عيد الام قرب جدا
وطبعا في ناس بتقول ايه عيد الام ده المسلمين مالهمش غير عيدين بس
وده بدعه وماينفعش كده
انا بقول لهم ماتحتفلوش معانا وما تبجلوش الام ماهو اللي زعلان من اليوم ده اعتقد انه متألم من شىء ما
وناس تقول حرام اللي مامته ماتت يعمل ايه ؟ كده بنكد عليه !! وماله ياناس لما يفتكر امه يوم ويعيطله عليها دمعتين ويقرا لها قران كمان معلش ياريت ننكد عليه عشان يفتكرها عشان انا واثقه انه نسيها في خضم الاحداث ده في ناس امهم علي وش الدنيا ومش فاكرينها اصلا
واللي مش مصدق يوصل لأقرب دار مسنين جنبه ويشوف وعلي فكره الابناء فعلا بيفتكروهم وبيجوا الدار يعيدوا عليهم وفيهم بيبكي ويعتذر عن التقصير
يعني اللي بينادي ان ده يوم بدعه يروح يوم عيد الام ويشوف والا كمان عايز يحرم الام المسنه من اليوم ده كمان
بس المشكله انه زيه زي اي عيد سطحناه وجعلناه عيد استهلاكي برضه مع انه عيد مشاعر
المهم
انا عايزه اهدي البوست ده لروح غاليه عندي جدا جدا حماتي اه والله الست دي ليها عندي جمايل كتير انا شفت الدنيا من خلالها بشكل جديد خالص واتعلمت منها حاجات كتير جدا وكان لها عقل جميل جدا وماتبخلش بالنصيحه ابدا وكانت رحمها الله تتمتع بخفة دم لطيفه
عمري ماطلبت منها النصيحه الا واعطتهاني
النصيحه الصح المنزهه عن اي غرض وعلمتني اني لازم اعمل كل حاجه بحب واني علي طول اكون مبتسمه ومفرفشه علي حد قولها عشان النكد مش بيحل حاجه
الست دي وقفت جنبي كتير عمري ماحسيت انها حماتي كنت بحس انها امي مها كان الموقف
وفضلت اقول لها ياماما ( برغم كل الظروف ) وفضلنا ام وبنتها الي اخر يوم في عمرها
هي ماتت من 8 شهور بس وبجد هي وحشاني
كل سنه وامي طيبه وبصحه وسعاده وكل سنه وكل ام طيبه
والله يرحم كل ام ماتت
وطبعا في ناس بتقول ايه عيد الام ده المسلمين مالهمش غير عيدين بس
وده بدعه وماينفعش كده
انا بقول لهم ماتحتفلوش معانا وما تبجلوش الام ماهو اللي زعلان من اليوم ده اعتقد انه متألم من شىء ما
وناس تقول حرام اللي مامته ماتت يعمل ايه ؟ كده بنكد عليه !! وماله ياناس لما يفتكر امه يوم ويعيطله عليها دمعتين ويقرا لها قران كمان معلش ياريت ننكد عليه عشان يفتكرها عشان انا واثقه انه نسيها في خضم الاحداث ده في ناس امهم علي وش الدنيا ومش فاكرينها اصلا
واللي مش مصدق يوصل لأقرب دار مسنين جنبه ويشوف وعلي فكره الابناء فعلا بيفتكروهم وبيجوا الدار يعيدوا عليهم وفيهم بيبكي ويعتذر عن التقصير
يعني اللي بينادي ان ده يوم بدعه يروح يوم عيد الام ويشوف والا كمان عايز يحرم الام المسنه من اليوم ده كمان
بس المشكله انه زيه زي اي عيد سطحناه وجعلناه عيد استهلاكي برضه مع انه عيد مشاعر
