كل سنه وانتم طيبين ميلادي وهجري
وماحدش يشتم السنه السنه دي زي اللي قبلها واللي قبلها واللي قبلها
الناس والاطماع والحروب والشر هو اللي عامل ده كله نلوم السنه ونشتمها ليه
ربنا ادانا كل حاجه حلوه حتي النظام اللي نمشي عليه واحنا اللي خالفناه صحيح مش كلنا بس من بيدهم الامر
المهم كل سنه وانتم طيبين
بالنسبه لي انا السنه دي كانت حلوه علي المستوي الشخصي بالرغم ان اولها بداء بفقد انسانه عزيزه عليا جدا جدا
بس بعد كده بنتي الكبيره اتجوزت والوسطانيه اتخطبت والصغيره اتخطبت صحيح الخطوبه اتفسخت بس ده في حد ذاته خير احسن ماكانت اطلقت
وكمان حصلي انا شخصيا اهم حدثين في حياتي
طلعت عمره اول السنه وكمان طلعت الحج في نفس السنه اللي هحكي لكم عليه بس نفوق شويه من موضوع غزه
وكمان عملت المدونه واتعرفت علي احلا شخصيات في الدنيا
ياريت نفكر في الحلو عشان نقدر علي اللي مش حلو
رنا يجعل السنه الجديده حلوه عليكم جميعا
## رسائل أوليفر ساكس: نافذة على عبقرية حساسة
قبل يوم واحد
هناك 74 تعليقًا:
كل سنه و أنتى طيبه يا شموسة المدونات و ربنا يخيب ظننا و تطلع 2009 بنت ناس و متربيه و من بيت حلو كده علشان دى قاعده معانا سنه كامله بالتمام و الكمال
زعلت لخبر فسخ الخطوبه بس على قولك كده أحسن من الطلاق ربنا ما يجيب حاجه وحشه و يرزقها بأبن الحلال اللى يسعدها و اللى تقدرى تمارسى عليه سلطاتك المشروعه كحماه حبوبه و طيبه من غير ما يقول جااااى :))
ربنا يسعد أيامنا يارب و يجعل لنا من أمرنا الملعبك ده مخرجا
آمين يا رب
شموسة النهار
كل عام وانتي بألف خير وصحة وسعادة ( هجري وميلادي )
ويارب 2009 تكون حفيلة بالاخبار الحلوة والمناسبات السعيدة
ويارب كل سنة تكون احلى واحلى من اللي قبلها
وتكوني في كل سنة شموسة التدوين الجميلة
تحياتي وكل التقدير
دمتِ بكل الحب
سارة
*عمرو
وانت طيب
انا حماه ضحكتني لو سمعوك رجالت البنات هيزعلوا منك قوي
انت عارف وانا مسافره وفي المطار جوز بنتي كان بيعيط ويقول لي مش مصدق ياماماانك هتغيبي ده كله عننا
*ساره جبالي
وانت بصحه وسعاده
ومحققه كل احلامك يارب
وتكون سنه حلوه عليكي وعلي اللي حواليكي
اهلين وسهلين ومرحبتين بالناس اللى منورين
عمرة وحج فى سنة واحدة
الله الله ما شاء الله ماشاء
اللهم لا حسد
وخطوبه وجواز للبنات الحلوين
ماشاء الله ماشاء الله
طيب ما فيش حاجة كده للعبد لله
صدقة وزكاه عن صحتك
وهنيالك يا فاعل الخير والثواب
ماشى ماشى
على العموم
فى كلامك تلحظى الدنيا
كوكتيل من الاحداث
فيه الجميل وفيه عكسه
المهم من يصبر ويحتسب
وده هى حلاوة ومتعة الخلطة الربانيه
و كل سنه وانتى فى افضل حال ان شاء الله
اه صحيح بالنسبة للخطوبه
ولا يهمك
انا موجود فى اى وقت
المهر جاهز ولالالالالالالالالالالالالالالالا
كل سنه وانتى طيبه يا قلبى وسنه تبقى سعيده على الكل
كل سنه وانتى طيبه يا شمس ان شاء الله تبقى سنه سعيده عليكى وتحجى تانى وتطلعى عمره تانى وتعيشى انتى وبناتك فى سعاده وهنا
وربنا ينصر نا ونبقى اجمل امه قلبها على قلب بعض وتخاف على بعض
كل سنه وانتى طيبه
كل عام وانت بكل خير يا رب وسلامتك الف سلامة
ربنا يجعله في ميزان حسناتك
كل سنة وانتى يخير يا جميلة
ويخليلك بناتك يارب
:)
كل سنه و انتى طيبه ياشموسه
و ان شاء الله تكون سنه سعيدة على الجميع (:
كل سنه وانتى طيبه وامه محمد طيببين وياريت تقبلى مرورى عندك
تحياتى
حياه بلا عنوان
كل سنه وحضرتك طيبه يارب ومبروك لبناتك وكمان مبروك على الحج طبعا والعمره ويارب السنه الجايه تكون احسن من الي فاتت عند الكل
*ابوعلي
اهلا بيك
ماهي الحياه كده خليط من كل حاجه عشان ماتبقاش ممله
وفي كل الاحوال الحمد لله اناراضيه مش شطاره مني هو ربنا ارادلي كده فخلقني كده
بس ايه نوع الزكاه حضرتكم اللي عايزها
ماانا دعيتلك تحج والله
حمدا لله على السلامة
المونه نورت بالشمس
كل يوم وأنتم جميعا بخير وقريبين من ربنا أكتر،وأنتم بصحة وعافية وهنا وسعاده وصحه وفلوس وشغل وراحة بالوتقدم وحضارة وسلوك أحسن
أمنياتي
*من غير عنوان
كل ده
طيب ياسيدي شكرا
والكاتبين كمان
آمين
*ابي
الحبوبه ابي
وعليكي ياجميله ودايما في خير وسعاده
*رومنسي
وانت بالف صحه وسعاده
بس امه قلبها علي بعض
انت سمعت عن المستحيلات الثلاثه
الغول والعنقاء والخل الوفي
مش بقوا اربعه
وامه عربيه قلبها علي قلب بعض
دي المستحيله الرابعه
*ماما اموله
وانت بصحه وسعاده يااموله
الله يسلمك الحمد لله بقيت احسن كتير وربناتم شفاه علي
*برنسيس
وانت بصحه وسعاده
ومحققه كل احلامك يارب
والسنه الجايه عليكي تكون سعيده جدا جدا
*ضد التيار
وانت بصحه وسعاده ياقلبي
والسنه الجايه فرحانه بيكي
*حياه بلاعنوان
وانت بصحه وسعاده
والسنه الجايه تلاقي العنوان اللي يرضيكي
*حاسوبتيه
وانت بصحه وسعاده
ومحققه كل اللي انت عيزاه
اولا كل سنة وانتى طيبة والسنة دة تكون جميلة عليكى انشاء الله
ومعلشى متاخرة شوية كنت مشغول حمد لله على سلمتك وتقبل الله منا ومنكم
تحياتى ليكى
شخابيط mahgoub
ازيك اخبارك ايه كل سنهوانتي طيبه كمان يارب سنه 2009 تكون عليكي حلواه
ام انا مش كانت معاي كويسه
2009
وانتي طيبه يا شموسه ..
اي نعم كل سنه اصعب من الي قبلها خاصه مع الاوضاع في غزه .. بس ربنا قادر يجعلها ان شاء الله جميله وحلوه
تحياتي
اسفه انا كنت مفنكر انو قالت ليك حمدالله علي سلامه بجد معليش كنت مخنوقه شويه نيست قوليك حمدالله علي سلامه
حج مبرور وذنب مغفور وتقبل اللة منا ومنكم صالح الاعمال ان شاء اللة
حمد لله على السلامة وعقبال العودة مرة اخرى للحج ان شاء اللة
*شخبيط محجوب
ازيك عامل ايه
الله يسلمك وعقبالك وكل سنه وانت طيب
والسنه الجايه تحقق كل احلامك يارب
*عاشقة القمر
ازيك والله يسلمك وعقبال ماتحجي
وكل سنه وانت طيبه والسنه الجايه محققه كل احلامك
سلامتك مالك مخنوقه من ايه استغفري ربك
ومافيش حاجه تستاهل واللي شيفينه النهارده حاجه كبيره قوي تخنق بكره تلاقيه حاجه صغيره قوي قوي
ربنا يفك كربك وترجعي زي الاول واحلا واحسن
*احمد مبارك
كل سنه وانت طيب
ومحقق كل ماتتمناه
كل سنة وانتى طيبة ويارب السنة الجديدة تبقى خير علينا كلنا
تحياتى :)
كل سنه وانتي طيبه ياشموستي
كل سنة وانتى طيبة
يا احلى واطيب شموسة فى الدنيا
وباذن الله تكون سنة سعيدة عليكى وعلى كل الناس يا رب
لسلام عليكم ورحمة
الله تعالى وبركاته
صبيحة عام جديد
ارجو من الله أن يكون سعيد
اقولك اللهم نصرك على الاعداء
اللهم نصرك اللهم نصرك اللهم نصرك
وصباح الخير بسرعة بسرعة
لاجل ما أكون من اوائل
الناس اللى قالوها لكى
فى السنه الجديدة
حبيبتى شموسة كل سنة وانتى خير وسلام
ايوة كدا نورينى دايما
