يارب اهل قنا يستجيبوا لنداء العقل بعد قرار تجميد عمل المحافظ
===
كلمة في ودن الامارات المصريين اتنفسوا الحرية وماحدش هيلوي درعنا تاني
اوقفوا التأشيرات رجعوا المصريين اعملوا اللي تعملوه
ماحدش هيفرض علي مصر تعمل ايه تاني
لأول مره الحكومة والشعب شئ واحد
مش هينفع الحكومة تعملكم اي شئ غير بموافقة الشعب
واعتقد ان شعبكم مش موافق علي كده
بس بقولكم ايه كل واحد ينام علي الجنب اللي يريحه
ان شاء الله كل المصريين اللي بره مصر يرجعوا علي مصر اجمل
====
بشار الفار داخل درعا بالجيش
هو ده جيش ابوه
اه صحيح ده جيش ابوه وبلد ابوه والشعب عبيد ابوه
مش ده الورث اللي سابه له ابوه
وترزية القوانين والدساتير فصلوا له كرسي يقعد عليه علي مقاسه
الحمد لله اننا لم نورث
وان شاء الله يابشار يافار
شعب سوريا هينتصر عليك ويخلعك شر خلعة انت والباقيين
يارب انصر الشعب الليبي والسوري واليمني
انك نعم المولي ونعم النصير
=======
الاخبار كتير والاحداث كتيييييييير
بس عايزة اكلم القناوية الاول
ماكنش العشم ياقناوية
بجد اللي حصل مش لايق علينا هنا في مصر
ماينفعش نعمل كده مع عصام شرف وماينفعش نعمل كده في بعض
يعني كنا بنتسحل ومابنتحركش ولما ربنا كرمنا
نسحل احنا بعض
حد هيقول لي اصل حاجز الخوف اتكسر
هقول في فرق بين كسر حاجز الخوف وبين البلطجه
كان ممكن ان مجموعة من كبار القناوية
وماشاء الله كتار
مع نخبة من الشباب يروحوا يقابلوا عصام شرف
ويتفاهموا معاه او يقابلوا المجلس العسكري
لكن كده تولع نار والدنيا تتعطل تاني
حد هيقول لي طيب فرضنا عملوا كده ومافيش حاجه حصلت
خلاص نبقا نعتصم برقي بس مانبلطجش
وياريت يبقا المحافظين بالانتخاب مش بالتعيين علشان يمشوا عدل
وياريت نحط في الاعتبار الصدمة من الشرطة
في الاحداث الغريبة المريبة اللي حصلت بطريقة منظمة
والرعب اللي عملوه للناس ولا العيال الصغيرة اللي بتلعب عسكر وحرامية
====
طبعا اخبار طره لاند ملعلعه ومنورة الدنيا وياريت بلاش اخبار استفزازية اللي مش عارفة مين بيطلعها
دول معاهم موبايلات دول عندهم ال سي دي دول بيكلوا دول بيشربوا
ونتلهي في الكلام ده عن انهم مع بعض في مكان واحد
ومامدي قانونية الكلام ده
ازاي امسك عصابة واحطهم كلهم في مكان واحد ماهيظبطوا تاني تظبيت عجب
ده غير التظبيط التاني اللي مانفعش وبرضوا اتعكشوا
====
ده غير اللعب بعواطف الناس ده مبارك عيط ومسك في السرير لما عرف انه هيتنقل ايه الكلام الخايب ده
بقا الجبار ده هيعيط ؟؟
طب مايعيط ماامهات الشهداء عيطوا لما شبعوا عياط
ماكل ام ابنها اوبنتها اتصابوا في عينهم رايحين جايين شايفنهم وقلبهم موجوع
يبقا نقول بلاش الكلام الخايب ده اللي مش هيخيل علي عيل صغير
وكان في خبر في الجرايد ان دكتور معدي من جنب السيدة الفاضلة (سابقا)
واستجري ورد علي موبايله
الحرس اتلف حواليه واخدوا منه الموبايل علشان شكوا انه صورها
وقامت خناقه ومااديلوش الموبايل الا لما تأكدوا انه ماصورهاش
ايه ده هو لسه في كده
=====
وزير البترول الحمد لله اتعكش ومش لوحده معاه كل المحاسيب الحلوين معاه
هو ده اللي المفروض يحصل مع اي وزير اتحبس علشان هو مش لوحده اللي كان فاسد حتي الفراش اللي علي بابه كان فاسد
=====
عندي زعل من بعض المصريين علشان همه مش فاهمين يعني ايه ثورة
مش معني ان قمنا بثورة اننا يبقا صوتنا عالي بطريقة غريبة في كل مكان
ونهدد بعض
مش معناه ان الحقوق بتتاخد بالدراع
في اصول للحوار وفي اصول لأخد الحقوق
ومش معني الثورة اني الغي الكبار ويبقوا اعداء
مش كل الكبار وحشين والكبار دول اللي برضوا ياما حاولوا يغيروا وتاريخ مصر مليان ناس اتسحلوا طلبا للحرية
الثورة ماكانتش شباب بس زي ماقلت قبل كده كان فيها جميع الاعمار والمستويات الاجتماعية والثقافية
====
موضوع المستشفيات اللي بتتعرض للبلطجة موضوع مش فهماه لحد دلوقتي واللي محيرني سكوت المجلس الاعلي والداخلية
طيب وبعدين ومين الناس دي
=====
ويعني ايه افتح قناة العربية الاقي اخبار عنوانها مصر بعد مبارك
وجايبين الفوضي اللي حصلت في قنا واسكندرية والمنيا وابو قرقاص .......الخ.
