الأحد، 19 أبريل، 2009

نبتدي منين الحكايه ؟

Get this widget Track details eSnips Social DNA

طريق النحل - فيروز

تحديث
----------

انا جيت ازيكم كلكم
طبعا اسكندريه جميله جدا جدا كالعاده .كنت بسمع اغاني وانا سايقه واول ما لاقيت البحر قصادي وهندخل شمال علي طريق الكورنيش لاقيت اغنية فيروز طريق النحل ابتدت. كانت صدفه جميله جدا عشان انا بحب الاغنيه دي جدا وبحب لحظة ماتقع عيني علي البحر اول ماادخل اسكندريه.
والحمد لله كان الجو جميل والبحر جميل علي فكره انا بتفرج عليه
من بعيد بس اي من البلكون :)
ان شاء الله نبتدي الشغل من بكره وارد علي كل الحبايب
وحشتوووووووني

تحديث:
------ ان شاء الله هسافر الصبح اسكندريه وهرجع الاحد
البوست امانه عندكم ومش عايزه خناق تناقشوا بالراحه وهدوء ماتفرحوش فينا حد :)
وان شاء الله لما ارجع ارد علي التعليقات .
---------------------------------------------------------------------------------------
كده الاستفتاء 200%
ونعم الديموقراطيه :)
---------
نرجع نكتب ونتكلم ونتحاور ونتشاور علي بركة الله
بس ليا عتاب علي البعض لأن كتير لما علقوا قالوا انهم متابعين بس مش بيعلقوا
ليه طيب؟
ياريت ياجماعه نشترك كلنا ونتكلم مع بعض من خلال تجاربنا وخبراتنا في الحياه
ونتواصل ونحسس بعض اننا بنتكلم مع بعض
وكمان اغلبية الشباب مااشتركش في المناقشه خالص
ارجوا ان الشباب يشترك بفكره ورؤيته في الموضوع
---------------------------------------------
ونبتدي منين الحكايه
--------------------
البوست السابق اتكلمنا علي الحب عموما و اختصينا بالمناقشه الحب بين الرجل والمراه اللي نتاجه اسره سعيده وابناء اصحاء نفسيا
وبالتالي مجتمع راقي جميل
بعد ربنا مايوهبنا هذا الحب الجميل البرئ اللي هو اصلا نعمه من نعم الحياه
ازاي نحافظ عليه ونحميه ونكبره ونرعاه ونشكر ربنا عليه ؟
الشكر علي النعمه بيزودها (( ولأن شكرتم لأزيدنكم ))
وينطبق ده علي الحب لو شكرنا ربنا عليه وحافظنا عليه واتقينا الله في الحبيب وفي نفسنا هيزيد وهيكبر
----------------------------------------------------------
**اول حاجه بتحافظ علي الحب تقوي الله في كل شئ يخص هذه العلاقه
الرجل يتقي الله في حبيبته بأن يحافظ عليها ويضع اخته مكانها
يخاف علي سمعتها وعلي وضعها الاجتماعي وقبل ده كله يحافظ علي علاقتها بربها
يعني يعينها حتي تعينه علي ذكر الله وحفظ حدود الله فهو خير حافظ
لوده تم ربنا هييسر باقي الخطوات
--------------------------------------
**تاني حاجه الود والتفاهم والتحاور بلياقه وعدم التشبث بالرأي يعني ماحدش يقول انا كده وخلاص ياتقبلي كده يابلاش
مستند علي انها بتحبه وماتقدرش تعيش من غيره والعكس ايضا
هنا ده انا باسميه قهر وعمر المقهور مايعرف يحب
يبقى التفاهم بالحسني اجمل والطف حتي نصل لحل وسط يرضي الطرفين
---------------------------------------------
**تالت حاجه التضحيه ان كل واحد يحس انه بيضحي علشان التاني
ماحدش يقول لا انا متعود علي كده اتغيري انتى او اتغير انت
ماحدش بيتغير لكن فيه تضحيه
مثلا واحد تزوج من مريضه بحساسية الصدر و بيشرب سجاير ومتعود يشرب سيجاره قبل النوم
ليه مايضحيش بيها عشان ما يأذيش شريكته في الحياه
وامثلة التضحيه كتير واعمق من كده بكتير
وشقيق التضحيه انكار الذات يعني الكل في واحد احنا الاتنين اصبحنا شخص واحد مافيش انا وانت فيه احنا وزي مابيقولوا المصلحه واحده
-------------------------------------------------
**رابع حاجه الرحمه والشفقه : نرحم بعض مانضغطش علي بعض لحد ماواحد من الاتنين يطق ويرحل
ولما يخسر الحبيب حبيبه من كتر الضغط عليه يسأل نفسه انا عملت له ايه ؟
والمفروض يسأل نفسه انا ماعملتلوش ايه ؟
الاحساس بالرحمه تجاه بعض والتماس العذر يعنى ما ارهقش حبيبي بالطلبات وما ارهقهاش بالاوامر والنواهي
يعني نعامل بعض بالرحمه وبالراحه
مانرميش بالمسؤليه علي بعض فالواحد يشيل المسؤليه والتاني يتفرج لانشيل مع بعض و نتشارك
-------------------------------------------------------
**خامس حاجه العطاء ماينفعش طرف يفضل يعطي ويصبر ويشتاق ويستني كلمه اولفته من الطرف التاني
والطرف التاني مابيعملش حاجه غير انه بياخد وبس بياخد ومابيديش
ولما يقف ويحاسب نفسه ويلاقي ان اللي قصاده ما ادالوش ابسط حقوقه
ويتأكد من الحقيقه بيبعد في ذهول الطرف التاني اللي ماعرفش يعطي عشان يحافظ علي حبيبه
----------------------------------------------------
**سادس حاجه السعاده : و هى ان كلا الطرفين يحاول يسعد التاني بكلمه حلوه بلفته حلوه ده حتي الكلمه الطيبه صدقه وتبسمك في وجه اخيك صدقه
ده مع الاخ والصديق يبقا اولي يكون مع الحبيب
ولما الانسان يسعد شريكه اكيد شريكه هيسعده عشان هو سعيد
ماينفعش اضغط على حد واخليه حزين وتعيس واقول له اسعدني لأن فاقد الشئ لايعطيه
-------------------------------------------
ده رأيي المتواضع في ازاي نحافظ علي الحب ؟ و اكيد فيه حاجات تانيه كتير احب اسمعها منكم
نتكلم مع بعض ونقول ايه اللي نعمله نحافظ بيه علي الحب ونكبره ونعدي بيه لبر الامان
--------------------------------------------------------

Get this widget
Track details
eSnips Social DNA

هناك 140 تعليقًا:

عمرو يقول...

صباح الخير يا برنسيس :)
عاوز أتكلم عن النقطه الختمسه على ما أذكر و هى العطاء ..
فعلا ماينفعش اٍن طرف يفضل يدى الحب و الاٍهتمام و الأمان للطرف التانى اللى ما بيعملش حاجه غير أنه بيتلقى كل هذا العطاء و هو مطمئن و مستند اٍلى أن الطرف الأول بيحيه و بيموت فيه فمش حيجرا حاجه لو ما تبادلش معاه هذه المشاعر و اللفتات الحلوه ..
لكن
أحيانا كثيره بيكون مش عارف أيه المطلوب منه !!
مش فاهم اٍزاى يعبر عن حبه رغم أنه صادق فى هذا الحب .. و نفترض أنه قليل أو معدوم الخبره ..
هنا لا أجد غضاضه أن يتم تفهيمه و تعريفه بأصول و قواعد الحب على يد الطرف التانى اللى حنفترض برضو أنه شاطر و عنده خلفيه جيده فى ترجمة المشاعر لأفعال تترجم هذا الحب لشىء واقعى ملموس ..
مش عيب أبدا أن يتصارح الطرفان و يفهموا و يعلموا بعض و ده مش حينقص من قيمة أى طرف منهم بالعكس ده حيقوى الرابط اللى بينهم ..
و للحديث عوده ..

ABOALI يقول...

جمييييييييييييييييييل الموضوع

طب دى قواعد الحفاظ على الحب
قبل الزواج ولا بعد الزواج

اصلى فيه فرق كبيييييييييير

ان كان قبل الجواز
هايبقى الجو رومانسى وكله نجوم وقمر وليل
وانتى وانا وهكذا

بس بعد الزواج
فيه عشرة
عناصرها
سكن ومودة ورحمة
وبااااااقى العناصر مستمدة من كل دول


هافطر واجى تانى

تحياتى

ماما أمولة يقول...

أنت صح يا شموسة وكلامك عشرة على عشرة

وأنا معاك في كل اللي قلتيه

بس ياريت شباب الأيام دي فعلا يستفيد

ربنا يبارك فيك

تقديري

د. ياسر عمر عبد الفتاح يقول...

كلام عقلاني جداً وسليم 100%
ياريت كان عندي إضافة
متابع إن شاء الله لو فيه حتي 500 حلقة تاني

جزاكِ الله خيراً

عاشقة الأحزان يقول...

السلام عليكم ورحمة الله وبركاته
أذيك ياشموسه
أخبارك ايه
أيه يابنتى المواضيع الجامده دى
يارب يبارك فيكى
ويجزيكى كل الخير
وبصراحه بتعلم من مواضيعك
الخلاصة //
((النساء تشعر بتحسن وقوه عن طريق التحدث عن المشكلات ووجود المستمع المحب والمنصت لها))
طبعاً ليس شرط أن ينطبق على كل الرجال والنساء بالنسبه لي
الأقرب الى شخصيتي هذا الكلام
يشعر الرجل بذاته وبالقدرة على العطاء والتحسن عن طريق حل المشكلات بذاته
أي انه يقدر نجاحه إذا كان هذا النجاح بمجهوده الشخصي(( واقصد بالمشاكل هنا ,المشاكل المتعلقة بالعمل وتحقيق الاكتفاء المالي للأسرة)) .لذلك على الزوجة أن تلتزم بما ذكر في الأعلى من الرعاية والحب والاهتمام وعدم إبداء الرأي إلا إذا طلب منها
وكمان يا اختى الوحده لما بتحب بقلبها صدقينى بتكون مطيعه للشخص ده
يجب العلم بأن الرجل يكره أن يكون ضعيفا وهو في الغالب لا يفرق بين العطف و التعاطف فيعتبر التعاطف عطفا و العطف عنده ضعف ,بالمقابل تريد المرأة التعطف و هي في الغالب لا تمانع أن تعترف بضعفها بعكس الرجل الذي يخفى ضعفه بل المرأة تنظر إلى العطف على أنه تعبير سليم . فليس جيد أن يستقبل احدهما الآخر بجمل سلبية
على العموم انا طولت بس الموضوع ده عاوز وقت كبير عشان نقدر نتكلم فيه
تقبلى ودى واحترامى وتقديرى
إيناس

مـجـنـووون يقول...

