الثلاثاء، 13 نوفمبر 2012

فن الحوشنه :)


الحوشنة
:))
يعني ان حد يوحشك
من زمان وانا بقول عليها كده))
في ناس توحشك فا ترفع سماعة التليفون تطلبهم وتطمن عليهم
تشد لهم موبايل
:)
وبس
وفي ناس سهل تشوفهم
عاااااااااادي
بس في ناس لما يوحشوك
مابتقدرش تسمع صوتهم ولا تشوفهم
مابتعرفش تعمل حاجة غير انك تتوجع من فراقهم
لما بابا توفاه الله
واتكلمت مع المرحوم باذن الله الشيخ المسير
قال لي
لما يوحشك اقري له قرآن وادعي له 
هترتاحي
وفعلا كل ما بابا يوحشني
ابعتله سلام ونور وحسنات
وعندي اعتقاد انه بيحس بيا واني فكراه
بقت هي دي طريقة الوصل بينا
لما يوحشني ادعيله اتصدق بأسمه 
اقرا قرآن و اوهبه له
واخيرا عرفت انه بيعرف اني بعتاله السلام
فاكل يوم لازم ادعيله
وابعت له السلام

هناك 30 تعليقًا:

Ramy يقول...

(:

ربنا يرحمه

و دايماً كدة متواصلين

سواح في ملك اللــــــــــــــــــه- يقول...

دي تاني مرة حضرتك بتحكي عن لقاء بالشيخ المسير رحمه الله

هل حضرتك كنتي تعرفينه معرفةشخصية

هذا الرجل كنت احبه جدا واحب سماعه

رحمةالله عليه


gogo!sf يقول...

ايوة فعلا يا مدام شمس
انا اعرف كده من زمان اوى لما بتكلمى اى حد متوفى قريب منك اوى بيحس بيكى جدا وبيسمع كلامك الموجه اليه

انا كل يوم اترحم على ماما وبابا بجد دول اكتر ناس بحس بوجع اوى لما بفكر فيهم

مش كل حد بيوحشنا نقدر نشوفه ونسمع صوته سواء توفاه الله او حى يرزق
يمكن الاموات بيحسو اكتر من الاحياء عشان كده دايما لما تفكرى فيهم تلاقيهم معاكى فى منامك

ربنا يرحم امواتنا ويغفر لهم
ويرحمنا برحمته فى الدنيا وفى الاخرة اللهم امين يارب

موضع جميل اوى

well يقول...

تقبل الله منكى الدعاء .. ومتنسيش تدعى الله ان يرحم امة محمد رحمة عامة ..صلى الله عليه وسلم
..
تحياتى

Unknown يقول...

الله يــــرحمه
هــــو وامى وأبى
وأموات المسلمين أجمعين

شمس النهار يقول...

*Rame

ربنا يرحمه ويرحم موتانا جميعا
ويلحقنا بهم علي خير

شمس النهار يقول...

*سواح في ملك الله
ايوة ياخالد كنتت اعرفه
لي صديق مذيع برامج دينيه
ولما لاقاني منهاره من كلام الشيخ اللي اسمه هداية ان القران لايصل المتوفي
قال لي تعالي ندوة للشيخ المسير
واتكلمي معاه
وفعلا رحت وطمني ان القران يصل وكله دعاء ويصل ويعد له حسنات علشان انا بنته
ومن يومها كنت احضر له الندوات وقبل وبعد الندوات او البرنامج كنت اجلس معه واستفسر عن اي شئ
الي ان رحل عن عالمنا بسلام وهدوء كمان كان يعيش بسلام وهدوء
ومن يومين كنت بتكلم مع الدكتوره سعاد صالح وهي صديقه شخصية لي من الصغر
اني ساعات بكلم بابا لما بيوحشني اوي تفتكري بيسمعني او حاسس بيا قالت لي طبعا بيحسوا بينا وبيسمعونا كمان
رحم الله والدها ووالدي كان اصدقاء
ورحم اموات المسلمين

شمس النهار يقول...

* gogo!s

ايوة يوم مابختم القران لبابا بيجيني في المنام
ويوم مابنام وانا مهمومه بيجيني في المنام
ولما بيكون وحشني اوي بيجيني في المنام

والحمد لله من يوم ماتوفي بدعي له بعد كل صلاة واقرء القران واوهبه له

شمس النهار يقول...

