الخميس، 23 يناير 2014

السيسي

مساااااااااااااااء الخير
بما ان الدنيا بقت هيصة
والزمباليطة في الصالون
انا بقا لو من السيسي
لازمن ولابد اترشح
ليييييييييييييييه
؟
انا كده كده هتعزل واقعد في بيتنا
!!
ليييييييييييييييه
؟
لو مااترشحش 
اول رئيس جمهورية اول ما يدخل القصر
هووووووبااااا
هيشيله
وماحدش يقول لي الدستور ونبي
علشان دي حاجات رفيعة اوي في الوطن العربي
هيشيله ليه
اهيييييي
ده حتي العقل زينة
حد هيقبل ان وزير دفاعه يبقا حبيب الملاين
اومال هو هيعمل ايه بقا ان شاء الله
هيبقا حبيب مين
لو اترشح كده كده هيتعمله اي حاجة يمشي
نقوا بقا 
عندنا معزول ومخلوع ومافيش مانع يبقا في مفصول
طيب بزمتكم بقا
لو انتوا مكانه
اقعد في البيت وانا رئيس سابق
ولا وزير سابق
:)
واحنا ماشاء الله علينا
عندنا اتنين رؤساء مشرفين في السجن
:)
انا شخصيا هنتخبه
اه
هو انا شايفه غيره
:)
اه يابلد 
فوتكم بعافية

هناك 9 تعليقات:

ابراهيم رزق يقول...

شمس الشموس

ههههههههههههههه
ده لو انت السيسى

ما اهو ممكن يجيب رئيس ماريونت

Gamal Abu El-ezz يقول...

شمس النهار

أنا معاكى فى نقطه ومختلف معاكى فى نقطه تانيه

أنا معاكى انه لو نزل الإنتخابات أنا هنتخبه

بس مش معاكى انه لو مسك الرئاسه هيسيبها لانى مأعتقدش انه هيستميت على الكرسى وايده طويلة زى مبارك أو مش مركز وبيخرف باى كلام ومش فاهم حاجه فى أى حاجه زى مرسى

ولو ان منصبه كوزير دفاع افضل بس لو جيه رئيس مش هيعزله خوف من الملايين الى هترجعه وتعزل الرئيس ده

بتمنى يفضل فى الجيش لكن لو نزل الإنتخابات صوتى ليه زى شموسه :)


تحياتى

فاتيما يقول...



مهى دايما بتبتدى كدا سا شموسة
انه الحالة صعبة
ولو ملحقناش هيحصل الأسوأ
ومفيش غير الموجود دلوقت
وبعدين الطوبة تيجى ف المعطوبة
ونلاقيها مالت
فننزل تانى عشان نعدلها
ونمشى الموجود
فأثناء ما بنعمل كدا
ييجوا غربان وجوارح تانيين
غير الاولانيين عشان يلموا الغنيمة
فنقول معلش أصل مفيش غيرهم
وبعدين يخذلونا
وبعد ما نجيبهم ويقعدوا
يطلعوا مش اللى هما
وشبه ال قبلهم.. فننزل نمشيهم
وأثناء ما بنمشيهم
هييجى غيرهم ... الخ الخ
ولك الله يا مصر


:)

قصره
ربنا كبير

faroukfahmy يقول...

اضم صوتى لصوتك با سمس
وقولى لشمسك تكون عينها خفيفه وهوه ماشىعلى طريق الفرجه والفرحه

شمس النهار يقول...

*ابراهيم رزق

مش هينفع المصرين مش هيرضوا
ماخلاص حاجز الخوف اتكسر

شمس النهار يقول...

* Gamal Abu El-ezz

هو ده :)

الناس متعلم وجاهل
غني وفقير

مثقف مش
كله مجتمع عليه
يبقا علي بركة الله
:)

شمس النهار يقول...

*فاتيما

شوفي ياام قلب دهب انتي :)

احنا رجعنا مش فاهمين حاجة تاني

بس اللي انا فهماه ان احنا عملنا اللي علينا
وربنا وفقنا في شئ كبير اوي
وربنا راااااايد شئ عظيم لمصر
وهو لوحده اللي هيتمه
ومارميت اذ رميت ولكن الله رمي
وكل الاحداث ربنا مسخرها لمراده وعلي مرامه
وان شاء الله خير

شمس النهار يقول...

* faroukfahmy

ان شاء الله

كل الخير لمصر يااستاذنا

فاتيما يقول...

متفقة جدا ف جزئية عملنا اللى قدرنا عليه
الثورة ضعيفة للأسف
وأعدائها كُثر وأقويا
والمقاومة لها حد
ونوقف شوية لحد ما نشوفلها حل
غير النزول والموت ببلاش
عشان حد تانى ييجى يركبها


خير
ان شاء الله خير