الأربعاء، 21 نوفمبر 2012

الحكاية من الاول

الحكايه من الاول 
ان كنا قاعدين مع بعض
الرقيقة جداااااااااا
شيرين سامي 
وابراهيم رزق
وضياء 
والازهري
وقولتلهم نفسي بلوجر يرجع تاني
وعندي فكره 
بدل التدوين اليومي ومش بنلحق نزور بعض 
ونستوعب التدوينات الجميله اللي بتتكتب
انا بقول نخليه اسبوعي 
علشان نستوعب اللي بيتكتب 
ونقدر نعلق ونتناقش كويس
وافقوني وقالوا ياريت
كلمت شيماء الخولي 
وقلتلها هي كمان وافقت
قلت لها طيب اعملي ايفنت علي الفيس وخبري الناس
فعلا الست مشكوره عملت الايفنت 
والناس هناك علي الفيس مبسوطين
وشكلها هتحلو
وبلوجر هيرجع تاني
والناس كلها هترجع
ونقول يارب 
وهستني بقا كل خميس التدوينات الجامدة

هناك 35 تعليقًا:

gogo!sf يقول...

ازيك يا مدام شموسه يارب تكونى بخير دايما يا جميله

فكرة جميله جدا
انا كمان نفسى بلوجر يرجع كما كان
بلوجر ممتع جدا ومفيد جدا ومحترم جدا جدا جدا

غير معرف يقول...

فكرة رائعة ... ان يستمر الصامدون في الابداع والتالق اسبوعيا ... وفرصة ان تعود الطيور المهاجرة الي أعشاشها ... لكي تكتب من جديد

احييكم علي هذا الاقتراح الرائع

ودمت شمسا للتدوين دائما .

تحياتي

rack-yourminds يقول...

بس تفتكري مع سرعة الاحداث المحليه والاقليميه ممكن الواحد ينتظر اسبوع كامل لحين الكتابه !؟

شمس النهار يقول...

*gogo!sf

اهلا اهلا

ازيك انتي يارب تكوني بخير
انا الحمد لله بخير

فعلا بلوجر محترم جدااااا
ورايق
عامل زي الفرق بين زحام وسط البلد (ده الفيس وتويتر)
وهدوء المدن الجديدة (ده بلوجر)

شمس النهار يقول...

*غير معرف
وليه غير معرف ؟؟

:)
طيب الفكره عجباك اشترك بقا :)

شمس النهار يقول...

*rack-yourminds

مابلاش انت :))
انت بتهجر المدونه بالشهر:)

والحملة للناس اللي مش بتلتزم ببلوجر
وكمان لو رحت الفيس وقريت الايفنت هتلاقي ان في حريه للي عايز ينشر كل يوم
بس لازم تكون في تدوينه يوم الخميس
هااااااااا
معانا والا علينا )

الازهرى يقول...

هيييييييييييه

أول مرة أفرح إن اسمى فى المحضر
دايما كان بييجى مع بتوعات الجمعية وبيبقى بسيرة مش ولابد

وطبعا أنا مش مشارك

صباحك ثكر

محمد سلامة يقول...

ناس كتير بتكتب عشان تكتب
عشان فعلا مدايقةونفسها تخرج الكم الهائل اللى جواها
حنحرم الناس من الكتابة عشان نتابع
ومع ذلك هى فكرة جميلة
هو فيه جروب على الفيس يضم الناس كلها
لو فيه قوليلى عليه
تحياتى المعطرة

مصطفى سيف الدين يقول...

الفكرة حلوة تشكروا عليها
هاحاول اكون معاكم
بس الصراحة موعدكمش
تحياتي

ابراهيم رزق يقول...

شمس الشموس

فكرتك رائعة
بأذن الله ستنجح الحملة مثل نجاح حملة التدوين اليومى
العودة الى بلوجرالبيت الحقيقى

تحياتى

شمس النهار يقول...

*الازهري
علشان بس تعرف اني حقانيه
:))

لــــ زهــــــراء ــــولا يقول...

ست الكل شمس الشموس يا شموسه
من فتره طويله كنا متفقين لولا وانا اننا بالفعل نعمل تدوينه كل يوم خميس وفضلنا علىا لحال ده فتره طويله وكنا بنكون محضرين كذا بوست ونتناقش يوم الخميس من بعد صلاة المرغب لغاية صلاة العشاء ونختار واحد وننشر ولكن فى الفرته الاخيره ونظرا للاحداث الكثير املتعاقبه الواحد بقى مش عارف يعمل ايه او يكتب ايه وبالفعل تلاقى ان فى مواضيع جاهزه ولكن فجاه تحصل حاجه تخلينا نغير راينا يعنى مثلا كنت كابته حاجه عن غزه وكنت هانشرها فجاه حصل موضوع اسيوط والاطفال الشهداء قررت انى اكتب عنهم حاجه ظهر موضوع محمد محمود واحداثه وكل شويه تحصل حاجه تخلى الواحد ياجل فكره وبعد شويه تلاقى الفكر مش وقتها ورغم انى مش باحب اتكلم فى السياسه وكنت هاتناول المواضيع من وجهة نظر جديده لكن تطرأ احداث تخلينا مش عارفين نكتب ايه وننشر ايه يعنى مثلا الدنيا كلها بتتكلم فى حاجه وانا كاتبه حاجه تانيه تفتكرى انشرها او اخلينى فى حالى ؟؟؟

زهــــــــراء

شمس النهار يقول...