انا بس احب اضيف حاجه للكلام ده

1- مفيش حاجه اسمها كرامه بين المحبين ، يعني مش علشان موقف تافه تلاقيها او تلاقيها تزعل وتقول كرامتي

2- العطاء يكون في حدود الأخلاق مش يطلب حاجه كده او كده وتقولي عادي

3- يا ريت بلاش لكائبة والغم والحزن الي بنلقيه وتلاقي كل واحد علشان حاجه صغيره يعمل نفسه زعلان وحورات وافلام

4- يا ريت بلاش واحد يتقل علي التاني لان التمنع والتقل مش هيولد بمرور الوقت غير البعد عن القلب

ملحوظة :
يا ريت لو حد ضاف معلومة جديدة تتجمع الافكار دي وتتعمل في بوست جديد وينضاف اليه كل الي اتقال جديد

وشكرا علي المجهود الطيب

تقبلي مروري سيدتي
مجنووون

hasona يقول...

السلام عليكم

أيوة كده

كان لازم نكمل

-،،،ـــ
نقري ونيجي بقي

ذو الوجه المبتسم يقول...

السلام عليكم شمس الحب " شمس النهار "
النقاط اللى انتى كتبتيها جميلة

1- اول حاجه بتحافظ علي الحب تقوي الله في كل شئ يخص هذه العلاقه

2- تاني حاجه الود والتفاهم والتحاور بلياقه وعدم التشبث بالرأي

3- تالت حاجه التضحيه

4- رابع حاجه الرحمه والشفقه

5- خامس حاجه العطاء

6- سادس حاجه السعاده

بمناسبة ان موضوعنا عن الحب فاحب اقول ان اليوم عيد زواجى 19 / 4 / 2009
وباقول لزوجتى
كل سنة وانتى طيبة

لى تعليق بسيط حاليا
بالرغم ان نقاطك كلها تقريبا شاملة المعانى للحياة الثنائية
لكن لى سؤال ؟؟؟
هل يمكن صناعة الحب ؟
صناعة وليس اصطناع ؟
بمعنى هل ممكن ان تكون العشرة بعد الزواج صناعة للحب ؟

صوت من مصر يقول...

على ما اظن اننا نحافظ على الحب بطريقتين وهما الاولى التسامح فى الحب على راى الاستاذ اسامه منير
والثانيه اننا من الاول نختار صح صح

د/ رامي شهاب الدين يقول...

السلام عليكم ورحمته وتعالى وبركاته

جيت أقرأ الموضوع لقيت له جذور فى مواضيع سابقة قمت جايبهم من الأول خاااااااااالص

مفيش شك إن القضية المتناولة عبر سلسلة المواضيع دى قضية مهمة وحيوية جدا ..وحضرتك ماشاء الله غطيتيها بالنقد والتحليل كويس جدا

فى رأيى الشخصى المتواضع إن اساس نجاح أى علاقة هو التفاهم والتكامل بين الطرفين ، ساعتها بس يقدروا يتغلبوا على أى عيوب أو مشاكل فى حياتهم

دمتى بكل الود .. تحياتى

MǿиY El-Shreef يقول...

مبروك نتيجه التصويت ياستي

انا قريت بس راجعه من المدرسه هموت بعد ما اخيرا امتحنت فيزيا وارتحت

هنام لاني مانمتش من اربع تيام وارجع ارد

بسجل حضور بس

ليكوريكا يقول...

جميل بجد ...

تسلم ايدك ويارب الكل يستفيد من كلامك .

تحياتي ليكي .

من غير عنـــوان يقول...

الرجل يتقي الله في حبيبته بأن يحافظ عليها ويضع اخته مكانها
صح

ماحدش يقول انا كده وخلاص ياتقبلي كده يابلاش
صح

ليه مايضحيش بيها عشان ما يأذيش شريكته في الحياه
صح

الحقيقة
كل الكلام زين

الله ينور

موناليزا يقول...

عدم افشاء الاسرار مهما كان الاختلاف او الزعل او الغضب من الطرف الاخر

assafo anaroze يقول...

شمس النهار
سيدتي
حددتي مجموعة من الاسياء اللي لازم تتوفر في العلاقة
1 يتقي الله في حبيبته و هي كمان
اكيد استشعار وجود الله في كل امورنا ستكون له نتيجة طيبة
2 التضحية : اساس اي عمل و نجاح علاقة معينة لازم من اننا نضحي لاننا بالرغم من حبنا للشخص لكل واحد مننا خصوصياته و اختلافه عن الاخر لذلك لازم نضحي بحاجات فينا من اجل شريكنا
3 الرحمة و الرأفة اكيد الحب ليه بقا بنحب حد و نشاركه في حياتنا ان لم توجد الرحمة بيننا
4 الود و المودة كمان من الاساسيات
5 العطاء ويكون لابعد حدود ان تمنح لشريكك كل شيء دون ان تنتظر انه يرد لك العطاء لانك بتعطي مش عشان تاخد لا لانك بتحبو و خلاص
6 السعادة اكيد هي حتكون نتاج علاقة فيها كل هذه المحددات و المقومات
و الحوار بين الشريكين لازم يكون من البديهيات الاساسية في كل حاجة حيعملوها
مودتي

حواء يقول...

الحب ده اجمل حاجه في الدنيا
وزي مقال الاستاذ عمرو فعلا ساعات الواحد بيكون مش عارف ايه المطلوب منه
وأجمل حاجه فعلا في الدنيا حب الازواج
لانه بيبقي كله حلال وبناخد كمان عليه ثواب
اجمل حاجه لما تلاق نظرة الرضي في عين زوجك
أو نظره سعاده في عين زوجك لما يعمل حاجه تفرحك
ومش معني اني مختلفه مع زوجي وهنطلق إلا اني بالفعل عشت اللحظات ديه معه
وكانت من اسعد لحظات حياتي




بس انا عايزه اقول حاجه في الحب عن تجربه
الحب من وجهة نظري معامله أكتر من انه كلام
مع ان التعبير عنه بالكلام برده شئ ضروري
لكن المعامله واثبات الحب بالفعل اهم بكتير من الكلام بس




وعلشان كده هقول لكل الشباب والفتيات اللي مخطوبين ولسه داخلين علي دنيا
وخصوصا اللي بيحبوا بعض وهيتجوزوا عن حب
الواحد والوحده ساعت مبيتجمعوا في بيت واحد بيكتر احتكاكهم ببعض
وكل واحد بيقع منه القناع الزائف ( علي راي شجرة الدر )
فبالتالي هتظهر المشاكل لانهم جاين من بيئتين مختلفتين
ومش معني انك عندك مشكله وان اصحابك مش بيحكولك مدي المعاناه والمشاكل اللي في بيوتهم يبقيوا هما سعداء وانتي التعيسه الوحيده


أو صحابك رجاله وانت مش عارف تحكم مراتك

أو ان حظك الوحش وقعك في ست نكديه
كل بيت فيه راجل وست فيه مشاكل
في ناس بتختلف كل يوم
وفي ناس بتختلف كل اسبوع مره
وفي ناس بتختلف كل شهر مره
وفي ناس بتختلف كل ساعه وكل دقيقه

وده انا بقوله عن تجربه
أنا وجوزي كنا فاكرين احنا الاتنين بس اللي مختلفين
لكن لقيت معظم صحابي اللي كانوا بيواسوني علشان اللي بقيت فيه
لقتهم بيقولولي أوعي تكوني فاكره نفسك لوحدك في مشاكل
هي المشاكل اه صحيح مختلفه لكن كلنا بنختلف مع ازوجنا
وهي ديه اللحظه الوحيده اللي اتمنيت فيها جوزي يكون سامع المكالمه ديه



الحب فعلا محتاج تضحيه
محتاج نصبر سنه واتنين وتلاته في الاختلافات اللي بينا
لان كل منا جي من بيئه مختلفه
ولو عرفنا نوصل مع بعض لشئ مشترك هنوصل لحياه حلوه في اقل وقت


في ناس كتير واولهم زوجي هيقولولي باب النجار مخلع وده المثل المؤدب


هقولكم انا كنت عارفه كويس اللي بقوله وحولت كتير انفذه وحولت كتير اتنازل مقابل اني احصل علي حب زوجي
لكن فوجئت انه مفيش اساسا حب من ناحيته ليه
يبقي اكمل ليه
أنا مش هنفصل عن زوجي اللي كنت بحبه علشان اختلفاتنا زي مهو بيحاول يقنع نفسه ويقنع اهله واللي حوليه بكده
لا
انا طلبت الانفصال لان جوزي خدعني
ووصل بيه الامر للخيانه ( وليس الزنا )


ونصيحه للكل اعرف انت عايز ايه وتقدر تتنازل عن ايه علشان مترجعش تتنازل وترجع تندم علي تنازلاتك


ولازم تحدد اهدافك مع شريكة حياتك بوضوح وعدم خداع وانتم علي البر
لان اي مراوغه هيدفع تمنها ولادكم



وفعلا فعلا الحب اجمل حاجه في الدنيا
تحياتي ليكي ياشمس
وعلي فكره لما ابقي اعرف الحلقه المفقوده اللي سئلتي عليها هبقي اقولهالك

شمس النهار يقول...

*عمرو
كلامك جميل بس انا اختلف معك في موضوع مش عارف دي ليه؟
عشان الحب فطره والبحث عن السعاده فطره
واللي بيحب حد بيفهمه وبيفهم ايه اللي يسعده وايه اللي يزعله
وحتي لو مش عارف يسأل
اخي الصغير عندما خطب اول مره وكان خبرته في الحياه قليله سألني في بعض الامور وكنت بقول له يعمل ايه دلوقتي ماشاء الله عليه خبره لايستهان بها
خطيب بنتي كان بيسألني اعمل ايه وكنت بقول له
ماينفعش طرف يقول لطرف تعالي قول لي كلمه حلوه اعمل حسابي في تصرفاتك
ياريت اوحشك بجد مش بالكلام
يعني تصرفاتك تقول اني وحشاك
مش مانشفش بعض بالايام وتقول لي وحشاني
انا في اعتقادي ان اللي بيتعمل عفوي احلا واجمل من اللي بيتطلب
ماحدش بيعلم حد الاحساس بالهفه او بيعلمه انه يحرص علي حبيبه
وانه يحرص علي اسعاده
يعني انهي الاحلا لما يكون في مناسبه بين اتنين وطرف يعمل مفاجأه لطرف والا يقول له خد فلوس هات اللي انت عايزه
هنا الهديه فقدت معناها
لأن الهديه هنا مش قيمه ماديه لا قيمه جماليه وفرحه ان الحبيب دور وتعب نفسه وشاف ايه اللي ممكن يسعد بيه حبيبه
خطيب بنتي في عيد ميلادها خادني نزلنا اشترينا خاتم لها بصيت لاقيته بيقول للرجل اكتب في الخاتم من جوه اسمها واسمي
استغربت قلت له ما اسمك مكتوب جوه الدبله اللي في ايدها قال لي احساس حلو ياماما انها تلبس خاتم جواه اسمنا احنا الاتنين
بصراحه انا امبسطت جدا وهي لما شافت الخاتم عيطت من كتر الفرحه بالفكره
كمان انهي احلا كلمة بحبك تطلع بعفويه والا بالطلب
المشاعرالحلوه والحب والاهتمام واشعار الطرف الاخر بالامان واللفتات الحلوه والكلمه الحلوه ماتنفعش تطلب
ماينفعش حد يقول لحد حبني اوي لوسمحت
ممكن الرجل في بعض الامور العاطفيه يوجه المراه لده
بس المراه خلقها ربنا بالحياء ماينفعش تقول لحبيبهاحبني صح لو سمحت

شمس النهار يقول...

