الخميس، 9 أبريل، 2009

الاوله فى الغرام

Animated Hearts Pictures, Images and Photos

الحب

الحب انواع

منها الفطري زي الحب بين الاسره الواحده يعنى الطفل بيتولد يحب والده والدته اخوته ماحدش بيتولد بيكرهم والا بيتولد كاره حد اصلا ده الحب اللي بيتولد مع الانسان وبيكبر معاه

جايز الانسان يحب والده اكتر من والدته او العكس نتيجة عوامل كتيره و ممكن يحب جدته لوالدته اكتر من اللي لوالده وعمته اكتر شويه من خالته و وارد برضه انه يكره حد من عيلته وبتكون هناك اسباب برضه بس الفطري ان الاسره كلها بفروعها تحب بعض

وكذلك هناك الحب بين الاصدقاء والصديق هنا انت اللي بتختاره ماحدش بيختاره لك خالص بدليل ان في حالات بيكون صديق صديقك انت مش صديقه وممكن كمان ماتستلطفوش اصلاولو ان عادة الاصدقاء بيكونوا متآلفين مع بعض وغالبا بتكون ميولهم متقاربه ما هى ده قاعدة الاختيار اكيد مش هأختار صديق انا متنافر معاه اصلا

والحب بين الاصدقاء نسخه من الحب الحقيقي بأغلب ملامحه من تضحيه واخلاص ووفاء وتفاهم و ود وخوف علي مصلحة بعض ومشاركه في الفرح والحزن والوقوف مع بعض في الازمات

وهناك حب الاعجاب يعنى اتنين بيتقابلوا و بيعجبوا ببعض و بيبقى هو شايف فيها فتاة احلامه وبعد التقارب يلاقيها كابوس مش حلم وهي تفتكره الشاطر حسن يطلع دراكولا و بعدها يحصل الانفصال وهنا لينا رجعه كبيره في بوست لوحده عشان نشرح حالة الاعجاب والكوارث اللي بتحصل بسببها نتيجة واحد من الاتنين عادة بيكون حب التاني وحاجات كتيروعلي فكره نص حالات الاحزان والجروح بتكون نتيجة حالة اعجاب مش حالة حب

اما الحب الحقيقي بين الرجل والمراه يا تري ايه تعريف الحب عند كل واحد فينا ؟

بالنسبه ليا الحب هو احساس بيتولد بين اتنين من غير هم نفسهم مايعرفوا السبب وتبتدي بينهم كيمياء غير معلومة المصدر ومجال مغناطيسي يشد الاتنين لبعض بشكل غريب ويبتدي التقارب النفسي بينهم ويدخلوا في حاله من المشاعر الجميله وسعاده من نوعيه جديده علي كل منهما يعني كل واحد حاسس انه مش سعيد غير بنصه التاني و مش شايف ليه وعشان ايه ؟ هومش بيسأل نفسه اصلا و مستسلم للحاله الجميله دي و يبتدي الكلام والحوارات والمناقاشات والتوغل في فهم كل منهم للأخر ويبتدي هنا المشوار وعادة بيكون المحبين متفقين في حاجات كتير في الشخصيه وده بيكون تفعيل لنظرية ان الارواح جنود مجنده ماتعارف منها ائتلف وماتناكر(تنافر) منها اختلف---------------وان كل روح مقسومه نصين بيدوروا علي بعض ويابخته اللي يلاقي نصه التاني و هنا الحب بياخد اشكاله الطبيعيه واحواله الجميله اللي هنتكلم عليها مع بعضالنهارده بس عايزين نعرف معني كلمة حب وعايزه اسمع منكم والمفروض اللي يدخل يقرا البوست زي مااتفقنا و يقرا التعليقات كمان عشان نفتح باب المناقشه وياتقنعني يااقنعك :) في ود وحب و رحابة صدر هو ده فهمي لتلك القوه الجباره الغير مرئيه والمحسوسه فقط واللي بتصنع المعجزات

Get this widget Track details eSnips Social DNA

هناك 219 تعليقًا:

‏1 – 200 من 219   ‏›أحدث   ‏أحدث»
ABOALI يقول...

اسجل حضورى فى كشف المحبين
كاءول تعليق

ABOALI يقول...

وكمان تانى تعليق
علشان الحب غالى

ABOALI يقول...

وثالث تعليق

وان اشتد بك الحب يوما"
فاحرق حبيبك فاءن الحياة اغلى

ABOALI يقول...

رابع تعليق

اقرء بقى واجى

يااااااااااااارب
اجعلنا من المحبين لك وحدك

عمرو يقول...

مساء الخير يا برنسيس :)
حب الاٍعجاب فى رأيى هو من أخطر الأحداث اللى ممكن تقابل و تصادف الاٍنسان فى حياته لو كان مش فاهم الفرق بينه و بين الحب الحقيقى لأنه ممكن يكون سبب فى تدمير حياه بالكامل لو لم يفهم بشكله الصحيح ..
و كمان فى رأيى المتواضع الحب الحقيقى دايما ييجى فى غير موعده !!
يعنى يا ييجى قبل ميعاده أو بعد ميعاده الصح و اٍلا مايبقاش حب حقيقى يبقى أى شىء تحت أى مسميات أخرى ..
أتوقع أن يثير هذا البوست و ما يليه من بوستات عاصفه من المناقشات لأنك الحقيقه يا برنسيس نشنتى على وجيعة الأغلبيه :)

ABOALI يقول...

نعلق
بعد ما قراءنا

الحب
كلمة ليس لها ترجمة
ولكنها كل الحياه

اعظم الحب
حب الخالق المصور

الحب نوعين اذن
دينى
ودنيوى

الحب الدنيوى الحقيقى

هو الحب الذى يسمو بك الى الحب الدينى

اما حب ادم وحواء

يحتاج صناعة اسمها صناعة الحب

فالحب بذرة يجب ان ترويها
فاءن ازدت فى الماء غرقت
وان قللت الماء حدث الجفاء


فالحب
اوكسجين الروح
به تنمو وتسمو وترتقى


تحياتى
على الاوله فى الغرام
يااااااااااااا متمرس

صوت من مصر يقول...

كان معكم خبيره الحب ( الاستاذه المبجله المعاصره للموقف بتاع مدينه نصر ) شموسه النهار
للاسف والله
كلامك كله صح مفهوش اى غلطه الواحد يعلق عليها
عمونما انا لسه منزل بوست عشان اقولكم انا مين

tarek momen يقول...

احب اسجل حضور و اعجابي بالبوست
وكذلك اعجابي بتعليق المدون ابو علي ان اعظم الحب هو حب الخالق المصور سبحانه و تعالي و ان كنت اميل الي عدم تقسيم الحب الي انواع فالحب هو محبة الله لعبده و ومن احبه الله افاض بالحب علي الجميع ومن غضب عليه الله كره الجميع حتي نفسه
فاللهم ارزقنا محبتك لنحب جميع مخلوقاتك

mohamed ghalia يقول...

بجد تعريفك للحب هايل
معنديش أى حاجة أقدر أضيفها على كلامك
ربنا يكرمك

MǿиY El-Shreef يقول...

ازيك يا احلى شموسه

اولا اسمحيلي اقولك العنوان جميل اوي

وكلامك ف البوست بجد يا شموس واصف بجمال كده ومن غير كلكعه

الواحد بيقرا ف استرسال بجد وربنا من غير مايزهق

نيجي للنقاش بقى ..

حب الاصدقاء والعيله ده مش هنختلف عليه ومش محتاج ابداء رأي

حب الاعجاب ده ..

ده مصيبه

ده حاجه مكلكعه كده .. المشاعر فيها عامله زي الممبار طويله ولافه ومش واضحلها اخر

بيبقى كله كدب ع النفس ومجرد اعجاب بالظاهر وفقط

اما الحب الحقيقي بقى

اااه ..

كان احساس حلو اوي يا شموسه

وصعب بجد اقعد اعيد ذكراه وافتكر الواحد هيتعب

صدق الي قال فعلا .. ما الحب الا للحبيب الاولِ

مستنيه باقي الحلقات ياقمره

موناليزا يقول...

الحب من وجهة نظرى هو العطاء بلاحدود او حتى انتظار المقابل

رئـيس التحـرير يقول...

السلام عليكم
مش فاكر إذا كنت قدمتلك دعوة خاصة للمشاركة معايا في المجلة ومع فريق التحرير الجميل الي موجود ولا لا
لو كنت غلطت ومقدمتلكيش دعوة فأنا لعتذر جدا جدا جدا
وبقدملك الدعوة دي ربنا يكرمك يارب وياريت توافقي وتساهمي معانا في إثراء المجلة وترقيتها ورفع مستواها كل عدد عن السابق
لينك المجلة
http://roayahmg.blogspot.com/
وده بريد المراسلة
ibrahemaladawy@gmail.com
مودتي ومنتظر ردك
إبراهيم العدوي(كاتب مصري)

mahasen saber يقول...

شموسه الرقيقه ابتدينا الكلام الجامداهه

انا بشوف الحب زى ما قلتى حاجه مجهولة المصدر وقوه غير معروفة المصدر يعنى انا ممكن احب حد واتخبط فيه كده من غير ما اتيقن وادقق اختيارى ليه انى احبه من عدمه ده انا
انما بالنسبه ليا برضه ان الحب ليه عوامل لابقائه حيا يعنى لو توفر معاه الاحترام والتفاهم والاحتواء المتبادل بيستمر ويتوغل اما لو الحاجات المهمه دى انسحبت من بين قلوب المحبين فقول على الحب واليى بيحبوا السلام

انا بعتقد كده ويمكن لانه عن تجربه

mahasen saber يقول...

شموسه تصدقى كلام ابو على وعمرو منطقى جدا جدا

كلام رجاله صحيح يعنى فيه تحكيم للعقل اولا

صوت من مصر يقول...

نسيت اقولك انى بشكرك على كلمه ابنك بجد وبشكرك اكتر من 1000000 مره ؟

romansy يقول...

الحب على رائ ام كلثوم
الحب هو الود والحنيه عمره ماكان حيره ودموع وقسيه الحب هو اللى بامره هوايتك
وامره لا بايدك ولا بايديه
الحب هو الشئ الى يستطيع ان يحول علمنا الى عالم مليئ بالسعاده

عاشقة الأحزان يقول...

السلام عليكم ورحمة الله وبركاته
أذيك يا شموسه
تقبلى مرورى الأول وليس الاخير
وبصراحه عجبنى قووى موضوع الاوله فى الغرام
ما اجمل الحب الحقيقى الذى يعشة الانسان وهو فى قمة السعادة
ويشعر انه اجمل واحظى انسان فى الكون
شكرا لك ولكلماتك الجميلة وتسلم اناملك
لك منى اجمل تحية معطرة بالزهور الجميلة
مع تحياتى
وسلامى

aidy يقول...

الارواح جنود مجنده ماتعارف منها ائتلف وماتناكر(تنافر) منها اختلف

************************

انا مع الجملة دى فعلا

ودايما بحس ان الحب الحقيقى بيجى لروحين كانوا أنصاف لبعضهم البعض واخيرا اتجمعوا

**********

ولو تلاحظوا ان الحب اللى هو خيالى او وهم بمعنى اصح واعجاب لا أكثر

الواحد دياما بيحس فيه انه خايف من اللى قدامه ومش واثق فيه حتى لو مش شايف اى عيوب

اما الحب الحقيقى فالواحد بيلاقى حالة من الامان التام ومهما كان فيه عيوب فى نصفه الثانى بيحس انه يقدر يداويها وحتى لو كثرت مش بيشعر بالخوف منه او عدم الثقة فيه

************

الحب كلمة مرادفة للامان

واذا تواجد الامان وجب العطاء

وبالعطاء نرث التضحية

*******************

تحياتى ,,

أمبارح كان عمرى عشرين يقول...

السلام عليكم
_____________
اى حب غير حب الحبيبه دة معروف واظن كلنا متفقين على تعريفه
بس حب الحبيبه الا هو الحب الحب الأصلى
مش التايوانى
ده بيكون جميل اوى
وبحسه عذاب من اول يوم
فى الاول احساس ملوش حل ودنيا جميله
وبعد كده أحلام ومستقبل وحوارت
وبعد كده ايه
اه
بعد كده كل واحد بيقول يلا نفسى

بس فى الاخير مفيش زى اول حب ده بيكون اصلى اصلى :D

مش عارف اقول كتير فى الموضوع ده
اصل انا عاتفى (عاطفى ) والكلام ده بيلعب على احساساتى وانا مصدقتك :D


بوست جميل اوى تسلم ايدك
تقبلى تحياتى
سلام

اللؤلؤة يقول...

الأخت شمس النهلر
السلام عليكم
أسعدنى مرورك الطيب
وأشكر لك دوام تواصلك
تفسيرى للحب بأنه إحساس يحسه الإنسان فجأة وبدون مقدمات
لايعرف متى ولا أين
ولكن الأخطر والتلقائيةأن يخلط الإنسان بين الحب والإعجاب وهى المصيبة الكبرى التى يعيشها الكثير من الشباب .
ولكن لى رأيى الشخصى بأن الحب الحقيقى لا يأتى إلا بعد الزواج
لأن ما يحدث بين شريحة من شباب اليوم فأغلبه فهو تهريج
دمتِ مبدعة

عاشقه الرومانسيه يقول...

رغم انى مش قادره اسيطر على قلبى وامنعه من انه يحب
لكن انا مع رأى اللؤلؤه اللى بيقول ان الحب بيجى بعد الجواز

سمعت تعريف للحب بعد الجواز زمااااان وعجبنى قوى ومقتنعه بيه قوى
بيقول ايه؟
ان الرجل والمرأه زى السكر والماء
ده لما يحبوا بعض بيدوبوا فى بعض
لكن لو مفيش حب بيكونوا زى الميه والزيت بيعيشوا جنب بعض ومش بيقدروا يدوبوا فى بعض
وفى كل الاحوال الست بتكون هى الماء
فعلى ادم انه يكون سكر او زيت
(:
التعليق قلب بجو بقاله ليه كده؟
هههههههههههههههه


فى انتظار الباقى ياشموستى

دعاء مواجهات يقول...

كان ليا تعليق على جزئية ان الاتنين لازم يكونوا متفقين فى حاجات كتير بالنسبة للشخصية لان دا مش شرط ابدا ومش اساس النجاح ممكنا وى يكونف ية اختلافات كتير بس هما قادرين يكونوا فوقها ..

بيس

حاسوباتيه يقول...

هقول لحضرتك كلمه بابا قالهالي وهي تعريف الحب عندي الكلمه دي قالهالي من حوالي 5 سنين لما اتقدملي اول عريس وكان بيسالني عن رايي وساعتها ماعرفتش ارد وكان بينا النقاش التالي

بابا: انتي بتحسي بايه لما اخدك في حضني
انا( بفكر شويه): بحس بالامان والراحه
بابا: جوزك كمان لازم تحسي معاه كده لان ده الحب الي بيدوم ويعيش

بس من وقتها وانا تعريف الحب عندي هو الامان والراحه

تامر علي يقول...

العنوان ده فكرني بكلمة (عبيطه) كنا بنقولها في ثانوي بتقول
الأوله في الغرام ..أنا كنت باتدلع
والتانية في الغرام ...كان برضه باتدلع
والتالتة في الغرام ..كان قلبي هايولع :))))

فعلاً الحب أنواعه كتيرة ودهاليزه واسعه وكلنا قد نختلف في التفاصيل والأسباب والمسميات لكن نتفق في الأحاسيس:)
تحياتي

صبرني يارب يقول...

تمام اتفق معاكي فى الكلام الى قولتيه

غير حاجه واحده بس

ان الحب مالوش اسباب

لا طبعا هو له اسباب بس مش لازم تكون معروفه للجميع
ولا حتى للى بيحبوا

لكن اعتقد لو انا قدامي حالة حب اعرف كل جوانبها وادرس طرفيها كويس هاعرف اقولك ا يه السبب الى خلاهم يحبوا بعض فعلا

ولتكن اسباب ترجيحيه على الاقل

وهاتكون اسباب كتير مجتمعه مع بعضها مش سبب واحد لواحده

وكمان فى رايي ان الحب توفيق من ربنا فعلا

او زي ما انا وصفته مره فى بوست عندي

الحب هدى من الله

الى عايز يحب يطلب الحب من ربنا فعلا مش يجري ورا خيالات


اتفق معاكي وبشده ان الحبيب والصديق بينهم تشابه كبير جدا جدا همسه قبل التطابق

خصوصا لان نفس الشخص الى بيختار الصديق هو نفسه الى بيختار الحبيب



تحياتي ليكى يا شموسه على البوست الجامد جدا

صبرني يارب يقول...

ندخل على التعليقات

استاذنا عمرو

اختلف معاك جداااا طبعا

مع احترامي لراي حضرتك طبعا

انما الحب طبعا ممكن يجى فى وقته

وممكن جدا كمان ولا هو لازم عشان يكون حب
يبقى فيه مشاكل وقلق ومش فى وقته ونتعذب ونعذب معانا ناس جايز ما لهمش ذنب ؟؟

بالعكس بقى

الحب الحقيقى هو الى فعلاااااااا يجى فى وقته

لانه اساسا لو جه مش فى وقته يبقى حب جايز مكتوب عليه الموت

زي بالظبط البيبى الى يتولد فى بيئه مش ملائمه له وجايز كمان يكون فى امراض معديه

نسبة نجاته واستمراره فى الحياه صغيره جدا

لكن ممكن يعيش

وممكن كمان يعيش بمرض


نفس الحكايه الحب الى مايجى فى وقت غلط فى الغالب هايموت
ولو عاش ممكن يعيش منكوص
واحتمال صغير يعيش عادي


وحلو انه يجى على الوجيعه

فى جروح لازم تنكأها عشان تطهرها حتى تشفى فعلا

صبرني يارب يقول...

ابو علي

فالحب بذرة يجب ان ترويها
فاءن ازدت فى الماء غرقت
وان قللت الماء حدث الجفاء

اتفق معاك تماما

ولي مقوله دايما اقول

ان دوام الحال من المحال

الحب لو ما اعتنيتش به مش هايكبر
ولو ما كبرش لاااااااازم هايقل ويدبل وجايز يموت

صبرني يارب يقول...

اتفق مع الؤلؤه يا شموسه

ان الحب الكامل المتكامل مش ممكن يكون الا بعد الجواز فعلا

يعنى تقدري تقولي بعد الجواز ممكن نوصل للانصهار الكامل



عاشقه الرومانسيه عاجبنى اوي اوي محل البقاله بتاعها

بجد مقوله معبره وصح فعلا

بس ده الى علق معايا من التعليقات تقريبا


واسفه يا شموسه على الرغي بتاعي واحتلالي للتعليقات وردي على الناس بس انتى الى قولتي بقى ماليش دعوه

وشكرا لكى

من غير عنـــوان يقول...

قنابل مدوية

وحتلاقي بعد شوية انقسامات ...
لأن تعريف الحب كل واحد بياخده بهواه...
مش بيسمع رأي العقل..
وده صح ...
لأن الحب ينبع من القلب... وساعتها يبقى حب .. وبس..

المشكله إن كل الناس ترى أن النهايه السعيد للحب هي الجواز.. وده غلط...

لأن الحب لو صادق مش مستني نتيجه ولا مكافأة...

والحب لو بجد.. يبقى تعريفه..... ( حب)

حب.. من غير أمل... من غير إنتظار...
لو انقلب إلى تملك...
تبقى مشكله...

لو انقلب حسابات...
تبقى مشكله...

وحب الرجل للمرأه غير حب المرأه للرجل..

الأول حنان وحنيه
وأمان وإحتواء

والتاني عاطفه ومشاعر
قرب وأحاسيس

وهنا نرجع إلى إختلاف اللغات والأصول بين من أتى من المريخ ومن جاء من الزهرة

أتفق مع من قال أنه مش لازم تكون نفس الصفات بين المحبين.. لأن التكامل يأتي من الإختلاف..

