الجمعة، 7 نوفمبر 2008

افكار

بعد مافقدت العزيزه الغاليه واحتسبتها
قعدت افكر ياتري هي راحت فين وليه الحاجات بتختفي مانعرفش راحت فين
وافتكرت بقه ونش مترو الانفاق العملاق اللي اختفي في غمضة عين
وحاجات كتير ماعرفناش اصلها وفصلها
زي مين وليه اتعمل كده في سعاد حسني والصحفي اللي اختفي في ظروف غامضه
وغيرهم من الحوادث الغامضه
المهم اهي تخاريف تشركوني فيها
---------------------------------
(*المهم*)
ان شاء الله سيتم افتتاح مطبخ شموسه بالمدونه قريبا
الفكره جت لما بنتي اتجوزت اليومين اللي بتقعدهم في بيتها بتطبخ وانا معاها علي التليفون
وكمان الحمدلله انا مشهوره بالطبيخ الجيد والاختراعات الطبيخيه
هنطبخ في المدونه الاكل المصري بتعنا واهو نحافظ عليه من الاندثار
وعايزه اشكر ضد التيار اللي ساعدتني اني اعملها
--------------------------------------
ملحوظه:
ناس كتير بعتت لي علي الميل تسأل عن سني وليه ماكتبتوش في البروفيل
ارد بقه ؟وليه نسأل علي الميل انا هجاوب علي البوست 49سنه واربع شهور
اناماعرفتش اكتبه اصلا وانا بعمل المدونه
بس اللي متابع المدونه هيلاقيني ذكرته في اكتر من تعليق

هناك 60 تعليقًا:

Sweet Violet يقول...

دايما فى اسئله مالهاش اجابه

وكتير الحقيقه مابنعرفهاش وقتها لكن مع مرور الايام او السنين بتظهر

يعنى الواحد اخد على كده الحمدلله

-------
مبروك على المدونه و ان شاء الله نتعلم منها

بس يارب نتطبق D:

شموستى قولتلك احنا مفيش بيننا شكر ..بجد احرجتينى لما شفت الكلمه
------

العمر كله ليكى و ربنا يبارك لك في اولادك يارب

دمتِ بكل حب و ود

فشكووول يقول...

يا شمس .. البقاء لله ولو انى مش عارف متأخره ولا ايه .. وألف مبروك زواج بنتك يعنى قربت تكونى جده زي انا جد لملك واحمد
يا شمـــــــــــــــــــــــس
من بقك لباب السما

أسير الجراح يقول...

مطبخ شموسة


بس ياريت بسرعة علشان بجد انا جعان اوى


الف مبروك للبنوتة الجميلة

اتمنى تنورينى

البوست مستنى تعليقك


كل الود


اسير الجراح

أمل حمدي يقول...

ازيك يا شموسة

مبروك عليكي المدونة الجديدة ان شاء الله

تكون حلوةزي صاحبتها

ربنا يبارك فيك وفي العروسة

تقديري

عمرو يقول...

شمس النهار
ما بلاااااش يا شمس تورطى نفسك مع الأزواج اللى حيرجعوا يتغدوا و يتلككوا لزوجاتهم على أى حاجه و يجيبوها فى الأكل و تبقى أنتى اللى فى الصوره ههههههه
بس بجد أنتى رائعه و شجاعه

SHAPE YOUR LIFE (ABOALI) يقول...

هههههههههههههه
شمس النهار فتحت المطبخ يارجاله
هجوووووووووووووووووووووووووم
دفااااااااااااااااااااااااع
هجوووووووووووووووووووووووووم
دفااااااااااااااااااااااااااع
اوووووووووووووووووووووووت
عازوين حكام اجانب
عاوزين حكام اجانب
ههههههههههههههههههههههههههه
يا ليلة ماجالى الغالى
وخبط على الباب
قالى بتعرفى تتطبخى
قولت انت واد كداب
قالى ليه يا حبيبى العتاب
بكرة تشوف وتدوخ من رايحة الاحباب
ملوخية وبامية طويلة التيلة
مكرونة وماحاشى كتيرة
بسبوسة وكنافة
وسلامى لاءبلة نظيرة



الله الله الله
والله حاجة جميلة افتقدناها
البنات دلوقتى لو قولتى ليها اعملى شوية قلقاس او خبيزة او سبانخ
تقف اقصادك مبلمة وتقول هاااااااا

ربنا معاكى
الله معاك ومعاك قلوبنا احنا معاك
وانت حبيبنا

تحياتى
اوعى تزعلى من ضحكى ده عشم

Unknown يقول...

