بدري بدري

جررررررررري رمضان خلاص
الايام الحلوة بتعدي في ثواني
:(
كل سنة وانتم طيبين
ومعيدين وفرحانين
وكل ايامكم عيد
ومصر بخير

كالعادة ان شاء الله هنشد الرحال القبيلة وانا ونسافر
واخد اجازة من النت بقا شوية

ونتقابل بعد العيد ان شاء الله وعندي امل ارجع اكتب بوست
اهني فيه اليمن انها خلصت من الطالح
واهني سوريا انها خلصت من فشار الفار
وان شعب الجزائر طلع علي المفلوق بتاعهم
من الاخر ان الوطن العربي يتحرر من شلة النصابين اللي لسه بتحكمه
اه نسيت
وتكون اسرائيل ولعت بالمرة
:)))
اشوفكم علي خير
وكل سنة وانتم طيب طيبين

اضحك مع الصهاينة :)) +تحديييييييث

السؤال البرئ جدااااااااااااا والله:

هو الحرس النساااااائي بتاع العقيد مدمر القذافي راااااااااااحوا فين؟؟؟؟؟؟؟:))))

=========
اما حتت خبر مضحك للصبح
نعمل اعتصام يقلدونا نتظاهر قصاد سفارتهم يقلدونا
:))
حتي في موضوع العلم عايزين يقلدونا
:))))

(متطرفون يهود يدعون لمظاهرات أمام السفارة المصرية بتل أبيب)

علشان يعملوا ايييييييييييييه؟؟؟؟
ينزلوا علم مصر
كركركركركركركر
خير ماتعملوا بصراحة
طيب وياريت بقا يطالبوا برجوع السفير المصري لمصر
من عندهم بالمره
معلش احنا عايزينه واهو يعيد وسط اهله
واهي تبقا جت منكم مش مننا
وبكده يبقا رفعتوا الحرج عن المجلس
ونسمع سلام جت من الغريب وماجتش منك
:)))
صحيح مصر بعد 25 يناير مش زي بعد 25 يناير
=======
ونقووووووووول مبروك
لشعب ليبيا البطل
واكيد دلوقتي العالم عرف مين الجرذان
بس هو هرب ليه وساب التوكتوك
مين هيدفع الاقساط اللي عليه
:)))))
لازم يمشي برضوا ويسيب لنا مصيبة
عجبني اوي الشاب اللي طلع في الفضائيات
وهو لابس الكاب العسكري وعصاية ملك ملوك افريقيا
بصراحة ماكنش له حل كوميدي كوميدي
ياله اهو خد الشر وراح
ومش هنفتقده كتير ولا هنفتقد خطبه وحركاته الكوميدية
الفنان الكوميدي بيموت بجسده لكن فنه باقي علي اليوتيوب
:)))))
كان بيلبس لبس ولا مجازيب الحسين
وخصوصا غطيان الكازوزة اللي كان بيعلقها علي صدرة
====
يامسهل
نقول ربنا معاكم ياسورييييييين
واليمن اهو علي الاعتاب
ومدد يااحرار الوطن العربي
ربنا معاكم

الله ينور + تحدييييييث

ليبياااااااااااااا
ونقول مبروووووووووك
مقدمااااااااااااا
وفاضل علي الحلو دقة
ويوكسه اللي اسمه موسي ابراهيم ده
عايش في وادي تاني خالص
وعايزة اهدية كداب ياخيشة كداب اوي
متأمر واهبل
اول مره اشوف في مؤتمر صحفي واحد يقول معايا دكتوراه في الكدب الاعلامي
:)))))
بيعترف انه بقاله ست شهور بيكدب
:)))
اللهم انصر اهلنا في ليبيا
======
اول مرة يستشهد مصري علي حدودنا مع الصهاينة
ورئاسة الوزراء يطلعوا بيان
كل ماالازمات بتشد اوي
بحس ان الفرج قريب
كده الصهاينة ابتدوا يشوفوا موقف مصر الرسمي اصبح ازاي
وان الدم المصري خلاص مش هيروح هدر
عقبال مانجيب حق الدم المصري
اللي اهدرتة عصابة اللامبارك
====
ومن يومين تفعيل قانون الغدر اللي هيمنع اعضاء الحزب الوطني من العمل السياسي
لمدة خمس سنوات
يعني ان شاء الله المجلس القادم
خاااااااااااالي من اللاوطني
مش كنت بقول لكم عندي تفاؤل نسبتة عالية جدااااااااااااا
======
ولسة كل يوم ان شاء الله في جديد سعيد
وعقبال مانقدر نوقف المحاكمات العسكرية للمدنيين
ولو ان امبارح كان في واحد مستضيفه وائل الابراشي
وجايب معاه كتاب وعمال يقرا منه
وقالك المادة مش عارف ايه بتقول
ان من حق رئيس الجمهورية ان يحيل اي شخص مدني للمحاكمات العسكرية
ورئيس الجمهورية الان هو المجلس
:(
دخلت علي اليوتيوب اجيب الحلقة اسمعها تاني
علشان امبارح ماكنتش مركزة كنت بتابع الاحداث في سيناء
مالقيتهاش بس لاقيت حلقة تانية من كفر مصيلحة
هتعجبكم جدااااااااااااااا
======
ان شاء الله اخوتنا في ليبيا علي بكره بعده بالكتير
يكونوا خلصوا مشوارهم واخدوا
طرابلس
وان شاء الله يعلقوا المدمر القدافي علي باب سوق الجمعة
وبكده نكون عرفنا مين الجرزان
ومين اللي حرر ليبيا شبر شبر دار دار زنجة زنجة
======
الحلقة اهي

