الأحد، 19 فبراير، 2012

علامة تعجب نقطة وعلامة استفاهم ! .؟ +تحديث مهم

ارتباط
علامة تعجب نقطة علامة استفاهم
! . ؟
بعد غياب شئ سفر و
شئ وفاة ابو البنات
وابتعاد عن الاخبار والساحة نص نص
رجعت و
حاولت افهم
مافهمتش حاجة
مش حاسة غير زي ماتكون مصر في خناقة
علي قهوة بلدي ز
ي افلام الابيض والاسود
بتاعة فريد شوقي
ملك الترسو
ومحمود المليجي
وانا مش فاه
مة حاجة
همه بيتخنقوا ليه وعلي ايه

ينوبكم فيه ثوا
ب حد يفهمني
المصرين بيتخنقوا ليه

هناك 58 تعليقًا:

مصطفى سيف الدين يقول...

لما اعرف يا شمس اكيد هقولك
بس اعتقد كده انهم بيتخانقوا علشان اكتشفوا انهم ميعرفوش يعملوا حاجة غير انهم يتخانقوا

لـــولا وزهـــراء يقول...

ست الكل
ينوبك فيا ثواب لو فهمتى ياريت واحده واحده كده تفهمى اختك الغلبانه بس بالراحه عليها ينبوك ثواب

وياريت بالمره بقى لو عرفتى هى الدنيا بتولع ليه وفجاه تهدى ليه وتحسى اننا حطينا فيشة المكواه الدنيا سخنت وكاننا قطعنا الكهربا والدنيا بقيت برد

ربنا يكرمك لما تفهمى قولى ليا

وحشتينى جدا جدا

ربنا مش يحرمنا من تواجدك


زهـــراء

ابراهيم رزق يقول...

شمس الشموس

السلام عليكم

كلنا مش عارفين فى ايه
لاننا للاسف ادخلونا فى جب عميق من الظلام

الكل يبحث عن النور و الكل يتطلع اليه
الخلافات شىء طبيعى لان الطريق مش واضح

اتمنى عودتك سريعا لتبحثى معنا عن الضوء

تحياتى

ريهام المرشدي يقول...

حمدا لله على سلامتك ... فاتك كتير قوى يا شمس مش عارفة ابتدي منين ...
بصى يا ستى كل الحكاية ان اكتشفوا ان الفلول كتير قوى و اكتشفوا فجأه ان سوزان مبارك المفروض يتقبض عليها علشان هي و جمال سبب االمصايب اللى فى البلد و آخرها مذبحة بورسعيد فحذروها فهربت... دي حاجة

التانية بقى فى البرلمان ... الناس كلها عاوزة تعرف تميل الاخوان منين ؟ و الاخوان بيردوا و لكن مش رد قاطع فكثر الكلام .

الثالثة بقى بين الشعب و الشعب ناس عاوزة تعمل عصيان و ناس مش عاوزه و الطرفين يتهموا بعض بالخيانه و الاجندات " حاسة اننا هانفتح مكتبة قريب من كتر الاجندات دي "

حاجة كدا على الماشي ... أمريكا كانت بتهدد بقطع المعونة فقام واحد من الاخوان جزاه الله خيرا قالها لو عملتوا كدا هانلغى الاتفاقية لأنها بند من بندوها فقامت اسرائيل ضغطت على أمريكا و رجعوا المعونة ..و الظريق بقى ان اكتشفنا انها مش معونه أساسا دي حقنا مقابل ارباح القمح اللى بنستوردة منها ...


خدى الكبيرة بقى هايعينوا رئيس توافقى اللى هو اية؟ يوافق عليه الاخوان و المجلس العسكرى !!! أل يعنى الشعب كله اخوان و الباقى مؤيدين المجلس .... دي بقى اللى بجد تستاهل عنوان البوست بتاعك !.؟


كفاية عليكي كدا ... صحتك بالدنيا :)

سواح في ملك اللــــــــــــــــــه- يقول...

اولا حمد الله علي السلامة

ثانيا احنا بقينا شعب لو مالقيناش حد نتخانق معاه نتخانق مع نفسنا

المهم نتخانق وخلاص

ثالثا اقري حضرتك البوست ده


http://sawahmasry.blogspot.com/2012/02/blog-post.html

نورتي مدونتك ياشموستنا الطيبة

شمس النهار يقول...

*مصطفى سيف الدين

لأ ده كله كووووم وجلسات مجلس الشعب كوم تاني خالص

ولا مدرسة المشاغبين
مين دول؟؟

شمس النهار يقول...

