الخميس، 13 نوفمبر 2008

اوبامااااا اوبماااااا اوو اووووو

هو في ايه؟
هي موضه اسمها اوباما كل ماافتح جرنال اوبامااو مجله اوبامااو تليفزيون اوباما
تلاجه اوباما حنفيه اوباما
مدونه اهو اوباما
خلاص عرفناانه الفارس المغوار ابو سيف(خشب)وحصان(حلاوة المولد)
هو الاعلام افلس وماصدقوا عاملين زي خالتي بمبه ده ابوه ده امه ده جدته ده اخوه ده اخته
ماخلاص والا ده غسيل مخ
عرفنا ان امريكا حلوه وجميله وجابت ولد صغنن وكوكتيل امريكااااااني
مالامريكان كلهم كوكتيل ايه المشكله مافيش امريكان غير الهنود الحمر وكمان مااسمهمش كده اصلا
واللي زاد وغطا علي الكل وده اللي استفزني اصلا
شعبوله (شعبان عبد الرحيم) هيغنيله اغنيه اشمعنا هو يعني الراجل يغني لأسرائيل و اوباما لا ده حتي اسم ابوه حسين
ياله ماهو مولد
بصراحه لي رأي في موضوع اوباما ده انا مالييش في السياسه بس انا مواطنه بسمع وبحس
مش عارفه ليه فرحانين قوي كده بالشب
***الشعب الامريكي فرحان عشان عمل اللي هو عايزه
ده لو كان هو ده اللي هوعايزه ومااتوجهش ليه
امريكا حبت تغير صورتها وتقول اني مش عنصريه والابكره المسلمين
وطبعا ده بعد البهدله اللي شافتها وورتهلنا في العراق
اهو الريس اسود من اصل افريقي وابوه مسلم وامه بيضه
يعني كوكتيل عنصريه في بعض
ونبي مفصلينه تفصيل
ايه الحلاوه دي
همه جابوه منين ده
ده علي المقاس
اوعوا تقولوا بقه ان امريكا فيها عنصريه والا بتكره المسلمين والا السود مش واخدين حقهم
واهو المؤسسات حاكمه البلد واربع سنين تفوت والا حد يموت
وعلي مااعتقد هي مش عارفه تنسحب من العراق بكرامه ازاي تجيب حد عايز ينسحب من هناك ويكون عيل
ماهو مش معقول امريكا مافيهاش غير ماكين ده عشان يترشح امام اوباما
ماكين ده مابيجمعش اصلا
كان لازم يجيبوا حد اهبل امامه
احنا مالنا بقه باللي بيعملوه يجيبوا زيد يجيبواعبيد والا نطاط الحيط السياسه واحده
دي دولة مؤسسات ياجماعه
همه حبوا يصلحوا صورتهم شويه عشان الضربه اللي جايه
ده شغل يهود
و شفت خبر يفطس من الضحك الرئيس الكيني اده الشعب اجازه عشان يحتفل
والا ايه اخوه الغيرشقيق عمال يرقص الايعني هياخد حاجه
هم يضحك وهم يبكي
خلينا احنا فالافلامانات اللي عندنا علي رأي بنتي
---------
وعل رأي عزيزتي ابي
بكره نقعد جنب الحيطه ونسمع الظيطه(مع الاعتزار للحيطه طبعا يعني كلنا كده هنقعد جنبها ازاي)

هناك 74 تعليقًا:

mido يقول...

اووووووووباما

بتقرى جرايد ومجلات ايه اللى دوشة دماغك؟

mohamed ghalia يقول...

يادى أوباما
أنا اتخنقت من الراجل ده
انا حاسس إننا فى لعبة ولسه اللعبة بتبتدى
تحياتى

Sweet Violet يقول...