في ايه ياعربية ماتخليكي في حالك
====
وياتري حد فاهم ايه اللي بيحصل في ليبيا يعني ايه الناتو مش عارف يخلص الموضوع دي طرابلس مساحتها اقل من اصغر حي في مصر في حاجه بتحصل مش عارفة افهمها وزي كتير
====
اما سوريا فا بشار الفار قرب يخلص هو وحاشيته
والتوحش اللي هو فيه ده هو اللي هيخلي نهايته سودة زي حبايبه التانين
يعني كنت اتشطر علي اليهود اللي ماضربتش واحد منهم
====
اما علي صالح مش هقول له غير اللي اتقال له في مظاهرات النساء هناك
ياعلي استحي من نفسك
===
كلمة في ودن الامارات المصريين اتنفسوا الحرية وماحدش هيلوي درعنا تاني
اوقفوا التأشيرات رجعوا المصريين اعملوا اللي تعملوه
ماحدش هيفرض علي مصر تعمل ايه تاني
لأول مره الحكومة والشعب شئ واحد
مش هينفع الحكومة تعملكم اي شئ غير بموافقة الشعب
واعتقد ان شعبكم مش موافق علي كده
بس بقولكم ايه كل واحد ينام علي الجنب اللي يريحه
ان شاء الله كل المصريين اللي بره مصر يرجعوا علي مصر اجمل
====
بشار الفار داخل درعا بالجيش
هو ده جيش ابوه
اه صحيح ده جيش ابوه وبلد ابوه والشعب عبيد ابوه
مش ده الورث اللي سابه له ابوه
وترزية القوانين والدساتير فصلوا له كرسي يقعد عليه علي مقاسه
الحمد لله اننا لم نورث
وان شاء الله يابشار يافار
شعب سوريا هينتصر عليك ويخلعك شر خلعة انت والباقيين
يارب انصر الشعب الليبي والسوري واليمني
انك نعم المولي ونعم النصير
=======
الاخبار كتير والاحداث كتيييييييير
بس عايزة اكلم القناوية الاول
ماكنش العشم ياقناوية
بجد اللي حصل مش لايق علينا هنا في مصر
ماينفعش نعمل كده مع عصام شرف وماينفعش نعمل كده في بعض
يعني كنا بنتسحل ومابنتحركش ولما ربنا كرمنا
نسحل احنا بعض
حد هيقول لي اصل حاجز الخوف اتكسر
هقول في فرق بين كسر حاجز الخوف وبين البلطجه
كان ممكن ان مجموعة من كبار القناوية
وماشاء الله كتار
مع نخبة من الشباب يروحوا يقابلوا عصام شرف
ويتفاهموا معاه او يقابلوا المجلس العسكري
لكن كده تولع نار والدنيا تتعطل تاني
حد هيقول لي طيب فرضنا عملوا كده ومافيش حاجه حصلت
خلاص نبقا نعتصم برقي بس مانبلطجش
وياريت يبقا المحافظين بالانتخاب مش بالتعيين علشان يمشوا عدل
وياريت نحط في الاعتبار الصدمة من الشرطة
في الاحداث الغريبة المريبة اللي حصلت بطريقة منظمة