حب الأسره والأم والصديق.. شكل تاني خالص.. لأن حساباته أبسط ولا تدخل فيه الغيره

الحب الإلهي ده خارج التعريفات.. وسعيدا هو من عرفه وعاشه..
ده مستوى تــــــاني

بدون إنتظار لمردود
ودائم العشق هو من حُرم من رؤية من يحب...

الكلام حيطول
وحيحصل ملل مني

عشان كده حاستمتع بالأغنيه وأسيبكم


أمنياتي لكل محب بأن يظل محبا

hasona يقول...

السلام عليكم

فعلا الحب يولد داخل كل طفل
ككل أعضاؤه وينمو بمرور الوقت
الا اذا كان هناك عوائق

أغلب الظن أن الطفل يولد بقلب صغير مملوء بالحب عن أخره
ويكبر مع الكل - ولكن أوقات يتوقف وينمو وتنمو الكراهية اذا توقف الحب عن النمو


الحب ليس له تعريف معين أو وصف معين
كلا منا له وصفه وشعوره الخاص
لكن هناك أمور مشتركة

الحب الفطري ليس لنا دخل فيه
نحب نكره نعاكس بعض نغضب
كلها بطبيعتنا وببراءه خالصة

أما نظرة الاعجاب وما يبني عليها أو بنطلق منها
بلاوي ومساوئ كثيرة
وفي بعض الوقت أشياء جميلة
لكن النظرة تبني علي أشياء واهية
لذلك يضيع (ويقف) عند أول أزمة

ــــ،،،،،ـــــ
طبعا شرح الحب من وجهة نظرك

ربنا يرزقنا جميعا الحب والود

كيــــــــــــارا يقول...

وااااااااااااااااااااااو

انتي ناقشتي الحب الفطري

والاعجاب

والحب الحقيقي وتقوليلي عاوز عشر دقايق ياشموستي

دا انا هقول قواااااااله
استني بس امشي محمد علي 6 وهرجع ارررررررررررغى براحتي واناقش زي ماقلتلك

بس فعلا كتير بيبقي فاكر ان الاعجاب دا حب وبيحصل منه بلااااااااوي
اي حب بني علي سبب يبقي مش حب

يعني اللي حب عشان حاجه لو زالت الحاجه دي هيبقي الموقف ايه

يبقي مش حب اصلا الحب الحقيقي اتنين حسوا بعض من غير مايحسوا انهم اصلا حبو بعض فيهم انجذاب غررييييييب دا ممكن مش يكونوا عارفين اصلا ان اللي هما فيه دا اسمه حب لان دول مش بيدوروا علي مسمي ابدااا

اناراجعه تااااااااااين كتيييييييييير

انا هقوم بقي محمد بيزن عاااااااااااااا

شمس النهار يقول...

*ابو علي
كده دي عمايل محبين مش تسيب التعليقات لصحابك بدل ماتاخدها كلها
انت اتكلمت علي حب الخالق الحقيقه انا مااقدرش اتكلم علي الحب ده لاانا والا غيري ده شئ بين العبد وربه والا يختلف عليه اتنين انا بتكلم علي حب البشر بين بعض
اما حب الله والرسول والوطن دي بديهيات ماينفعش من وجهة نظري اننا نتكلم عنها
وايه موضوع يامتمرس دي مافهمتهاش

شمس النهار يقول...

*عمرو
اتفق معك بس انت بالذات مش عايزه منك تعليق وخلاص لأ عايزاك تشترك معانا في المناقاشات الدائره

شمس النهار يقول...

*صوت من مصر
موافق يعني ايه لأ اناعايزه مناقشات حاميه يعني البوليس اللي حطينه علي باب المدونه ده هيشتغل ازاي
وبعدين انا يشرفني انك تكون ابني

شمس النهار يقول...

*طارق
ولواني زعلانه منك جدا بس زي بعضه المسامح كريم
ياسيدي احنا مابنتكلمش علي حب ربنا والاحب الرسول والاحب الوطن(فرض عليه)
ياسيدي احنا بنتكلم عن الحب اللي بين الناس اللي يايفرح يايجرح

شمس النهار يقول...

*محمد غاليه
شوف يامحمد انا ان شاء الله عايزه انصحك انك تقدم في السلك الدبلوماسي عشان انت علي طول ردودك قصيره ودبلوماسيه جدا
طيب انت ايه رأيك في الحب اليومين دول

شمس النهار يقول...

*موني الشريف
شكرا علي كلامك
شوفي ياستي انت اثرتي نقطتين جامدين حب الاعجاب والحب الاول بغض النظر عن انه كان حب والا اعجاب
بس انت ماشرحتيش وجهة نظرك في الاتنين احب اعرفها

شمس النهار يقول...

*موناليزا
انا معاكي ان الحب عطاء من غير انتظار المردود بس صدقيني الحبيب اللي بيفضل يدي حبيبه ويفضل يدي وماياخدش حاجه ده بيجي يوم ويتوقف لحظه يسأل نفسه هو حبيبي ليه مش عامل حسابي ليه مش بيديني حتي ربع مابديه يبقا اكيد مابيحبنيش عشان لو بيحبني هيديني مش الحب عطاء فين العطاء ده
وبيكون ده بداية النهايه عشان فعلا بيكتشف ان حبيبه مش بيديه حاجه عشان هو مش بيحبه اصلا هو بيحب العطاء اللي بياخده والحاله فقط

شمس النهار يقول...

*رئيس تحرير
اهلا بيك ياابراهيم وماعلقتش ليه علي الموضوع بتاع البوست
لاانت فعلا دعوتني للمجله الجمياه بتاعتك والحقيقه انا رديت عليك وبعت لك ميل اقول فيه ان انا مبسوطه اني اشترك معاك وقلت اني احب اتكلم مع الشباب ومشاكلهم
وكمان كتبت نفس الكلام في تعليق عندك في المدونه بس الحقيقه انت لارديت في المدونه والا في ميل لحد دلوقتي

شمس النهار يقول...

*محاسن صابر
فعلا لازم الحب يدخل عليه شوية عقل صغننين كده
بس مش اوي عشان مايبقاش جاف
بس الحب لوماكنش معاه تفاهم وتكامل وتوافق مش هيستمر ابدا عشان الحاجات دي هي اكثير الحب اللي بينميه ويكبره

شمس النهار يقول...

*رومنسي
ازيك حمد الله علي السلامه انت كنت فين
طبعا البوست ده تبعك ياملك الرومانسيه
بس ليه ماناقشتش حد من المعلقين
احب انك تشارك في المناقشه

شمس النهار يقول...

*عاشقة الاحزان
اهلا بيكي في اول زياره
وشكرا علي كلامك الجميل

assafo anaroze يقول...

سيدتي
الحب كلمة صغيرة من حرفين لكن معناها كبير
كلمة يمكن تعيشك في الجنة و كمان يمكن تعيشك في النار
*********
هنا سادرج احدى بوستاتي في مدونتي القديمة عن الحب
داء ليس له دواء الا الوصال :
ما ذنب القلب اذا احب بجنون ما وجه الغرابة في ان ترتعش الشفاه و تتلعثم الكلمات في فم المحب الولهان

لا ذنب له لان هذا الذي يسمونه الحب ياتي فجاءة دون سابق انذار فتتخلخل موازين القوى في داخل الانسان و تنهار اجهزته المناعتية.

ماذا يمكن ان يقوم به الانسان حينما تجتاحه احاسيس غريبة احاسيس يصعب مقاومتها او التصدي لقوتها.

هل يمكن لاي منا ان يقف ضد الاعاصير هل يمكن ان نتحدى الزلازل و البراكين

انستطيع ان نواجه قوى الطبيعة

قد يجيب البعض بنعم لان العلم الحديث قد وصل فعلا الى طرق تمكننا من الحد من هذه الظواهر

لكن هل يمكن لاي منا ان يواجه خطورة الحب ان يجعل حاجزا بينه و بين مشاعر جياشة تتملكه بل لنقل تسيسطر عليه الى حد العبودية.

اكيد لن نجد اي شخص قادر على التصدي و مجابهة الهوى لانه داء ليس له دواء غير الوصال او موت بعد الجفاء و الفصال.

شمس النهار يقول...

*ايدي
انا معاكي ان الحب هو الامان بس مش معاكي ان الحبيب ممكن يصلح عيوب حبيبه
الطبع مابيتغيرش ابدا يعني لو حبيتي حد شكاك عمره ماهيبطل شك حتي لو موتي فيه مش حبتيه
او بخيل او عصبي
في طباع مابتتغيرش وكمان يصعب الحياه مع من يمتلكها

شمس النهار يقول...

*امبارح كان عمري عشرين
انا موافقه علي كلامك كله ماعادا
وبعد كده كل واحد يالا يانفسي
الاتنين اللي بيحبوا بعض صح ماحدش فيهم بيقول يالا نفسي عشان همه بينصهروا وبيكونوا نفس واحده
يالا نفسي ازاي
يعني انا لوسعيده هسعد حبيبي ولو انا تعيسه ماانا هتعسه في ايه ياحوده
ده حب يعني تضحيه وعطاء وامان مش اسلم عليك اعد صوابعي

شمس النهار يقول...

*اللؤلؤه
معاك في تعريف الحب بس ماقلتش رأيك في موضوع الاعجاب ونفرق بينهم ازاي احب اعرف رأيك
بس موضوع الحب بعد الزواج ده مش قاعده عشان كتير زواج صالونات مابينجحش خالص عشان احد الطرفين ماحبش التاني فعلا لكن اللي بيتولد بعد الزواج ده عشره طيبه واحساس الطرفين انهم في مركب واحده وحب الاولاد بيحل محل الحب ده فاالمركب بتمشي
لوجود الاحترام والتفاهم لكن لو دول كمان مش موجودين مابيستمرش خالص
واللي فيه الشباب اليومين دول عدم وعي ومعرفه بالمسميات والحريه اللي زياده عن اللزوم الغير معرفه ومقننه نتيجة ان الاهل في وادي والشباب في وادي

ABOALI يقول...

يا هلا يا هلا

بدايه الغرام كده لازم يكون فيها اسئله كتيرة

انا قصدت من متمرس
ان الكلام فى البوست منظوم بشياكة وقراءة جيدة

فهاااااااااااااامان ولا موفهمان

ان بعض الظنووووووووووووووون اثام


ام عن حب الخالق والوطن وخلافه
فعلا اتفق انها كانت من البديهيات
ولكن الان
اصبحت من عميق المستحيلات
لان تلك البديهيات
كنا نتعلم منها الحب الحقيقى لذا كان ينجح حب البشر
فبدون وجود هذا الحب
لن ينجح الحب البشرى

كثيرون يتكلمون عن حب البشر
ولكن معادلة حبهم دائما منقوصة

لاءنها تعتمد على حب اساسه عاطفى فقط

الحب الحقيقى
هو ما يبدء من حب البديهيات

ولالالالالالالالالالالالالالالالالا ايه

الازهرى يقول...

الحب ؟
بس كده
تعريفه سهل جدا
اجمعى كل ما كتبه الفلاسفة والحكماء عنه ومعهم رأيك الشخصى ورأى الأصدقاء
وبعدها يكون هذا جزءا صخيرا من تعريف الحب
فالحب بلا كلمات تستطيع وصفه ولا أحد حتى الن قادر على أن يحتويه داخل كلمات مهما كانت
هو احساس يتولد من غير ميعاد ولا ترتيب قد يصمد أمام المشاكل وهنا نعرف أنه إعجاب وقد يصمد ويرتوى من الطرفين ويظل يترعرع بينهما مع الزمن حتى نهاية العمر
وقد ذكر كثيرا فى الأثر منها أن النبى صلى الله عليه وسلم كان يدعوا الله قائلا
"اللهم إنى أعدل فيما أملك فلا تؤاخذى بما لا املك" وهو حبه
فقد كان يسئل من أحب الناس إليك قيقول عائشة رضى الله عنها وعن أبيها

والأرواح جنود مجندة فما تعارف منها إئتلف وما تنافر منها إختلف
وهو حديث

وهناك الكثير غير ذلك
أما عن ما يحدث هذه الأيام من اعجاب وتمثيل للأدوار على أرض الواقع واسفاف وضياع للمعانى الحقيقية للحب وغيره
فهو مما تزدريه النفس السليمة وتحتقره
وليعافنا الله تعالى منه

شمس النهار يقول...

*عاشقة الرومانسيه
بالنسبه للحب بعد الزواج ارجوا انك تقري تعليقي علي اللؤلؤه
اما السكر والماء والزيت والمواد التموينيه الجميله دي انا موافقه عليها
ودمها خفيف
وبعدين الحب لما بيجي ماحدش بيمنعه عشان هو مش بياخد اذن بيدخل كده علي طول بس احنا بقا اللي لازم نخليه صح عشان نحافظ عليه

صوت من مصر يقول...

يا امى الشرف ليا انا مش لاى حد تانى وبجد انا كده هيكون ليا 3 امهات
الاولى مصر طبعا
التانيه مامتى الى خلفتنى
الثالثه اختى الكبيره حنان
وحضرتك الرابعه
لكن فى المقام الاولى
ارجو واتمنى ان يكون لى ام مثلك تفهم معنى كره الحكومه للشعب بجد
ويلا خليهم يشتغلوا
وساعتها مش هيلاقوا مكان فى السجن لده كله

شمس النهار يقول...

*دعاء مواجهات
لا يادودو عمر ماكان في حب فوق الخلافات الشخصيه بين المحبيين يعني لما تكونوا مختلفين في المبادئ ازاي ممكن تكملوا مع بعض وامثله كتير الحب بيصمد ويرتفع امام المشاكل الخارجيه واللي بيخليه يعمل كده التفاهم والتكامل بين المحبين
يعني ماينفعش نكون مختلفين في كل حاجه انا يمين وهو شمال ونقول الحب والزواج بينا هيكون ناجح
لكن لو انا نشيطه ومتحركه وهو هادي الدنيا هتمشي عشان هيكون هنا في تكامل بينا
في نواقص هنا بتكملها زياده هنا
لكن مثلا البخيل ماينفعش والا ينجح مع اي حد والا حتي حبيبته عشان البخيل بيكون بخيل حتي في مشاعره تقدري تقولي ان لوحب الحب هيرتفع عن المشكله دي
لازم يكون في حد ادني من التفاهم والوئام والاتفاق في كثير من امور الحياه
والتكامل والتوافق العقلي
عشان الحب ينجح ويكبر
عدو الحب هو التشاحن هو ليه اعداء كتير بس منها الاختلافات اللي مالهاش حل

عمرو يقول...

يا جماعه مبدئيا لا يجوز أن يكيل حب الله و أى حب آخر دونه بمكيال واحد ..
حب الله و رسوله المصطفى عليه الصلاة و السلام يخرج تماما بصفته و مكنون عظمته عن دائرة حوارنا لأننا نتحدث عن أمور دنيويه يجوز فيها النقد و الاٍبدال و أما حب الله و الرسول فيعلوان علوا كبيرا جوهرا و مظهرا عن أمور الدنيا مهما تعلو ..
يعنى أرجو أن يكون هذا فى الأذهان خلال المحاوره ..
مش قلت لك يا برنسيس شمس أنك حتثيرى عاصفه من الحوارات ؟؟ :))

شمس النهار يقول...

*حاسوباتيه
تعريف الحب عندي هو الامان والراحه
---------------------------
وانا معاكي ميه في الميه
بس منين بيجي الامان والراحه دي
من الود والتفاهم والتجانس بين الطرفين
وكذلك العطاء والوفاء والاخلاص في الحب والا انت رأيك ايه في اسباب هذا الشعور

شمس النهار يقول...

*صبرني يارب
لما فتحت المدونه الصبح بعد ماكنستها ورشيت الميه ورصيت الكراسي بشياكه
لاقيت ست الكل حبيبتي صبرني يارب قايمه بالواجب وزياده
ايوه كده ورايا دمغه عمرانه صح
بس انا مصره ان الحب بيجي كده من غير اسباب والا اذن والااستأذان
زي مايكون واحد ماشي كده في حاله وتقع علي راسه قصرية زرع صغيره كده تعوره تعويره صغيره بس يامزروعه ورد وفل يامزروعه صبار وبعدها يغني ظلاموه
لافض فوكي ياصبرني
بس انت رحتي فين والزمبلاطا في الصالون لسه
احنا فينا من كده

شمس النهار يقول...

*من غير عنوان
(قنابل)هتطفش المدونين من المدونه كده
صح كل واحد بيعرف الحب من منطلقه اللي انسعد بيقول كويس واللي انجرح بيقول مش حلو
بس انا ضد ان الحب مافيهوش عقل لا في عقل بس بنسبه قليله واللي بيلغي عقله تماما هو ده اللي لما يسألوه لما حبيبك كده وحش كملت معاه ليه يقول اصل مرايا الحب عاميه لا مرايا الحب مش عاميه هو اللي لغي عقله وتغاضي عن العيوب الموجوده والخلافات
وبعدين وماله ان ينبع من القلب مع قليل من العقل ماهو كمان العقل مابيعرفش يحب اصلا ده حتي العلم لو الواحد ماحبهوش من قلبه اللي هو المسؤل الرئيسي عن الحب مش هيعرف العقل يستوعبه
وليه مايكونش النتيجه الطبيعيه للحب هي الزواج امال يعملوا ايه اي اتنين بيحبوا بعض ومتفاهمين والظروف كلها صح
(لأن الحب لو صادق مش مستني نتيجه ولا مكافأة.)
السطر ده انا مش فهماه خالص
هل ده معناه ان الحبيب اللي هو الرجل بيكافئ الحبيبه بأنه يتزوجها والمفروض انها تحبه من غير ماتتجوزه كده انا اتلغبطت خالص
اما انواع الحب اللي حضرتك ذكرتها وهي
حب من غير امل طيب ماذكرتش ليه المحب ده يعمل ايه ليه
انا في رأي انه بيضيع وقته ومشاعره دي حد تاني اولي بيها
حب من غير انتظار برضه دي مش فهماها خالص
اما حب التملك صدقني مش بيدوم نهائي
عشان لو حبيت حد وعايز يفضل معاك اديله الحريه ماتكبسش علي نفسه وتقول حبيبي وانا حر فيه:)
اما حب الحسابات اعتقد ان ده نكون نظلم الحب لو نقول عليه حب اصلا
الحساب مايتفقش مع الحب اطلاقا
وبختلف مع حضرتك في ان الرجل هو المسؤل الاول عن الحنان لأ المراه مش الرجل عشان فطرة المراه الحنان وليس العكس
وان يكون في رجل حنين هو ده الاثتثناء
التكامل مابيحصلش من كل الاختلاف يعني في اختلافات بتكمل بعض وفي اختلافات بتولد التشاحن والتنافر
يعني العصبي ماياخدش واحده تنحه هتجيب له السكر والضغط
لكن ممكن ياخد واحده هاديه شويه
البخيل مايخدش واحده مبزره ..هتجيب له سكته قلبيه لكن ممكن ياخدواحده معتدله ...وهكذا يعني
(ودائم العشق هو من حُرم من رؤية من يحب...)((تاني))
طيب ليه عنتر ماطلقش عبله وكتب فيها احلا اشعار
وابو فراس وملك انجلترا اللي اتنازل عن عرشه
وناس كتير في الحياه اتجوزوا ومااتحرموش من بعض وبيحبوا بعض الي الان
اعتقد ان دي مش قاعده
النفس البشريه مالهاش قاعده وسبحان مقلب القلوب
سؤال صغنن كده هو حضرتك بخيل كل مره تكتب طولت في الكلام اخدتوا من وقتي كتير :)
هو مين اللي بيحاسب في المدونه دي :)

شمس النهار يقول...

*حسونه
اتفق معك في كل كلامك بس ماعلقتش علي اي حد من الملاء ليه

شمس النهار يقول...

كيارا
برافوا عليكي كلامك صح وعشان خاطر محمد ياستي نستناكي تاني عايزه قواله قولي كل اللي انت عيزاه المدونه تحت امرك

شمس النهار يقول...

