الجمعة، 14 يونيو 2013

الحقيقة !!

اللي جاي يقول لي 
ان الاخوان اتسجنوا واتمرمطوا من 1928 لحد النهاردة
زيهم زي اي تيار وطني
هقوله 
نو ياجوني 
نووووووو
الاخوان ايوة تم اعتقالهم واتمسح بيهم بورش السجون
 واتعذبوا بس علشان 
ايييييييييييييه؟؟!!
مش عاشان مصر 
ايوة
علشان الجمااااااااااعة 
فقط
الجماعة ثم الجماعة
وحبايب الجماعة واهل الجماعة والعشيرة
اما باقي المجتمع والناس يولعوا بقا
والدليل 
قالولوا :)
ابو الكباتن صبحي صالح وهو مدشدش علي السرير في المستشفي قال اييييييييييه؟؟
اللهم امتني علي الجماعة
ياراااااااااااااااجل والاسلام هتعمل فيه ايه
؟؟؟؟؟!!!!!!!!
اللهم امتناااااااااا علي الاسلام وريحنا من الجماعة
كماااااااااااان لا يتم تعين الا الاخوان في المناصب المهمه 
بغض النظر عن الكفائات
ومين فينا ماسمعش وزير الاعلام الفاشل 
لما قال ياريت الاقي اخوان اعينهم كلهم
شوفوا مافيش حد كره فيه الناس بالمنظر ده قدهم
حزينة اني كنت بروح انتخبهم 2005 و 2010
بس بحمد ربنا ان الثورة كشفتهم علي حقيقتهم 
همه وامثالهم من تجار الدين
والحمد لله اني لم انتخبهم لا  في مجلس ولا رياسه
وهالو ياريااااسة فاشلة 
مش عارفة لما تقابلوا ربنا 
هتقولوا ايه

هناك 15 تعليقًا:

Ramy يقول...

أزيك يا استاذة شمس

الى حضرتك بتقوليه دة هو اللى بيقوله ابن عمى بالظبط

قال الفايدة الوحيدة لموضوع الثورة دة

هو انه كشف الجماعة دى على حقيقتها

بيقول اخيرا لقيت فايدة للثورة

نور الدين (محمد الجيزاوى) يقول...

فعلا ياشمس انا اعرف قيادات فى الناس دى واقسم بالله العظيم عمرهم ما ضحو ولا اشتغلو ولا اتحركو الا لمصلحة جماعتهم الوسخة
...
بقى هى دى مصر ؟ لا موش دى مصر والله يرحمه السادات لو عايش كان زمانا خلى اديس ابابا اديس اماما :)
لكن منتظرة ايه من اللى قتلو البطل بعد مابقو همة فى الحكم ..
...
مبروك على عودتك لمصر الجديدة .. واى مكان حضرتك تبقى فيه اكيد هينور ويبقى اجمل مكان فى الدنيا ياشمس الدنيا كلها

momken يقول...

....

صح جدا

تحياتى

...

Days and Nights يقول...

الأخت الغاليه / شمس

الناس دى خلاص

آخرهم معانا 30 / 6

بإذن الله حنخلص منهم

والله العظيم أنا قرفت

بس نحمد الله على كل شىء

كان لازم يبانوا على حقيقتهم

عشان الناس كلها تعرف الدقون

كدب فى كدب فى كدب

الدين عندهم مظاهر وبس

كده بقى نقطه ومن أول السطر تانى

وأهو فى الإعاده إفاده

وعاوزك تشوفى حيموتوا على الحكم إزاى

لأنى متأكد من كده

بس الأكيد أنى عازمك على مشاهدة

فيلم وداعا للخرفان

سينما التحرير

حفله التاسعه مساء

يوم 30 / 6 الجاى

تحياتى روحك الطيبه

تامر

ابراهيم رزق يقول...

شمس الشموس

الطاعة ثم الطاعة ثم الطاعة

عشان كده ممكن نلاقى من الاخوان دكاترة جامعة و مهندسين و اطباء

لكن مبدعين و مفكرين و خلاقين
لا لا لا لا

عشان كده تايهين غى حكم مصر
و معندهمش الحلول

تحياتى

أسماء فتحي يقول...

ناسيه التعليقات مفتوحه برده :))))

عموما انا شكلى حظى حلو معاكي
وهقولك ربنا يكرمنا والأخوان يحلوا عن مصر بقى كفايه خراب ونحس

انا منتخبتهمش في اي حاجه من يومى مش بحبهم علشان كان عندي أصحاب تبعهم وكنت بشوفهم بيتصرفو نقيض اللي بيقولوه واللى المفروض مؤمنين بيه
كنت على طووول شيفاهم واخدين الدين وسيلة مش غاية ودي أكتر حاجة تخنقنى من حد انه يتاجر بالدين والقيم والمبادىء علشان يوصل لهدف شخصي أو مكسب مادي من وراه

عموما بتوحشينى والله الشوية اللي بتغيبيهم ياشموسه مش عارفه ايه واخدك من بلوجر وبيخليكي تغيبى عننا

دمتى بود

تحياتي

شمس النهار يقول...