والرعب اللي عملوه للناس ولا العيال الصغيرة اللي بتلعب عسكر وحرامية
====
طبعا اخبار طره لاند ملعلعه ومنورة الدنيا وياريت بلاش اخبار استفزازية اللي مش عارفة مين بيطلعها
دول معاهم موبايلات دول عندهم ال سي دي دول بيكلوا دول بيشربوا
ونتلهي في الكلام ده عن انهم مع بعض في مكان واحد
ومامدي قانونية الكلام ده
ازاي امسك عصابة واحطهم كلهم في مكان واحد ماهيظبطوا تاني تظبيت عجب
ده غير التظبيط التاني اللي مانفعش وبرضوا اتعكشوا
====
ده غير اللعب بعواطف الناس ده مبارك عيط ومسك في السرير لما عرف انه هيتنقل ايه الكلام الخايب ده
بقا الجبار ده هيعيط ؟؟
طب مايعيط ماامهات الشهداء عيطوا لما شبعوا عياط
ماكل ام ابنها اوبنتها اتصابوا في عينهم رايحين جايين شايفنهم وقلبهم موجوع
يبقا نقول بلاش الكلام الخايب ده اللي مش هيخيل علي عيل صغير
وكان في خبر في الجرايد ان دكتور معدي من جنب السيدة الفاضلة (سابقا)
واستجري ورد علي موبايله
الحرس اتلف حواليه واخدوا منه الموبايل علشان شكوا انه صورها
وقامت خناقه ومااديلوش الموبايل الا لما تأكدوا انه ماصورهاش
ايه ده هو لسه في كده
=====
وزير البترول الحمد لله اتعكش ومش لوحده معاه كل المحاسيب الحلوين معاه
هو ده اللي المفروض يحصل مع اي وزير اتحبس علشان هو مش لوحده اللي كان فاسد حتي الفراش اللي علي بابه كان فاسد
=====
عندي زعل من بعض المصريين علشان همه مش فاهمين يعني ايه ثورة
مش معني ان قمنا بثورة اننا يبقا صوتنا عالي بطريقة غريبة في كل مكان
ونهدد بعض
مش معناه ان الحقوق بتتاخد بالدراع
في اصول للحوار وفي اصول لأخد الحقوق
ومش معني الثورة اني الغي الكبار ويبقوا اعداء
مش كل الكبار وحشين والكبار دول اللي برضوا ياما حاولوا يغيروا وتاريخ مصر مليان ناس اتسحلوا طلبا للحرية
الثورة ماكانتش شباب بس زي ماقلت قبل كده كان فيها جميع الاعمار والمستويات الاجتماعية والثقافية
====
موضوع المستشفيات اللي بتتعرض للبلطجة موضوع مش فهماه لحد دلوقتي واللي محيرني سكوت المجلس الاعلي والداخلية
طيب وبعدين ومين الناس دي
=====
ويعني ايه افتح قناة العربية الاقي اخبار عنوانها مصر بعد مبارك
وجايبين الفوضي اللي حصلت في قنا واسكندرية والمنيا وابو قرقاص .......الخ.