الصراحه مين سمعك

فعلا الواحد بقى كل حاجه يشوفها يلاقى اوباما

بس على فكره اوباما مش مسلم مين قال كده ؟؟؟

الاول الكل كان فاكر كده لحد ماطلع و قال انه مش مسللللللللم

و كمان العمليه واضحه فعلا انها تحسين صورة امريكا

بس برضه مش هاننكر انهم عاملوا خطوة للتغيير بالنسبه ليهم

الغريب فعلا اننا احنا اللى فرحانين كان التغيير حصل لينا احنا و احنا مش واخدين بالنا

اهو يجيبوا الابيض و لا الاسود و لا حتى شاى بلبن كله واااااااااااااحد

عمرو يقول...

لا أوباما و لا أمريكا بيملكوا من أمر نفسهم شىء
دول مجرد لعبه فى أيدين الماسونيه و الصهيونيه اللى هم الأتنين بينبعوا من منبع واحد و بيصبوا فى مصلحة اليهود فى النهايه
فاكره كلينتون ؟ مجرد بس ما فكر فى مصلحة العرب حته صغنونه قد كده راحوا فورا زقوا عليه البنت اليهوديه دى و فضحته و جرسوه اٍعلاميا و خلوه فرجة المعموره هههههه
أوباما و لا غيره كلهم مندوبين لاٍسرائيل فى البيت الأبيض ليسوا اٍلا

من غير عنـــوان يقول...

ياختي... أنا ماليش دعوة بالسياسة... قوليلي.. طبختلنا إيه النهارده..



أوباما قال...
استغفر الله العظيم..
ده عامل زي الفيس بوك
من بره هالله هالله
ومن جوه يعلم الله

SHAPE YOUR LIFE (ABOALI) يقول...

ليييييييييييه يا شمس النهار
تجيبى لنفسك الاذى
حررررررررررررام
تتضيعى عمرك

اوباما يا ستى دلع محمد
يعنى هو اسمه محمد
حسين اسم ابوه
يعنى هو اسمه الحقيقى محمد حسين
وكمان لمعلوماتك بقى علشان افرسك اكتر

هو من الاخوان المسملين
وكمان مؤسس القاعده
مش قاعدة الحمام عيب تقولى كده على الراجل بطلوا افترا
وكمان اوباما فى مختار الصحاح
بابا وماما
عيب عليكى تغلطى فيهم كده

باراك بقى دى حدوته لانها
دلع مباااااااااااارك
عيب عليك شوفتى ازى بتلخبطى فى الكلام
وهو ده تاثير الطبيخ بتاعك
ما انا قولتك بلالالالالالالالالالالالالالاش

وبعدين كمان
تجيبى سيرة الفنان المبجل صاحب التعاريج الانسانية واستاذ الفكر الشعبولى
وعميد اعمده المكاوى
عيب عليك لاءنك كده غلطتى ولازم تعتذرى


ماتزعلش يا اوباما
مايعرفوش انك بابا وماما
انت الرمز والوطن
انت مؤسس العدل على جناح يمامه
ما تزعلش يا اوباما
انت حبيب الروح
ومن غير ما نجيب فى سيرتك
الكلمات تضرب الحروف لغايه متطلع الروح
انت الزعيم والامل
انت اللى زرعت الارض البلح
طلع برسيم اكلناه واحنا مبسوطين
عاااااااااااااااااااااااااااا
ولايهمك يا اوباما
وماتزعلش علشان خاطر بابا وماما
الله معاك ومعاك قلوبنا
انت الشراع والمركب اللى هاتدوسنا

تحياتى

يا ترى مين معاهم

أمل حمدي يقول...

ههههههههههههههههههه

انا زيك يا شموسة ماليش في السياسة ولا احبها
وخلينا ويا الكداب لحد باب الدار

سلام يا شموسة

شمس النهار يقول...

*ميدو
كله حكوميه وام عارضه وام سحلول
مش مخليين
وطلع لي شعبوله راخر

شمس النهار يقول...