*ابو علي
احنا بنتكلم علي الحب قبل وبعد الزواج احنا هنا بنحضر الحبيبين ان حبهم يدوم ويقوي بعد الزواج بالعشره الحسنه اللي مش هتكون الابالتفاهم والود وكل اللي مكتوب في البوست السابق والبوست ده
تصل بهم ان شاء الله للسكن الدائم

شمس النهار يقول...

*ماما اموله
اهلا بيكي ياست الكل
الحمد لله ان الكلام عجبك
وادعي ربنا معايا ان فعلا كلنا نستفيد من الحوار

شمس النهار يقول...

*دكتور ياسر عمر عبد الفتاح
شكرا يادكتور
بس ليه ماعندكش اضافه:)
ياريت لو ليك تعليق علي كلام اي حد من الاخوه تكتبه مش بس البوست
وكلنا مع الله

mohamed ghalia يقول...

أدام قولتى السعادة يبقى أنا موافق هههههههههههههههههههههه
ياريت فعلا ننفذ

شمس النهار يقول...

*عاشقة الاحزان
ليه المراه مايكنش لها رأي مااعتقدش ان لسه في مراه مالهاش راي
ومش عيب ان الرجل يظهر ضعفه احيانا
مافيش سوبر رجل علي طول
الرسول عليه افضل الصلاة والسلام
عندما صدمه المسلمين عندما امرهم ان يعودوا بدون حج دخل خيمته وعندما تحاور مع ام سلمه شارت عليه برأي اعجبه وفعلا عندما فعله طاعه باقي المسلمين
ماقلش وانت مالك بشؤن المسلمين
وهو الرسول الملهم
الحياه كانت كده علي عهد الرسول بين الرجل والمراه
يبقا دلوقتي هنقول المراه مالهاش رأي
الحياه مشاركه في كل شئ بين الزوج والزوجه

شمس النهار يقول...

*مجنووون
فعلا مافيش كرامه بين المحبيين بس كمان في حدود للموضوع ده
يعني مانزودهاش اوي ونقول مافيش كرامه بينا
المفروض ان الاصل الحفاظ علي كلا الكرامتين لأن المفروض كرامتهم اصبحت واحده كرامته من كرامتها وكرامتها من كرامته
ومعاك ان العطاء في غير معصيه
وانا كمان ضد الكئابه والحزن والزعل بس كمان لازم مراعات تجنب الطرفين ليها يعني مالاقيش طرف بيدفع الطرف الاخر للحزن اقول له تعالي علي نفسك وماتحزنش
هيجي علي نفسه مره اتنين وبعد كده هيزهق ويمشي
اما موضوع التقل ده انا مش فهماه طول عمري مين قال بس ان اتقل بيولد الحب
كل شئ ان زاد عن حده انقلب لضده
علي فكره الملحوظه عجبتني ان شاء الله احاول اعملها

شمس النهار يقول...

*حسونه
اهلا بيك
بس انت قريت البوست وماجيتش
مشيت من غير ما تقول حاجه:)

شمس النهار يقول...

*ذو الوجه المبتسم
كل سنه انت وزوجتك طيبين ومتهنيين
بالنسبه لسؤالك
هل يمكن صناعة الحب ؟
صناعة وليس اصطناع ؟
بمعنى هل ممكن ان تكون العشرة بعد الزواج صناعة للحب ؟
ممكن طبعا العشره الطيبه القائمه علي اسس سليمه تولد الحب
المراه بطبعها الحب عندها في المقام الاول يساوي الحنان والرحمه يعني لو زوجها اعطاها الحنان والاهتمام والرحمه هتحبه اولا عشان هو زوجها وعشان هو اهلا بمعملته معاها لذلك
بجد كل اسألتك مفيده
بس الحقيقه اقتراحك ان البوست يكون اسأله حسيت ان لو عملت كده يبقا بحصر المدونين في اسألتي انا انا عايزه كل واحد يكتب افكاره هو في الموضوع
فالاقيت كده اعم واشمل

شمس النهار يقول...

*صوت من مصر
فعلا التسامح في الحب مهم جدا بمعني مانقعدش لبعض علي الوحده
بس برضه في حدود يعني مااهملش الطرف الاخر واقول له سامح مره والتانيه التالته وبعدين
اما الاختيار الصح ده انا موافقه عليه جدا جدا

شمس النهار يقول...

*د/رامي شهاب الدين
اهلا اهلا انت فين مش باين خالص
يارب يكون خير
فعلا انا معاك في موضوع التكامل والتفاهم
من العناصر الاساسيه فعلا مع باقي العناصر يكون الحب ناجح وقوي يقف ضد اي مشكله مهما كانت كبيره

شمس النهار يقول...

*موني الشريف
حمد الله علي السلامه
طيب حليتي الامتحان ازاي وانت مش نايمه
وكمان فزياء ياجباره
نامي ومستنياكي

شمس النهار يقول...

*ليكوريا
شكرا علي المشاركه
وان شاء الله نستفيد كلنا

شمس النهار يقول...

*من غير عنوان
الكلام كله صح
حضرتك مالكش اي اعتراض خالص
الحمد لله

شمس النهار يقول...

*موناليزا
صدقتي عندك حق دي نقطه مهمه جدا جدا
عشان دي بتولد الثقه اللي هي من اساسيات اي علاقه
مش معقول احب حد وانا مش واثقه انه مش هيفشي اسراري
او اخاف اتكلم معاه ينقل الكلام
طيب يعني اتكلم مع مين
شكرا علي النقطه المهمه دي

شمس النهار يقول...

*اسافوا اناروز

العطاء فعلا لازم يكون بين الحبيبين مالوش حدود والمفروض ان رضا الحبيب من رضا محبوبه
بس الحقيقه مافيش حاجه اسمها ماينتظرش عطاء
هو صح بس قول لي انت لو انا اعطيت حبيبي كل شئ وهو لم يعطيني اي شئ يبقا بيحبني ازاي واساس الحب العطاء المتبادل
يبقا هنا في حاجه غلط في مشاعره تجاهي
او هو انسان اناني والاناني مابيعرفش يحب
والا انت رأيك ايه في النقطه دي

nona يقول...

فى كمان حاجة
الصراحة وعدم الكذب والنفاق
حاكم الرجالة محترفين الكدب

بالنسبة للنقطة التالتة ( التضحية)
غالبا المرأة عندها قدر التضحية اكبر بكتير من الراجل
المرأة لما بتحب بتحب بجد ( دة فى اعتقادى) وبتبئا عايزة تضحى بنفسها علشان اللى بتحبه
انما الراجل التضحية عنده قليلة شوية يعنى بين الأزواج مثلا دايما تلاقى الست بتحاول بقدر الإمكان تحافظ على بيتها انما الراجل لما يحس انه زهق منها مبيصدق يرميها هى وابنها مع اول خناقة

والله الكلام دة كله من وجهة نظرى ومن اللى بسمعه انما انا مليش تجارب شخصية فى الحب

شمس النهار يقول...

*حواء
كلامك جميل فعلا احلا حاجه في الدنيا نظرة الرضا في عين الحبيب انه سعيد من اللي بتعمليه له
وكمان فعلا الحب مش كلام الحب كلام وفعل
يعني ماافضلش اقول لحد انا بحبك واعمل حاجات تضايقه اللي بيحب حد مابيضيقوش
والمفروض يعمل له اللي بيريحه
وعلي فكره انا مش بقول او بتجاهل وجود الخلافات لا انا بس بقول ان المفروض ان الخلاف علي موضوع مايتكررش يعني لما نختلف علي شئ ونتكلم فيه ونحله يكون خلاص مبدأ
مايتكررش كل واحد عرف لما يتكرر الموقف ده هيعمل ايه عشان مانختلفش تاني ونكرر الخطأ تاني وتالت كده تبقا حماقه
اننا نعرف لما نختلف ننهي الخلاف صح من غير خساير من غير ماتقع مننا حاجه
نحل بالحسنا من غير مانقهر بعض مانحلش علي حساب طرف دون الاخر
ماحدش يقول انا كده وماحدش يغيرني واللي عايزني علي كده اهلا وسهلا ده انا بأسميه قهر ونهايته معروفه الانفصال
لكن الحب اللي بيخاللي التسامح سيد الموقف وان الحبيب عايز يرضي حبيبه هي مش خناقه بين اي اتنين ده اختلاف بين حبيبين المفروض انهم متمسكين ببعض
وانا ضد التنازل علشان احصل علي حب اللي بحبه
الحب مش محتاج تنازل من النوع ده الحب يامتبادل بين الاتنين والتنازل هنا عن اشياء تخدم الحب ده وتكبره من كلا الطرفين
لكن اتنازل عشان اخلي حد مابيحبنيش يحبني ازاي طالما لم نتبادل الحب من الاول اي محاوله ولو بالتنازل اعتقد هتكون فاشله والطرف اللي بزل التنازل هينجرح جامد
كمان المراوغه في الحب ماتخليهوش حب
عشان اللي بيحب بجد عمره مايراوغ حبيبه
اشكرك علي المناقشه الجميله المفيده دي
ربنا يهدي قلبك ياحواء

شمس النهار يقول...

*محمد غاليه
ايها المدون الدوبلووووووووووماسي
ان شاء الله ننفذ

شمس النهار يقول...

*نونا
فعلا الصراحه من اهم الاعمده اللي بتنجح الحب
عشان بتدي شعور بالامان والثقه في الحبيب
والمراه فطرها الله علي البذل والعطاء والتضحيه
بس ده مايمنعش ان الرجل ايضا عليه برضه ان يضحي
مافيش شركه بين اتنين الا وهتلاقي نجحها ان الاتنين بيضحوا عشان بعض

صوت من مصر يقول...

عندك فى الحدود دى بالذات لانى نفس موقفى انا تمام وعلى ما اظن انى اخترت صح انى اعيش لوحدى من غير حب وده الى بيخلينى اتكلم فيه وانا مطمن لا تسامح ولا غفران ولا عصبيه

MaNoOoSh يقول...

عندك حق فى كل اللى قلتيه.. بس انا حابة اضيف نقطة كمان
هى الصراحة والوضوح.. بلاقى سبب فشل كتير من علاقات الناسى هى انهم بيخدعوا بعض ويرسموا أقنعة على وشوشهم مليانة طباع وأفكار عكس حقيقتهم تماما
ليه منكونش على طبيعتنا من الاول ونقول توقعاتنا وقدرتنا على تنفيذ توقعات الطرف الاخر مننا.. بدل ما نمثل اننا مطابقين لمواصفاته القياسية وفى الاخر بعد الجواز (التدبيسة) الأقنعة تقع وكل واحد يظهر على حقيقته بس بعد ما كل الأطراف تخسر.