في ايه ياعربية ماتخليكي في حالك
====
وياتري حد فاهم ايه اللي بيحصل في ليبيا يعني ايه الناتو مش عارف يخلص الموضوع دي طرابلس مساحتها اقل من اصغر حي في مصر في حاجه بتحصل مش عارفة افهمها وزي كتير
====
اما سوريا فا بشار الفار قرب يخلص هو وحاشيته
والتوحش اللي هو فيه ده هو اللي هيخلي نهايته سودة زي حبايبه التانين
يعني كنت اتشطر علي اليهود اللي ماضربتش واحد منهم
====
اما علي صالح مش هقول له غير اللي اتقال له في مظاهرات النساء هناك
ياعلي استحي من نفسك
هناك 41 تعليقًا:
السلام عليكم
مش بقوللك
الموضوع بقي دوشة وضوضاء من جميع النواحي
مشفتش انتي ام ماجد السيدة السيناوية الي زارت الرايس المنزوع عنه كرسيه
وقعدت نعيط وحضنت سيئة مصر الاولي
وقعدت تعيط
اما بالنسبة لليبيا واليمن وسوريا
فاعلمي ان الغرب لن يسمح بقيام
دول ديمقراطية اخري بعد ان تحولت مصر وتونس الي ديمقراطيات غصب عنهم
فالحكومات الديمقراطية في الوطن العربي
بالنسبة لهم بتشكل خطر علي الكيان الصهيوني
تحيتي
ماما شمس
بحب ادخل
عندك
اعرف
خلاصه الاخبار
بجد
احنامحتاجين
صحوه
من تانى
كل محافظه
ممكن
تعمل
ميلونيه
علشان
تغير
المحافظ
وربنا يلطف
بحالنا
وعليكم السلاااااااام
الموضوع ومافيه ان اهل قنا مش عاوزين محافظ ن اتباع النظا السابق
""عماد ميخائيل دا كان نائب مدير امن الجيزه ايام الثورة"""
طبعا الحكومه متعوده ان دائما المغضوب عليهم من اى مكان فى الجمهوريه يروحو الصعيد
لكن بعد تصريحات السيد يحيا الجمل اعتقد ان الامور صارت عناد
ملحوظه:
مش كل اهل قنا ملائكه ولا كل المعتصمين اصحاب راى وقضيه
وشكراااااا
"""""قنـــــــــاوى"""""
كلنا طبعا بنختلف مع اهل قنا في طريقة احتجاجهم ,لكن هذا لا يمنع ان طريقة تعيين المحافظين تتم بنفس العقليه القديمه!!
____
اريد أن استفزك اكثر !!اقراي في جريدة الأخبار بتاريخ اليوم عن التفاصيل المثيره في داخل غرفة مبارك بمستشفي شرم الشيخ
___
سامح فهمي وكل جنود فرعون سوف يسقطون
_______
ثورة الشباب المصري العظيم هو امتداد لنضااال طويل قام به الشعب المصري ,وختام هذا النضال كان مسك ثورة 25 يناير
______
سيعود الأمن ان شاء الله الي كل انحاء مصر في ظل قيادة الجيش المصري العظيم ووزير الداخليه الرجل الفاضل منصور العيسوي (مسألة وقت)
_____
قناة العربيه السعوديه تريد ان تقول هذا ما جنته الثوره (وهذه رساله الي الداخل السعودي وليست لنا)
______
لو اراد الناتو" زنق" القذافي في احد احياء طرابلس لفعلها في اقل من 24 ساعه (سيدتي للدول الكبري حسابات اخري )
____
اما موضوع سوريا فاحيلك الي المقال الرائع للصحفي الكبير وائل قنديل في جرية الشروق أتمني ان تقرأيه
_____
اما الرئيس اليمني علي صالح فأكتشفنا انه في ظل الاخطار التي تهدد حكمه الظالم لا ينسي خوفه وحرصه علي حشمة نساء اليمن المعارضين له فدعهن الي عدم الاختلاط بالرجال اثناء المظاهرات وقد كتب المفكر والكاتب الصحفي الكبير فهمي هويدي مقاله جميله في الشروق عن هذا الموضوع.
هلخص
لواء شرطه سابق وعين قسرا
طبيعي يثوروا عليه للسبب ده
وبعدين الناس كلت وشهم فدا سبب تاني
الفائده
أن المحافظ سيكون بالأنتخاب
مش شر محض يعني
معاكى حق تماما فى كل اللى قلتيه وحاجة مريبة اللى بيحصل عندنا وقناة العربية دى من ساعة لما بدات الثورة وهى مش تبعنا على فكرة
تحياتى وربنا يهدينا
مساء الخير يا فندم
انا مش هاعلق
هو بس سؤال بسيط
عكش و اتعكش و عكشوهم
اظن كدا بالصلاة على النبي .. الكلام دا كفر شيخاوي
لنا قرايب في ريف كفر الشيخ
يا سلام لما كنا نروح نعكش الفراخ .. او الواحد يعكش ورك بطة ع العشا
بس خلاص
.
موضوع قنا طول أووووووى وبجد يارب ينتهى على خيييير
ونستقر بقى عشان ناخد ايدينا فى ايد بعض ونبنى مصر من جديد
بالنسبه لموضوع ليبيا
فأعتقد انهم سيبينوا بمزاجهم وفرحانين باللى بيحصل
لأنهم يهمهم اووووى ان كل بلد عربيه تبقى ليبيا تانيه
بالنسبه لموضوع الموبايل والست سوزى
استفزنى جداااااااااً بصراحه
هو ليه الناس مش قادره تتعود ان آل مبارك بقوا ناس طبيعيه والمفروض يتعاملوا زيهم زى اقل مواطن مصرى ؟
بس برغم كل حاجه انا متفائله جداً ببكره
وان شاء الله بكره أحلى
(: (:
الدنيا بقت زيطة!
