علامة تعجب نقطة علامة استفاهم
! . ؟
بعد غياب شئ سفر وشئ وفاة ابو البنات
وابتعاد عن الاخبار والساحة نص نص
رجعت وحاولت افهم
مافهمتش حاجة
مش حاسة غير زي ماتكون مصر في خناقة
علي قهوة بلدي زي افلام الابيض والاسود
بتاعة فريد شوقي ملك الترسو
ومحمود المليجي
وانا مش فاهمة حاجة
همه بيتخنقوا ليه وعلي ايه
ينوبكم فيه ثواب حد يفهمني
المصرين بيتخنقوا ليه
! . ؟
بعد غياب شئ سفر وشئ وفاة ابو البنات
وابتعاد عن الاخبار والساحة نص نص
رجعت وحاولت افهم
مافهمتش حاجة
مش حاسة غير زي ماتكون مصر في خناقة
علي قهوة بلدي زي افلام الابيض والاسود
بتاعة فريد شوقي ملك الترسو
ومحمود المليجي
وانا مش فاهمة حاجة
همه بيتخنقوا ليه وعلي ايه
ينوبكم فيه ثواب حد يفهمني
المصرين بيتخنقوا ليه
هناك 58 تعليقًا:
لما اعرف يا شمس اكيد هقولك
بس اعتقد كده انهم بيتخانقوا علشان اكتشفوا انهم ميعرفوش يعملوا حاجة غير انهم يتخانقوا
ست الكل
ينوبك فيا ثواب لو فهمتى ياريت واحده واحده كده تفهمى اختك الغلبانه بس بالراحه عليها ينبوك ثواب
وياريت بالمره بقى لو عرفتى هى الدنيا بتولع ليه وفجاه تهدى ليه وتحسى اننا حطينا فيشة المكواه الدنيا سخنت وكاننا قطعنا الكهربا والدنيا بقيت برد
ربنا يكرمك لما تفهمى قولى ليا
وحشتينى جدا جدا
ربنا مش يحرمنا من تواجدك
زهـــراء
شمس الشموس
السلام عليكم
كلنا مش عارفين فى ايه
لاننا للاسف ادخلونا فى جب عميق من الظلام
الكل يبحث عن النور و الكل يتطلع اليه
الخلافات شىء طبيعى لان الطريق مش واضح
اتمنى عودتك سريعا لتبحثى معنا عن الضوء
تحياتى
حمدا لله على سلامتك ... فاتك كتير قوى يا شمس مش عارفة ابتدي منين ...
بصى يا ستى كل الحكاية ان اكتشفوا ان الفلول كتير قوى و اكتشفوا فجأه ان سوزان مبارك المفروض يتقبض عليها علشان هي و جمال سبب االمصايب اللى فى البلد و آخرها مذبحة بورسعيد فحذروها فهربت... دي حاجة
التانية بقى فى البرلمان ... الناس كلها عاوزة تعرف تميل الاخوان منين ؟ و الاخوان بيردوا و لكن مش رد قاطع فكثر الكلام .
الثالثة بقى بين الشعب و الشعب ناس عاوزة تعمل عصيان و ناس مش عاوزه و الطرفين يتهموا بعض بالخيانه و الاجندات " حاسة اننا هانفتح مكتبة قريب من كتر الاجندات دي "
حاجة كدا على الماشي ... أمريكا كانت بتهدد بقطع المعونة فقام واحد من الاخوان جزاه الله خيرا قالها لو عملتوا كدا هانلغى الاتفاقية لأنها بند من بندوها فقامت اسرائيل ضغطت على أمريكا و رجعوا المعونة ..و الظريق بقى ان اكتشفنا انها مش معونه أساسا دي حقنا مقابل ارباح القمح اللى بنستوردة منها ...