*لـــولا وزهـــراء

اهلا زهراء وحشتيني

حااااضر من عينية اقعدي معايا هنا
وادينا نعرف مع بعض
من ولاد الحلال اللي هيدخلوا التعليقات

شمس النهار يقول...

*ابراهيم رزق

وعليكم السلام ورحمة الله وبركاته

ادينا ياابراهيم مولعين الكلوب وقاعدين ندور علي الحقيقة
بس علي الله ماحدش يجي يضرب كرسي في الكلوب
وهوبااااااااا
الدنيا ترجع تضلم تاني
ويوجعوا قلبنا وننزل تاني نعمل ثورة بس المرة دي علي ماية بيضا

شمس النهار يقول...

*ريهام المرشدي

الله يسلمك

وصحتي ايه بقا دي الاحوال تجيب الضغط والسكر

وجميع انواع الشلل

بس ربك كريم

شمس النهار يقول...

*سواح في ملك اللــــــــــــــــــه

الله يسلمك

اهلا بيك
بلوجر كله منور بيكم وبأفكاركم

بجد بجد الوضع بقا غريب جدا
بدخل اشوف علي اليوتيوب جلسات مجلس الشعب بستغرب جدا
علي المستوي الفكري والحواري
بحس انه مدرسة المشاغبين علي قناة المصارعة الحرة

ربنا يسلم
وطبعا هشوف البوست انا بقالي ساعتين في مدوناتكم

ريري كربكه يقول...

البوست فعلا محير
لما تعرفي يا شموسه ايه
السبب ابقي قولي
علشان انا كمان مش فاهمه حاجه

صاحب الحبر الأسْوَد يقول...

لما النظام الفاسد كله يسيب السلطة ويتحاكم

ولما حق الشهدا يرجع واللي قتلهم يتحاسب

ولما الوشوش اللي نزلت يوم 25 يناير 2011 وثارت علي النظام الفاسد كله وكان هدفهم الوحيد مصلحة البلد
هي اللي تختار النظام القادم
مش هي اللي تتحاسب وتتحاكم وتتقتل وتتسحل وتتهان ووشوش تانية هي اللي تختار وتقرر وتُحكُم

ساعتها بس المصريين هيبطلوا خناق
عشان ساعتها كلمة الحق هتقرب من الميكروفونات ومن الشاشات اللي في البيوت وهتحسم كل الخناقات لأن ببساطة هيبان مين الحق ومين الباطل

تحياتي لقلمك وتقبلي مروري وتعليقي ورأي الشخصي

ستيتة يقول...

في يوم سأل أمير سعودي مبارك انت ها تورث جمال مبارك "حسب كلام هيكل الذي لا اطيقه" رد عليه وقال أورث له خرابة
هم يا عزيزتي بيتخانقوا على الخرابة
اللي عاوز يهدها ويبيعها ردم
واللي طمعان في الكام سيخ حديد
واللي عاجباه لعبة العظمة والملك حتى ولو على خرابة
وضاع الإخلاص
فمفيش اتوبيس بيوصل ولا مركب بيبلغ شط
وربنا يلطف

نورتي مكانك

samamasr يقول...

أولا السلام عليكم
بما إني بدخل مدونتك لتاني مرة
أقولك
السلام عليكم ورحمة الله وبركاته :)

أتمنى تكوني بألف خير وأولادك بألف خير يارب:)

ربنا يكرمكم

ويجعل أبوهم في الجنة يارب. ويرزقه زوج خير من زوجه. ومكان أفضل يارب. ورحمة من رب العالمين يارب :)


والدي كان توفى الفترة اللي فاتت الحمد لله برضه


كنت بفتكر كلامه

كان بيقوللي. اللي ماتوا بيكونوا في عالم تاني. وملكوت تاني. ملهومش دعوة بكل حسابات البشر أو صراعاتهم



لما كنت بسأله عن حال مصر بعد الثورة زمان


يمكن مكنتش مقتنعة وقتها بس. كان دايما في بالي. يا ترى. الحق فين. كنت محتارة قوي


رد عليا وقتها الرد ده :)


يمكن كل يوم في البلد. حاسة بصراعات


ووقتها وبعدها

افتكرت كلامه ده



حال البلد. بكل حاجة فيها. إحنا البشر في صراعات كتيرة قوي :)




ربنا يرحم زوجك ويرحم والدي يارب.يارب وجميع اموات العالمين يارب :)


أختك إيمان :)


سلامي لأولاد حضرتك. ربنا يكرمك يارب ويكرمكم بكل خير. ويفرحك بنجاحهم وتفوقهم يارب. ويحقلك فيهم كل الآمال يارب :)


سلام عليكم :)

جارة القمر يقول...

