الخميس، 21 أغسطس 2008
مهند باشا افنديم
كنا ناقصين السيد مهند راخر خلاص بقينا ملطشه لكل التفهات بصراحه انا شايله المراره لكن حاسه انه طلعتلي تاني ياتري ايه سر اهتمام الناس ليه البنات والستات مهبولين كده علي المدعو مهند ؟واحده قالت شفتي جماله والتانيه قالت شفتي بيعامل مراته ازاي انتي مستكتره علينا الخيال قلت ماشي بس ده حتي مافيش قصه اصلا والاسيناريو وكمان الممثلين دمهم يلطش بلد بردين ورخمه ما احنا معشرين سلالاتهم وعارفين الاتراك وجمود مشاعرهم تلاقيهم عاملين المسلسل ده عشان يعلموا الاتراك الرومانسيه طيب احنا ذنبنا ايه مش عارفه مش قادره اهضم الموضوع وزاد الطينه بله التليفزيون بتعنا جري واشتراه بناء علي طلب الجماهير اشمعنا الطلب ده اللي جريوا عملوه ما الناس عايزه حاجات كتير مابتتعملش ليه الرحمه من عندك يارب
الاشتراك في:
تعليقات الرسالة (Atom)
هناك تعليقان (2):
في الواقع انا مش متابع المسلسل لكن لاحظت اهتمام البنات
عموما اي مسلسل مدبلج بيبقي دمه تقيل الأفضل يكون مترجم
لكن عموما الشعب المصري يهوي المسلسلات
علي الأقل احسن من المسلسلات الأمريكية
وبالمرة نتفرج علي بلاد الأتراك بلوشي
هو كدة الحكومة والأعلام طبعا ماشيين بمبدأ الفنان محمود عبد العزيز فى فيلم الكيف لما قال >> ادينى فى الهايف وانا احبك يا افننس :))
مسلسل اهبل هيشغل عقول الناس عن الغلا والزحمة والسرطان والفلوس اللى بتخلص تانى يوم فى الشهر يبقى اجرى يا عم انت وهو اتعاقدو على المسلسل وخللى الشعب يعيش
إرسال تعليق