الاثنين، 11 أبريل 2011

صدق او لاتصدق+تحديث:)+تحديث2+تحديث3+تحديث4!!!!؟؟؟؟

صحفي علي الجزيره سيتم استدعاء الرئيس المخلوع ونجليه للتحقيق في موقعه الجمل بناء علي اقوال صفوت الشريف
==
مش عارفة ليه اللي بيحصل النهاردة فكرني بفيلم الناظر صلاح الدين
والاصلاح اللي كان عايز يعمله
والثورة المضادة وخطف الطلبة علشان مايوصلوش المسابقة :))))
=====
عجبني بيان وزير العدل

وياريت كل يوم يتعمل بيان كده ومايسبوش الناس للأشاعات والقيل والقال
ياريت نعرف ايه اللي بيحصل في كل محافظة مع القيادات اللي ضربت المتظاهرين
ماهو الثورة والمتظاهرين والمصابين والشهداء ماكانوش في القاهرة بس
لا كانوا في كل شبر في ارض مصر
=====
من صفحة وزارة الداخلية

حبس الرئيس المخلوع وولديه 15يوم علي زمة التحقيق
وياتري الحبس هيكون فين في القصر ولا المستشفي
وبرضوا ياتري السيدة الفاضلة هتتشحطط بين السجون زي مانساء السجناء السياسيين واللي اتلفق لهم تهم كانوا بيتبهدلوا برضوا
=======
بالنسبة للزيادة او العلاوة اللي اتعملت وزادت الاسعار قصدها بنسبة اكبر منها
انا كان عندي ثبتوا الاسعار وماعملوش العلاوة
مش هقول خفضوا الاسعار
يامعين يارب
=====
زعلت من موضوع ان طلعت السادات بقا رئيس الحزن اللاوطني
مع اني كتبت له علي الفيس نصيحة بلاش
بالذات انت بلاش
دول ياما بهدلوك هتروح عندهم تعمل ايه
دول بيستغلوا اسمك
اكيد انت عارف بتعمل ايه بس ياريت تطلع تقول للناس ليه عملت كده
========
بعدين بقا في الدلع اللي يقلق ده
هو مبارك يتنقل المستشفي تروح له لجنة التحقيق كده علي طول
ولا دي متطبخه ولا ايه
اللي اعرفه انه يدخل المستشفي يطلع تقرير
تتشكل لجنة تسافر اللجنة
كل ده حصل في كام ساعة
والله الطب اقدم يارجالة الراجل اغمن عليه ودخل العناية وفي الاوام اوام فاق واتحقق معاه
طيب والكابتن جيمي برضوا كا في العناية وعلشان الظروف العوائليه برضوا
ماهو لازم يقعد جنب الوالد
اشتم شئ غريب مريب
حد شامم زي؟؟
======
يامسهل
هي الاشاعات كترت ليه عايزين نعرف صح ولا غلط
ان مبارك اتحقق معاه
ان جمال وعلاء اتحقق معاهم وجمال اخد 15 يوم
وان مرتضي منصورا اخيرا اتعرف انه مشترك في واقعة الجمل
وان شاء الله عقبال السيدة الفاضلة ماتتجرجر زي ماجرجرت ناس كتير
السهتانة الهادية دي
وسيد قراره ربنا يكرمه بكره الشهير بفتحي سرور
ده ليمان طره سابقا طره لاند الان هيبقا منجهه
:))))
============
:)))))
الريس السابق اللامبارك
هيضرب شهادة مرضية
:))))))
تويتر بيدعي للريس مايموتش
:))
ماتخافوش ده النائب العام لما يحاسبه خفيف خفيف
لكن ربنا هيحاسبه بالكتاب المرقوم
يعني صاحي هيتحاسب ميت هيتحاسب
يخرب شيطانك يالامبارك
:)))
=====
حد يرد عليا صدق ولا كدب
الشرررررررررررريف شرف علي البوووووووورش
بجد ولا هزااااااااااااار
هذا الصامد الشامخ اللي مش علي راسه بطحه
علشان ماعندوش راس اصلا

هناك 47 تعليقًا:

لــــ زهــــــراء ــــولا يقول...