فى بلدنا!فى العالم العربى!
فى المستشفيات ! فى البيوت!
وتسمعى لكل واحد تلاقيه معاه
الحجج والبراهين بصحة رأيه وبس!
*سواح في ملك الله
وعليكم السلام ورحمة الله وبركاته
ايه موضوع ام ماجد دي اول مره اسمع عنها
لا فيها الخير والله
عموما هي حره وده مش هيمنع عنه المحاكمة وعقاب ربنا
ماهو ده اللي قلته في البوست السابق امريكا مش عايزة شعوب تتحكم في مصائرها
عايزة شعوب محكومة من قبل عصابة تقودهم عمياني
*محمود(باحث عن حب)
الموضوع مش موضوع خاص
ده موضوع عام
المفروض ان المحافظين يجوا بالانتخاب
مش بالتعيين
ومايتفرضش حد علي محافظة
*غير معرف
وعليكم السلام
موافقه علي تعليقك بالكامل
بس انادي بفكرتي ان كان من الافضل ان يذهب وفد ويجتمع لاللي عينوه
واهلا بالقناوية شرفوا المنياوية
:))
*rack-yourminds
لا ماحدش ينكر ان الطريقة والاسلوب واحد في التقسيمه
بصراحة استفزفني جدا المقال والصور
سواء بتاعة شارم الشيخ او المركز الطبي
ان شاء الله يرجع الامان لمصر لما يتلموا البلطجيه ويعرف اللي سايبنهم علي الشعب ان خلاص مافيش فايدة
وطبعا حكام الدول العربيه خايفين علي كراسيهم من بعد النجاح الباهر للثورة في مصر
بالنسبة للقذافي نفسي اعرف الحسابات الاخري دي
ياريت اي مقال ذكرته تبعت لي اللينك علشان اليومين دول وقتي مش مشغول ده مشغول ومش مقضي ونفسي اليوم يبقا 48 ساعة
* مصري جدا
بصراحة محافظ قنا محظور
:))
من كل ناحية
بس زعلت من انهم عملوها علشان مسيحي
لا مش علشان مسيحي علشان من شلة العادلي
وان شاء الله يكون المحافظ بالانتخاب
*Foxology
عارف ياابو يوسف نفسي في قناة اخبارية محايدة
يعني تتكلم عن كل الدول العربيه براحتها حتي الدولة المالكة او حتي صاحب المحطة يحمل جنسيتها
*أسطى في زمن البلي
:)))
اهلا بيك انت فين مش باين
بس انا مش من كفر الشيخ
انا من المنيا
صحيح ولدتي ليها فرع من عيلتها هناك
بس انا اصولي صعيدية
:))
* دعاء العطار
ان شاء الله موضوع قنا وباقي المحافظات المعترضة يخلص علي خير
ومصر تنتخب محافظينها
اما استيعاب الناس للعائلة المالكه انها خلاص بقت من رد السجون
ان شاء الله يستوعبوا بس واحدة واحدة
ليه؟؟
علشان احنا شعب عاش عمره كله يأله الحاكم
فا دي مفاجعه انه يخلعه وكمان يحاكمه
وانا زيك عندي امل
* norahaty
اختلاف الراي مايخضش اللي يخض
طريقة الحوار ان اللي معايا حبيبي واللي ضدي عدوي
وان لازم كله يتبع كله
هو ده المرعب صحيح
الاخت شمس
معكِ كل الحق
الحرية لاتعنى الفوضى والتخريب
مايحدث فى قنا هو عمل لايليق بنا
ولا بثورتنا العظيمة
هو عمل يسىء لنا ويشوه وجه ثوره
قامت بشباب ضحوا بدمائهم الطاهرة
مودتى
* الجوكر
بعض المصريين حولوا معني الثورة الي بلطجة
بدعي ربنا يحمي الثورة منهم
ويحمي مصر منهم
http://www.shorouknews.com/Columns/Column.aspx?id=438922
هذه بالنسيه للمقال الأول
_______
http://www.shorouknews.com/Columns/Column.aspx?id=438042
المقال الثاني
___________
اما بالنسبه للحسابات الأخري فهي علي سبيل المثال لا الحصر:
*لا تسطيع قوات الحلف بارسال جيوش لها في ليبيا لأعتبارات امنيه وسياسيه واستراتيجه علي الأقل حتي الان ,لكن مع الحاح المجلس الأنتقالي في ليبيا علي ضرورة حماية اليبيين اعتقد ان الوضع سيتغير ومن الممكن يتم النظر في تلك الأعتبارات.
