الاثنين، 30 مارس 2009

المهم نحب صح

طول عمري اقول مش المهم نحب المهم نحب صح .
يعني ..
الاول اعرف : كلمة حب .. يعني ايه حب ؟
وكمان اقدر افرق بين الحب الحقيقي والاعجاب .
واعرف واجبات وحقوق الطرفين .
واعرف ان الحب حب مش حرب مين يسيطر علي مين ؟
واعرف مقومات الحب الناجح اللي يؤدي لزواج ناجح .
واعرف ليه في حالات كتير الحب بيموت فيها بعد الزواج وفي حالات اكتر بيعيش وبيقوي اكتر من الاول .
واعرف افرق بين الحب والوهم .
واعرف افرق بين الحب واللي عايز يعيش حالة الحب .
واعرف افرق بين الحب والصداقه .
ونعرف مع بعض حكاية الحب الاول .
و نعرف كمان ايه الحاجات اللى بتسند الحب و تقويه و تكبره ؟
و اللى بينجرح بينجرح ليه ؟
و اللى بينسعد بينسعد ليه ؟
وليه الناس اللي ماتجوزتش هي اللي اشتهرت ( روميو وجوليت - قيس وليلي ) بس فيه ناس اتجوزت واشتهرت برضه زي (عنتر وعبله-- دوق وندسور و مسز سمبسون)
يعني هنشوف حكاية الناس دي ايه .
وايه موضوع الحب ده اللي مجنن الدنيا ؟
وياتري هو حلو والا مش حلو زي ماكل المدونات اليومين دول مشنعين عليه ؟
انا اترددت كتير انى اكتب في الموضوع ده بس سويت فيولت وكمان محاسن صابر وكذلك عمرو بدر اقنعوني اني اكتب فيه وخصوصا محاسن اللي متحمسه للبوست جدا :)
استحملوا بقا هنكتب ونبوظ اللغه العربيه انا هكتب من قلبي ورزقي علي الله .
حد عايز نتكلم في نقاط غير السابق ذكرها ؟ عشان لما هنبتدى هنرغى عن الحب مع بعض يعني سلسله كده بس ملضومه لولي وطبعا هنرفق مع كل بوست اغنيه .



hamid Upload Music

هناك 105 تعليقات:

عمرو يقول...

صباح الخير يا برنسيس :)
الموضوع اللى بتتكلمى فيه مهم و بيشغل بال كل الدنيا بدون اٍستثناء منذ هبوط آدم و حواء للأرض ..
أتوقع أننا حنسمع آراء مفيده و ثريه بدون شك فى البوستات القادمه لأن كل واحد حيتكلم عن الموضوع من منظوره هو أو من واقع خبره شخصيه مر بيها أو مر بيه أحد معارفه ..
بس أيه الأغانى الحلوه دى ؟! :)
يا معين يا رب ..

Kiara يقول...

ايوه انا موافقه ان البوست دا يتكمل اكيد اكيد اكيد مفيد للجميع ومنكم نستفيد يااحلي شموسه في العالم :)

Kiara يقول...

انا متحمسسسسسسسسسسسسسسسسسه جداااااااااااااااا

ومعاكوووووووووووووووو

MǿиY El-Shreef يقول...

شموسه حببتي ..

عصر ولا ضهر الخير :D

المهم .. انا موافقه اوي اوي ياشمس

اصل الموضوع ده تاعبني اوي بجد

ونفسي اقرا اراء ناس كتير

ومتأكده انك هتمسكي دفه الحوار صح

ومتابعه معاكي وهتلاقيني بناقش بكل حميه بقى :D

ذوقك حلو ع فكرة (F)

حياه بلا عنوان يقول...

شمس النهار فعلا بوست جميل ومتشوقه جدا انو يكمل لانه بجد جميل ولازم يكمل فعلا تحياتى

مفكر يقول...

السلام عليكم::

والله الحب دة مفيش أحلى منه والبنات مفيش أحلى منها

بس بقى،،،فعلاً فيه خلط بين الحب والإعجاب والكلام دوت،،،يعني أنا أفتكر إني في فترة كل ما أشوف بنت جميلة أعجب فيها أفتكر إنها خلاص قدري،،،شوية ألاقي بنت أحلى،،،أقول أكيد هي دي اللي قدري،،،وهكذا لغاية لما أدركت إني مجرد معجب لا أكثر ولا أقل

أكيد للحب حوااااار عميق وكبير،،،

أحب أسمعه منك،،،بس بشرط،،،

لازم يكون فيه استشهادات،،،حواديت يعني،،،

saragebaly يقول...

يا سلام على الجمال

كلام في الحب

يعني ولا اروع

متشوقة جداا جدا


تحياتي لشموسة الجميلة

سارة

SHAPE YOUR LIFE (ABOALI) يقول...

قوووووووووول يا باشا قوووووووووول

واحكى عن الحب والمحبين
والعشاق و الولهانين
واحنا معاكى منتظرين
لعلنا نحب
الحب الحقيقى


وخلى بالك
انى الحب ليه قانون
بيقولوا عليه
قانون الحب
فيه ناى وعود
وصوت ودود
واحلام وردود
واسئلة مالهاش حدود
خلى بالك

عووووووووووووووووووووا

أنا - الريس يقول...

