الثلاثاء، 2 أبريل 2013

شيرين سامي ترد :)

 شيرين الجميله ترد
وعايزة اقول لها ان كل صاحب رؤيا وفكر وموهبه انسان قوي فضله الله بهم ودي مسؤليه مايقدرش يهرب منها ابدااااا
واي ابتعاد او سكون من المبدع بيعقبه عودة وابداع اقوي بيترجم فيه اشياء اتولد في فترة الابتعاد دي
يعني بلغة العصر كان بيشحن وجاي :))
----------------- 

شموسه :)

أنا سعيده جداً بالبوست ده مش عشان عن كتابي أو عني لكن سعيده عشان هو منك و ده يعني لي كتير جداً
دي مش أول مره تنشري حاجه عني قبل كده نشرتي أكتر من خاطره كنت كتباهم لأنك دايماً بتشجعي و بتدفعي للأمام أبناءك البلوجريه :) و أي فضل لنجاح أي مدوّن بيرجع بشكل كبير للتشجيع الصادق من زملاءه.
عايزه أنتهز فرصة نشرك للتعليق عشان أشكر كل اللي سألوا عني في الفتره اللي فاتت مش قادره أوصف سعادتي بسؤال ناس ماكنتش متوقعاهم أبداً, و كالعاده البنات ملكات الكتابه عن الخذلان..خذلوا توقعاتي :) و ده مش مزعلني لأني مقدره و لأني أحياناً بخذل أصدقائي عن غير قصد, عايزه كمان أطمن كل اللي بعتولي إيميلات إني الحمد لله بخير و إغلاق المدونه مكانش بسبب إكتآب أو مشكله لكن هو إحساس باللا إنتماء لأي شئ, يمكن حسيت إني بمُر بـ extremes في مشاعري ما بين قمة السعاده و قمة التعاسه, فقررت محاولة معايشة الحياه بشكل مختلف و نسيان إني كنت بكتب, قررت أتابع مسلسلات تركي, أتعلم أكلات جديده, أتفرج على أفلام أبيض و إسود, أعمل شوبينج كتير و أغير ديكور حياتي, لكن لاقتني معملتش أي حاجه غير إني غرقت في القراءه..و كأن قدري بيتأرجح ما بين الكتابه و القرايه!
بالنسبة لرأيك الجميل في كتاباتي يا شموسه فالحقيقه إني مش إنسانه قويه و لا حاجه..لكني بكره الكتابه بضعف, و بكره الندب و الولوله باللذات, بحب المثل اللي بيقول بدلاً من أن تلعن الظلام أوقد شمعه, الحزن و الضعف مشاعر إنسانيه عميقه بتثيرني للكتابه خاصة لما بكون عايشه إحساس مقارب, لكن الهزيمه و الكتابه بإستكانه و بلا إراده بتصيبني بالغثيان, عجبني جداً تشبيهك لي بالورقه الجديده و محدش يحاول يمسك الورقه غلط أحسنله :)
هو مش سكين يا شموسه لكن هو الواقع, بيفرض نفسه على كتاباتي رغم إني إنسانه خياليه بشكل مرعب, فبيخلي من قسوته لكتاباتي حد السكين و وقع الرصاص.
أنا فتوايه!! طب ده أنا غلبااااااااان
آه و الله :)
الإهداء...إحم إحم...خطي وحش عادي..كل العظماء خطهم وحش على فكره :)
مبسوطه إن القصص عجبتك..كلهم جزء مني, يمكن ساعات بتغاظ من نفسي و بتمنى أكون كتبت أجزاء معينه بشكل أفضل..لكن في النهايه أنا مبعرفش أغيّر حاجه كتبتها, مبعرفش أقص و ألزق, هي حاله كده و زي ما بتطلع..مبقيسش كتاباتي بكتابات حد, و لا بعرف أو أحب أكون كاتبه مسرحيه بآداء مبالغ فيه و لغة قويه, و مكياج كتير و صوت عالي, ولا أحب أكون كاتبه وهميه كل كتاباتي خواطر و الحُب الحُب :)
لكن بحب ألمس الناس بكلماتي
زي الطيف اللي بيمر بالقلب
أشكرك على ثقتك الغاليه فيّه يا شموسه و رأيك الجميل اللي هفضل أعتز بيه طول العمر..غريبه إنك تتوقعي لي إني أكون كاتبه مشهوره في الوقت اللي ببعد فيه و بحاول أبرء من داء الكتابه, أنا بشكرك أوي على كل حاجه و على مكالمتك العذبه رغم مرضك في عيد الأم, أصدقاءي اللي مش عايزه أكتب أسماءهم عشان منساش حد..و عشان إنتوا عارفين نفسكوا..ربنا يخليكو في حياتي لأنكم سند و عزوه و حتى لو متقابلناش كفايه إني بلاقي منكم صدق و إهتمام مش بلاقيه في ناس كتير بشوفهم كل يوم.
أنا طولت أوي بس كان نفسي أكتب كلام أكتر :)
كنت عايزه أقول إييييييه
آه
و أرجع و أقول
لسه الطيور بتفن .. و النحلايات بتطن
و الطفل ضحكه يرن ..مع إن
مش كل البشر فرحانين
:)