السلام عليكم
ورحمة الله تعالى وبركاته
مبروك مقدما على افتتاح المطبخ قريبا وان شاء الله حتلاقينا موجودين على طول بس بشرط: ندوق من كل حاجة حتعمليها
اللى اوله شرط اخره نور ,صح؟
وبهناء والشفاء لكل من
حياكل من ايديكى .

مفكر يقول...

انا مليش في الطبيخ بس مفيش مانع ألقي نظرة علشان لما ربنا يريد أشوف أنا عرفت أختار ولا ايه...........

فاروق عادل يقول...

الف مبروك ياشمس لزواج بنتك ومستنيين مطبخ شموسة

Empress appy يقول...

ربنا يخليكي للغلابه اللى زينا يا رب ههههههههههههه
ومبروك لبنوتك

tarek momen يقول...

حكاية المطبخ دي مش شطارة
انا ممكن اقول وصفات ولو طلعت مش حلوة و في الغالب طبعا مش حلوة
ها اقول ان العيب علي اللي طبق الوصفة
عموما لما نشوف

صابر وراضى يقول...

وعليكم السلاااااااااااام
الاول الف مبروك لبنتك
ثانيا
تصدقى والله العظيم انا كنت ناوى اعمل مطبخ فى مدونتى
بس انتى سبقتى
وطول مانتى قلتى انك فنانه فى تاليف الطبخ
يبقى مش هتلاقى حد زى انا
يفهم ويقدر مدونتك
اتمنى المره الجايه اما ادخل
اكل المدونه والتعليق وصوابع ايدى وراهم

رئيس جمهوريه نفسى يقول...

الف مبروك لبنتك وعقبال ما تفرحى باولادها ان شاء اللة قادر يا كريم
والفكرة هائلة اهو الواحد يتعلم حاجة تنفع برضة فى الطبخ

شمس النهار يقول...

*ضد التيار
لازم الانسان يعترف بفضل الاخر ويشكره
وانت تعبتي معايا
كفايه انك مازهقتيش وكتبتيلي الخطاوات اكتر من مره
ان شاء تتعلمي الطبيخ معايا
وماتحرمنش منك

شمس النهار يقول...

*فاشكول
مانجيلكش في حاجه وحشه
والله يبارك فيك ده تم من6شهور
عقبال احفادك

شمس النهار يقول...

8اسير الجراح
عقبال عندك
عينيه اول مانفتح المطبخ هندهلك

شمس النهار يقول...

*ماما اموله
الله يخليكي
وان شاء الله نطبخ سوا
بنوتي اتجوزت من 6شهور ومجنناني في الطبيخ
عقبال عندك

شمس النهار يقول...

*عمرو
ماتخفش الا المطبخ ده لعبتي
مش قادره اقولك اكلي مشهور ازاي
بس انا هكتب الوصفه بالتفصيل
والمهم نفس اللي بتنفذ
وبعدين خليها علي الله

شمس النهار يقول...

*ابو علي
ماشي ماشي
المهم تدخل تاخد الوصفه للمدام
ونشوف
هحط الشعر علي التلاجه بعد مااطبعه علي ورقه بعد اذنك

شمس النهار يقول...

*نوراهاتي
المهم انكم تدخلوا وتجربوا
معايا

شمس النهار يقول...

*مفكر
وفيها ايه لما تدخل وتجرب
وتعملك صنف والااتنين
حتي تغيير

شمس النهار يقول...