الحب..تضحية

هحكي.حكاية.صغيرة..واحدة..بيحب..واحدة
عامية.طلبت.منه..انها..نفسها.تشوف
الدنيا.عمل.عملية.وايدها..عنيه
فتحت.وهوا.اتعما.سألها.الجواز.قالت
مش..هينفع.اتجوز.اعمي.قال
هكذا.هو.الحب.تضحيات

mahasen saber يقول...

شموسه شموسه شموسه انا هنسف الريدر بتاعى

هنسفه سيبونى بس هيتنسف يعنى هينسف
لسه باين عندى انك نزلتى البوست الجديد

يبقى مفيش مفر غير انه يتنسف

هنسفه واجيلك

mahasen saber يقول...

اتكلم بئه واتكلم تانى وتالت وتالت مش انا قلتلك البوست والموضوع هيطلع من تحت ايدك ممتع وصادق ومفعم بكل ما فى كلمة الحب من مشاعر

ده بس تسخين امال بئه باقى البوستات هيبقى ايه

انا هبيت فى المدونه للموضوع ده لانه الحب للاسف بنفهمه كتير غلط
وبنعمل باسمه حاجات كتير بشعه
ودايما بنتفنن فى ظلم الحب ومن نحب

Kiara يقول...

ايه يامحاسن

عامله ليه قلق يبنتي

mahasen saber يقول...

هخلص مذاكره لبيرو وانيمه وارجع احكيلك حكايه ولاا حكايات عنتر وعبله بس قلبت طبعا جاز وكبريت فى الاخر

اخلص امور بيرو وارجعلك بعد ما ينام يا ام مواضيع جنان

ويا اجمل شموس الدنيا والبلوجر كمان يا جميلة الشكل والروح

mahasen saber يقول...

كيارا انتى اليى عامله قلقليه وقافله مدوناتك ليه هما اصحاب ديزنى هددوكى برفع قضيه ولاا ايه ههههههههه

اجرى يا بنتى بسرعة البرق افتحى المدونه بالذوق بدل ما ابعتلك حد يفتحها بالعافيه والحد ده غالبا لانا لابنى

واختارى انتى يا قمر مدونتك تتفتح على ايد مين الواد ولاا امه

Kiara يقول...

هههههههههههههههههههههههه

التونين يابوي


تؤتؤتؤ معندناش فتح مدونات وكلام فارغ من دا

انا لازم اربيها :)

mahasen saber يقول...

ههههههههههههههههه بقولك ايه انا رايحه اذاكر لبيرو وارجع الاقيكى فاتحاها بالذوق احسلك

هههههههههههههههه قال اربيها قال لا احلقيها ههههههههههههههه

Kiara يقول...

هههههههههههههههههههههههه


ومحاسن بتوزني اهوووووو اني احلق المدونه يعني احذفها

ان ان اااااااااااااااااان

جاري الحلاقة بناءا علي طلب المدونه محاسن صابر نيهاهاهاهاهاها

ههههههههههههههههههههههه

زاكري لبيرو وسيبك من عالم مولان دلوقتي مقفول وحلو اهو يعني وهو مفتوح كان عامل ايه

صوت من مصر يقول...

احلى مكساء الخير
ده تعريف لمعنى كلمه حب
معرفش ليه بطلت احب يمكن قلبى عجز او خلاص بقيت شاب ولا الالف عام
شكرا
وبخصوص البلوج
البلوج عباره عن كتالوج لصور من قلب مصر احنا الى مصورينها بنعبر بالصوره مش بالكلام
اتمنى اشوفلك ولو بوست واحد

صوت من مصر يقول...

نست اقولك ياريت تتكلمى فى حب من غير قلب زى اليومين دول برضه

aidy يقول...

إبدأى رحلتك وربنا معاكى

واكيد لو فيه ملاحظات هنقولها فى المواضيع الجاية

فكرة حلوة اوى حاسة انك هتعملى حملة على الحب

بس يا ترى لصالحه ولا لأ

تحياتى ,,

leeno يقول...

مبدأيا الأغنية تحفة :)

ياريتني عندي اجابة

بس انا لية تعليق صغير كنت قلته في رد على موضوع في مدونة لصديقة لية بيطرح قضية مشابهة و عنوان الموضوع هل الوحدة أهون؟

انا بس عايزة اقللك ان ساعات كتير بيبقى مش فايدينا نختار اصلا لا صح و لا غلط ! و بنلاقي نفسنا عايشين في وحدة

لا بنحب لا بطريقة صح و لا بطريقة غلط !

على الاقل دة واقعي انا

شمس النهار يقول...

*عمرو
فعلا الموضوع مهم وخصوصاان اغلب الناس عندهم لبس في فهم الحب
وبدعيلك ربنا يعينك

شمس النهار يقول...

*كيارا
انت فين ياحاجه وقافله الدكان ليه
طبعا انت معانا واولنا كمان
بس انت ليه معاقبه المدونه هي ذنبها ايه هي تعطي ماتتلقاه فقط
رجعي المدونه يامفتريه :)

شمس النهار يقول...