*اسفوااناروز
اتعشم اني بكتب الاسم صح
مش قادره اقول لك كلام البوست اللي انت كاتبه جميل ازاي فعلا
امني انك تشترك في الحوار اللي بين المدونين هنا الان يعني لو مختلف مع حد من المعلقين علق ورد عليه
البوست والتعليقات واحد

شمس النهار يقول...

*ابو علي
فهمانه ياريس سماح خلاص

شمس النهار يقول...

*الازهري
كلامك كله صح وجميل جدا
بس انت شاب وعلي صله بشباب كتير تنصح المحبين يعرفوا الحقيقي من التمثيل ازاي والاعجاب من الحب ازاي قولي كده

شمس النهار يقول...

*صوت من مصر
شكرا ليك ياكيمو
مش انت بتحب مصر ادخل عند عمرو بدر(حبشتكانات ) وانت يتحرق دمك من مصر والمصريين اللي اللي اختشوا ماتوا واللي قاعدين الباقيين

شمس النهار يقول...

*عمرو
ردك في الحته دي جميل جدا بشكرك عليه
وبعدين مانتحاور ونختلف ماهي صبرني يارب حاطهلنا اتنين لوائات علي باب المدونه وطلبنا خبير مفرقعات كمان عشان القنابل اللي ذكرها من غير عنوان ماحدش عارف ايه اللي ممكن يحصل

من غير عنـــوان يقول...

أولا أنا بخيل جداااااااااااا

(:

لأ طبعا بس ساعات بأحس إني مش لازم أطول لا على صاحب البوست ولا باقي القراء .. حيث لو كل واحد فتج في الكلام حنعوز ساعات وساعات... وأنا عندي مبدأ أن الوسطيه حلوه
واللي عاوز يستزيد... ممكن بس أكيد مش على وقت ومساحات اآخرين

المهم

<
(لأن الحب لو صادق مش مستني نتيجه ولا مكافأة.)
السطر ده انا مش فهماه خالص
هل ده معناه ان الحبيب اللي هو الرجل بيكافئ الحبيبه بأنه يتزوجها والمفروض انها تحبه من غير ماتتجوزه كده انا اتلغبطت خالص i>

أشرح:
أولا ليه عرفتي الحبيب اللي هو الراجل... ؟؟؟
ممكن تكون الحبيبه
وماحدش بيكافئ حد بالجواز!! مفروض إن الجواز ده عشان تكوين أسره.. والإبقاء على الذريه

ثانيا :
لأن الحب لو صادق مش مستني
نتيجه ولا مكافأة

أنا ليه بأقول كده... عشان اللي بيحب... بيحب...
لا مستني جواز... ولا غيره... هو بيحب

شمس..

لازم نفرق جــــــــامد بين الحب ... وبين الحب للزواج

وتاني وتالت ومليون ( وبغض النظر عن عنتر وعبله أو ملك انجلترا)

بأقول تاني وتالت مش ممكن أحصر الحب بين الرجل والمرأه فقط بغرض الزواج... لأن ده يتنافى بشده مع فكرة إنه حب .. لأن إحنا قلنا إنه نابع من القلب وقليل من العقل..

وقد قال المصطفى عليه الصلاة والسلام

رب.. لقد عدلت فيما أملك فلا تحاسبني على ما لا أملك ( وهو ميل قلبه لعائشه)

طيب إذا كان لا يملك... فكيف يعطي ما لا يملك لشخص بعينه...؟؟؟؟؟؟؟؟؟؟؟؟؟


تأملي الكلام عشان فيه لخبطه

إذا كان الشخص غير متزوج... ومال قلبه لواحده... غير متزوجه... يبقى على بركة الله

طيب إذا كانت متزوجه .. وهو محترم وهي كذلك... حيوقف هذه العاطفه عن المضي قدما... بس هو خلاص حبها..

طيب إذا كان هو متزوج... وهي غير متزوجه... خبط فيها في الشغل مثلا... هنا الظروف بتقول لأ... بس برضه هو خلاص حبها...

بالمناسبه ومن غير ضرب...

( قد ) يستطيع الرجل أن يستوعب قلبه لأكثر من واحده وإن كان سيميل لواحده...

أقول قد... قد...

أنا عارف طبعا إن كل ستات الدنيا حيقولوا ده كلام فارغ.. وهن عندهن كل الحق.. لأن المرأه أي مرأة سوية.. لا ترى سوى رجل واحد هو حبيبها... بينما الرجل قد ( تاني بأقول قد ) يميل قلبه ..

دي فطره .. ولا تعمم... ولا يجب أن نلوم جنس الرجال عليها..

جرجرتيني لأن أتخلى عن بخلي.. بس أعمل إيه..

عموما الواحد يحافظ على فلوسه أحسن...

هو صحيح مين اللي بيحاسب...

عموما بما إني فلاح.. فدايما وأبدا أنا اللي بأحاسب..

وعلى فكره مش بالضروري إن احساب يكون فلوس.. فيه حساب أغلى هو العطاء


أمنياتي


ملحوظه بالمره

مين قال إنه الحنان إمرأه... راجعي أقوال علماء النفس...

ده من غير تحيز

ملحوظه تانيه

باين عليّ إني حاسيب مبدأئ وأخليكي إنت اللي تحاسبي

فتحتي جبهات كثيره

أرى أن تعي الفتنه نائمه

واللي فاكر إن الحب كده أو كدهون... خليه فاكر كده وخلاص.. مش حنعرف نغير المفهوم ده بالذات عند أي حد

بسسسسسسسسسسسسسسسسسسس

خلاصصصصصصصصصصصصصصصصصصص

ملحوظه كمان :
أتحدى انه ستزيد عدد التعليقات هنا عن 500 تعليق على الأقل في 5000 صفحه

مبروك جينس ريكورد

ذو الوجه المبتسم يقول...

السلام عليكم
انا جيت اسلم واقرا البوست السابق للمرة التانية لانى مكنتش علقت عليه
لقيتك بدأتى فى مشوارك واوله الحب
هاستاذنك هاتعشي وانزل للمكتب تانى
علشان اعلق على البوستين
تعالى نعشي سوي
باعزم بجد احسن تقولى عليا بخيل هههه
تقبلى تحياتى

عمرو يقول...

من غير عنوان
صديقى الحكيم اٍسمح لى بالمناقشه فى بعض النقاط ..
عاوز أوضح يا صديقى الحكيم أن فطرة الرجل التى خلقه المولى عليها لا تسمح له اٍلا بأن يميل قلبه لاٍمرأه واحده فقط و فى نفس الوقت سمحت له الفطره أن يتزوج بأكثر من اٍمرأه و ليس العكس و لعل فى ذكر الرسول صلى الله عليه و سلم و ما كانه من أمر زواجه بالسيده خديجه رضى الله عنها و قد اٍكتفى بها من دون النساء كزوجه محبه بادلها حبا بحب و ودا بود و لم يتزوج عليها بأخرى فى حياتها و لكن لما توفاها الله و تزوج بنساء أخريات فاٍنه صلى الله عليه و سلم لم يحب سوى السيده عائشه رضى الله عنها و قد صرح هو نفسه بذلك ..
فطرة المرأه التى فطرها الله عليها أن لا يميل قلبها سوى لرجل واحد نفترض أنه زوجها أو من سيكون زوجها فى المستقبل فلا تميل اٍلا له و لا تهب جسدها اٍلا له بكلمة من الله و موثقا غليظا ..
المرأه ذات الفطره السليمه لا تلتفت و لا تميل اٍلا لمن يعدها بالزواج كتويج لعلاقة الحب بينهما و الأكيد أنها ترى أى علاقة جسديه خارج هذا الاٍطار الشرعى اٍثما كبيرا و اٍهدارا لأنسانيتها و كرامتها ..
لاحظ هنا يا صديقى الحكيم أنى أتكلم عن المرأة ذات الفطرة السليمة التى ترى فى الزواج تتويجا مناسبا و منطقيا لقصة الحب التى جمعتها بزوج المستقبل ..
نقطه أخرى أحب أتكلم فيها و هى أن لا عيب اٍطلاقا فى أن يكون الزواج بهدف تكوين و اٍنشاء أسره و اٍيجاد المؤانسه و العشره الطيبه بين الرجل و المرأه .. يعنى ممكن أن يكون هذا الزواج غير مسبوق بحب أو بفترة اٍختبار عاطفى بين الاٍثنين و لكنى طبعا أحبذ وجود عاطفه بشكل ما تربط بين زوجى المستقبل .. و لاحظ أنه من الجائز أن لا يكون هناك تطابق فكرى تام بينهما لنجاح عملية تربية الصغار تربيه سليمه صالحه و لكن على الأقل من المهم وجود الحد الأدنى من التفاهم و الاٍنسجام بين الأب و الأم و اٍلا ستفشل هذه المؤسسه فشلا ذريعا لا تنصلح بعدها أبدا ..
و تقبل خالص تقديرى ..

من غير عنـــوان يقول...

عمرو العزيز

شكرا على الرد المفصل الموثق.. المنظم...

لا أختلف إطلاقا فيما قلته.. ولكن..

فطرة الرجل السويه لا ترى إلا المرأه التي هي حلاله ( أي زوجته ) لا خلاف

ولكن .. إذا كان الله تعالى قد أباح التعدد... فبالتالي يكون قد أبيح لنا أن نجد أكثر من واحده تملأ فراغ القلب طالما في الحلال ..

وبالنسبه للمرأه السويه الفطره فمن المؤكد أن لها رجلا واحدا

هذا لا خلاف عليه

ما كنت أحاول شرحه ( ولابد هنا أن نذكر أن الكتابه قد لا تسعف الفكر)
أقول ما كنت أحاول شرحه .. قضية إرتباط الحب بالزواج..

لقد تزوجت شخصيا عن حب..
إذن فأنا مؤمن بهذا..
ولكن ما وجدته في حياتي العمليه من أصدقاء ومعارف يثبت أن الحب وحده لا يكفي... أو قل بمعنى آخر أن هناك معايير كثيره لموضوع الزواج... احدها وبنسبه لا تتجاوز 25 بالمائه تختص بالحب...

ولما كانت العزيزة شمس تتحاور وتتناقش حول الحب .. فأردت فقط أن أوضح رأيي في أنه ليس باضروره أن تكون نهايه الحب هي الزواج...

سيدي
قد يكون التعبير خانني
قد تكون الكلمات غير موفقه
ولكن

ليس من المفترض إذا جردنا الحب أن نقرن نهايته بالزواج...

وهذا لا ينقص مطلقا من الزيجات الناجحه القائمة على الحب...

ولا يزيد أو يشجع أن نحب بلا زواج

في نظريات البحث العلمي...
لابد أن تنحي المعتقدات والأديان

بغض النظر عن أن صلاتنا ونسكنا وحياتنا لله الواحد الأحد لا شريك له

ولكن وكما قلت أنت في مقوله سابقه نحن نتحدث حول أمر دنيوي

من الصعب أن نقصره على ( إذا أردنا تعريفا سليما للحب) لا نستطيع أن نقصره فقط على أن هذا يجوز دينيا أم لا

عزيزي عمرو .. أحد الزملاء الأفاضل هنا قال.. نجمع كل ما كتب من أدباء وحكماء وما سيكتب عن تعريف الحب

الحب كلمه بسيطه جدااااا

حرفين

لكن لها دلالات كثيره وتشعبات أكثر

إذا قصرنا فهمها فقط على اتنين ( ظروفهم مواتيه ) متدينين.. أحبوا بعضهما البعض... وتزوجوا... وعاشوا في تبات ونبات...

أقول إذا قصرنا هذا المفهم على تلك الصوره

لنكون قد أفقدنا كل الحب كل المعاني...وما قامت الدنيا ولا قعدت... ولا كان هناك قتل وهجر وطلاق وخيانه... والسبب... المدعو الحب...

عارف...
إذا قام الأدب مثلا ... بكتاية روايات سعيده فقط... ما كنا استمتعنا بالعميد طه حسن وصعوبه بساطته ولا بتوفيق الحكيم ورواياته.. ولا إحسان ونجيب وخيري وعكاشه والكثير...

والمجال قد يطول ويتسع .. ولكن الأخت شمس قد خلعت عليّ لقب البخيل...

(:

طبعا هذا مجرد شويه fun
عشان أنا شايف إن أنا طولت

أمنياتي

ملحوظه...

بما أن الفنان لا يتجزأ... ومن خلال معرفتي البسيطه بشخصك الكريم.. فأنا أرى إنك متمكن جدا من مفردات لغه الضاد

من غير عنـــوان يقول...

العزيزه شمس

مبسوطه
أديني أنا وعمرو هات يا كتابه


(:

شمس النهار يقول...

*من غير عنوان
جميل جدا الموضوع كده كبر
طيب اقرا الاول واشوف ايه الموضوع وارجع ارد عليكم واضح اننا هنحتاج قواة متعددة الجنسيات هنا في المدونه

هــو..مش ..نـو يقول...

(1) بشكرك جدا يا حاجه علي دعوتك لي..وحباً في مَنْ شَرعَ الشرعُ ألبي الدعوه.
(2)الوضوع واسع جدا و مقاسه كبير علي هوهواتي...لكن قدر أستطاعتي ها هوهو..
(3)الموضوع المطروح للنقاش علاقه البشر ببعضهم والتي نسميها(حب). كيف نطلق الأسم الصحيح علي العلاقه ...وسيتغير الأسم إذا تغير نوع طرفي العلاقه .
(4)مشروعك عظيم وكبير و سيجمع اكبر قدر ممكن من التعليقات و سيتم طرح اكثر من100000000000فكره..
(5)أخرجتي حب (الله)و (الرسول) من موضوع النقاش كيف نبعد الأصل ونتكلم في الفروع .
تحياتي....
===هوهو==

شمس النهار يقول...

*من غير عنوان
الحب الصادق عطاء بلا حدود ماشي لازم يكون اخرته صح الزواج اما الامثله اللي حضرتك قلتها دي حب من طرف واحد صاحبه هو المسؤل الاول والاخير عنه احنا هنا بنتكلم علي الحب اللي ماعليهوش محزورات
ماتقوليش واحد يروح يحب واحده متزوجه ويجي يشتكي
وبعدين يعني ايه الرجل يحب اكتر من واحده:(
زي ماعمرو قال ممكن يتزوج اكتر من واحده(ده لو مااتقطعش قبل مايعملها) لكن مايقدرش يحب اكتر من واحده اذا كان الرسول ماعرفش يعملها هتعملوها انتم
وبعدين فين هنا الاخلاص في الحب والوفاء
ده مابقاش قلب كده ده بقا جمعيه:)
وبعدين احاسب انا ليه :)
عموما كده شكلها عمرو اللي هيحاسب
اقرا باقي الكلام واجي اكمل

شمس النهار يقول...

*ذو الوجه المبتسم
اهلا بيك اتعشي علي مهلك وشكرا علي الدعوه الكريمه بس الحقيقه انا مابتعشاش
شكرا

شمس النهار يقول...

*عمرو
انا معاك في كل اللي قلته
بس انا شايفه ان الاولاد بيتأثور نفسيا لو مافيش وفاق او حب بين الوالدين
لكن انا معاك في كل الكلام

شمس النهار يقول...

*بدون عنوان
لا والله مااقصد انا كنت بضحك عشان انت بتبخل بس في الكتابه مش اكتر
دي دعابه:)
وايوه مبسوطه كل ده في مصلحتنا نحن المدونين البسطاء

شمس النهار يقول...

هو..مش ..نو
اهلا بيك
بس الحقيقه الاصل هنا لايمكن التحدث فيه اصلا ده من البديهيات
وماينفعش فيه النظريات اذا انه من الثوابت
وارجوا انك تقرا تعليقي علي هذا الموضوع في ردي هنا وكذلك عمرو
حتي لانكرر الكلام

شمس النهار يقول...

*عمرو
عارفه بعد ماشفت التعليقات لاقيت متعددت الجنسيات غلط
معلش ياريس كنت مستعجله مااخدتش بالي من الته حد قال لهم يحطوهم في الكي بورد تحت بعض
:)
عارفه ان ده بيضايق عمرو حامي حما اللغه العربيه
بس مش قلت لك قبل كده دي اللغه الهندوشمسيه

MǿиY El-Shreef يقول...

بصي يا حبي

الحب الاول لو اتضح انه كان مجرد اعجاب مايبقاش حب اول :)

الحب الاول ده حاجه كده كبيره اوي

فيها امان وحنان

موده ورحمه

تفاهم وانسجام وتغاضي

كل ده بيندمج ويكون حب

والحب ده بقى بيغطي ع الظاهر الي بيبقى شئ اساسي ف الاعجاب

ويحب ف الي جوا

ف القلب

ف العقل

ف تفكير الانسان الي بيحبه

الحب بيساعد العيشه انها تبقى كويسه

والاهداف تتحقق

و.......

كتير يا شمس

الحب الاول بيفضل ف القلب حتى لو الحبيب رحل

وبنفضل نقارنه بكل حب هيعدي علينا

ممكن يعقدنا من الحب

بس ف الاخر هنضطر نعترف انه بقى ذكرى

ولازم تبقى جميله

وخلاص بقى انا هعيط

:(

شمس النهار يقول...

*موني الشريف
طيب ليه لما هو كل الكلام ده مش بيدوم من وجهة نظرك
انا شخصيا عندي رؤيه في الموضوع ده بس احب اعرف رأيك الاول لما هو كل ده وحب حقيقي ليه مش بيدوم في اغلب الاحوال

هــو..مش ..نـو يقول...

( بس الحقيقه الاصل هنا لايمكن التحدث فيه اصلا ده من البديهيات )
لا يمكن التحدث فيه ليه؟
اذا كان حضرتك بتحددي نتكلم في ايه وما نتكلمش في ايه ...فلا داعي للكلام
انا راح ..أهوهو..هناك في مدونتي ...
بشكرك للمره الثانيه علي الدعوه ..
===هوهو==

صوت من مصر يقول...

يا امى احب اوضحلك ان الى عند عمرو موجود بالفعل
ده نوع ملابس رياضيه ومنها علم لكل دوله وقد قرروا نوع من الرونه عمل ذالك
مع انى الشبشب ده اشتريت منه 2 واحد البرازيل والتانى كان امريكاوكنت جايبه عند ؟
محدش يزعل احنا فعلا كده
صناعه الصين

ذو الوجه المبتسم يقول...

السلام عليكم
الحب
تعرفى انه اسم جميل قوووى
كلامك عنه فى البوست جميل
وبما انك فاتحة باب التعليقات والحوارات علشان الكل يستفيد بجد
انا بقى يا ستى عندى شوية تساؤلات
هاقولها بالعامية كده

1- هو صحيح ممكن للرجل او الست يحب اكتر من شخص بنفس الوقت الحب الرومانسي طبعا

2- هو صحيح ممكن للرجل انه يحب ست اكبر منه بالسن او العكس

3- هل من حق الرجل او الست يحب الاخر رغم اختلاف الطباقات او العادات

4- حب الانترنت " ايه رايك فيه " ممكن يحصل بجد وايه درجته

5- امتى تتحول علاقة الصداقة بين الرجل والمرأة الى علاقة حب بجد

6- ياترى تعدد الحب يعتبر خيانة لكل من الاحبة الاخرين

7- الحب الفطرى وهو حب الاب للابن او الام او حب الابن لابواه ياترى ممكن ينعكس الى كره فى بعض الاحوال مثل تمييز اخ عن اخ او اخت ..... ؟

8- علامات الحب الحقيقي ... ياترى هى اللهفة - الشوق - الاشتياق - التضحية - الامل - ...... ايه تانى ... مش فاكر ؟ قولى انتى الباقى هههههههههه

- تعليق ا / عمر بيقول ان دايما الحب الحقيقي بيجي فى غير ميعاده ... صحيح الكلام ده بجد ولا ايه ؟؟؟؟ بس يمكن مش عند كل الناس اكيد فيه ناس بيجي فى معاده ..