*مسلم مصري

:))
الجروب ده
ولا فخر اللي عمله
معي ابني احمد الشاعر
مااعرفش تعرفه ولا لأ
عملناه لما لاقينا المدونين كلهم هجروا هنا وراحوا هناك علي الفيس
قلنا طيب نجمع في مكان واحد علي الفيس
وبمااني مش بحب الفيس
ومش بروح هناك كتير
فاكتير مايعرفوش المعلومه دي
لكن هتلاق هنا بوست قديم يعلن عن الجروب:)

شمس النهار يقول...

*مصطفي سيف الدين
كده يادكتور
مستكتر علينا
تدوينه كل اسبوع
:)

شمس النهار يقول...

*ابراهيم رزق

يارب تنجح ياابراهيم
نفسكم معانا ننجحها
بتدويناتكم
وزيارتكم لبعض
وتعليقاتكم
ومناقشاتكم الجميله

رحاب صالح يقول...

اية ده انا مشوفتش حاجة ....؟
ماليش دعوة انا عايزة الايفينت
انا كنت واللخ بفكر اقولك ع الموضوع ده بس المشكلة اني مشغولة جدااااااااااااااا

محمد سلامة يقول...

دورت ومعرفتش أوصل :)
اكتبيلى اسم الجروب طيب لو اللينك ممكن يتعبك :))

محمد سلامة يقول...

دورت ومعرفتش أوصل :)
اكتبيلى اسم الجروب لو اللينك متعب ولا حاجة :))

شمس النهار يقول...

*لولا وزهرا

انتي اكتبي اللي يجي علي بالك
اللي انتي حاسه بيه
دي مدونتك مش مدونت الدنيا
ومش شرط الناس بتتكلم عن محمد محمود يبقا احنا كمان لازم نتكلم عنه
تفتكري احنا فاهمين حاجه يعني علشان نكتب عن محمد محمود؟؟

شمس النهار يقول...

re7ab.sale7

حاضر من عينيه
http://www.facebook.com/events/282726945164360/

اعتقد ان ده اللينك

اي اوامر ياجميل

شمس النهار يقول...

*مسلم مصري

من عينيه ملاحظة ان التدوينه دي طلبتكم فيها كتير:)))

http://www.facebook.com/groups/150308615029590/

ده لينك الجروب ((مدونين علي الفيس))
اي خدمة

غير معرف يقول...

والله دي فكرة هاااااااااااااااايلة جدااا بس المشكلةاني في فترة امتحانات ومش هعرف اشوفلكم بوستاتكم الجميلة ..وبعدين انتي عندك فيس ؟ لو ليكي هحب جدااا اضيفك وهحب انك تقبلي الاضافة :) ..
واحلى سلام..

Unknown يقول...

ربنا يخليكِ يا شموسه أنا إتشرفت جداً بمعرفتك و مفيش كلام أقدر أقوله في المفاجأة الجميله اللي فاجئتوني و أسعدتوني بيها بجد :)

أنا سعيده بالحدث جداً و بتمنى يكون خطوة أولى في عودة التدوين لأيامه الزاهيه..كان نفسي أحضر معاكم من 2008 كلامكم عن التدوين في الفترة دي شوقني جداً :)

في إنتظار مشاركة الجميع و طبعاً هنوه بُكره عندي على المدونة

تحياتي و حُبي لشمس المدونات

شمس النهار يقول...

* amina

ياريت تحاولي علي قد ماتقدري
تشتركي
حتي ولو بالمرور علي المدونات والاشتراك في التعليقات

وده لينك الفيس بتاعي
http://www.facebook.com/shams.elnahar.754

شمس النهار يقول...

*شيرين سامي
انا اللي اتشرفت بيكي وبالجميع

وحسيتك بنت من بناتي

وان شاء الله الحملة تنجح ويرجع بلوجر زي ماكان واكتر

:)

EMA يقول...

حلوة الفكرة طبعا يا شموسة و كمان تشجيع لينا اننا نكتب حاجة جديدة بدل القحط دا ههههههههههه

دايما منورة الدنيا يا قمر ..

باحث عن حب يقول...

شمس
ادينا رجعنا تانى
اهو
يارب
بس
فعلا نفضل على طول موجوديين
مش نغيب
اللكام ليا طبعا
يارب يسعد قلبك

حنين محمد يقول...

صباح الغاردينيا شموستنا
وبإذن الله يرجع كل حبايبك
ونشوف البلوج مليان بالحبايب
وبالتوفيق للجميع "
؛؛
؛
لروحك عبق الغاردينيا
كانت هنا
Reemaas

شمس النهار يقول...

*EMA EMA

بلوجر منور بيكم انتم
وبكلماتكم الجميلة
:)

شمس النهار يقول...

*محمود(باحث عن حب)

رجوع ابدي ان شاء الله

وماحدش يهجر مدونته تاني

هبة فاروق يقول...

دائما نريد شيئا يدفعنا لنكتب
يا رب اقدر اكون معاكم
حلوه الفكره وصاحبه الفكره شموستنا الجميله

شمس النهار يقول...

*ريماس

يارب
وانتي كمان ياريت تشتركي معانا في الحملة
هتنوريها
:)

شمس النهار يقول...

*هبه فاروق

كل ماهنتواجد هنا
هنلاقي نفسنا محتاجين وقادرين نكتب

ولو يوم مش قادرين نكتب ندخل
نشترك في التعليقات مع الاصدقاء

ان شاء الله تقدري تبقي معانا
:)

أحــوال الهـوي يقول...

اثبت الحضور و امضي علي محضر الجلسه

تحياتي للجميع

أمل حمدي يقول...

مبرووووك عليكم أنا بقى مسبتش بلوجر ولا مدونتي ولا يوم دي حبيبتي الغالية :)
إن شاء الله أكون معاكم في حملة التدوين بس لما أعود للكتابة إن شاء الله قريبا
سلام يا شموسة يا غالية