*محمد غاليه
طبعا في لعبه هي ابتدت بس الدور لسه ماجاش علينا
ماهو احنا من ضمن اللعبه واللعيبه والمتفرجيين

Foxology يقول...

هو ده الكلام ياشمس

محاولة تجميل الصورة مش اكتر :)

شكرا للأفكار الصح :)

شمس النهار يقول...

*ضد التيار
هو من الاول نفي وبشده هذه التهمه عن نفسه صراحه الراجل كان واضح
وراح اسرائيل كمان
ماكان عدي علي مبارك خد الشاي ماالحيط في الحيط

شمس النهار يقول...

*عمرو
اه وكلينتون صعب عليه جدا
شردوه
بس مراته بصراحه كانت شجاعه

شمس النهار يقول...

*من غير عنوان
كده وانا طابخه النهارده عشانك انت وعمرو
يعني ماكلتش الملوخيه والارانب
تشبيه اوباما بالفيس بوك عجبني
ماده النيو لوك بتاع امريكا
قالو نغير بدل الابيض نجيب اسود الرئيس الجاي
كروهات

شمس النهار يقول...

*ابو علي
ايه الكلام اللي عامل زي الرز ابو خالطه
بس الشعر عامل زي البسبوسه
بس البلح علي النخل
البرسيم طلع علي النخله ازاي
ماشي

شمس النهار يقول...

*مامااموله
عندك حق خلينا وارا الكذاب بس الراجل
بصراحه ماكدبش في حاجه لحد دلوقتي
تعرفي ان شاء الله هنزل بوست عن الكدب قريب

شمس النهار يقول...

*فوكس لوجيا
بصراحه هو ده اللي انا حسيته من الفيلم الامريكاني ده

عمرو يقول...

كلينتون مراته كانت عاقله هههههههه

شمس النهار يقول...

*عمرو
ايه اللي بيضحكك كانت عاقله اه

كـــيــــــــارا يقول...

هههههههههههه


اه والله ومين يسمعك انا جالي ضغط

عمرو يقول...

بأضحك لأن شدة العقل أحيانا بتبقى حاجه تضحك

شمس النهار يقول...

*كيار
ايه الصوره الجميله دي

شمس النهار يقول...

*عمرو
عشان انت راجل مش هتحس هي عملت ايه

صابر وراضى يقول...

وعليكم السلااااااام

انتى عندك حق بكره نقعد تحت الحيطه لكن مش هنسمع الظيه
لالالالالالا
دا هيهد الحيطه علينا
اوباما دا اصلا الموضه
او الموديل الجديد

كـــيــــــــارا يقول...

عجبتك الصوره (وش مكثوف خالث)

Unknown يقول...

اييييه فيييي ايييييه؟
حضرتك زعلانه ليه؟
اشييل أي حاجه تعجبك
لكن اشيل قرد ..قرد ليه اشيله ليه بتاع ايه ...هو أنا قرداتي ؟
كده برضه يا شموسه... انا زلعان منك

عمرو يقول...

بالعكس يا شمس
ده علشان أنا حاسس و فاهم كويس هى عملت أيه فأنا مستغرب من شدة عقلها

مفكر يقول...

السلام عليكم:::

انا مش محلل سياسي ...وبصراحة مليش رأي واضح في المسألة لأني مش بتابع أخبار العالم...

أنا عرفت ان أوباما فاز غصب عني الصراحة..الكل كان بيكلم عن الحكاية دية وكأن أوباما هو البطل المنتظر..

تحياتي (على فكرة أنا بعرف اعمل مكرونة)

الازهرى يقول...

العزيزة شمس النهار

هو الاعلام افلس

خبر قديم للغاية
لكن زى ما قلتى فى الموضوع الماضى انك متابعاه على خفيف

وده حل جميل لسلام القوى العقلية
اما بالنسبة لاوباما فربنا يتولاه

الراقصين يتكاثرون فى الموكب ولا ندرى حتى الان اى خطوط اساسية عن سياسته العامة

تحياتى دوما

tarek momen يقول...