*يوميات طالب
الله يخليك يافاروق بس دي اتجوزت من 6 شهور
لازم تدخل المطبخ وتجرب

شمس النهار يقول...

*ابي
لازم تدخللي وتتعلمي عشان ماتعمليش زيها انا بدخل اخوتها دلوقتي المطبخ يتعلموا
وعقبالك بس هي اتجوزت من 6 شهور

شمس النهار يقول...

*طارق
يامساء الاحباط
طب ماشي
انا هكتب الوصفه ونشوف كام واحد او وحده طلعها صح
وبعدين احنا هنعمل الاكلات المصريه مش هنخترع

شمس النهار يقول...

*صابر وراضي
وعليكم السلام
الحمد لله ضمناحكم من اللي عايزهم وبينادي عليهم ابو علي
ان شاء الله هطبخ الاكل المصري بتعنا الجميل
عشان نعلم البنوتات الجداد ازاي يطبخوا

شمس النهار يقول...

*رئيس جمهورية نفسي
الله يبارك فيك ده كان من 6شهور
ان شاء الله تتعلم معايا
ماحدش عارف بكره في ايه

mido يقول...

انا مستنى الاختراعات الطبيخية ههههه

------------------

ادى الباس وورد لضد التيار تظبطلك القايمة والمدونة علشان القايمة مش عجبانى

mahasen saber يقول...

هايل والف الف مبروك مدونه جديده وايه للاكل هايل جدا
ولحضرتك اكله هديه اول ما المدونه تنزل
ومبرك لبنت حضرتك مع ان شكل مبروك ده قديم شويه
ربنا يسعدها ويباركلها فى اسرتها

mido يقول...

القايمة تمام كده

romansy يقول...

مش مهم السن قد ما مهمه الروح
وكمان بقى ياريت تعلمى المدونات الصغيرين اللى لسه داخلين على جواز الطبيخ
احسن يجوعوا اجوازهم

mohamed ghalia يقول...

فكرة كويسه
بس الراجلة يدخلوا يتعلموا ولا لا ههههههه
تحياتى
دمتى بود وفى سعادة

أحــوال الهـوي يقول...

مبروك مرتين علي زواج ابنة اختي و علي مطبح شموسه
و الوحيدة اللي مش هتقرا الوصفات هي بنتك لانها عندها الاصل
حدي بالك انا طباخ ماهر يعني هدوق الوصفة و اذا ماعجبتنيش راح اقول يعن اكل و بحلقه

تحياتي

nabil يقول...

بالتوفيق يا رب في الأفكار الجديدة والجميلة اللي زي دي، ويا رب الأكل يبقى حلو ^_^

ومبروك لبنتك وربنا يخلي لك اولادك كلهم ويخليكي ليهم.

شمس النهار يقول...

*ميدو
ايه الاحباط ده وقعت قلبي القايمه مش عجباك ليه
ما كل الناس فيها اهو وبتطلع اخر واحد كتب
ده بنتي فتات القبيله الصغيره قعدت تكتب فيها لما صعبت عليه
كده ياميدو ماكنش العشم وانت معلمي

شمس النهار يقول...

*محاسن
الله يخليكي
ان شاء الله نعلم البنوتات الصغيرين الطبيخ المصري الجميل اللي اتربينا عليه
بنوتي متجوزه من 6 شهور
ومجنناني في موضوع الطبيخ

شمس النهار يقول...

*ميدو
تمام والا مش تمام
ياريس ارسي علي بر
اقفل الشباك والاافتح الشباك
طب ركز كده ونبي حلوه

شمس النهار يقول...

*رومنسي
اهلا بيك
انت الوحيد اللي علق علي موضوع السن
بالظبط مش مهم السن
المهم العقل والقدره علي التواصل
وان شاء الله نحاول نعلم البنوتات الطبيخ
المصري الاصيل

شمس النهار يقول...

*محمد غاليه
طبعا الرجاله هتدخل تتعلم وتاكل كمان
وكمان ياخدوا وصفات يدوها لؤلي الامر المنزلي ينفذوها سواء كانت زوجه او ام او لو مغترب يكون هو
استنه علي بس الرجاله كلهم هيطبخوا ان شاء الله

شمس النهار يقول...

