السبت، 31 مارس 2012

الرخامة لها نااااااااااااااسهاااااا :))


الو
ايوة يا...... ازيك يابن العمة
الحمدلله
خالتك بتستعجلك علشان عايزين نتغدي ماتتأخرش بقا
حاضر انا جاي علي طول عشر دقايق وابقا عندكم
اوك
سلام
سلام
ساعة تعدي وماجاش
وخالته تكلمه
ماجتش
ليه ياابني
ماانتوا ماكلمتونيش مش
قلتوا لماتتجمعوا هكلموني
مابنت خالك ...... كلمتك
ماحدش كلمني
طيب ماتهرجش وتعالي
هنموت من الجوع
راجعنا النمرة اللي طلبتها طلعت فعلا غلط
الظريف اللطيف اللي رد عليه
اقول عليه اايه
؟؟؟؟؟
=======================
الو سلا
م عليكم
وعليكم السلام
محل ابو اشرف
ايوة يافندم
طيب لوسمحت عايزة اتنين كيلو فراخ مخلية وتلات فرخات
حاضر
ياهانم
بس لو سمحت ماتتأخروش احنا لسه الساعة تسعة ونص اهو
من عينيه
شكرا سلام
سلام
الساع
ة12
عملت ريدايل للنمرة
الو سلام عليكم
وعليكم السلام
محل ابو اشرف
لا يفندم ده م
ركز صيانة
نعم
!!؟؟
ايوة يافندم
طيب انا اسفة
راجعت النمرة لا
قيتها فعلا غلط
طلبت النمرة الصح وطبعا ا
لحاجة جت الساعة اتنين
اللي رد عليه ده ااق
ول عليه ايه؟؟

هناك 31 تعليقًا:

مصطفى سيف الدين يقول...

مفيش اكتر من المستظرفين في البلد دي:)
كل واحد فاكر انه دمه خفيف
و في نوع تاني يقولك اللي بيتصل بنمرة غلط يبقى قاصد يعاكس فيستاهل بقى
صح الرخامة ليها ناسها و ما اكثر الرخماء في بلدنا

ابراهيم رزق يقول...

شمس النهار
شمس الشموس

تقولى رخامة طبعا
هههههههههههههههههه
بس اقولك الحق ساعات النمر الغلط دى بتتعب
مرة واحد قعد يتصل بيا اكثر من 8 مرات يقولى الدكتور فلان اقوله النمرة غلط
يقولى الدكتور فلان اقوله النمرة غلط يقول انا اسف
لما زهقت قلتله ايوة لقيته واحد حد ديله النمرة عشان يشتغل و يظهر ادهاله غلط كلمته و قعدت افهم فيه
الا صحيح الفراخ كانت حلوة
هاقولك على حاجة هما ليه كل بتوع الفراخ اسمهم ابو اشرف
انا اعرف اتنين اسمهم كده
صباحك فل
تحياتىو سلامى للنور نور الدين

سواح في ملك اللــــــــــــــــــه- يقول...

ياااه ياشموسة

البلاوي دي في منها كتييير اوي

الناس بقت عندها برووود وتناخة غريبة

كويس ان الحاجة جتلك اصلا

تحيتي ياست الكل

Foxology يقول...

ممكن نقول انها مش رخامة .. دى محاولة لعدم احراج المتصل واعلامه بإن النمرة غلط :))))

عادى جدا ده أرحم من اللى يتصل اكتر من 5 مرات ومصمم انك حد تانى وانتى تقسمى بأغلظ الأيمان مش انك الحد ده ومع ذلك مش مقتنع تقومى تقفلى التليفون وتريحى نفسك :)

تحياتى

محمود(باحث عن حب) يقول...