بمناسبة الطبيخ بلاش تطبخي اوباميا
القافية حكمت
دمتي بخير

Raghda Rashad رغده رشاد يقول...

مع انى متابعتش كابتن اوباما
بس معرفش ليه متحمساله

عارفه كلامك فكرنى بجملة بس مش تمام كنت بسمعها

واحد قال نقيلى لو سمحت كلب من الخرابة
قاللو روح خد اى واحد ما كلهم(تيييت و لا تيييت)

ياترى ممكن تكون مفرقتش فعلاو الحكاية اختلاف الوان الprinterو بس

محدش لسه عارف...احجزولى مكان جنب الحيطة قبل ما تتزحم

من غير عنـــوان يقول...

طبعا أكلت الملوخيه العظيمة
وجبت معايا هدية.. أرجو أن تتقبليها...
منشورة الآن على صفحتي

تحياتي

Unknown يقول...

السلام عليكم
ورحمة الله تعالى وبركاته
كلام فى الصميم وكمان مختصر مفيد
ووجهة نظر جديرة بالاحترام منه انه(اوباما)مرشح تفصيل لظروف وواقع امريكا الان!!!

مـجـنـووون يقول...

الي بيحرك أمريكا مش الرئيس بتاعها ، الي بيحركها رجال الأعمال والمصالح

يعني أي رئيس أمريكي بيجي بيكون عامل زي قطعة الشطرنج تتحرك علشان مصلحتهم وبس

وبعدين أحنا منحكمش علي حد من شكله او لونه او دينه أحنا نحكم علي الشخص من أفعاله


تقبلي مروري
مجنووون

شمس النهار يقول...

*صابر وراضي
يانهار ابيض الحيطه هتنهد
طب نجري بعيد بقه يعني هنسمع ايه
الملوخيه الناشفه عجبتك بالسلق

شمس النهار يقول...

*كيار
دي صوره جميله قوي
الحمد لله ان لسه في حد بيتكسف

Dr. Ibrahim يقول...

الشعب العربى فاكر

انه اوباما المهدى المنتظر

ربنا يخلى الإعلام العربى

د/هيما

شمس النهار يقول...

*فركشاوي ناوي
زعلان مني انا
انا ماحدش بيعرف يزعل مني اصلا
وبعدين انا حاطه ورده جميله
القرد بتاعك عايز ياكل الورده بتاعتي
هو انت هتنزل الانتخابات

شمس النهار يقول...

*عمرو
عنك حقك تستغرب
بصراحه هي حسستني انها ست فلاحه بتعشش علي بيتها وجوزها من يد الغدر

شمس النهار يقول...

*مفكر
بجد بتعرف تعمل مكرونه
طيب تابع المكرونه النهارده
هنعملها بالبشامل

شمس النهار يقول...

*الازهري
ماانا بتابع السياسه كده بنص عقل اصل انا ماحبش ادي دماغي لأي حد كده

شمس النهار يقول...

*طارق
انت لسه فاكر
ماطبخناه من زمان انت مارحتش المطبخ بتاعي والا ايه

شمس النهار يقول...

*رغده رشاد
اهلا بيكي في اول زياره
مش هينفع نحجز لك عشان صابر وراضي تنبأ
انها هتتهد
فاهنضحك عليهم ونسبها تتهد عليهم
نورتيني

شمس النهار يقول...

*من غير عنوان
الله يخليك والنبي قبل الهديه
بس ده كتير عليه والله
ربنا يكرمك
وبشكرك

شمس النهار يقول...

*نور هاتي
اصبتي فصلوه علي مقاس المرحله تمام
انت ليه ماجيتيش المطبخ بتاع شمس

شمس النهار يقول...

