السبت، 7 سبتمبر، 2013

ظبوط بدرجة مصطاف

لما سعادة البيه الظابط
يبقا بيصيف ولابس شورت وتي شيرت
ياريت يحط الكتافات علي التي شيرت
او لو حضرته حب يتخانق ويسخف علي حد
يبقا يديه فكره انه ظابط
او تتفضل الوزارتين بمنح الظباط شارة توضع علي صدرهم
مكتوب عليها دونت تاتش ظابط بدرجة مصطااااااااف
:)
هم يضحك وهم يبكي
اتنين بشورت وشبشب وفي مطار
اتخانقوا عادي
الان نص مصر بتتخانق مع نص مصر التاني
عااااااااادي
ايه الجديد
المهم انا حبيت اقولكم بس
قبل ماتتخانقوا اسألوا برضوا من باب الاحتياط
المتخانق ده ظبوطه ولا مش
صباح الحلابوظة
:)

هناك 12 تعليقًا:

ابراهيم رزق يقول...

شمس الشموس

هههههههههههههههه

احنا لازم نسأل اسئلة كنير
انت ظبوطة
او انت مستشاروتة
او انت وكيل نيابوتة
او وزيروتة
و حاجات كتير فى البلد دى

تحياتى

Gamal Abu El-ezz يقول...

دائما يوجد المتعالى فى كل مهنة الذى يشعر انه افضل من غيره حتى وإن كانت مهنة يدوية وبسيطه عندما تحدصيه كأنك تحدثين رئيس جمهورية الكل ينسى أن من تواضع لله رفعه

Tamer Nabil Moussa يقول...

مساء الانوار شمس

اوعى يكون قصدك خناقة الواد شكبلولة ههه

بس مش ان بمصيف

والله الايام دى الضرب والسحل والخناق اكتر من الهم على القلب

ربنا يسترها ويصلح حال الجميع

مع خالص تحياتى

well يقول...

شمس..
فى بعض الخناقات بيكون مضمونها اضرب واجرى او حدف إزاز واجرى .. والجرى مش جبن .. الجرى فى مضمون الخناقات (نص الجدعنة) .. اما بالنسبة بقه لو ظابط كفاية بس ان اللى بيتخانق يقول ده ظابط والشعب كله هيجامل ...

شمس النهار يقول...

*ابراهيم رزق

:))

انا اللي اعرفه ان البني الادم اللي تصدي لمنصب
يحترم نفسه بقا
مش يستفذ الناس ويرجع يعيط ويقول انا ظابط

شمس النهار يقول...

* Gamal Abu El-ezz

صدقت
والكبر علي اهل الكبر صدقة

شمس النهار يقول...

* Tamer Nabil Moussa

:)
ايوة طبعا هو في غيره ؟
خناقة المطار

:)

شمس النهار يقول...

* well

:)))))
هيجامل في مين

:)
ده احنا شعب بنموت في الظباط
:)))

well يقول...

لسه فى ناس كتير معاها (تار بايت ) مع الداخلية ...على المستوى الشخصى او العام .. فيه اللى سامح علشان واقفتهم فى رابعة وفـ 30/6
.. وفى اللى لسه ما سمحش وده اللى هيجامل

شمس النهار يقول...

* well

يبقا هتقوم حريقة شبه بتاعة المطار بين اللي بيجامل واللي ممتن

:))

مصطفى سيف الدين يقول...

بصراحة الظبوطات افتروا
مكنوش يقدروا يرفعوا عنيهم في حد طول السنتين اللي فاتوا دلوقت البجاحة كلها

Foxology يقول...

للأسف دلوقتي الظباط (بنوعيهما) بيتعاملوا مع الناس العادية بمنتهى السخافة وقلة الاحترام أسوأ من أيام مبارك إلا ما رحم ربي.

تحياتي