خدى الكبيرة بقى هايعينوا رئيس توافقى اللى هو اية؟ يوافق عليه الاخوان و المجلس العسكرى !!! أل يعنى الشعب كله اخوان و الباقى مؤيدين المجلس .... دي بقى اللى بجد تستاهل عنوان البوست بتاعك !.؟
كفاية عليكي كدا ... صحتك بالدنيا :)
اولا حمد الله علي السلامة
ثانيا احنا بقينا شعب لو مالقيناش حد نتخانق معاه نتخانق مع نفسنا
المهم نتخانق وخلاص
ثالثا اقري حضرتك البوست ده
http://sawahmasry.blogspot.com/2012/02/blog-post.html
نورتي مدونتك ياشموستنا الطيبة
*مصطفى سيف الدين
لأ ده كله كووووم وجلسات مجلس الشعب كوم تاني خالص
ولا مدرسة المشاغبين
مين دول؟؟
*لـــولا وزهـــراء
اهلا زهراء وحشتيني
حااااضر من عينية اقعدي معايا هنا
وادينا نعرف مع بعض
من ولاد الحلال اللي هيدخلوا التعليقات
*ابراهيم رزق
وعليكم السلام ورحمة الله وبركاته
ادينا ياابراهيم مولعين الكلوب وقاعدين ندور علي الحقيقة
بس علي الله ماحدش يجي يضرب كرسي في الكلوب
وهوبااااااااا
الدنيا ترجع تضلم تاني
ويوجعوا قلبنا وننزل تاني نعمل ثورة بس المرة دي علي ماية بيضا
*ريهام المرشدي
الله يسلمك
وصحتي ايه بقا دي الاحوال تجيب الضغط والسكر
وجميع انواع الشلل
بس ربك كريم
*سواح في ملك اللــــــــــــــــــه
الله يسلمك
اهلا بيك
بلوجر كله منور بيكم وبأفكاركم
بجد بجد الوضع بقا غريب جدا
بدخل اشوف علي اليوتيوب جلسات مجلس الشعب بستغرب جدا
علي المستوي الفكري والحواري
بحس انه مدرسة المشاغبين علي قناة المصارعة الحرة
ربنا يسلم
وطبعا هشوف البوست انا بقالي ساعتين في مدوناتكم
البوست فعلا محير
لما تعرفي يا شموسه ايه
السبب ابقي قولي
علشان انا كمان مش فاهمه حاجه
لما النظام الفاسد كله يسيب السلطة ويتحاكم
ولما حق الشهدا يرجع واللي قتلهم يتحاسب
ولما الوشوش اللي نزلت يوم 25 يناير 2011 وثارت علي النظام الفاسد كله وكان هدفهم الوحيد مصلحة البلد
هي اللي تختار النظام القادم
مش هي اللي تتحاسب وتتحاكم وتتقتل وتتسحل وتتهان ووشوش تانية هي اللي تختار وتقرر وتُحكُم
ساعتها بس المصريين هيبطلوا خناق
عشان ساعتها كلمة الحق هتقرب من الميكروفونات ومن الشاشات اللي في البيوت وهتحسم كل الخناقات لأن ببساطة هيبان مين الحق ومين الباطل
تحياتي لقلمك وتقبلي مروري وتعليقي ورأي الشخصي
في يوم سأل أمير سعودي مبارك انت ها تورث جمال مبارك "حسب كلام هيكل الذي لا اطيقه" رد عليه وقال أورث له خرابة
هم يا عزيزتي بيتخانقوا على الخرابة
اللي عاوز يهدها ويبيعها ردم
واللي طمعان في الكام سيخ حديد
واللي عاجباه لعبة العظمة والملك حتى ولو على خرابة
وضاع الإخلاص
فمفيش اتوبيس بيوصل ولا مركب بيبلغ شط
وربنا يلطف
نورتي مكانك
أولا السلام عليكم
بما إني بدخل مدونتك لتاني مرة
أقولك
السلام عليكم ورحمة الله وبركاته :)
أتمنى تكوني بألف خير وأولادك بألف خير يارب:)
ربنا يكرمكم
ويجعل أبوهم في الجنة يارب. ويرزقه زوج خير من زوجه. ومكان أفضل يارب. ورحمة من رب العالمين يارب :)
والدي كان توفى الفترة اللي فاتت الحمد لله برضه
كنت بفتكر كلامه
كان بيقوللي. اللي ماتوا بيكونوا في عالم تاني. وملكوت تاني. ملهومش دعوة بكل حسابات البشر أو صراعاتهم
لما كنت بسأله عن حال مصر بعد الثورة زمان
يمكن مكنتش مقتنعة وقتها بس. كان دايما في بالي. يا ترى. الحق فين. كنت محتارة قوي
رد عليا وقتها الرد ده :)
يمكن كل يوم في البلد. حاسة بصراعات
ووقتها وبعدها
افتكرت كلامه ده
حال البلد. بكل حاجة فيها. إحنا البشر في صراعات كتيرة قوي :)
ربنا يرحم زوجك ويرحم والدي يارب.يارب وجميع اموات العالمين يارب :)
أختك إيمان :)
سلامي لأولاد حضرتك. ربنا يكرمك يارب ويكرمكم بكل خير. ويفرحك بنجاحهم وتفوقهم يارب. ويحقلك فيهم كل الآمال يارب :)
سلام عليكم :)
وليه تدورى ع الخناقات بس سيبك انتى منورة الدنيا برجوعك و بوستاتك بسلطاتك ببابا غنوجك .. وحشتينى جدا وعارفة انى كنت مقصرة فى حقك بس معلش ظروفى كانت لا تسمح المهم انك بخير :)
لان مصلحة البلد اخر شئ يفكروا فيه!!!
