الأربعاء، 29 فبراير 2012

فبراير +تحديث

تحديث
=====
مش عارفة ايه حصل القايمة عندي شالت ناس وكمان مش عارفة اضيف حد جديد


كل سنة وكل مواليد فبراير بخير وصحة وسعادة
ونخص بالذكر من ولد في 29 فبراير
صراحة انا لو منهم احسب عمري كل اربع سنين
وخصوصا لو ست
يعني لو عندها فعلي 24 سنة لو سقطنا اربع سنين
هتبقا لسه طفلة صغننه عندها 6 سنين
في اجمل من كده بقا
يعني تبقا عندها اربعين سنة وهي لسه عندها عشر سنين
كل سنة وانتم طيبين

هناك 40 تعليقًا:

Tamer Nabil Moussa يقول...

صباح الفل شمس

مواليد فبراير كل سنة وهم طيبين

طيب بقى مش بيجى احيانا 28 يوم صح؟

بس تعرفى شمس الايام الجميلة بتعيش حتى لو كانت قليلة

مع خالص تحياتى

مصطفى سيف الدين يقول...

ههههههههههه
و بعدين هيوفروا علينا احتفالهم كل اربع سنين هيخلينا منجبش هدايا غير كل اربع سنين :)
بس المشكلة في الجاتوه هندبسهم في جاتوه بقى ازاي؟

Hanan Elshafey يقول...

شموووووووسة
انا انا انا
عندي ست سنين بس :)
كل سنة وانتي طيبة

الازهرى يقول...

لالالالالالالا
اخلصى من الميكروبات اللى عندك
وإنت عارفة أقصد إيه

علشان تعرفى تفكرى كويس

يبقى عندها 6 سنين

لــــ زهــــــراء ــــولا يقول...

ست الكل شمس النهار

والله كلك ذوق على تذكيرك ان النهارده 29 فبراير لانى اكتشفت ان فى ناس بتتعامل مع اليوم انه اول مارس هههههههههه
بس حلوه حكاية انهم يحسبوا سنهم كل اربع سنوات هو بصراحه فى حاجه ظريفه اننا لو نعرف حد مواليد اليوم نشترى له هديه كل اربع سنوات ونوفر العمله بقى 0_0
يارب تكونى فى افضل حال

زهراء

شمس النهار يقول...

*Blogger Tamer Nabil Moussa

صباح النور

ماهو كل اربع سنين بيجي 29
لكن كل سنة بيبقا 28

المعانة مع مواليد 29
واغلبهم بيتكتب واحد مارس

شمس النهار يقول...

*مصطفى سيف الدين

الهداية مقدور عليها هيقلك قبلها بيوم:)

لكن الجاتوه ده اللي هيكلوه علينا

شمس النهار يقول...

*حنان الشافعي

كل سنة وانتي طيبة ياجميلة
بعت لك وردة روز علي الفيس

وانا لو منك مااحسبش عمري غير كده

وانا شاهد علي كده

شمس النهار يقول...

*الازهري

يعني انت بتجر شكلها ليه بقا
؟؟!!
انت حر انا قلت لها من باب بهدي النفوس

شمس النهار يقول...

*لـــولا وزهـــراء

اهلا يازهراء

ايوة هو ده الدرس المستفاد من البوست
اللي له حد من مواليد 29 مايجبلوش هدية غير كل اربع سنين

غير معرف يقول...

و انتى طيبة يا شموسه :) أنا من مواليد فيراير بس مش 29 الحمد لله ... لفته جميلة منك :)

Tarkieb يقول...

كل سنة والمجلس العسكري طيب وسنة كبيسة ياجميل

حنين محمد يقول...

مساء الغاردينيا شمس
وكل سنة وهما طيبين
وكل سنة وأنتي شمس منورة دايماً "
؛؛
؛
لروحك عبق الغاردينيا
كانت هنا
reemaas

شمس النهار يقول...

*غير معرف
كل سنة وانتي او انت طيبة او طيب
بس ليه غير معرف!!؟؟

شمس النهار يقول...

*Tarkieb

كل سنة وكل عظماء مواليد فبراير بخير

وسنة مايعلم بيها ربنا علي اللي يضر مصر

شمس النهار يقول...

*ريـــمـــاس

اهلا اهلا ياريماس

مساء الياسمين

كل يوم وانتي منوراني

عاشقة القمر يقول...

البقاء لله يا شمس

ربنا يجعلها اخر الاحزان ويتقبله بقبول حسن ويصبرك يااااااارب
حمدلله على سلامه
كل سنه وانتى طيبه

عاشقة القمر يقول...

كل سنه وانتىطيبه وحمدلله على سلامه
واليقاء لله عرفت والله عن طريقه صدفه مش كنت عارفه ربنا يصبركم

سواح في ملك اللــــــــــــــــــه- يقول...

شكلك كدة مواليد شهر فبراير ياشموستنا

كل سنة وانتي طيبة

تحيتي

Miss LoZa يقول...

كل سنة وحضرتك طيبة يا رب العمر الطويل ليك وتعيشى مبسوطة دايما اصلا :)

ابراهيم رزق يقول...