ست الكل شمس الشمووووووس

بما انى اول تعليق احب اقول فعلا الخبر صدق جدا جدا

زهــــــراء

لــــ زهــــــراء ــــولا يقول...

فى تانى تعليق وتانى ظهور ليا فى البوست ده وشكلى كده هاعمل احتلال او تقدرى تقولى استيطااااااااااان

عارفه يا ست الكل كل شويه اردد بينى وبين نفسى اللهم لا شماته مرعوبه انى اشمت فى الناس دى كلها

باردد مع نفس يعز من يشاء ويذل من يشاء

لما شوفت منظر زكريا عزمى وهو ماشى مكسور قولت سبحان الله دوام الحال من المحال وياريت الباقى بتعظ ويتفكر ان فى يوم يوم للحساب حتى لو اليوم ده اتاخر لازم يكون فى يوم معلوووووووووم تترد فيه كل المظالم هيكون يوم اسود على كل ظالم

ربنا يرينا عجائب قدرته

زهـــــــراء

لــــ زهــــــراء ــــولا يقول...

معلش بقى اخر تعليق

كنت عاوزه اسال على النونو الجديد اخباره ايه وياترى يا هل ترى رايه ايه فى حال البلد
ربى يقر عيونكم به ويفرح قلوبكم ويجعل وشه سعاده على مصر كلها

بوسه كبيره وحضن كبيييييييييييير


زهراء

شمس النهار يقول...

*لـــولا وزهـــراء

ماانا عارفة يازهراء
بس من ناحية صدق او لاتصدق
حد كان يصدق ان ده يحصل
من اول ماكان ملازم وعمال يعمل بلاوي
وماحدش قدر يمسك عليه حاجة
3 رؤساء جمهورية ومااتعملوش حاجة
ولا مسك عليه اي شئ
رجل بيلعب علي الحبل
رجل لكل العصور

ولكن ربك يمهل ولا يهمل

أنا - الريس يقول...

يحيا العدل
يحيا العدل
قصدي يحيا الحق
يحيا الحق .

شمس النهار يقول...

* لـــولا وزهـــراء

:))
احتلي زي ماانتي عايزة ياجميلة
:))

دي مش شماته خالص بالعكس دي فرحة كبيرة
والحمد لله فرحانين بنصر الله

والفرحة بنصر الله تفرق كتير عن الشماته
والناس دي ماعملتش قليل
وده قصاص ربنا منهم
وزكريا عزمي لم يكن مكسور
ده كان رايح ومستف ورقه كويس اوي
لولا ان الورق اللي كان عند النائب العام لايختر له علي بال
هو نفسه اتخض
والحمد لله مافيش حد دخل علي النائب العام ورجع بيته
كله اترحل علي طره لاند
فاضل الاخ سيد قراره سررررروووور

شمس النهار يقول...

* MR.PRESIDENT

:))
الله اكبر

قول عقبال اللامبارك

ان شاء الله يتحاكم

ياااارب

rack-yourminds يقول...

الخبر صادق ولسه شايفه في الدستور الاصلي طبعا

احياناكتيربفكر وبحس بجد اني بحلم
____

سيدتي خيل الينا يوما انه لا فائده ولا يوجد اي ضوء في نهاية النفق, وتمكن اليأس منا ونسينا سنن الله وقوانينه التي لا تتغير ولا تتبدل "ولن تجد لسنة الله تبديلا"

حَتَّى إِذَا اسْتَيْأَسَ الرُّسُلُ وَظَنُّواْ أَنَّهُمْ قَدْ كُذِبُواْ جَاءهُمْ نَصْرُنَا فَنُجِّيَ مَن نَّشَاء وَلاَ يُرَدُّ بَأْسُنَا عَنِ الْقَوْمِ الْمُجْرِمِين

الفضل لله أولا ثم للشباب الطاهر الذي ضحي بكل شئ من اجل نهضه مصر وللجيش المصري العظيم الذي احتضن الثوره وحفظها

rack-yourminds يقول...