*احوال الهوي
الله يبارك فيك عقبال اولادك هي تزوجت من 6 شهور
وتمام قوي كده ضمنه حكم تاني مادام لك في الطبخ
عشان ابو علي عايز حكام للمطبخ خلاص اهو انت وصابر وراضي
انتم حكامي
وماتخفش اختك طباخه ماهره بشهادة الحميع

شمس النهار يقول...

*نبيل@
الله يخليك وتنجح السنه دي بمجموع يشرف المدونين كلهم
وان شاء الله الاكل يطلع حلو ويعجبكم

Foxology يقول...

ما اكثر الغموض فى المحروسة ؟

المطبخ اكيد هيبقى حاجة جميلة مستنيين :)

دوم العمر يا افندم :)

تحياتى :)

شمس النهار يقول...

*فوكس لوجيا
تفتكر يوم القيامه هنعرف الاجابه والا لما بعد عمر مديد نموت هنعرف
والا ساعتها هيكون مش مهم كفايه اللي احنا فيه
المطبخ هيعجبك ان شاء الله لو حد عندك عايز يتعلم اديه اللنك

Eno يقول...

والله لسه كنت من يومين قريت عن موضوع الحوادث العجيبه دي ابتدا من حادث اسمهان الي مالا نهايه بأه

هستنا مطبخ شموسه وهكون ان شاء الله متابعه جيده لاني بحب المطبخ جدا :)

ربنا يدي لحضرتك الصحه :)
تحياتي :)

شمس النهار يقول...

*اينو
اهلا بيكي نورتيني
الحاجات الغامضه دي ربما الاجيال القادمه تعرفها
ان شاء الله نتعلم الطبيخ المصري مع بعض
واحده واحده

شخـا بيــط مـحـجـوب يقول...

ربنا يديكى الصحة والعا فية انتى وامى ونتمنى نشوف حاجه جميلة فى المطبخ اكيد هتكون رائعة
تحياتى ليكى
تقبلى مرورى
شخابيط mahgoub

كـــيــــــــارا يقول...

مبروووووووووووك


المدونه الجديده

وان شاء الله نستفاد منها

والعمر كله ليكي

طب انا كده بقي مش هقول شموستي وهقولك مامتي :)

Teawater يقول...

السلام اول كلامي
مامتي شمس النهار انا حبيتك كتير بجد والله انتي ومدونتك دخلتم قلبي ع طوووووووول يارب تقبليني هنا انا نفسي بجد افضل اعلق هنا ع طووول والله الكلام ده من قلبي بس انا حبيتك اكتر عشان انتي فنون جميله يا سكرة يا عثوله
تقبلي مرور بنتك
مشمشه

شمس النهار يقول...

*شخابيط محجوب
ان شاء الله ربنا يكرمنا سوا ونتعلم الطبيخ المصري بتعنا الحلو
كل سنه وانت بخير
وربنا يبارك في ماماويخليها

شمس النهار يقول...

*كيار
الله يبارك فيكي وتتعلمي معايا الطبيخ المصري الحلو بتعنا
قولي ياجميله اللي انت عايزاه
انا مابزعلش بالعكس اصحاب ن=بناتي برضه بينادوني بأسم الدلع بتاعي
وعلي فكره برضه همه اللي طلعوها في دماغي
عشان بيحبوا اكلي جدا
ماانا عندي هنا مستعمره للبنات
3بنات بصحبهم

شمس النهار يقول...

*مشمشه
نورتيني واهلا بيكي
وتعالي دايما
وكمان اتعلمي الطبيخ معايا
هزورك انا كمان في مدونتك

د/ رامي شهاب الدين يقول...

مبروك عليكى المطبخ، ويارب يكون فاتحة خير عليكى

وقبل ما أنسى بردة مبارك عليكى جواز بنتك ، وعقبال جواز باقى بناتك وتشيلى أولادهم كمان

وسلامى لأبو على وقولى له إن أبلة نظيرة هى كمان بتسلم عليه ههههههه


تحياتى الغالية

ana ga3an يقول...

