سألتني بنتي مين اسعد حد في الدنيا؟
قلت لها مافيش حاجة اسمها اسعد حد في الدنيا
!!!
السعادة دي شئ نسبي
يعني ممكن اللي يسعدك النهاردة مايسعدكيش بكره
يعني عشان نسعد طفل صغير
ممكن نجيب له عجلة يركبها
هيبقا في قمة السعادة
لكن لما يكبر ويبقا شاب العجلة مش هتسعده
لو عايزين نسعده نجيب له عربية
لكن لو استهبلنا وجبناله عجلة هيموت من الغيظ
السعادة سراب بنجري وراه
ومفهوم السعادة واسبابها بتتغير من شخص للتاني
ومن وقت للتاني
ممكن تبتدي يوم سعيدة وفرحانه
ويجي حد بن حلال ينكد عليكي عيشتك
ويقلب يوم جحيم
وممكن يكون عندك حلم
ومن اسباب سعادتك انه اقرب يتحقق
واصبح بين ايديكي
سعيدة وانتي بتستنيه
وسعيدة وانتي بتحاولي تحققيه
وسعيدة لما يبقا امر واقع
لكن ممكن تبقي سعيدة وانتي مستنيه وسعيدة وانت شافيه انه ابتدي يتحقق
لكن ممكن لما في اخر لحظة مايتحققش
تبقي اتعس واحدة في العالم
وممكن ان يكون ده الخير كله
وان ربنا عمل لك خير انه ماتحققش
لكن بعقلك البشري انتي زعلانه وتعيسة
لكن لو رضينا بقضاء الله وماقسمه الله لنا
هتبقا دي السعادة كلها
لولا الحزن ماكانت السعادة
صحيح مابيجتمعوش مع بعض
لكن الرضا قادر علي تجميعهم
ودايما قولي اللهم لااسال رد القضاء ولكن اسألك اللطف فيه
كمان السعادة لازم تكون نابعه من جواكي
ماتخليش سعادتك علي حد
لأن الحد ده لو خزلك
هتنقلب السعادة هم وحزن
***
ان صبرتم اجرتم وامر الله نافذ
وان ماصبرتم مااجرتم وامر الله نافذ
سبحانك رضينا بقضائك
***
هناك 10 تعليقات:
شمس الشموس
قال تعالى
( ولسوف يعطيك ربك فترضى )
صدق الله العظيم
لم يقل سبحانه و تعالى لتغنى او لتقوى او لتحكم و لكن قال لترضى
اى ان الرضا هو قمة العطاء و قمة الؤضا
دايما بتقولى حكم يا شمس الشموس
تحياتى
شمس النهار
كلامك جميل جدا
الرضا بقضاء الله فى الخير أو غيره هو قمة السعاده
عسى ان تكرهوا شيئا وهو خير لكم وعسى أن تحبوا شيئا وهو شر لكم
تحياتى
صح ياشموسة
قال تعالي في حديث قدسي
وان لم ترض بما قسمته لك فوعزتي وجلالي
لاجعلنك تركض كركض الوحوش في البرية
ولن تنل الا ما كتبته لك
صدق الله العظيم
ايزيك يا استاذتنا
اخبارك ايه
السعاده فعلا شئ نسبى مش دايما الواحد فينا بيكون سعيد الا لما يحس قوى قوى انه عمل شئ كويس وحس بجد انه تعب فيه وربنا وفقه بس الرضا بالقمسه والنصيب والقدر
دى اجمل سعاده فى الدنيا
عَنِ الْحَسَنِ ، عَنْ أَبِي هُرَيْرَةَ ، قَالَ : قَالَ رَسُولُ اللهِ صلى الله عليه وسلم:مَنْ يَأْخُذُ مِنْ أُمَّتِي خَمْسَ خِصَالٍ ، فَيَعْمَلُ بِهِنَّ ، أَوْ يُعَلِّمُهُنَّ مَنْ يَعْمَلُ بِهِنَّ ؟ قَالَ : قُلْتُ : أَنَا يَا رَسُولَ اللهِ ، قَالَ : فَأَخَذَ بِيَدِي فَعَدَّهُنَّ فِيهَا ، ثُمَّ قَالَ : اتَّقِ الْمَحَارِمَ تَكُنْ أَعْبَدَ النَّاسِ ، وَارْضَ بِمَا قَسَمَ اللهُ لَكَ تَكُنْ أَغْنَى النَّاسِ ، وَأَحْسِنْ إِلَى جَارِكَ تَكُنْ مُؤْمِنًا ، وَأَحِبَّ لِلنَّاسِ مَا تُحِبُّ لِنَفْسِكَ تَكُنْ مُسْلِمًا ، وَلاَ تُكْثِرِ الضَّحِكَ ، فَإِنَّ كَثْرَةَ الضَّحِكِ تُمِيتُ الْقَلْبَ.
*ابراهيم رزق
الانسان الراضي دايما تلاقيه مبتسم وباين علي وشه
وتحس لما تقابله بالراحة
الرضا اللي جواه بيشع علي الاخرين
:)
*Gamal Abu El-ezz
الرضا بالله وبما قسمه لك سواء بان لك بعقلك البشري خير او شر
بيخلي ايمانك قوي ان حتي الشر اللي باين ده وراه خير
ربنا مابيعملش غير الخير
* سواح في ملك اللــــــــــــــــــه
سواح عندنا يامرحبا يامرحبا :)
الرضااااااا
سر ومفتاح راحة البال والسعادة
:)
* romansy
يااهلا يااهلا
كلام صح الصح
بس شوفت الاحسان للجار في الحديث
علي فكرة من اهو الشخصيات هي الجار
الجيران دلوقتي بيضايقوا بعض
:)
صباح الرضا والسعادة :)
تحياتي
كلام جميل ياشمس النهار وكما قلتي أهم شيء الرضا ..نحن في الدنيا نتعلم بكل الأساليب فإن رضينا لنا الرضا ويكفي إن الله يكون راض عنك فيسعدك بأبسط الأشياء ويكفي وعد الله لنا بالجنة ، أضاء الله كل أيامك بالرضا يالغالية ودمت بود .
إرسال تعليق