الثلاثاء، 28 أكتوبر، 2014

سيدنا يوسف

صباح الخير عليكم
المفروض النهاردة كنت اكتب عن
مرض  m..s
بس مش مشكلة
المرض مش هيطير
بس اللي هيطير نافوخي من راسي
لييييه؟
علشان الفتي في كل حاجة في اي حاجة عن اي حاجة
خلاص كلنا بقينا كده
ولا استثني احد حتي انا
بس في حاجات ماينفعش
ياعم عايز تشتم اشتم انت حر 
انت اللي هتتحاسب مش انا
اشتم في كل حاجة في اي حاجة
بس موضوع سيدنا يوسف والقضاء الفرعوني
قال يعني بقا القضاء المصري من ايام الفراعنه فاسد
ويشتم في الجيش ولما تقوله ماده الجيش اللي عبر في 73 جيش الانتصارات يقولك لا ده غير ده
اشمعنا الجيش اتغير من 41 سنه
والقضاء مااتغيرش من 7الاف سنه
اه يامررتي اللي شيلاها اصلا
طيب ياعم
ماشي
بس كله الا سيدنا يوسف بقا
سيدنا يوسف دعا الله وقال
(قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ ۖ وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُنْ مِنَ الْجَاهِلِينَ)
جميل
يعني السجن هنا دعوه من نبي واستجابه من الله
جميل
سيدنا يوسف اتربي في قصر منعم مرفه
والنبوة مش امر سهل فاكان لازم يخشوشن كده
ولازم القصة تكمل ويتحافظ عليه يعني مليون سبب
وفوق ده كله ربنا عايز ده
ومش هفتي ادخلوا شوفوا 
الشيخ الشعراوي فسر سورة يوسف ازاي
وليه سجنوه رغم علمهم انه برئ 
لأنه كان عامل فتنه
ماتخلطوش ابو قرش علي ابو قرشين
واشتموا بس بعيد عن الانبياء والرسول الله يخليكم
وماتنسوش سيدنا موسي اللي قتل واحد في خناقة
وربنا خلاه يطلع الصحرا وهو المرفه المتربي في قصر الملك
ده برضوا القضاء اللي عمل فيه كده
ياناس ارحمونا بقا
وفوتكم بعافية 
ياسااااااااااااااتر

هناك 6 تعليقات:

فارس القمر يقول...

لا حول ولا قوة الا بالله ... والذين اذا اصابتهم مصيبه قالوا ان لله وان اليه راجعون
احنا فى زمن اصبح الجاهل مفتى
اللهم اخرجنا منها على خير

ابراهيم رزق يقول...

اهدى يا شموسة
دى سياسة يعنى مصالح
يعنى لو بكرة بقى الجيش و القضاء بقى معاهم عتلاقى اللى بيقولك عكس كده خالص و بيحاول يثبت بالادلة

شمس النهار يقول...

*فارس القمر

كله بقا بيفتي في اي حاجة ولكا حاجة

شمس النهار يقول...

*ابراهيم رزق

يعني علشان السياسة ادخل بين العبد وربه وبعد كده كمان ادخل مابين النبي وربه
ده جراءة يحسدوا عليها الصراحة

Gamal Abu El-ezz يقول...

المجتمع فى مصر فى عهد مبارك مكنش له غير ثقافة الكورة وكان كل واحد بيعمل نفسه محلل فنى
وبعد متخلع الناس ابتدت تتكلم فى السياسه ومع كلامهم فى السياسه ظهر فئة فى الشعب تنتقدد القضاء الى مكنش حد بيعرفه الا الى بيتقاضى قدامه وظهرت حركات الإلحاد والتكفير
فلا تتعجبى إن لقيتى إنسان نصب نفسه مفتى وبيستقى أى دليل علشان يبقى كلامه صح .
ونحن فى زمن كثرت الفتن أهم شئ حافظى على ما عندك من أفكار وتربية ما لديكى من أطفال أو شباب

شمس النهار يقول...

* Gamal Abu El-ezz

عارف انت لخصتها حلو اوي
فعلا احنا في زمن الفتن
ربنا يعااااافينااااا