*موني الشريف
ايوه كده احب انا حماس الشباب ده
ده احنا هنكتب ونقول قواله

شمس النهار يقول...

*حياه بلا عنوان
ان شاء الله نكتبه سوا ونكمله سوا

شمس النهار يقول...

*مفكر
كلامك صح وده من الاسباب اللي انا عايزه اكتب عشانها
ومن عينيه نكتب حواديت بس انتوا اللي تحكوها

شمس النهار يقول...

*ساره جبالي
شكرا ليكي
وان شاء الله ربنا يوفقنا ونكتب كلام مفيد مع بعض

شمس النهار يقول...

*ابو علي
مش فهمانه عوااااااااا دي
اخلي بالي من البوست والا الحب يعني عوااا
دي ارهاب قبل الشروع في الكتابه والا ايه

شمس النهار يقول...

*مستر بريزيدند
ماهي القصه دي بتدل علي غباء الحب والمحبين اللي بسبب الغباء ده بيفقدوا احبابهم
يعني لو كان اداها عين واحده وخللي التانيه عشانه كانوا استمتعوا بالدنيا مع بعض
ولو هي بتحبه فعلا فعلا ماكانتش سبته يديها العنتين واكتفت بعين واحده عشان يفضلوا مع بعض
في فرق بين التضحيه والغباء
كان لازم هو يعرف انها مش بتحبه لما قبلت ان تجعله اعمي وهي من ذاقت طعم الظلام

صبرني يارب يقول...

طيب انا نفسي يا شموسه اتكلم عن نقطه معينه

اسمها تحويل المشاعر انا عموما كاتبه عنها بوست

لما انزله هاتعرقي قصدي ايه


لكن عموما الفكره كويسه

وهما لوكانوا فاهمين الحب يا شمس كان ده يبقى حالهم

والله 90 فى الميه من الى بيقولوا بنحب يا نااااس

ولا يعرفوا الحب ولا بيتنيلوا على عينهم ده هبل

يلا معاكوا طبعا ان شاء الله

شمس النهار يقول...

*محاسن
فرحانه انت اوي وكمان عمرو
ماهو انتم المحرض الاساسي لهذا البوست
صح
وبعدين الريدر عملك ايه بس
مش انا قلت لك اني هنزل البوست وارن لك ماانا عملت كده

شمس النهار يقول...

*كيارا ومحاسن
-------------
مش عايزه خناق العبوا مع بعض من غير خناق
عشان مانزعجش جيرانا من المدونين
وبعدين ياكيارا ماتسمعي كلام اختك محاسن

شمس النهار يقول...

*صوت من مصر
مافيش حاجه اسمها انسان بطل يحب وبعدين انت لسه في مقتبل العمر والحياه لسه امامك وفي يوم من الايام هتلاقي امامك الانسانه او بمعني اصح الروح المكمله لروحك
وبعدين مافيش حب من غير قلب عشان القلب هو الموطن الاساسي للحب
لكن في اعجاب اوفي استهبال واحد الطرفين في الحاله دي هو اللي بيتجرح
وحاضر يافندم هنزل بوست في المدونه الجديده

Kiara يقول...

دا انا هقو قواله

ابداي انتي بس

والمدونه خليها مرميه كدا لحد اما افضالها :)

شمس النهار يقول...

*عايدي

ان شاء الله اكتب وانتوا معايا كلام مفيد
واكيد الصالح عايد هنا علي المحبين
احنا بس عايزين ننصف الحب المظلوم

شمس النهار يقول...

*ليننوو
مبسوطه ان الاغنيه عجبتك
ساعات الوحده بتكون خيرا من جليس السوء فعلا
بس لسه العمر طويل وان شاء الله تلاقي اللي يونس وحدتك وتقري عين به
بس المهم ان الوحده ماتخلكيش تغمضي عينيكي عن عيوب هذا الجليس
وانا معاكي ان الوحده صعبه

شمس النهار يقول...

*صبرنني يارب
اهلا اهلا حللتي اهلا ونزلتي سهلا
طبعا معايا ياجميل امال مين اللي هينكد علي اشرار الحب اللي زي اطفش وامثاله
وكلامك مظبوط قليل اللي بيعرف الحب اليومين دول
زمان كان قبل ماحد يقول لحد بحبك يكون طلع روح واحد فيهم دلوقتي ياله معجبين يبقا حبين
اه دنيا ياصبرني يااختي

شمس النهار يقول...

*كيارا
قول ياجميل كل اللي في نفسك والا يهمك
احنا عايزين نتكلم كلنا مع بعض
وبعدين محاسن راحت تذاكر للولد بينها نامت جنبه شوفي حد يغطي الاتنين ونصحيهم علي موعد حضانة بيرو

Kiara يقول...

ههههههههههههههههه شكلها كدا فعلا

نصحيهم بكرا بقي :)

شمس النهار يقول...

*كيارا
وانت مصهلله ليه النهارده
مش عندك شغل بكره والا ايه

Kiara يقول...