مساء الغاردينيا شمس
أول دخول لمدونتك بس مش عارفه افيدك أنا كمان مش فاهمه حاجة بس بدعي ربنا تكون مصر بخير "
؛؛
؛
لروحك عبق الغاردينيا
كانت هنا
reemaas
البقاء لله يا ستنا
أعتذر بشده عن جهلي وعن تأخري في العزاء
المصريين بيتخانقوا لأن الخراب معشش والنضاف بيحاولا ينضفوا بس الخراب مش راضي يتزحزح
بس خلاص
اصل كان فيه واحده حامل ولما ذهب القوم الى القوم التانين مالقهومش
فاتخانقوا مع بعض عشان القوم اللى مالقهومش مجوش
*ريري كربكه
بس كده من عينية استني معايا في التعليقات يمكن نفهم حاجة
*صاحب الحبر الأسْوَد
وليه نسيت
الوشوش الغريبة اللي طلعتهالنا الثورة
دي كمان من اهم اسباب الخناقة
ولازم تختفي
*صاحب الحبر الأسْوَد
وليه نسيت
الوشوش الغريبة اللي طلعتهالنا الثورة
دي كمان من اهم اسباب الخناقة
ولازم تختفي
*ستيته
اهلا اهلا بالحبايب
ايوة خربوها
والغربان قعدوا علي تلها
نورتيني ونورتي المدونة
*samamasr
وعليكم السلام ورحمة الله وبركاته
اهلا بيكي
وشكرا علي كلامك الجميل
والبركة فيكي رحم الله والدك وابو بناتي
وادخلهم فسيح جناته
نورتيني
*جارة القمر
اهلا بيكي انتي اللي منورة
وحشتيني جدا
ان شاء الله مانغبش انا وانتي عن بلوجر
والحمد لله انا بخير
ويارب انتي كمان تكوني بخير
*rack-yourminds
صح
فعلا البلد بقت اخر حاجة
المهم مين يكسب ومين يقعد علي تلها
ويفرد عضلاته
*ريـــمـــاس
مساء الهنا ياريماس
حمد الله علي سلامتك ياجميلة
يارب تكوني بخير نورتيني
وان شاء الله نفهم سوا
*مصري جدا
شكرا ليك
الحمد لله علي كل شئ
مافيش اعتذار ولاحاجة بين الاخوة
اما البلد فاعايزة شركة نضافة
تنضفها
وكام برميل مية نار
علي ديتول
علي كلور
علي رابسو بتاع زمان مخلوط ببوتاس بتاع زمان عارفه
*روعه النسيان
ياماشاء الله ياماشاء الله
ومين اللي مات بقا
تخيلى بقى لو قلت إننا حاليا غى أعلى مراتب الفهم
بالنسبة للمرحلة الجاية
لسه التقيل نازل
وربنا هنشد فى شعرنا نخلعه من الغباء الفترة الجاية
اسواء شىء ان الاخوات يتشاجروا مع بعض بيكون شىء خطير جدا والادهى انهم هما نفسهم مش عارفين هما بيتشاجروا ليه
شىء محزن نتمنى ان الكل يفيق فى وقت مناسب حتى نعود لعقولنا
تحياتى ابوداود
شموستنا الطيبة
قرأت تحديثك عن مدونة ماجد القاضي
ووجدته موضوع جدير بأن نتحدث فيه
وكان هذاتعليقي عنده
مع احترامي للرأ ي المدروس جيدا والمنطقي
يجب ان نتفق اولا اننا شعب عاطفي
اي تحكمه بنسبة كبيرة العواطف
ويجب ان نتفق ثانيا اننا نعيش حالة
تشرذم وتشتت بين القوي السياسية وايضا
الغير مسيسة في بلدنا
اذا فالايجابية الاولي للمبادرة
هي توحيد القوي وتجميعها
وتجميع الشعب علي قلب رجل واحد من اجل