*مجنون
اهلا اهلا انت كنت فين
انت ماشفتش مطبخ شمس ليه
ادخل تاني علي البروفيل وروح المطبخ هناك في ملوخيه

شمس النهار يقول...

*د/هيما
اهلا في اول زياره
الاعلام العربي مابقاش عربي للأسف
نورتيني

د/ رامي شهاب الدين يقول...

من شدة حبنا وتطلعنا للتغيير بقينا بنفرح بأى تغيير يحصل فى أى حتة فى العالم

وكمان أوباما إيه وبتاع إيه ، ده ناجح بملحق ، هو بالذمة مجموع 54 فى المية ده حاجة؟..إحنا عندنا ناس لو حطت فى دماغها مجموع المية فى المية هتجيبها..بس هما بيخزوا العين بس

عموما .. مشى بوش وجاء أوباما ، ولكن الحال سيبقى كما هو عليه

دمتى بكل خير .. تحياتى

elsha3er يقول...

انا شايف ان ما فيش مشكلة هو بس الناس بتغرق واوباما دة القشاية اللى اتعلق بيها الناس ويارب هو اللى ينجدهم مع انى ضد كدة


اسف على تأخيرى

احمد الشاعر

شمس النهار يقول...

*د/رامي شهاب
كلامك صح هو يجي ايه جنب ال99,99%
بتاعة الانتخابات عندنا وفوقهم اخترناك
علي فكره البشامل استوي يافندم اتفضل في السفره

شمس النهار يقول...

*الشاعر
ازيك انت فين ماكتبتش حاجه خالص ليه انت لسه زعلان علي المدونه والا ايه
والا عشان اخر قصيده كانت مكسره الدنيا

Beram ElMasry يقول...

هذا الرد ارسلته للمغالط المزعوم باسم امل فتحى عزت
اخى او اختى امل فتحى
ماهى العقيدة ، فعقيدتك غير واضحة وفى المجمل انت بلا هوية ، واين الرد اللذى ادعيته على مهاترات هذا القمص الموتور وتطاوله على رسول الله صلى الله عليه وسلم ، واين دفاعك المزعوم عن كتاب الله لا كتاب مرقص او متى او يوحنا ولماذا تنشر هذة الوقاحات هنا ولم تنشرها عنده ارجو الرد واضح ومحددلا لف ولا دوران باستعراض مغالطات ساذجة كرؤيتك للجفان والقدور، والرجاء ارشادى للمكان اللذى ينشر فيه زكريا بطرس هذه المغالطات ، للردعلية من واقع مؤلفات متى اويوحنا او حتى برنابا ، ام انت مجرد بوق مروج لهذا المريض المغالط

شمس النهار يقول...

*بيرم المصري
اهلا بيك
ماعودتنيش تدخل المدونه من غير ماتعلق علي البوست
انت زعلان مني
وايه الموضوع بتاع امل فتحي ده

شخـا بيــط مـحـجـوب يقول...

اخبارك يا شموسة عاملة اية يارب تكونى بخير
محدش عارف يا ترى الفارس هيكون فارس ولا هيكون زى بوش ولا العن هه نشوف ونتفرج

تحياتى ليكى

شخابيط mahgoub

Mohamed Hesham Safa يقول...

فكك من الكلام ده ...

الموضوع ان هناك (أو في معظم الدول المحترمة ) السياسة العامة واحدة وموضوعة من قبل مجلس الشعب (الكونجرس مثلا) ... والرؤساء بيتغيروا على نفس السياسة ، وده طبعا شئ يخدم مصالح الدولة دي أيا كانت ...
يبقى بوش يبقة اوباما مش فارقة كتير لأن القرار مش قرار شخصي بحت اطلاقا ... مش زي دول تانية بدون ذكر أسماء ...

الحسنة الوحيدة ... أو الشئ اللي مفرحني شخصيا ... ان اوباما من أصل أفريقي وأنا متعصب للافارقة وللسود بشكل عام ...