--------------
يارب دايما فرحانه ياشيرين
 

هناك 28 تعليقًا:

ليلى الصباحى.. lolocat يقول...

شمس شموس المدونين
وشيرين سامى
سيمفونية رقى وألق وأبداع

فى البداية اعتذر لتقصيرى مع شيرين ولك اختى العزيزة لانى ما قرأت البوست السابق لشيرين بسبب انشغالى مع ماما فى مرضها شفاها الله وعافاها ويمكن هذا السبب خلانى بعيدة الايام الماضية عن ناس كتير ياريت يسامحونى كلهم :)

اما شيرين الغالية من ارقى الاصدقاء اخلاقا وثقافة... انسانة مهذبة طيبة الاخلاق راقية المشاعر مبدعة وقلم حساس اتشرف دائما بالقراءة لكل ما تقدمه واتمنى الا تغيب عن مدونتها ابدا فليس معنى اننا نمر بحالة اكتئاب او حزن نهجر مدوناتنا لكن فترة راحة ثم نواصل فالقلم الراقى نحن فى حاجة اليه دائما ليروى ظمأ العقول ...

اشكرك اختى الحبيبة على اهتمامك باصدقائك وجهدك الدائم فى لم شمل الجميع حول مائدة الابداع والثقافة

وتحية لك ولشيرين بحجم السماء

Salma Hesham Fathey يقول...

العزيزتين ع القلب جدا أ. شمس النهار ود. شيرين ..

بصراحة يا د. شيرين أنا لاحظت انك عاملة دي اكتيفيشن للفيسبوك وقلقت وسألت أصحابنا المشتركين بس ف الأخر مقدرتش أعرف أيه الحكاية وبرضه مش معايا نمرتك وإلا أكيد كنت كلمتك، إنما فعلا أنتي وجودك جميل وكلامك حقيقي جدا بجد ..
أتمنى ترجعي تاني ع المدونة والفيسبوك ..

أنا مشوفتكيش غير مرة واحدة بس بجد حاسة انك شخصية مميزة .. وفاكرة ان من كلامك قبل ما تقفلي الفيسبوك ان "الاسود يليق بك"
لا تركزي على الأسود فقط .. البلد كلها في حالة من عدم التصديق وخيبة الأمل لما يحدث لكن هذا لا يدفعنا إلا إلى الحياة اكتر وفي حالتك الكلام والكتابة..

الكتابة جهاد وحب لكل ما تنتمين له .. ألبسي الأسود لكن لا تمحي من ذاكرتك بقية الألوان ..

العزيزة شمس النهار ..

