الاثنين، 12 نوفمبر 2012

هرد علي قدي 2

بعض الاسلامين 
اللي مش عارفه ليه همه او الاعلام سماهم كده
بيقولوا ان الرسول تزوج ستنا عائشه عندها 9 سنين
وبعض المشايخ من لهم علم 
مثل الشيخ محمودعاشور (وكيل الازهر السابق)
وده بحث  عن 
وقت زواجها من الرسول الكريم
وحتي لو كانت كذلك للرسول الكريم خصوصيه
ومايباح له غير مباح لنا
تزوج الرسول من 9 نساء
هل مباح للرجال الان الزواج من 9 نساء
تزوج الرسول من من تعدت السبعين 
ماتكلموش عن الزواج من المسنات ليه !!؟؟
وااااالا دول وحشين!!؟؟
الرسول الكريم ربنا خصه ببعض الاحداث لتواكب الدعوة
زوجه وهو الشاب اليافع ممن تكبره بعشرين سنه
لأنه في مرحله سيحتاج للأم والزوجه العاقله
لو تزوج من شابه ماتصرفت بنفس الحنان معه عندما عاد من غار حراء ينتفض
وذهبت به الي قريبها ورقة بن نوفل ليرشدهم
وماتحملت معه من الاحداث ووقفت بجواره
وتزوج من ستنا عائشه صغيره حتي تعيش تنشر السنه عنه اعوام طوااااال
(خذوا نصف دينكم من هذه الحميراء)
نساء النبي متحرمين لأي زوج من بعده
اي زوجه يموت عنها زوجها او يطلقها من حقها تتزوج شرعا
الرسول صل الله عليه وسلم له خصوصيه مش لحد تاني

هناك 19 تعليقًا:

مصطفى سيف الدين يقول...

مفيش شك اني متفق معاكي بس اصلا ان في سيدات كتير غير السيدة عائشة في زمنها تزوجن صغار يعني في نفس السن تقريبا فمثلا يقال ان فارق السن بين عمرو ابن العاص و ابنه عبد الله عشر سنوات فقط ( لست متأكد من تلك الرواية لكن فارق العمر بينهما صغير جدا ) فنقول يبقى الراجل من حقه يتجوز على عشر سنين؟
لازم نفرق بين الظروف المجتمعية في العهود السابقة و عهدنا و مش كل حاجة كانت تنفع زمان ممكن تنفع دلوقت
البناء المجتمعي هو اللي بيؤثر في البنت يعني مثلا البنت زمان كانت على خمس سنين تنزل الغيط و توكل البهايم و تخض الجبنة و تخبز العيش و تعمل الحاجات دي مع والدتها و تجيدها في سن ست او سبع سنين
دلوقت مفيش حاجة من دي احنا بنتكلم عن عصور متفاوتة في كل حاجة و لو كان ينفع اننا نطبق كل حاجة في كل وقت مكنش سيدنا عمر لغى حد السرقة في عام الرمادة
لكل زمان تشريعاته الخاصة اللي بتتوافق مع الشريعة الاسلامية ( اللي هي في الاساس بتقدم مصلحة المجتمع على كل شيء)

سواح في ملك اللــــــــــــــــــه- يقول...

شموسةالطيبة

احنا عندنا بنات تعدوا الثلاثين

ولم يصبهم دور الزواج

وهذا لعدم اقبال الشباب علي الزواج نظرا للظروف المعيشيةواسباب اخري
فيجب الا ننشغل بمثل هذا الموضوع ونعطيه اهمية اكثر مما يستحق

هناك من يتعمدتشويه الآسلاميين علي فرض انهم يفكرون كلهم بنفس منهج ناطق هذه الكلمات ان كان هناك ناطق لها
فلم يظهر حتي الآن شيخا قال انه يبيح زواج الآطفال في مثل هذه السن

وقد سمعت مرةحديثا للامام الشعراوي
لم يجزم بان السيدةعائشةكانت في مثل هذا العمر وقت زواجها
ولكنه قال انهم كانوا يعيشون في بيئةذات طبيعة بدوية تبدوا البنت فيها اكبر سنا

ولازلت مصرا ان الآب اذا اراد بيع ابنته فسوف يبيعها بزواج او بدون



Unknown يقول...

رضي الله عن أمهاتنا و أرضاهن .

و صلّى الله و سلّم على من لا ينطق عن الهوى و لا يفعل فاحشة و لا يأتي حراما و لا معصية .

الردّ عندي في هذه الأمور هو واحد :
ما يفعله رسول الله صلى الله عليه و سلّم هو الصحيح بعينه !

**

سيدنا أبو بكر لما اعترضه أهل قريش و في استهزاء بالإسراء و المعراج قالوا له ، صاحبك يقول أنه أسري به !
مــــــــــــاذ قال الصديق ؟
قال لهم :
إن قال فقد صدق !!!


تحياتي و تقديري


صاحب الزمن الجميل

momken يقول...

....

حتى وان كان لهم حق
ولم يوافروا خصوصيه للنبى وزوجاته امهات المؤمنين

فمن منهم يطيق ان يموت زوجها وهى فى السابعه عشر ولا تنكح زوج غيره

او من برى فى ابنته ذات الخامسه عشر عام
شخصيه قياديه تسنطيع معها تحمل مسئوليه بيت..وتستطيع تحمل حمق ذكر

السيده عائشه رضى الله عنها مات اعظم رجل فى الارض ما بين سحرها ونحرها فمن من بنات اليوم تستطيع ان تشاهد اقرب الناس لها وهو ميت

الامر به مغالاه
ومن اثار هذا الامر شخص يسعى لشهره اعلاميه لا اكثر ولن يطبق الامر على نفسه

اللهم قنا شر انفسنا

تحياتى

ابراهيم رزق يقول...