Sweet Violet يقول...

انا جه (:

عارفه انى هضرب جاااامد قوووى بس انا طمعانة فى قلب شموستى الطيوب اللى مش هيضربنى (:

قريت البوست اللى فيه النقاش و بجد كان مفيد جداااااا ليا عجبنى النقاش فيه

و طبعا فرحت انك هتكملى فعلا فى الموضوع

نيجى بقى عن البوست ده طبعا اتفق معاكى فى كل النقاط و اخر نقطه بالاخص انا دايما بقولها فعلا ماينفعش يكون الواحد مش مرتاح ولا سعيد بسبب شريك حياته و فى نفس الوقت يتطلب منه انه يسعده ..صعب جدااااا

و فى الاخر لو كل واحد من الطرفين عامل شريك حياته زى ماهو بيحب انه يعمله العلاقه هتكون ناجحة و هيكون فى حب و تفاهم بينهم

اسفه لتانى مرة على تأخيرى و ان شاء الله المرة دى هكون متابعه بجد (:

MǿиY El-Shreef يقول...

صباح الخير ياشمس ..

انا اسفه اني ماجيتش امبارح بس بجد انا اتعرضت لموقف زباله ف المدونه وجالي الاكتئاب كله ..

نيجي للبوست بقى

بالنسبه للحاجه التانيه

الي هي التحدث بلباقه والتشاور بين الاتنين

الموضوع ده مش دايما بيبقى سائد خصوصا مع ظن الرجل بأن كلمته هي المفروض تمشي وفعلا دايما الراجل بيحب يمشي كلمته ف حجات معينه ومش بيقبل فيها اي نقاش وفي بنات او ستات يعني بتوافق وبتستكين وبصراحه حاسه ان الموضوع ده هيأثر ع شخصيتها يعني لانه بيسلب الشخصيه .. اه في حجات لازم فيها رأي الراجل يمشي بس مافيش مانع من التفاهم وتوصيل الموضوع ده لدماغ البنت براحه

في رجاله بتفتكر انه ضعف بس بالعكس دي حاجهبتأثر ف البنات جدا .. نقطه مهمه اوي

اما تالت حاجه التضحيه دي

اجمل حاجه اما تشوف حبيبك بيعمل حاجه علشان خاطرك حتى لو ماوصلتش للتضحيه يعني .. بتزود الحب بين اي اتنين وبتعلي التفاهم بينهم

بالنسبه للضغط ع الطرف الاخر .. في حجات بنبقى شايفينها غلط ولازم تتصلح عشان كده بنضغط ع بعض عشان نغيرها

يعني اي واحده شايفه حبيبها بيدخن ممكن تقعد تزن ع دماغه انه لازم يسيب السجاير وان وان وان وهيحصل

ممكن ساعتها يزهق بجد بس ممكن بردوا تسيبه ع راحته وتنزعج هي والسجاير دي مثال بسيط يعني

ممكن تبقى حاجه اكبر لو سكتت وهو تمادى تنفر هي .. ف مفيش احلى من التذكير بين كل وقت والتاني براحه وف وقت هادي كده

بالنسبه للعطاء مافيش حد بياخد وبس لازم يدي ولو حتى من غير قصد

وانا متفقه مع كلام استاذ عمرو لما بيقول ان أحيانا كثيره بيكون مش عارف أيه المطلوب منه !!
مش فاهم اٍزاى يعبر عن حبه رغم أنه صادق فى هذا الحب

وكلامه فعلا صح ان ممكن الطرف التاني يفهمه ازاي يعبر عن حبه ده :)

اما طبعا اول واخر حاجه السعاده وتقوى الله دول اركان اي علاقه عشان تنجح

ربنا يوفق كل اتنين حبوا بعض ف الحلال ووصلوا لمرحله خلاص هيبقوا فيها سوا طول عمرهم

..

الله عليكي ياشمس

MǿиY El-Shreef يقول...

وفي تعليق قريته لمجنووون بيقول انه مافيش كرامه بين المحبين

لا طبعا

صدقني فيه .. مافيش حد يتنازل عن كرامته ممكن يخبيها كده

بس هيرجع ف وقت لو حصل اي حاجه هترجع وهترجع نائحه عليه اوي بقى

لانه قاعد واهم البنت مثلا ان مافيش كرامه ف الحب ف ممكن تعمل حاجه بجد تخليه يقول كرامتي ومكن تبقى فراق

اي اتنين لازم يحطوا كرامتهم قدامهم لان الي هيهين كرامتي دلوقتي مافيش مانع عنده يهينها بعدين وانا مش مستغنيه :)

إبن مصر يقول...

السلام عليكم

نبتدى منين الحكايه
نبتدى بس نقولها من البدايه
ودى كانت احسن بدايه
اخترتى سته
وعملتيهم فى اللسته
بس أكيد فى لسه
الحب مش مجرد لسته
الحب ممكن يكتب عنه
انما مش ممكن تكفيه لسته
الحب عايز دواوين
وياريت تكفيه وبرده هنقول لسه

تقوى الله
الود والتفاهم
التضحيه
الرحمه والشفقه
العطاء
السعاده


اعتقد انها كلها حلقات فى سلسله وكلها متعلقه ببعض ومش ممكن حاجه منهم تفارق التانيه والا السلسله تنقص كتير
تحياتى ولى كلمات كتير ممكن اقولها وانما فى تعليق قريب ان شاء الله

magi يقول...

نصايح حلوه فعلا التضحيه والعطاء اهم حاجه فى اى علاقه

عاشقه الرومانسيه يقول...

اساس اى علاقه تكون التفاهم والعطاء المتبادل ياشموسه
يعنى ما ينفعش ابدا ان طرف ياخد وما يديش
ومتفقه معاكى فى كل كلمه قولتيها طبعا

الحب تبادل للعطاء من الطرفين وده من وجهة نظرى على الاقل

الازهرى يقول...

كلام جميل وكلام معقول ما اقدرش اقول حاجة عنه

انما النقطة الثالثة
لا اعتقد ان هناك ما يمكن تسميته بخصوص الحب
فلو كان ما بينها حقيقيا لترك الكثير من اجل الطرف الاخر ولا يعتبر هذا تضحية وانما تعبيرا بسيطا وتافها عن شعور عظيم بداخله وحياة كاملة متكاملة بينهما مبنية على اساس جميل ومتين
فلا يوجد فى قاموس الحب كلمة تضحية
تحياتى دوما

شمس النهار يقول...

*صوت من مصر
ماحدش بيقدر يعيش لوحده
ربنا فطر الانسان علي انه كائن اجتماعي
الرحله طويله ولازم رفيق ويكون رفيق صح وقديما قالوا الرفيق قبل الطريق
ماتفرحش اوي كده انك لوحدك ياكيمو بكره هتتكعبل هتتكعبل
وساعتها هترجع وتقرا البوستات دي بتمعن:)

شمس النهار يقول...

*مانوووش
اهلا بيكي في اول زياره للمدونه
فعلا الصراحه من اهم الاركان الاساسيه
والانسان يقدر يخدع اللي ادامه بعض الوقت لاكن مايقدرش يخدعه كل الوقت
عشان كده بنقول الحوار والتفاهم وعدم التسرع والاحتكاك الاسري مهم
عشان نلاحظ التعامل بينه وبين افراد الاسره وردود الافعال
قبل التدبيسه اللي بينتج عنها الطلاق

عمرو يقول...
أزال المؤلف هذا التعليق.
شمس النهار يقول...

*سويت فيولت
كده هو برضه ياقمر كده هو
عارفه لو ماكنتش بحبك
عارفه لوغبتي تاني
كلامك صح
المفروض ان الطرفين يتعملوا مع بعض زي ماكل طرف يحب التاني يعامله
يعني مانكلش بمكيالين

شمس النهار يقول...

*موني الشريف
موضوع المدونه البايخه دي
انصحك ترمي ورا ضهرك
والقافله تسير والكلاب تعوي
بالنسبه للبوست
كلامك صح بس النقاش والحوار لازم يكون له حدود مايتعدهاش خالص
ويكون بالحسني واللين والرجل في النهايه مايحبش الست تكون رجل قصاده
بالحب والود نقدر نتحاور ونتناقش ونحل كل حاجه
------------
اجمل حاجه اما تشوف حبيبك بيعمل حاجه علشان خاطرك حتى لو ماوصلتش للتضحيه يعني .. بتزود الحب بين اي اتنين وبتعلي التفاهم بينهم
--------
حلوين اوي السطرين دول ياموني
صح كلامك صح

بالنسبه للضغط المثل ده الضغط فيه محمود انا بتكلم ان الحبيب يضغط علي حبيبه بالاهمال وعدم الاهتمام وحاجات تانيه كتير
بالنسبه لموضوع الكرامه ايوه مافيش كرامه بين الاحباب بس برضه في حدود بينهم وبين بعض مش امام الخلق كلها
كل حاجه في اصولها حلوه واعتقد ان الكرامه هنا بقت واحده كرامته من كرامتها وكرامتها من كرامته

شمس النهار يقول...

*ابن مصر
شكرا علي الكلام المنمق اللطيف ده
ومستنيه العوده والتعليق علي الاحداث

شمس النهار يقول...

*ماجي
اهلا بيكي في اول زياره للمدونه
وشكرا علي المشاركه

شمس النهار يقول...

*عاشقة الرومانسيه
كلامك صح
بس هو ده بس يعني عاشقة الرومانسيه
مالهاش اضافه والاتعليق غيركده فين الاضافه
ياست دودو

شمس النهار يقول...

*الازهري
اهلا اهلا
شوف ممكن يكون من وجهة نظرك ان اي حاجه يعملها طرف للأخر في الحب عادي يعني امال بيحبوا بعض ازاي
بس السائد الان انها تضحيه
بمعني التخللي عن اعتياد او ضروره في سبيل اسعاد الطرف الاخر دي تضحيه
احد الطرفين مابيخلفش والطرف الاخر يصر علي الاستمرار دي تضحيه
هي دي التسميه المعتاده للحالات دي
بس تسألني انا شمس النهار تسميها ايه اقول لك عادي يعني امال بنحب بعض ازاي ماانا لازم ارضي حبيبي
يعني اجيب له حد تاني يرضيه:)
الحب ان تري نظرة الرضا في عين الحبيب علي كل تصرفاتك اللي اكيد لازم ترضيه فيما عدا في معصيه

Eno يقول...