وليه تدورى ع الخناقات بس سيبك انتى منورة الدنيا برجوعك و بوستاتك بسلطاتك ببابا غنوجك .. وحشتينى جدا وعارفة انى كنت مقصرة فى حقك بس معلش ظروفى كانت لا تسمح المهم انك بخير :)

rack-yourminds يقول...

لان مصلحة البلد اخر شئ يفكروا فيه!!!

ريـــمـــاس يقول...

مساء الغاردينيا شمس
أول دخول لمدونتك بس مش عارفه افيدك أنا كمان مش فاهمه حاجة بس بدعي ربنا تكون مصر بخير "
؛؛
؛
لروحك عبق الغاردينيا
كانت هنا
reemaas

مصري جدا يقول...

البقاء لله يا ستنا

أعتذر بشده عن جهلي وعن تأخري في العزاء


المصريين بيتخانقوا لأن الخراب معشش والنضاف بيحاولا ينضفوا بس الخراب مش راضي يتزحزح

بس خلاص

روعه النسيان يقول...

اصل كان فيه واحده حامل ولما ذهب القوم الى القوم التانين مالقهومش
فاتخانقوا مع بعض عشان القوم اللى مالقهومش مجوش

شمس النهار يقول...

*ريري كربكه

بس كده من عينية استني معايا في التعليقات يمكن نفهم حاجة

شمس النهار يقول...

*صاحب الحبر الأسْوَد

وليه نسيت
الوشوش الغريبة اللي طلعتهالنا الثورة

دي كمان من اهم اسباب الخناقة
ولازم تختفي

شمس النهار يقول...

*صاحب الحبر الأسْوَد

وليه نسيت
الوشوش الغريبة اللي طلعتهالنا الثورة

دي كمان من اهم اسباب الخناقة
ولازم تختفي

شمس النهار يقول...

*ستيته

اهلا اهلا بالحبايب

ايوة خربوها
والغربان قعدوا علي تلها


نورتيني ونورتي المدونة

شمس النهار يقول...

*samamasr

وعليكم السلام ورحمة الله وبركاته

اهلا بيكي

وشكرا علي كلامك الجميل
والبركة فيكي رحم الله والدك وابو بناتي
وادخلهم فسيح جناته

نورتيني

شمس النهار يقول...

*جارة القمر

اهلا بيكي انتي اللي منورة
وحشتيني جدا

ان شاء الله مانغبش انا وانتي عن بلوجر

والحمد لله انا بخير
ويارب انتي كمان تكوني بخير

شمس النهار يقول...

*rack-yourminds

صح

فعلا البلد بقت اخر حاجة
المهم مين يكسب ومين يقعد علي تلها
ويفرد عضلاته

شمس النهار يقول...

*ريـــمـــاس

مساء الهنا ياريماس

حمد الله علي سلامتك ياجميلة
يارب تكوني بخير نورتيني

وان شاء الله نفهم سوا

شمس النهار يقول...

*مصري جدا

شكرا ليك
الحمد لله علي كل شئ

مافيش اعتذار ولاحاجة بين الاخوة

اما البلد فاعايزة شركة نضافة
تنضفها
وكام برميل مية نار
علي ديتول
علي كلور
علي رابسو بتاع زمان مخلوط ببوتاس بتاع زمان عارفه

شمس النهار يقول...

*روعه النسيان

ياماشاء الله ياماشاء الله

ومين اللي مات بقا

الازهرى يقول...

تخيلى بقى لو قلت إننا حاليا غى أعلى مراتب الفهم

بالنسبة للمرحلة الجاية

لسه التقيل نازل

وربنا هنشد فى شعرنا نخلعه من الغباء الفترة الجاية

الاحلام يقول...

اسواء شىء ان الاخوات يتشاجروا مع بعض بيكون شىء خطير جدا والادهى انهم هما نفسهم مش عارفين هما بيتشاجروا ليه
شىء محزن نتمنى ان الكل يفيق فى وقت مناسب حتى نعود لعقولنا
تحياتى ابوداود

سواح في ملك اللــــــــــــــــــه- يقول...