ان البلاد تمر بأزمة
وأذا فرضنا ان المبادرة غير مؤثرة
اقتصاديا
فهي تعد حافزا لكل الناس للاتفاق علي
ماذا نفعل من اجل مصر
واذا فرضنا ايضا انها تكافل اجتماعي
اي ان يضخ من يملك من ماله للبلاد
فهو يطعم جوعانا
او يداوي مريضا
او يكسي محروما قد تؤثر عليه هذه
الازمة الاقتصادية التي تمر بها البلاد
وهم اكثر المتضررين
الفائدة الاخري للمبادرة
ان يعلم الغرب اننا لن نرضخ
ففي وسط الازمات نكون علي قلب رجل واحد
ولذا يجب عليهم الايستخدموا كلمة معونة
كورقة ضغط
لاتؤاخذني اخي اطلت في تعليقي
تحيتي
21 فبراير, 2012 09:25 م
فما رأيك
*الازهري
المهم نفهم
انا مش فاهمه حاجة خالص
مين مع مين ومين ضد مين
هو مين اللي جاب التورتة
*الاحلام
المشكلة ان تقسيم مصر شغال
وزعلانة من الهجمة علي البورسعيدية زعلانة
ابناء الوطن الواحد بينهم تناحر
عايزين يقلبوها ايه مش عارفة
وليه شعب مصر الواعي بيعمل كده
*سواح في ملك اللــــــــــــــــــه
ايوة طبعا احنا شعب عاطفي وللنهاردة بنسمع عبد الحليم
فاكر خطاب مبارك العاطفي؟
طبعا تعليق جميل
بس ليس هكذا تدار الازمات
في ازمات تدار كده بأسلوب جمع التبرعات زي متضرري السيول
لكن في ازمات اعمق من كده ويجب ان تحل بحجم عمقها
من زمان وكلنا نفسنا ندوس برجلينا علي هذه المعونة القميئة
ولكن دايما بنحل مشاكلنا بسطحية ومن غير دراسة
فابنحل من علي الوش مش من الجزور
نفسي نستفيد مره من هذا العدد الهائل من المستشارين والدكاترة والجهابزة
ونحل المشكلة من جزرها
طيب لمينا فلوس السنة دي وبعدين والمعونة مش بس فلوس المعونة معنوية اكتر منها مادية يجب الاول ان نعرف الناس المغونة دي ايه وليه ومحتواها ايه
واتعملت ليه اصلا
وايه اللي يترتب علي رفضها لو رفضناها
ومايترتب علي الغائها لو امريكا اللي لغتها
يعني الي اخر الامور
المواضيع الكبيرة مابتجيش كده
واهو كله الهاء اشئ زياد العليمي واشي ماتش واشي معونة والله اعلم بنتلهي عن ايه بأيه
مدبر الامر كريم ياسواح
شموستنا الطيبة
كل اللي اقصده ان تبدا الخطوة
مهو طبعا مينفعش ان احنا نعيش
علي التبرعات
لكن لو كل انسان طلع من جيبه جنيه واحد
مبلغ رمزي يعني
هبعرف قيمة انه يشتغل او يدي لبلده
فيه ناس كتير
مبتدركش القيمة دي الا لما بتعملها
يعني قيمة انها تدي لبلدها
دي بس وجهة نظري ياشموستنا الطيبة
البقاء لله
و الله تاخرنا عن المتابعه اخرنا عن التعزية
نرجو من الله ان يتغمد الفقيد فسيح جناته و ان يوسع له قبره و ينوره
و ان يرزقه الجنه
امين
الخناقة كلها بين صغار لان مفيش بينهم كبير يقدر يوقف كل واحد عند حده
مبارك كان شديد الحرص علي ان لا يوجد كبير غيره
بيتخانقو على دكان شحاتة.