بسمع اغنيه روحي بترد فيا للطيفه وعايشه الحاله بقي :)

*************

روحي بترد فيا

لما في قربك بعيش

والوقت بيجري بيا اقصر منه مفيش

واما بتبعد شويه اللحظه تطول عليا

كانها في عنيا ابدا مبتنتهيش

شفت ازاي ياحياتي بتعمل ايه في حياتي


وشعوري واحساساتي

وانا في الحالتين بحبك

والنار مبتنطفيش

وانت مابين اديا كله بيحلي في عنيا

الدنيا واللي فيها والايام اللي جايه

بلقي البعيد قريب

والعالم كله طيب

والناس مبتشتكيش

واما بتبعد عليا

لا الدنيا بتبقي هيا وحياتي مبتساويش

شفت ازاي ياحياتي

بتعمل ايه في حياتي

وشعوري واحساساتي

وانا في الحالتين بحبك

انا بحبك

والنار مبتنطفيش

Kiara يقول...

بكرا زميلي غايب ولازمن اروح بدري كمان عااااااااااااااااااا

شمس النهار يقول...

*كيارا
اغنية لطيفه دي جميله
اول مره اسمع عنها
ياله قومي نامي عشان تعرفي تصحي بدري

إبن مصر يقول...

السلام عليكم

ازيك يا ست الكل يا شمس المدونين

اهم ما فى الموضوع ده هو حاجه مهمه اوى انتى قولتيها ((واعرف مقومات الحب الناجح اللي يؤدي لزواج ناجح .))

طبعا مش علشان اسمى وشهرتى مسيطرين على الجمله وهى ناجح والنجاح وكده لأ
لأن دى الحقيقه
المقاومات الحقيقيه لنجاح الحب نعرفها ونحددها وبعد نفكر ازاى نحب ساعتهاووقتها كل حاجه هتكون محلوله وجميله ونقدر نشوف عن طريقها احلى ما فى الدنيا بعيون الحب
صدقينى اكتر القصص بتكون لو فشلت فى النهايه مش بتكون علشان اى حاجه غير المقدره والمقاومات الحبيه مش كافيه
وفىا لأخر نسمع كلمه واحده اسف مش عايز اظلمك معاى
وانت كنت مش عارف ظروفك قبل كده جاي تفتكر دلوقتى انك بكده هتظلمها
او هى بقا تبل شفايفها وتقوله معلش جالى عريس وجاهز من كل اتحرك يا توتو اعمل حاجه انا عارفه ظروفك صعبه بس بابا وماما والعيله
المهم فىا لأخر بتكون مقاومات
ومش شرط تكون ماديه لا ممكن تكون ادبيه كمان
يعنى ومش هطول ممكن يكون اصلا ده عايز يحب لمجرد المتعه بين ولد وبنت فى انه يخرج يروح سينما وهى كذلك يعنى مش حب اسمه دلع
ما علينا كفايه كده رغيت كتير

المهما انا بشكر كل اللى خلوكى تنزلى البوست ده وكمان مش كنت عايز ادخل اعلق قبل ما اكمل الأغنيه الجميله دى

تحياتى أيتها الشمس المشرقه دائما وبلا غروب فى عالم المدونات :)

عاشقه وغلبانه يقول...

عايزه اتجوز ياشموسه
الاقيش عندك عريس
عاااااااااااااااااااااااااا

mohamed ghalia يقول...

جميلة الفكرة بجد
ربنا يعينك
فى انتظار كلماتك

عاشقه الرومانسيه يقول...

حلووووووو قوى الموضوع ده
انا بقى محتاجه اعرف كل الحاجات اللى كتبتيها فوق دى
ومنك نستفيد
انا من اول المشجعين طبعا
وهانتظر السلسله دى على احر من الجمر

mahasen saber يقول...

شموسه الجميله يا برنسيس الربنه موصلتش والله عشان كده قلت اتخانق مع الريدر
ده انا فضلت مستنيه ترنى مرنتيش يا قمر قلت اكيد انشغلت بئه ومكتيتش الموضوع بعدين بضرب عينى فى الريدر عشان ازورك لقيت البوست الجديد نزل

يبقى اتخانق مع مين
اتخانق مع نفسى

عارفه امبارح نيمت بيرو وطبعا نمت جنبه تخيلى بئه بئيت باندا ازاى والكسل بئه

بس القصه لسه عايزه ااقولهالك

بس اروح الشغل وارجع بئه
وصباح الانوار والفل والياسمين على صاحبة اجمل روح وشكل وبلوج كمان

ربنا يخليكى لينا يا قمر يا نسمة البلوجر بحاله

Foxology يقول...

موضوع مهم جداااااااااا يا حاجة شمس

العناصر اللى حضرتك كتبتيها فعلا هى اساس الموضوع واخطر نقاط فيه

فى انتظار الكتابات :)

تحياتى :)

من غير عنـــوان يقول...

صباح كله أمل
صباح كله إشراق

قنبله زمنيه موقوته ستدوّي في سماء المدونات...

شمس تكتب عن الحب

إذن نحن في الإنتظار

وأتخيل ومتأكد إننا سنستفيد

وإكتبي بالعربي الصريح الفصيح العامّي

والأحلى بلغة الطرب.. لأن كل أغنية سترفقيها... ستمثل حالة...

ياما ثومه شرحت الحب ..