شموستنا الطيبة

قرأت تحديثك عن مدونة ماجد القاضي

ووجدته موضوع جدير بأن نتحدث فيه

وكان هذاتعليقي عنده


مع احترامي للرأ ي المدروس جيدا والمنطقي

يجب ان نتفق اولا اننا شعب عاطفي

اي تحكمه بنسبة كبيرة العواطف

ويجب ان نتفق ثانيا اننا نعيش حالة

تشرذم وتشتت بين القوي السياسية وايضا

الغير مسيسة في بلدنا

اذا فالايجابية الاولي للمبادرة

هي توحيد القوي وتجميعها

وتجميع الشعب علي قلب رجل واحد من اجل

ان البلاد تمر بأزمة

وأذا فرضنا ان المبادرة غير مؤثرة

اقتصاديا

فهي تعد حافزا لكل الناس للاتفاق علي

ماذا نفعل من اجل مصر

واذا فرضنا ايضا انها تكافل اجتماعي

اي ان يضخ من يملك من ماله للبلاد

فهو يطعم جوعانا

او يداوي مريضا

او يكسي محروما قد تؤثر عليه هذه

الازمة الاقتصادية التي تمر بها البلاد

وهم اكثر المتضررين

الفائدة الاخري للمبادرة

ان يعلم الغرب اننا لن نرضخ

ففي وسط الازمات نكون علي قلب رجل واحد

ولذا يجب عليهم الايستخدموا كلمة معونة

كورقة ضغط

لاتؤاخذني اخي اطلت في تعليقي

تحيتي
21 فبراير, 2012 09:25 م

فما رأيك

شمس النهار يقول...

*الازهري

المهم نفهم

انا مش فاهمه حاجة خالص

مين مع مين ومين ضد مين
هو مين اللي جاب التورتة

شمس النهار يقول...

*الاحلام
المشكلة ان تقسيم مصر شغال
وزعلانة من الهجمة علي البورسعيدية زعلانة

ابناء الوطن الواحد بينهم تناحر
عايزين يقلبوها ايه مش عارفة
وليه شعب مصر الواعي بيعمل كده

شمس النهار يقول...

*سواح في ملك اللــــــــــــــــــه

ايوة طبعا احنا شعب عاطفي وللنهاردة بنسمع عبد الحليم

فاكر خطاب مبارك العاطفي؟

طبعا تعليق جميل
بس ليس هكذا تدار الازمات
في ازمات تدار كده بأسلوب جمع التبرعات زي متضرري السيول
لكن في ازمات اعمق من كده ويجب ان تحل بحجم عمقها
من زمان وكلنا نفسنا ندوس برجلينا علي هذه المعونة القميئة

ولكن دايما بنحل مشاكلنا بسطحية ومن غير دراسة
فابنحل من علي الوش مش من الجزور
نفسي نستفيد مره من هذا العدد الهائل من المستشارين والدكاترة والجهابزة
ونحل المشكلة من جزرها
طيب لمينا فلوس السنة دي وبعدين والمعونة مش بس فلوس المعونة معنوية اكتر منها مادية يجب الاول ان نعرف الناس المغونة دي ايه وليه ومحتواها ايه
واتعملت ليه اصلا
وايه اللي يترتب علي رفضها لو رفضناها
ومايترتب علي الغائها لو امريكا اللي لغتها
يعني الي اخر الامور
المواضيع الكبيرة مابتجيش كده
واهو كله الهاء اشئ زياد العليمي واشي ماتش واشي معونة والله اعلم بنتلهي عن ايه بأيه
مدبر الامر كريم ياسواح

سواح في ملك اللــــــــــــــــــه- يقول...

شموستنا الطيبة

كل اللي اقصده ان تبدا الخطوة

مهو طبعا مينفعش ان احنا نعيش

علي التبرعات

لكن لو كل انسان طلع من جيبه جنيه واحد

مبلغ رمزي يعني

هبعرف قيمة انه يشتغل او يدي لبلده

فيه ناس كتير

مبتدركش القيمة دي الا لما بتعملها

يعني قيمة انها تدي لبلدها

دي بس وجهة نظري ياشموستنا الطيبة

ذو النون المصري يقول...

البقاء لله
و الله تاخرنا عن المتابعه اخرنا عن التعزية
نرجو من الله ان يتغمد الفقيد فسيح جناته و ان يوسع له قبره و ينوره
و ان يرزقه الجنه
امين

ذو النون المصري يقول...

الخناقة كلها بين صغار لان مفيش بينهم كبير يقدر يوقف كل واحد عند حده
مبارك كان شديد الحرص علي ان لا يوجد كبير غيره

صبح يقول...

بيتخانقو على دكان شحاتة.

sony2000 يقول...

ومافيش حد هيفهم حاجه
لحد ماييجي شهر 6

ربنا يستر

rona ali يقول...

