الأحد، 14 أغسطس، 2011

الحب زمان


كاتبتنا الجميلة شيرين سامي
كتبت بوست رقيق جميل

به اكتر من سؤال مش سؤال واحد
وعايزة اهدي لها كلمات محمود مرسي الرقيقة

في مسلسل ابو العلا البشري
كان بيتكلم عن الحب الجميل في كلمات غاية في الرقة والحنان
بالمناسبة المسلسل ده كان بيذاع ايام احداث الامن المركزي
وايام حظر التجول اللي بحق وحقيقي

نسمع كده ونشوف اسامة انور عكاشة قال ايه بلسان محمود مرسي
======
========

هناك 39 تعليقًا:

sabry abo-omar يقول...

جميلة أوى .. تقبلى مرورى وكل سنة وأنتى بخير

مصطفى سيف يقول...

فكرتينا بايام زمان
و مسلسلات رمضان زمان
وكده هنتحسر كمان وكمان :)
تحياتي

سواح في ملك اللــــــــــــــــــه- يقول...

يااااه

زمان الحب كان بياخد مساحة كبيرة من حياة الانسان

وكان اللي بيحب بيكافح ويجتهد من اجل

اسعاد المحبوب

كان الحب فعل مش كلام

دلوقتي العكس

دلوقتي الحب تيك اواي ممكن الانسان يحب

خمسة وسبعين مرة

علي حسب وقت فراغه بقي

تحيتي سيدتي

شيرين سامي يقول...

مش عارفه أقول لحضرتك إيه...شرف ليه إنك تذكريني في تدوينة و كمان تقولي علية كاتبه :)
طبعاً أنا لما سمعت الفيديو إتعقدت أكتر...خسارة ليه الحب بقى تيك أواي كده بقى ماسخ جداً...و إن وجد بيبقى مداري و ميظهرش غير كل فين و فين...ليه بنبخل بمشاعرنا كده...لما بسمع كلام جميل زي ده بيجيلي إحباط:(

بس بجد بشكر حضرتك على ذوقك و رقة إختيارك

تحياتي و كل الود ليكي

rack-yourminds يقول...

دلوقتي المسلسلات ترفع ضغط الدم
__

اما عن الحب فالحمد لله مجربتوش

شمس النهار يقول...

*sabry abo-omar

اهلا بيك وكل سنة وانت طيب وبخير

شمس النهار يقول...

*مصطفى سيف

هو السؤال ليه كل ماالدنيا بتطور الهيافة الفنية بتطور معها
سؤال محير

؟؟؟

شمس النهار يقول...

*سواح في ملك اللــــــــــــــــــه

عجبتني كلمتك
يحب حسب وقت فراغة دي
:)))))

الحب رخص زي اي حاجة رخصت
وبكل اشكاله
رخص وهيرخص كمان علشان سيطرت الانانية والفهلوة والبعد عن روح الدين الصح

بس الكلمات قوية جدا مع اداء محمود مرسي رائعة

شمس النهار يقول...

*شيرين سامي

انا اللي بشكرك ياشيرين
لما قريت البوست عندك
لاقيتني فاكرة الحوار ده ومستحضرني بشدة
من الحوارات اللي تعلم وماتتنسيش
قلت يارب الاقيه علي اليوتيوب
تصدق لاقيته مافيش في ثواني
شوفتي رقة وقوة الكلمات
والصدق في المعاني

هحاول افرغها واكتبها علشان اللي الفيديو مش بيشتغل عندهم

الحب بقا كده علشان مابقاش في اخلاق
كل شئ مستباح سهل
وزي ماقلت لسواح مع انتشار الفهلوة والانانية والابتعاد عن روح الدين

وليه الاحباط الحب موجودالحب الصح الحقيقي الجميل
نقابله مانقبلوش ده ماينفيش انه موجود
مادام ربنا خلق الحب الجميل الصح يبقا موجود

وشكرا علي كلامك الجميل الرقيق زيك
:)

شمس النهار يقول...

