وصلنا للنسمه العطره
شيرين سامي
عادتا لمابأقرأ الادب النسائي
بكون خايفه من الضعف والولوله
والندب علي قلة الحيله والعجز
و ده مش ضعف مستوي الكتابه
لا
الضعف الانساني
لكن شيرين من خلال ماقريته لها انسانه قويه جدااااا
عارفه بتقول ايه وبتعمل ايه
كلام ناعم قوي
في ظاهره
عارفين الورقه الجديده رقيقه قد ايه
بس لو مسكتها غلط بتجرحك زي السكين
دي كتابات شيرين
مفردات جديده
ناعمه جدا
لكن قويه زي حد السكين بس هي مش سكين
الغريب بقا اني كنت فاكره الفتوه دي هيئه كده قويه
لكن لماقابلتها لاقيتها بنوته رقيقه صغيره جميلة
مايطلعش منها الرصاص ده خالص
:))
ومن الرصاص اللي عجبني كتابها اللي اهدته لي
اللي هدردش معاكم عنه شويه
كتابها اللي اهدتهوني
كتاب بنكهة مصر
وصورة الاهداء اهي:)
(احدي رسائل البحر)
اصعب شئ علي الام ان تسلم ابنائها للغربه
بيصبحوا صوت وهديه وذكريات
ومااصعب صوت الذكريات علي الام الوحيدة
(سي تي ايه)
حال كل المصريات اللي انضحك عليهم بأسم حرية المراة والخروج للعمل
(سبحه وسجارة)
ده حال اغلب شباب الجيل
الاهل في وادي وهمه في وادي
مشتتين بين الصح والغلط
ادخل اكونت حد فيهم الاقيه فيه لينكات ادعيه والا رسول الله والاقي حاجات تانيه علي النقيض خااااالص
(صديق فاطمه)
راااااائعه في بساطه شديدة
روت قصة شعب مصر من مئاااااااااات السنين
(اجازة عارضه)
نفسي نطبعها منشورات
ونوزعها مع الوسيط علي البيوت
(كنت بهزر)
ضحكتني اوي وخصوصا فرح البنت اللي رفضت تتجوزه دي :))
وصحيح ان كيدهن عظيم
(استقرار)
مصر الان الاستقرار الملطخ بالدم
*****
في النهايه اقدر اقول ان عندنا موهبه نسائيه رائعه
يارب من نجاح لنجاح
وعايزة اقولكم ان شيرين
ان شاء الله هتبقا كاتبه مشهوره
وطول ماهي حاسه انها تقدر تكتب احسن
هتفضل تكتب علشان توصل للأحسن
وهو ده الابداع
من نجاح لنجاح ياشيرين
هناك 17 تعليقًا:
السلام عليكم
شكرا على تعيفها لينا و مبروك على الإهداء :)
آلمتني "سبحة و سيجارة" جدا و أيضا الاستقرار الملطخ بالدم .
مدونة رائعة جداااا واسلوبكـ رائع
شرفينا بزيارة مدونتى المتواضعة
http://mozkeraat.blogspot.com/
شمس الشموس
هى دى شرين
العفوية و الصدق فى الكتابة
لدرجة صعوبة الفصل بين ما هو شعور خاص و عام فى كتابتها
الحاح الفكرة و التأكيد عليها
فافكارها واضحة
السهل الممتنع فى السرد و بساطة الشخصيات
شرين سامى من الشخصيات المؤثرة فى بلوجر
التى تكتب من اجل الكتابة فقط
لذا تجدها فى كتابتها
صدقتى يا شمس الشموس و فى النهاية لا اجد الا كلمتك
في النهايه اقدر اقول ان عندنا موهبه نسائيه رائعه
يارب من نجاح لنجاح
وعايزة اقولكم ان شيرين
ان شاء الله هتبقا كاتبه مشهوره
وطول ماهي حاسه انها تقدر تكتب احسن
هتفضل تكتب علشان توصل للأحسن
وهو ده الابداع
مبدعة دائما ياشرين
و فنانة يا شمس الشموس
قدرتى ترسمى بورتريه جميل
لكن بالكلمات
تحياتى
بالتأكيد وكل تأكيد هي تلك التي وصفتيها . مع عدم معرفتي الشخصية الكاملة بها . ولكن كلماتها تكفي لمعرفتها جيدا .
استحقت ما ذكرتي .
لها مني أيضا دعواتي .
نجاح يخلفة نجاح . وسعادة دائما .
اللهم آمين .
