الجمعة، 12 أبريل 2013

تغيييييييير

 مش من هواة فريد الاطرش اوي
بس حسيت اني عايزة اسمع طرب
ليه انا مش من هواة فريد اوي
علشان هو حزين علي طول
حتي وهو بيغني فرح 
برضوا حزين
وانامش بحب النكد 

هناك 28 تعليقًا:

مصطفى سيف الدين يقول...

انا بحب ألحان فريد لما يلحنها لحد غيره :)

سواح في ملك اللــــــــــــــــــه- يقول...

بحب لفريداوي الربيع واضنيتني بالهجر

واول همسة

تحيتي ياشموسة

رؤى عليوة يقول...

تقريبا كلنا مش من هواته لنفس السبب هههههههه

انا بسمعه عندما يفرض عليا فقط
لا لا ممكن اروح انا افتحه :)


دمت بخير

النسر المهاجر يقول...

رغم أن تمثيله كان جميل جدا إلا أنى لم اكن أسمع أغنياته
لكنى أشهد له أنه من أجمل الممثلين الذين زخرت بهم السينما المصرية


شكرا على هذا البوست الجميل وعلى موضوعاتك الرائعة

لــــ زهــــــراء ــــولا يقول...

انا زيك .. والنهاردة بس عرفت السبب
احب صوته لكني مش من هواة سماعة.. بحب الفرح والنكد احبوش (: .. سمعت الاغنية وابتسمت .. كان نفسي اضحك بس كفاية عليا بسمة الحمد لله رب العالمين (:


لولا

موناليزا يقول...

أنا بحب له أوي "قلبي ومتاحه"
اللحن رائع والكلمات أروع :)

Days and Nights يقول...


صباح الخيرات

محتاجين من الحين للآخر نوع من

التغيير فى أى شيء لكسر الروتين

الإعتيادى.فريد الأطرش من أعظم

الملحنين المبدعين


تحياتى لروحك الطيبه

تامر

faroukfahmy يقول...

شموستنا المنيرة
لو رجعت الى قصة فريد الحقيقية تعلمى السبب مغادرته لموطنه ورحيل شقيقته اسمهان فى شرخ شبابها الغض ومرضه بالقلب وهجر سامية جمال لحياته وعدم زواجه حتى رحيله
رحم الله فريد فرغم هذه الظروف القاسية لم يتخل عن فنه ولو اعطانا فيه اللون الحزين

شمس النهار يقول...

*مصطفي سيف الدين

عرف ليه علشان غيره مافيهوش نبرة الحزن فابيغني اللحن من غير مؤثرات نكديه
:))

شمس النهار يقول...

* سواح في ملك اللــــــــــــــــــه

اول همسه دي طبعا فوق الرائعه
:)

شمس النهار يقول...

رؤي عليوة

:))
بس انا بحب الاغنيه دي جدااا

ده بيغني لي ياستي :))

شمس النهار يقول...

* Gamal Abu El-ezz

كان ممتل رائع وخصوصا في ادوار الحزن

لكن هو من اعظم الملحنين والمطربين كمان
بس مش كل اللي بيحبه
نورتني

شمس النهار يقول...

* لــــ زهــــــراء ــــولا

اغلب الناس مابتسمعوش علشان نفس السبب اعتقد

:))

شمس النهار يقول...

*موناليزا

ايوة ودي من اشهر اغانيه وناس كتير غنتها وكمان اتوزعت اكتر من مره بشكل جديد

شمس النهار يقول...

* Days and Nights

صح اوافقك الراي

ومن امهر من لعب علي العود كمان

:)

شمس النهار يقول...

* faroukfahmy58

دي ماكانتش مغادرة دي كانت هروب

وكمان صعب ان الانسان يبقا امير ويشتغل في الكباريهات ويتمرمط علشان يعيش
بس الانسان الراضي بقضاء الله بيكون حزنه خفي

بس عموما يااستذنا زي ماقال والدي الله يرحمه
حزن فريد العميق ده خالانا نسمع ونستمتع باجمل الالحان والروائع

أسماء فتحي يقول...

انا برضه مش بحب اغانيه اوووى هم كام اغنيه وخلاص
بس انا شيفاه اتميز فعلا في اللون الحزين

عموما التغيير حلو

تحـــــــــياتي
كانت هنا ورحلت
Asmaa Fathy

ابراهيم رزق يقول...

شمس الشموس

الفنان الحقيقى حياته فى الغالب بتأثر على فنه
و حياة فريد كانت حزينة و مؤلمة

انا بحب قصائد فريد و كان نفسى ام كلثوم تغنى عاد الربيع

تحياتى

Abu ShoSho يقول...

الساطعة شمس النهار

إن أردت الطرب الأصيل مع البسمة الرقيقة فأنصحك بالظالم المظلوم خطيب الأستاذة الزهراء أم يوسف. و حقيبته ملأى بالفرح و الشجن بالوصل و البعاد، بالرجل في أحواله إبن و أخ .. زوج و أب، بالحبيب في تقلبات مشاعره غزل أم صبابة أم عتاب. و أعتقد بثقة - رغم أني غير متخصص - أن موسيقاه بحق هي من السهل الممتنع .

و هذه من أحب أغانيه إلي و التي أرجو أن تلقى استحسانك.

تحياتي
أبو شوشو

كريمة سندي يقول...

ربنا يفرحك كمان وكمان ومين فينا ما بيحبش فريد الأطرش الموسيقار الفذ

شمس النهار يقول...

asmaa fathy*

سمعتي الاغنيه دي؟
هتلاقيها لطيفة:)
اسمعيها وعلي ضمنتي :))

شمس النهار يقول...

*ابراهيم رزق
فاكر ده الكلام اللي كنت بقوله في الندوة
ان اي عمل فني بيحمل روح الفنان مهما كان وصل من حرفيه

شمس النهار يقول...

* Abu ShoSho

محمد فوزي
ده كان ممكن يلحن تذكرة الاوتوبيس

ده غير انه صوت رايق صافي شجي
بيفرحك معاه لو فرحان
وبتزعل معاه لو زعلان
انا بحب محمد فوزي جداااااااا

شوف اغنية شحات الغرام وجمالها
ربنا يرحمهم اسعدونا

شمس النهار يقول...

*كريمة سندي
ربنا يفرحنا جميعاااااا

ومبروك علي المنتدي بالتوفيق
نورتيني:)

الحياة الطيبة يقول...

شمس النهار كلمات الأغنية غاية في الجمال بليغة وتعرف طرقها للقلب بكل سهولة .
فريد طابعه حزين وشخصيته فريدة ومؤثرة
أسعدتني كلمات الأغنية أسعدك الله .
دمت بود .

zizi يقول...

مش عارفة يا شمس انا ماشوفتكيش قبل كده واتمنى اشوفك طبعاً بس إحساسي إني لما أشوفك حاشوف الفاكهة بتضحك على عود ياسمين ..تحياتي

شمس النهار يقول...

*الحياة الطيبة
اهلا اهلا بيكي

شكرا علي كلماتك

نورتيني:)

شمس النهار يقول...

*zizi

اهلا بيكي ياجميلة

انتي اللي فل وياسمين
:)
وان شاء الله نشوف بعض قريب:)
نورتي شمس النهار