يارب تحققى كل اللى مش حققتيه السنة
اللى راحت ويسعد قلب كل حزين
آمين
smilyrose
روح الحب الصادق
السلام عليكم ورحمة الله وبركاته
كل يوم وانت بصحة وراحة بال
النبرة المتفاءلة دي بتخفف حاجات كتير
واكيد زي ما عدي علينا الوحش اكيد عدا قبله او بعده حاجة كويسه
بس احنا كده ديما ماسكين في اللون الاسود
ربنايوفقنا السنة دي ونكون احسن
تحياتي
الي اللقاء
اشمعنى يعنى انت بتعيدى علينا فى بوست كامل .. احنا كمان حنكون كرماء زيك ونعيد عليك هجرى وميلادى وكل سنه وانت طيبه .. احسن حاجه حصلت لك السنه دى انك حجيتى بيت الله الحرام ووقفت بعرفات هذا العام .. عقبالنا ان شاء الله ولو انى حجيت مرتين .. ثالت مره او تانى مره حج مبرور وذنب مغفور
.. تحياتى وكل سنه وانت طيبه
كل سنة وانتي طيبة يا شمس ، وألف حمدا لله على السلامة ولو انها جت متأخرة شويتين لكن انتي أكيد مقدرة الظروف، ويارب ان شاء الله تبقى 2009 أحس كثير من اللي غارت دي عليكي وعلينا وعلى المسلمين جميعاً يا رب في كل بقاع الأرص، وأنا قرأت التدوينة اللي فاتت وبأشكرك جداً على دعائك لي وعلى انك افتكرتيني ^_^ وكمان على زيارتك الكريمة الأخيرة وتعليقك.
السلام عليكم
كل سنة وانتي طيبة
ويارب تكون سنة سعيدة عليكي
كل سنة وانت طيبة
والسنة دي تشوفي حفيدك ونقولك ياتيتة او ماما ستو
وعليكم السلاااااااااام:
حج مبرور
يارب يكون منستنيش فى الدعوه
كل سنه وانت طيبه.
ملحوظه:
فين الحاجات اللى قلتلك عليها؟؟؟؟؟؟؟
كل سنة وانت أطيب طيبة
ويارب السنادي يكون وشها حلو عليكي وعلينا
وأحلى من كل اللي قبلها
ولو إني ماأظنش
تحياتي / إحســـان
*فوكس لوجيا
وانت بالصحه والسلامه
والسنه الجايه احلا من كل اللي عدوا
*كيار
ازيك
كل سنه وانت طيبه
ومحققه كل امالاك واحلامك
قولي آمين
*الازهري
وانت بصحه وسعاده
وكمان ناجح واحسن واحد في الدنيا وان شاء الله الامتحانات تكون حلوه
وكمان تحقق كل احلامك وامالاك الشخصيه والازهريه
مش عايز دعوه تانيه قول ماتتكسفش انا ماما شمس
نور هاتي
وانت بالصحه والسلامه
والسنه الجديده تكون جميله عليكي وعلي كل اللي بتحبيهم
واللي مابتحبهمش ادعي لهم ربنا يهديهم وخدي ثواب فيهم
نصيحه مجربه في اول السنه الجديده
*سميلزروز
وانت طيبه وبخير وسعاده
تصدقي انت قلتي دعوه جميله جدا
ربنا يسعد كل قلب حزين
فعلا ربنا يسعد كل قلب حزين
اصل الانسان لما يحزن شئ ولما قلبه يحزن ده شئ تاني عشان في اعتقادي ده بيكون حزن صعب قوي
*كيمت
وانت بصحه وسعاده
انا شخصيا بحب اللون الاسود في معظم لبسي
بس في نفس الوقت متفائله جدا
وفي عز الازمات بيبقا عندي ايمان قوي ان ربنا هيحلها بطريقه ماتخطرش علي بال حد ولو مااتحلتش يبقا ده الصح اللي ربنا عايزه
نمسك في الاسود نمسك في الابيض
المهم
الروح الحلوه
*فشكول
كل سنه والاسره كلها بخير
وعقبال ماتحج سبع مرات
*نبيل
ازيك عامل ايه
واخبار المذاكره ايه
عايزه كده لما النتيجه تبان وافتح الجرنال الاقي صورتك منوره في اوائل الجمهوريه
انادعيتلك كتير وانت اعمل اللي عليك وزياده يبقا مش فاضل غير انك تبيض وشي وتنجح وتطلع الاول
كل سنه وانت طيب يااحسن واطيب واعقل طالب صادفته في حياتي
*ابن مصر
وانت طيب وبصحه وسعاده
والسنه الجايه تكون احلا من اللي فاتت
*ا/استاذ احمد عبد المنعم
اين ابتسامتك
والله موجوده وعمرها مابتفارقني