المهم
انا عايزه اهدي البوست ده لروح غاليه عندي جدا جدا حماتي اه والله الست دي ليها عندي جمايل كتير انا شفت الدنيا من خلالها بشكل جديد خالص واتعلمت منها حاجات كتير جدا وكان لها عقل جميل جدا وماتبخلش بالنصيحه ابدا وكانت رحمها الله تتمتع بخفة دم لطيفه
عمري ماطلبت منها النصيحه الا واعطتهاني
النصيحه الصح المنزهه عن اي غرض وعلمتني اني لازم اعمل كل حاجه بحب واني علي طول اكون مبتسمه ومفرفشه علي حد قولها عشان النكد مش بيحل حاجه
الست دي وقفت جنبي كتير عمري ماحسيت انها حماتي كنت بحس انها امي مها كان الموقف
وفضلت اقول لها ياماما ( برغم كل الظروف ) وفضلنا ام وبنتها الي اخر يوم في عمرها
هي ماتت من 8 شهور بس وبجد هي وحشاني
كل سنه وامي طيبه وبصحه وسعاده وكل سنه وكل ام طيبه
والله يرحم كل ام ماتت
هناك 91 تعليقًا:
الله يرحمها و يرحم أمواتنا جميعا
أنا كمان و الله جدة الأولاد ربنا يديها الصحه و طولة العمر طيبه جدا جدا و لسه بأقولها يا أمى لأنى فعلا بأعتبرها زى أمى بالظبط
بس حقيقى يا برنسيس موضوع اٍهمال الأبناء لماماهتهم و باباهاتهم (أدينى مش بأقول أمهم و أبوهم أهو) موضوع مؤلم و يا ريت يتنبهوا لده قبل فوات الأوان و يعتبروا عيد الأم ده عيد لكل الأسره يصلوا فيه الأرحام
كله سنه و أنتى طيبه أنتى و كل البرنسيسات و خاصة الأمهات منهم :)
طب يعنى ومامتك ملهاش من الحب جانب؟:)
جميلة يا شموسة تدوينتك
ربنا يرحم كل اهات المسلمين اللي رحلوا واللي لسه عايشين يبارك في عمرهم ويمدهم بكل الخير يارب
وكل سنة وأنا وأنت طيبين
ربنا يرحمها برحمته الواسعه
ويكرمك على روحك الجميله وطيبتك وخلقك الدمث ويعوضك معاملتك لحماتك او امك فى ازواج ملايكتك يا شموستنا الدافئه
حلو قوى لما نعتبرهم امهات لينا ويا ريت يعتبرونا بناتهم بس بصدق مش مظهر اجتماعى وخلاص
طبعا فاهمانى بتكلم عن ايه يا شموسه
كل سنه وانتى ومامتك وكل ام بتحبيها بكل خير
يا حبيبتى وحبيبة الجميع
ربنا يرحمها ويسكنها فسيح جناته
ربنا يرحمها و يسكنها فسيح جناتة ويجعلها من اهل الفردوس الاعلى هى و امواتنا و اموات المسلمين اجمعين
و كل سنه و انتى طيبه ياشموستى (:
السلام عليكم::
ربنا يرحمها آمين
طيب ممكن سؤال بسيط: انا ممكن أعمل في عيد الأم لمامتي؟؟؟
الحاجة اللي بجد هتفرحها
الساطعة شمس النهار
جزاك الله خيرا على مشاركتنا تلك المشاعر النبيلة التي تنير القلوب و تدفئ النفوس.
رحم الله كل أم حية في دنيانا أو مطمئنة في جوار ربها، و أسعد الله كل أم في عيدها و جعل كل أيامها أعيادا و رزقها بر أبنائها و دعاءهم الصادق.
تحياتي
ربنا يرحمها ياااارب ويجعل مثواها الجنه ..