*كان من الممكن ان يقوم الليبين بتحرير المدن التي يسيطر عليها نظام القذافي لو قام الحلف بامدادهم بالسلاح بيد أن الحلف تأثر بالدعايه الكاذبه التي يزعم فيها القذافي بان جنود الثوار من بينهم اعضاء في تنظيم القاعده ,ومن ثم يخشي الحلف من وقوع تلك الاسلحه في ايدي هولاءالاعضاء,لكن بعتقد ان الوضع سيتغير لان حلف الناتو كل يوم يكتشف اكاذيب وافتراءات نظام القذافي
*المعارضه الليبيه وقادة المجلس الأنتقالي شخوص غير معروفه لدي الحلف
*امريكا والحلف يهمهما في المقام الأول ابار البترول والحفاظ علي مصالحها ولا يهم من سيمسك سدة الحكم في ليبيا من يحافظ علي مصالحها اولي بالتاييد والرعايه ومن ثم ندرك المماطله والتباطؤ الشديد في بداية الأزمه الليبيه.
يوجد اناس بالعالم عندهم امل فى الخلود وهذا مستحيل فلماذا هم متمسكين بالكراسى هكذا وهل هى تدير عليهم بالنفع ام هى امراض السلطه التى تنتشر فى كل البلاد
اللهم اعصمنا من الامراض المزمنه
تقبلى تحياتى الاحــــــــلام
السلام عليكم
متابع تحديثاتك أختي شمس..
وتحية خاصة لهذه الفقرة:
"في اصول للحوار وفي اصول لأخد الحقوق
ومش معني الثورة اني الغي الكبار ويبقوا اعداء".. مهم قوي أن توضع الأمور في نصابها...
تحياتي أختي الكريمة.
بصي
احساسي بيقلي ان في لعب كتير جدا
بس بأذن واحد احد
هما ديمن بينسوا
(يمكرون ويمكر الله والله خير الماكرين)
يعملوا مهما يعملوا
التغيير قادم لامحاله
وبأذن الله للافضل
http://www.modern-news.net/details.php?show=newsbar1&ID=6900
ده رابط ام ماجد بتاعه التعليق الاول
http://www.facebook.com/notes/rnn-%D8%B4%D8%A8%D9%83%D8%A9-%D8%B1%D8%B5%D8%AF/%D9%85%D9%87%D8%B2%D9%84%D8%A9-%D9%88%D9%85%D8%A3%D8%B3%D8%A7%D8%A9-%D8%A8%D9%82%D9%84%D9%85-%D8%A8%D9%84%D8%A7%D9%84-%D9%81%D8%B6%D9%84/206132012755133
ودي بقي حقيقة ام ماجد
*rack-yourminds
شكرا علي اللينكات
خدت بالك من الحاح دي
تفتكر همه ماخلصوش علشان يوصلوا للألحاح ده
ويبقا مش بيدي همه اللي طلبوا
علي فكرة الناس دي بتضحك علينا همه عارفين كل حاجه وبالتفصيل بس بيحبوا يعملوا نفسهم مصدقين
همه عارفين مين الثوار ويمكن بالاسم رباعي كمان
بس في مصلحة ان الحرب تطول شوية
ماتفهمش بقا بيجربوا سلاح جديد بيكسروا عضم مين
باعتين رسالة لمين
هيبان مع الوقت
:))
يخربيت السياسة
* الاحلام
السلطة كل اللي قلته بتعود بالنفع المادي طبعا والسيطرة والهيمنة والي اخر المنافع وبعد ده كله بتقلب بمرض
فابيتشبثوا بالكرسي مهما كان الثمن ارواح الناس
* ماجد القاضي
وعليكم السلام ورحمة الله وبركاته
نفسي وياريت تتحط كل الامور في نصابها
اللي انا شايفاه افورة في كل شئ
:))
بس ان شاء الله لما يتلم البلطجيه والشرطة تسترجل وتنزل وتاخد وضعها كله هيبقا تمام
* sony2000
صدقيني ماعنديش شك ان التغيير جاي جاي
بس لازم التعب شوية
ولازم رؤوس الفساد ياخدولهم شوية ذنوب من اللي هي
:))
* سواح في ملك الله
دي ام ماجد دي طلعت حدوته
ومش ام ماجد وبس لا ده طابور من ام ماجد
بقا ده كان طيار؟؟
ده ولا ام دجدج الغسالة
:))))
السلام عليكم ورحمة الله وبركاته
ودارت عجلات الزمان ولن تتوقف ولن تتراجع
ومن يتجرأ ويقف امامها ليوقفها .......
