الخميس، 22 نوفمبر 2012

حملة التدوين اليومي : الرومانسية

 النهاردة اول يوم في حملة التدوين الاسبوعي
وحبيت اشترك بتدوينه قديمة بحبها جدا==================
الرومانسية مش مظاهر الحب من التوهان والسرحان والسنتحه

(ماحدش يسألني يعني ايه سنتحه هي بنتي بتقولها كده)
والنحنحة
لا
كل شئ حوالينا م
مكن يبقا رومنسي
تبسمك في وجه اخيك صدقة (مش دي رومانسية)
الكلمة الطيبه (المجاملة الحلوة الصادقة) صدقة مش دي كمان رومانسية
الاخلاص والوف
اء رومانسية

لما نشوف شئ جميل ونقول تلقائي الله الله رومانسية
القعدة علي النيل او علي البحر رومانسية
لما نزور مريض ونقول له سلامتك وندعي له دي رومانسية
 

التدبر التفكر في خلق الله والكون رومانسية
حب الله ومنجاته من غير مانشوفه رومانسية
حب رسول الله رومانسية ما
احنا ماشفناهوش برضه
كنت بقرا عن معاملة الرسول لزوجاته 

لاقيته صلي الله عليه وسلم زوج محب رومانسي جدااااااا
حسيت ان كلمة رومانسية تعني لطف ورحمة 

تعني قلب رحيم رقيق لا يغدر ولا يخون
قلب عمران بحب الله
وحب الله هو اللي ه
يخليه رؤف رحيم
قلب محب
بمعني الكلمة
مافيهوش مكان للغلظة او الغدر
او البرود واللامبالاة
قلب بيتقي الله في كل افعاله
ولا انتوا رأيكم ايه في موضوع الرومانسية دي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
------------------------------------
عيزاكم تسمعوا اول 5 دقايق من الفيديو ده
هتعرفوا يعني ايه حب


هناك 40 تعليقًا:

رؤى عليوة يقول...

الله
ايه الجمال ده
كده ممكن اقول انى ممكن اكون رومانسية وانى كمان بكتب رومانسية

هى كده المعانى الحلوة لما تاخد مكانها وتكون مفهومه بمعناها الصح بتكون احلى وكلها رومانسية :)

دمت بخير وود

على رزق يقول...

للرومانسية تعريفات عديدة وبتتكون التعريفات دى وتتبلور بمدى نضوج فكر وعقل الانسان

رحاب صالح يقول...

تعرفي يا شموسة
للأسف اننا بقينا بنختزل الرومانسية ف كلمة بتقلل معناها وبتجسده بشكل قذر
لان الرومانسية دلوقت للأسف ف نظر الكثيرين تعادل الجنس ...
مش بقول الجميع لكن الكثير للأسف
انت استشهدت بالرسول
واين نحن من الرصول عليه افضل الصلاة والتسليم
اذا كنا عندمانقول لاحدهم خذ من الرسول مثلا يقول واين انا من الرسول
اليس من الافضل ان نقتدي به ...؟!!!
الغريبة ان الناس الايام دي عندهم البنت الرومانسية اللي هي البنت الفلتانة ومعلش ف الللفظ
بس فعلا ده الواقف
وف النهاية بجد تدوينة رائعة جدا والفيديو راااااائع

باحث عن حب يقول...

الحب منسى فى ايامنا هذه
للاسف ضاع معنى الحب
علشان احنا مش صح احنا بقى فينا حاجات غلط
الرومانسيه مش مرتبطه بحاله اجتماعيه
ولا يسر ولا عسرفى المال ولا ضغط سياسيى ولا ولا ولا الحب فى القلب باقى بينموا فى العثرات اكتر منن ينموا فى اليسر
الحب باقى والرومانسيه معانيها تختلف من شخص للاخر من واحد للتانى الرومانسيه بتتخلق بين اتين بيفهموا بعض وبيحبوا بعض وبيعشقوا بعض على هيئته على اشكالهم على حالهم على اخطائهم على كل حاجه كل حاجه الغلط قبل الصح ويقبلوا بعض ونصايح بعض واقوال بعض الرومانسيه مش دكتاتوريه ولا حكم فرد واحد بيدور على نفسه وبس الحب حاجه كبيره علينا فقدنا معناها للاسف الشديد موضوع كبير قوى يا شمس اخترتيه بجد حاجه مؤلمه وصعبه وعاوز تدوينات وتدوينات
بارك الله لكى
المسلسل بقه ده من كلاسكيلات الللى عشنا عليها لان كل حرف في المسلسل روعه مش زى الايام دى
المتنى بالتدوينه دى يا شمس

محمد سلامة يقول...