بس هقولك حاجه ياشمس
هو فعلا ف الاسلام مافيش الا عيدين غير يوم الجمعه
وانك تنصبي يوم 21 مارس ده عيد للام مش من حقنا يعني
انتي ممكن تخلي كل يوم عيد للام
او مثلا يوم 21 نقول يوم الام
هو انا انا بشتري هديه لامي وكل حاجه
بس مش بسميه عيد
ده الي درسته ف الفقه كتير اوي
عموما نايس بلوج والله
وهفضل متابعاكي ان شاء الله
وبعد اذنك ضفت مدونتك عندي
الله يرحمها ويرحم كل الامهات
حقيقي قمة الوفاء منك
تحياتي
الله يرحمها
و الله ياريت كل الناس زيك
دايما بتشوف الجانب الحلو
و ربنا يكرمك و يجازيكي كل خير
و كل سنة و انت طيبة مانتي ماما
و ربنا يشفي قلب كل ام مجروح و لو عندها ولد تاعبها يهديه و لو عندها غايب يرده لحضنها
و يحنن قلبهم عليها
و ماماتي ربنا يديها الصحة و يريح بالها
الله يرحمها ويبارك لك فى والدتك
جميل الاحساس ده ياشموسه والاعتراف بالجميل لناس تركوا بصمه فى حياتنا
ممكن سؤال؟
انتى زعلانه منى؟
ومش بتزورينى ليه؟
كل سنه وانتى طيبه يا شموسه
والله يرحمها ويغفر لها ونتمنى ولادنا يذكرونا بالخير برضه كده
تحياتي لكى يا جميل
الحاجه ...شمس النهار
بشكرك جدا علي قبول الدعوه وزيارتك لي.
واغلي نصيحه سمعتها نصيحتك الغاليه..
ان لم تكن الحاجه من المساهمين المؤسسين في مدونتي ...راح اقفلها بالضبه و المفتاح.
ربنا يرحمها ويرحم كل امهات واموات المسلمين :)
لمحه جميله من حضرتك بجد انك تذكري حماتك بكل خير في وقت البنات بيبقو بيتخطبو وهما شايلين من حماتهم من غير مايشوفها حتي
وده غلط جدا انا سمعت قبل كده حد بيتكلم في الموضوع ده بيقول الغلط من البنت نفسها هي لو داخله بنيه صافيه انها تعاملها زي ولدتها بالظبط وتحترمها وتتقبل منها اي حاجه
ساعتها عمر ماهيكون في مشاكل ابدا اسمها الحماه ومرات الابن
مع احترامي لنماذج سيدات ظلمو بالفعل من حمواتهم
الحمد لله الذي عافانا :)
كل سنه وانتي طيبه ياماما
وكل سنه ومامتة حضرتك طيبه
وكل سنه وكل الامهات طيبين وبخير :)
تحياتي :)
يا..شموسة..أنا..مش..عارف..هو..بدعة
ولا..لاء..بس..فيه..فكرة..عجبتني..بتقول
بدل..ما..تفتكر..مامتك..أو..حتي..بباك
يوم..في..السنة..افتكره..طول..السنة
واعتقد..ان..الدين..معملش..عيد..
للوالدين..نظراً..لقدسيتهم..في..الدين
مش..في..يوم..وكل..واحد..حر..في..رايه
بس..انا..شايف..انك..غضبانه..من..
اللي..يقول..دي..بدعة.
انا..شايف..انك..مخلصه..لممتك(حماتك).
وده..شعور..نبيل..افتقدته..ستات..كتير
في..مصر..بس..الحساسية..في..العلاقة
مع..الحما..ربنا..يهنيكي..انت..
وزوجك..بالسعادة..والهناء..