رئيس جهاز الكسب غير المشروع نفي حبس صفوت الشريف وقال ان التحقيقات مازالت مستمره
____

لن يفلت الظالمون من العقاب

شمس النهار يقول...

*rack-yourminds

انا شوفت الخبر في اكتر من مكان
والسؤال هنا مش لأستفهام
لا
للتعجب والدهشة وعدم التصديق

الحمد لله دايما كان عندي امل ان هيحصل تغيير ولما كنت بقول كده للي حواليه كانوا بيبصولي علي اني جايه من الفضاء الخارجي

علشان الامل دايما بيكون في الله

وان شاء الله ماحدش راح عند الكسب او النائب العام ورجع علي بيته
دول بيروحوا يلاقوا دوسيهات دوسيهات
في اول ايام تنحي مبارك الدكتورة امال عثمان وهي كانت وزيرة لمدة طويلة في وزارة الشؤن الاجتماعية(التضامن الاجتماعي)
قريت خبر في اكتر من مكان انها قدمت ملف سمين ثمين للنائب العام في الكابتن صفوت الشريف

نقول يارب وعقبال اللامبارك

Dr Ibrahim يقول...

عقبال الباقى..

بالنسبة لتعليقى على حضرتك فى مدونتى:-

شمس النهار
لم يقل أحد أو يتهم أحد بالجهل..وإلا أصبحنا كلنا جهلاء..
ولم يتهم ولن يتهم أحد بالكفر وليست من مسئولية من لايعلمون شيئاً أن نتهم أحد بالكفر فهذه ليست وظيفتنا..

وبعدين فى جزء النقد يجب أن يكون الناقد ملم بالشىء الذى ينقده وحضرتك قلتى انتى ليس لديكى معلومات كتيرة عن السلفيين..إذا كان من الاولى أن حضرتك متنقديش :) ولا إيه؟؟ :)

ولم يحدث أن حذفت تعليقات معينة كتبها أى شخص إلا فى ظروف معينة جدا جدا وبالتالى انا لم أحذف تعليق حضرتك بتاع تصحيح اسم الشيخ
بل هو موجود أسفل تعليق حضرتك فوق رابط جريدة الخميس!!وحضرتك لم تكتبى تصحيح سيدنا على ومعاوية رضى الله عنهما بدلا من على وعثمان...قد يكون سهوا أو خطأ فى الانترنت والتمس لحضرتك العذر لانها فى بعض من الاحيان تحدث معى عند بعض المدونين.:)

وانا لم أشكك فى تربية أحد الأشخاص أو كان يلبس حجاباً ام لا..فنحن نتحدث عن موضوع لادخل لتلك المظاهر فى هذا الموضوع..

وقد يجد أبو الفتوح فى نفسه قادرا على العطاء لمصر كرئيس..وموضوع الترشح للرئاسة انهم لم يعلنوا تشرح أحد لأن ذلك سيفقد مصداقية الأخوان عند الشعب المصرى..وبالتالى لن يساند الاخوان ابو الفتوح فى الانتخابات..

وجيد جدا أن يكتب شىء يعجبه ثم يقبل المناقشة فيه..وهذا مل لمسته فى حضرتك وهذا ما دفعنى الى المناقشة :)

وبالنسبة للأخ كوماندور هو ابن خالتى وهو مهتم بالتاريخ الاسلامى وقد انزعج شديدا عندما تم ذكر انه كانت هناك حربا بين على وعثمان..واستعنت به فى هذا الموضوع لانه مهتم بالتاريخ الإسلامى..

وبالنسبة للمواضيع الأخرى فانا من ناحيتى قد اغلقت النقاش فيها وسأترك الأيام لتبين الحقيقة :)
يمكن قد أكون على صواب أو على خطأ..

وبالنسبة لروابط يمكن حضرتك الاستزادة منها
هناك موقع قصة الإسلام مهتم بالتاريخ الاسلامى للدكتور راغب السرجانى من هنا
من هنا

وبالنسبة للمواقع يمكن حضرتك تستزيدى منها عن السلفية فهناك الكثير من المواقع السلفية منها على سبيل المثال:-

موقع انا السلفى
من هنا
وموقع صوت السلف
من هنا
طريق السلف
من هنا

سلف أون لاين
من هنا

الشبكة السلفية من هنا

والله الموفق والمستعان

شمس النهار يقول...