ده أنا كدة اطلعت رومانسى وانا معرفش :)
تحياتى المعطرة

Unknown يقول...

كلام جميل :)
أعتقد الرومانسية كما وصفتيها بقت صعبه..و نادره أوي دلوقتي.
الرومانسية هي المشاعر الرقيقه الصادقه المتدفقه..مهما كان إتجاهها.

المقطع كمان جميل أوي

تحياتي و تقديري الدائم

ابراهيم رزق يقول...

شمس الشموس

الرومانسية عندى مختلفة شوية
ده انا ابراهيم الرومانسى
هههههههههههههه

بجد التدوينة رائعة
وفعلا الرومانسية انواع كثير
لم تذكرى نوع مميز من الرومانسية
حب الاخوان لمرشدهم هو قمة الرومانسية

تحياتى

Moalgredy يقول...

أرجو الدعم ومتابعة وإبداء الرأي في موضوعات مدونتي
المدونه
شكراً

شمس النهار يقول...

*رؤي عليوة

ايوة الحب يولد الرومانسية
والهدوء والتصالح مع النفس يولد الرومانسية

ربنا خلق الكون جميل الوانه رائعه تبعث علي الرومانسية

شمس النهار يقول...

*علي رزق

كلامك صح

نضوج فكر وعقل الانسان
وتقبله للأشياء والمحيط الخارجي

شمس النهار يقول...

*re7ab.sale7

هي بس الرومانسيه
اللي بتتفسر غلط
كل حاجه في حيتنا بقت بتتفسر غلط

وبالنسبة للرسول الكريم صل الله عليه وسلم
ملاحظة اتجاه انهم بياخدوا اللي علي طيفهم واللي يديهم حقوق وبيسيبوا اللي يعمل عليهم واجبات

شمس النهار يقول...

* محمود(باحث عن حب)

مالها بس التدوينة ضايقتك في ايه يامحمود

اقولك كلامك عجبني
وبجد بجد هو اجمل من التدوينة فعلا

ايه رايك تعمل لنا تدوينة او اكتر عن الرومانسية ؟

شمس النهار يقول...

*مسلم مصري

لو بتعمل الكلام ده كله
طبعا لازم تبقا رومانسي

:))

شمس النهار يقول...

* شيرين سامي

هي دي الرومانسية اللي اتعلمناها من كلام ربنا

الرحمة

:)

شمس النهار يقول...

*ابراهيم رزق
:)))
لأ نسيتها دي ياابراهيم
:))

شمس النهار يقول...

* Mohamed Algredy

حاضر واهلا بيك

Habiba يقول...

جميلة اوى أوى أوى
لو الكل يقرأ كلامك ده ويعرف المعنى الحقيقى للرومانســية..هنعيش أحلى حياة.
ولو بتوع الأفلام يفهموا الكلام ده !!!
جزاك الله خيرًا تدوينة رائعة.

Unknown يقول...

حسيت ان كلمة رومانسية تعني لطف ورحمة
تعني قلب رحيم رقيق لا يغدر ولا يخون
قلب عمران بحب الله

===

راق لي هذا التعريف و التوصيف

تقديري

صاحب الزمن الجميل

EMA يقول...

فعلا الرومانسية مش مجرد -سنتحة - هههههه..دى أسلوب و طريقة تفكير

جميلة كعادتك يا شموسة

منورة الدنيا

candy يقول...

شكراً :)

حنين محمد يقول...

صباح الغاردينيا شموستنا
مش عارفة ليه دمعت عيني وأنا بسمع الفيديو عارفة بجد الرومانسية مش بس سرحان وخواطر وجنون وحب بين أتنين ولا علاقة الرجل بـ الأنثى وبس الحب والرومانسية في كل حاجة حوالينا ورقة مشاعرنا في التعامل معاها وإحساسنا بيها قبل شويا بس كنت بقول لسواح شموستنا دفئ بلوجر وجيت هنا ولقيتك بتقولي أيوة ياريماس أنا بجد دفئ بلوجر
مش عارفة لو قلت لك قبل كدا أن أنا بحبك ولا لا ؟ بجد بحبك ربنا مايحرمنا دفاكي :)"
؛؛
؛
لروحك عبق الغاردينيا
كانت هنا
reemaas

غير معرف يقول...

دانتيييي طلعتي رومانسية يا شموسة...عبقري جدا تعريفك للرومانسية ...وبموت ف المسلسل ده..
تحياتي

شمس النهار يقول...