والذرية..الصالحة..اللي..تخلي..حياتكم
كلها..اعياد..ام..واعياد..أب..شكرا
ليكي
*عمرو
كل سنه وانت طيب
واسمها امهاتهم وابهاتهم ماانت عارف انا ضليعه في اللغه العربيه زي ضلوعي في اللغه الهنديه بالظبط
*موناليزا
طبعا امي هي الحب كله بس الست دي ليها فضل عليا كبير ويجب الاعتراف بفضلها وزي امي ماكانت بتقولي دعوتها ليكي احسن من دعوتي انا عشان انا بدعيلك انت بنتي وحبيبت لكن هي دعوتها ليكي علي قد عملك الطيب وحبك ليها
*ماما اموله
كل سنه وانت طيبه ياغاليه
وربنا يبارك فيكي
*محاسن
كل سنه وانت طيبه يااصغر ام واحلا ام
ياام عبد الرحمن
شوفي عمرك ماهتعملي حد كويس وهيعاملك وحش مره في مره هيتكسف ويكون علي قد معملتك ليه
الا اذا كان هو فعلا وحش في الحاله دي تستعملي نظرية حسن الجوار بتاعت السادات
*د/ياسر عبد الرحمن
اهلا بيك في اول زياره
وكل سنه والوالده بخير ودعيالك
*سويت فيولت
كل سنه وانت ووالدتك بخير
وشكرا ليكي علي الرساله الجميله جدا اللي بعتيهالي
*مفكر
انت عارف ايه احلا حاجه بتفرح الامهات مش الهديه لا
انك تصحي من النوم يومها تبوس ايدها وراسها وتقول لها انك بتحبهاومقدر كل حاجه هي عملتها عشانك
واطلب منها انها تدعيلك وترضي عليك
صدقني لو عملت كده هي هتفرح جدا
وانت كمان هتاخد ثواب كبير وكمان هي هتدعيلك دعوا خالصه يعني ياعم كسبان من كله
*موني الشريف
اهلا بيكي في اول زياره نورتيني
وبالنسبه لكلمة عيد او يوم مش هتفرق خالص المهم الجوهر
وصدقيني فعلا من خلال العمل التطوعي فعلا في ابناء مابيفتكروش امهاتهم غير في اليوم ده
الدنيا لاهيه الناس ماحدش بيفتكر حد
والناس اللي بتقول احتفل بأمي كل يوم
انا جنبي ست كبيره ماحدش من اولادها بيجي يزورها خالص غير كل فين وفين
وقبل عيد الام بيوم تلاقيها جايبه الست اللي بتنظف لها وبتطبخ وعامله هيصه عشان اولادها اللي جايين
ربنا يكرم الجميع
*اناحر
اهلا بيك
الحقيقه هي كانت ست تستاهل كل خير
الله يرحمها
*لينو
كل سنه وكل ام بخير وسعاده
وفعلا يارب كل ولد او بنت ناسيين امهم يفتكروها وهي بتسامح الناسي علي طول
ماهو ده قلب الام
*عاشقة الرومانسيه
ازيك
كل سنه وانت ووالدتك بخير
ليه هزعل منك بس انا كنت مشغوله ومش بدخل النت كتير وبعدين انت كان عندك مواضيع ماحبيتش اعلق عليها خالص
واستنيت لحد ماالدنيا تهدا شويحد يزعل من اولاده وبناته
*صبرني يارب
كل سنه وانت طيبه ياجميله
ويفرحك بالاولاد
ان شاء الله يفتكرونا طالما ربيناهم صح علي طاعة الله ورمينا الاساس صح يبقا ان شاء الله هيكون كله خير
*عصفور مهاجر
اهلا بيك وحمد الله علي السلامه
وشكرا ليك علي المجامله اللطيفه
*اينو
كل سنه وكلنا بخير
شوفي يااينو انا برفض اصلا ان البنت تحط راسها براس حماتها او حتي تستعدي جوزها غلي امه
ده حتي يبقا حرام انها تحطه بينها وبين امه ماينفعش
وعمرك ماهتحسسيها انها كسبت بنت كمان وهترفض وبالمعامله الحلوه مره في مره وكلمة ماما بتحن القلوب لبعض
*مستر بريزيدنت
انا بس عشان شفت امثله كتير لجحود الابناء واللي مش بيفتكروا امهاتهم اصلا فابقول ده يوم في السنه العيل الجاحد ده
يفتكر امه فيه ويمكن تدعيله هي دعوه يومها ينصلح حاله قبل فوات الاوان بصراحه ان شايفه حتي لوكان بدعه فهي بدعه محموده مادام لايؤتا فيها حرام وفيها تعضيض لما ينادي به الاسلام من تبجيل الوالدين
وكمان فرصه ان الاسره تتلم عشان في اسر كتير مابيشفوش بعض غير في المناسابات
تصدق الاسر دي انا عايزه اعمل لهم كل يوم عيد عشان يشوفوا بعض
اقول لك حكايه
لما بابا مات ماشفناش حد من اهله
قلت اعمل الذكري السنويه واجمعهم عشان يشوفوا بعض واحنا كمان نشوفهم
وكان رحمه الله الدكتور المسير عايش
كلمته وسألته هو كده في مكروه اني اعمل الذكري بنيتي اني اجمع العيله اللي ماشفتش حد منها بقالي سنه
قال مادام النيه صلة الرحم لامانع
ده حتي يكون خير
وفعلا اتلموا كلهم وامبسطوا جدا انهم واولادهم شافوا بعض وكان يوم لطيف
*ابو شوشو
اهلا بيك في اول زياره وشكرا لك علي الكلمات اللطيفه
**ابو شوشو
-----------
--------
ليه ماعرفتش ادخل المدونه عندك؟؟؟
الله يرحمها يارب وكل سنه وكل ام بخير وحضرتك كمان بخير يارب
تحياتي
نسأل الله العلي القدير لها و للجميع الرحمة و المغفرة...