* Dr Ibrahim

ان شاء الله الباقي جاي

وشكرا علي اللينكات
وبالنسبة للسلفيين انا قلت مش هقدر اناقش الكلام اللي انت كتبته عنهم علشان ماقريتش كويس عنهم
ونقدي كان في اهم عقيدة معلنة لهم يعلمها الجميع مش انا بس
زي ماتقول كده شئ بديهي عندهم
وبعدين انا لااعترض علي النقاش ابدا او الاتخلاف بالعكس انا بحب النقاش وزي ماقلت لك قبل كده علشان بيخليني اعرف واتعلم
ولكن النقاش مش الاتهام ولا النيل من الاخر
ومصدقة طبعاااا انك مامسحتش التعليق التاني بتاع تصحيح اسم معاوية
اكيد من النت
وربنا يكرمك ويوفقك والمفروض الاختلاف لايفسد للود قضية بس يكون اختلاف هدفه العلم والمعرفة لاالتعالي علي بعض او زي ماالشباب بيقول فرد عضلات
وانا لما بتكلم بتكلم من منطلق اني مواطنة مصرية وليست سياسيه او فقيهه او من علماء العلم
اتكلم بلسان المصرية البسيطه بما المت به من معرفة طيل حياتها وماتفاعلت به مع الاحداث المحيطه
لا ادعي اني جهبزة:))
ولااخجل من كلمت مااعرفش واؤمن ان الانسان طول ماهو عايش يتعلم
ومافيش حد يعرف كل حاجه
وفقك الله واكرمك

SHAPE YOUR LIFE (ABOALI) يقول...

عقبال البرش الكبير
ونغنى اغنية بودعك اخر وداع
يا مكسح بقيت جوه فى الليمان

يااااااااااارب فرح قلوبنا واشفى صدرونا من هم صنعوه لنا


كل التقدير لنا

Unknown يقول...

معلش دمى تقيل
وحاقول :خاااايفة
ان كل دا يكون فيلم
سيما يطلعونا فيه للعالى
ويرجعوا يهبدونا لثامن ارض:(
ومش حاصدق اى شىء من اللى حاصل
الأ لما يكون هناك حكم نهائى لا رجعة
فيه وكمان يكون بتنفذ:اضحك علينا
كتير ياشموسة واخطبوط الفساد له
1000أيد مش ثمانية بس وللأسف.

Unknown يقول...

شموسة
مين جاب نونو؟
معلش بقى لى شوية
غايبة عنك وعن متابعة
الاخبار؟

Dr Ibrahim يقول...

ومازال هناك رد على المدونة نحتاج رد حضرتك :)
انا عارف ان الموضوع كبير :) وشكلنا مش هنخلص :)

شمس النهار يقول...

* SHAPE YOUR LIFE (ABOALI)

مش عارفة ايه اخر الاخبار مادخلتش النت من ساعة مانشرت البوست
ياتري اخد 15 يوم ولا لسه
ان شاء الله يكون اه
ويروح يونس اصحابه في طره لاند
:))

شمس النهار يقول...

*norahaty
اهلا اهلا بالغايبين

ازيك يارب تكوني بخير

وحمد الله علي السلامة

هو فعلا فيلم بس ان شاء الله نهايته هتكون سعيدة
زي افلام زمان كده
البوليس يجي يقبض علي الحرميه في اخر دقيقة في الفيلم والبطل والبطلة يتجوزوا ويكتبوا النهاية
:))
واللي جاب نونو بنتي ولدت بدري بعد تسمم حمل وجابت بيبي اتنين كيلو الا ربع واتحط في الحضان 9 ايام
ده غير ان هي نفسها حرقوا لها ايديها الاتنين دكتور التخدير ركب لها الكانيول غلط سربت المحلول والدواء تحت الجلد ولما نقلوها الناحية التانية الممرضه عملت نفس الغلطة وموضوع كبير كده ونغير علي ايديها الاتنين يوم ويوم
والحمد لله علي كل حال
يعني بقيت تيته:))))

نورتي المدونة

شمس النهار يقول...