*rack-yourminds

الحمد لله مابتفرجش علي مسلسلات بقالي سنين بطلت اعدها
الا لو مسلسل تاريخي اعرف انه كويس
وطبعا بيتحرق دمي برضوا
علشان تلتربع الديكور بيقا غلط والملابس مش بتاعت الحقبة
يعني المهنة تحكم بقا
:))

اما الحب انك جربته ماحربتوش
هتتكعبل هتتكعبل
ده قدر ياولدي
مابياخدش اذن بيكتسح علي طوووووول
وهوووووبا تلاقي نفسك قاعد قصاد المأذون وانت بتقول قبلتهااااااا
:))))

ريهام المرشدي يقول...

لا اعلم لماذا كل شيء له طعم مختلف زمان ، اتمنى فى بعض اللحظات ان اكون فى ذاك الزمان :)
تحاتى ...

eman helal يقول...

الان يجب أن نكتب عن الحب فى زمن العسكر
بوست جميل اوى والفيديو رائع انا بعشق محمود مرسى وبعشق المسلسل دا بجد

mrmr يقول...

تصدقينى لو قلتلك ان الحب ده لسه موجود اى نعم نادر جدا بس موجود

عاشقه الرومانسيه يقول...

الله ياشموسه
بجد روعه الكلام ده جميييييل
انا حاسه انى بحب بطريقه محمود مرسى
حاسه انى فى زمن مش بتاعى
انا جيت فى وقت غلط

Hadota ... حدوتة يقول...

الله عليكى يا شموسة
انا كنت ومازالت بحب المسلسل دا جدا
وبالذات الحتة دى وكان نفسي ألاقيها :)

بجد توووحفة :)

يسلم لنا زوقك واختياراتك :))

لـــولا وزهـــراء يقول...

فيديو رااااااااااائع سمعته مرتين (:

الحب زمان غير الان الا ان الان فيه نسبة ضئيلة تعيش حب امس لا حب اليوم
لولا

The illusionist يقول...

علم وينفذ

احم احم

وسينفذ

مصري جدا يقول...

اييييييييييييييييييه

مين فيه دماغ يشغل الفيديو دلوقت

شمس النهار يقول...

*ريهام المرشدي

ماكانتش الدنيا فيها انفتاح كده وكل شئ عاااااادي ومتاح
ياريهام مش عارفة اعلق عندك ومش فاهمة هناك حاجة
وانتي بتنشري مواضيع جميلة
عايزة اعرف اعلق ازاي

:))

شمس النهار يقول...

*eman helal

:))
في زمن العسكر لايكتب غير عن محاكمات لمدنيين كده بالعافية

:))

العشر دقايق في الفيديو بيورونا الحب علي اصوله
ونموذج تاني عايز يتجوز مش يحب وماعندوش غير شهر واحد بس يحب ويتجوز ومافيش مانع يخلف كمان

:))))))

شمس النهار يقول...

*mrmr

مصدقاكي طبعا
علشان انا مؤمنة ان الحب ده موجود

وزي ماقلتي صحيح نادر بس موجود

الحب اللي للحب مش للمصلحة والا علشان هاخد منك كل حاجة وماادكيش حاجة
او اخد اللي انا عايزه وبعد كده ارميكي
الحب الموجود الان هو ده ومتوفر وبيقولوا كمان نزل السوبر ماركت
:))))))

شمس النهار يقول...

*عاشقه الرومانسيه

دودو عندنا يامرحبا يامرحبا

كل الناس الرومانسية عايشه زمن مش زمنها

:))

شوفتيني لما مسحت كل حاجة علي الميل
طلعت لي كلمة سيلكت اوووول سلكتها خاااااالص من الميل
جبت الميل علي الزيروووووووو

:)))))))

شمس النهار يقول...

*Hadota ... حدوتة

المسلسل كل حواراته رااااائعة
بس الحتة دي بالذات لاتنسي بتاتا


شكرا علي كلامك وتعليقك اللطيف

شمس النهار يقول...

*لـــولا وزهـــراء

لولا الغالية
حب اليوم بقا عامل زي طبق اليوم

:)))

شمس النهار يقول...

*The illusionist

:)))

خير اللهم اجعله خير

هو ايه ده اللي علم وينفذ

؟؟؟

:)))))
اهو ده اللي ماينفعش بالامر اطلاااااااقا
:))))

شمس النهار يقول...

