الحية
فطبيعي لكل فاسد اتت به امريكا ان يظن ان الثوار اتت بهم امريكا ايضا

شمس النهار يقول...

* ذو النون المصري

فعلا عندك حق
دول ناس نسوا الله فاانساهم انفسهم

وحتي امريكا ماهي اتخلت عنهم اهو

♥نبع الغرام♥♪≈ يقول...

وحشتينى يا اجمل شموسه بالدنيا كلها

يارب تكونى بخير
وزعلانه منك انك معتيش بتزورينى مثل الاخرين بجد بتنورينى وبتشرفينى بتعليقك الرائع حبيبتى

♥نبع الغرام♥♪≈ يقول...

ربنا مع كل الشعوب يارب

وبجد انا متفائلة خير

وعقبال اخوانا فى فلسسطين لا تنسوهم من الدعاء

تقبلى مرورى
ايناس

شمس النهار يقول...

* ♥نبع الغرام♥♪≈

اهلا بيكي ياايناس
انتي كمان وحشتيني بس صدقيني مافيش وقت وعلي قد مابقدر بزور التدوينات
وهو انا اقدر مازوركيش
ده انتي بنوتي الجميلة
:)

elsha3er يقول...

السلام عليكم

نصر قريب ان شاء الله بجد الواحد بيحلم بنجاح الثورات دى متخيلين شكلنا حيبقى ازاى متخيلين اسرائيل حتبقى ازاى حتبقى فى حصار حتفكر الف مرة قبل ان تطلق صاروخ على قطاع غزة ياة حنرجع لينا كرامة تانى

عجبنى التحليل بتاع المخطط الايرانى الامريكى الاسرائيلى على الدول العربية وبتفق مع الكلام دة 100%
وربنا يوفق العرب أجمع للخير

شمس النهار يقول...

*elsha3er

وعليكم السلام ورحمة الله وبركاته

ازيك يارب تكون بخير

موضوع اسرائيل ده ماينفعش نفكر فيه دلوقتي يبقا تحت عينينه اه لكن لازم الاول نبني الداخل كويس والبنيان يبقا قوي ومتين وبعدين نتصرف علشان نتصرف صح علشان اسرائيل مش اسرائيل دي اسرائيل وامريكا
يبقا نصبر لما مصر ترجع مصر وباقي الدول العربيه تطهر هي كمان