أمنياتي

شمس النهار يقول...

*ابن مصر
شكرا علي المجامله اللطيفه وربنا يقدرنا ونكتب كلنا البوست سوا
وانا معاك في كل كلمه قلتها بس البنت اللي تحب واحد وتتجوز واحد دي اصلا ماحبتش خالص هي كانت بس مبسوطه ان في واحد بيحبها عشان لوكانت بتحبه كانت استنته لكن هي دورت علي مصلحتها وطالما المصلحه هنا ظهرت يبقا ماكنش في حب اصلا
عشان الحب مايعرفش المصالح الشخصيه المصلحه هنا في خدمة الحب اللي اصلا بتصب علي الطرفين الحبيب وحبيبته
وهو ده الفرق بين الحب والا حب
هنا الولد كان بيحب حد ماحبهوش وماعرفش يفرق فاانجرح
وياسيدي طول يعني انا عامله البوست ده ليه ماهو عشان نتكلم مع بعض كلنا ونصل لنتيجه

شمس النهار يقول...

*عاشقه وغلبانه
جواز كده علي طول انت مستعجله كده ليه
مش لما نشوف موضوع الحب الاول ونحل الطلاسم
وبعد كده ندور علي الجواز
ماتستجليش هتتجوزي هتتجوزي هتروحي فين يعني

شمس النهار يقول...

*محمد غاليه
بس انا عايزه انك تشترك في الحوار انا عارفه انك مفعل نظرية ماقل ودل في ردودك
بس لا الموضوع ده عايز رغي وفضفضه جامده

شمس النهار يقول...

*عاشقة الرومانسيه
الانتظار مش كفايه احنا عايزين نشترك مع بعض في الحوار ونتناقش ونطلع بنتيجه سوا

شمس النهار يقول...

*محاسن صابر
اكيد موبايلك مش بيحبني خالص
وبعدين كده تنامي وتسيبيني انا وكيارا
انا مستنياكي ياجميله
ترجعي بالسلامه

شمس النهار يقول...

*فوكسلوجيا
ربنا يبارك فيك
بس انا عايزه كلنا نشترك في الحوار واللي عنده رأي يقوله ونوصل لنتيجه مع بعض

شمس النهار يقول...

*من غير عنوان
شكرا لحضرتك علي المقدمه اللطيفه
بس الاغنيه دي مش لثومه
صحيح ثومه ياماقالت عن الحب
بس انا حبيت ابتدي بأغنيه خفيفه علي ودن الكل وكمان انا بحب الاغنيه دي

صبرني يارب يقول...

شموسه رسيت عليكى تعالى خدي التاج

هههههههههههههههههههه

الربان يقول...

تحياتي

فعلا المهم " نحب صح "....يعني لا حب لاننا
نفسنا نسمع كلمتين حلوين...و الا حب من
اول نظرة...الذي من اول نظرة اما اعجاب او رغبه....

الحب الحقيقي تصرفات تتراكم لتبني مشاعر
وتقويها...و كمان لازم نعرف من نحب...

و في انتظار التفاصيل في التدوينات القادمة.

ربنا يسعد الجميع

تحياتي و تقديري....

شمس النهار يقول...

*صبرني يارب
طب بزمتك نكتب في الحب والا نجاوب التاج ياجميل
نخلص موضوع الحب ويعدين نجاوب التاج والا ايه رأيك

شمس النهار يقول...

*الربان
كلامك صح وان شاء الله نتواصل ونتناقش مش عايزه احس اني بكلم نفسي
عايزه حوار يعني اللي شايف ان في نقطه مش صح يتناقش لحد مانوصل للصح

من غير عنـــوان يقول...

لأ ... أنا طبعا سمعت حميد .. وأنا بأحب أسمع كتير من أغنياته وتوزيعاته...

أنا ما كنش قصدي دي..

أنا قصدي لما تيجي تكتبي عن الحب ومفهومه وأنواعن وحالاته.. تستعيني بثومه..

يعني أتخيل البدايه:
طول عمري باخاف من الحب... وسيرة الحب...


وهكذا

أمنياتي

Unknown يقول...

ممكن اعرف ليه انت مش بترد علي الناس اللي بتعلق عندك وتتبادل معهم الرأي
مش احنا بندون علشان نتبادل الافكار والاراء
طيب ليه بتسيب الناس تكلمك وانت مش بترد عليهم ؟
سيدتي ...الغاليه..
صوتي بح من كثره ما ناديت (تعالوا نتفق)أولا انا كل من يشرفني بالزياره لا اكتفي بقراؤه تعليقه فقط بل اقرأ له اكثر من موضوع في مدونته ومن خلال قراءتي أدرس و اتفهم الشخصيه من خلال الأفكار و أرد علي قدر فهمي للشخصيه و الموضوع ...ولا اذكر أني تجاهلت تعليق عندي . ومع ذلك قولي لي علي نمط نتبعه كلنا ...أو نلتزم به قدر الأمكان ...تعليقك محل تقدير واشكرك علي الملاحظه الجديره بالأهتمام ..

ذو الوجه المبتسم يقول...