مش هنكر انى ضد كل الاحتجاجات الفئويه
ومن اهمها احتجاجات قنا
لانها مش وقتها
وكمان مش دى الطريقه الى نحتج بيها
فليس هناك صاحب حق ان كان له حق يستعمل سياسه لوى الذراع لنيل حقه
استمتعت بكلامك جدا
وعرفت منه الكثير
تحياتى
انا سمعت ان الامارات نفت فعلا الخبر دة
طيب لو فعلا صحيح
يبقي العبد لله مش هيسافر بقي
يالا بقي حسبي الله ونعم الوكيل
تحدثات مختصرة ولكنها في الجووول بجد
ربي يكرمك يا ماما ستو ...اخبار الحفيد الغالي إيه؟
اذا تم الاختيار علشان المحافظ مسيحي " بس " .... يبقى محدش يعيط لما يبقى الاعتراض على انه مسيحي " بس "
اساس الاختيار اصلا طائفي وغبي .... والاعتراض عليه برضو كان موش ذكي ..
الناس بس كرهت ان صوتها مايتسمعش حتى بعد الثوره
عموما الدنيا هديت خلاص بعد ما دخلوا المحافط الفريزر ..
مبارك ده لو انا مكانه كان زماني مت بقهرتي ... ده جباااار
بالنوسبه للعربيه والامارات فكلهم نفس السياسه المقيته الغبيه اللي ضد كل الثورات العربيه ..
ليبيا فدي بقا محدش عارفلها .... بس اكيد الناتو بيستهبل
تحياتي
*محمد الجرايحى
وعليكم السلام ورحمة الله وبركاته
خلاص العجلة للأمام
مافيش رجوع
ان شاء الله مصر للأحسن
*momken
للأسف كل اللي عاملين وقفات احتجاجيه فئوية
مانزلوش ولو مره واحدة يتظاهروا
علشان لو كانوا عملوا كده كانوا عرفوا ان الوقفات دي ضد الثورة مش معاها
*Haytham Alsayes
:))
ايه ياهيثم انت كنت عايز تسافر ولا ايه
احنا عايزين المصريين يرجعوا
وخلاص كده
ان شاء الله مصر هتحتاج ولادها
وبعدين همه لما لاقوا الرد الشعبي
جابوا ورا وقالك اووووشاااعاااات
:))
*كلمات من نور
منورة المدونة ياجميلة
يارب تكوني بخير
الحمد لله بيتحسن وفضل ربنا علينا كبير
مامته هي اللي تعبانة اوي وربنا يستر عليها
دعواتك
*فتاه من الصعيد
الناس كرهت ان صوتها مايتسمعش
الراي او الصوت المسموع مش بالبلطجه وتعطيل الاعمال
المفروض بعد الثورة نستخدم القنوات الشرعية
نكون منظمين اكتر وكان المفروض نخبه من القناوية تروح تجتمع مع الناس اللي المفروض اننا امنالهم
اللي حصل ده ضرب في الثورة
شمس هانم النهار ثائره وفى الميدان كمان ..هذه مصر التى طمس بريقها ذلك العهد البائد لقد ادهشنى خروج الشباب بهذا الإصرار وصدره مفتوح لرصاص الغدر ...كنت اشفق عليهم فى البداية لكن مع إصرارهم نزلت مصر كلها معهم وهل تلك العدوى قليله لقد فار الوطن العربى كله تقريبا متفاعلا مع تونس ومصر التى كانت ثورتها مثلا للأمم كلها .
إرسال تعليق