- تعليق ابو على
ان اعظم حب هو حب الخالق
ده شئ فطرى مش محتاج نقاش .. اللهم اجعنا نحبك ونحب من احبك

- فيه تعليق بيقول وما الحب الا للحبيب الاولى
ايه ده .. يعنى لو الحبيب الاول تزوج او مات يبقى خلاص نبطل نحب ههههه

معلش طولت عليكى
بس لسة فيه كلام كتير
تقبلى تحياتى

حواء يقول...

أنا بعد مقرأت الموضوع وتعليقاته راي من راي موناليزا
أما عن ردك علي موناليزا فهو صح جدا
وبيحصل بالفعل
إلا اذا كان الشخصان بيحبوا بعض بنفس المقدار والعطاء
وبالتالي هيبقي حب العمر واسعد حياه
وانا من النساء اللي مستحيل اعيش مع شخص مبيحبنيش
تحياتي علي البوست الرائع ده

MǿиY El-Shreef يقول...

والله يا شموس انا اتعلمت ان الحب الاول دايما بينتهي بصدمه

الحبيب بيحب حبيبه اوي لدرجه ان اي غلطه بتبوظ حجات كتير

ولو الهيط الي ماشي مستقيم اتعوج الحته المعوجه دي هتأثر ع الحب ده بقيت العمر

فبيبقى الانفصال اساسي ف الحب الاول

وده طبعا حاجه ماحدش يحبها ابدا

وماكنتش اتمنى ان اي قصه ف الدنيا تنتهي بيها

..

Foxology يقول...

والله موضوع جميل جدا جدا جدا والتصنيف ممتاز للغاية

حب الأهل دى حاجة اعتقد ان ربنا سبحانه وتعالى غرسها فى قلوبنا كلنا علشان صلة الرحم والله اعلم طبعا :)

حب الصديق الحقيقى فعلا زى ما حضرتك قولتى انه حب حقيقى لأنه مبنى على الوفاء والأخلاص والخوف على الغير وكمان ممكن حب تفضيل الغير على النفس بدافع الصداقة وحب الصديق

الحب بين الجنسين لو مكنش من الأول مبنى على عوامل صح يبقى ملوش لزوم ومفيش امل فيه :)

تحياتى وفى انتظار باقى المواضيع :)

fashkool يقول...

الحاجه العزيزه شمس النهار
تحياتى
كل انواع الحب جميله اما الحب بين رجل وامرأه فكله شجون واذا لم يتوج بما أمر به الله ورسول بيبقى كله حزن ووجع قلب
تحياتى لحضرتك

شمس النهار يقول...

*هو..مش..نو
انا مابحددش لحد يتكلم في ايه والا مايتكلمش في ايه بس اللي يتكلم يتكلم في موضوع البوست لأن موضوع البوست هو اللي بيحدد هنتناقش في ايه
يعني ماينفعش اكون بتكلم في بوست عن السياسه وحد يدخل يتكلم علي فيلم مثلا
انا بتكلم في البوست عن الحب اللي بين الرجل والمراه مش حبنا لربنا والا للرسول
انا ماتكلمتش فيه عشان من وجهة نظري ان الحب ده فوق الحوار والكلام شئ مقدس جدا بين العبد وربه ماينفعش يتحط له نظريات والا حد بيعلمه لحد والا بيقول تحبه ازاي
وبكرر ده وجهة نظري واعتقد ان عدد من اللي علقوا هنا متفقين فيه معايا

شمس النهار يقول...

*صوت من مصر
فعلا فعلا لابقا في حاجه غاليه والا رخيصه حتي
الناس فقدت احساسها بالاشياء المحيطه بيها حتي الوطن

شمس النهار يقول...

*ذو الوجه المبتسم
هحاول ارد عليك علي قد مااقدر
أ-لاطبعا مافيش انسان رجل او امراه من وجهة نظري يقدر يحب اكتر من حبيب في نفس الوقت
لكن ممكن رجل يكون كان بيحب زوجته المتوفيه ويقابل انسانه تانيه يحبها ويتزوجها ولسه حب زوجته المتوفيه في قلبه
2-طبعا ممكن ان الرجل يحب ست اكبر منه وبكتير كمان
وكمان الست ممكن تحب رجل اصغر منها لكن احساسها بيه يكون انه اكبر منها او مش حاسه بالفرق ده اصلا
والعكس صحيح طبعا
3-من حق الرجل او الست يحب الاخر رغم اختلاف الطباقات او العادات ده وارد طبعا وفي احوال الحب ده بينجح بس احوال كتير بيفشل فشل زريع لأختلاف التربيه والعادات وبالتالي الافكار
4-حب الانترنت يعني ايه زي زمان كانوا يقولوا حب المصايف ليه التصنيف في النهايه هي معرفه بين اتنين مش مهم اتقابلوا فين المهم هنا انهم اتعرفوا وتوافقوا وحبوا بعض
هو بس النت انت بتتعرف علي انسان من خلال افكاره يعني بتتعرف علي عقل وفكر بدون ملامح حقيقيه خيالك هو اللي بيحط الملامح دي وبيدخل فيه الاعتياد علي اللقاء الفكري وبيدمنوا بعض الي ان يتم اللقاء الحقيقي بالملامح الحقيقيه فاياتطابق الخيال مع الواقع فابيستمر هذا الحب اللي اساسه الاتفاق في الفكر والميول
ياخالف الواقع الخيال فبيتم الانفصال وبيكون هنا صدمه كبري لكلا الطرفين
5-(تتحول علاقة الصداقة بين الرجل والمرأة الى علاقة حب)
السؤال ده حيرني فعلا ومش عارفه اجاوب
بس اعتقد ممكن لو همه مهيئين نفسيا لده والحال يسمح يعني هي غير متزوجه وهو كذلك ولو ان الصداقه نفسها نوع من انواع الحب في الله بدون مشاعر الاحساس بنوع الاخر
يعني صداقه بغض النظر ان هو رجل وهي امراه
6-(تعدد الحب يعتبر خيانة لكل من الاحبة الاخرين )
الحقيقه انا مافهمتش النقطه دي بس اعتقد ان لو الانسان خاض اكتر من تجربة حب ورا بعض
عايزه اقول لك ان الانسان لو حب الشخص الصح الحب الصح عمره ماهيحب حد بعده والا هيسيبوه ابدا
7-الحب الفطرى وهو حب الاب للابن او الام او حب الابن لابواه ياترى ممكن ينعكس الى كره فى بعض الاحوال مثل تمييز اخ عن اخ او اخت ..... ؟
وارد طبعا وهنا بيتسبب في مرض نفسي كبير عشان النفس بتخوض مشاعر ضد الفطره
8-علامات الحب الحقيقي
اللهفة - الشوق - الاشتياق - التضحية - الامل - الاحساس بالحبيب صح-العطاء المتبادل-الحريه-التفاهم-الود-الانسجام النفسي-كل منهم يعمل حساب للأخر-الرحمه-الحنان
تقدر تقول كل المشاعر الجميله الحقيقيه
الايجابيه هي دي الحب الحقيقي
9-عمرو بيقول ان دايما الحب الحقيقي بيجي فى غير ميعاده ...
الحقيقه انا مش فاهمه عمرو يقصد ايه بالكلام ده بس اكيد هو هيدخل يرد عليك
انا من وجهة نظري ان الحب الحقيقي بيجي في الوقت اللي مقدر له اذا هو ده الوقت الصح
فيه تعليق بيقول وما الحب الا للحبيب الاولى
انا ضد المقوله دي خالص الحب حب بس يمكن عشان الحب الاول ده بيكون اول الاشياء يعني اول سماع كلمة حب او انه يقولها اول احساس اول اي حاجه تخص الحبيب فاعشان كده كتير بيقولوا كده والله واعلم
شكرا ليك علي المناقشه اللطيفه دي
واتمني ان كمان الباقي يدخلوا ويجوبوك همه كمان عشان نتعرف علي بعض الافكار الاخري

شمس النهار يقول...

*حواء
فعلا الست اواغلب الستات مايقدروش يعيشوا مع رجل لو مافيش حب
بس تقدر تعيش معاه لو في اولاد وخايفه انه يحرمها منهم وفي الحاله دي بتعيش زي المسلوخه روحها جسد بس
وفي اللي بتعيش برضه معاه وتقول له مالكش دعوه بيه
وفي بيوت كتير دلوقتي عايشه بالنظام ده الام في ناحيه والاب في ناحيه واهو البيت مفتوح وخلاص والكلام ده انا عرفته من احدي الداعيات المحترمين

شمس النهار يقول...

*موني الشريف
مين بس اللي علمك ان الحب الاول بينتهي بصدمه
هو كل الحكايه ان الحب الاول ده بيحصل اغلبه في سن صغير جدا بتكون فيه المشاعر صغيره خضراء بكر وغالبا المحب هنا مابيقدرش يحكم صح علي الامر هل هو حب والا اعجاب والا ايه وعشان كلا الطرفين صغير سرعان مابيختلفوا وبيسيبوا بعض
اوغالبا البنت بتنضج قبل الولد وبتحس ان مش ده اللي هي عايزاه
اقري تعليقي علي ذو الوجه المبتسم علي الفقره دي عشان مااكررش الكلام
لكن عايزه اقول لك ان كتير من الحب الاول ده بيستمر الي الابد وبيتزوجوا وبرضه بيفضلوا يحبوا بعض وانا شفت ده كتير في حياتي
ومش معني ان الانسان حب وفشل يبقا كل حب فاشل ويقعد الانسان يعمل مقارنه
انا بقول لك كده عن تجربه مش كل حب فاشل ولو فشل يبقا بعب الفشل جوانا احنا وبندفع اللي قصدنا فواتير غيرنا
قولي ربنا يستر

شمس النهار يقول...

*فوكسلوجيا
الحب بين الجنسين لو مكنش من الأول مبنى على عوامل صح يبقى ملوش لزوم ومفيش امل فيه :
كلامك صح بس كنت عايزه انك تحكي لي عن ازاي الحب يكون كده فعلا وخصوصا من وحي تجربتك الشخصيه
يعني من خلال تجربتك ايه هي العوامل دي
احب توضحها لنا

شمس النهار يقول...

*فشكول
صح عندك حق في كل كلمه

عمرو يقول...

ذو الوجه المبتسم
اٍسمح لى أنى أحاول الاٍجتهاد فى الاٍجابه على أسئلتك اللى بجد بعضها محير جدا .. بس خلينا نحاول ..
1- لا مش ممكن .. الفطره السليمه لصاحب النفس السويه الناضجه ترفض أن ينشغل قلب المحب أو المحبه بشخصين فى وقت واحد .. و حب شخص واحد هو من أهم علائم الحب الحقيقى ..
2- ممكن أيوه طبعا .. ممكن الرجل يحب سيده أكبر منه فى السن أو سيده تحب رجل أصغر منها فى السن لكن بشرط أن يكون فارق السن بينهما معقول يعنى ماتبقاش هى من جيل و هو من جيل تانى أو العكس .. فارق السن لا يقف عقبه فى وجه الحب الحقيقى و لكنه أيضا ممكن يكون حائل لنجاح هذا الحب ..
3- أيوه من حقهم أن يحبوا رغم فارق الطبقات و لو أن ده مش مستحب فى رأيى المتواضع لأن بعد كده حتظهر مشاكل كبيره بين الأتنين بسبب القارق الطبقى و الثقافى ..
4- الأنترنت ما هو اٍلا وسيلة تعارف زيها زى أى وسيله أخرى .. الأنترنت فقط بداية تعارف و بعد كده بيحصل قبول بين الطرفين أو مايحصلش ده بقى على حسب الشخصيات و الظروف ..
5- أصلا على حسب شكل علاقة الصداقه بين الرجل و المرأه .. يعنى لو من الأول فيه قبول و اٍستعداد و ظروف مهيئه ففى الحاله دى ممكن الصداقه تتحول لحب حقيقى و لكن لو أصلا مافيش اٍستعداد و الظروف غير مهيئه يبقى حتفضل صداقه و ممكن تكون متينه و قويه و ربما تكون أفضل من الصداقه بين الرجلين أو الصداقه بين السيدتين .. الصداقه بتنقلب لحب لما بيكتشف الطرفين اٍنهم بجد مايقدروش يستغنوا عن بعض و لو لمدة ساعه ..
6- لأ طبعا ما بيعتبرش خيانه و اٍلا لصار الاٍنسان مقيدا و مسلسلا للماضى بكل ما يحمل .. و الاٍنسان كائن حى و متجدد لا يجوز له التجمد و الاٍنصهار بعد كده فى بوتقة الماضى .. و لكن بغير شك ماينفعش الاٍنسان يبقى عنده اٍسهال عاطفى كل أسبوعين يعيش تجربة حب جديده و يسك على اللى قبلها و اٍلا يبقى غير صادق فى حبه أبدا ..
7- الصح أنه ماينقلبش لكره و لكن ممكن ينقلب لشعور بالاٍضطهاد و غيره من الشخص المفضل لدى الأبوين .. و لكن ما أظنش أنه ممكن يوصل لكره أبدا ..
8- الحب هو كل العلامات و المشاعر دى و ضيف عليها الغيره بس اللى مش بتخنق ( المفروض يعنى ) ..

صبرني يارب يقول...

شمووووووووووسه انا جيت

الاول احب اقولك انا ضد حكاية الشوالي دي خالص

لاني شايفه ان الحب لازم يكون جاي مع سبق الاصرار والترصد
وان ما كناش نفتح له الباب مش هايدخل
ولو دخل من الشباك هايبص براسه بس وهافضل برضه مش كامل



بس نخش على باقي البشر

شمس النهار يقول...

*صبرني يارب
اهلا اهلا
كده تتخلي عني شايفه الدنيا عامله ايه
اخبار الفرح ايه كان حلو الف مبروك
اتفضلي يامودام وريني الهمه :)
واوعي تكلي او تملي

صبرني يارب يقول...

الاول يا شموسه
انا عايزه منك توضيح جلي للجميع

عن نوع الحب محل النقاش

عشان شايفه فيه لبس فى المواضيع من خلال الردود

احنا بنتكلم عن الحب عموماااااا

ولا بنتكلم عن الحب الى هو بين رجل وامرأه الى هو العشق مش اي نوع تاني ؟؟؟

اعتقد الحب محل النقاش هو الحب = العشق

مش اي نوع تاني

نقول بقى من هذا المنطلق للشعب الى رد

اولااااااا

من غير عنوان

استاذنا

اولا اختلف معاك ان الحب مش محتاج مكافأه
لكن تبادل مشاعر الحب مش من ضمن المكفأه

فى رايي ان مافيش حاجه اسمها حب من طرف واحد
الى من طرف واحد ده يظل اعجاب او حب منكوص جدا

لا يرقى لكونه حب فعلا

ثانيا بقى مين صاحب نظرية الحب يختلف فى كونه من رجل او من امرأه

اطلاقا

الحب يفضل هو الحب جايز يختلف فى ترجمته الاشخاص الا انه يفضل حب

الحب حنان وحنيه ومشاعر واحاسيس كله على بعضه

احب انا دايما بقى اعرف الحب تعريف تاني

الحب الى هو محل النقاش

الحب = سكنى وموده ورحمه = الزواج الناجح

طيب فى حب من غير جواز ؟؟

اه في بس مش كامل ومش هايدوم صدقنى
لانه مش هايكبر
والى مش بيكبر مسيره يوم يصغر دوام الحال من المحال

ولو فضل حاجه منه يبقى يادوب ذكرى
يادوب ندامة وحسرة وولع الى حب ولا طالش

سميه اي حاجه تانيه غير انه حب

أما بقى حكاية ان قلب الراجل عربيه اربعه راكب
وقلب الست راكب واحد

احب اقولك ان ده مش حقيقى خالص

كل بنى ادم فى الدنيا دي يقدر يحب اكتر من شخص
لكن الشكل الشرعي والاجتماعي كمان بيجذر الموضوع بالنسبه للمرأه فعلا

لكن اؤكد لك انها ممكن برضه تكون بتحب اكتر من واحد
عادي الدنيا مليانه بلاوي كتير

لكن مالهاش تبريراجتماعي تستند عليه ولا لها شكل شرعي يصحح الوضع

بعكس الرجل الى الشرع مديله المساحه الى يقدر يتحرك فيها لحكمة طبعا يمكن نكون نعرف بعضا منها لكن اعظمها فى علم الله

وكمان المجتمع مديله الف سبب وتبرير لانه يتجوز بالعكس المجتمع بيعزز الوضع بشكل مباشر وغير مباشر

وايه دائم العشق هو من حرم من رؤية من يحب دي ؟؟

افتكر هى دي نظريه ولع الى حب ولا طالش


يعنى كمان الفرق جــــامد بين الحب والحب للجواز ؟؟؟

ازاي يعنى

هو الجواز بيعطل الحب او يتعارض معاه ولا ايه ؟؟؟

بالعكس
انا باقول مافيش حب كامل من غير جواز

الجواز بيحط الحب فى مكانه اعلى مش ممكن يوصلها المحبين من غير الجواز فعلا

ممكن يكون فى جواز من غير حب

لكن مش ممكن يكون فى حب كامل وناجح من غير جواز



طيب الى حضرتك قلته ده ؟؟

ولكن .. إذا كان الله تعالى قد أباح التعدد... فبالتالي يكون قد أبيح لنا أن نجد أكثر من واحده تملأ فراغ القلب طالما في الحلال ..

يعنى حضرتك تقصد ايه

بتتكلم عن ايه
الواحد يحب للحب فقط

وبعدين يبقى يتجوز بقى كام واحده كده ميلى فراغ قلبه ولا ايه المقصود ؟؟؟

اوعوا حد يزعل من ردي
انا والله باتناقش لمجرد المناقشه

وعايزه افهم بجد ايه وجهة نظركم

صبرني يارب يقول...

نورك والله يا شموسه

بصي انا كده قدامي يومين على ما اخلص ردود على الناس عندك

هههههههههههههههههههههه

Anti Hacking يقول...

http://antihack-protect.blogspot.com/

صبرني يارب يقول...

استاذ عمرو

اتفق معاك جدا فى ردك على ذو الوجه المبتسم فى كل النقط

ما عادا وصف الحب

لانى شايفاه بجد ما ينفعش يتوصف فى كلمتين ولا سطر ولا كتاب

اعتقد لازم نعيشه عشان نعرفه

والكلمات الى قالها ذو الوجه المبتسم ومضاف اليهم الغيره المحموده

يادوب مجرد كماليات الحب لازم يكون اكبر منها
او نقول اسمى منها بكتير حرام نقصره على الحاجات دي بس


ثانيا نقطة ان الواحد يحب اكتر من شخص

يا فندم هو ممكن لكن مش ممكن يكونوا زي بعض

يعنى انا دايما باعتبر ان الحب يشبه الصداقه جدااااااااااااا
اكيد اكيد نقدر يكون لنا اكتر من صديق مقرب
واكيد بنحبهم هما الاثنين
وصعب نختار مابينهم

لكن ممكن تلاقي صديق منهم بتحب تفضفض معاه بالى ما تقدرش تقوله لحد

وفى صديق تاني اول واحد تتصل عليه لما تكون محتاج مساعده
مثلااااااااا

نقدر نحب اكتر من شخص
لكن نقدر كمان نغير انواع الحب

صدقنى الموضوع مش اكتر من ظروف فقط

حضرتك لو دلوقتي تصادف تعاملك مع واحده واعجبت بها وحسيت انها قريبه من نفسك فعلا
لكن هى متزوجه مثلا بصرف النظر عن وضعك انت (سواء متزوج اولا . سواء سعيد فى زواجك ولا لا برضه )
طبيعى حضرتك هاتوجه اعجابك ده الى حب اخوي مثلا لو استمرت العلاقه بينكم

طيب لو كانت مش متزوجه ؟؟
فى الحاله دي نرجع بقى لباقي الظروف الى تخصك انت

لو مش متزوج من غير كلام الاعجاب ده هاتحول الى حب من نوع محل الحديث

ولو متزوج ..