* Ramy

اهلا يارامي جميل اني نسيت التعليقات مفتوحه علشان اطمن عليك
:)
ايوة الناس دي كشفت نفسها بدري بدري
ربنا مابيسبش حد يلعب بالدين
وتستطيع ان تخدع الناس بعض الوقت ولا تستطيع ان تخدعهم كل الوفت

شمس النهار يقول...

*نور الدين

اهلا بيك

يارب تكون في احسن حال

للأسف الناس دي خدعة الشعب كتير
بس زي ماقلت الشعب المصري مش هيضحك عليه تاني

والمصرين مش هيرضوا الدنيه ابدااا
شوفت مهرجان القاهرة السنمائي اللي اتلغي السنة دي
انت عارف اسرائيل هتموت تاخد المهرجان ده

شكرا علي كلامك اللطيف واخبار الرواية اييييه ؟

شمس النهار يقول...

*momken
اهلا اهلا
بالعائد الي بلوجر

:)
نورت

شمس النهار يقول...

* Days and Nights

همه من ناحية هيموت علي الحكم
همه فعلا هيموتوا علي الحكم

وربنا يستر علي يوم 30
لو ماحصلش حاجة انا هروح فيها بجد
احنا عمالين ننزل
والبلد مش هاديه خالص بالمرة
لا استقرار ولا امان
وحتي العجلة محتاجه تروح للعجلاتي :))

ويارب يامصر تفضلي عالياااااااااا

شمس النهار يقول...

*ابراهيم رزق
:))
شوفتني وانا ناسيه التعليقات مفتوحه

:))

مبدعين منين دول بيبدعوا في اتجاه واحد بس
ازاي تخدع اللي قصادك لحد ماتاخد اللي انت عايزه

شمس النهار يقول...

*asmaa fathy

:))
انا اللي حظي حلو اني نسيت التعليقات علشان اصبح عليكي :)

انا مافيش حاجة وخداني من بلوجر والدليل ان اي حد بينشر حاجة من اللي معتاده ازورهم بروح وبعلق علي طول
وبنش تدوينات بالمعدل العادي بتاعي

بس انا قافله من بلوجر فاقافله التعليقات
صحيح بنساها ساعات بس شغال يعني :))
:))
وان شاء الله ربنا يزيح الغمة ومصر ترجع تنور تاني
نرتي شمس النهار يااسماء

النسر المهاجر يقول...

شمس النهار

الناس دى بتفكر بطريقة واحده أنتى بتقولى ان كلهم الى يهمهم الجماعه بس ده كمان مش حقيقى لان كل واحد منهم الى يهمه نفسه فقط يعنى لولا يريد أن يحقق مصلحة مكنش انضم ليهم وهما كانوا بيجذبوا الناس انهم يعملوا ليهم مشاريع وطبعا ده مش مجانى
ده مقابل هامش ربح بيتدفع طول العمر
ومحدش محترم فى المجتمع انضم ليهم الا وسابهم
يكفى ان متولى الشعراوى انضم ليهم ولما لاقاهم كدابين سابهم وناس كتير

وان شاء الله نهايتهم قربت فى العالم كله زى مبتدو 1928 ان شاء الله نهايتهم 2013

أندروميدا يقول...

السلام عليكم ورحمة الله
ازيك حضرتك يا شمس المدونين ؟ ... يارب تكوني بخير وفي احسن صحة وحال ... ومبروك علي الانتقال الاخير ... واكيد جيرانك الجدد محظوظين للغاية .. ويستحقوا ان الواحد يحقد عليهم .. لان الشمس طالعة عندهم علي طول :))

بعتذر علي تقصيري في المتابعة في الاونة الاخيرة ... بس كذا مرة بمر في السريع كده بس بلاقي التعليقات مغلقة ... وارجو ان دا ما يكنش زهق مننا ياعني :))

عموما ... انا حبيت القي التحية والسلام ... وكل سنة وحضرتك طيبة باقتراب شهر رمضان الكريم .. وربنا يسهل ونخلص من الاخوان المجرمين ... عشان نخش علي الشهر الكريم بقلب وعاقلين صافيين .

تحياتي العطرة

محمد فاروق الشاذلى يقول...

وهم من إمتى قالوا إحنا بنشتغل علشان مصر، عمرى ما سمعت منهم كده، دايما بيتاجروا بالدين لصالح الجماعة