* Dr Ibrahim

:))))))
خير في ايه يادكتور ابراهيم
:))))
هو ارهاب ولا ايه المعلقين عندك محسسني انهم قرايب امن الدولة
ماصدقوا حد بيرد عليهم
:)))))))
محسسني ان الموضوع حياة او موت
تفتكر اعمل ايه ادخل لهم مناقشة في الديكور علشان مايعرفوش يردوا عليا
:)))))))
حاااااااااضر هروح ارد بس مش دلوقتي انا لسه راجعة من المستشفي ببنتي
اروق واروح اصل المناقشات اللي زي دي عايزة بال رايق
:))))))
المهم هو مافيش اخبار عن صفوت الشريف انا دخلت النت اساسا ادور علي اخبار

sony2000 يقول...

لو مااتجابشي
هيتجاب
مهي العصابه شررفت
وهو لأ؟

لا طبعا هيشرف
وياتيتاااااااا
النونو عامل ايه؟

sony2000 يقول...

لو مااتجابشي
هيتجاب
مهي العصابه شررفت
وهو لأ؟

لا طبعا هيشرف
وياتيتاااااااا
النونو عامل ايه؟

Dr Ibrahim يقول...

حبس صفوت الشريف 15 يوم على زمة التحقيق وترحيله على سجن المزرعة ( طره )

شمس النهار يقول...

* sony2000

اهلا ياسوني اخبار الجروب ايه معلش ماعرفتش ادخل هناك النهاردة تاني يادوب الصبح ربع ساعة بس
البركة فيكم بقا

والحمد لله انه اتجاب وشرف علي البووووورش
:)))
النونو كميلة غلبان جدا يادوب بقا كيلو و800جرام يعني لسه بادري علي مايبقا اتنين كيلو ونص زي مادكتور الحضانة قال
ادعي له ياسوني ان شاء الله هنروح لدكتوره بكره نعرف ايه الاخبار

شمس النهار يقول...

* Dr Ibrahim

الحمد لله الخبر فعلا اتأكد

ورديت علي التعليق
واعتقد اننا بقينا كده صافي يالبن
ولو علق تاني في نفس الموضوع
هفجر لك المدونة واروح اعتصم في التحرير
:))))))
وصدقني انا مش زعلانة لا منه ولا منك
بالعكس انا بحب حماس الشباب وغيرته علي قضيته
وطول عمري اقول مادام لسه في شباب زيكم مصر هتعلي وتعلي

حمدى جعوان يقول...

بس بلاش تقولى الشررررررريف بس

المفروض يسموها( بورتو طره )

mrmr يقول...
أزال المؤلف هذا التعليق.
mrmr يقول...

دى نهايه كل مفترى وظالم
الله لا شماته لكن ديما ربنا بيتمجد وينتقم من كل الظالمين

الازهرى يقول...

لسه راجع حالا
الميدان غالبا هيتفض فيه الاعتصام قبل الفجر

اما بخصوص الكبار فبكره وبعده تفرحى اكتر

وبالنسبة لتعليق نوهاتى اصح من ردك عليها
الموقف يخوف وكلنا على شفا النار وربنا يرجعنا منها على خير

ادعى لى

لــــ زهــــــراء ــــولا يقول...

حد يقرصني انا زيك مش مصدقة

لولا

elsha3er يقول...

كل اللى أقدر اقوله يعز من يشاء ويذل من يشاء

Unknown يقول...

السلام عليكم

الحمد لله من قبل ومن بعد..
الحمد لله الذي أرانا هذه اليام في الظالمين واحدا بعد الآخر!!!
عقبال فرعون...
تحياتي أختي الكريمة.
وما تنسيش تضيفي تحديث عن بذيء اللسان مرتضى منصور...!!

شمس النهار يقول...

* حمدى جعوان

حاضر تحب نسميه حباطه:))

صح تصدق كده احلي بورتو طره

شمس النهار يقول...