السلام عليكم ورحمة الله
اولا احييكى على فكرة البوست
دايما عندك الجديد والقديم
انا موافق على الموضوع
بس فى ملحوظة
هتكتبى كل تعريف ببوست مستقل ولا ممكن تجمعي بين اكتر من تعريف
لان كل تعريف من المكتوب بيحتاج لصفحات علشان نقدر نوصل لاخره
عندي اقتراح :
ايه رايك بكل بوست هتكتبيه تحطى فيه سؤال او استفتاء والكل يجاوب عليه
بس اوعى تعمليها فيا وتخلينى اول واحد اجاوب ههههههههههه
انا متابع معاكى ان شاء الله
تقبلى تحياتى

فارس القمر يقول...

السلام عليكم

ايوة كدا اول مدونه الاقى فيها موضوع بجد

الحب الحقيقى مش الحب الاعجاب ولا النظرات الكدابه هو دا الكلام ولا بلاش

تحياتى شموستنا

انا قولت ازور المدونات بقالى كتير مادخلتش يارب تكونى بخير

Unknown يقول...

بسم الله الرحمن الرحيم
السلام عليكم ورحمه الله وبركاته
حضرتك عندك حق ...ممكن حضرتك تشوفي أي تعليق عندي ...لأي زميل ...تلاقيني عامل زياره له ...ولو محتاج اعلق علي تعليقه بقول له ...وبعلق ايضا علي موضوعه و بنفتح حوار...لو أمكن .
لكن برضه انا مع حضرتك ان الرد علي التعليق في نفس المدونه اكثر جدوي ..
وممكن تلاقيني برضه برد عليه بتعليق واحد عندي وعنده ...
لكن وعد مني علشان خاطر حضرتك التعليقات سوف يكون لها تعامل بالشكل الذي تحددينه انت...
جزيل الشكر علي الأهتمام والمتابعه ...

بلاش فضايح يقول...

الحب زمان غير دلوقت
الحب زمان حب عفيف حتى قصص الحب زمان كان ليها معنى وبتعيش

الحب دلوقت كله غش وكدب وخداع وغلط فى غلط

حتى لو اللى بيحبوا بعض فاكرين نفسهم صادقين
فجأة تلاقي ظهرت على حد فيهم مظاهر الخداع

يمكن لأن اللى بيحب بصدق دايما بيقع فى الشخص الغلط وخصوصا فى الايام دى اللى ميعلم بيها الا الله

سمكه واحده يقول...

شموسه شموسه شموسه
هو ايه يا اخوتشي اسم ايه ده اللي بتكلموا عنه ده!
(وش بيستعبط)
طب ياله شدي حيلك خلينا نسمع ونعرف يمكن نتيل نفهم شويه حاجه بدل ما الواحد قاعد كده ونعرف الاختلاط بين العجاب والانبهار والاهتمام واسمه ايده كمان
موضوع مثير للجدل واكيد كله عند حب تطفل انه يعرفه
ربنا معاكي يا اجمل شموسه ياست الكل
مستنين

mostafa rayan يقول...

انا شايف ان الحب مش محتاج كل الاسئلةدي
هو ابسط من كدة بكتير
تحياتي لك

شمس النهار يقول...

*من غير عنوان
ان شاء الله ده في نيتي فعلا

شمس النهار يقول...

*فركشتوي..ناوي
علي فكره انا رديت علي حضرتك في مدونتك
وان شاء الله خير

شمس النهار يقول...

*ذو الوجه المبتسم
كلامك صح كل نقطه عايزه عمر تاني عشان نتكلم فيها بس هحاول وانتم معايا نصل لأفكار بسيطه ومحسوسه ومفهومه
وموضوع السؤال ده فعلا ناويه اعمله عشان اللي يعلق يجاوب ومش بس يعلق باللي في فكره لا يشاركني ويشارك الاخرين احاسيسه وافكاره عن النقطه موضع البوست
يعني عايزه التعليقات والبوست يكونوا مع بعض بوست جماعي
شكرا علي الحديث اللطيف ده

شمس النهار يقول...

*فارس القمر
اهلا اهلا ازيك اخبار تجهيزات الزواج ايه
ان شاء الله تكون تمام
الحمد لله ان الموضوع عجبك
بس عيزاك وانا عارفه انك مشغول في توضيب الشقه بس انت بالذات عايزه ان تشارك في الموضوع وتابع معانا بأفكارك
اتفقنا

شمس النهار يقول...

*فركشاوي..ناوي
اهلا بيك وبشكرك علي رحابت صدرك للنقاش
بس والله انا اقصد المصلحه العامه
ساعات بتكون في افكار جميله محتاجه مناقشه
يعني حضرتك تعمل المتبع اللي يعلق عندك ترد عليه عندك ومافيش مانع من الزيارات التدوينيه بين المدونين انا في ناس ما بتدخلش المدونه عندي بس بحب افكارهم وبروح ازورهم
شكرا ليك

شمس النهار يقول...

*نوني
كلامك صح مش هقدر اقول غير كده لو انه كله تشاؤم بس ده للأسف واقع
وده مابيكنش حب ده بيكون احد الطرفين بيتسلي
وعشان الطرف التاني حب بصدق بتتعمي عينه عن الحقيقه
عموما هنشوف مع بعض ايه الموضوع
خليكي معنا وشاركينا السلسله

شمس النهار يقول...