اشكرك لانك تذكرتيها بالخير و الحب في هذه المناسبة...و لانك علمتي البعض منا
انه ليس بالضرورة ان تكون " الحماه "
سيئة او شديدة في طباعها...
و ايضا قد يتعلم البعض منا ان يكون بسمة رقيقة حينما يأتي دوره ليصبح
او لتصبح و الدة الزوج او الزوجه...
اخيرا أذكر نفسي اولا ثم من يرغب في ان العمل الصالح الطيب هو الذي يبقي مع ذكري طيبة عطرة...و دعاء من القلب
قد يصل الينا بعد رحيلنا عن هذه الدنيا الفانية...
تحياتي و تقديري و كل عام و كل ام بخير و سلام...
السلام عليكم ورحمه الله وبركاته
ربنا يرحمها ويغفرلها ويجعل مثواها الجنة إن شاء الله .
والله الواحد بيفرح لما بيلاقي العلاقة بين زوجه وحماتها كويسة بالذات إن الناس خلاص فكرة الحما الشريرة دي بقت هي السائدة حتى لو العلاقة كويسة بيتدوا بيوظوها وخلاص .. وربنا يخليلنا التلفزيون!!
وبالنسبة لحكاية الاحتفال بيوم الأم والبدع والكلام دا فاحنا مش هنفتي بس زي مانت قلتي ان الاعياد دي بتتملى سلبيات ,, ودا الطبيعي طبعا لانه مش من ثقافتنا وعشان كده بيتقال عليه بدعة ,, وصدقيني لو احنا بنطبق الاسلام صح مش هنحتاجه ولا غيره لان احنا ايامنا كلها للام وكلها للحب وكلها للعلم وكلها للعمال ,,,
بس اهي اجازات وخلاص
ربنا يهدي ...
*حاسوباتيه
شكرا ليكي
وكل سنه ووالدتك بخير
*الربان
اشكرك علي كلماتك الطيبه
وكل سنه وكل ام وحماة بخير وصحه وسعاده
*تيفا
كلامك سليم جدا
وفعلا احنا لومطبقين الاسلام صح ماكناش احتجنا حاجات كتير وعلي فكره علي ومصطفي امين اللي خلاهم يفكروا في يوم للأم من كتر ماشافوا من موقعهم جحود الابناء ونكرنهم لأمهاتهم
اممممم
بس لا مؤاخذة دا مش تفكير سليم !!
يعني بدل ما نبذل مجهود عشان نحتفل بيوم للام ,, نبذله أحسن في العودة لدينا ونعرف الاسلام كرم الام ازاي ,, وأمرنا نتعامل ازاي مع الناس الكبيرة ..
وجهة نظر ...
