في ايه ياخلق
انتوا خايفين من خروج مبارك
وخروجه منين
ده مخلي سبيله
يعني لسه بيتحاكم
واهو هيقعد تحت الاقامة الجبرية
يعني مسجون برضوا
ده اتفاق مع مرسي
ادفع اللي عليك
واخرج
ودفع 18 مليون
ده اخلاء سبيييييييييييييييييييييييل
مش براءة
الحمد لله ان مرسي اتشال
ولحقناه قبل ما كان فعلا ياخد براءة
هناك 8 تعليقات:
مبارك اصبح ولا حاجه يعنى متفرقش خروجه أو دخوله السجن أو حبسه او اعدامه كل النتائج متساوية بالنسبة للمصرين إنما مختلفة بالنسبه له هو
خلينا ننظر للأمام من ننظر تحت رجلينا مبارك بقى ماضى لا هنستفاد ببرائة ولا بقتله
لو حبينا نتقدم لازم نعدى العقبات وننساها
وجاي ف وقت اية يا شموسة
البلد والعة فيه يعني محدش واخد باله ولا حد هيخرج يقول لاء
ربنا يستر بجد ع البلد والي بيحصل فيها
* Gamal Abu El-ezz
كلامك مظبوط وده اللي انا مستغرباه من الناس الحقيقية
ونحمد ربنا ان مرسي اتشال الصفقة كانت انه ياخد براءة اصلا ويرجع الفلوس كلها هو وباقي العصابة
واللي اخدوا احكام ياخدوا عفو ويرجعوا الفلوس
ولا احنا نسينا براءة عز من قضية احتكار الحديد
عايزين نفوق للي جاي واللعب اللي بيلعبه حزب النور
ولا حول ولا قوة الا بالله
*رحاب صلاح
بالعكس يارحاب ده الوقت المناسب
في مليون قضية ومليون حدث ومليون موضوع
عارفة الشعب مخضوض
فاماجتش علي دي :)
بس صدقيني مبارك وشلته خلاص مالهمش قومه تانيه
احنا دلوقتي في الشلة اللي كانت حوالين شلة مبارك:)
مساء الخير أستاذتنا
يمكن كتعليق على تدوينة صفوت حجازي والتدوينة دي، أقدر أقول اني متفق مع حضرتك في نقاط كتير، لكن المشكلة الأساسية أن الشعب المصري لا يملك نفس الفكر، ففي الوقت الذي قد يتفق فيه الغالبية المصرية- مِن مَن هم غير إخوان أو تابعين لهم- أن صفوت حجازي شخصية قذرة تستحق الإعدام عشر مرات، نجد ان هناك خلاف كبير بالنسبة لموضوع إخلاء سبيل مبارك، ربما أنا مثل حضرتك لا أخاف من هذا وأظننا جميعا ربما توقعناه، والإخوان أنفسهم منذ إرتمائهم في حضن العسكر من أيام المجلس العسكري وحتى فترة حكم مرسي قد ساعدوا على خروج التوقع بهذا الشكل، وأرى أنه لا يشكل خطراً على ما قد يسعى له المصريون لاحقا. ولكن في الوقت نفسه يرى أخرون أن براءة مبارك هي إعادة تمكين له ولنظامه، والإخوان من يروجون بشدة لهذه الفكرة وذلك لجني مكسب سياسي، ربما نظريا تبدو الفكرة منطقية وواقعية قليلا، ولكن بالنظر لملابسات القضية من بدايتها وحتى اليوم سنجد أن هذا الفرض لا يصمد على منطقيته وواقعيته.
..
وربما كتعقيب على تعليق حضرتك على مدونتي، ما يجب أن نصدقه في المقام الأول هو أن الإعلام الغربي بوجه خاص والإعلام بوجه عام-وبه طبعاً إعلامنا- هو ألة كذب وترسانة قصف عقول، ومن يستشهد به كدليل على حقيقة مؤكدة ربما هو ساذج. ولكن ربما عرضنا له ليس لنستدل به على صدق ما نراه، بل لنستدل من صدق ما نراه ونعايشه على أنه كاذب.
ربما أنا في متابعتي لبعض التقارير، والتي أثق أنها للتضليل ولزيادة الأمور سوءا وليس لكشف الحقيقة، لا أركز فقط على قراءتها ولكني أقرأ تعليقات القراء عليها، والتي في الغالب يتضح أن فئة غير قليلة منهم-أي القراء- يلاحظون الكذب والتلون فيما يكتبه الكتاب في هذه التقارير ويكيلون لهم السباب –المحترم- أحياناً!
ربما من خلال مناقشاتي مع بعض أصدقائي على الفيس بوك ومنهم أمريكان وجنسيات غربية أخرى، وقد عرفتهم لسنوات لذلك فبيننا ثقة وتفاهم كبير، تأكدت أن الإعلام الغربي لا يخدعنا نحن العرب وحدنا ولكنه يخدع شعوبه أيضا، حتى أنني قد قلت لصديق أمريكي، بعد عدة حوارات عن سياسة أمريكا الخارجية- التي تقريبا جميع الشعب الأمريكي لا يعلم عنها شئ- ولماذا نكره أمريكا وما حدث في افغانستان وفي العراق، أن الشعوب في كل مكان ساذجة‘ إلا في أمريكا فالشعب أشد سذاجة!
ولكن طبعا علاقتنا كانت في مرحلة تجعله يتقبل مني هذه الجملة!
فالتضليل هو سمة هؤلاء الذين يتغنون بكل جميل من حريات وديموقرلطية بينما هم في الواقع يتمنون لنا الدمار ويخططون من أجل تنفيذ ذلك.
..
أسف على الإطالة.
أشكرك أستاذتنا وربنا يحمي ويحفظ وطننا.
*احمد احمد صالح
اشكرك علي هذا التعليق الذي اضاف الكثير للتدوينة
وعايزة اقولك ان النفس البشرية واحده وشعوب اوروبا اكثر ثقافة من الشعب الامريكي
من خلال احتكاكي بالشعب الامريكي اكتشفت ان الفلاح المصري الامي علي وعي اكثر من الامريكي بكثر
وانا بشكرك علي التعليق واسعدتني الاطالة نحن هنا لنتناقش يااحمد
شمس الشموس
انتى عارفة ان مبارك لو خرج دلوقنى ممكن يكون فى عدل الفاروق
طبعا هو مجرد دخوله القفص درس لمن ياتى بعده
لكن باذن الله هياخد ما يستحقه فى الحياة
تحياتى
*ابراهيم رزق
مبارك اتسجن سنتين بس صحيح
بس الاقامة الجبريه برضوا سجن
ومبارك بدماغه وتاريخه متألم نفسيا اكتر من جسديا علشان فاهم وعارف هيتكتب عليه ايه في التاريخ
وضيع ايه من ايده
إرسال تعليق