الثلاثاء، 9 أغسطس 2011

الحقيقة كلها مش نصها

ده برنامج نص الحقيقة حلقة جااااامدة مع عمرو النشرتي
لاقيت واحدة صحبتي بتكلمني وتقولي
الحقي لميس الحديدي عامله
حلقة جااااامدة عن سنسبري
وطبعا كلنا عارفين سلسلة محلات سنسبري
اللي لأول مره في مصر محلات تتضرب بالطوب
لحد ماتتكسر وتتقفل
سر ان صحبتي بتكلمني ايه ؟
ان مره كنا معديين بالعربية من جنب محل من المحلات
وفي ناس بيضربوا المحل بالطوب
قلت لها دي مش مناظر سكان المنطقة
دول شكلهم بلطجية من بتوع الانتخابات
اللي بيبقوا واقفين عند اللجان يرهبوا الناس
المصريين مايعملوش كده ابدااااااااا
كان من باب اولي يعملوا كده في الشركات اللي نصها يهود بجد
ولا الشركات اللي معروف انها بتدعم اليهود
والا نقاطع الافلام الامريكية اللي بيمثل فيها يهود
والشركات المنتجة اصلا شركات براس مال وادارة يهودية
وطال بينا نقاش يومها ان الموضوع المقصود بيه حاجه تانيه ياقرصت ودن لحد
وبكره الايام هتثبت ده
نشوف الحلقة كده ونفهم الكلام

==========


هناك 28 تعليقًا:

mohamed ghalia يقول...

أتشرف بدعوتكم لحضور حفل توقيع كتابــى الثانى ..

( بقايا جيل ) عن دار ليلـــى (كيان كورب )

يوم الخميس الموافق 11-8 -2011
بمعرض الكتاب - رمضان 2011

من الساعة 11:4 وحتى الساعه 4 عصراً (قبل الفطار )

المعرض موجود بـ أرض هيئة الكتاب بالطالبية - فيصل - جيزة

Lady E يقول...

الهايبر ده كمان كان موجود هنا في سلطنة عمان وشغال كويس جدا بس في نفس السنة اللي قالوا ان ده محل يهودي المحل ده قفل والموضوع ده من فترة كبيييييييرة جدا
وموضوع انه يهودي ده موصلش هنا لكن اللي حصل ان على ما اتذكر ان المحل كانت الأسعار فيه كويسه والعروض كمان كتيرة فعمل ضرر لباقي المحلات

وطبعا كان في حملة جامدة عليه ايامها في مصر

Tarkieb يقول...

دي كانت عوووووصابة وربنا حاكمة مصر

شمس النهار يقول...

*mohamed ghalia

ااااااالف مبروك يامحمد

عقبال الكتاب الالف

انت مشرف البلوجر كله

شمس النهار يقول...

*Lady E

ايوة وبرضوا في مصر كان اسعاره اقل من السوق بكتير
وكلام عمرو النشرتي عرفنا ليه اتحارب وقفلوا بعد مابهدلوهم

شمس النهار يقول...

*Tarkieb
طيب بس ماتشتمش العصابات
العصابات بتوفي لبعض ومابتخنش بعض
دول كانوا بياكلوا بعض
اهم اتلموا كلهم في طره
ربك يمهل ولا يهمل
خربوا بيوت ناس كتير وقبلهم خربوا مصر

لــــ زهــــــراء ــــولا يقول...

ست الكل شمس النهار

اجمل حاجه ان عنوان البوست لايق اوى على الحلقه وعلى البرنامج كله
لميس الحديدى عامله برنامج رائع عن جد وحلقة النهارده مع عفاف شعيب كانت فظيعه ياريت تكونى شوفيتها

سبحانه يمهل ولا يهمل

وحشانى وعارفه انى مقصره معاكى


زهــــــــراء

ريهام المرشدي يقول...

ربنا يستر و تكمل المحاكمة على خير و ينالوا اللى يستحقوه ، و لو أن اللى عملوه يستحقوا عليه الإعدام دون محاكمات و لكن للعدالة أحكام . شكرا شمس النهار

سواح في ملك اللــــــــــــــــــه- يقول...

السيدة الفاضلة

شمس النهار

الرجاء وانتي بتنزلي الفيديوا في بوست

تبقي تحطي شرح معاه شرح مختصر عن الموضوع

لان احيانا الفيديوا عندي مبينزلش

تحيتي ياست الكل

ابراهيم رزق يقول...

السلام عليكم

فكرتينى بسنسبرى انتى عارفة مع انه كان فسحة لى اصلى لم اكن تزوجت بعد لان هذه المشاوير اصبحت تكدير لى الا انى لا احب هذه السلاسل
امس كنت فى اولاد رجب اللى قريبا سيصبح فى كل شارع تقريبا بجوار الفرع القريب لنا لمحت محل بقالة صغير يقف به رجل عجوز تقدرى تقولى كم محل بقالة داسته تلك السلاسل بكل بطش لانى اثناء وجودى لمحت طفلتان صغيرتان يشترون باثنين جنيه مخلل اى ربع كيلو
معلش خرجتك بره الموضوع
تحياتى و سلامى الى نور الدين و عقبال ما يكون معاه البحارة التلاتة و البحارات زى ما ربنا يريد

rovy يقول...

كل سنة و انتى طيبة شموسة الغالية ..

غير معرف يقول...

هشوفها واقول رايي

شمس النهار يقول...

