السبت، 17 نوفمبر 2012

حللي ضفايرك

كنت عايزة اكتب بالونات 2
بس غزة وقطار اسيوط
فعلا نكدوا عليا
ومش لاقيه غير انغام
تغني لمصر حلي ضفايرك
--------
حللي ضفيرك ضليله
ولملمينا يااصيله
عشاق ترابك احبابك
وكلنا اهل وعيله
-----
احنا اللي يوم الفدا روحنا
نفديكي ونضحي بروحنا
وضحكنا حتي علي جروحنا
ضحكتنا هاونت الشيله
------
وانتي اللي نسهر في هواك
وتدوب قلوبنا في نجواكي
ولا عمرنا نحب سواكي
ونبوس ترابك ياجميله
اه ياجميلة
-----
حللي ضفيرك ضليله
ولملمينا يااصيله
عشاق ترابك احبابك
وكلنا اهل وعيله
------
نديكي حب وتدينا
ونمد للشمس ايدينا
ولو تعبان تاخدينا
ناخد في حضنك تعسيله
----
ونقوم ولا شئ يوقفنا
لاابوجهل جهله يحرفنا
ولا ابو لهب هيخوفنا
مااحناش ضعاف قلالات حيله
اه ياجميله
-----
حللي ضفايرك
 

هناك 7 تعليقات:

ابراهيم رزق يقول...

شمس الشموس

و الله العظيم دموعى منشفتش من ساعة الخبر
ربنا يرحمهم ويصبر اهلهم

تحياتى

حنين محمد يقول...

مساء الغاردينيا شموستنا
يعلم الله كم تألمت لغزة وأطفالها وكم بكيت لمصر وأطفالها
لم أصدق ماحدث صباح اليوم كان حادث أليم
أطفال في عمر الورد يودعون أمهاتهم ويعودون بأكفانهم
طارت أرواحهم الملائكية للخالق في حادث مروع
ولماذا !؟
لم يكن الحادث الأول في مصر !
تكررت حوادث القطارات كثيراً
هل أرواح البشر رخيصة إلى هذا الحد ؟ "
؛؛
؛
صبر الله قلوب أمهاتهم
وربي مامن شئ سـ يجبر مصاب أم
حفظ الله مصر الحبيبة وشعبها "
؛؛
؛
لروحك عبق الغاردينيا
كانت هنا
Reemaas❤

باحث عن حب يقول...

حسبنا الله ونعم الوكيل

مصطفى سيف الدين يقول...

يوم اسود في تاريخ مصر
الاهمال و عدم المسئولية و سقوط هيبة الدولة هي اسباب و ما حدث هو نتيجة
ربنا يصبر الامهات و الاسر و يرحمهم

سواح في ملك اللــــــــــــــــــه- يقول...

الضمييييير ياشموسة

فين الضمير

اهمال تسيب استهانة بالارواح

لسة كتيييير اوي عشان نتعلم نحترم مهنتنا ونحس بالمسؤلية

rack-yourminds يقول...

ومازلنا نعاني من تركة ومنظومة مبارك الفاسده

شمس النهار يقول...

اصحابي
المشكله اننا مش عارفين نعمل ايه
الشارع ونزلنا
ثورة وقمنا

طيب نعمل ايه تاني
علشان نحس بالامان
والعدل
والحريه