حسب بقى ظروفك
لو مش سعيد ومش حابب مراتك او مبدأك زيادة الخير خيرين وليه ما استخدمش رخصتي فى التعدد
يبقى فى الحاله دي ممكن اوي تحبها وتفكر تتجوزها

وهكذا..........

مش عارفه كلامي وصل ولا ايه


طبعا مافيش حد هنا بيرغي اد الرغي بتاعي يا شموسه

لو فى جديد صفريلي يا حجوجتي

شمس النهار يقول...

*صبرني يارب
لا ياباشا كل تمام وفي السليم انا قاعده اهو ومتابعه حضرتك انا والنوم مابنحبش بعض خالص
يعني لو نمت 3 ساعات بعمل فرح
انا سهران معاك ياجميل

د. ياسر عمر عبد الفتاح يقول...

كلام مظبوط
فيه ناس كثير غاوية تخلى الحب .. حب واحد
رغم إنى مقتنع إن حب الأصدقاء وحب الأهل .. يمكن أهم كثير
يمكن .. ويمكن لا؟

شمس النهار يقول...

*دكتور ياسر عمر عبد الفتاح
مين اللي قال ان الحب حب واحد
الحب انواع كتير
بس اللي احنا حاطينه علي التربيزه وبنشرحه النهارده هو الحب بين الرجل والمراه اللي هو اس نصف البلاوي
واللي الناس خلطته مع الاعجاب واشياء اخري ترتكب بأسم الحب
حابين نعرف ايه هو بالتحديد
نعرف احساس الحب الصادق وسماته والغير صادق اللي دايما بيسبب الجروح والعاهات النفسيه
انت ايه رأيك والا ماقريتش التعليقات

عاشقه الرومانسيه يقول...

شموسه ياحبيبتى والله انا لا نسياكى ولا بعيد عن المناقشات الا لظروف غصب عنى
من الليله هاقرا كل التعليقات اللى فاتتنى ياقمر
لو غبت عنك تدوينيا فانا معاكى بقلبى ياروح قلبى

شمس النهار يقول...

*عاشقة الرومانسيه
ايوه كده عايزين مشاركه المناقشات علي اشدها وصبرني يارب ايمه باليله لوحدها بس الشهاده لله ساده تمام
امبارح كان عمرو بدر اللي متدبس معايا ومع من غير عنوان
ينفع كده فين الشباب بقا

صبرني يارب يقول...

شموسه يا حياتي

ليه بس مااااااله النوم

بس انا النهارده جفاني النوم

ده لانى من تعب الايام الى فاتت نمت يجى 12 ساعه كده النهارده
هههههههههههههههههههههه

حلوه حطينه على الترابيزه وبنشرحه دي

حواء يقول...

أنا بقي مستحيل اقدر اعيش مع انسان مبحبوووووووش مستحيل
هتبقي لازم هعمل مصيبه
الزواج بالنسبالي راحه للقلب
وتصدقي احب النظرات كمان وليس الكلام
طيب انتي عارفه انا لو زعلت واضيقت من اختي
مكنتش اقدر اقعد في البيت
اروح عند عمي خالتي
اخرج مع صحابي اليوم كله واجي
المهم اتجنب اول يوم رؤيتها تماما
واذا مرت قدامي اغمض عيني أو ابص في اي ناحيه
ده طبع ربنا خلقني بيه
كنت اسعي للزواج لاضمن حب لا يعاقبني الله عليه
واذا مات الحب في قلبي وحسيت انه انتهي في قلب زوجي طلبت الطلاق
أما موضوع الاولاد لو احنا ناس بتعرف ربنا والواجب اللي علينا هنركت كرمتنا علشان مصلحة ولادنا وعلشان يعيشوا مع اب وام منفصلين بيحترموا بعض
لكن للاسف هذا ليس موجود ايضا في حياتي الشخصيه
بوستك حلو مع ان في سوس هنا عايزين يغيروا مجري القضيه قصدي البوست
هههههههههههههههههههههههه

ذو الوجه المبتسم يقول...

الاخ عمرو
فين ياعم الاسئلة المحيرة دى
انت رديت عليها كلها باسلوب مبسط وجميل وعلى فكرة اسلوبك عاجبنى جدا
علشان كده هاسال كمان سؤال لك ولكل الاصدقاء

- الحب والخيانة
ياترى ممكن لشخص بيحب انه يخون حبيبه ولو للحظات ؟ ايا كانت نوع الخيانة

باشكر اختى شمس النهار على كرم ضيافتها وفتحها باب المدونة مفتوح على مصرعيه
بس عاوزك تتوصي بيا شوية فى الوجبات والمشروبات والحاجات الحلوة هههههههه
تقبلو تحياتى

بنت الغربة يقول...

ازيك ياشموسه يامورة
والله وحشتينى وماكانش مانعنى عنك غير الخنيقين اللى مدوا اقامتهم 10 ايام كمان..
موضوعك جميل قوى ..بس المشكله هى تحديد نوع الحب هنا ..مش كل واحد بيفهم نوع الحب ايه ..يعنى لو معاكى زميل فى شغلك مثلا وجدع وابن حلال ..وشخصيه محترمه ..ممكن تعامليه زى مابتعاملى صاحبتك الانتيم مثلا ...بس هو ممكن يفهم ده بطريقه تانيه خااالص..وبتبقى النتيجه عكسيه تماما ..وممكن يشعر بالحب ناحيتك بطريقه انتى مش عايزاهاه ولا متوقعاها..فانا راى ان البعد احسن ..والمعامله تكون سطحيه للغايه مع الجنس الاخر....
ده راى عن تجربه شخصيه...
تحياتى ياقمر

MǿиY El-Shreef يقول...

مش شرط يا شموسه انه يبقى ف سن صغير

يمكن انا بتكلم ومأثره عليا تجربه عديت بيها

انا قريت كل الردود بس بردوا مش عارفه ليه مش قادره اغير رأيي

يمكن مش قادره او مش عايزه

بس هو زي ذنب كده

هتشيليه ع طول .. :)

حواء يقول...

ذو الوجهه المبتسم
اسمحلي ارد بناء علي حاجات حصلت معايا انا شخصيا
زوجي جه واعترف انه بيحب واحده صحبتي في الاصل هو اللي معرفني عليها
وانا اعتبرت ده خيانه بناء علي انه اكيد كان بيخدعني من الاول
أو بمعني اصح انه خدعني بالفعل وقالي انه مفيش حاجه بينه وبين هذه الفتاه غير الحب في الله زي ماصبرني يارب مقتنعه وقايله في البوست بتاعها
ايه اللي حصلي انا بقي
انا بكره الخيانه والاحساس بيها نهائيا
ولا استطيع خيانه زوجي ولو بالاحساس بالاعجاب تجاه رجل اخر
وبعد محصل الموضوع ده بيني وبين زوجي
ابتديت احلم ( أحـــــــــــلــــم ) اني بالفعل في منزل زوجي وبخرج وبتكلم في التليفونات مع شخص بعينه لا استطيع ذكر اسمه بالطبع
وطبعا كل احلامي لاتتعدي الحب العادي
يعني مقابله ونخرج ونروح ملاهي ونمشي في الشارع مع بعض
يقولي بحبك اقوله بحبك
يعني لا يتعدي هذا
ولك ان تتخيل ضميري في الحلم يؤنبني لماذا تفعلي هذا
تتنتقمي من زوجك
لا انتي تنتقمي من نفسك ياغبيه
واصحي علي بكائي من تأنيب ضميري علي ما أفعله في الحلم وهي خيانة زوجي عقابا له علي خديعته لي لمدة ثلاث سنوات وأكثر
هذه حاله ترفض الخيانه نهائيا حتي في احلامها
هذه انا حواء

الربان يقول...

تحياتي

في رأيي ان الحب الحقيقي يأتي بعد الاعجاب...و الكيمياء... ممكن نعجب بشخص ما...و من هنا يمكن ان نعطيه فرصة او مساحة داخل انفسنا...فنصغي اليه...او نتتبع اخباره...و من هنا تبدأ الكيمياء بين الشخصيتين..

الحب الحقيقي يأتي لاحقا...بعد توطيد العلاقة و يشعر كل منهما من خلال تصرفات الاخر نحوه بالامن و الامان...و هذه البداية مهمة جدا...ثم تتعزز المشاعر بالتصرفات الايجابية من تراحم
و خوف علي الاخر...الخ...


تحياتي و تقديري...

إبن مصر يقول...

السلام عليكم

الحب ؟؟؟
الحب كلمه من حرفين
تتقال ما بين اتنين
مين السبب فيها
فيه ناس تقول القلب
وناس تقول العين
وده هو العيب
العقل راح فين
كرمنا بيه ربنا
من بين المخلوقات
فيه الحكمه تخلى
القلب يختار بدليل

هو ده لو حكمت عقلى فى حب مش ممكن هيفشل
اانما لو قولت قلبى اعرف انه مش لازم يكون هو الدليل على حب صادق يدوم ويعيش الاف السنين

وده رأى المتواضع

كل تقديرى يا شمس يا منوره

كيــــــــــــارا يقول...

انا جه ياولاد
الحب يااااااااه ياشموستي جيتى علي الوتر اللي تاعب الناس عارفة ليه تاعبهم ياشموستى لانهم مش فاهمينه لو كانوا فاهمينه مش كانوا حسو بالم وآه

لو بقي واللو حرف شعلقة في الجو

الحب امــــــــــــــان كلمة امان بتحوي كتير اوي انا بحس بالامان ناحيه شخص ما يبقي الانسان دا محتاويني وحنين معايا وفيه شعور جمميل اوي قلبي حايه يمكن مش في حد ممكن يحس الشعور دا غير المحب فقط

الحب اكتمال حواء وادم في جسد وروح واحده اكتمال ياشموسة مش ان فلان يحس بالنقص وهو مع فلان

يعني اللي يقول بحب واحده بس هي مستواها التعليمي كذا او انا اغني او مش عارف ايه يبقي مش حب اصلا

الحب يعني احب فلان واحسه من اغير مااقول كلمة بس

ادام قلت بس يبقي مش بقي حب بقي اختيار وانبهار لكن مش حب الحب التقاء ارواح قبل التقاء اجساد وعيون ذي مايكون كدا في قلب كل انسان مغناطيس كل اتنين حسوا بعض تلاقي المغناطيس دا جذبهم من غير ماياخدو بالهم اما اللي فاكر ان الحب اختيار وانه بايد الواحد يبقي مش حب ممكن نسميه اي مسمي الا الحب


****************

نيجى بقي لللاعجاب

آآآآآآآآآآآآآه ياشموستى ضغطتي علي الواوا بتاعت الناس
ام كلثوم قالت ياللي ظلمتوا الحب وقلتوا وعيدتوا عليه مش عارف ايه العيب فيكم يافي حبايبكم اما الحب
ياروحي عليه

ياسلام ياثومه عارفه يعني ايه حب ومزاااااااااااج

-------

الليي يحب حد لسبب يبقي مش حب يعني حب واحده لشكلها حصلها تشوه مثلا يبقي الحال ايه ؟؟

حب واحده لجسمها يبقي الحال ايه ؟؟؟

بلاش الجسم والشكل حب واحده لتفكيرها وبعدها اتفاجى انهاكانت متقمصة شخصية تانيه يبقي الحال ايه ؟؟

اللي بيحب وهو عارف هو حب ليه يبقي بقي اعجاب وانبهار لكن مش حب

الحب هو كدا المغناطيس بيشدوهم لبعض وانتهي

الحب يعني اخاف علي الانسان اللي بحه يعني اكون له الراحه والطمأنينه والامان مش مصدر تعب والم وعذاب

ياااااااااااه الكلام مش بينتهي هفصص الكومنتات وهرجع

سلام ياقمريتي

عمرو يقول...

ذو الوجه المبتسم
أنا اللى بأشكرك على مجاملتك بارك الله فيك ..
لأ طبعا ماتنفعش الخيانه و لو لطرفة عين ..
ده حتى كفايه اٍسمها فما بالك بقى بمضمونها ؟؟
الخيانه من أبشع الممارسات اللى ممكن أن يمارسها الشخص تجاه الآخرين لأنها بتنم عن دناءه و وضاعه لا حدود لها ..
و خد بالك أن الخائن أو الخائنه بيبقى عارف أنه بيرتكب جرم و رغم كده بيصر عليه بدليل أنه بيرتكبه فى الخفاء لأنه ما يقدرش يكشفه للطرف التانى يعنى بتبقى جريمه مع سبق الاٍصرار ..

عمرو يقول...

حواء
الأحلام فعلا متنفس لنا عما نلاقيه من ظلم و عنت فى الحياه و لولا الحلم لطق الاٍنسان من جنابه كمدا و قهرا ..
نفسك نفس لوامه يا سيدتى و ما أقساها من نفس على ضمير صاحبها ..

عمرو يقول...

حاسوباتيه
اٍسمحى لى أحيى باباكى على تعريفه البسيط جدا و العميق جدا للحب ..
أوجز و أصاب بغير شك لأن لو فقد شعور الأمان و لو لثانيه بين المحبين لضاع الحب تماما و للأبد رغم كل المحاولات التى ستبذل لاٍيجاده ..

شمس النهار يقول...

*صبرني يارب
النهارده بس جفاكي النوم
ده احنا اعداء مجافيين بعض علي طول عايزين حد يصالحنا علي بعض
نمتي 12 ساعه يامفتريه لوحدك :)
كويس عشان تعرفي تركزي وتردي علي الناس الجميله اللي معانا

الازهرى يقول...

مع ان شاب دى طلعت اوت
لكن ما علينا

المهم ان هارد على السؤال بس بدون قراءة للتعليقات لضيق الوقت

الحب الحقيقى نجد انه يمر بالمراحل الطبيعية لأى علاقة صحيحة ناشئة ولن يرفضه المجتمع لانه يتبع الخطوات الصحيحة
فلا يكون سرا ويعرف به الجميع لانهما لا يخجلان من ذكره مهما كان الظروف
ولا يدخل فى مضمونه كل تلك الافعال المبتذلة من لاءات سخيفة وغير منطقية فى اماكن اكثرها مشبوه دون مراعاة وكما انه يكون دافعا الى المزيد من النجاح لا معطلا للانسان ومضيعا وقته فى اشياء تافهة جانبية لا فئدة منها
فكل منهما يخاف على الاخر ويخشى على مصلحته
ويدفعه الى النجاح لا ان يكون بجواره مطلا اموره
كما نجد فيما بينهما تخطيطا للمستقبل ورؤية لما يريدان ان يكونا عليه وكيف يعملا معا على تتويج حبهما بجانبه الجيل وهو الواج الصحيح امام الله والناس دون مداراة او خجل منه

وهناك قصة عايشتها لاحدى المعارف اصررت على حصول خطيبها اولا على الماجستير قبل الزواج واشهدانى على ذلك وفى حفلة الماجستير نفت كلامها وقالت انها قلت الدكتوراه وعندما اشهدونى شهدت بذلك ولم يدرى ماذا يفعل امام كلامنا
وما كان مننه الا ان اصبح يلقب الان باسرع من حصل على الدكتوراه فى تخصصه واصغررهم على الاطلاق وكانت حفلة زواجهما مليئة بالفرح

كما ان الحب ليس هداما وليس انانيا كما يدعى البعض بل من يحب يحب الكون باسره
فلا نجده يتصرف بسوء تجاء من حوله ولا يخرب ايضا فالنقاء الذى خلق بداخله يدفعه الى التعمير والبناء

لا ادرى ان كان هناك ما نسيته ولكن اعود اخر الاسبوع لأرى

تحياتى دوما

موناليزا يقول...

ماختلفناش حبيبتى فمن لا يستطيع العطاء من وجهة نظرى لايستحق أن يأخذ

شمس النهار يقول...

*حواء
عندك حق لازم الاب والام يكونوا قدوه صالحه لولادهم لو مافيش حب الاولاد بيتأثرواجدا
وده بيغير من نفسيتهم جدا
وبيطلعهم مضطربين والحقائق الاسريه لديهم مشوشه
واشياء اخري

شمس النهار يقول...

*ذو الوجه المبتسم
الحقيقه موضوع الخيانه ده شئ كريه وبغيض جدا
وعلي فكره الخيانه مش بس ان المحب يحب حد تاني علي حبيبه
لأ
الخيانه حاجات كتير جدا
عارف الكدب في حد ذاته علي الحبيب خيانه
حتي لو عشان مايزعلوش او يحتفظ بيه اوخايف عليه
التخبيه حتي لو اتفه الاشياء برضه خيانه ليه الحبيب يعرف حاجه من حد تاني وبطريقه غالبا بتكون غلط ليه
الاهمال خيانه لما الحبيب يهمل حبيبه ويستهتر بيه وبمشاعره دي خيانه للحب نفسه
واكيد اللي بيعمل كده بيكون مابيحبش خالص وعلي الطرف المهمل ان يبعد فورا ويفر بكرامته
اللي انا مش فهماه لحد دلوقتي ازاي الحبيب يقدر يخون حبيبه والحبيب ده هو النفس والروح حد يقدر يكدب علي نفسه وروحه
الخيانه خيانه كبيره صغيره تافهه هي خيانه
ومن وحهة نظري المحب اللي يقدر يخون حبيبه بيكون غالبا مش محب والا حاجه اهو لقا حد يحبه قال وماله لكن لوكان حبه بصحيح عمره ماكان قدر اوحتي فكر مجرد تفكير انه يخونه

شمس النهار يقول...

*بنت الغربه
اهلا بيكي وحشتيني جدا وحمد الله علي السلامه
انا معاكي في كل كلمه قلتيها
فعلا ده اللي بيحصل
بس انا مش معاكي في البعد وعدم التعامل
انا افضل عدم التبسط ووضع حدود للتعامل الجاد ووجود خطوط حمراء يجب عدم تخطيها
ونحن نون النسوه احسن ناس نعرف نحط خطوط حمراء تبع العين الحمراء احيانا
مااشتركتيش ليه واشتبكتي مع الاخوه في النقاش
هي هلومي الي المنتدي

شمس النهار يقول...

*موني الشريف
ليه ذنب ده حتي الذنوب ربنا بيغفرها مهما كانت كبيره مالم يكن منها الشرك بالله
بكره لما يجي الحب الحقيقي هينسيكي الذني ده

شمس النهار يقول...

*حواءتصدقي جوزك ده غريب جدا جدا ايه اللي استفاده من انه عرف صديقته علي مراته
طيب ليه هو لم يتزوجها من الاول
ليه استني لما بقا في طفل والتاني جاي في السكه
في حلقه مفقوده في الموضوع ده
وخصوصا انه هو اللي اعترف مش انت اللي اكتشفتي ده بنفسك
يخرب بيت الخيانه

شمس النهار يقول...

*الربان
انا معك ان الحب الحقيقي واللي بيدوم بيجي نتيجه لكل اللي قلته
لأن لو تم الاعجاب وماكنش في تقارب وتفاهم وتوافق ولو75% بيفشل هذا الاعجاب
لكن لو وجد مع الاحترام والثقه بالنفس والحبيب لوجدنا حب يدوم طول العمر مش كده وبس وعمره ماتهزه صدمات والا ازمات
شكرا علي المشاركه

شمس النهار يقول...

*ابن مصر
المقدمه لطيفه جدا
انا معاك لازم العقل يشترك في موضوع الحب
يعني نحكم عقلنا شويه عشان الموضوع يمشي بمايرضي القلب العمر كله

شمس النهار يقول...

*كيارا
ايه يابنت ده ايه ده كله
قولي قولي ياشهرذاد
انت رايحه فين اكملي ايها الفتاة
كلامك كله صح وفي الجون كمان
عايزين حته كده عن الخيانه والكدب وانا عارفه انك هتكتبي كويس جدا فيهم
عودي فورا

شمس النهار يقول...

*الازهري
كلامك صح الحب يدفع للخير والمحب يحب ان يري حبيبه احسن البشر يفرح لفرحه يالم لألمه يساعده يخاف عليه
ورضاه من رضاه
وسعادته من سعادته

شمس النهار يقول...