*ماهو خاللي بالك ان مش كل الناس بتفكر زيك كده
وكمان برغم وجود كيان زي الازهر وكل المشايخ دول مش عارفين نطبق حاجه خالص
طب علي الاقل ندخل السرور علي قلب الامهات علي ما الخطاب الديني والناس القائمه عليه ماتفتكر تتنحرر شويه
السلام عليكم::
شكراً على النصيحة،،،إن شاء الله أعمل بيها
*مفكر
لاشكر علي واجب
انا اللي بشكرك انك اعتبرتني اهل للنصيحه
كل سنة و انتي طيبة
و كل عيد أم و انتي و كل الأمهات بخير
*انا ودماغي
شكرا وكل سنه وكلكم بخير وسعاده وناجحين
السلام عليكم::
انا ع فكرة معرفش نظام النيل إيه،،،
أنا مجرد لما شفت لما شفت النيل والهوا الجميل نفسي اتفتحت ع الطعمية،،،
أنا بحب الطعمية،،،مش عارف باين إنك مش على ود مع الطعمية
الله يرحمها ان شاء الله
ويرحم كل المسلمين
وربنا يبارك في اعمار كل الامهات ويهدي اولادهم ويجعلهم بارين بهم
دمت بخير شموسه
الله يرحمها ويسكنها فسيح جناته
برك ليها هيكون بالدعاء لها والاستغفار لها
تقبلي مروري
مجنووون
شمس النهار..
مساكم ونهاركم سعيد
أو صباحكم معطر
نشكركم علي المجامله.
الحاجة شموسة
انا ممستنى وباتشوى على نار هادية لحد اليوم ما ييجى واقابلكم
وفى تغيير عندى فى الميعاد
وعلى فكرة ايام الثانوى بالنسبة لى احلى كانت اجمل ذكرياتى فيها
رحمة الله عليها وعلى كل أموات المسلمين ... وعلشان نخرج من خلاف الأعياد مش لازم نسميه عيد ... نسميه "احتفال بيوم الأم" علشان النص جه بالعيد ..خلاص مااسمهوش عيد:)
السلام عليكم ورحمه الله وبركاته
تعيشى وتفتكرى
وفعلاً مش كل الحموات قنابل ذريه
وأنا كمان حماتى كانت تحبنى زى ولادها ويمكن أكثر الله يرحمها ويرحم أمواتنا
وأموات المسلمين
وكل عام وأمهاتنا جميعاً بخير
وكل سنه وأنتِ بخير وسعاده
جميله تدوينتك الله يرحم امواتنا جميعا هونى عليكى فكلنا سيموت
رحمها الله ورحم موتانا وموتى المسلمين...
ومن أحق الناس بحسن صحابتك.. أمك ثم أمك ثم أمك...
ويظل الرجل طفلا إلى أن تموت أمه...
( هو في مشكله عند عمرو في حكاية أمك وأبوك ولاّ إيه)
أنا شخصيا بأحب أقول أمي
وبأعيط كتير في أغنية ست الحبايب
يارب يخليكي يا أمي...
وكل سنه وإنت طيبه يا شمس الشموس...
وأكيد إنت أم جميله وحما طيبه
سلام لحسن طولت...
أمنياتي
من غير عنوان
:))
يا صديقى الحكيم أنا ماعنديش مشكله فى كلمة أمهم و أبوهم .. المشكله عند شمس النهار :))
و على فكره يا صديقى أنا بأقدر الرجل اللى لا يستحى من البكاء كلما تذكر عزيز لديه قد فقد أو غيبه الموت و من أغلى من الأم كى نبكى لذكراها ؟؟
بس فعلا شمس النهار أم جميله و حما طيبه و كمان اٍنسانه رائعه و فى غاية الرقه و الطيبه
تقبل تحياتى يا صديقى و كل سنه و أنت طيب :)
اللهم ارحم جميع امهات المسلمين الاموات منهم والاحياء ويجعلنا نبرهم لحد اخر يوم فى عمرنا وعمرهم وبجد يابختك بحماتك وادعى لنا ربنا يرزقنا الحماه الام الحقيقيه ويغفر لمامتك وحماتك اللهم امين
** عمرو العزيز الجميل
طبعا أنا فاهم من الأول إن شمس النهار هي اللي مش عاجبها أبوياوأمي...
وهي عندها حق في حته...