سندباد وشيرين

الكلمات الرائعة

جداااااااااااااااا
دي

من عند المدون سندباد (فكرة)

والمدونة شيرين (حدوتة مصرية)
:)

مبارزة شعرية
بس قوية حبتين
الشاعرات بالبلوجر برضوا مش ساهلين
:))

توم وجيري

العلاقة بين المجلس والثوار بقت عاملة زي توم وجيري
لييييييييييه؟؟؟؟؟
مش عارفة ؟؟
حد عارف؟؟
مش كنا سمن علي عسل
فاااااااااااجأة الدنيا اتقلبت
ومن بعد ماكانوا الشباب حلوين ومقطقطين وبيقعدوا يتكلموا معاهمبقوا وحشيييييييييييين
وكله كوم وتهمة مناوء دي كوم مش برضوا هي مناوء
نكونش شيلنا ديكتاتوووووووور
علشان يجي بدالة عشرة خمستاشر
وايه حكاية ان المدنيين يتحاكموا عسكريا دي
علشان قال رأي وبصراحة
وبعد ماكان الجيش والشعب ايد واحدة
وماعرفتش الايد الواحدة دي تسقف
دلوقتي خلااااااااااااص
اللي عايز يبعبع له بكلمتين
يحضر شنطته ويرهن الكردان الدهب
اه ما الفدية 20 الف جنيه
وانت وشطارة المحامي بتاعك بقا
ده علي كده المخلوع كان عامل لنا اوكازيون بقا
وبمناسبة المخلوع
ايه الباي باي دي اللي كان بيعملها ونبي ضحكني
والاخوين الظراف اللي حاولوا يستظرفوا اوي
حركاتكم مكشوفة وان شاء الله المحاكمة مستمره
ويارب يعملوا لكم الزنزانة طوبة فضة وطوبة دهب
برضوا زنزانة ومش زي ماكان بتاخدوا الطيارة تروحوا تلعبوا جولف في اوروبا وترجعوا اخر النهار
ولا تروحوا تتعشوا في باريس وترجعوا
وتلتين الشعب يافي العشوائيات يامش لاقي ياكل
واللامبارك اللي امر بقتل الشعب
جه يوم الحساب وربنا مش بيسيب حق حد
وحقوق الناس الغلابة مش هتروح هدر ابدا
المدونة هنا مش بتحب اللامبارك وماحدش يدخل يقول لي عيب ده ابونا
اللامبارك مش ابو حد
وده شخصية عامة هو والمجلس اللي سابهولنا يرازي فينا ويحاكمنا عسكريا لأقل كلمة
والشخصية العامة من حقنا ننتقدها زي مااحنا عايزين
سيدنا عمر بن الخطاب - رضى الله عنه - حينما تولى الخلافة خطب وقال
(أيها الناس إنى وليت عليكم ولست بخيركم فإن رأيتمونى على حق فأعينونى، وإن رأيتمونى على باطل فقوّمونى) فرد أحد الحضور «والله أقوّمك بسيفى»
بس اصلها عادة فرعونية تأليه الحاكم
ماعلينا
ياريت مسلسل توم وجيري ده يخلص
وعجبني يسري فودة النهاردة وكذلك محمود سعد
البرنامجين كانوا موفقين جدااااااااااا
وشكرا يامجلس العسكر شكرا
11الف من الشعب مقبوض عليهم في ست اشهر
اسمع كلامك اصدقك اشوف امورك
استعجب
وبقول للناس اللي اطلقت علينا فاجاة
لما ابتدت المحاكمات
القافلة تسير والكلاب تعوي
والمحاكمات ماحدش هيقدر يوقفها
خلاااااااااااااااااااص
كش ملك

الحب زمان

كاتبتنا الجميلة شيرين سامي
كتبت بوست رقيق جميل
به اكتر من سؤال مش سؤال واحد
وعايزة اهدي لها كلمات محمود مرسي الرقيقة
في مسلسل ابو العلا البشري
كان بيتكلم عن الحب الجميل في كلمات غاية في الرقة والحنان
بالمناسبة المسلسل ده كان بيذاع ايام احداث الامن المركزي
وايام حظر التجول اللي بحق وحقيقي
نسمع كده ونشوف اسامة انور عكاشة قال ايه بلسان محمود مرسي
======
========