*سمكه واحده
بطلي شقاوه وركزي معيا كده عشان تعرفي تحبي صح مايجيش حوت كده حليوه يضحك عليكي
عايزه تركيز جامد مش من بتاع المذاكره المضروب

شمس النهار يقول...

*مصطفي ريان
والله انا معاك كل حاجه خلقها ربنا بسيطه جدا
بس تقول ايه في الخلق اللي بتعقد الامور
وبتشوه المشاعر والاحاسيس
هي دي الناس اللي معمول لها البوست
عشان الناس الجميله اللي معانا تعرف تفرق بين ده وده
بين اللي بتتكلم عنه انت والنقاط اللي في البوست
ومش كل الناس بتاخد المواضيع بنفس الكيفيه وبنفس النظره
بدليل ان المجروحين كتروا
وعلي فكره يامصطفي مش بس هتكلم عن الحب بين الرجل والمراه لا كمان الحب بين الناس والاصدقاء والجيران والابناء وكل انواع الحب
خليك معانا وتابع وشارك في الرأي رأيك يهمني جداوشكرا انك فتحت باب جديد للمناقشه

assafo anaroze يقول...

سيدتي
اول مرة ازور مدونتك عن طريق مدونة فركشاوي
في انتظار سلسلة عن الحب
تقبلي مروري
مودتي

شمس النهار يقول...

*اساف اناروز
الاسم كده صح
معلش علشان انا بكسل اكتب الاسم بالانجليزي بحس ان التحويله دي بتطلعني من تسلسل الافكار
المهم
اهلا بيك في اول زياره لمدونتي المتواضعه
وان شاء الله تشترك معانا في المناقشه

دعاء مواجهات يقول...

كل نقطة طرحتيها عاوزة رغى لوحدها

من وجهة نظرى ان اهم اسباب الفشل بتتلخص فى عدم الفهم وانعدام التسامح

لما ميبقاش فية رصيد فى قلب اللى بيحب للى بيحبة يبقى خلاص كل شئ سهل ينتهى

تحياتى لاثارة الموضوع

شمس النهار يقول...

*دعاء مواجهات
عنك حق بس هنحاول نعمل حاجه في الموضوع الكبير ده مع بعض
ومعاكي في موضوع الرصيد بس المفروض ان الاتنين يشتركوا في الرصيد ده مش واحد بيبني وواحد بيهد

Unknown يقول...

والله ياشموسة انا رأيى
ان الحب وتوابعه سواء
سعيدة او غير سعيدة
فهى قدر ومكتوب
واللى مكتوب على
الجبين لازم ولابد وحكماً
تشوفه العين .قالولك
الحذر لا يمنع القدر
يابرنسيسة لكن برضه
المعرفة والتعلم
والخبرات كان من
الكلام بتاعك
وبتاع ضيوفك بعد كده اكيد
حيضيف لنا (نحن القراء )كتير
سيرى على بركة الله وابدأى ...

شمس النهار يقول...

*نور هاتي
عندك حق بس ده مايمنعش ان الانسان يستفيد من خبرات الاخرين وتجاربهم
والانسان المقبل علي شئ وهو عارفه غير اللي مش عارف
وكله تفتيح مدارك عشان نعرف نفرق مش اكتر

Unknown يقول...

والله موضوعك حلو جدا
وفعلا الواحد لازم يعرف قبل ما يقرر يحب او يستمر فى احساسة بالحب
كيف يحب صح

القمر الساهر يقول...

بوست بجد مهم

مستنين كلامك يا جميل

أمل حمدي يقول...

ازيك يا شموسة

موضوع رقيق وجميل

الحب تفاني واحتواء وتسامح واخلاص

الحب مش كلمة في اغنية

الحب حياة

الحب حاجات كتير مع بعض مينفعش نتنازل عن حاجة منها

ربنا يسعد كل الاحبة ويجمعهم على خير يارب

في موضوع مهم عندي عايزة رأيك فيه ضروري

تقديري

تامر علي يقول...

الحب أنواع كثيرة أعلاها الحب الالهي وأدناها حب المحشي وما بينهما قدر رباني وغباء انساني ونجاح وفشل على قدر النوايا .. هذه رؤيتي المتواضعة .

موضوع جميل

دمت بخير

شمس النهار يقول...

*نهر الحب
انت فعلا اسم علي مسمي نهر الحب والخير
لازم تكوني معانا في الموضوع ده
اما موضوع اللقاء ان شاء الله زي مااتفقنا في التليفون هبلغك لو هاجي ان شاء الله

شمس النهار يقول...

*القمر الساهر
اهلا بيكي في اول زياره والحقيقه انا زرت مدونتك وجدتها جميله جدا
وان شاء الله تكوني معانا في الموضوع ده عشان نتناقش كلنا مع بعض

شمس النهار يقول...

*ماما اموله
اهلا بيكي ياست الكل
كلامك جميل جدا طبعا اكيد انا قريت اشعارك الجميله في الحب
لازم ان شاء الله تكوني معايافي الموضوع ده
تناقشي معانا ونستفيد من رأيك

شمس النهار يقول...