أمنا الجميلة الحانية شمس النهار .. ربنا يخلي حضرتك وألف سلامة عليكي .. وأتمنى زيارتك في القريب العاجل غن شاء الله :)

تحياتي

سلمى هشام

موناليزا يقول...

كعادة شيرين الجميلة دايماً متألقة :)
وحشتينى على فكرة

eng_semsem يقول...

يارب دايما يا دكتوره شيرين تكوني في خير وسعاده والف شكر لاستاذتنا شمس انها طمنتنا عليها
والحمدلله ان مش انا بس اللي خطي مش كويس
تحياتي

L.G. يقول...

التعليق بالحقيقة اللي جوايا وبضمير انا كنت زعلانة اني جيت ادخل مدونة شيرين لقيتها مغلقة وكانها لناس محددين زعلت بالنسبة للكتاب عجبني جدا وخاصة قصة التوبيس المكيف والقعدة البنات وكلامهم قبل وبعد الزواج وكأنها دايرة بتدور على الجميع ...
شمس النهار
بس هو اسم على مسمى بجد دفء ونور وأمل وحياة :)
تحياتي
سماح

شمس النهار يقول...

*ليلي الصباحي

اهلا بيكي وسلامة الوالدة الف سلامه شفاهاالله وعافاهاوتقوم بالسلامة بعون الله

شكرا علي كلامك الجميل اللي من القلب فابيدخل القلب علي طول

نورتيني

شمس النهار يقول...

* Salma Hesham Fathey

اهلا اهلا
ازيك ياسلمي يارب تكوني بخير وسلامه بجد وحشتيني ومستنيه الزيارة

وجميل كلامك عن شيرين والاجمل انكم اتقابلتوا :)

نورتيني ياسلمي وياريت تكرري زيارة المدونة هنا:)

شمس النهار يقول...

*موناليزا

شيرين وحشتنا كلنا
وياريت ترجع بلوجر بقا :)

شمس النهار يقول...

* eng_semsem

:))
مش انت بس كلنا خطناوحش وجدااااا

:))

شمس النهار يقول...

*L G

اهلا بيكي ياسماح :)
شكرا علي كلامك الجميل الدافي
وربنا مايحرمني منكم كلكم
:)

مصطفى سيف الدين يقول...

معلش محضرتش الحفلة بتاعت امبارح جيت متأخر كالعادة و فوتت على نفسي التدوينة اللي فاتت
كنت عايز اقول رأيي كده عن ان شيرين مش مجرد اديبة او قصاصة لا هي احساس بيملك قلم

بس سيبكم من كلامي اللي مالوش لازمة ، جدعة يا شموسة اللي عرفتي تجيبهالنا و بعدين دي لما صدقت مسكت الكيبورد و اشتغلت بقى طلعت كبت الايام اللي فاتت
يا لهوي على رغي البنات :)

بجد رد شيرين بيشكل شخصية شيرين المعتدة بنفسها و قلم شيرين اللي مش بيكتب غير اللي بتحسه

فرحتني اوي التدوينة دي و رد شيرين
و بقت مدونتك يا شموسة بيت فرح للمدونين

mrmr يقول...

ربنا يديم الحب ...
وديما تشجعى البلوجريه يا شمس الشموسه

وحمد لله بسلامتك يا شيرين

فى البوست دا حسيت بنغمات راقيه تمس القلوب وتعطى تشجيع لكل المدونين

تحياتى للجميع

النسر المهاجر يقول...

إذا إجتمع غصنان مختلفان من الزهور الجميله فى شجرة الافكار فإعلم أنها من أكثر الشجرات جمالا على الإطلاق

شمس النهار يقول...

*مصطفي سيف الدين

:))
انت مش جاي متأخر وبس ده انت عامل غياب من غير اذا:))

انت فين ؟؟

لسه شيرين لما هترجع المدونه هتقروا اجمل واروع كلام :))

وربنامايحرمني منكم ويارب دايمافرحانين ودايما لمتنا تبقا اجمل لمه :))

شمس النهار يقول...