وأخيرا ...

obama, say it aloud : I'm black and I'm proud ...

والسـ ختام ــلام

محمد مارو يقول...

كل الحكايه ان الكل و انا منهم فرحانين ان غبى البيت الابيض غار منه

يا لهووووووووى

اوووووووووووف كابوس و انزاح

اما عن اوبما فانا متوسم فيه الخير ن شاء الله

ع الاقل هينسحب من العراق

أسامة وغيداء يقول...

ههههههههههههه
أوباما الحين هو اللي متصدر قائمة الأخبار والأحداث ههههههههههههه
وشكله بسيبب لنا اختناق
غيداء

catroz يقول...

مممممممم
يارب يطلع احسن من غيرة ..

أنا و دماغي يقول...

عاجبني أوي كلمة اتقالت
" إن التغيير هوه اللي جاب أوباما ... مش أوباما هوه اللي هيجيب التغيير "
و فعلا أوباما فوزه كان هدية من الجمهوريين بسبب غبائهم والازمات الشديدة اللي عملوها للعالم كله و آخرها الأزمة المالية
و أوباما للأمريكان انتصار فعلا .. انتصار لديمقراطيتهم .. و الحقيقة أنا لآخر لحظة كنت متخيل إن عنصرية الأمريكان هتغلبهم . بس الحقيقة هما اللي غلبوها و أكيد جزء كبير من انتصارهم على عنصريتهم ده ممكن يرجع لأن اللعبة عجبتهم زي مانتي بتقولي .. عايزين يقولوا اهوه احنا مش عنصريين و لا حاجة
فطبيعي مظاهر الاحتفال الأمريكية دي بأوباما لكن الغريب و العجيب هي مظاهر الإحتفال العربية و الإسلامية بيه

أحــوال الهـوي يقول...

منتظرين ايه من واحد انكر دينه و قال ان عمره ما كان مسلم
ده الخبور الجديد اللي متفصل علي المقاس
زي ما قلت بالضبط اسود ابوه مسلم صغيرور الخ
و الاعلام لقاها فرصة للغلوشه علي التردي الاقتصادي و الكساد و الفساد

تحياتي

ذو الوجه المبتسم يقول...

السلام عليكم ورحمة الله وبركاته
انا دخلت اسلم عليكى
وقريت موضوع اوباما والسياسة
عاوز اقول لك حاجة اكيد انتى عرفاها والكل عارفها
ايا كان رئيس امريكا من هو
فسياسة امريكا معروفة ونحن نعرف من هو الحاكم الرئيسي لامريكا
وانما اوباما او غيره مجرد قناع او واجهة للقرارات ...
المهم
اسف لان فعلا بقالى فترة مش بادخل النت
لانى كنت باخلص اوراقى للسفر للعمل فى السعودية
وكنت مستعجل علشان ان شاء الله احاول الحق بالحج هذا العام
دعواتك لاخوكى ان ربنا يتقبل منى
ان شاء الله هاحاول ادخل النت وانا هناك
ملحوظة هامة جدا
اوعى تنسينى ... وكمان متتاخريش علينا بكتاباتك الحلوة
تحياتى لشمس النهار الساطعة

Tamer Alhosiny يقول...

عزيزتي شمس النهار
رغم اني كتبت بوست عن اوباما وانا اويده
قبل حتي اعلان فوزه علي هيلاري كلينتون
لكني اخشي ايضا انا اقعد جنب الحيطة
لانها ستسقط يوما علينا
يجب ان لا ننتظر ونقف لنري العالم يطالب بالتغيير
ويتغير حتي يغير من حالنا
لن ياتي الاخر يصلح لنا ما افسدنا بغبائنا وبلادتنا وصمتنا علي الظلم

شعار اوباما والسبب في فوزه
نعم محن قادرون علي التغيير
وشعارنا نحن
الحزب الوطمني فكر جديد
نفسي اعرف اذاي بعد كل الانكسارات دي
لسة عندنا استعداد نجرب منه فكر جديد
بعدج خيبة المونديال والاف الاي راحو في العبارة
وكل المصايب
الاي شايفنا وساكتين
تحياتي
تامر الحسيني

شمس النهار يقول...