لكي ايضا مني كامل احترامي وتقديري . تشكراتي . دعواتي . تحياتي .
استمتعت بحديثك عن الرائعة شيرين سامي حفظها الله وزادها ابداع ..
تحياتي لشمس بلوجر التي تسطع لتنير لنا بحب
لولا
لا أنا كده متشوق و عايز أقراه ، أوصل له ازاي ؟
شموسه :)
أنا سعيده جداً بالبوست ده مش عشان عن كتابي أو عني لكن سعيده عشان هو منك و ده يعني لي كتير جداً
دي مش أول مره تنشري حاجه عني قبل كده نشرتي أكتر من خاطره كنت كتباهم لأنك دايماً بتشجعي و بتدفعي للأمام أبناءك البلوجريه :) و أي فضل لنجاح أي مدوّن بيرجع بشكل كبير للتشجيع الصادق من زملاءه.
عايزه أنتهز فرصة نشرك للتعليق عشان أشكر كل اللي سألوا عني في الفتره اللي فاتت مش قادره أوصف سعادتي بسؤال ناس ماكنتش متوقعاهم أبداً, و كالعاده البنات ملكات الكتابه عن الخذلان..خذلوا توقعاتي :) و ده مش مزعلني لأني مقدره و لأني أحياناً بخذل أصدقائي عن غير قصد, عايزه كمان أطمن كل اللي بعتولي إيميلات إني الحمد لله بخير و إغلاق المدونه مكانش بسبب إكتآب أو مشكله لكن هو إحساس باللا إنتماء لأي شئ, يمكن حسيت إني بمُر بـ extremes في مشاعري ما بين قمة السعاده و قمة التعاسه, فقررت محاولة معايشة الحياه بشكل مختلف و نسيان إني كنت بكتب, قررت أتابع مسلسلات تركي, أتعلم أكلات جديده, أتفرج على أفلام أبيض و إسود, أعمل شوبينج كتير و أغير ديكور حياتي, لكن لاقتني معملتش أي حاجه غير إني غرقت في القراءه..و كأن قدري بيتأرجح ما بين الكتابه و القرايه!
بالنسبة لرأيك الجميل في كتاباتي يا شموسه فالحقيقه إني مش إنسانه قويه و لا حاجه..لكني بكره الكتابه بضعف, و بكره الندب و الولوله باللذات, بحب المثل اللي بيقول بدلاً من أن تلعن الظلام أوقد شمعه, الحزن و الضعف مشاعر إنسانيه عميقه بتثيرني للكتابه خاصة لما بكون عايشه إحساس مقارب, لكن الهزيمه و الكتابه بإستكانه و بلا إراده بتصيبني بالغثيان, عجبني جداً تشبيهك لي بالورقه الجديده و محدش يحاول يمسك الورقه غلط أحسنله :)
هو مش سكين يا شموسه لكن هو الواقع, بيفرض نفسه على كتاباتي رغم إني إنسانه خياليه بشكل مرعب, فبيخلي من قسوته لكتاباتي حد السكين و وقع الرصاص.
أنا فتوايه!! طب ده أنا غلبااااااااان
آه و الله :)
الإهداء...إحم إحم...خطي وحش عادي..كل العظماء خطهم وحش على فكره :)
مبسوطه إن القصص عجبتك..كلهم جزء مني, يمكن ساعات بتغاظ من نفسي و بتمنى أكون كتبت أجزاء معينه بشكل أفضل..لكن في النهايه أنا مبعرفش أغيّر حاجه كتبتها, مبعرفش أقص و ألزق, هي حاله كده و زي ما بتطلع..مبقيسش كتاباتي بكتابات حد, و لا بعرف أو أحب أكون كاتبه مسرحيه بآداء مبالغ فيه و لغة قويه, و مكياج كتير و صوت عالي, ولا أحب أكون كاتبه وهميه كل كتاباتي خواطر و الحُب الحُب :)
لكن بحب ألمس الناس بكلماتي
زي الطيف اللي بيمر بالقلب
أشكرك على ثقتك الغاليه فيّه يا شموسه و رأيك الجميل اللي هفضل أعتز بيه طول العمر..غريبه إنك تتوقعي لي إني أكون كاتبه مشهوره في الوقت اللي ببعد فيه و بحاول أبرء من داء الكتابه, أنا بشكرك أوي على كل حاجه و على مكالمتك العذبه رغم مرضك في عيد الأم, أصدقاءي اللي مش عايزه أكتب أسماءهم عشان منساش حد..و عشان إنتوا عارفين نفسكوا..ربنا يخليكو في حياتي لأنكم سند و عزوه و حتى لو متقابلناش كفايه إني بلاقي منكم صدق و إهتمام مش بلاقيه في ناس كتير بشوفهم كل يوم.