*موناليزا
صح آفة الحب هي الانانيه
وعدم العطاء
الانسان اللي مابيعرفش غير انه ياخد عمره مابيعرف يدي خالص
والحبيب اللي بيفضل يدي يدي ومره واحده يقف ويحاسب نفسه ليه هو نفس الحبيب اللي بتصعب عليه نفسه واللحظه دي بتكون هي لحظة ماقبل الفراق

Tamer Alhosiny يقول...

عزيزتي شمس النهار
اولا احييكي علي الموضوع الجميل
موضوع مهم قوي وحاسس قد ايه ان انتي بصيتي في البوست علي الحب واحساسه بشكل عام
وجميل قوي
صحيح الحب قوة ملهش حدود قوة
قادرة علي صنع الكثير
اسمحي لي اني اضيف رايي في الحب
في تعليق مستقل

تحياتي
تامر الحسيني
انسان عاشق حر

Tamer Alhosiny يقول...

انه الحب
الحب الذي يعيش قبله الانسان بلا حياه
ويعيش بعده الانسان بلا حياه لانه كل الحياه
لا يشعر باهمية الحب الا من شعر به فهو امتلاك للروح
ولهفه دائمه وشوق وحيره رعشه في اليد وبحه في الصوت
وعيون تدمع وقلب يرفرف كالطيور
الحب نور يخرجك من الظلمه وينير قلبك
ولانه كل ذلك نتحدث عنه
تحدثنا في موضوع سابق عن كيف تكتشف الحب في عيون من حولك
وساكمل حديثي بكيف تكتشف الحب بداخلك انت

ان اكتشاف الحب بداخلك شيء يعتمد بالاساس عليك
وعلي طبيعتك ولهاذا نجد تباين واضح بين المحبين
فهناك من يحب من النظره الاولي ويشعر من اول نظره انه غارق في عالم اخر
لم يكن يتوقعه
وهناك من يفضل ان يصعد درجات السلم الاعجاب والصداقه والاخوه والحب
وهناك من يكتشف انه يحب شخص ما عندما يفقده
لكن اكتشاف الحب رغم كل ذللك امر ليس بالسهل

Tamer Alhosiny يقول...

اسف للاطاله اتمني ان رايي يشكل اضافة للحوار الممتع ده

انا متابعه من الموبايل طوال الوقت


تحياتي
تامر الحسيني
انسان عاشق حر

ذو الوجه المبتسم يقول...

السلام عليكم
رجعت لكم تانى علشان نكمل المسيرة فى طريق الحب الحقيقي
اولا اقولا ل اختى حواء
الحب تسامح وغفران وجميل جدا ما فعلتيه مع زوجك
دائما تسامحى
دائما اغفرى
فهو من احبه قلبك
اتمنى لك كل التوفيق والسعادة
-------
اخى الاكبر استاذ عمرو
بجد مش مجاملة ولا حتى بكش
انا فعلا باكون معجب بردودك لانها منطقية جدا وواقعية جدا
وكمان اسلوبك فيه نوعيه خاصة من الثقافة الواقعية والارتجالية اللى انا باحبها

علشان كده ناوى اسل كمان سؤال
طبعا كل الاسئلة دى فى النهاية حول نفس الموضوع
الحب الحقيقي
والهدف من كل تعليقتنا كاصدقاء واخوان
هو التعرف على معنى الحب الحقيقي

** الحب والغيرة
ياترى ممكن الغيرة تقتل الحب
او تقلل منه شوية
وياترى غيرة الحب الى اى مدى ممكن توصل

معلش بقي يا ست شمس النهار
اوعى تنزلى بوست جديد الا لما الناس دى كلها تخلص على الحب
واعتقد انه مش هيخلص ابدا هههههههه

كيــــــــــــارا يقول...

ياكزوووووووووووووووفى ياني اتكزفت خالث ووشي جاب كل الالوانات اللي في الكون

ماشي ياشموستي نتكلم علي الخيانه والكدب

الخيانه والكدب اساليني انا عليهم

***********


مش عايزه غيرك انت


والله بحبك انت


والحب كله انت


وانت الناس كلها



دي سنين عمري اللي راحو


قلبي عاشها في جراحه


كانت نقصاني حاجه


ومعاك كملتها


مش عايزه غيرك انت


والله بحبك انت


والحب كله انت


وانت الناس كلها



دي سنين عمري اللي راحو



قلبي عاشها في جراحه



كانت نقصاني حاجه



ومعاك كملتها


معااااااااااااك كملتها



من كتر هواك طول منا وياك


مش عايزه اغمض عيني


عاوزه ابقي معاك



افضل شيفاك





واعشلك كل سننيني





لو ثانيه تفوت من غيرك اموت وهواك بس بيحييني





ياحبيبي معاك بملك بهواك



الدنيا وكل زماني تلمسني اديك



تحضني عنيك



تلاقيني في عالم تاني





مش عاوزه خلاص غيرك من الناس وكفايه تكون علشاني


**********

لما تكوني يقي بتحبي حد كدا بتحسي بيه وهو بعيد عنك مكانا فقط

وتفاجئ في يوم وماشية مع صاحبتك ومش محضره نفسك للصدمه ان حب العمر مع واحده تانيه ومقضيها شغل امريكاااااني معها

الاحساس هيكون ايه احساس بشع واكن الارض اتزلزت من تحت رجيليكي

وبتتمني انها تنشق وتقعي فيها من هول موقف زي دا

لما مثلا زوجه عايشه في حلم جميل وفي مره ترجع تلاقي جوزها عامل علاقة حميمه مع واحده

يالله احساس بشع مهما وصفته مش هقول هو اد ايه بيحمل مراره ومش هيحس بيه الا اللي شافه وحاسه

بتحس الست ساعتها انها انتهت لكن مثلا لو نقلب الاية هتلاقي رد الفعل مختلف

مع ان الخيانه واحده بدعي بجد ان ماحدش يشوف ابدا الموقف دا لانه بجد لايمكن حد يتخيله لحظه قاسية اوي

بتهد امتن بيت في الكون

بس ساعتها بتتاكدي انك كنتي بتزرعي وتروي ارض مش ارضك ارض مش تستاهل قلبك ولا حبك ارض انتي غاليه عليها اوي وهي دنيئة اوي

الخيانه مش لازم تكون معاشرة

مجرد التفكير فقط يبقي خيانه

ومعتقدش ان في حد فكر في حد تاني غير اللي مالك قلبه انه بيحب

اصل بحب يبقي الموضوع منتهي دا قانون وعهد العمر

~~~~~~~~~~~~~~

نيجى للكدب

في مثل بيقول الكدب ملوش رجلين

خاصة مع كرومبوووووو هههههههه واخده بالك طبعا

بصراحه كنت حابه ارد وابعد التجربة الشخصية عن لكن مش عارفه هذكرها ولا لا هتكلم وانا وحظى بقي

اولا في ناس بتكدب ولو مش كدبت تحس ان ناقصها حاجه وكانه اكل وشرب ومش ينفع نستغني عنه

لما تلاقي اللي قدامك عمال بيكدبو انتي عارفه الحقيقه وعاوزه تفهميه انك فاهمه عشان مش يكدب قدامك ووبالفعل وصلتيله دا بس اللي في داء بقي

مهما تعملي وتفهمي مصر يكدب برده ياابن الحلال انا عارفه الحقيقه

وهو ايه وصلة كدب متحركة ههههه مش بيفصل نوهائي

اي شئ اساسه الكدب يبقي منتهي اي شي من غير اساس يبقي ينداس وهكذا الحب اللي فيه كدب هينداس وهيقع

طيب ليه نكدب مع ان الحقيقه مش هتغير شي لانه حب بس مش ممكن اللسان بقي حسب ماتعوديه

نفرض ان فلان كدب عليا مره وانا عدتها ومره كمان طيب بعد كدا لما يقولي حاجه تفتكري هصدقة ؟؟؟

يبقي الموضوع انتهي من قبل اما يبدا

يبقي الكدب والخيانه من الحاجات اللي بتدمر اي حاجه بتردم اي حاجه حلوه

يبقي مهما تنضفي فيها هيفضل الاثر فيها اللي عمر الزمن ماهيمحيه وعلاقات كييييييييير فشلت بسبب كدا

ياربي انا رغايه اوي

ليا عوده تانيه اكيد

هنروح فين :)

شمس النهار يقول...

*تامر الحسيني
اهلا بيك الحقيقه انا كنت مستغربه عدم اشتراكك معنا وكان في نيتي اترك لك تعليق عندك في المدونه استدعيك تحت تهديد الحب والصداقه:)
لأن رأيك مهم فأنت الشاعر الجميل
وتمثل جيل الشباب من الشعراء اللي ليهم رؤيا في الحب واضحه من كتاباتك واشعارك
طبعا كل كلمه قلتها صادقه وفي محلها وعكس ماقلت انت انت اختصرت ليه ما تطول ياسيدي زي ماانت عايز المدونه مفتوحه لكم جميعا للتعبير والمناقشه معي او مع بعض واعتقد ان لك عوده للرد علي بعض الافكار المطروحه هنا

شمس النهار يقول...

*ذو الوجه المبتسم
اهلا بيك اتفضل وقت ماتحب وزي ماتحب
وماتخفش مافيش بوست جديد الا بعد مانقتل الموضوع بحثا
الغيره
*****
من الد اعداء الحب هي الغيره
والغيره في الحب زي الملح في الاكل لازم تكون وسط لازياده تخرب الدنيا
والا ناقصه يبقا الدنيا مالهاش طعم
ولوكل واحد من الطرفين واثق من نفسه ومن الطرف الاخر عمر ماهيكون في غيره خالص
بس بشرط لايضع احد الطرفين الطرف الاخر في موضع غيره ويقول له ماتغرش
يجب ان يقدر كل منهما وجود وغيبت الاخر

شمس النهار يقول...

*كيارا
انت يابنت انت بتجيبي الكلام ده منين
كل ده جواكي
بقول لك ايه ماتمشيش
ادخلي جري علي الغيره لحس ذو الوجه المبتسم مشغل عداد الاسأله
عايزه نغني جرب نار الغيره وقول لي وفولي

mostafa rayan يقول...

بالنسبة ليا متفق تماما معاكي في تعريفك للحب
بس السؤال بقي هو انا اقدر ألاقي نصي التاني دة فين وامتى يحسن طول قوي عليا
-تحياتي وخالص مودتي ليكي

شمس النهار يقول...

*مصطفي ريان
شوف يادرش انت في مره كده هتكون خارج من البيت متشيك كده ولابس اللي علي الحبل بتاعكم واللي علي حبل الجيران كمان
وحاطت برفان حلوكده بس من عندك مش من عند والدك من وراه اه عشان ربنا يبارك
وانت ماشي كده والا علي بالك اللي هيجري لك هتلاقي نصك التاني
اعمل كل الحاجات الحلوه اللي قريتها هنا في البوست والتعليقات
وحب صح وحافظ علي النص ده
وربنا كده هيكرمك وهتلاقي الدنيا حلو
ماشي ياريس وابقا ادعي لي

سمكه واحده يقول...

اممممممممممم
هيييييييه
والله دول 138 تعليق ماشاء الله لو الواحد قراهم هينام انا اللي جيت متأخره
والله انا معرفش اضيف كلام علي كلامك الجميل ده اصلا
بس انا عن نفسي يعني مش مقتنعه بحاجه اسمها حب او مفيش حاجه اصلا اسمها حب دي حاجه او حاله احنا اللي بنرسمها لنفنسنا
انا معاكي ومقتنعه ان دي حاجه بتبقي غصب الانسان ولا يمكن السيطره عليها بس مش اسمها حب
بالنسبه للحب ده بيبقي بعد الجواز لان زي منتي قلتلي ان بيبقي اعجاب مثلا انه فتي احلامي ولما نقرب من بعض بيبقي كابوس وفعلا يبقي مكنش حب مجرد عجاب انبهار
امتي يبقي حب؟
لما اعيش معاه واستحمله واحب منه اي حاجه واتقبل من كل حاجه لما يتعب استحمله لما يغضب امتص غضبه استناه لما يرجع بلهفه ابقي مستمتع وانا بسمع كلامه ومتحنه ومش عايزاه يحلص كلام عشان ميقولش هاتي اما اكل(وش بيضحك) وبقول الله عليك مقتنعه بكل كلمه بيقولها واي حاجه بيقولها وهو بطلي مهما حصل وهو كل حياتي حاسه معاه بالامان
يعني هي حياه متاكمله بيعيش معاه يوم بيوم بنقرب من بعض اكتر والرحمه والموده اعمق بكتير من كلمه حب لان دي شامله
يعني مدي استحماله ليا واني استحمله في السراء والضراء وهو عيان وفي اوحش حلاته وانا كمان بس بالنسبالي قمر ده يبقي الحب متقرفش منه, وزهقش, مملش

لكن مش الحب اني اشوفه من بعيد في افضل حالاته وكلامه المعسول وهو كمان يشوفني وانا لابسه الحته اللي علي الحبل ومبقلش غير احلي كلام وابان اني رقيقه وكده وسعتين نشوف بعض فيهم ولا حتي احبه من بعيد من غير اني اعيش معاه الحياه اليوميه لا طبعا لان كمل واحد فينا بيرسم في خياله افضل الحالات للطرف اللي قدامه يقي حب! لا الحب معامله وافعال ومعايشه ومواقف

ممكن نسمي اي حاجه تانيه اعجاب انبهار
الحب مش بيان غير بالوقف والقرب والافعال وحجات كتير اوي اولها بيبدأ ان الاتين دول دمغهم واحده ونفس التفكير والطومح والحب بيكبر معاهم بعد كده اللي هو مبي علي الوده والرحمه والعيشه المتكلمله
وبس كده
بطلي يا موكوسه يا سمكمك ولا انتي عارفه حاجه خالص وبتهبلي
اصلي عايزه احب (وش بيغمز)
تحياتي

mostafa rayan يقول...

والله يا شمس يا اختشي بعمل كل دة بس لسة النصيب ماجاش
ادعيلي بقى
***************
انا قرأت بوست التاج
انا مختلف معاكي في نقطةالنت بياخد مننا وقتنا وصحتنا وعنينا واطرفنا اللي بتتيبس في الجلوس امامه والكتابة على الكي بورد
( مافيش شئ من دون مقابل يا شمس )
وبعدين49 سنة لسة بردو صغيرة مش كبيرة
ربنا يديلك الصحةوطول العمر

كيــــــــــــارا يقول...

ههههههههههههههههه ماشي ياشموستي هجهز رد عن الغيره وهقولهوووولك

وهنولعوها نيهاهاهاهاهاها

Eno يقول...

الحب هو ان تعيش حياة الحبيب بفكرك وقلبك وشعورك :)

بوست جميل اوي ياشموسه :)
تسلم ايدك بجد:)

كيــــــــــــارا يقول...

تنبيه لكل البنات

ايه اللي هتبصله هعرفها

اللي هتلكمه هعرفها

واللي هشوفها ماشيه معاه

همشي وراها وهخطفها

اللي هتلاغبه هعرفها

اللي تبصلي فيه هعرفها

اي واحده هتعدي حدودها هعرفها وهوقفها

**************

دي نموذج من الغيره

انها مش بتطيق حد يبص لحبيبها ولو فكرت واحده بس تبص ليه هتفترسها

ودا غلط لانه هيحس انه في طوق حتي لو من الماس بس في النهايه اسمه طوق

طيب هو فين شخصيته مهو لو مش حافظ عليها يبقي اختارها هيا ليه

لازم البنت تكون واثقه في نفسها وتحكم عقلها وقلبها عشان مش تخسره

ولو راح لحد غيرها يبقي تحمد ربنا لانه مش كان ليها من الاول

دا اول نوع من الغيره وهي الغيره العميا


~~~~~~~~~~~~

نيجي للنوع المتوسط

الغيره المتوسطة

ودي بتبقي واثقه في حبيبها بس مش بتقدر تحكم عواطفها لان الغيره نار ياشموستي

ودي بقي ممكن اقول اني كنت زيها لو اتكلمت وكان الموبايل مشغول تجيلي الهواجس ياتري مشغول في ايه ودماغي تفضل شغاله مش بتفصل بتاتا