*شخابيط محجوب
اهلا اهلا
انت كنت فين
اهو فارس علي نفسه مش علينا
ماحدش بيقعد ويستني غيره يعمل له
اخبار الصور ايه

شمس النهار يقول...

*محمد هشام
انت لخصت الموضوع الدول المحترمه
بس والله احنا دوله محترمه بس القائمين عليها هم اللي مش,,,,,
انت فين انا شايفه ان في كسل علي المستوي العام في التدوين ده البيات الشتوي التدويني والا ايه

شمس النهار يقول...

*محمد مارو
اهلا بيك
ينسحب من العراق افلح ان صدق ولو ان انا عندي قناعه ان الامريكان جبوه عشان يعرفوا يرجعوا في كلامهم بكبرياء
انت عارف مين اللي زعلان علي بوش انه مشي
المنولوجستات الامريكان
مش هيلاقوا حد يقلدوه

شمس النهار يقول...

*اسامه وغيداء
اهلا بيكم
انتم الاتنين بتتخنقوا مع بعض برضه

شمس النهار يقول...

*كاتروز
انا لا اعتقددددددددد
علي رأي عادل امام

شمس النهار يقول...

*سيسم
الموضوع ومافيه ان العالم عندنا بيهللوا لأي حاجه وفي كل حاجه
غلوشه علي اللي بيحصلنا

شمس النهار يقول...

احوال الهوي
لسه قيله الكلام ده لسيسم وماكنش عارفه انك كتبته

شمس النهار يقول...

لولا سلامك بداء كلامك
عشان كنت زعلانه منك جدا
مابتكتبش حاجه جديده والا بتدخل تعلق
بس خلاص سماح
ربنا يوفقك ويجعل لك في كل خطوه سلامه
وان شاء الله نتقابل في الحج السنه دي

شمس النهار يقول...

*تامر حسني
حمد الله علي السلامه
او كنت عارفه ان اوباما هيرجعك كنت كتبتها من زمان ياكسلان
فين البوستات الحلوه ياعاشق البحر

اقصوصه يقول...

فعلا اوباما هذا مسوي ضجه

الله يستر شو بنشوفف من وراه

خبر اليوم بفلوس :)

بكره عليه تنزيلات

لوووووووووول

شمس النهار يقول...

*اقصوصه
بالظبت بكره يبان علي وشك يانداغ الليبان

شمس النهار يقول...

*انت تسال والكمبيوتر يجاوب
مش فاهمه يعني ده اعلان والا دعوه والا مالوش دعوه والا ايه

((..همـ قلب واحد يجمعنا ـسات..)) يقول...

المدونة الفاضله : :
..نتمني لكِ مزيدا من التقدم والنجاح
وان تكون مدونتك معبرة عن صوتك في كل مكـــــان
.. .. .. ... ..
سعيا منا بأن نجعل من علاقتنا روحاً اكثر حباً وتواصلاً
وبأن نجعل من صوتنا قوة أكثر انتشـــاراً وتأثيــراً .. ..
وبأن نرتقي بفكرنا ...وثقافتنا ...وعلمنا ...وخلقنا ..
.. .. .. ... .. .. ..
ندعوكي للمشاركة معنا في رابطه همســات . . .
...أول رابطه عامة تختص بالفتيات المدونات .....
شاركينا الانطلاقه ..وكوني احدي اعضاء همسات وشاركينا
اجتماعنا الاول ...لتكون همسات .. قلب واحد يجمعنا
فمعاً . . . . . نلتقي .. لنرتقي

تحياتنا ::
(( فريق العمل بهمسات ))