*mrmr
اهلا اهلا يامرمر

حرمانا من انسك ليه ؟:)

انامتابعه دايما لكل الوصفات :)

ربنا يخليكي لينا ويديم المحبه والفرح
وكل يوم نفرح بمدون او مدونه :)
نورتيني يامرمر

شمس النهار يقول...

* Gamal Abu El-ezz

الله علي الكلام الجميل اللي علي الصبح

:)

ابراهيم رزق يقول...

شمس الشموس

ماذا اقول
بعد كل ما قيل

عودى يا شرييييييييييييييييييييييييييين
بلوجر يناديييييييييييييييييييييييييكى

و على راى مصطفى
واضح انك ما صدقتى

تحياتى

Unknown يقول...

شكرا لجمالية الاناقو التالّق
و بهاء الرح و الفكر

أسماء فتحي يقول...

شموووووووسه ازيك وحشتيني انتى وشرين
معلش بقالي اكتر من اسبوع مش بدخل علشان كنت مسافره
انا كمان حاولت كتير ادخل عند شري ولقيت مدونتها مقفوله كنت عايزه اطمن عليها

عموما ردها بسيط وجميل من انسانه رقيقة وجميلة ومميزة
وختامها كمان لكلماتها تحفه

دمتم بخير وسعادة ونجاح

تحيـــــــــاتي
كانت هنا ورحلت

Asmaa Fathy

شمس النهار يقول...

*ابراهيم رزق

:)) مالكوا ومال البنت
سيبوها في حاله
انش اء الله هترجع :))
وتفحمكم بتدويناتها الرائعه :))
هو ازهري فين ؟؟

شمس النهار يقول...

* منجي بـــــــــــــاكير

شوف بهاء الفكر والروح دي فهمتها
لكن اللي قبلها مافهمتهاش
انا في اللغة العربيه ماتلاقيش اصلا:))

شمس النهار يقول...

* asmaa fathy

يااهلا يااهلا حمد الله علي السلامه
اناكمان كنت بقول اسماء راحت فين
وكنت هروح عندك اقولك انتي فين غايبه:))

ان شاء الله شيرين ترجع تنور بلوجر تاني :)

أحمد الصعيدي يقول...

الله يبارك ويهنيكي ويسعدك

ده الفيس بتاعي بقا وربنا يبارك فيكي ودايما بخير يارب

https://www.facebook.com/?q=#/ahmed.elsaeedy.5?ref=tn_tnmn

رحاب صالح يقول...

شيرين
في ناس منعرفش نتكلم عنهم لانهم بأخلاقهم وطبيعتهم بيخلوني ننسي الكلام
وأجمل ما لافي بلوجر أنه جمع احلي قلوب وشخصيات واخلاق
^_^

شمس النهار يقول...

*احمد الصعيدي

اهلا اهلا
الف مليون مبروك وبجد فرحانه لكم جدااااا
ربنا يسعدكم ويهنيكم :)
نورت شمس النهار يااحمد:)

شمس النهار يقول...

*re7ab.sale7

شوفي يارحاب بلوجر الناس اللي فيه ناس جميله رايقه
عندهم فكر وموهبه
محتاجين بلوجر وبلوجر محتاجهم
مش جايين يهيسوا
جاين يضيفوا قيمه

وبنبسط جدا لماالاقي حد فيكم حقق نجاح كده
ربنا يفرحني بيكم دايما يارب:)

هناء محمود يقول...

أنا للأسف معرفش شيرين بس كلامكم عنها حببنى فيها ربنا يرجعها لبلوجر بالسلامة هى وناس كتير وحشونى بردو أوى ونفسى أشوف تدويناتهم وتعليقاتهم زى زمان

دانا بقيت بقرأ تعليقات تدويناتى القديمة علشان أفتكر أجمل أيام التدوين مع حبايبى الغايبين :(

غير معرف يقول...



My web blog - web site