الأربعاء، 28 مارس، 2012

ملفات قديمة :))

دول اللي وضعوا دستور 1923 بعد ثورة 19
وعلي فكرة كان فيهم يهودي عن اليهود في مصر
====
وابتدي تكسير العظام
والاشاعات
وتطليع الملفات القديمة للمرشحين
عمرو موسي ومعروف ملفه من الاول
نيجي بقا لنجم النجوم
لأبو اسماعيل
ملفه في ايييييييييه
؟؟؟؟؟
اللي هيطلع كل شوية
والدته الدكتورة نوال امريكية الجنسية
وكذلك اخته وزوجها المقيمة مع زوجها واولادها في امريكا
قضايا الميراث بينه وبين اخوته
منذ وفاة والده في 1990
وكذلك والدته 2010
وطبعا كلنا عارفين قضايا الميراث بين الاخوة وفضايحها
ده غير اكيد هيطلعوا له بعض الموكلين اللي حصل بينهم خلافات
ده غير رثاء اسامة بن لادن
رحم الله الشيخ صلاح ابواسماعيل احد واهم اقضاب جماعة الاخوان المسلمين
-----
مين بقا اللي مش عارفين يعملوا له حاجة ولا شايفين له ملف
عبد المنعم ابو الفتوح
وبرضوا من الاخوان المسلمين
-----
اما موضوع ان الشاطر هيترشح دي
ماينفعش
لييييييه
؟؟؟؟؟
علشان لو تفتكروا الشاطر ومالك واخرين
واخدين احكام مابين 7 و10 سنين ولا نسينا
وضع الشاطر زي وضع ايمن نور
ماينفعش حتي يدلي بصوته مش يترشح
------
ماحدش عارف الايام الجاية فيها ايه
ربنا يستر
خصوصا بعد لجنة الدستور الغريبة المريبة العجيبة دي
مصر فيها فطاحل الدساتير وعلماء ونوابغ
ده حتي عيب في حقنا وحق تاريخ مصر

هناك 26 تعليقًا:

سواح في ملك اللــــــــــــــــــه- يقول...

ياست الكل

الدستور مش معضلة

الدستور عبارة عن عناوين عريضة

لتعاقد بين المواطن والدولة

الدستور = حقوق وواجبات

سمعت من خبرا دستوريين ان الدستور اللي فات

جيد جدا لو عدلنا فيه مواد صلاحيات رئيس الجمهورية

حضرتك كنتي طلبتي لينك مدونة الاخت ليلي


ده لينك

http://lolocat-q.blogspot.com/


وده لينك المدونة التانية


http://solamnllsmaa.blogspot.com/


تحيتي يااطيب شموسة

مصطفى سيف الدين يقول...

ادينا قاعدين و بنتفرج
خلينا نتسلى

Foxology يقول...

والله فعلا حاجة مثيرة اللتعجب والقرف فى نفس الوقت من الجمعية التأسيسية للدستور ، من أول رئيس لجنة الاشراف على اختيار الأعضاء اللى هو خالد الذكر منافق العصور مصطفى بك بكرى حتى اعضائها اللى مجرد ذكر اسمائهم وتاريخهم السياسى والدستورى بيخللى الواحد يحس اننا فى جمهورية من جمهوريات الموز .. زى ما قال احمد سمير ازاى الجمعية دى يبقى فيها نقيب الموسيقيين ومدرب كورة ومفيهاش قامة بحجم احمد زويل ولا حتى علماء مصريين تانيين العالم بيفتخر بيهم ماعدا مصر !!!

عادى جدا واللى جاى اكيد اعجب واغرب

تحياتى

dodo, the honey يقول...

ها نحن ننتظر نهاية الأمر ..

..

رؤى عليوة يقول...

عارفه ان الناس دى خليتنى امل من سماع اخبار بلدى لانهم بقوا خلاص فى صدارتها قلت ابعد حبتين

احيانا بحس انها مبقتش بتاعتنا عارفه قسوة الاحساس ده لحد كان بيموت فى ترابها

حزينه اوى لدرجة انى بعدت

يارب الجاى يكون احسن معرفش ازاى


على فكرة نشرت موضوعك ده فى صفحتى على الفيس بعد إذنك يعنى :)


دمت بخير

شمس النهار يقول...

*سواح في ملك الله

الدستور مش معضلة !!؟؟

دستور 23 هو اللي كويس مع تعديل من ملكية لجمهورية

الدستور الجديد فيه اكبر خنااااااااقة
:))
هتبقا مدنية
هتبقا برلمانية
ولا رياسية
و نص ونص
ولا سكالنس :))
مش معضلة ايه بس ياخالد
ده ربنا يستر
بيقولك الدستور اتحط وخلاص
كل ده لزوم الديكور
لكن لو فيها فطاحل الدستور والناس الكبيرة الدستور الجاهز دلوقتي ده مش هيعرفوا يمرروه
ولا حول ولا قوة الا بالله
نفس جو الاستفتاء
هقولك ايه
ان الله غالب علي امره
شكرا علي اللينك

شمس النهار يقول...