صغننة يا شموسة
:)

بس انا شامم ريحة حاجة بتتحرق
دة طبيخ النهاردة
مكرونة بالحريقة؟

شمس النهار يقول...

*د/رامي شهاب الدين
الله يبارك فيك
بم ان مدونتك اسمها ابله نظيره المفروض نعمل انداج زي بتاع البنوك.........
حاضر هبلغه
وعقبالك بس هي اتجوزت من 6 شهور

شمس النهار يقول...

*اناجعان
بصيت ومافيش حاجه بتتحرق
طب شوف عندكم كده.......
تعرف مدونتك هي اكتر مدونه مشتفيده من المطبخ مش انت جعان
خلاص عملنالك مطبخ كل ياعم براحتك واكل حبيباك

خمسة فضفضة يقول...

السلام عليكم ورحمة الله وبركاته

الف مبروك المدونة الجديده
، باحب انا مدونات الطبخ دي ، آدينا بنتشارك في الافكار والافتكاسات المطبخيه مع بعض ، ويبقي الرجاله هما حقل التجارب بتعنا ، خلينا نخلص شويه من حقنا
ههههههههه

-------

بالنسبه للاكواد الضايعه المفروض لما تيجي تغيري التمبلت بتاع المدونه تشيلي كل الاكواد اللي علي جمب لمدونه في نوت باد او ملف وورد عشان ترجعي تحطيهم تاني ، واي حاجه عاوزاها من صور او كلام او اي حاجه علي السيد بار لازم تحفظيها علي جهازك الاول قبل ماتلعبي في التمبلت عشان ماتضعيش

والافضل خالص انك تاخدي نسخه من كود الاتش تي ام ال بتاع المدونه عندك عشان لو حصلت اي حاجه مش ولابد



سلام

خمسة فضفضة يقول...

آه نسيت اقولك
مبروك لزواج بنتك وربنا يهنيها ويرزقها بالذرية الصالحه

شمس النهار يقول...

*خمسه فضفضه
اهلا بيكي
وشكرا علي النصائح الغاليه دي
وان شاء الله نطبخ سوا
والله يبارك فيكي عقبال عندك
بس هي تزوجت من 6 شهور

من غير عنـــوان يقول...

أولا مبروك لبنوتك
ولو إني ماكنتش حاسس أصلا غير إن اللي بتكتب دي أصلا في سن بناتي... مش مجمله... كلامك كله حيوية ونشاط بنت العشرين ... أيوة كده... نفسي أشوف كل ستات مصر زيك بيكتبوا مدونات ...
برافـــــــــــو

أمنياتي


ثانيا
أكيد ان النسيان نعمة جميله... بالذات في الحاجات الحزينه... وساعات بيكون زي الدواء... يداوي العيوب
أو الأخطاء أو الزمن أو ..... حاجات كتيرة بيعملها النسيان
ونسنل الونش وسعاد الحبوبه وحاجات تانيه



يارب دمها نعمة

شمس النهار يقول...

*بدون عنوان
شكرا علي المجامله اللطيفه
مش مهم السن المهم الانسان حاسس بي ايه
الله يبارك فيك هي تزوجت من 6 شهور الحمد لله
فعلا من نعم الله علينا النسيان
بس في حاجات بتتنسي وحاجات بتتحط كده في ركن وبتطلع كده ساعات
نورتني

Raghda Rashad رغده رشاد يقول...

فكرى براحتك

دى حاجة مش بفلوس
ولا ممكن يتقبض عليكى لانك بتفكرى جواكى او معانا

بالعكس..الدنيا بتنور لما نفكر اكتر
نفسىاعفر النور بييجى منين بس بجد بتنور

انا كنت حاسة ان عندك خبرة بسبب سنك
بس اللذيذ بقى انك محتفظة بتلقائية و عفوية و خفة دم باحس انهم بيروحوا مع الزمن عند ناس كتير