انا متفقه جدا معاكي ياشموسه في الكلام انت حطيطتي اهم عناصر الحب الناجح والزواج السعيد

ومهم كمان نقول احتياجات كل طرف في العلاقه ونكون مدركين للمطالب كل منهم
فمثلا علي الزوجه الذكيه او المرأه بشكل عام ان تحاول تجنب الالفاظ التي تعطيه رسائل سلبيه بأنها لاتحترم كلامه ومشاعره وصفاته بل لو تملك نصيحه له فتغلفها بغلاف يحفظ للرجل قوامته ( اللي بنقول عليه برستيجه كارجل ) يعني تستخدم عبارات التحفيز لا التوجيه
اما المرأه فتحتاج الي من يتفهمهاقبل حاجتها لما يّفهمها
يعني تحب اللي يفهمها قبل ما يقعد يفهم فيها
وتحتاج من زوجها
( أذن صاغيه ..ويد حانيه .. وقلب يسع احلامها )
اما الانسان بوجه عام يفرح عندما يشعر ان هناك من يتفهم مشاعره فما بالكم ان كان ذلك الشخص هو شريك حياته واقرب الناس اليه
منقول للامانه :)

بس ده كلام انا استفدت منه جدا وحبيت اكتبه يمكن يفيد اي حد ومش لقيت انسب من موضوع حضرتك :)

تسلم ايدك بجد:)

شمس النهار يقول...

*اينو
جميل كلامك يااينو الاجمل انه طالع من قلبك ومن تجربتك
وعجبني اوي كلامك في السطرين دول
------------------
مهم كمان نقول احتياجات كل طرف في العلاقه ونكون مدركين للمطالب كل منهم
-------------------------
فعلا لازم اشباع احتياج كل طرف للطرف التاني
ماينفعش نتجاهل احتياجات بعض مهما كانت صغيره او كبيره ممكن اللي من وجهة نظر طرف انه احتياج تافه يكون كبير عند الطرف التاني
هيخسر ايه لو علي تفاهته يعمله له
شكرا علي مشركتك الجميله يااينو

msafa يقول...

الحب بجد مالوش قوانين
يعنى مش عارف ده رائى
سعيد بالمرور هنا

kemet يقول...

السلام عليكم ورحمة الله وبركاته

شمس الموضوووووووووع كبير قوي
والكلام فيه برضه كبير ويمكن الموضوع عندي ع البلوج مشابه ممكن استأذن اني افكر معاكي في بوست عندي لاني حاسه الموضوع يستحق اعتبري مشاركتي معاكي
بس اذا غبت او طولت شويه فسامحني لاني في ضغط شغل اليومين دول بس هااحاول ماغيبش
تسلم افكارك وانا معاكي في رأيك

تحياتي
الى اللقاء

شمس النهار يقول...

مسافه
اهلا بيك في اول زياره
الحقيقه ممكن تقول كده ان الحب مالوش قوانين
بس الحياه الغريبه اللي نعشها خالت كل حاجه تغضع للقوانين
حتي حب الام لأولادها اصبح له قوانين صدقني
انهي الاحسن تحب وتخسر حبيبك بسبب تصرفات اقل مايقال عنها انها غبيه
والاتتعرف علي ازاي تتعامل مع الحب ده وتلاقي حد يقول لك ازاي تحافظ عليه
وابسط قانون للحب انك ماتعملش الاشياء اللي بتضايق حبيبك وترعاه بما يرضي الله
احنا هنا بنحاول نقول اللي حسينه وتجاربنا في الحياه عشان نستفيد من بعض مش بنضع قانون
بنحاول نصل مع بعض اننا نتجنب الاخطاء اللي بتضيع الحب ونلحقه قبل مايصل الي محكمة الاسره

شمس النهار يقول...

*كيمت
اهلا بيكي وارحب طبعا بمشاركتك معانا في الحوار هنا او علي مدونتك
الحوار محتاج اشخاص فاهمه وواعيه
انا قريت البوست عندك وعلقت وعجبني جدا
لطالما اعجب بافكارك
وماتغبيش
وفين الاضافه :)

صبرني يارب يقول...

تمام

بس كل الى انتى قولتيه زي ما بينطبق على الحب بينطبق كمان على كل العلاقات الانسانيه على فكره

لكن طبعا احنا هاتكلم على الحب محل النقاش والدراسه والفحص ههههههههههههههههههههه


فى حاجه كمان احب دايما تكون موجوده مع كل الى قلتيه

العقل

اه والنبى عايزين شوية عقل فى العلاقه اصل الهبل ملي الدنيا يا حجوجه وعمل مشاكل جمه


بعد ما اخلص شويه شغل كده نيجى نشوف الناس قالوا ايه بقى

تحياتي يا قمر يا وحشاااااااااني

صبرني يارب يقول...

روحت عندي بعد ما مشيت لقيت المدونه منوره والشمس هناك منوره


فجيت اقدم اعتذاري على التاخير والله غصب عني يا حجوجتي


عارفه لو حكيتلك انا بيحصلي ايه

هاصعب عليكى
خالص
يلا الحمد لله تعالى على ما اتانا

يارب اعرف افضاكلم شويه

واحشاااااااااني

سما الحب يقول...

السلام عليكم يا شمس النهار
اسمحي لي ان اعبر عن رائيي في مدونتك الجميلة
بجد بجد الله عليكي في اختيارك الاغنيه الجميلة اللي بحبها جدا والراحل عبد الحليم حافظ نبتدي منين الحكاية
ثانيا الموضوع نفسه بعنوانه نبتدي منين الحكاية ما اروعك في التعبير واختيارك للعنوان
ربنا يحميك ويبارك فيك
تحياتي

tamer.sala7 يقول...

بعد السلام عليكم


انا ليا رأي تاني مش عارف اذا كان صح ولا غلط بس حقوله ورزقي علي الله


انا شايف ان الناحية المادية او الاقتصادية ليها دور فظيع في المحافظة علي الحب ده طبعا بجانب الحاجات الكتير اللي اتذكرت في البوست بس انا اقصد ان الحالة الاقتصادية لو متيسرة بصورة كويسة الانسان حيعرف يحب ويحافظ علي حبه وممكن يكون ده بالنسبة ليا انا وبس علي الاقل يعني مش بعرف اعمل اي حاجة وانا شغلي مش متظبط والمقصود بشغلي مش متظبط هو الامكانيات النقدية لأن انا من النوع اللي مش بيعرف يحب طول ما انا حاسس اني مش قار
مع الاخذ في الاعتبار ان كل الكلام بتاع عش العصفورة وخدوهم فقراء يغنيكم ربنا وممكن نعيش مع بعض وناكلها بملح كل المصطلحات دي مش ممكن حد يوافق عليها في الزمن ده بالذات لو كان اب

لو بطـلـنا نـحـب نـمـووووت يقول...

مرحبا
شمس النهار
الموضوع رائع
ولى تعليق بيسط
الحب فى مجمله احتواء
احتواء الرجل للمرأة بكل ما فيها من روح..عقل..قلب..جسد
وكذلك احتواء المرأة للرجل بنفس الاشيا
لو اكتمل هذا الاحتواء
اعتقد ان الحب هيكون حقيقي
تقبلي تحياتى
لو بطلنا نحب نموت

assafo anaroze يقول...

شمس
يسعد صباحك
******
انا بقصد اللي يحب لا ينتظر انهيترد له اللي اعطاه لحبيبه او ينتظر شكر و مدح لانك بتدي لانك بتحب و خلاص
كمان الشريك لازم هو الاخر يدي و بدون حدود و مينتظرش الشكر و المديح لانه المفروض بيدي لانه بيحب
يعني لازم ان كلا الحبيبين بيدوا و ياخذوا بس من غير التباهي و اني فعلت لك و انت فعلت لي
لا العطاء بيكون مكن غير حساب
مودتي

صوت من مصر يقول...

فعلا بقراها بتمعن بس انا مش فرحان انى لوحدى وبرضه مبحبش حد يشوف فى عنيا دموع مع اتنى عمرى ما بكيت وعمرىت ما زعلت او زى ما بيقولوه الاراجوز بيضحك لكنه دائما باكى ومحدش حاسس بيه
وللعلم محدش هيرضى بمجنون ولا ايه عشت حياتى برحتى وانا كده وافضلها
وهفضل اقرى كلامك لو مت هقراه وانا فى النار او الجنه لانك امى الثالثه

صوت من مصر يقول...

نسيت اقول للكل اعذرونى على الغيبه كتير

بعبعه يقول...

الى يخلي الحب يعيش ؟؟

اول حاجه تخلي الحب يعيش انه يكون فى حب بصحيح مش اوهام فى اوهام

وعشان نتأكد ان فى حب بصحيح لازم يكون عندنا مخ مش مغمضين عنينا وماشيين زي الهبل

الربان يقول...

تحياتي

كلام جميل ورائع....جزاك الله خيرا.

ما أجمل كل هذه المعاني الجميلة الراقية
و اسمحي لي ان اقترح عليك امر هام اخر
في نظري الا وهو " الاحترام المتبادل "...

الحب نبته...تٌروي بتصرفات الطرفين...فأن رواها بماء عذب اثمرت و اينعت...و ان رواها بماء ملح أجاج..فستذبل و تنزوي....

اشكرك علي المشاعر الجميلة النبيلة التي
ذكرتيها...و التي ان اتبعناها لعشنافي
سعادة "الحب "....


تحياتي و تقديري

Foxology يقول...

جمييييييييييل جدااااااا

اوافق حضرتك فى كل عنسر من العناصر دى :)
تحياتى :)

hasona يقول...

السلام عليكم

عدنا

مش هاتكلم عن الكباري والجسور
وانتم عارفين أكيد طريق العودة بيكون صعب

،،،،ـــــ،،،،
عندك حق في حاجات كثيرة

الحب البرئ الجميل
ينمو بالاخلاص والصدق الدائم
مع الله ومع النفس ومع الحبيب/الحبيبة

وفعلا الشكر علي النعمة يزيدها وينميها-حتي لو أصبحت ثابتة
فبنا بيجعل البركة فيها

والشكر مراحل
شكر الله في السر والعلن
كذلك لو حبيت تشكر من ساعدك للوصول لحبيبك ( يكون في الام والاب واللي بيحبهم) لأن شكرهم من شكر الله

،،،،،
نقدر نجمع بين التضحية والعطاء

لابد من التوازن بينهما

،،،،،

الحبيب هو السكن والوطن
كلا منها يعتبر
راحة للأخر ونزهة للنفس

،،،،
المودة والرحمة
لابد ان تكون حياتنا بها مودة وحب
ورحمة فلا نكلف بعض ما لا نطيق

،،،،
التفاهم والتصالح
والذكاء في التعامل

كما نسمع
بيفهموا بعض من نظرة عين
وحركة رمش - وكل منهما لماح لحركة ورد فعل الاخر

،،،

والاهم من ذلك البعد عن السلبيات
الاستغلال والكذب والاهانة والاهمال

و

و

و

تحياتي

صوت من مصر يقول...

اقول ايه
الصوره تحفه تحفه نادره بتاعت مونى الشريف

aidy يقول...