شمس الشموس

انا بعد ما قريت البوست ده قلتلها مش كنتى خلفتى انهاردة و كنا احتفلنا بعيد ميلادها كل اربع سنين
جتنا نيلة فى حظنا الهباب

على العموم فبراير عده خلاص

كل سنة وانتى و الجميع بخير
يجعلها بيضة على الشعب سودة ع الفلول و الفاسدين يا رب

تحياتى

صبح يقول...

كل سنة و هما
طيبين عموما انا لسا شم فاهمة ليه فبراير مش بيجي مكتمل و ليه في سنة كبيسة و ليه البتنجان ده كلو

بس كويس بردو


انا مولودة الشهر الجاي ههههه

Sarah .. يقول...

أنا اتلخبطت .. :))
بس أول مرة أعرف النهاردة ان فبراير بيكون 29 يوم كل أربع سنين .

كل سنة والناس كلها بخير
وحمدلله على سلامة حضرتك :)

شمس النهار يقول...

*عاشقة القمر

شكرا ليكي ياجميلة
ربنا يكرمك

ودعواتك لينا

شمس النهار يقول...

*سواح في ملك اللــــــــــــــــــه

وانت طيب ياسواح

لأ انا من مواليد يونية

شمس النهار يقول...

*Miss LoZa

وانتي طيبة يالوزة
بس انا من مواليد يونية

شمس النهار يقول...

*ابراهيم رزق

يارب ياابراهيم

تبقا بيضة علي الكريم
سودة علي العسكر الوحشين
الحلوين لا

والعسكر حدانا بيسلموا عليك

شمس النهار يقول...

*صبح

http://forum.sh3bwah.maktoob.com/t129249.html

اقري الموضوع ده هتعرفي ليه فبراير 28 او 29 يوم

فشكووول يقول...

السلام عليكم شمس هانم
حاولت افهم من زمان ماحدش قال حاجه ولا فهمت حاجه .
لكن النهارده فهمت 90%
يارب يتغمده برحمته الواسعه ويلهمك الصبر والسلوان .. البقاء لله ولو انها جات متأخره قوى
تحياتى

شمس النهار يقول...

*Sarah

ياه ياسارة

طيب كويس اديكي اخدتي معلومة اهو

شمس النهار يقول...

*فشكووووووول

وعليكم السلام ورحمة الله وبركاته

شكرا ليك ربنا يكرمك

ويتقبل دعواتك له

zizi يقول...

شمس الشموسة ...باستغرب قوي لما بالاقي ناس مايعرفوش الحكاية دي وباستغرب ساعات لما ألقي ناس تتلخبط بين شهري يونيو ويوليو أو مش حافظين الشهور العربية وخاصة إذا اعتبروها نوع من الدلال "مش عارفة اعبر عن المقصود لكن أكيد حضرتك فاهماني "يعني مش معقول يكونوا عارفين الشهور العربي كلها بالترتيب ..ياي ..واعرف ناس موّديين ولادهم نظام الدبلومة الأمريكية .زكل اللي حاملين همه إزاي ولادهم يعدوا من امتحان العربي والدين .....أختي العزيزة أعلم أني قد أكون خرجت عن لب الموضوع قليلاً ولكني على رأي المثل الشيء بالشيء يذكر ..ياتري بقى انتي كام يونيو ؟؟

ستيتة يقول...

يا شمس يا حبيبتي
الروح لا تشيخ
الجسد يفنى
والروح لا تشيخ
عيلة وبتلعب وبتضحك في سرها وبتخبي ضحكها علشان الناس تبطل تقول عليها هابلة وغير ناضجة
وساعات تضرب برأي الناس عرض الحائط
وتلعب وتجري وتصرخ وتتنرفز وتتأمص وتتصالح وبتنط وبتعمل حركات عيال وبتتجاهل ما بالناس من سوء وكأنها لم ترى بأسا قط
الروح لا تشيخ
لا في مواليد 29 فبراير ولا 31 ديسمبر:)
تحياتي

اســ الغربه ـــير يقول...

ياحرام يعنى يوم 29 لو ماجاش يبقى لسه السنه بتاعتو ماخلصتش هيفضل نونو علطول كل سنه وهما طيبين وانا كمان غلبان

مدونة عرفة فاروق يقول...

شمس

يا بختهم

بس سنتهم على ما يوصلوا لعيد ميلادهم بتبقى طويلة

شمس النهار يقول...

*zizi

ياعزيزتي زيزي
في ناس حافظة لعيبة الكورة صم
ومايعرفوش اسامي خمس انبياء علي بعض

قولي يااااباااااااااسط

شمس النهار يقول...

*ستيتة

ايوة الروح لاتشيخ
وخصوصا ان ان شاء الله سكان الجنة شباب
:)
نورتيني

شمس النهار يقول...

*اســ الغربه ـــير

ايوة طول مااليوم بتاع 29 ماجاش سنته شغاااالة

شمس النهار يقول...

*عرفة فاروق عبد الله

دوختوني
ناس تقول يابختهم
وناس تقول مش هايخدوا هدية الا كل اربع سنين

Unknown يقول...

الله يبارك لك في عمرك

تحياتي لجميل طرحك


سعيا منها لتطوير النقاش و الاستفادة من المدونين العرب ، مدونة الزمن الجميل تدعوك للزيارة و التفاعل !!!