شمس الشموس

دول حافظين مش فاهمين

اهم حاجة يبرروا القرف اللى بيقولوه

يا صلاة النبى
يعنى مفروض تبقى ساليناز قاعدة فى الكوشة وهى ماسكة المصاصة

عالم فاضية صحيح

تحياتى

باحث عن حب يقول...

شمس النهار

انا تعبت واتنفخت من البنى ادمين دول بيقولوا حاجات غريبه وبيتنطعوا فى الدين مصر محاجه حاجات تانيه تلوقتى الكلام ده مهم اه بس مش وقته ناس تيت صحيح

رحاب صالح يقول...

مساء الورد يا شموسة
لعلمك انا قرأت اكثر من مقال في هذا الرأي وسمعت ورأيت من الشيوخ الاجلاء اكثر من مرة
ولا أتذكر اسم الشيخ الذي قال ان عمر السيدة عائشة كان تسع سنوات ولكن الرسول علية افضل الصلاوات والتسليم لم يدخل بها الا ف عمر الثانية عشر علي ما اتذكر ...
الحقيقة انا مش فاكرة تحديدا بس حجة الشيخ وقتها ان الرسول لم يدخل بها ف عمر التسع وانما بعدما بلغت ما يبلغه النساء وقتها ثم ان وقتها كانت الفتيات يبلغن قبل سن التاسعة
ثم تعالوا هنا ....ماما قالتلي انها اتجوزت وهي 15 سنة
وحتي دلوقت والله اعرف ناس يتجوز بناتها عرفي قبل 15 سنة
وتخيلوا المصيبة
انا طبعا مش بقول ان ده عادي بس الرسول اعلي من كل ما يقال علية
لو عملتم بحث اكيد هتلاقوا الكلام اللي انا قلته ده
فعلا الاعلام عندنا اعلام هادم فقط
وكفاية الاغنية المشينة اللي ف الفيم اللي مالوش لازمة اللي مكانوش عايزين يحذفوها
الاعلام عندنا لازم يتغير وكنت بعتقد انه هيتغير بعد الاخوان ما حكموا لكن .....؟!!!

شمس النهار يقول...

*مصطفي سيف الدين

اول مره اعرف ان عمرو بن عاص خلف وعنده 10 سنين تنفع دي علميا!!

نحن نفتقر الي الفهم الصحيح للشريعه الاسلاميه

وربنا يرحمنا من انصاف الشيوخ
:)

شمس النهار يقول...

*سواح في ملك الله

اقريت البحث بجد عجبني جدا
معمول بدقه

الابراشي كان مستضيف واحد من اللي بيدافعوا عن زواج البنات في سن التاسعه

شمس النهار يقول...

*mongi bakir

الرسول له خصوصيه
في كل شئ
والسنه شئ
وخصوصية الرسول شئ

شمس النهار يقول...

*momken

طيب ماالرسول تزوج من مسنات
مابيجبوش سيرة الكلام ده ليه

مايسن ان اي مسنه ليس لها عائل يتزوجها رجل ليكون العائل بتاعها زي ماالرسول عمل لأم ايمن

حنين محمد يقول...

مساء الغاردينيا شموسه
أعتقد أن زمان يختلف عن اليوم
كمان أن رسولنا العظيم لن يشبهه احد "
؛؛
؛
لروحك عبق الغاردينيا
كانت هنا
Reemaaa

شمس النهار يقول...

*ابراهيم رزق

دول لاحافظين ولا فاهمين ياابراهيم اصلا

او يعملوا الفرح في الحضانه

:))

شمس النهار يقول...

* محمود(باحث عن حب)

كلنا خلاص زهقنا منهم
بس مش المهم نقول المهم نعمل

انا شخصيا مافيش حد مابتكلمش معاه في صحيح الدين ياخدوه منين

شمس النهار يقول...

*re7ab.sale7

مساء الهنا يارحاب

اقري البحث هيعجبك جدااا اللي انا حاطه اللينك بتاعه

وبالنسبه للأغنيه
مااعتقدش الناس دي ممكن تقرب للناس دي
ليه
هقولك مصالح

شمس النهار يقول...

*ريماس

مساء الياسمين

للرسول خصوصيه لم يمنحها الله لبشر

ibnalsor يقول...

الله يرحمه ويسكنه فسيح جناته ويصبّر قلبك ومشاعرك بفقدانه .. ويعوضك بالاجر العظيم على الصبر في البلاء ... والدعاء لوالدك وقراءة القران والصدقه على من يحتاجها احتساب الاجر لوالدك ِكلها من باب الخير وبر الوالدين بعد رحيلهما .. واعلمي ان والدك الان بين يدي رب رحيم كريم يعلم الان ظعفه ويعلم غربته ويعلم انه خرج من دنيا فيها الولد وفيها المال وفيها الاحباب وجاء عنده وحيدا لا يحمل معه سوى رحمة ربه .. فاطمئني .. فانه في يد رب العالمين .. نسأل الله سبحانه له الرحمة ولجميع المسلمين

شمس النهار يقول...

*ابن السور الكويت

تعليقك جميل

شكرا عليه ربنا يكرمك

خدمات منزلية يقول...

شركة تسليك مجاري بالاحساء
شركة تسليك مجاري بالدمام 
شركة تسليك مجارى بالقطيف