*تامر علي
بصراحه رأيك في الحب لطيف جدا بس اللي مابيحبش المحشي يعمل ايه
صدقت في موضوع النوايا فعلا كل واحد ونيته

hasona يقول...

السلام عليكم

الحديث عن الحب يحتاج الكثير والكثير
من الكلمات والصدق

لأن فيه حالات من التمثيل في الحب
وهناك ضحايا له

وفيه ناس حبها مرتبط بفترة معينة أو حالة معينة


في انتظار بداية حديثك
وموضوعاتك الجديدة


تحياتي

غير معرف يقول...

على فكرة البوست جامد أوى أوى أوى و أنا حقرا التعليقات و إن شاء الله أول ما ألاقى وقت و يكون البوست لسة موجود حاجى اناقش معاكو...بجد تحححححفة


أدعيلى أنتى بس ربنا يعديلى اليومين دول على خير يا جميلة

شمس النهار يقول...

*حسونه
اهلا بيك في اول زياره
وانا معاك ان اللي ذكؤته ده صح بس ازاي ممكن الواحد يعرف الحب الحقيقي من انواع الحب اللي ذكرتها
زي زمان كان طلعت موضه اسمها حب المصايف ولد وبنت يحبوا بعض وقت المصيف ولما يرجعوا ينسوا بعض
ان شاء الله تشترك معانابالرأي

شمس النهار يقول...

*انا ودماغي
بدعيلك وفرحانه بيكي جدا وبالنشاط اللي انت بتعمليه
وطبعا انت معانا وتتناقشي انت ودماغك طبعا

MaNoOoSh يقول...

موضوع جميل ومشوق
ومبسوطة انى اجى اول زيارة على موضوع حلو كدة
فى انتظار مناقشة الأفكار

اقصوصه يقول...

ااااااااه

من الحب :(

Sweet Violet يقول...

انا جيييييييييييييييييييييييييت (:

اولا قبل اى حاجه الاغنيه جميلة جداااااااااااا بجد

نيجى بقى للموضوع طبعا طبعا جميل و مفيد .. متابعه ان شاء الله معاكم

و بعتذر عن التأخير فى الرد ..بس انتى عارفه بقى ):

ادعى لى ياشموستى (:

Eno يقول...

انا التعليق ال100
هيييييييييييييه

كان نفسي اكون الاول
معلش انا مقصره مع حضرتك بس والله النت كان عملها فيه وفاصل وكنت مش عارفه اعلق عند حد :)

الحب باه هو اجمل ما في الدنيا
بس اهم حاجه يكون علي الاساس السليم
واهم اساساته
التفاهم والاخلاص والصدق
وفي حاجات تانيه كتير يامدام شمس بس من وجهة نظري اني دول اهم حاجه

اللي لسه مكتشفاه جديد باه في موضوع الحب ده
العطاء
بجد انا كنت مش عارفه يعني ايه عطاء في الحب ولما ادي ادي ايه
طلع انه اجمل حاجه في العطاء العطاء من غير حدود ومن غير انتظار لاأي مقابل
وحاجات كتيره اوووووووووي في العطاء عاوزه بوست لوحده :)

بجد سعيده جدا بموضوعك ده من اول لما نزل واسفه علي التأخير :)

دمتي بكل سعاده :)

شمس النهار يقول...

*مانوش
اهلا بيكي في اول زياره
وان شاء الله تشتركي معانا في المناقشه

شمس النهار يقول...

*اقصوصه
اه اه منه علي رأي ام كلثوم
ان شاء الله هنشوف اه منه ليه بقا

شمس النهار يقول...

*سويت فيوليت
اخيرا جيتي اخيرا لازم ازعق واهدد عشان تيجي :)
انت معطله المسيره كده
بدعيلك ياحبيبتي ربنا يريح قلبك

شمس النهار يقول...

*اينو
ازيك واهلا بيكي
وعندك حق في كل اللي قلتيه علي الحب
وخصوصا موضوع العطاء ده
من اهم اركان الحب العطاء زي ماتاخد تدي
ويكون في توازن حقيقي
قبل مايجي يوم واحد من الاتنين يقف يقول انا بدي كتير اخدت ايه
وهنا بداية نزول اسهم الحبيب عند الحبيب
الموضوع كبير هنتناقش ونشوف

mahasen saber يقول...

يا حبيبتى يا شموسه

دهتنام عليا حيطه ولاا اسيبك تستنيينى ابدا ابدا انا اسفه والله بس بتعي جدا طول اليوم وفعلا اول ما بنيم ابنى بنام فى حضنه علطول وانا بنيمه وده الجدول اليومى واصحى الفجر الاقر الكمبيوتر شغال وكل يوم ااقول لا هنيم بيرو واروح ازور حبايبى واشوف اخبارهم واخر انتاجهم ايه
اصحى برضه على الكمبيوتر شغال لوحده وانا طبعا ببقى صاحيه من نوم اهل الكهف

اسفه جدا جدا جدا يا شموسه
بجد اسفه يا حبيبتى
مش عارفه اعتذرلك ازاى بجد

الربان يقول...
أزال المؤلف هذا التعليق.