الشعب المصرى ام الاجنبى
هههههههههههههههههههههههههههههه

لا تتعجبى اننا الشعب المصرى معروفين بجبروته
ورخامته برضو
فىمره فى نمره رنت واحده بتقولى فينك يا اسمه اقولها انا مش اسامه قالتى ؤمال رقم اسامه كام قلت ليها معرفش هى فى سن مامتى من صوتها قالتى معلش يا ابنى وقفلت اتصلت تالنى وتالت ورابع وانا اقولهاان مش اسامه المهم فى اخر مره اتصلت قالتى برضو كده يا اسامه كل مره الرقم يطلع غلط قلت ليها معلش اطلبى مره اخيره واسامه اكيد هيرد عليكى فى رخامه اه فى رخامه بطايبه وفى رخامه بعباطه ورخامه بهبل
صباح الخير يا شمس النهار

الموجى يقول...

فى الحاله الاولى قد يكون اللى رد عليكى متاخر على خالته بردو ويحمل نفس الاسم فيصبح الامر سوء تفاهم وفقط
اما الحاله الثانيه فليس لها تفسير غير ان انتى فى مصر

رؤى عليوة يقول...

ههههه والله عندك حق دى رخامه

ولا اللى يتصل وتقوليله النمرة غلط ويصر يعرف دى نمرة مين خلاص النمرة غلط تعرف ليييييييييييه

بجد حجات على اد ما بتضحك بتغيظ


بس معلش استحملى بقى

دمت بخير :)

سمكه واحده يقول...

اولا كيفك
ثانيا بقي اقلك علي حاجه
من كتر المعاكسات والرخامه الواحد مبقاش يرد ومره كنت مضايقه ورديت لقيت واحد كنت فاكرها بيعاكس اتاري النمره غلط فبيقولي سلامو عليكم
وعليكم السلام بيقولي استاذاحمد موجود قلتله لا مش موجود قالي ولا مدام نور قلتله لا قالي يعني كلهم في مركز معرفش ايه قلتله اه قالي هيتأخره قلتله مش عارفه قالي طيب هتصل بيهم لما يجوا بس بلغيهم اني اتصلت قلت اوك وبعد سعتين لقيت بيتصل مردتش
اللي استغربته مش المفروض يسأل انا مين ولا هو مفكر الشغاله طب لو الشغاله هترد علي الموبايل ليه؟؟؟؟؟؟؟؟؟

سمكه واحده يقول...

انا كنت واحد من اللي بيستظرفه بس مش مقصوده كنت مخنوقه اوي وفاكراها معاكسه ومكنتش طالبه معايا غير اقول ان محدش موجود مش النمره غلط

re7ab.sale7 يقول...

ياااااة من ده كتير
مثلا ممكن حد ظرف يرن علي موبايلك ويقولك
نرمين ؟ تقوليلة لا يا افندم الرقم غلط
طيب اوك ممكن نتعرف...؟
او ممكن انت تغلطي وتتصلي برقم حد غلط وتقوليلة محمد معايا يقولك لا يوسف ينقع...؟
الاستظراف اللي مالي البلد ده مش موجود غير عندنا ف مصر للأسف وبس وجايز ف الدول العربية وبس ميعرفوش ان وسائل الاتصال دي معمولة للأستفادة منهامش للستهبال

mira@ يقول...

ههههههههههههههه
كنت داخله الومك عشان مش بتسألي عن غيبتي الفتره دي كلها
بس البوست خلاني اضحك
وانا احب اللي يضحكني :)
اما عن البلاوي فمن ده كتير في مصر :D

مامة مازن يقول...

الو : احمد موجود
: لا يا فندم النمرة غلط

الو : احمد موجود
لا يا فندم النمرة غلط

الو :احمد موجود
لا يا فندم النمرة غلط

الو : انا احمد حد سأل عليا


ههههههههههههههه
هو كده بالظبط

لا ده فى ناس بتتصل وهو متاكد من ان دى النمرة اللى هو عايزها وبيبقى عايز يخبط الواحد بحاجة لما يقوله لا يا فندم النمرة غلط

وفى واحد يتصل ايوه يا عم عبده احنا ع الكوبرى اهو نمشى يمين بقى واللا شمال بيبقى نفسى اتوهه هههههههههههه
بس بستحرم واقول برضه لا يا فندم النمرة غلط

الربان يقول...

يوم لك و يوم عليك...اقصد احيانا اتصل بالخطأ و احيانا يصلني اتصال بالخطأ و في كلتا الحالتين يجب ان يكون هناك وضوح و ليس رخامة لان احيانا الرهامة تؤدي الي ما لا يحمد عقباه.