*mrmr

لا مش شماته
ان الله لايحب الجهر بالسوء الا من ظلم
والناس دي ظلمت كتيييييير
دي فرحة بنصر الله

شمس النهار يقول...

*الازهرى

الاعتصام بيتفض دلوقتي
والدنيا هايصة

ماتخافش ياازهري ان شاء الله بكره احلي
صدقني انا مش خايفة
بكرة احلي ماهو احنا بنلم كبارات النصب في البلد تفتكر يعني هيسلموا كده وانصارهم اللي بينهبوا من وراهم هيسكتوا مش لازم يساندوا اولياء نعمتهم

شمس النهار يقول...

*لـــولا وزهـــراء

ولسه يالولا
الزغلول الكبير
وبيقولوا بقوا يعترفوا علي بعض
وكل واحد يقول مش هاشلها لوحدي وانتوا تبقوا بره
العصابة وقعت في بعض

شمس النهار يقول...

*elsha3er

ايوة وخصوصا انهم عصابة تجبرت جدا
وتوحشت
وكانوا فاكرين انهم خلاص ملكوا الدنيا

شمس النهار يقول...

* ماجد القاضي

وعليكم السلام ورحمة الله وبركاته

الحمد لله

بس ايه موضوع مرتضي منصور يارب خير

انا عارفة انه متورط في موقعة الجمل ميه ميه

Unknown يقول...

السلام عليكم ورحمة الله وبركاته
لقد أراد لنا الله تعالى أن نرى عجائب قدرته فهو القادر فوق عباده ...
ليتنا نعى ..,وليتهم يتعظون.

شمس النهار يقول...

* محمد الجرايحى

الحمد لله ان ربنا مد في عمري للحظة دي

الناس دي كانت تجبرت جداااااا

الاحلام يقول...

يا الله حسنى مبارك بجلاله قدره يخاف من حكم البشر هذا الانسان الذى كان يتخيل انه يملك الدنيا كلها الان مرعوب من حكم الناس ونسى ان هناك رب الناس ينتظره عند مفارقه الحياه حتى ياخذ عقابه الصح عقاب لا يوجد فيه رافه لانه نابع من اعماله فمن اعمالكم صلت عليكم
اللهم احسن ختامنا يارب العالمين
تقبلى شمس تحياتى الاحـــــلام

شمس النهار يقول...

*الاحلام

سبحان الله

اصل الناس دي نسيت ربنافاربنا جل شأنه انساهم انفسهم
فاافتكروا انهم فوق كل شئ
ونسيوا انهم بشر من طين

اللهم احسن ختامنا

ENG./ELSAYED,PMP يقول...

بعدين بقا في الدلع اللي يقلق ده
هو مبارك يتنقل المستشفي تروح له لجنة التحقيق كده علي طول
ولا دي متطبخه ولا ايه....الخ

إزيك يا هندزة
بيعجبنى تفكيرك ...هههههه...!

شمس النهار يقول...

*ENG./ELSAYED,PMP

اهلا اهلا

اهو اتحبس 15 يوم علي زمة التحقيق هو واولاده

الازهرى يقول...

http://www.almesryoon.com/news.aspx?id=54998

صباح الفل

شمس النهار يقول...

*الازهري

صباح الورد والحرية

وادي الكابتن مرتضي منصور اتهبد 15 يوم:))

كلمات من نور يقول...

يسلم فمك يا شموسة

زمان في قصة عمرو بن العاص اللي كانت مقررة علينا : في احدى الغزوات كان الجيش المعادي لجيش الإسلام قائدهم غبي ربطهم كلهم بسلاسل حديدة علشان ميهربوش بس مع الأسف السلاسل دي كانت سبب نصر المسلمين علشان اول واحد منهم ما يقع الكل كان بيقع معاه

أهو وقوع الوزرا والريس وغيرهم فكرني بنفس الموضوع : كلهم مربوطين بسلسلة حديدة واحدة

تحياتي

Crazy Nemo يقول...

و منشمتش فيهم ليه من حقنا نفرح فيهم و نشمت طبعا ما هم يا ما شمتو فينا