*well

قبل ماتدعي لأي متوفي يجب ان ندعي الاول لأموات المسلمين وبعدين ندعي للمتوفي اللي نقصده

انا بحب دعاء
اللهم ارحم المسلمين والمسلمات والمؤمنين والمؤمنات
الاحياء منهم والاموات

شمس النهار يقول...

*norahaty

آمين يارب العالمين

باحث عن حب يقول...

تعرفى يا شمس اللى بيوحشنى بزوره
فى ناس عشت معاها ايام جميله وانتقلوا الى رحمه الله
قلبى يشتاق اليهم بروح الى المقابر وازورهم وساعات باتكلم معاهم وساعات بعيط وانا على قبرهم
بس لما بسافر لازم ازورهم لازم ازورهم بعد صلاه الجمعه بجد ولما افتكرهم واشتاق اليهم بادعى ليهم واقرا ليهم قران واعيط علشان بجد اللى راح مش بيرجع تانى
يارب ما تحزنى ابدا ويدخل الفرحه الى قلبك يا شمس

رؤى عليوة يقول...

اجمل حاجة فى الدنيا اننا لما نحتار
نلاقى اللى يحل المشكلة ببساطة

الله يرحمه كنت بحبه جدا
وجميل اوى اننا نعرف نبعت سلامات

بس ازاى نبعت لحد عايش ومش عارفين نوصله ؟؟
ده محير اكتر ان يكون حد موجود ونعرف مكانه ويمكن نعرف نتواصل معاه لكن مينفعش وفى نفس الوقت عايزينه يحس بينا


دمت بخير

محمد سلامة يقول...

طبعا الصدقة الجارية والولد الصالح يدعو له دى حاجات ثابتة بتوصل للميت

بس أنا عندى طريقة تانية للوحشنة :)
لما حد يوحشنى قوى بافضل أفكر فيه قبل م أنام ف بيجينى فى المنام وبناكل ونتفسح ونعمل اللى نفسنا فيه
ربنا يرحم موتانا وموتى المسلمين

حنين محمد يقول...

مساء الغاردينيا شموستنا
طيب انا دلوقتي وحشتيني اوي وعايزة أترمي في حضنك وأعيط عارفة لما قريت فن الحوشنه وعرفت أنها بمعنى " وحشتني " كنت هقول بجد وحشني فارس أو ريبال حبيبي حتى في اللحظات الي بكتب لك فيها وكنت مبتسمة بس بمجرد ماقريت بابا حسيت بحاجة في صدري مش هقدر أوصفها ومش حنكر أني بعيط دلوقتي لكن بجد رغم السنين اللي مرت بيوحشني ورغم أني بكدب كتير لما حد يجيب سيرته وأقول مش حعيط بردو بعيط طبعاً مش بنساه بـ الدعوات والصدقات بس بجد بيفضل واحشني اووي وعند أول ألم في حياتي ببقى محتاجاله جداً يمكن لأني كنت دلوعة بابا وكنت متعلقة فيه جداً ربنا يخليلي ماما وفارس يارب لأنه بقى دنيتي كلها ويخليلك حبايبك ياأجمل شمس دافيه برقتها ومشاعرها ..
ورحم الله والدي ووالدك وموتى المسلمين جميعاً ..
وبجد سوري أنا رغيت اوي :)"
؛؛
؛
لروحك عبق الغاردينيا
كانت هنا
reemaas

ذو النون المصري يقول...

الله يرحمه و يرحم جميع موتانا
كل عام انتم بخير

رحاب صالح يقول...

الله يرحمه ويرحم جميع موتنا
تعرفي انا اللي بحسه بقوله
بحس ان حتي الشخص اللي بتشتاقيله مهما كان بعيد بيحس باشتياقك ده لان ف صلة حب بينكم
والحب ده صلة مهما حصل مبتتقطعش ....يعني مثلا لما بفكر ف صاحبتي اللي ماتت من سنين واقولها وحشتيني هي بتحس بيا اكيد
وفاكرة اني اول مرة كتبت عنها زارتني ف الحلم بضحكتها الجميلة
صدقيني كل واحد فينا مهما بعد عن اللي يحبهم ويستحقوا حبه بيكون في صلة بينهم ومش لازم تكون مادية
بحب تدويناتك الحساسة دي اووي
وبتمني اني اكون زييك كدة بعرف اقول اللي جوايا ومن غير رتوش

لــــ زهــــــراء ــــولا يقول...