انا اسفة اولا انى اتاخرت فى الرد

بس كان فيه مشكلة بمدونتى والحمد لله اتحلت لوحدها مش عرافة ازاى

*******************

بجد عجبتنى كلماتك جدااااااااااااا

بس انا بحس اننا كلنا عندنا استعاد نقول هنعمل كذا

لكن مش عندنا إستعداد نعمله فعلا

وجايز دى المشكلة

تطبيق الكلام ده عملى

ان الاتنين يضحوا والاتنين يعطوا والاتنين يحبوا بجد يستحملوا بعض

انا شايفة اننا دايما بتقابلنا مشكلة التنفيذ

شمس النهار يقول...

*صبرني يارب
اخيرا وصلتتي المدونه الموصالات صعبه والا ايه
شوفي ياستي البوست اللي فات انا قلت ان الحب يشبه الصداقه كتير

وطبعا انا معاكي ان العقل مهم جدا بجانب القلب وده قلناه في البوست اللي فات برضه في ايه ياصبرني
جايه متأخره وكمان مش مذاكره:)

انت كمان وحشاني
شوفي انا مسافره اسكندريه كام يوم كده عندي مناسبه عائليه هناك عقبال عندك خطوبه
هسافر بكره ارجع الاتنين منها مناسبه ومنها اجازه
البوست امانه :)
كفايه عمرو عيان وكمان النت واقع من عنده
والباش مهندس البنا اخدها من قصيره واعلن الاستسلام وقال لك الكلام زين

هتنكفي في مين بقا دلوقتي :)
المدونه عندك اعملي اللي انت عوزاه
عايزه حاجه من اسكندريه

شمس النهار يقول...

*سما الحب
اهلا بيكي في اول زياره للمدونه
وشكرا علي المجامله اللطيفه
فين مشاركتك بالافكار
ماقلتيش رأيك احب اعرفه

شمس النهار يقول...

**تامر صلاح
اهلا اهلا
انت فين ياريس مستخبي

طبعا رأيك صح الحاله المديه في وقتنا هذا مهمه جدا جدا
عشان احنا في زمن كل شئ عشان تحققه لازم فلوس
بس عايزه اقول لك عشان تسند حبك وترجمه لزواج عايز فلوس
بس الفلوس عمرها مالوحدها تعرف تعمل حب ناجح والا زواج سعيد
هي بقت معضله علي بعضها
سعيده انك شاركتنا البوست
وماتغبش تاني

شمس النهار يقول...

*لوبطلنا نحب نمووووت

فعلا الحب احتواء بس لازم يحصل السابق ده كله عشان الاحتواء ينجح
ماهو مش ممكن تحتوي حد انت مختلفه معاه او مش متكاملين او علي طول ضاغطين علي بعض ....الخ
يحصل الاول الانسجام وبعد كده هتجدي الاحتواء جه نتيجه لوحده
بس عايزه اقول لك ان مش اي حد بيعرف يعمل الاحتواء فن الاحتواء ده موهبه فطريه مش عند كل الناس
زي كده مافي ناس موهبتهم الفطريه اكتساب الاعداء :)

شمس النهار يقول...

*اسافو اناروز
كلامك صح وفهمته
بس صدقني لما طرف بيفضل يدي ومايخدش حاجه خالص بيحس انه لازم علي الاقل اللي قصاده يحسسه انه ممتن وشاكر

الشكر بين الاحباب والازواج وحتي الاصدقاء واجب بيحنن القلوب
ربنا سبحانه وتعالي محببنا في الشكر

لكن انا معاك ضد ان طرف يمن علي طرف ماينفعش اصلا

شمس النهار يقول...

*صوت من مصر
مين اللي مجنون...؟
يابني نصنا مجانين والربع بيشاور عقله
والربع الباقي فاكر نفسه عاقل :)

ان شاء الله تلاقي نصك التاني

وشكرا علي كلامك اللطيف
وربنا يديك الصحه وطول العمر وبعد الشر عنك ياابني المشاكس

شمس النهار يقول...

**بعبعه
اهلا في اول زياره للمدونه
بس الحقيقه انا مافهمتش الكلام
هل هو رساله والا ايه
اصل لو حضرتك قريتي البوست ده واللي قبله هتعرفي اننا بنتكلم عن الحب الحقيقي
وازاي نفرقه عن الوهم او الاعجاب والاشياء الاخري

واكيد قريتيهم
عشان كده مش عارفه حسيت ان دي رساله موجهه ليهز؟؟ ولمين ؟؟ مش عارفه ..؟
علي فكره اخر بوست عندك بالرغم انه جرئ جدا بس حسيته مفيد جدا
في زيجات كتير بتتدمر لأسباب شبه البوست ده

شمس النهار يقول...

*الربان
فعلا الاحترام المتبادل من الاركان المهمه في الحب والزواج وخصوصا عند المناقشات اللي فيها خلاف
هنا الاحترام هو اللي بيخللي المناقشه تنتهي علي خير :)

واتفق معك في باقي الكلام وبشكرك علي المجامله اللطيفه

شمس النهار يقول...

*فوكس لوجيا
شكرا علي تواجدك
انا فعلا بكون سعيده بوجودك انت واينو عندي بالمدونه ربنا يحميكم

شمس النهار يقول...

*حسونه
اتفق معك في كل كلمه كتبتها
وبشكرك علي التعبير الجميل (الحبيب هو السكن والوطن
كلا منها يعتبر
راحة للأخر ونزهة للنفس )

الحقيقه تعبير راقي جدا وفعلا صح الحبيب هو السكن والامان لو الانسان ماحسش بكده مع حبيبه يبقا في حاجه غلط

شمس النهار يقول...

*صوت من مصر
صحيح نسيت اقول لك ماتبقاش تتأخر تاني عشان ماتتكتبش غياب :)

فعلا الصوره اللي موني عملتها للبوست جميله جدا

شمس النهار يقول...

*ايدي
اهلا بيكي الحمد لله ان المشكله اتحلت اللي في مدونتك

شوفي اللي عايز يحتفظ بحبيبه ومايضعش منه لازم يعمل كده واكتر واللي عايز يضيعه هو حر

انت عارفه ان نسب الطلاق في ارتفاع غريب
ولو سمعتي الاسباب اللي البيوت بتتخرب عشنها تحزني
يبقا ليه مانستفدش من تجارب بعض ونحاول نصل لحب صح وزواج صح

بعبعه يقول...

شمس يا حبيبتى ابدا مش رساله لحد معين ولا حاجه

وطبعا قريت بوستاتك كلها

لكن انا اقصد ان ياما ناس بتعتقد نفسها انها بتحب بجد لكن ما بتكونش دي الحقيقه

وبيقولوا الحب درب من الجنون

لكن ده مش رايي ابدا هو صحيح انا احب الحياه يكون فيها شيء من الجنون

لكن الحب لو ما كانش عاقل يبقى عمره قصير وجايز نتخدع فيه فعلا


وبالنسبه للبوست بتاعي

احب اقولك انى علقت مخصوص عندك عشان كنت عايزه رايك فى البوست الاخير

ما تبخليش علينا يا شمس بطلتك الجميله

صبرني يارب يقول...

شموووووووووووسه انا جيت جيت جيت اخيرا وصلت


نخش فى الناس بقى


هههههههههههههههه


مجنون ازاي يعنى ما فيش كرامه بين المحبين
لا طبعا فى ونص وخمسه

الى يتنازل عن كرامته لاي حد يبقى بيتنازل عن انسانيته
وده ما ينفعش يا معلم

صبرني يارب يقول...

ذو الوجه المبتسم

هل ممكن صناعه الحب


ابسلووووووووتي ممكن

والحب ممكن يجى بعد الجواز اه

وما بيبقاش مجرد عشره وتعود وكلام الافلام الاهبل ده


لا عادي ويبقى حب وكل حاجه بس احنا بس نفتحله الباب ونسمح لده يحصل ما نقفلش دماغنا

ونحس نفسنا ناهد شريف ونقول بابا مات وانا صغيره والحب ما يجيش بعد الجواز


ما نقعدش نبكي على اللبن المسكوب وحبيب القلب الاولى الى اهله ما وافقوش علينا ولا اهلي ما وفقوش عليه ونفضل نعيط ونندب طول عمرنا حتى بعد الجواز

وجايز يكون معانا شريك برقبة الحبيب الاول المستنيل على عينه بس احنا دماغنا مشبعه بالهبل المتقع لثقافة صفوت الشريف الله يحرقه


كل سنه وانت طيب يا مبتسم


شموسه معلش انا اندمجت كالعاده

tamer.sala7 يقول...

لالالالالالالالالالالالالا

اسكندرية كدة حتنور زيادة عن اللزوم


بجد مبسوط اوي انك جاية عندنا

وربنا قولي الخطوبة دي فين بس وابعتلك اكلة سمك حكاية لغاية عندك

aidy يقول...

انا معاكى اننا لازم نستفاد من التجارب دى

لازم نحارب عشان حياتنا نخليها مستقرة واساسها متين مش اى مشكلة صغيرة تخليها تنهار

بس انتى عارفة معظم اللى بيتجوزوا وهما صغيرين ومخهم لسة مش ناضج بتحصل ما بينهم مشاكل فعلا محزنة وتنتهى بالطلاق لأسباب بجد تافهة جدا

وكأنهم مش بيعرفوا يتحملوا المسؤلية اللى بتقع عليهم بعد الزواج

انا اعرف نماذج كتير الطلاق حصل بعد سنة واحدة بس ونتج كمان طفل مشرد ما بينهم

ذو الوجه المبتسم يقول...

صبرنى يارب
تعرفى كلامك بجد حلو
وعلى فكرة انا ضحكت بجد على كلامك اللى فى اخر التعليق
هو لازم يعنى تشتمى الراجل
هههههههههههههه
ماهو قاعد فى حاله وساكت
الحب فن
وصناعة الحب فن
رغم ان الحب نعمى من الله علينا وبيجي لوحده كده
بس زى ما الاخت شمس قالت
بس عايزه اقول لك ان مش اي حد بيعرف يعمل الاحتواء فن الاحتواء ده موهبه فطريه مش عند كل الناس
تقبلى تحياتى

ذو الوجه المبتسم يقول...

الرجل الأسد جذاب في الحب , فصعب علي الفتاة أن تقاوم جاذبيته إذا لم تكن علي درجة كبيرة من الوعي والعمق وفي علاقته الأسد لا يبخل علي حبيبته بشيء بل هو أكثر الرجال كرما علي هذا الصعيد
الأسد يزعج حبيبته لكثرة ما يعطيها من ملاحظات , كما انه يرغب في أن يحدد لها شخصيتها لتكون الصورة التي رسمها لها من قبل إن يلتقيها
--------
ليس من السهل علي الاسدية أن تقع في الحب لانها ليست من عاشقات قصص قيس وليلي فالحب عندها وعي وتكافؤ , تفتش عن رجل يؤمن لها الرفاهية لان هذه الفتاة ولدت لتكون ملكة في حياتها
غيورة جدا فلا تستطيع ان يغازل حبيبها غيرها بحضورها حتى ولو مزاحا وتعتبر ذلك انتقاصا من حقوقها

للمعلومية بالرغم انى لا اؤمن بالابراج

MaNoOoSh يقول...