*مصطفي سيف الدين

انا حاسة اني بتفرج علي اوبريت الليلة الكبيرة
فرع طار في الهوا شاشي وانت ماتدراشي
ياجدع

والجدع هنا باقي الشعب المصري
اللي حساة متنوم تنويم مغناطيسي

شمس النهار يقول...

*Foxology

شوف ملخص الفيلم اللي احنا فيه ده
الاخوان عايزين حاجة
وعسكرون عايزين حاجة
والمصالح انضربت في بعض

والدستور خلصان وكله تمام
ولازم لجنة اي كلام
علشان يتمرر الدستور

شمس النهار يقول...

*dodo, the honey

ومش هنستني كتير
شكل الموقف هينفجر قريب

شمس النهار يقول...

*رؤي عليوة
ايوة انتي قلتيها صح يارؤي
رجعنا تاني نحس ان البلد مش بتاعتنا

اتفضلي ياجميل المدونة مدونتك
:)

Mohamed Amer يقول...

كلهم ليهم ملفات قديمة فعلا
اما الدكتور عبد المنعم ابوالفتوح فهوا الحمد لله لسه مابقتش علي راسه بطحه لغاية دلوقتي
تحياتي ياشمس

لـــولا وزهـــراء يقول...

كان نفسي اعرف ملف عمرو موسى

ربنا يختار لمصر الاصلح

انا مش متفائلة بعد اختيارهم للناس اللي هتكتب الدستور

ربنا يستر


لولا

ذو النون المصري يقول...

و الله انا كل ما اطالع اخبار مصر قلبي بيهتز
بخاف و ادعي ان ربنا يسترها
لكن دائما مع كل الازمات انا ثقتي كبيره في الله بانه لن يخذلنا
لكن يارب تكون المره دي مش زي كل مره و تكون الثورة دي مش زي كل ثورة
يارب

مصري جدا يقول...

شوفي يا شمس

المتأسلمين والعسكر كل على حده أو مجتمعين هيقلدوا توفيق الدقن وطبعا الشعب عبد المعك ابراهيم


فيها فيل

طراااااااااااخ
فيل

طرااااااااخ

بس خلاص

شمس النهار يقول...

*Mohamed Amer

ايوة مش عارفين يطلعوا له حاجة
حتي الدكتورة مراته زي الفل وبناته كمان

شمس النهار يقول...

*لولا وزهرا

عمرو موسي مايسترو الغاز لأسرائيل

ده غير انه نزل قبل التنحي الميدان عايز الناس ترجع

شمس النهار يقول...

*ذو النون المصري

ايوووووة
الثقة في الله وحده
ومانتخلاش عن الامل

وان شاء الله بكره اجمل

شمس النهار يقول...

*مصري جداااااااااا

:))
فيل دي كانت زمان

دلوقتي بقا فيها حوت بيلقف كل حاجة
فيها دينصور
كده يعني

فيل ده الفيل ده طيوب خالص

نور القمر يقول...

يارب يوفق مصر ويحميها ..
تحياتى لك شموستنا
نور

beautiful mind يقول...

الايام الجاية هتكشف كل حاجه
وادينا هنشوف
ربنا يستر

محمد الدهيمي يقول...

أمر غريب أيضا أن نجد في نفس الصورة طفل ...
كل دساتير الدنيا لا ترضيني شخصيا و ما يرضيني هو ما اختاره لنا الله عز و جل .. فكيف نتركه !!

أبو اسماعيل هو الأقوى و الأصلح إن شاء الله

شمس النهار يقول...

*نور القمر
اهلا يانور والله زمان
نورتيني

شمس النهار يقول...

*الايام الجاية دي اصعب ايام
ربنا يسترها معانا

Bent Men ElZman Da !! يقول...

فعلا ربنا يستر على الايام الجايه

Mohamed Hesham Safa يقول...

ربنا كبير

rona ali يقول...

بس يا اختى بس
بس كفايه الكلام كله بقي بيخرط بصل علي قلوبنا واحنا عنينا اتهرت وذبلت لوحدها :))

لاء عايوة الحق بشهادتى اهو ودارسه قانون القانون كله يتفور بالدساتير السابقه ونبتدى نعمل قوانين ودساتير اخري لان كدة الساقيه بدور بنفس الحمار فعمهرها ما هتتغير ولا هتقدم جديد :)))))))))))