الجمعة، 29 أغسطس، 2008

الست السفيره

شكرا للست السفيره كتر خير اللي بعتوها
الحقيقه عملت اللي عليها
ولسان حاله بيقول(مايحكمش اشمعنا ده اللي ادفع فيه فلوس مااحنا عمالين نقتل في العراق والا حس والا خبر)
واحد قالي انت زعلانه ليه دا تلاقي اهله امبسطو ولسان حلهم قال مش عايزين حد تاني من العيله
حطيت في نفسي وقلت ياه البني ادم بقه رخيص كده
استرها يارب

هناك 10 تعليقات:

TAFATEFO يقول...

مال الست السفيره

ازاي اتفاق بيع دم مصري .. يتعمل في مبنى المحافظة .. بحضور المحافظ

ولا كل حاجه نقول الست السفيره ؟؟ الست السفيره كتر خيرها حلت مشكلة كان المفروض يقع فيها وطنها .. وحمت مواطن ليها من الحساب والعقاب .. وكل ده بأقل الأثمان

كثر خيرها ويا ريت شوية الـ (تيت) المصررين اللي في منصبها ياخدوها قدوه ويتعلموا منها

شمس النهار يقول...

انا مابتكلمش علي شطارتها
انا بتكلم علي خيبتنا
وعلي واقعناالمرير

شمس النهار يقول...

وبعدين يادرش انت فاهم ان القضيه دي كانت يعني هتعمل ايه
فشنك وحياتك
فين قضية سلوي حجازي فين الاسري المصريين
وفين اللي ماتوا علي الحدود المصريه
وفين الي ماتوا في العراق
زمان ودلوقتي
اللي كانت بتيجي الجثث في نعوش زي الفل تخرم عين الكبير
ياسيدي

tarek momen يقول...

انا لم اقرا شئ عن الموضوع
هي عملت ايه بالضبط
علشان افهم

شمس النهار يقول...

طارق
عملت ايه
دفعت الديه لآهل البمبوطي
اللي قتلوه الامريكان في السويس
والناس اتنزلوا عن القضيه
بس مش عارفه
العسكري اللي قتله قدم كفنه مع الديه والا لا

appy يقول...

بصى يا شموسه هو ده احسن من مفيش يعنى عائل الاسره مات ومفيش له اى حاجه والحمد لله ادولهم تعويض
وعموما مش دى المشكله المشكله فى المصايب التانيه
اللى كل يوم والتانى يقتلوا لنا واحد على الحدود ويقلك مش احنا ولا احنا كمان قاردين نفتح بؤنا باى كلمه
صدقينى اهو حاجه بدل حاجه والاعتذار مش وحش بجد على الاقل اقروا بغلطتهم

شمس النهار يقول...

انا ياأبي
بتكلم ان احنا ماباقاش عندنا دم
كان ممكن تتلم تبرعات لآهل البمبوطي
او اي حاجه تانيه تصرف عليهم
وفي نفس الوقت نمشي في قضيه
ان شاء الله مانكسبهاش بس اه نكون عملنا منظر بدل الاستسلام ده
حد يقولي يعني وبتوع العباره عملوا ايه بقضيتهم
هقول يمهل ولايهمل وكل سنه وانت قلبك جميل زيك

Foxology يقول...

كدة السفيرة ضربت الحكومة على سورى قفاها

كل واحد مات فى العبارة كان تمنه 10 جنيه علشان القبطان خد غرامة 10000 جنيه لكن واحد بس امريكا قتلته اهله خدو 750 الف جنيه يبقى بالذمة حكومتنا ولا تعويض امريكا ؟؟؟؟؟؟؟

البنى آدم غالى سواء كان مصرى ولا حتى اسرائيلى الفرق فى المعاملة من الحكومة هو اللى بيفرق شوفو السفارة عملت ايه وشوفو الحكومة عملت ايه وارجعو لملابسات الحادثة والحقيقة هتبان

يمكن كلامى يكون غلط قدام ناس بس ده رأيى واحتمال يكون صح واحتمال برضه يكون غلط

شمس النهار يقول...

حمد الله علي السلامه
شوف التعليق ده من ست بسيطه
بتشتغل عندي
لما حكيت لها الحكايه
ماتستغربش انا بحب اتكلم معاها وصدقني بسمع منها كلام
بيحيرني انا نفسي
المهم قالت
الله طب مابدل الناس ماتبيع كليتها
عشان تصرف علي عيالها
مايشوفوا الراجل ده عملهم ايه خد الفلوس الكتير دي
مش دول هيعيشوا ولاده مستورين يامدام
قلتلها وجيرانهم كمان يا ام محمد
ايه رايك

appy يقول...

يا شموس
عمرهم ما كانوا هيعملوا حاجه وبعدين الديه موجوده فى الاسلام علشان ميبقاش يا حبيبى موت وخراب ديار ومتنسيش انهم قدموا اعتذار يا قمر وصرفوا لهم
750الف جنيه
فهمتى يعنى مش تعويض اى كلام مش هدر كرامه الدور والباقى فعلا على بتوع العبارة وفى النهايه مخدوش حاجه

كل سنه وانتى طيبه يا قمرايه