ومافيش حد هيفهم حاجه
لحد ماييجي شهر 6
ربنا يستر
والله يا شموسه
متين في الميه لو فهمت حاجه كنت هقر واعترف
:)) المهم انك رجعتى ونورتى البلوج بيجد دة خبر
يستاهل زغرودة لولولولى :)
فى شبورة وغيامة
ومحدش بقى والله ياشمس عارف حاجة
كل ما فى ايدنا
ندعى ربنا يحفظ بلدنا والحال يتقدم الى الافضل ان شاء الله
مع خالص تحياتى
بنتخانق على أى حاجة وكل حاجة !!!
الخناق اصبح شئ عادى جدا فى يوم المواطن العادى جدا برضه
تحياتى
هو محور الخناقه الرئيسي دلوقتي مين اللي قام بالثوره
واعتقاد كل فرد بان رايه هو الاصح
والواضحان احنا عشان مجربناش نعيش في ديمقراطيه مش عارفين نتكيف معاه ومحدش عايز يقبل ان كل واحد يعبر عن رايه وفي الاخر الجميع يحترم راي الاغلبيه
تحياتي وان شاء الله تهدى ونفهم كلنا ونعيش
اولا حمد الله على السلامه فى مدونتك حبيبتك واناافتقدتك كتير
ثانيا مصر بتتخانق عشان هى لقت الحريه بس من غير كتالوج فا بتحاول تفهم حريه عن طريق الضغط على كل الزراير بعشوائيه لكن ياعالم هتلاقى الكتالوج ولا هاتفضل تضغط على كل الزراير كده بالبركه :)
تحياتى
شموستنا الغالية ..معلش انا بقالي حوالي 20 يوم مادخلتش لعطل في اللاب توب وحمداً لله على رجوعك وتخطيكي أحزانك بيننا ..أما عن أحوال البلد فقد اختلطت الأمور وتطاولت اعناق السفهاء وأصبحت الغلبة للصوت العالي وليست لصوت الحكمة حتى وإن خفت ..تحياتي
*سواح في ملك اللــــــــــــــــــه
مافيش مانع الناس تتبرع للخير زي مشروع العشوائيات
اعتراضي علي اسلوب معالجة الموضوع
مافيش حاجة اتغيرت
الاساليب هي هي
نفسي نتصرف بعقل في البلد دي
الدول تدار بالعلم والعقول مع القلوب
مش بالقلوب بس
*ذو النون المصري
شكرا ربنا يكرمك
شكرا علي تعزيتك ودعواتك الجميلة
------
صح مبارك وشلته علي قد ماوسع جهدهم
ماطلعوش كوادر جديدة للبلد
*صبح
ماهي دي المشكلة ياصبح
وربنا يستر
*sony2000
تفتكري
هيحصل حاجة شهر 6 تفهم الناس
!!
*rona ali
شكرا ياروني علي ترحيبك وكلامك الجميل
وكمان علي الزغروته الجميلة
بلوجر منور بيكم
*Tamer Nabil Moussa
بس اكيد في حد فاهم في البلد دي
اومال الثورة قامت ليه
مش علشان نفهم
*Foxology
انا بمشي في الشارع ابص علي الناس الاقيهم اكثر تحفزا لبعض عن ماقبل الثورة
العدوانية اصبحت سيد الموقف
*eng_semsem
صح هو ده الكلام
من اوله ومن اخره
مش عارفين نتقبل بعض
مش عارفين نتناقش
ولا نسمع بعض علشان نفهم
كل واحد فاهم انه هو الصح
*فافي
الله يسلمك يافافي
طيب ندعي ربنا بقا حد يلحقنا بالكتالوج قبل ماالزراير تبوظ
وعلي حد علمي زرايرمصر مالهاش قطع غير
*zizi
اهلا اهلا يازيزي
حمد الله علي السلامة
ربنا يكرمك
ومايعطلكيش لاب توب تاني
عارفة المثل بتاع زمان
الغجرية ست جيرانها اهو ده النظام الان
مساء الخير ياشمس
الموضوع بكل بساطه
لأننا فهمنا الحريه غلط
وعموما لو انتى عرفتى السبب
ياريت تعرفينى
لكِ كل الود
الله
طيب انتى كمان عندك اشراف على التعليقات
امال زعلانه منى ليه
هههههههههههههههه
إرسال تعليق