الله يرحمه برحمته الواسعة هو وكل امواتنا واموات المسلمين
يارب دايماً عندك صلة رحم مع الاحياء وبتصلي رحمك في دعواتك للاموات

لولا

مصطفى سيف الدين يقول...

:)

ربنا يرحمه و يغفر لكل موتانا

اللي بيعيشوا في قلوبنا مش بيموتوا ابدا

عمرو يسرى يقول...

الله يرحمه

شمس النهار يقول...

*محمود(باحث عن حب)

ابتديت اقنع نفسي انهم مسافرين
وان شاء الله نلتقي معاهم علي خير

زيارة المقابر للعبره جميله
بس الواحد بيلاقي نفسه غصب عنه بيتكلم معاهم

اللهم ارحم موتانا

شمس النهار يقول...

*رؤي عليوة

فعلا كنت لما احتار واتكلم معاه الاقي حلول
زي السحر
واقول ازاي تاهت عن بالي

الناس العايشه بقا وحارمه نفسها من الناس اللي بتحبها دي ناس مطلوب لهم الرحمه اكتر من اللي توفوا

شمس النهار يقول...

*مسلم مصري

ماهي الحاجات دي العداد اللي بيعدلهم وهمه مش علي وش الدنيا
ده بالنسبه للوالدين
لكن غيرهم بتوصله رحمه ونور بينور له وبيعرف مين اللي بعت له السلام

كل مااختم القران لبابا يجيني في المنام
كل ماانام مضايقه يجيني في المنام
كل مايوحشني اوي يجيني في المنام
تقريبا العقل الباطن بيريحنا
:)

شمس النهار يقول...

*ريماس
صباح الياسمين

وانا بكتب التدوينه كمان عيطت وعيطت كتير
اكتشفت ان في ناس كتير اوي رحلوا ووحشوني اوي مش بس بابا

انا كمان كنت وحيدة بابا ودلوعته
وكان عندي بالدنيا
ومش بنساه ومعايا علي طول رغم ان عدت سنين اكتر من 11 سنه

عمر القلب ماينسي حبايبه اللي سكنوه في يوم من الايام

وندعي لهم بالرحمه

وارغي زي ماتحبي ياجميله المدونه مدونتك
:)

شمس النهار يقول...

*ذو النون المصري

آمين
ويتقبلهم في عباده الصالحين
كل سنه وانت بالف خير وصحة وسعادة

شمس النهار يقول...

* re7ab.sale7

كنت متأكده فعلا انهم بيحسوا بينا
بس لما اتأكد من علماء اجلاء كده
بترتاحي

وشكرا علي كلماتك الجميله
انا كمان بحب كتاباتك جداااااا

شمس النهار يقول...

*لولا وزهراء

آمين يارب

ويخليكي ليه ياجميله

شمس النهار يقول...

*مصطفي سيف الدين

ابدا يامصطفي
تفرح تفتكرهم
تزعل تفتكرهم
تحتار تفتكرهم

ولما تنام يجولك في المنام

شمس النهار يقول...

*عمرو يسري

آمين
ويرحم امواتنا جميعا

مذكرات موززه عانس يقول...

تصدقى ادتينى طريقه حلوه انا كنت بقرأ قرءان فى غير وقت انه يوحشنى وكان بيوحشنى وماكنتش بقرأله قرءان :)
دلوقتى كل مايوحشنى هقراله قرءان بس المشكله ان القرءان مش كفايه لانى مش بيوحشنى وبس ده انا عايزاه هو نفسه جنبى بلحمه ودمه :(
محتجاله اوى

شمس النهار يقول...

*مذكرات موزة عانس

معاكي بس القرآن بيريح
وكمان لما بتحسي انك بتضيفي له حسانات بترتاحي اكتر