والنوع دا بيفضل عايش في نار ودا غلط لانه بيكتم جواه وطبيعي الطرف الاخر هيحس ان لكن عشان مش في كلام عن الموضوع دا فبيفضل حاجز موجود


~~~~~~~~~~

نيجي للنوع العادى

اللي هو محبب جدا

اغير بس بشكل يزود الحب مش يقلله

مهو مش هشوفه شغال ضحك مع بنت ومش هعمل اي تعليق

لانه اصلا ممكن يكون عامل دا قصد عشان يعرف انا بحبه ولا لا

فاهماني ياشموستي

بس في النهايه اي غيره انثويه نادر لما بتصول لشك لانها غيره قلب بس

اما لو عكسنها ممكن تيجي لنقطه الشك

البنت تحب تحس ان حبيبها فعلا بيصون غيبتها زي ماهي صاينها

حبيبي علي نياتو

كل البنات اخواته

دا مكنش كدا بس انا غيرت كل حياته

دلوقتي عايشها جد وعيونه مش شايفه حد

لو واحده بتساله بيسبني انا اللي ارد

حبيبي تاب علي ايدي وتاه


خلي قلبه قفل الباب

ياخواتي عليه ياخواتي دي برائته ماليه حياتي

اللي بنظره كان يتشد وجرائته كانت ملهاش حد

بيسلم وعنيه في الارض


تفتكري ياشموستي لو الحبيب كدا هيكون فيه غيره وشعلله :)



**************************

نيجي بقي لاحساس الرجل

بالاضافة للنخوه اللي لو مش موجوده يبقي اصلا الموضوع منتهي

نضيف ليها غيره الحب

في فرق الاول بين الغيره - الامتلاك - الشك

وممكن تختلط علي الكل

مش معني اني بغير اني امتلكتك بس الغيره اللي هي خوف علي الحبيبه وحنيه وحاجات تحت المسمى دا

مش اني بشك فيها او كدا

طب اقولكم في رجاله بتبص لاي حد بيبص علي حبيبته ودا انا شيفاه طبيعي اصل اخويا كدا

لكن انه وهو ماشي بيبص علي عنيها وبيشوفها رايحه فين وبتبص فين تفتكروا دا بقي حب ولا شك ؟؟؟

بس احساس ان الحبيب بيغير علي حبيبته وهي بتغير عليه في المعقول احساس لا يضاهي بجد


بغير عليكي ...

من كلمة تسمعيها من نظره بتشوفيها

... من آه هتحسي بيها

أصل انتي حلم العاشقين الولهانين ...

حلمي أنا انتي (انتي) طول السنين

بغير عليكي ...

من كلمة تسمعيها من نظره بتشوفيها .

.. من آه هتحسي بيها غيرتي عليكي الحب هو اصلها

... غيرت حنان

... غيرة دلال دا فصلها

بغير عليكي ...

من كلمة تسمعيها من نظره بتشوفيها

... من آه هتحسي بيها

اه ياني دوبتييييييييييييييييييييني من البوست دا


في الاخر الغيره هي لذه الحب بس لما تكون بالمعقول ومش فيها لا امتلاك ولا شك ولا طوق في الرقبة

Foxology يقول...

بعد اجتماع مغلق مع اينو قررنا نقول الآتى :))

فى موضوع الحب بين الجنسين .. الحب الصح اللى مبنى على عوامل صح .. احب اقول انا واينو ان فى عوامل كتيرة اوى هى اساس ان الحب ده يعيش ويبقى اكيد نهايته او على الأصح بدايته الأرتباط الرسمى والزواج ..

اولا : انى اختار شريك حياتى صح .. افكر كويس اوى اوى واسيب مرحلة الأعجاب والأنطباع الأول دى تعدى بهدوء وتاخد وقتها وبعدين افكر واقارن واقرر هل الأنسان أو الأنسانة دى ينفع يبقى شريك حياتى ؟؟ هل هينفع نبقى سوى متحملين مسؤلية بيت وأسرة ؟

ثانيا : لما اقرر انى ارتبط بالأنسان ده لازم طبعا اكلمه هو شخصيا واشوف رأيه ايه ؟ مينفعش الف وادور واسوق عليه امة لا اله الا الله علشان اعرف رأيه فيا ايه :)) لأن اقصر طريق بين نقطتين خط مستقيم واحد بس :)

ثالثا : لو ربنا أراد واخترت صح وشريك حياتى قبل الأرتباط بيا وبرضه بعد ما يفكر ويقرر هل انا انفع اكون برضه شريك حياته ولا لأ ؟ بعد الكلام ده لازم دائرة الناس اللى محيطين بينا احنا الأتنين تكون عارفة اننا عاوزين نرتبط وبالأخص اهلنا لازم يعرفو لأن الحاجة اللى بتتولد فى النور بتعيش لآخر العمر

رابعا : بعد معرفة الأهل والأصدقاء اكيد هيبقى فى خطوات للأرتباط الرسمى ودى حاجة معروفة بأة من اتفاق مع الأهل على تفاصيل الخطوبة والفرح الخ الخ

خامسا : شريك حياتى هو مرايتى هو الحاجة الوحيدة اللى ف الدنيا اقرب لى من اقرب حاجة ليا يعنى لازم نكون مع بعض كتاب مفتوح على اخره يعنى الصدق والصراحة التامتين هما اساس التعامل بينا وبين بعض ده غير الأحترام المتبادل وحاجات تانية اساسها خلق جو طبيعى لعلاقة طبيعية :)

بس :)

تحياتى :)

arsenalwy يقول...

حلو اوى تحليلك النفسى لكلمة حب

عجبتنى الفكرة وعجبتنى المدونة وسعدت باول زيارة ليا

دمتى مبدعة

ذو الوجه المبتسم يقول...

كيارا
ايه كل ده
كل دى غيرة وانواعها
مبسوط جدا بكلامك ده

- بس في النهايه اي غيره انثويه نادر لما بتصول لشك لانها غيره قلب بس
بذمتك كلامك ده صح ههههههههههه

-نيجي بقي لاحساس الرجل
بالاضافة للنخوه اللي لو مش موجوده يبقي اصلا الموضوع منتهي

-البنت تحب تحس ان حبيبها فعلا بيصون غيبتها زي ماهي صاينها

عاوزك انتى اللى تردى على الكلام ده
تقبلى تحياتى

كيــــــــــــارا يقول...

مش فاهمه قصدك ممكن توضح ؟؟؟؟؟

معتز شاهين - باحث تربوي يقول...

والله دي مشكلة عايشها الأنسان منذ بد الخليقة وهو تعريف الحب
وتلاقي أراء ومذاهب وتنوع وتشابك
المهم أنه حاجة جميلة

ويبقى التواصل

من غير عنـــوان يقول...

مبسوطه يا شمس النهار

أهو الناس بيرموا قنابل

حبيت أعدي وأقول
الله ينور

بوست قوي

شمس النهار يقول...

*سمكه واحده
يانهارك ابيض بقا انا عامله البوست والناس عماله واكله نفسها وانت بتقولي مافيش حب
نداء الي صبرني يارب تعاااااااالي بسرعه :)
شوفي ياستي الحب موجود وكل حاجه طالما في كره يبقا في حب صح
بس المهم نحب صح الحب بيقوي بعد الزواج بالكلام الجميل اللي انتي ذكرتيه ده
بس منين هتعرفي انك ينفع انك هتتجوزي الرجل ده وهتحبيه وهتنحي من حبه كمان
لازم يكون في اعجاب شعور خفي كده لطيف وتقربوا من بعض وده طبعا في فترة الخطوبه عشان يكون الموضوع كله في اطار شرعي وعائلي
ولما يبقا كله تمام يبقا علي خيرت الله نكمل المشوار ونتجوز بقا
ده ما يمنعش ان لازمن ولابد ان اختي في البوست صبرني يارب ترد عليكي
انا بصراحه مش عارفه هي راحة فين النهارده

شمس النهار يقول...

*مصطفي الريان
مدام بتعمل ده كله ومافيش فايده يبقا اكيد البرفان مغشوش :)
ان شاء الله ربنا هيبعت لك نصك التاني وهيكون احسن نص في الدنيا
بالنسبه للنت الكلام ده بيحصل للي بيفرط في القاعده علي الكمبيوتر والنت لكن الاعتدال والوسطيه حلوين
وشكرا علي المجامله اللطيفه وكلها شهرين ويبقوا 50 ربيعا

شمس النهار يقول...

*كيارا
وماله ياحبيبتي ولعيها زي مايعجبك مدونتك وبيتك ومطرحك
هي اختنا صبرني راحت فين ؟

شمس النهار يقول...

*اينو
جميله جدا كلماتك حستها طالعه من قلبك
ربنا يكرمكم

شمس النهار يقول...

*كيارا
ايتها الفيلسوفه الصغيره
تسلم دماغك

شمس النهار يقول...

*فوكس لوجيا
اولا شكرا ليك جدا انت واينو انكم لم تبخلوا علي الاخرين بسرد تجربتكم الحيه عن الاختيار الصح والحب الصح اللي بيبني مش بيهد
ثانيا كن واثقه انك هتكتب كلام جميل وتجربه قيمه يستفيد منها الجميع وخصوصا المتشككين في الحب والزواج عن حب ودوام الحب ونجاحه
شكرا لكم وربنا يحميكم ويحرسكم من العين
ويتم لكم علي خير
آمين

شمس النهار يقول...

*ارسيلاناوي
اهلا بيك في اول زياره للمدونه
وشكرا علي الكلام الجميل اللي كتبته
بس فين المشاركه ليه ماكتبتش رأيك او رديت علي حد من الاخوه
ارجوا انك تشارك

شمس النهار يقول...

*ذو الوجه المبتسم
علي فكره غيرة الست كتير بتقلب يااما الرجل بيقول كده كده انا مشكوك فيه اعمل اللي انا عايزه
يااما مظلوم فعلا وطبعا بيتخنق ويفضلوا يتخنقوا لحد الدنيا ماتولع وساعات بتوصل للأنفصال
ياما فعلا بيكون هو بيحطها في موضع الغيره عليه قاصد عشان دايما يحسسها انه في ستات تانيه هتموت عليه
ياهو فعلا بيبص بره وهي بتنكد عليه علشان يبطل
هسيبك بقا لكيار ترد عليك بس حبيت اقول لك رأي

شمس النهار يقول...

*معتزشاهين..باحث تربوي
اهلا بيك في اول زياره
طيب حضرتك باحث تربوي يعني مطلع اكتر مننا في موضوع تناول الشباب لموضوع الحب واثر التربيه في البيت علي الشباب
والانهيار العاطفي في الاسره اللي بيخللي احيانا البنت او الولد يدور علي الحب والعطف والحنان في سن صغيره بره البيت مما يجعلهم يتخذوا القرارات الغلط
وفي نفس الوقت تشوه هذه المشاعر الجميله في نظرهم مما يجعل بعضهم يكفر بوجودها اصلا
ارجوا ان تكتب لنا تفسير لهذه الظاهره من خلال الابحاث التربويه اللي اكيد هتثري البوست جدا
وشكرا للمشاركه

شمس النهار يقول...

*من غير عنوان
اهلا بحضرتك انت هربت من ارض المعركه بدري ليه ده في ناس كتير عملوا تعليقات علي كلام حضرتك ماردتش عليهم ليه
وبعدين ماتخفش من القنابل حطين خبير مفرقعات علي باب المدونه
وماينفعش تعدي كده
لازم ترد علي الناس
البوست ده كل اللي يزوره لازم يدفع جمرك اقصد تعليق قبل المغادر لأرض المدونه

صبرني يارب يقول...

انا جيت اهو

والله النهارده ما فتحت يا شموسه الا دلوقتي

كن هاخلص عندي واجي
بس مدام دعيت اجي دوغري

هاروح اشوف الردود عندك

من غير عنـــوان يقول...

**صبرني يـــــارب

المشكله إن شمس الشموس فرقعت قنبله

يتحاور فيها .. من مر بتجربه أو تجارب.. مع من تزوج في هدوء
.. شباب وبنات.. رجال وسيدات

من سن 7 ل 77

طيب

إذا بنتكام عن الحب
يبقى لازم نجرد الكلمه

وعشان ما نخلطش

ركزنا على الحب الدنيوي
وعشان نبقى محددين قولنا بين راجل وست

*الموضوع بعيد عن فكره التعدد خالص
*بعيد عن فكره الزواج
* بعيد عن نتيجه الحب
* بعيد عن إذا خلص ولا عايش
كبر ولا صغر

ببساطه شديده
عايزين تعريف للحب

هو حاله من حرمان المحب من المحبوب ( بغض النظر عن كونه راجل أو ست)
تنتهي هذا الحالهبحصول هذا المحب على المحبوب
أي تتحول حالة الحب إلى حالة الموده .. السكن..... إلخ

صبرني

لو هو حب ووله وغرام وعشق... ممكن أتكلم للصبح...

ولو هو زواج وعائله وأولاد... برضه وبفضل ربنا أتكلم لبعد بكره الصبح

إنما

حب

يبقى زي ما قلت... وده مالوش علاقه بالإجتماعيات والغيره... وخلافه...

الموضوع ده ممكن نكتب كلنا فيه مجلدات... ومش حيخلص
ولا غيرنا ممكن يخلصه...

ولو رجعنا للتاريخ... حنلاقي كل اللي نفسنا فيه

بس خلاص

أدام الله عليك كل الحب

أمنياتي

صبرني يارب يقول...

يا لهوي يا شموسه

اقول ايه ولا ايه ولا ايه

عايزالي يومين كده

بصي يا ستى

بالنسبه للكذب والخيانه

انا عن نفسي ما اقدرش اعيش ابدا بتيتا البته مع حد كذاب وخاين باي صوره من صور الخيانه
يبقى قلته احسن
على فكره مش زوج بس
اي حد اخت اخ صديق اي حاجه
هانكدب ونحور ونخون على ايه
ما بلاش منه

لكن لو كان حد غالي عليا ممكن اغفرله اول مره بببببببببس

لكن لا اعتقد اني بعدها كمان هافضل من جوايا زي ما انا من ناحيته


وبالنسبه للغيره

طبعا الغيره تختلف عن الشك تماما

واي حد عبيط يخلط ما بينهم يبقى يستاهل الى يجراله بقى

الست الى تشك فى جوزها او الراجل الى يشك فى مراته

فى رايي لها سببين

الاول ان يكون الطرف الى بيشك ده مش واثق فى نفسه وعنده مشاكل نفسيه

الثاني ان يكون الطرف المشكوك فيه اساسا محل شك او عمل حاجه تخلي الطرف التاني يشك فيه زي انه بيكذب او اساسا له سوابق


اما الغيره

المفروض انها تكون غيره مش حب تملك
مش خانقه
مش تحكم فى الفاضيه والمليانه بدعوى الغيره

يعنى لما واحد يقول لمراته ما تخرجيش خالص من البيت اصل باغير عليكى

اظن ده فيه ظلم لها وتعنت فعلا

ولما واحده تقوله مرات ا خوك دي ما تكلمهاش انا باغير منها

كده تبقى مجنونه رسمي وبتخنق فيه من غير داعي


وهكذا

صبرني يارب يقول...

من غير عنوان

ابدا مش هاتفق معاك ان الحب هو مجرد حاله من الحرمان من الحبيب

مش فاهمها دي ولا عارفه استوعبها

يعنى بمجرد ما يتحول الوضع الى موده وسكنى ورحمه

يبقى لا يندرج تحت بند الحب
وانما يندرج تحت بند الزواج ؟؟

طب ازاي ؟؟؟

ولا انا الى ما فهمتش ولا ايه ؟؟

dina يقول...

بردو بحب جو المشاركة اللى عندك دايما يا شموسة و انا معاكى اوى فى تقسيمتك لانواع الحب و تعريفك للحب اللى بين الرجل و المرأة .... الحب احلى حاجة فى الدنيا بأنواعه و اكبر طاقة ممكن تتولد جوانا و تطلع مننا حاجات كتير اوى حلوة ممكن نكون احنا نفسنا مكناش نعرف انها موجودة فينا اصلا
تحياتى

كيــــــــــــارا يقول...

ذو الوجه المبتسم

***************

- بس في النهايه اي غيره انثويه نادر لما بتوصل لشك لانها غيره قلب بس
بذمتك كلامك ده صح ههههههههههه

~~~~~~~~~~~

هههههههههههههههههههههه هي انواع زي ماقلتلك ولو وصلت لشك تعرف ان في حاجه غلط في الطرفين يااما هيا مش عندها ثقه بنفسها اوي ثقه فيه نفسه او هو بتصرفاته خلاها توصل الغيره بتاعتها لكدا

****************

-نيجي بقي لاحساس الرجل
بالاضافة للنخوه اللي لو مش موجوده يبقي اصلا الموضوع منتهي

~~~~~~~~~~~~

قصدت هنا بكلمة ان لو النخوه مش موجوده عند الراجل يبقي الموضوع منتهي بانه مش هيكون فيه راجل اصلا يخاف ويغير وعنده رجوله كدا من الاخر في نظري هيكون ديوس ودي مصيبة