إن كتير من الناس لما بيشتموا حد بيستخدموا أبوك وأمك مش باباك ومامتك
تحياتي يا عموووووور
-
ملحوظه... أنا وعمرو في ضيافتك يا شمس... طبعا ده بعد إذنك
متشكرين يا مضيافه يا كريمه
ازيك يا حاجه
كل سنه وانت طيبه
العيال هاريينى اليومين دول من هدايا عيد الام
امهم تاخد الهدايا وانا ادفع الفلوس
كان نفسى اطلع ام عشان آخد انا كمان هدايا ... اشمعنى يعنى انا لأ
يا سلام لو فيه عيد اب وياخد هو كمان هدايا
كان الواحد يبطل حقد على الامهات
لكن ما فيش عيد اب
بس فيه حقد علىالامهات وخلاص
تحياتى يا حاجه
*مفكر
نيل وطعميه ازاي بس يادكتووووووور
النيل الجميل الرومانسي ده يفكرك بالطعميه ازاي مش فهمانه حاجه خالص
النيل الجميل ده يتاكل عليه طعميه
انت مش بتشوف افلام والا ايه
*غربتي
اهلا بيكي وكل سنه وكلنا بخير وسعاده وود
وحب
*مجنون
والله كل مابفتكرها بدعي لها هي كانت ست لطيفه جدا وتستاهل كل خير
*هو...مش..نو
الشكر ليك انت
*الازهري
ازيك اخبار البروفات ايه
وايه حكاية تغيير الموعد دي
*تامر علي
والله انا مش شايفه اي خلاف يسموه عيد يسموه يوم يسموه الذكري الثانويه
المهم يكون في حاجه تفكر الناس الناسيه بأن في ام كبرت وربت ورضاها من رضا الرب
*واحدمن العمال
اهلا بيك
وكل سنه وكل الامهات بخير
واكيد انت كنت كويس معاها عشان كده هي حبتك زي ابنها
*محمد
اعتقد الاسم كده صح
اعذرني انا مابكتبش بالانجليزي عشان بكسل
واهلا في اول زياره
*من غير عنوان
فعلا احق الناس بالصحبه هي الام وربنا جعل صحبتها عباده
بس حماتي كانت ست لطيفه وحبيت اهدي لها كلمه بسيطه ولو انهامش هتقراها
اما بالنسبه لعمرو فهو شخصيه لطيفه بس بيحب يسمي الاشياء علي اصولها فبيقول ابويه وابوك وامي وامك صحيح بيقولهم بطريقه لطيفه بس انا مش متعوده عليهم وبقول له قول والدي والدتي يضحك ويقول يعني واحد طول بعرض زي كده يقول مامتك وباباك
ادي كل الموضوع:)
وكل سنه ووالدتك بخير وصحه وعافيه
وان شاء الله السنه الجايه تكون بنوتك العروسه بقت احلا واصغر ام في مصر
وشكرا ليك علي المجامله اللطيفه
*احمد عبد المعم
حاضر من عينيه هروح المدونه
وشكرا علي الدعوه الجميله
*عمرو
شكرا ليك علي الكلمات الجميله انت دايما ترفع من معنويات الناس
وعلي فكره انا نميت عليك في الرد علي المهندس البنا
*طوبه دهب وطوبه فضه
ان شاء الله ربنا يرزقك بزوج طيب حنون وكمان حماة طيبه بس عايزه اقول لك
انت لو دخلتي عليها بالخلق الطيب والحب الصادق وعاملتيها كأنها امك بصحيح هتكون العلاقه طيبه علي طول
*من غير عنوان
انت وعمرو تنوروني وتشرفوني انا والمدونه
وتزينوها بتعليقاتكم اللطيفه
*فشكول
اهلا بيك
وكل سنه ومدام فشكول بخير وسعاده
وتعيش ياسيدي وتشتري لها هدايا انت والابناء
كل سنة وانتِ بالف خير
ياشموسة يابرنسيسة
وربنا يطمنك على
حبيباتك وتكونى
قريبا جدااا
(حمّاة )طيبة
زى حماتك
الله يرحمها
هى وامى وابويا
واموات المسلمين اجمعين.