تروحى وتيجى بالسلامة يا شموسة

reem يقول...

ازيك يا شموسة

ايوا هى دى الديموقراطية بجد

انتى فعلا قلتى نقط مهمة وصح جدا
واهم نقطة في رأيي واللى تجمع كل حاجة

انه يتقى الله فيها ويحط اخته مكانها

وهى كمان تتقي الله فيها

لو فعلا الاتنين اتقوا الله في بعض مش هايكون في اسعد منهم

صبرني يارب يقول...

شموسه انتي فييييييين


مانوش هى راحت فين سافرت ولا ايه



طيب لما تيجى تعالى عندي بسرعه مستنياااااااااكي

رئـيس التحـرير يقول...

السلام عليكم
ازي حضرتك .. أخيرا رسايلك هتوصلني لإنك هتبعتيلي على المجلة علطول.. أخيرا فتحنا الموقع الرسمي بتاعها
يشرفني جدا دعوتك للمشاركة معانا في مجلة رؤية مصرية
افتتاح الموقع الرسمي بعد شهر من إصدار المجلة على بلوجر الليلة بعد منتصف الليل ممكن تزوري المدونة الي عليها المجلة القديمة وهتلاقي اللينك الجديد وبإذن الله تعجبك وتشاركي معانا
أنا منتظرك بجد ويارب تردي عليا
ده اللينك القديم الي هتلاقي عليه اللينك الجديد بس بالليل يعني عشان تفضل مفاجأة
http://roayahmg.blogspot.com/
مودتي

صوت من مصر يقول...

افضل المفاجات وافضل ان ابعتها لكى على الميل او انك تتخيلى عايز اقولك يا امى اطمنى مستقبلى اصبح غامض نعم لكنى متفائل
ممكن عشان اشتريت كيبورد جديد
ممكن
لكن بجد حبيت اطمن امى ؟؟؟؟؟؟؟؟؟؟؟
بالنسبه للحب اظن انه زى ما بقول صعب الكلام عنه لانه شىء لايوصف او صعب الشعور به
عموما انا جيت تانى اهو من غير غيبه يا ماما

MaNoOoSh يقول...

ايوة يا صبرنى هى كانبة فى التحديث انها مسافرة وهترجع الاحد ان شاء الله

تامر علي يقول...

اعتقد إن أهم سبب للحفاظ على الحب هو مراقبة الله فيه ... لأن القلوب بين اصبعين من أصابع الله يقلبهما كيف يشاء ... فيجب مراعاة كل حقوقه في هذا الحب من الطرفين حتى يؤتي ثماره وتستمر جذوته ولا ينطفيء بفعل السنوات أو الملل ... فكم قصص حب ملتهبة تحطمت على صخور الضنك المصاحب للإعراض .

تحياتي وتقديري :)

tarek momen يقول...

ايه النظام ده هو انتي بتحضري رسالة دكتوراه
تروحي و ترجعي بالسلامة

dodoo يقول...

اول مره ازور مدونة حضرتك

وبجد جمييييييله جداً

والنصائح ماشاء الله مفيده جدااااااا

وغايبه عن ناس كتير

فيه حاجه واحده بس عايزه اضيفها

ان التجديد ضرووووورى اوى فى العلاقه

ودايماً التجديد ده بينساه المتزوجين وده سبب فشل الكثير من الزيجات

لازم دايماً نعمل حاجه جديده تبعد الملل والفتور فى العلاقه

عشان نقدر نحافظ ع العلاقه دى

تحياتى

mahasen saber يقول...

طب انا البوست ده جرحنى ومعرفش ليه يمكن لانه جه على الوجيعه

بس كل كلمه فيه صح طبعا

وحب من غير احترام ملوش اى لازمه ولاا هيقدر يعيش ده على الاقلل مع بعض البشر كما حالى

بس بستغرب حاجه فيه ستات بيبقى حبيبها او جوزها بيبهدلها وبيمحى ادميتها وبالرغم من كده عندها المقدره على التكيف مع حالة عدم الاحترام وانعدام الادميه دى
انا بستغرب هل دى طاقه وقوة صبر عندهم لما عنصر مهم كده فى حياتهم ينعدم
ولاا احنا اليى فينا شئ غلط وغير طبيعى

انا بشوف ان الاحترام يعنى احتواء يعنى رحمه يعنى عطف يعنى تقدير يعنى سماد الحب وده التعبير اليى عندى
طب لو السماد ده مش موجود الحب هينمو ازاى
افهم طيب ولاا انا شكلى بخرف

mahasen saber يقول...

مستنيينك ترجعى بالف الف سلامه بئه

صوت من مصر يقول...

دودو هنا نورتى بجد
دودو احب اقولك كلمه فعلا الملل السبب الاساسى فى فشل كل العلاقات مش الزيجات بس لان لو الزيجات بس يبقى الواحد وخطيبته ملهومش لازمه والواحد وحبيبته برضه ميجدودوش ولا ايه يا لمضه

ذو الوجه المبتسم يقول...

السلام عليكم
ترجعى بالسلامة اختى شمس

تعقيبا على تعليق الاخت محاسن
بس بستغرب حاجه فيه ستات بيبقى حبيبها او جوزها بيبهدلها وبيمحى ادميتها وبالرغم من كده عندها المقدره على التكيف مع حالة عدم الاحترام وانعدام الادميه دى
انا بستغرب هل دى طاقه وقوة صبر عندهم لما عنصر مهم كده فى حياتهم ينعدم
ولاا احنا اليى فينا شئ غلط وغير طبيعى

عاوز اقول لك شئ مهم جدا
كلمة السر او مفتاح الدخول لقلب الرجل او عقله بيد الست نفسها
التعامل او الاحترام او اى شئ بيتوقف عليها هى اعتقد لو الست اعطت حب اعطت احترام اعطت ثقة وتضحية ووووو صعب يكون رد فعل الرجل البهدلة او عدم الاحترام او الخيانة
اختى الصغيرة لا تقيسي تجربة بعينها على كل العالم
يمكن لو جربتى الابتسامة بجد اكيد كل همومك مش هتحسي بها
جربى كده
يلا ابتسمى
مكسوفة هههههههههه
تقبلى تحياتى

شمس النهار يقول...

*بعبه
مااختلفناش
بس الجنون في الحب ده صعب شويه:)هي ناقصه جنان
بس ليه عندك طلب مواضيع مدونتك حساسه جدا وفي نفس الوقت مهمه الي حد ما فايجب ان يكون التناول جاد جدا حتي لاتفتحي المجال للأستظراف والاسفاف
ويكون كمان الكلام علمي
وربنا يعينك علي المدونه دي

شمس النهار يقول...

*صبرني يارب
اهلا بيكي حمد الله علي السلامه
انا كمان رجعت من اسكندريه اهو
كانت جميله انا بحبها بس في الشتاء فقط
المهم موضوع الكرامه ده في اقوال كتير من وجهة نظري
يعني بينهم وبين بعض مع وجود الاحترام بيكون الكرامه محفوظه
معلش يعني مايوبخهاش امام الناس او العكس ونقول مافيش بينهم كرامه اعتقد كده هو داس علي كرامته قبل مايدوس علي كرامتها هي عشان الكرامتين انصهروا في كرامه واحده
لكن مثلا لو الزوج تعبان ورجله وجعاه هيحصل ايه لكرامتها لو دهنتهالوا بمرهم وخففت عنه شويه
اسمع بقه ليه هوانا جاريه طيب نسأل هي رجله دي اللي وجعته مش وجعته وهو بيجري علي اكل عيشه عشان يصرف علي البيت واللي فيه
صدقيني ياصبرني موضوع الكرامه ده كبير اوي
والا اللي عيزاه يزعق لمامته عشان قبلتها وحش
انت داخله علي ست كبيره تعلمي ايه اللي فيها
ايه هيحصل لكرامتك لما انت تدخلي عليها بأبتسامه وتسأليها مالك ياماما انت تعبانه مش عوايدك انك مكشره كده فين الضحكه اللي بنتبارك بيها
كده الدنيا تمشي فين الكرامه هنا بقا
دي حتي هتكسبها وتريح قلب زوجها من ناحية والدته
صح؟

شمس النهار يقول...

*صبرني يارب
:)
مال صفوت الشريف واللي احنا بنعمله هنا مافهمتش خالص
وبعدين ايه موضوع الحب اللي بعد الزواج ده
برضه مافهمتش
مش عارفه ياصبرني انا راجعه من عروس الثغر مقفله كده ليه :)

شمس النهار يقول...

*تامر صلاح
الله يخليك
اسكنريه منوره بأهلها
بجد انا بحب اسكندريه جدا بس في الشتاء
ليه فيها ذكريات كتير جدا
وماشاء الله كل مااروح الاقي تغيرات احلا من اللي قبلها
بس تعرف ياتامر انا بحب اسكندريه القديمه اكتر ايام الفيلات الجميله اللي كان شكلهالطيف
والشوارع هاديه
بس بعد ماعملوا كوبري استانلي علي قد ماحل ازمه وشكله جميل بس زعلت ان سان جيوفاني مابقاش علي الميه
كان فندق جميل جدا
وشكرا علي اكلت السمك كأنهاوصلت وزياده بس الشتاء القادم ان شاء الله الغدا عندك استعد وحوش من دلوقتي :)
ماانت ماتعرفش بتعزم مين ده انا عندي قبيله

شمس النهار يقول...

*ايدي
كلامك فيه كتير من الصح
بس مش صغر السن هو المشكله الاساسيه لا بدليل ان زمان كان بيتزوجوا في سن صغير
وكان الزواج بينجح وبيستمر الي الابد وكمان الابناء كانوا مهذبين وناجحين
لكن هنا السبب التاني ان التربيه غلط معظم الابناء اللي همه الازواج الان تربيتهم غلط مابيتربوش علي الاعتماد علي النفس والا تحمل المسؤليه والاستهتار بكل شئ وعدم الانتماء حتي للأسره وحاجات كتير بيعاني منها المجتمع
صدقيني الموضوع كله حلقات متداخله في بعض

شمس النهار يقول...

*ذو الوجه المبتسم
كلامك عن الابراج لطيف جدا
انا ماليش في موضوع الابراج ده خالص
انت بتتكلم ليه علي برج الاسد بس

شمس النهار يقول...

*نانوش
شكرا ليكي
واديني جيت تاني ونكمل مع بعض الحكايه:)
ايه رأيك في موضوع الابراج ده
قريتيه ذو الوجه المبتسم كاتب كلام لطيف فيه:)

شمس النهار يقول...

*ريم
شوفي الواحد لو اتقي الله فعلا في كل شئ
هيسر له الامر
من يتقي الله يجعل له مخرجا ويرزقه من حيث لايحتسب

شمس النهار يقول...

*رئيس التحرير
ماشاء الله انا شفت التجديد وكمان اشتركت في التصويت
وان شاء الله مع بعض في الخير
ربنا يوفقكم انا مبسوطه ليكم جدا جدا

شمس النهار يقول...