أنا طولت أوي بس كان نفسي أكتب كلام أكتر :)
كنت عايزه أقول إييييييه
آه
و أرجع و أقول
لسه الطيور بتفن .. و النحلايات بتطن
و الطفل ضحكه يرن ..مع إن
مش كل البشر فرحانين
:)
أستاذ إبراهيم:
أشكرك على كلامك الجميل في حقي كالعاده :)
أتمنى أكون زي ما وصفتني
تعرف حاسه إني من ساعة ما بطلت أكتب بلوجر بقى أهدى و عدد التدوينات قل..هو مش غرور هي مجرد ملاحظه :)
شرقاوي:
أشكرك على كلماتك و دعواتك الرقيقه :)
لولا:
أشكرك يا عزيزتي بجد :)
و مبروك الخطوبه السعيده ربنا يتمملك على ألف خير
محمد الدهيمي:
كلام شموسه شوقني أنا شخصياً لقرايته ;)
رغم أنه عرض لكاتبه إلا أنه إثراء لمعلوماتى الشخصية وهذا فى حد ذاته متعة التعلم
شكرا لكى على هذا العرض الجيد
*ريهام المرشدي
وعليكم السلام ورحمة الله وبركاته
ياريت تعملي بحث عن موضوع سبحه وسجارة وتكتبيه عندكم في المدونه
تشتت الشباب بين السبحه والسجارة بقا ظاهرة غير مطمئنه
*محمود احمد
شكرا علي الكلام الجميل والزياره
وحاضر من عينيه هزور مدونتك طبعا
:)
*ابراهيم رزق
معاك ياابراهيم في ان شيرين بتكتب بصدق لدرجه تحسس اللي بيقرا ان دي تجربتها الشخصيه
مع ان طبعا مش من المنطقي ان تكون الكاتبه كل هؤلاء :))
وان شاء الله تبقا فعلا كاتبه مشهوره
عقبال ماانت كمان ياابراهيم ماتطبع كتاب واجي هنا وافصصه تفصيص
:))
* SHARKawi
اناماعرفتش اديها حقها
شيرين فعلا اديبه فنانه
ترسم اللوحات بالكلمات
نورتني ومنورني دايما ياشرقاوي
* لــــ زهــــــراء ــــولا
يااهلا يااهلا
بعروسة بلوجر الجميله
الف الف مبروك ياحبيبتي
ربنا يتم لك علي خير
وبارك الله لكم وعليكم
:)
نورتي شمس النهار
*محمد الدهيمي
اهلا اهلا بالغائبين:)
طبعا في جميع المكتبات وخصوصا ديوان واي حد بيبيع مطبوعات دار ليلي
اي خدمه
*شيرين سامي
اهلا اهلا
بسندرلا الادب المصري
:)
اسعدني تعليقك جداااااا
حسيت انه فضفضه اكتر منه تعليق
وعايزة اقولك ماحدش بيهرب من موهبته
حتي لوتجاهلها بتفضل تضغط عليه
ولازم تبقي خياليه اومال هتبدعي ازاي :)
ومين قال انك ضعيفه؟؟!!
بالعكس اناشيفاكي قويه
اعرفي ان كل صاحب رؤيا وفكر وموهبه هو انسان قوي ميزه الله عن غيره من البشر
قدرك هو الكتابه ومش هتقدري تهربي منه
واي صاحب موهبه مايفتكرش ان دي فنطزيه دي مسؤليه واترمت عليه
ولازم يكون قد المسؤليه دي
واناعارفه اناحساسك بالسؤليه عالي جدا
الحاله اللي انتي بتمري بيها دي حاله عاديه جدالكل من يحمل ابداع بداخله وهتلاقي بعد ماتمر الفتره دي انك هتكتبي حاجات جميله هتخرج من رحم الفتره دي
انتي انسانه جميله تستحقي كل خير واناماعرفتش اوفيكي حقك
تعليقك نورني
والتدوين عن كتابك اسعدني
وان شاء الله ترجعي بلوجر وتنوريه بكتاباتك الجميله:)
ومن نجاح لنجاح:)
* Gamal Abu El-ezz
اهلا بيك ياجمال
الكاب فعلا يستحق القراءة
:)
إرسال تعليق