*مصري جدا

:))
شغله بس ومش هتندم

ده الكلام اللي فيه يصحصح

وادينا نطلع من السياسة شوية
قبل مانكتب بوست
عن محاكمة المخلوع

قال بيعمل لنا باي باي قال
:)))))
شغل الفيديو شغل

فتاه من الصعيد يقول...

الحب كويس :)

شمس النهار يقول...

*فتاه من الصعيد

هو حد يقدر يقول غير كده

طبعا الحب الحقيقي الصاااااااادق

الصح
جميل ورائع طبعا
:)))))

ابراهيم رزق يقول...

ما تمنعوش الصادقين من صدقهم
و لا تحرموش العاشقين من عشقهم
كل اللى عايشين من البشرمن حقهم
يقفوا و يكملوا يمشوا يتكعبلوا
و يتوهوا او يوصلوا
و اذا كنا مش قادرين نكون زيهم
نتأمل الاحوال
و نوزن الافعال
يمكن اذا صدقنا نمشى فى صفهم
الابنودى

يا سلام سلم على الجمال لما يكون العملاق محمود مرسى و السينارست اسامة عكاشة و الموسيقى التصويرية عمار الشريعى و المخرج محمد فاضل ماذا ننتظر
على فكرة اسامة عكاشة تنبأ بما يحدث الان و لعله بعد فترة عمل ابو العلا 90 لكن السر زى ما قال الصدق
الصدق هو ما نفتقده فى جميع الاشياء و منها الحب
مش عايز اطول عليكى
تحياتى

لما يكون اسامة انور عكاشة

الازهرى يقول...

http://www.iraqup.com/uploadsnew/iraqup.com_20090127_VaX57-wo7Y_802299924.jpg

norahaty يقول...

كلمات جميلة
وذكريات أجمـل

شمس النهار يقول...

*ابراهيم رزق

مصر كانت وصلت لمرحلة ان الصادقين دول مش بس بيتمنعوا من صدقهم
ده بيتمنعوا انهم يفتحوا بقهم اصلا

المسلسل ده بالذات حواراته رائعة العشر دقائق دول فيهم كم من الكلام خرافي

وشوف النقلة من الحوار بين محمود مرسي ونسرين ورومانسية الحب
والحوار بين محمود مرسي ومتولي وواقعية الحب والزواج
والحوار هنا من النوع الكوميدي الجميل دون اسفاف
ااااااااااايه ايام لما كان الفن له هدف مش سبوبة

رمضان كريم

شمس النهار يقول...

*الازهرى

ايه ده ازهري عندنا يامرحبا يامرحبا

انت فين ياريس مختفي كده
خير بتدبر لأيه
:)))))
وايه اللينك ده هروح اشوف

شمس النهار يقول...

*norahaty

انتي الاجمل يادكتورة

رمضان كريم

:)

قوس قزح يقول...

لما الواحد بيسمع عن زمان و ازاى هو دايما جميل .. بيخاف من شكل المستقبل اللى هيكون الحاضر اكيد اجمل منه

شمس النهار يقول...

*قوس قزح

اهلا بيكي يادولي
شوفي انتي بقا لما حاضر الماضي الجميل ده يبقا كده تفتكري حاضر المستقبل الغريب اللي بنعيشه دلوقتي يبقا ايه

بس برضوا في حب برئ طاهر جميل صادق
امبارح والنهاردة وبكره
نادر جدااااااااا الان

نادر الوجود جداااااااااااااااااااا
مستقبلا

Just Me يقول...

شمس النهار

حضرتك تنوري في أي مكان

أنا عارف أن مسألة تجميع التعليقات دي في مكان واحد بس

رخمه
بس أنا لسه بكمل تصميم المدونه

إن شاء الله تاني مره حضرتك تعلقي عندي

تلاقي كله تمام

شكراً علي إهتمام حضرتك

شمس النهار يقول...

*Just Me

شكرا علي اهتمامك بالرد عليه
وانت علي فكرة علقت في بوست الحب زمان مش توم وجيري
:))
معلش هو الاشراف ده رخم كده
:)))))

vanilla scent يقول...

الله ياماما

ربنا يرزقنا الحب دا