*صوت من مصر
ازيك وانا مبسوطه انك متفائل
المستقبل غامض عند الناس كلها مش عندك انت بس
وهو بيد الله وكل مايكون ظننا بالله طيب وخير كل مانحس بالتفائول اكتر واكتر
وانا فخوره بكلمة امي منك
علي فكره انا صورت في اسكندريه وهعمل بوست ان شاء الله بيها
وايوه كده خليك معانا لأكتبك غياب

شمس النهار يقول...

*تامر علي
انا معاك في كل اللي قلته
اهم حاجه تقوي الله وعدم التعنت من احد الطرفين

شمس النهار يقول...

*طارق مؤمن
ايوه ياحاج طبعا بحضر عفاريت بحضر روح الحب الطاهر الجميل اللي الناس نسيته
الحب اللي للحب مش لأغراض اخري
الحب اللي بيكبر مايصغرش
اللي بيبني مش بيهد
اللي بيفرح مابيجرحش
اللي بيدي الامان ومابيخوفش
اقول كمان والا كفايه كده
وبعدين انا رايحه اسكندريه اشوف بيحبوا ازاي هناك:)
اصل الاخ اركان حرب لواء تاعب قلبي خطب من اسكندريه وكنا هناك كلنا

شمس النهار يقول...

دوووودوو
اهلا بيكي في اول زياره للمدونه
وشكرا علي المجامله اللطيفه
وانت قلتي نقطه جامده جدا هي الملل والفتور في العلاقه
انت عارفه ايه المشكله ان الست والرجل الاتنين مش بعفي حد من المسؤليه خالص
بمجرد مايتقفل عليهم باب ويتزوجوا تحسي انهم كانوا في سبق واتقطع نفسهم وخلاص ريحوا
ومش عايزين يعملوا اي حاجه خالص
هو يهمل وهي ترد علي الاهمال بأهمال
وتهمل نفسها وشكلها وتتحول من شكل لشكل
والدنيا واحده واحده تخرب بينهم

شمس النهار يقول...

*محاسن صابر
اخيرا وصلتي حمد الله علي السلام
تصدقي انا ياللي كتبته جرحني اكتر منك وانت فهمه طبعا
اما موضع الست اللي بتصبر
انا مش مقتنعه بيه خالص ليه تصبر
الاحترام اهم حاجه في العلاقه الزوجيه لأنهم قدوه لأولادهم
ازاي الام المهدرة الكرامه تقدر تربي اولاده وتمشي عليهم كلمه
ازاي تقوم بدورها وهي مش حاسه انها بني ادمه اصلا
اما موضوع الاحتواء ده صدقيني مش كل حد بيقدر يحتوي التاني دي فطره
وعلي فكره المجاريح مابيعرفوش يحتوابعض

شمس النهار يقول...

*صوت من مصر
بجد انا مبسوطه انك رحبت بالزائره الجديده دوودوو
ايوه كده ورايا رجاله
ومعاك ان الملل آفت اي علاقه

شمس النهار يقول...

*ذو الوجه المبتسم
صدقني في رجاله مهما الست اتعاملت معاهم بود واحترام مافيش فايده
لكل حاله خصوصيتها
في رجاله بتستجيب وفي رجاله بيبقوا مرضي
وفي رجاله هي دي ثقافتهم انه يهين الزوجه عادي جدا

norahaty يقول...

مساء الخير ياشموسة
ايه عجبتك اسكندرية ؟
النهاردة الاتنين التانى للسفر فين انتى؟
ترجعى بالسلامة يارب وتنورنا تانى؟
بس فين اغنية فيروز دى؟كنتى حطيتها
:)لاجل ما نسمعها معاكى؟
ترجعى بالسلامة .

كاتب مصري يقول...

السلام عليكم
سيدتي الكريمة
أكرر دعوتي للمرة الألف لإنضمامك لنا في فريق تحرير المجلة والرقي بها
طبعا حضرتكك عرفتي انها اتنقلت ع الموقع الجديد
يارب بأه تسجلي عضوية وتبعتيلي مشاركاتك وآؤاءك لإني بجد حتاجك جدا معايا
منتظرك
roaua.com@gmail.com
ولينك المجلة أهو http://roaua.com/

مودتي

MaNoOoSh يقول...

على فكرة انا بحب قراءة صفات الابراج جداااااااااااا
بس مش لازم يعنى ان الصفات تنطبق على صاحب البرج لانى قابلت ناس صفاتهم عكس برجهم تماااااااااما

بسنت صلاح الدين يقول...

كلامك كله بيمس القلب حقيقى، كل واحد مننا لازم يعرف قد ايه ممكن كلمه او حركه بسيطه تجرح شريك حياته، شريك الحياه ده اللى المفروض يكون حته مننا نبقى متأكدين اننا لو جرحناه نبقى بنجرح نفسنا الاول ، مهم اوى نحس ببعض و نخاف على مشاعر بعض و نضحى و مش عيب اننا نغير من نفسنا عشان نتأقلم و نرضى الطرف التانى، لأننا فى البدايه كان كل واحد مننا ليه حياته الخاصه المستقله دلوقتى احنا حياتنا مرتبطه ببعضها بنكمل بعض ، يبقى الانانيه مالهش مكان خلاص، للأسف مش كتير بيفكروا كده وخصوصا فى الزمن ده، و الا كانت كل الخلافات اختفت من حياتنا

شمس النهار يقول...

*نور هاتي
انا فعلا رجعت الاحد ورديت علي حبايبي كلهم وبحاول ادخل مدونتهم ارد عندهم انت عارفه اربع ايام غياب عن البلوجر كتير وبيكون ناس كتير كتبوا حاجات كتير
الاغنيه ان شاء الله هنزلها بس مش عارفه النت معاكس جدا وتحميل الاغنيه بيحتاج نت في احسن حالاته

شمس النهار يقول...

*كاتب مصري
والله العظيم عايزه انضم بس مش عارفه اعمل ايه
اقول لك مش انت علي اتصال بكيارا خد منها نمرتي وكلمني
لاميل بيوصل وكمان بلاقيه بيترد والا انا بدخل الشات مش بحبه اطلاقا

شمس النهار يقول...

*نانوش
فعلا كتير ناس تقول لي صفات عن برج السرطان بس كتير منها ماينطبقش عليا خالص

شمس النهار يقول...

*بسنت صلاح الدين
اهلا بيكي
فعلا يابسنت كلامك صح بس قليل اللي كده فعلا
انت عارفه انا ابتديت اؤمن بحاجه واحده ست كبيره جدا سنا ومقاما قالتها لي زمان اوي
قالت لي الحب موجود وجميل بس قليل اللي بيعرف يحب يابنتي الحب ده موهبه من ربنا مش مديها لأي حد والا كان الناس كلها عرفت تحب وماكنش في مشاكل

ذو الوجه المبتسم يقول...

مرحبا شمس
انا اتكلمت عن برج الاسد يا ستى
والناصح يفهم بقي
لانى انا برج الاسد يا ستى
وبالرغم انى مش باحب موضوع الابراج ده لكن لما باقراه بالصدفة باحس انه فيه اشياء كتير من الصح والصفات المكتوبة عن البرج بتكون شبه حقيقية

تحبى المرة دى اجيب برج ايه
قولى وانا اجيب لك البرج من قفاااااه
ههههههههههههههه
حمد لله على سلامتك
وان شاء الله تكونى انبسطى فى رحلتك
تقبلى تحياتى

ذو الوجه المبتسم يقول...

معلش اختى شمس
كنت عاوز اسال سؤال لكل الاصدقاء والصديقات اللى بيعلقوا على الموضوع

هل كل واحد فينا بيكتب تعليق عن الموضوع بيكون حاسس به بجد
بيكون عايشه ومحققه او بيتمنى يحققه
اكيد الكل فاهمنى طبعا
اعتقد ان اللى بيتمنو يحققوا الحب الحقيقي اكتر من اللى بيحبوا

تقبلو تحياتى

شمس النهار يقول...

*ذو الوجه المبتسم
شكرا ليك والله يسلمك
والحمد لله الرحله كانت جميله
وبالنسبه لأبراج لا انا بس كنت بسأل:)
بالنسبه للي بيعلقوا اتمني انهم يجوبوك
بالنسبه ليا
انا بعلق باللي حاسيته في يوم من الايام وكمان من التجارب اللي اتحكت لي وعشت مع اصحبها سواء كانت فرح او حزن ومشاكل
ومن خلال اللي بشوفه اليومين دول ومن قراياتي
يعني تقدر تقول ان اللي بكتبه خليط متجانس من ده كله
وانا واحده من الناس مابعرفش اكتب غير اللي انا مقتنعه بيه وبعمله وهو ده شمس
مابعرفش اقول حاجه واعمل حاجه تانيه
اعتقد كده اجبتك علي السؤال:)

صوت من مصر يقول...

ايوه لازم احييى كل الزائريين عندك يا ماما
بس دودو دى اختى دعاء تلميذتى وبقولهالها على الفم المليان تلميذه ناجحه عشان تلميذه صوت من مصر الى هو تلميذ شمس النهار
بمضى حضور

صوت من مصر يقول...

نسيت اقول ان كلمه يا امى دى شرف لى انا بجد

شمس النهار يقول...

*صوت من مصر
اهلا بيها واهلا بيك
ربنا يبارك فيكم انتم الاتنين وكل حبايبي اللي بيزوروني

ghorBty يقول...

السلام عليكم

الحمد لله علي سلامتك ..

موضوع حلو الحمله ديه ..

وفعلا محتاجين الحب يرجع تاني جو البيوت وخصوصا بين الازواج

الايه مقلوبه الايام ديه الحب بقا خارج حدود العلاقه الشرعيه ودا اكيد وهم لانه حب دون مسئوليه

في المقابل في داخل العلاقه الشرعيه تلاقي نكد وكل واحد مش طايق التاني

سبحان الله .. ربنا يهدي ويصلح الاحوال

ويرجع تاني الموده والرحمه اللي هما اكبر بكتير من الحب ودا بيجي امتي لما تكون العلاقه اصلا مبنيه علي تقوي الله ونيتهم في العلاقه لله ورضاء له سبحانه

جزاك الله خيرا .. وموفقه ان شاء الله

شمس النهار يقول...

*غربتي
كلامك صح
عايزين نرجع الود والحب بين الازواج
واللي كتير مايعرفوش ان كل من الزوجين هيتحسبوا علي قلة الموده اللي بينهم كتير مش عارفين العشره بالاحسان
احنا لو طبقنا دينا صح بين الازواج كان الحال بقا غير الحال

نهر الحب يقول...

بجد بوست هايل
العطاء والحب
وفن التعامل مع الشريك شئ جميل ومحتاج ايضاح

تحياتى وحبى

شمس النهار يقول...

*نهر الحب
اخيرا جيتي انت فين يابنتي
معقول نهر الحب ماتجيش بوست الحب؟:)