خالص الحمد لله
بس حاضر هروح ادور علي ابتسامات في الموقع اللي انت كتبته
كل سنه وانت طيب
*طارق
ازيك
كل سنه وانت طيب
منك لباب السما
انا فعلا عايزه ابقا تيته
*صابر وراضي
ازيك كل سنه وانت طيب
عامل ايه دلوقتي الصحه كويسه
كل حاجه موجوده يافندم ابعت حضرتك العنوان وكل السبح والطواقي اللي في الدنيا توصلك
*شفقه هانم واحسان بيه
ليه كده
كا سنه وانت طيب
وان شاء الله السنه الجديده تكون كويسه قول آمين
شموسه حبيبتى الجميله وشموسة التدوين كله نورتى ووحشتينى جدا
انا رجعت للنت النهارده على غير المتوقع
وحشتينى جدا ويا رب تكونى بخير
واخبار صحتك ايه دلوقت يا رب تكونى احسن ان شاء الله
نورتى نورتى نورتى
ويا رب موره دايما
*محاسن
اخيرا وليس بأخر
حمدالله علي السلامه النت والمدونه نورت
كل سنه وانت طيبه والسنه دي ربنا يحل كل مشاكلك
الحمد لله انا احسن كتير وطبعا رجعت لحياتي ونشاطي بس شويه شويه
اوعي النت يعطل تاني عشان انت وحشتيني
انا مش غايظنى الا الورده اللى فى البروفايل بتاع الوضع الكامل بتاعك ده .. على العموم تحياتى يا حاجه
يارب تكون جميله علينا وعليكى ومبروك على بنوتاتك وعقبال كل البنات يارب
ربنا يوفقك ويفرحك باولادك وتشيلي عيالهم عن قريب
عام مضى أوله خير وأوسطه خير وختامه خير ...فاللهم اجعل هذا العام الجديد كسابقه خيرا كله عليك وعلى الأسرة جميعا
*فشكول
اول مره في حياتي الاقي حد الورد يغيظه
كل سنه وانت طيب
*طوبه دهب وطوبه فضه
وانت طيبه وبصحه وسعاده
ومحققه كل احلامك
*مصطفي ريان
وكل سنه وانت بصحه وسعاده
ومحقق كل احلامك
*ماكس بتاع زمان
كل سنه وحضرتك بصحه وسعاده
والسنه دي تكون احسن واجمل من اللي قبلها
كل سنة وانتى طيبة يا قمر ويارب السنة اللى جاية تبقى احلى واجمل
*شفقه هانم واحسان بيه
وانتم طيبين
بجد سعيده جدا بمدونتكم عجبتني وهحاول اقراها كلها
بجد مثل جيد وقدوه
ربنا يبعد عنكم العين والشر
عاجبنى تفاؤلك جدااااااااااا ويارب يكون 2009 سنة خير ليكى على المستوى الشخصي ويجوزلك بناتك ويفرحك بيهم وعلى المستوى العام ينصر اهل غزة والعراق والمستضعفين في كل مكان
كل سنة و انت طيبه
و يارب سنه جميلة و حنينه علينا كلنا الحمد لله علي كل شئ
و نشوف الحفيد السنه دي
و فسخ الخطوبه معناها ان فيه واحد خسر احسن و اطيب حماه ممكن الواحد يقابلها
اللي بتطل علي الناس بخيرها و كرامها لانها شمس النهار
غبت يومين لقيت نفسي اخر تعليق يا ما اكتر حبايبك
تحياتي
*خالتي بمبه
اولا الاسم لطيف جدا
عشان خالتي بامبه دي من الشخصيات الجميله في الاذاعه المصريه وكان لها فلسفه لطيفه جدا
وشكرا علي المجامله اللطيفه وربنا يجعل السنه الجديده خير علي كل المستضعفين في الارض من الشعوب
وماننساش المستضعفين من الازواج والزوجات
نورتيني ياخاااااالتي
*احوال الهوي
اولا حمدالله علي السلامه
ثانيا شكرا علي المجامله اللطيفه منك
وكل سنه وانت طيب وبصحه وسعاده
وتحقق كل احلامك يارب
وانت زعلان ليه انك اخر تعليق مش بيقولوا ختامه مسك
أكيد الحماه الطيبه بتبقى زى الأم و أحيانا يمكن أكتر
و على العموم يا شموسه هنيئا لأزواج البنات بيكى و يا ريت فعلا كل الحموات الفاتنات يبقوا زيك :)
تقبلى خالص تحياتى و مودتى
ربنا يتقبل و يرضى عليكي و يرضيكي
كل سنة وانتى بكل خير وصحة وسلامة
دمتى بكل ود
إرسال تعليق