الخميس، 6 يونيو 2013

شكرا ليكم

الورد ده لزوجة ابراهيم رزق
والتاني لجوجو


طبعا مش هقدر اوصف سعادتي اني قابلتكم
:)
جوجو 
ماشاء الله شخصيا جميييييييييلة 
بنوته مصريه
من كل ماتحمل الكلمة من معاني 
جدعه رقيقة شخصية دمها خفيف 
جداااااااااااااااااا
وتشع في المكان البهجة والحيوية والنشاط
وفوق ده كله
طباخة مااااااااهرة
البشامل والسمبوسك والبوفتيك
 راااااائعين
وعايزة اقولك 
ان الشعب كله اكل منه وسبحان الله فاض كمان
:)
صحيح البركة في اكل الجماعة
وياباخت استاذ نادر بيكي وبالاكل
سعيدة اني اتعرفت عليه جدااااااا
شخصية لطيفة واثق من نفسه
متكلم ربنا يكرمه
بس ماعرفناش برضوا الازهر بارك اتعمل من قد ايه ؟؟؟؟:))
زوجة ابراهيم زوجة هاديه رقيقه زي النسمة
عكس ابراهيم خاااااالص
:))))))
وطبعا كريم نورنا وهاندعيله بالنجاااااااااح
وبقول لأسامة مصر نورت
والف مبروك علي الزواج
وان شاء الله المستقبل يكون افضل وافضل في مصر
 انت شخصية حقيقي افتخر اني اعرفها
وشاب مصر علي حق
وطبعا نجم اليوم وكل يوم
 اللي فاجأة لاقيته اختفي هو وكريم وجميع الاطفال
خطفهم :)
وراحوا يلعبوا في منطقة الاطفال
شكرا يااس
كان وقت لطيف ان شاء الله يتكرر
:)
شكرا ليكم انكم اتحتوا لي ان القاكم

هناك 15 تعليقًا:

الازهرى يقول...

هييييييييييه
أنا اسمى فى المحضر

صحيح
حرامى عيال
بس أهو أحسن من مفيش

:)

أسماء فتحي يقول...

بقى كلتى كل الأكل ده من غير ماتنادميى عليّه
كده برده طيب حتى ابعتى الباشميل بس واحتفظي بالباقى

اوووووه نووووووووووووو مكنتش اعرف انك بخيله اوووي كده لا وطالعه تغيظينى كمان :))))

عموما بالهنا والشفا مع ان عيني فيه ودي بقى صفره ومدوره
بس ميضرش برضه

ربنا يجعل ايامك كلها سعادة ودايما حواليكي ناس بيحبوكي وبوجودهم يسعدوكي

تحيــــــــــاتي
كانت هنا ورحلت

gogo!sf يقول...

يا حبيبتى ربنا يخليكى ويباركل فيكى وفى اولادك القمرات واحفدك العسولين خالص خالص
بجد انا اللى فى منتهى السعاده والله انى اتعرفت على حضرتك وشوفتك اخيراً بجد شخصيه جميله جدا جدا ربنا يبارك فى عمرك يارب
وميرسيه كتير كتير بجد لحضرتك

سبقتينى على فكرة انا بكتب بس الصيام مخلينى مش مركزة شويه

شمس النهار يقول...

*الازهري

طبعا دايما اسمك في اي محضر
يحضر لك الخير :):)

شمس النهار يقول...

*asmaa fathy

تعالي يااسماء لسه في بشامل الحقي بقا :)

واضح ان بلوجر كله بيحبوا الباشميل
:))
نورتي التعليقات يااسماء

شمس النهار يقول...

*gogo!sf

انتي اكتر من كده بكتير بس علشان الحسد والحاجات دي
:)

وفعلا انتي من الناس القليلة اللي طلعت زي ماتخيلتها بالظبط

ربنا يسعدك ويباركلك في اسرتك
الجميلة
وبناتك القمامير واثر افندي علي راس القائمة طبعا :)

مصطفى سيف الدين يقول...

هي التعليقات اتفتحت ؟
طيب انا جاي امسي بقى وحشني التعليق هنا قلت اجي ارزل و اسلم عليكي
اتمنى تكوني دايما بخير يا شموسة
ربنا يسعدك دايما

غير معرف يقول...