والله يا شموسه

متين في الميه لو فهمت حاجه كنت هقر واعترف

:)) المهم انك رجعتى ونورتى البلوج بيجد دة خبر
يستاهل زغرودة لولولولى :)

Tamer Nabil Moussa يقول...

فى شبورة وغيامة
ومحدش بقى والله ياشمس عارف حاجة

كل ما فى ايدنا
ندعى ربنا يحفظ بلدنا والحال يتقدم الى الافضل ان شاء الله

مع خالص تحياتى

Foxology يقول...

بنتخانق على أى حاجة وكل حاجة !!!

الخناق اصبح شئ عادى جدا فى يوم المواطن العادى جدا برضه

تحياتى

eng_semsem يقول...

هو محور الخناقه الرئيسي دلوقتي مين اللي قام بالثوره
واعتقاد كل فرد بان رايه هو الاصح
والواضحان احنا عشان مجربناش نعيش في ديمقراطيه مش عارفين نتكيف معاه ومحدش عايز يقبل ان كل واحد يعبر عن رايه وفي الاخر الجميع يحترم راي الاغلبيه
تحياتي وان شاء الله تهدى ونفهم كلنا ونعيش

فافى يقول...

اولا حمد الله على السلامه فى مدونتك حبيبتك واناافتقدتك كتير
ثانيا مصر بتتخانق عشان هى لقت الحريه بس من غير كتالوج فا بتحاول تفهم حريه عن طريق الضغط على كل الزراير بعشوائيه لكن ياعالم هتلاقى الكتالوج ولا هاتفضل تضغط على كل الزراير كده بالبركه :)
تحياتى

zizi يقول...

شموستنا الغالية ..معلش انا بقالي حوالي 20 يوم مادخلتش لعطل في اللاب توب وحمداً لله على رجوعك وتخطيكي أحزانك بيننا ..أما عن أحوال البلد فقد اختلطت الأمور وتطاولت اعناق السفهاء وأصبحت الغلبة للصوت العالي وليست لصوت الحكمة حتى وإن خفت ..تحياتي

شمس النهار يقول...

*سواح في ملك اللــــــــــــــــــه

مافيش مانع الناس تتبرع للخير زي مشروع العشوائيات
اعتراضي علي اسلوب معالجة الموضوع
مافيش حاجة اتغيرت
الاساليب هي هي
نفسي نتصرف بعقل في البلد دي
الدول تدار بالعلم والعقول مع القلوب
مش بالقلوب بس

شمس النهار يقول...

*ذو النون المصري

شكرا ربنا يكرمك
شكرا علي تعزيتك ودعواتك الجميلة

------
صح مبارك وشلته علي قد ماوسع جهدهم
ماطلعوش كوادر جديدة للبلد

شمس النهار يقول...

*صبح

ماهي دي المشكلة ياصبح
وربنا يستر

شمس النهار يقول...

*sony2000

تفتكري
هيحصل حاجة شهر 6 تفهم الناس
!!

شمس النهار يقول...

*rona ali

شكرا ياروني علي ترحيبك وكلامك الجميل
وكمان علي الزغروته الجميلة
بلوجر منور بيكم

شمس النهار يقول...

*Tamer Nabil Moussa

بس اكيد في حد فاهم في البلد دي

اومال الثورة قامت ليه
مش علشان نفهم

شمس النهار يقول...

*Foxology

انا بمشي في الشارع ابص علي الناس الاقيهم اكثر تحفزا لبعض عن ماقبل الثورة
العدوانية اصبحت سيد الموقف

شمس النهار يقول...

*eng_semsem

صح هو ده الكلام
من اوله ومن اخره

مش عارفين نتقبل بعض
مش عارفين نتناقش
ولا نسمع بعض علشان نفهم

كل واحد فاهم انه هو الصح

شمس النهار يقول...

*فافي

الله يسلمك يافافي

طيب ندعي ربنا بقا حد يلحقنا بالكتالوج قبل ماالزراير تبوظ
وعلي حد علمي زرايرمصر مالهاش قطع غير

شمس النهار يقول...

*zizi

اهلا اهلا يازيزي
حمد الله علي السلامة

ربنا يكرمك
ومايعطلكيش لاب توب تاني

عارفة المثل بتاع زمان
الغجرية ست جيرانها اهو ده النظام الان

الجوكر يقول...

مساء الخير ياشمس

الموضوع بكل بساطه

لأننا فهمنا الحريه غلط

وعموما لو انتى عرفتى السبب

ياريت تعرفينى

لكِ كل الود

الجوكر يقول...

الله

طيب انتى كمان عندك اشراف على التعليقات

امال زعلانه منى ليه

هههههههههههههههه