الثلاثاء، 21 يناير 2014

الحلابوظة رجعت

هو في ايه
الثوار ماطلعوش ثوار
والثورة ماطلعتش ثورة
والتسريبات شغالة
والمخابرات شغالة
والامن الوطني شغال
وشخصيات كانت عامله ثورجيه
ماطلعوش ثورجية
واعلامين طلعوا تجار 
وتيارات اسلامية
ماطلعوش لا تيارات ولا اسلامية
طلعوا سياسيه 
عملوا طيبين ولما اتزنقوا
قلبوا علي خط الصعيد
والشعب طلع طيب اوي ياخال
والاندهاش بقا سيد الموقف
والطلبة ماطلعوش طلبه
ايوة
لما الطالب اللي بيتعلم باابو بلاش
يروح يكسر جامعته يبقا
طالب
لا طبعا
يبقا زي المغول ضد العلم
طيب هو انا انا
ولا انت انت
طيب هو في ايه في البلد
كل حاجة اتلخبطت ليه
احنا في زمن الحلابوظة
ونرجع نتفرج تاني
ويخربيت الانفلونزا علي الحساسية

هناك 13 تعليقًا:

faroukfahmy يقول...

اذا كنا احنا مش احنا واكيد همّه
قطعا مش مصريين ولكن همــــــــه
فقدنا كلمة تحن وبقينا همــــــه
لا قدروا بقولوا نحن ولا قدروا يتطقوا همّــــــــــــه

عمرو يسرى يقول...

متفق معاكى تماما

ستيتة يقول...

الحلزونة والحلزون
الحلزون عاوز يعصر لمون
والحلزونة خبطتها عربية في ميدان التحرير
ربنا يخلص اليومين دول على خير
مصر طلعت منورة بذاتها مهببة بشعبها
الواحد كان فاكر المشكلة في الفقر
وان الفقر هو اهم مسببات النصب والسرقة باسم الفهلوة والشطارة
طلعوا النصابين والحرامية في الأغنيا المتعلمين و اللي عاملين متدينين أكتر واكتر واكتر

ريهام المرشدي يقول...

و عند الله تجتمع الخصوم

Gamal Abu El-ezz يقول...

البلد مفيش فيها حاجه متلخبطه
انما الناس الى ساكننها هما الى متخلبطين واللخبطه دى مقصوده من فئات معينه
وفيه فئات فى دماغها ان ده هو الصح لانهم الصح الوحيد فى رايهم وفئات ماشيه تتفرج وخلاص بس كل ده بيتلخص فى حاجه واحده كل واحد عايز يبان ضحيه

مصر بصورتها السليمة الى مش متلخبطه هتلاقيها فى قلب كل واحد بيب مصر بجد دورى عليها فى قلبك هتلاقيها ولو فيه اختلاف فى الظاهر فده مش حقيقى

تحياتى

Foxology يقول...

احنا في برنامج الكاميرا الخفية !

تحياتي

شمس النهار يقول...

* faroukfahmy

ايوة الدنيا مابقتش هي

ورجعنا ماحدش فاهم حاجة

شمس النهار يقول...

*عمرو يسري

الحمد لله
في اتنين في مصر اهو متفقين
:)

شمس النهار يقول...

*ستيتة

لا فقر مين
ده اكتر ناس حرمية ونصابين وفهلوية في البلد دي رجال المال والاعمال

فيهم ناس شرفاء بس مش باينين

شمس النهار يقول...

*ريهام المرشدي

ربك رايد شئ ومسخر الكون علشان يتعمل

شمس النهار يقول...

* Gamal Abu El-ezz

عمرنا في مصر ماشوفنا كل الدم ده
ولا كان الشعب مختلف اوي كده
احنا بنشوف شئ جديد علي مصر

شمس النهار يقول...

* Foxology

بس البرنامج طول اوي كده

شمس النهار يقول...

* Foxology

بس البرنامج طول اوي كده