عزيزتى شمس النهار
دائماً ماكنت اعارض ان نحول هذا العالم الافتراضى على النت الى عالم واقعى .
ولكن عندما يكون ثمرة هذا التحويل معرفه شخصيه مثلك يكون هذا هو المكسب الحقيقى .

فالاحترام والادب واللياقه لا يمكن ان نطلق عليهم اسماً اخر سوى شمس النهار..

ملحوظه
الازهر بارك اتبنت اول امبارح وبلاش كده
مش كفايه انك نسيتى المخلل

تشرفت بمعرفتك

nader vok

شمس النهار يقول...

*مصطفي سيف الدين

اهلا اهلا بالناس اللي مش هنا اصلا :)

التعليقات اتفتحت بس علي التدوينة دي لكن الدكان هيقفل تاني يادكتور

:))

يارب تكون بخير ودايما منور هنا سواء بتعليقات او من غير تعليقات
:)

شمس النهار يقول...

** نادر

اهلا اهلا
المدونة نورت بزيارتك وتعليقك

بجد انا اللي اتشرفت بيك وصدقني يانادر الشباب الرائع اللي زيك
همه اللي مخليني عندي امل
الامل في الله من قبل ومن بعد
وربنا عامل لنا الامل ده بيكم

مبسوطه جدا اني اتعرفت عليك وان شاء الله لينا اكتر من لقاء
وربنا يبارك لك في الجميلة جوجو واولادك القمرات ويطرح البركة في اثر

وصحيح ازاي فاتني المخلل :)))
لازم نعمل تصحيح :))

زيارتك نورت شمس النهار

faroukfahmy يقول...

اكون سعيدا جدااااااااااا
لما الاقى هذا الترابط النقدى صار بحمد الله ترابط اسرى اصيل
شكرا لك مع توضيح سر قفل التعليقات بعض الوقت

ابراهيم رزق يقول...

شمس الشموس

ايه العنصرية دى
اشمعنى هما ليهم الورد
اه علينا احنا الغلابة
هههههههههههههههههههههههه

كان يوم جميل بيكى و بجوجو و نادر و اذهرى واسامة و كريم

بجد فاتتك قعدة جميلة فى الكافيه
بس معلش تتعوض

تحياتى

شمس النهار يقول...

* faroukfahmy

اهلا بك استاذ فاروق

الحقيقه الشباب ماشاء الله عليهم يفرحوا القلب ويحيوا الامل

والامل في الله
الحقيقة قفل التعليقات نوع من اوناع الاعتراض
بلوجر مابقاش زي الاول خالص
وحاولت قدر الاستطاعه ان احارب لأستمرار التواصل ولكن خلاص كده
اصبح بلوجر عبارة عن شلل زي اي شئ فيكي يامصر
مجمعة قفلت علي نفسها لاتزور ولكن ترحب بالزيارة
والغرض من بلوجر التواااااصل وعرض الافكار والتناقش وتبادل الخبرات والمعرفة
وجدت ان لاشئ يحث من هذا فااثرت الانغلاق علي نفسي
تخيل حضرتك ان يزور التدوينه اكثر من 50 شخص ولا يتحاور اي منهم في موضوع التدوينه
وكان الفيصل تدوينة طلبت من الزوار ان يدلوا برايهم وزار التدوية 120 ومنهم اصدقاء ولا احد منهم حاول حتي كتابة السلام عليكم
وعليه قفلت التعليقات وسأدون لنفسي فقط واغلق التعليقات ولا انتظر ان يناقشني احد
كده كده ماحدش بيناقش اصلا:))

نورة المدونة استاذنا :)

شمس النهار يقول...

*ابراهيم رزق

الستات لايهدوا الورد للرجال
الرجال هم من يهدون الورد للنساء
:))

الصحبه كانت جميلة وان شاء الله تتكرر
:)

eng_semsem يقول...

ميرسي كتير استاذه شمس
انا كمان سعيد جدا باليوم اللذيذ
واخص بالذكر المكرونه بالبشميل
هههههههه