تحياتي

Tamer Nabil Moussa يقول...

الرخامة علامة ماركة مميزة هذة الايام والكثير يتمنى الحصول عليها معتقد انها شطارة وحرفنة

مع خالص تحياتى

لـــولا وزهـــراء يقول...

ههههههههههههههههههههه متقوليش حاجة كل مرة اتأكدي من الرقم بس
عسسسسسسسسسسسسسسل ياشموسة

لولا

فشكووول يقول...

مش عارف البوست ايه بعده
لكن لو على المكالمات الغلط
اليومين دول زادت شويه
متهيأ لى انهم ناس مبسوطين حبتين وبيردوا بانبساط
ومتهيأ لى ان معظم المكالمات الوارده مش غلط لكن ناس ظرفاء
طب واحنا نعمل ايه
ولا حاجه
هما اللى بيدفعوا ثمت المكالمات
خليهم يدفعوا

شمس النهار يقول...

*مصطفي سيف الدين

بس الاتنين ناس مش مسؤلة صراحة
يعني عدوا الرخامة والاستظراف

:))

غير معرف يقول...

*ابراهيم رزق

الفراخ :)) طبعا زي الفل
ام اشرف والاجر علي الله احسن بتاعة فراخ في المنطقة
بعد ابو اشرف ماانتقل للرفيق الاعلي

شمس النهار يقول...

*سواح في ملك الله

ايوة انت قلت كلمة صح
برووووود مع تناحة

في ناس بقة تتمتع بالاتنين

:)

شمس النهار يقول...

*Foxology

احراج المتصل ايه بس ياابو يوسف ياراجل ياطيب
:))

ياسيدي يحرجني بس الفراخ تيجي في ميعادها
:)))

شمس النهار يقول...

*محمود(باحث عن حب)

صباح الفل يامحمود

دي ناس سايقة الهبل علي الشيطنة

:))

شمس النهار يقول...

*الموجي

:)))))
دي تبقا صدفة جامدة

الموبايل مابيكدبش ودي نمرة المفروض لما تطلعله يبقا عارفها ماعرفهاش يسأل

:)))

شمس النهار يقول...

*رؤى عليوة

بجملة الاستحمال اللي مستحملينه في بلدنا
يعني جت علي دي
:))))

شمس النهار يقول...

*سمكة واحدة

:))
سمكة واحدة عندنا يامرحبا يامرحبا

فينك ياسمكة غايبة ليه
وهجرتي بحر بلوجر ليه

:))))

شمس النهار يقول...

*re7ab.sale7

علس فكرة ساعات بيعملوا كده
علي اساس يمكن السنارة تغمز
ويتصحبوا
:))))
بس في راي دي عالم ماعندهاش ضمير
:)

شمس النهار يقول...

*mira@

ميرا اهلا اهلا

انتي فين يابنتي

كل شوية حد هاجر مدونته وسيابنا كده من غير حتي هالووووووو

حمد الله علي السلامة
نورتي بلوجر تاني

شمس النهار يقول...

*مامة مازن

:))))

دي لطيفة اوي بيتصل من موبايلة علي نمرة مسجلها وبيسأل علي العنوان
لأ دي كده شبكة

:)))

حتي الشبكة بقت رخمة
:)))

شمس النهار يقول...

*الربان

اهلا اهلا

يارب يكون الغياب خير
حمد الله علي السلامة
بلوجر نور

شمس النهار يقول...

*Tamer Nabil Moussa

بيعتبروها شطارة وفهلوة

مش عارفين ان كده مكروه
علشان دي مضايقة

شمس النهار يقول...

*لـــولا وزهـــراء

:)))

شكرا علي مجاملتك يالولا

انتي اللي عسل

:))

شمس النهار يقول...

*فشكوووووول

عمنا فشكول
بتغيب ليه عن بلوجر
ده حتي من فات قديمه تاه

انا مش شايفة حد مبسوط خالص اليومين دول

دي ناس بتطلع همها في بعض
:)))