اه موضوع بدعة دا بسمع كتير...انما انا مش مفتى فمش حتكلم من الناحية الشرعية...انما ايه المشكلة لو قيمة عندنا ليها اصل فى الدين يكون ليها يوم تبان فيه و نحتفل بيها
عاوزة اقولك بجد ربنا يرحم حماتك و انا معجبة اوى بعلاقتكم ببعض و يا ريت كل البنات تبقى كدا و تعرف ان فى الاخر حماته دى ام
بجد يا شموسة تحياتى و كل سنة و انتى طيبة
امى شمس النهار
نا عملتلك عندى اهداء
كل سنة وانتى طيبة
*نور هاتي
كل سنه وكلنا بالحب متجمعين يارب
بس عايزه اقول لك ان انا حماة من زمان عشان عندي بنت متزوجه واخري مخطوبه
وشكرا علي كلامك اللطيف
دينا
كل سنه وكلنا بخير وسعاده
الحقيقه هوجة الافتاء دي تعباني جدا جدا
بس اهو هنحتفل برضه وهنلم اللمه بتاعت كل سنه
وزي مابتقولي لو كل بنوته تعتبر حماتها زي امها الدنيا هتبقا جميله
*اصحي يامصر... اسلام.. ديو
كل سنه وانت الابن البار دائما
وشكرا علي اللفته اللطيفه
ويشرفني اني اكون ام لشاب لطيف زيك
كل سنه وانتى بالف خير يا شموستنا
وكل ام بالف خير وسلام
ويا رب دايما معطائه كده
*محاسن
كل سنه وانت ام قويه جميله محبه
وربنا يفرح قلبك ويفرحك بعبد الرحمن اللي وحشني جدا
شموسة النهار الجميلة
كل عيد ام وانتي بخير
كل عيد ام وانتي ام جميلة
كل عيد ام وانتي طيبة وبصحة وسعادة
*ساره جبالي
كل سنه وانت طيبه
كل سنه وانت بنوتي الباره
شكرا علي مجاملتك اللطيفه
السلام عليكم
كلماتك عن حماتك اللى هى معتبراها امك اثرت فى بشكل جامد جدا وان دل على شئ يدل على وفائك بالماضى واصلك الموجود فيكى اصلا لكى عليه كل التحيه والتقدير وربنا يرحمها يارب وخير هديه ليها الدعاء وقراءة الفاتحه على روحها وربنا يجمعنا معها فى جنة الخالدين بإذن الله تعالى
وبعيدا عن البوست لفت انتباهى صورة الكعبه المشرفه واللى بتقولى انك مصوراها بنفسك
يعنى معنى كده انك زورتى المسجد وحجيتى طيب انا هحسدك واقولك يابختك :)
لا بجد نفسى اروح ادعيلى اقدر احجج والدى وولدتى واحج انا كمان
واجيب ليكى صوره من هناك اصورها انا برضه
يااااااااااه والله نفسى
قولى يارب
كل التحيه والإحترام والتقدير
شموسه
كل سنه وانتي طيبه
*ابن مصر
اهلا بيك وحمد الله علي السلامه
شكرا علي كلماتك اللطيفه
وربنا يرحم اموتنا جميعا
الحمد لله ربنا اكرمني وحجيت السنه دي
وصورة الكعبه انا فعلا اللي مصوراها بنفسي الحمد لله
وان شاء الله تحج وتحجج والديك
*سمكه واحده
كل سنه وانت طيبه
وكل سنه ووالدتك طيبه
كل سنة وانتي طيبة يامامتي
وبالنسبه للمكان ممكن نظبط مكان من اللي قولتي عليهم بس المشكله في انه مش يكون يوم جمعه لان في ناس بتشتغل عااااااااااا
ربنا يسهل ونظبطها وحشااااااااااني يامامتى
*كيارا
كل سنه وانت بنوتي
انت كمان وحشاني
وماكلمتنيش ليه زي الاتفاق
ولو هتروحوا اي مكان من دول قولوا لي عشان لازم ناخد موافقه عشان ساعات مابيرضوش لراحتهم
*مقتطفات من حياة فتاه
اكيد اكيد عيد ميلاد
كل سنة وانتى طيبة ياشموسة
سواء اللى بتقول عليه(مقتطفات من حياة فتاة) ده عيد ميلادك او عيد ميلاد حد تانى برضه كل سنة وانتى طيبة وحلوووووة زى ما انتى ياشموسة(خليلى حتة من الميل فيل لو سمحتى)
إرسال تعليق