*habiba

تأملي في الكون ياحبيبه
هتشوفي اجمل لوحات من الرومانسية
وهتسمعي صوت الكون في اجمل الحان رومانسيه

شمس النهار يقول...

*mongi bakir
اهلا بيك يامنجي
دايما منور بتعليقاتك
:)

شمس النهار يقول...

*EMA EMA

انتي اللي منوراني

ياايما ياجميلة :)

شمس النهار يقول...

*candy

الشكر لله
نورتي :)

شمس النهار يقول...

* ريـــمـــاس

مش عارفة اقول لك ايه علي كلماتك الرقيقة
لو حبينا نتعلم الرومانسيه لازم نقيم في مدونتك :)
وربنا مايحرمني منك ولا من سواح
منورني وفخوره انكم اصحابي

شمس النهار يقول...

*amina

كلنا جوانا رومانسيه بس مش عارفها

فتش عن الرومانسية :)

zeze يقول...

اولا بوست جميل وفع الرومانسية حاجة جميلة جدا وممكن تبقي في حياتنا اليومية مش لازم انها تكون بين ولد وبنت ،ويارب نفهم معناها الصح
وفكرة التدوين الاسبوعي حلوة انا فعلا ليافترة مبكتبش ووحشني بلوجر ويارب اقدر اشترك
هو عنوان الايفنت فين

Unknown يقول...

أول مرة ابص للرومانسية بالشكل ده <3
اختيار موفق للتدوين الأسبوعى
و على فكرة, سنتحة يعنى " تناحة " D:

وحشانى اوى :*

الحياة الطيبة يقول...

نعم هذه هي الرومانسية شمس النهار ،أن يكون الواحد منا لطيف هين لين مع الكل صوته منخفض ذو حياء ، رحيم وصفات أخرى كثيرة ،دمت بود غاليتي .

اسماء واحلام فى وجدانى يقول...

و لا عمرى كنت أصدق إن أسمى أشوفه تانى
فى التعليقات بس حضرتك خلتينى أشوفه :)
إحساس جميل بجد حنين غريب بيخطف
التدوين ده إدمان حقيقى
و الناس اللى فيه هما ألأرض
اللى بنقدر نزرع فيها أجمل ذكريات
الواحد ممكن يعيشها و يفتكرها بعد كدة
و بعد كدة ليه ما أهو بعد سنتين و نص
بأكتب تانى انا مستنى أشوف التعليق ده بفروغ الصبر مش عارف بعده هيحصل ايه ؟؟
بس لمجرد إنى موجود هنا دى فرحة كبيرة عليا :)
حضرتك السبب فيها

اسماء واحلام فى وجدانى يقول...

كان نفسى أشوف إسم مع إسمك اعرفه :(

شمس النهار يقول...

*zeze

اهلا بيكي

الرومانسية دي سر من اسرار الحياة
:)

http://www.facebook.com/events/282726945164360/283759598394428/?ref=notif&notif_t=plan_mall_activity

وده لينك الايفنت بتاع التدوين اليومي
وياريت تنوري الحملة :)

شمس النهار يقول...

*Amera Alaaeldin

اهلا بيكي يااميرة

وياريت تنوري حملة التدوين اليومي

عايزين بلوجر يرجع ينور بيكم تاني

شمس النهار يقول...

* اسماءواحلام في وجداني

اااااااااااهلا اهلا

يااحمد ماصدقتش عينيا خاااااالص

نورت من تاني بلوجر

ومدونتك نورت بيك

والتعليقات عندي نورت بتعليقك اللي اجمل من التدوينه نفسها
وطبها هروووووح جري اشوف تدوينتك الجديدة اللي اكيد رائعه

وبالنسبه لأي اسم مارجعش ومش عايز يرجع

في اعتقادي ان لازم الانسان يمرن نفسه علي الفراق دايما
علشان هو نفسه مسيره يفارق

لــــ زهــــــراء ــــولا يقول...

الله ع الحب والرومانسية يا شموسة وتعريفك ليهم
والفيديو تحفففففففة سمعته قبل كدا هز كل كياني وكل مشاعري محمود مرسي بيتكلم بهدوء وبحب نقلنا كل حرف في كل معنى


لولا

نور الدين (محمد الجيزاوى) يقول...

البوست دة حلو أوووووى
صداق وجميل وصافى ويلمس القلب بدون زواق ولا الوان

شمس النهار يقول...

*لولا وزهرا

اهلا اهلا يالولا

هي دي الرومانسيه الصح في اعتقادي

شمس النهار يقول...

*نور الدين

دي شهادة اعتز بيها

نورتني بتعليقك الجميل