زي امبارح

:)))
كالعادة طبعا الزهايمر بتاع الناس كلها
نسيت ان امبارح كان عيد ميلاد مدونتي
:))
وده كان
اول بوست نشرته
اييييييييييييه ايام
بشكر كل المدونين والمدونات اللي بيزروني هنا
وبشكر مدونتي اللي بفضفض فيها
وكل سنة وكلنا في سعادة وهنا
وربنا يكفينا شر اشرار البلوجر
وربنا يرجع المدونين اللي تويتر والفيس
اخدهم من بلوجر حبيبهم اللي بيفضفضوا فيه براحتهم
لايقول لهم ليك 420 حرف بس
ولا ليك 140 حرف بس

زي التلغرافات

:)))):))))

الحقيقة كلها مش نصها

ده برنامج نص الحقيقة حلقة جااااامدة مع عمرو النشرتي
لاقيت واحدة صحبتي بتكلمني وتقولي
الحقي لميس الحديدي عامله
حلقة جااااامدة عن سنسبري
وطبعا كلنا عارفين سلسلة محلات سنسبري
اللي لأول مره في مصر محلات تتضرب بالطوب
لحد ماتتكسر وتتقفل
سر ان صحبتي بتكلمني ايه ؟
ان مره كنا معديين بالعربية من جنب محل من المحلات
وفي ناس بيضربوا المحل بالطوب
قلت لها دي مش مناظر سكان المنطقة
دول شكلهم بلطجية من بتوع الانتخابات
اللي بيبقوا واقفين عند اللجان يرهبوا الناس
المصريين مايعملوش كده ابدااااااااا
كان من باب اولي يعملوا كده في الشركات اللي نصها يهود بجد
ولا الشركات اللي معروف انها بتدعم اليهود
والا نقاطع الافلام الامريكية اللي بيمثل فيها يهود
والشركات المنتجة اصلا شركات براس مال وادارة يهودية
وطال بينا نقاش يومها ان الموضوع المقصود بيه حاجه تانيه ياقرصت ودن لحد
وبكره الايام هتثبت ده
نشوف الحلقة كده ونفهم الكلام

==========

الجزء التاني من حديث الشيخ صفوت حجازي

ده الجزء التاني من حديث الشيخ صفوت حجازي عن ايام الثورة
-----

--------
وماننساش التحذير من الشخص اللي عامل اكونت بأسمي
وبيعلق عند المدونين بأفكار لاتمت لي بصلة
ارجوا التأكد من ان التعليق لي وليس للشخص المجهول

تحذير

في واحد كوميدي عامل اكاونت باسمي
وبيعلق في المدونات باسمي
ياريت اللي يعلق عنده هذا الشخص يتأكد ان ده الاكونت بتاعي ولا لأ
وربنا يهدي
وبشكر سواح في ملك الله اللي حذرني من ده
وحسبي الله ونعم الوكيل

يوم تارييييييخي +تحديث

لا يوم تاريخي بصراحة
تعليقي
ايه لازمت السرير وكلنا عارفين انه تمثيلية؟؟
وياتري نوع الصبغة ايه؟؟
ناس بتغلي وفي شهداء وفي جرحي وعاهات
وهو اخر روقان صابغ وحالق وميت فل ومليون
ولا حول ولا قوة الا بالله
-------------
ياااااارب استرها يارب
يارب اليوم يعدي علي خير
اول مره في الوطن العربي يحاسب رئيس علي جرائم ارتكبها في حق شعبه
واللي يحاكمه شعبه
ربنا يستر
ونتذكر قول الرسول الكريم
لو ان فاطمة بنت محمد سرقت لقطعت يدها
علي الله بس مايقولوش انه دخل في غيبوبة
اه اعترضوا بقا علي قضاء ربنا
الراااااجل جاله غيبوبة هنعمل ايه يعني هنمنع الغيبوبة تجيله
هنقطع نفسنا بقا
:))
---------
ولكم في القصاص حياة يااولي الالباب
صحيح سبحان المعز المذل
لما نشوف هيحصل ايه النهارده من مفاجأااااااااااااات

كل سنة وانتوا طيبين

كل سنة وانتم طيبين
ورمضاااااااان كريييييييييم
=====
طبعا في رمضان التواجد اقل بس نحاول نتواصل علي قدر مايسمح الوقت
ومانعتبروش تقصير
:))
وان شاء الله ارد علي تعليقات البوست السابق
----------
كلمتين علي الماشي
اليهود عاملين مظاهرات واعتصام وشكلهم بينادي بأسقاط النظام
:)))))
ياتري قابضين من مين دول
:))))))))
وكل سنة ومصر طيبة وبخير وسعادة
وربنا يرفع عنا البلاء
آمين