*لـــولا وزهـــراء

اهلا اهلا يازهراء
انتي كمان وحشتيني
ومافيش تقصير بين الاحباب

لا ما شوفتهاش بس هدور عليها علي اليوتيوب واشوفها

عفاف هو في زي عفاف
:)))))
بس يارب تكون بتاكل بيتزا دلوقتي
:)))

شمس النهار يقول...

*ريهام المرشدي

ان شاء الله المحاكمات هتكمل
ان الله غلب علي امره

وحق الناس العلابة وحق الناس اللي اتخربت بيوتهم مش هيروح

شمس النهار يقول...

*سواح في ملك اللــــــــــــــــــه

حاااااضر من عينية

الرجل بيقول انهم حرامية وكانوا عايزين 5%من المبيعات
وعاطف عبيد وعصابته همه اللي عملوا فيه كده
وان لاكان في يهود ولا حاجة

تمام كده
:))

engy يقول...

ربنا يستر بس والمحاكمه دى تكمل على خير يارب انشاء الله
ورمضان كريم عليكى يارب

شمس النهار يقول...

*ابراهيم رزق

وعليكم السلاااام ورحمة الله وبركاته

بقال !!؟؟؟

هو لسه في بقالين ماخلاااااااااص

انا تحت بيتي محل صغنن بتاع 3في تلاته وكاتب سوبر ماركت
:)))))

البقالين او السوبر ماركت الصغنن خلاص ادهسوا ومابقوش موجودين الا في القري
كنت بحب بقالين اسكندرية جدا
وكان اغلبهم جريج

نور الدين جاي النهارده عندنا والاستعدادات علي قدم وساق
وخالاته هيتجننوا عليه اكتر مني
هاااا نخطب ساليناز ولا ايه
والولد امور وسماره علي الاخر
:))))

شمس النهار يقول...

*rovy

اهلا اهلا اهلا
روووووفي حبيبتي ازيك عامله ايه

لا كده فيها مكالمة تليفون حاااااااالا

كل سنة وانتي طيبة ياغالية

شمس النهار يقول...

*فتاه من الصعيد

مستنية تعليقك ياجميل

راء يقول...

انا الفيديوهات مش ظاهرة عندي
:(

ملحوظة: انا دخلت هندسة القاهرة الحمد لله..وميرسي اوي اوي على سؤالك بتفرحيني

شمس النهار يقول...

*طالبة مقهورة ..درجة أولى

كده في اجماع ان الفيديوهات عمل من اعمال اليوتيوب فاتجنبووووووه

:))))))))))))

الف الف مبروك انتي كده اللي فرحتيني
وان شاء الله بالنجاح وتبقي باااااااااش مهندسة قد الدنياااااااا

:)

ستيتة يقول...

الحلقة اتفرجت عليها وكتبت على تويتر علشان الناس تشوفها
اذهلتني
ودموع الراجل اللي اتحرم هو واخوه انهم يدفنوا أمهم
ويقولوا سامحوا حسني
ده كان شبه الولايا ميعرفش حاجة
بتعب لما احس في المصري ذلة
بتعب
ولسه
ده يادوب الغطا بيتفتح
30 سنة تكية لا ضابط ولا رابط ولا رقيب ولا احساس بالآخرة
هي بسيطة

تحياتي

Tamer Nabil Moussa يقول...

كل سنة وانتى طيبة شمس


كلام منطقى وقرصة ودن بس ياترى كانت لمين؟

مع خالص تحياتى

شمس النهار يقول...

engy

ان شاء الله المحاكمات تنتهي بالحق وتحقيق العدل
فالله هو الحق العدل

شمس النهار يقول...

*ستيتة حسب الله الحمش

اهلا بيكي يادكتورة المدونة نورت

موضوع سينسبري ده بالذات كان موضوع مأفور منهم اوي وكان شكلها غريب
يعني ايه المصريين يكسروا محلات بتبيع بالرخيص للغلابة
عاطف عبيد وشلته اهم مشرفين دلوقتي في طره
ولسه ياما هنشوف من مظاليم
سواء من الشعب العادي او من رجال الاعمال
ويقولك سامح علي راي عمرو النشرتي عيب والله عيب

شمس النهار يقول...

*Tamer Nabil Moussa

كل سنة وانت طيب ياتامر
انت غايب فين يارب يكون خير

قرصة الودن للي ماكنش بيسمع الكلام طبعاااااا
يايدفع الاتاوة ياتتهد الدنيا علي دماغه

rack-yourminds يقول...

مع ان النت ضعيف بس برده قدرت اشوف الفيديو لانه حسيت انه مهم جدا
__

انتي عارفه ان الفساد اللي كان في عهد مبارك تقدري تشبيه بجبل جليد ظهر منه فقط جزءه الظاهر اما الاعمق والاخطر فسيكتشف عندما ياتي رئيس جديد منتخب وفي تلك اللحظه هتشوفي بقي الفساد اللي بحق وحقيقي
__

رجاء اي فيدوهات مهمه ابقي نزليها عشان انا مش متابع كويس للبرامج لضيق الوقت

شمس النهار يقول...

*rack-yourminds

لا كده ارسوا علي بر
افتح الشباك ولا اقفل الشباك

:))
انشر فديوهات ولا ماانشرش فيديوهات
:))))

ايوة طبعا ان شاء الله المحاكمات هتفضل تحفر لحد ماتجيب اخر فاسد
:))
بس قول يارب