~~~~~~~~~~~~~

-البنت تحب تحس ان حبيبها فعلا بيصون غيبتها زي ماهي صاينها

~~~~~~~~~~~~~

دا احساس اي بنت بتتمناه ممكن تلاقي الشخص اللي كدا وممكن يكون اللي بيحبها.. الحياه عنده بيس ومش همه شعورها وبيكلم دي ودي ودي عادي خالص ومش بيراعي مشاعرها مش معني كدا اني بقول للراجل لما تحب مش تكلم اي حد لا مش اقصد دا اقصد انه يحط حدود وروابط

ان الاتنين لازم يدعموا بعض ومش توصل الغيره لدرجه الخنقة لان هيكون عواقبها ضياع البيت

لو هنفصص الموضوع شويه هنلاقي ان كل بنت مفهوم الغيره عندها مختلفة ولو نزلتلك بوست عن الغيره وكله دخل و قال رايه ساعه الفعل هتلاقي حاجه تانيه

غيرة البنت في رايي مش بتوصل لشك لكن ممكن تعمل تصرفات تحسسه فيها انها واصله للشك والمشكله هنا عند البنت لانها لازم تتعامل بذكاء المراءه والا هتخسر حبيبها

في الاخر هقول حاجه اي غيره توصل لحد الشك يبقي في فعل غلط حصل من الطرفين او من احدهم

اما بقي لو البنت او الولد مولودين كدا يبقي كان الله في عون الطرف الاخر

حاولت افسر كلامي بس برده مش فاهمه انت تقصد ايه واستنيت توضيحك

****************

فيلسوفة صغننه مره واحده انا علي ادي خالث ياشموستي مش قد كلامك الحلو دا

ياكزووووووفي وشي بقي قوووووووووووووووطه

هــو..مش ..نـو يقول...

(انا بتكلم في البوست عن الحب اللي بين الرجل والمراه مش حبنا لربنا والا الرسول)
أي رجل وأي أمرأه ممكن يكون بينهم حب؟
بيني وبين ماما ...حب
بيني وبين أختي ...حب
بيني وبين عمتي أو خالتي ...حب
بيني وبين زوجتي ...حب
بيني وبين زميلتي في الشغل ينفع حب ؟
عندما تخرج العلاقه عن الشرعيه ...لا يمكن يكون أسمها (حب).
كتيييير لن يعجبهم الكلام ...

واحد من العمال يقول...

السلام عليكم
تعريفك شامل جامع ومسبتيش لينا حاجه نضيفها لكنى سأجتهد وأحاول مقولش كلام مكرر

الحب هو الأمان والأحتياج فى نفس الوقت
هو الغيره والثقه على بعض
هو مجالات مغنطيسيه تبعد من ناحيه
ومن الناحيه التانيه تشد
هو خد من غير هات
هو أكلان فى القلب
وينتقل لمجرى الدم مع النبض
وهو إمبارح وبكره وبعد غد
وكفايه كده دلوقت
وسلام بقى دلوقت

شمس النهار يقول...

*صبرني يارب
اخيرا وصلتي اهلا اهلا
ايه رأيك
وبعدين احنا ورانا ايه لازم لما نعمل حاجه نعملها صح
وتاخد راحتها عشان نفهم كل حاجه صح
وبعدين انت ماشاء الله عليكي تمام

شمس النهار يقول...

*من غير عنوان
انا شايفه ان صبرني يارب قايمه بالواجب وزياده انسحب انا بقا
واسيبكم تصفوا الموضوع
ونشوف الحب حرمان والا امان
انا كمان مش فهمانه موضوع الحرمان

شمس النهار يقول...

*دينا
اهلا بيكي علي ارض النقاش
وبم انك من مشجعي الحب زي حلاتي
ايه رايك الحب بيدوم بعد الزواج والا لا
اقري تعليقات من غير عنوان وردي عليها عايزه اعرف رأيك في موضوع الحرمان

شمس النهار يقول...

*هو..مش...نو
------------
أي رجل وأي أمرأه ممكن يكون بينهم حب؟
بيني وبين ماما ...حب
بيني وبين أختي ...حب
بيني وبين عمتي أو خالتي ...حب
بيني وبين زوجتي ...حب
بيني وبين زميلتي في الشغل ينفع حب ؟
عندما تخرج العلاقه عن الشرعيه ...لا يمكن يكون أسمها (حب).
كتيييير لن يعجبهم الكلام ..
--------------
كل الحب اللي ذكرته ده حلال وجميل ويقع تحت بند الرحمه والرحم والموده
اما زميلتك في العمل لا طبعا
ولكن هل تنكر ان ده موجود و بيحصل بغض النظر انه صح او غلط مش كل حاجه بتحصل في حياتنا صح
بس مش معني ان الغلط موجود اسكت عليه
لا طبعا والا يبقا موافقه عليه
احنا هنا بنصحح مفهوم الحب وازاي نحب صح عشان نقيم اسره سعيده صحيه ومش بنشجع الحب للحب وخلاص والعلاقات اللي بقت زي قزقزت اللب
لا احنا عايزين نصحح الكلام ده اصلا
واضح انك ماقريتش تعليقات الاخوه والاخوات
ياريت تقراها وتشوف المناقشات اللي بدور في اطار الحب بين الازواج
وكمان تصحيح مفهوم الحب عند الشباب اللي اغلبه ماشي يحب علي نفسه وهو مش فاهم حاجه ومش عارف حاجه
ماشاء الله كل اللي دخلوا يعلقوا علقوا برقي جميل والمناقشه تتم بروح جميله وواعيه وراقيه وتفهم للأخر والفكر الاخر
عزيزي (هو.. مش ..نو )نحن هنا نحاول الرجوع بالحب لعظمته وشرعيته وجماله
وارشح لك ان تقراء تعليق فوكس لوجيا واينو الزوجين الحديثي الزواج وتجربتهم الرقيقه البريئه الراقيه
وليه صادرت علي الحوار وقلت كلامك مش هيعجب حد وهو اصلا ماينادي به البوست
الحب في اطاره الطاهر البرئ من كل مايحدث تحت اسمه ظلما وعدوان

ذو الوجه المبتسم يقول...

السلام عليكم
اختى الصغيرة كيـــــاره
الفيلسوفة الصغيرة
توضيحاتك رائعة
وهو المطلوب اثباته

علشان كده فيه كمان سؤال

الحب ومدى تاثيره الايجابى او السلبى على الطرفين

- هل الحب ممكن يوصلنا لمستوى فكرى اعلى
- هل الحب ممكن يوصلنا لمستوى طبقي اعلى
- هل تأثيره الايجابى ده بيكون على الطرفين بنفس الدرجة ولا بتتفاوت بين الرجل والمرأة

اختى شمس النهار
انا باقرأ كل التعليقات سواء بتعتك او بتاعت الاصدقاء
وبناء عليها عاوز كل المشتركين يجاوبو
وده طبعا لاخذ الموضوع من جميع جوانبه
فهمانى طبعا

اوعى تروحى هنا ولا هنا
بعد الفاصل هنشوف تعليقات جديدة
هههههههههههههه
باقلد معتز الدمرداش ههههههههه
تقبلووووووووو تحياتى

صبرني يارب يقول...

صبااااح الخيرات

انا قلت اصبح يعنى

اسمحيلى يا شموسه

ادعوا الاخ

هو مش نو لقراءة بوستين كمان عندي فوق تعليقاتنا ؟؟


ده اسمه ما تحبنيش بالشكل ده

http://raghy-emraao-gheer-mathona.blogspot.com/2009/04/blog-post_04.html



وده كان فى بوست تاني فى مدونة رؤيه اسلاميه متواضعه

http://islamic-vision.blogspot.com/2008/11/blog-post_28.html


سوري يا شموسه انا عارفه انها غلاسه مني

بس ما اقعد ارغي بقى واصعدكم بكلام انا قلته قبل كده

صبرني يارب يقول...

ذو الوجه المبتسم

ايه ده ارحمنا بقى ياعم ههههههههههههههههههههه
ايه الاساله دي

طبعا الحب المفروض يرقى بالمستوى الفكري

كفايه ان فى فكرين وعقلين وخبرتين هايندمجوا

وبتهيئلي لو اتنين حبوا بعض بجد لازم يكون تاثيرهم على بعض ايجابي فعلا ويرتقوا عموما مع بعض

شمس النهار يقول...

*صبرني يارب
ياصباح الهنا والجمال
ياسلام ياستي انت منوراني دايما والله
والبيت بيتك والمدونه مدونتك
هنعزموكي في مدونتك ياشابه

من غير عنـــوان يقول...

** شمس
** صبرني

عايز منكم طلب

تقروااااااااااااا
كتيرررررررررررررررررر

عن ما كتبه الحكماء والفلاسفه والعلماء عن الحب.. حتى رجال الدين

وبعدين تعرفوا ان كل اللي كتيته ده طالع من اللي قريته

وبكده أكون باكتب على اساس
علمي ودراسه

ممكن كمان تراجعوا كتب ومقالات محمد اسماعيل على ( رحمه الله) وعبد الهادي مصباح ادام الله عمره

ودي أقرب حاجه ممكن توفق بيني وبينكم

صباح الحب

شمس النهار يقول...

*من غير عنوان
بالنسبه للدكتور محمد اسماعيل طبعا انا مش بس قريته انا حافظه كلامه من كتر ماقريته وخصوصا اسرار الحب
اللي هو في الاصل مقالاته في الاهرام اللي كان بيكتبها كل يوم سبت الله يرحمه اما مصباح اول مره اسمع عنه اصلا
اما الدين الحمد لله قريت كتير عن الحياه الزوجيه في ظل القران والسنه
وعرفت ان رجال اليومين دول بيضحكوا علي نساء اليومين دول:)
ولو هتعمل دعوه ان نساء اليومين دول يقروا حقوقهم في الحب والزواج ويتبحروا فيه جدا هتقوم ثوره علي رجال اليومين دول للمطالبه بنصف ماذكر في كتب التفاسير والسيره النبويه من سنن وحقوق لنا في الحب والزواج والرحمه والموده والعيشه اصلا
لاتفتح باب الفتنه ياباش مهندس خاللي ستات اليومين دول كده ساكتين :)

شمس النهار يقول...

*من غير عنوان
وعايزه اقول لحضرتك
احسن من يكتب عن المرض صاحبه
الدكتور مابيوصفش المرض الدكتور بيوصف العلاج
الحكماء والفلاسفه ناس زينا بس ربنا خصهم عننا بموهبه انهم يحللوا ويستنبطوا النظريات ويحللوا مايروا
وفي النهايه احنا بنكتب عن مشاعر لاتخضع للنظريات والقوانين احنا بنحاول نكتب تجاربنا وتجارب الاخرين ونحل الاشكالات
لتصحيح بعض المفاهيم واولها مش كل حد فشل مره يبقا خلاص.....الي اخر الصدمات واشكلها
والتصحيح هنا من واقع الحياه مش من النظريات
والاستفاده من تجارب بعض
عايزه حضرتك تشوف بوست صبرني يارب (ماتحبنيش بالشكل ده
اهي تجربه حلة ببساطه وتلقائيه بدون حكماء والا فلاسفه
ده مش معناه اني بقلل من الفلاسفه او الحكماء بس انا بعتبرهم بشر كتبوا كتب بشريه تخضع للنقاش والتصديق والتكذيب
واغلبها كتب في زمن الروقان لما كان الحبيب لما تسول له نفسه يكتب جواب لحبيبته يوصلها بعد شهر تكون اتجوزت غيره :)
دلوقتي حديدعلي بلاستك في ايد المحب(الموبايل)ورساله وهوب في ثانيه وصل كل الكلام والغرام
صباح العلم والتوووووووكنوووووولوجيا

من غير عنـــوان يقول...

*ست الكل شمس الشموس الرنسيسه

مجهودك في هذا البوست جبار
وارائك انت وصبرني جميله

والقنابل المدويه جامده

بس انت اللي قبلتي ده من الأول

1- الإختلاف في الرأي .. لا يفسد للود قضيه

2 - الإمام الشافعي قال: رأيي صواب يحتمل الخطأ ورأي غيري خطأ يحتمل الصواب

3 - إحنا من سن 7 إلى 77 هنا
فكل واحد بيتكلم من واقع ما مر به

4 - هناك فرق بين أن تسألي :
ما هي تجاربك أو رأيك في الحب
وبين: ما هو تعريف الحب

الأول شخصي.. والثاني عام
الأول عاطفي والثاني علمي

إذا كان ما فهمته أنك تريدين إيضاح الحب للشباب صح..فأتخيل أننا قد قتلناه بحثا.. بل بالعكس أرى أن كتاباتي المخالفه هي تفتح باب للرأي الآخر.. بغض النظر إنها صح أو خظأ

سيدتي الحكيمه
للمره المليون...
مش عايز الشباب يتخيل إنه حيحب.. حيتجوز ويفضل ينهل من الحب...
لازم يعرف إن العقل في الزواج مهم جدااااااااااااااااا

مش معنى كده إننا ما نجبش
أبدا
معناه إننا نحب ونتجوز .. ونبحث عن الموده والرحمه زي ما القرآن قال لنا

وللمره المليون

والذين آمنوا أشد حبا لله.. طمعا في الوصول للنظر لوجهه الكريم .... آمــــين

وبما إني بخيل
( وش بيضحك)
يبقى كفايه عليكوا كده
وشوش ضاحكه

والله ليس هناك أي ضغائن.. ولا تجارب شخصيه مؤثره على رأيي .. ولكنه كما قلت في بوست لم يعجب الكثيرين

...كل شئ أصبح مرا في فمي.. بعد ما أصبحت بالدنيا عليما

ملحوظه
أنا متفائل... ومتعايش وراضي
ومحب

مـجـنـووون يقول...

الحب كلمة كبيرة قوي

الحب غريزة ربنا وضعها في الإنسان والإنسان من غيرها ميبقاش انسان ويبقي شخصية شاذه لا خير فيها


الحب هو انك تحس ان كل ذرة فيك بتعشق الي بتحبه وبتبقي خايف عليه وتتمني له الخير سواء كان معاك والا لا وسواء بعد عنك والا لا

المهم عندك انه يكون سعيد ومبسوط سواء كان معاك والا مع غيرك

الحب هو الأخلاص والوفاء

الحب هو حاجه بتلغي الشهوة والأغراض الدنويية
يعني تبقي معاه مش بتفكر في شهوة جنسية
اما بقي الي بيحب علاشن مصلحة او شهوة فدا طبعا عمره ما يكون حب

تقبلي مروري سيدتي واسف علي التأخير

مجنووون

فركشاوي ..ناوي يقول...

شمس الشموسه...
بتأسف لسؤ فهمي في بدايه الأمر...
ولكن حضرتك بردك الأخير وضحتي لي نقاط انا متفق معاكي فيها تماما...وكي اكون اكثر صراحه لم تعجبني كثيرا من التعليقات ولا اريد التعقيب عليها .ربما يساء فهمي ولكن حضرتك بتوضحي اكثر ومشكوره علي مهمتك ...
وسأقرأ العليقات المشار اليها ...ولي عوده.

ابو المفاصل الواصل يقول...

;كلام رائغ
وادى تعليق با ستى
تحيلاى

ابو المفاصل الواصل يقول...

ابو المفاصل انا.....وانا ابو المفاصل .....الواصل
الى كل البشر اقول................
=================
مهما تكون غنى وعزيز وواصل
ليست لك قيمة بدون ابو المفاصل
فانا المتحكم فى المتحكمين وعارف الجارى والحاصل
ابرئك ان كنت متهما واتهمك حتى لو كان بينك وبين الحرام حد وفاصل
لا تخلو منى منطقة فانا المخلصاتى والسمسار
ولا يهمنى ان كنت سبة فى جبين وطنى وعار
طلعتى مهيبة وحلوة ونفسى مرة ولكن فى انتشار
كل يوم اكبر ذى السرطان وانشر المر والمرار
غويط لا يعرف احدا اخرتى وسوء نفسى ذى القار
امثالى ملتفون حولى فى انتباة وزنهار
وعلى استعداد لفعل اى شىء دون انتظار
طالما عندى الضوء الاخضر بالاذى واحمل الشعار
++++++++++++++++++++++++++++++

كيــــــــــــارا يقول...

ذو الوجه المبتسم

***************

الحب ومدى تاثيره الايجابى او السلبى على الطرفين

- هل الحب ممكن يوصلنا لمستوى فكرى اعلى ؟

دا اكيد

مثلا انا تخصص تاريخ وهو مثلا تخصص تاني سواء نفس تخصصي او لا

هنتناقش في اي حاجه واملناقشه هتولد تساءل والتساءل هيكون ليه اجابه ومعلومه هتدخل الدماع وممكن يوصل النقاش بينهم الي البحث والتحري عنها عشان يتاكدو قول مثلا بيتناقشوا في موضع ثقافي او اجتماعي مره واحده في الاسبوع يبقي ارتقوا فكريا ولا لا


- هل الحب ممكن يوصلنا لمستوى طبقي اعلى ؟

ايوه لان الاتنين بيكونوا كيان واحد هينتحتوا في الصخر عشان يكبروا يبقي وصلهم ولا لا

ودا عن تجربة اغلي اتنين في حياتي والدي ووالدتي


-هل تأثيره الايجابى ده بيكون على الطرفين بنفس الدرجة ولا بتتفاوت بين الرجل والمرأة


ادام بقوا شخص واحد وكيان واحد يبقي علي الاتنين زي بعض

اما بقي لو ارتباط عادي هيكون بشكل متفاوت لانهم في الحاله دي هيكونوا اتنييييييييييين

انا جاوبت اهوووووووووووووووووووو

اوعي تبربرش عنيك هههههههههههههههه

كيــــــــــــارا يقول...

هــو..مش ..نـو

*************

انا بايد كلامك بس اسمحلي

دلوقتي الناس بتتجوز ازاي

اتنين بيشوفوا بعض وبيروح بيت اهلها عشان يرتبط بيها

شافو بعض ازاي

عن طريق شغل - دراسة مش بقول طلبة - طريق - اي وسيلة ممكن تكون اتصال بين اتنين

اتنين حسوا بعض من غير اي كلام لو فعلا حبوا بعض هيروح يتقدم ويبقي الموضوع شرعي

لكن مثلا اللي بيحب زوجته دا نام صحي من النوم لاقا نفسه بيحبها

ولا الموضوع كان فيه كميا ربطت بينهم

وخلتوهم يتجوزوا

ولا ايييييييييييييييييييييييه

انا ودماغي يقول...

إزيك يا جميل
مرسى أوى لسؤالك عليا

المشروع لسة حنقدمه يوم الجمعة بإذن الله
و الله مطحونة اوى بنام يدوب ساعتين تلاتة عشان نخلصه


ادعيلى عشان خطرى يا جميل ...بجد محتاجة الدعا

صبرني يارب يقول...

شموسه يا حياتي

انا جيت اهو فى جلسة المساء على بال ما الرز باللبن يستوى اكون اكلت دماغكم

ندخل على الشغل

هــو..مش ..نـو يقول...

بعد إذنك شموسه...
العزيزه كيارا...بتجر شكل معايا..
عزيزتي...كلامك جميل لكن علشان اوضح وجهه نظري ...
رجلٌ يخبر الرسول عليه الصلاه والسلام انه خطب فلانه للزواج ...فسأله هل نظرت اليها ؟ قال الرجل: لا ..
فأمره الرسول بالذهاب والنظر اليها..
وهذه النظره ربما هي التي تولد الألفه والراحه ثم الحب بعد ذلك.
اما نظرات ابو عيون جريئه ...وبحوره الغريئه ...دا حب؟
موقف آخر إذا سمحتِ..سُئل أحد الصالحين عن سبب أختيار هذا الرجل ميسور الحال زوجا لأبنته ..
فأجاب ...إنه تقي إن أحبها أكرمها ..
وإن لم يحببها فلن يظلمها .
===هوهو==

صبرني يارب يقول...

من غير عنوان

انت عارف ان علامي على ادي يعنى

ما اعرفش الناس الى حضرتك بتقول عليهم

وبالنسبه للدين بقى طبعا قريت كتير كتير كتير
فى الموضوع ده وغيره الحمد لله

ورايي من راي شموسه فعلا

وعلى فكره يا شموسه والله العظيم حصل انى تدخلت مره فى مشكله بين اثنين متجوزين

طب يا جماعه ترضوا الدين حكم ما بينكم
اه طبعا

طيب كذا وكذا وكذا

الراجل قال فى الاخر باقولك ايه انا قلتلك كلميها عشان تعقليها وتخليها تسمع كلامي مش تخليها تنطط عليا

شوفتي ؟؟؟

عايز يقص من الدين بببببببس امر الطاعه للزوج

والباقي لا كخ يع مش عايزينه


اتفق معاكي كليا ان احنا مهضوم حقنا

بس انا بعد جهاد عظيم لمدة عشر سنين وصلت على الاقل باعتراف بعضه صريح وبعضه ضمنى مننننننه بحقوقي

مش لازم اخدها بقى سايباها بمزاجي انما المهم يعترف



عزيزي من غير عنوان

ايه ده ؟؟

مش عايز الشباب يتخيل إنه حيحب.. حيتجوز ويفضل ينهل من الحب


ليه كده طيب

وايه يمنع ده

وايه التعارض الموجود بين ا لحب والعقل ؟؟

وطبيعى ان كل واحد بيحكم من خلال تجاربه الشخصيه ولكن لها حدود

يعنى المفروض انى احكم بشكل عام لكن اكيد اكيد رايي له مرجعيه شخصيه من خلال خبراتي الحياتيه الخاص بيا انا

ما تحسبش انى شايفه الدنيا وردي ولا متجوزه اول امبارح

انا متجوزه من عشر سنين يا فندم

ولحد الان مش شايفه اي تعارض بين الحب والجواز
او بين الحب والعقل
بالعكسسسسسسسسسسسسس

ده كلهم لو ما كانوش فى مكان واحد تخرب القاعده كلها

وطبعا طبعا اختلاف الراي لا يفسد للود قضيه

حد قال غير كده ؟؟


تحياتي واحترامي لشخصك وذوقك يا فندم

صبرني يارب يقول...

مجنون


حضرتك قلت

الحب هو حاجه بتلغي الشهوة والأغراض الدنويية
يعني تبقي معاه مش بتفكر في شهوة جنسية


مين قال لحضرتك ان الحب بيلغي الشهوه ؟؟

الشهوه دي فطره جبلنا عليها ما تتلغيش باي حال من الاحوال


ومين خلى الشهوه متهمه وحاجه لو ودون مستوى الحب ؟؟

الرسول عليه الصلاة والسلام قال :

وفى بضعكم صدقه
استغرب الناس سألوه ايأتي ا لرجل استمتاع ويثاب عليه ؟؟
قالهم ارايتم ان كان فى حرام ؟ اما كان يؤثم عليه ؟؟؟
كذلك يثاب عليه فى حلال

(جايز المفردات متغيره شويه مش فاكره النص تحديدا لكن هو كان كده المعنى )

مافيش اي تدني فى الموضوع

وشئتم ام ابيتم الجنس جزء من الحب لا ينفصل عنه

والعمليه الجنسيه دي رابط جسدي بيعلي من الرابط النفسي ويرقيه لو كانت عمليه ناجحه

وانا اتكلمت فى الموضوع ده قبل كده عندي على المدونه

مافيش تعارض برضه بين الحب والشهوه

لكن المشكله
هو حصر الحب فى الجنس
الجنس لا = الحب

انما الجنس هو جزء من الحب

طبعا ا حنا بنتكلم عن الحب الى هو العشق بين رجل وامراه اه عشان ما ننساش

صبرني يارب يقول...

فركشاوي

طيب يا استاذنا ما تقول برضه اعتراضاتك

بعد اذن شموسه يعنى
ونتناقش ولو فهمنا غلط فهمنا مافيش ورانا حاجه

شموسه ما بتاخدش مننا ايجار
هههههههههههههههههه

صبرني يارب يقول...

كيارا وهو مش نو

جالي ضويف بس راجعااااااااااالكم

mahasen saber يقول...

شموسه يا حبيبتى انا جيتلك اهه برغم مرضى اليى بخف منه اهه عشان اققولك مبعدنيش عن الحوارات والمناغشات بتاعة البوست الا المرض الموجع بس يا شموسه
تخيلى انا يجيلى حما حما فيفر وفجأتا كده بس الحمد الله

متزعليش منى هرجع اولعلك فى تعليقات البوست اليى ماسس امة لا اله الا الله بس بعد ما اشم نفسى مش على البوست ولاا اليى حاسينه على صحتى يا شموسه اليى بقت شبه البمبم

اوعى بجد تزعلى عشان انتى عارفه انا بحبك ازاى ومكانتك لا يمكن تزعزع بتاتا
يا قمر البلوجر انتى

وصبرنى حبيبتى استنينى عشان انا هعلق وانتى ردى عليا وبعدين احتمال نقطع فى شعر بعض وده من حبى فيكى يا جميلة المنصوره انتى

شمس النهار يقول...

*من غير عنوان
طبعا عمر الاختلاف بين الاصدقاء مايفسد للود قضيه اطلاقا
وفعلا الاختلاف هو اللي بيفتح بال المناقشه ماهو لو كلنا متفقين هناقش ايه بقا
---
مش عايز الشباب يتخيل إنه حيحب.. حيتجوز ويفضل ينهل من الحب...
لازم يعرف إن العقل في الزواج مهم جدااااااااااااااااا
-----
يانهر ابض
ماده اللي انا بقوله شوية حب علي شوية عقل علي حبتين تفاهم وتوافق واحترام
هيكون الحب صح والزواج صح وناجح وبالتالي الحب هيستمر
مش كده وبس ده بيزيدالدليل انا قلته قبل كده الزوجه اللي زوجها مابيخلفش وبتفضل تعيش معاه علي ان تطلق وتتزوج من رجل اخر لتنجب
بتفضل حبها عن امومتها اللي هي غريزه عندها اصلا
ده حب زاد والامازدش :)
-------
كل شئ أصبح مرا في فمي.. بعد ما أصبحت بالدنيا عليما
------
منين متفائل ومنين بيت الشعر ده
بالعكس اللي بيعرف الدنيا صح بيبقا متفائل اكتر عشان عارف انه هيسبها ويروح لدنيا احلا مافيهاش ظلم والا كره كلها حب وسلام وقبلهم رضا الله
بس المهم نستغل الدنيا اننا نعمل فيها اللي يوصلنا لده

شمس النهار يقول...

÷مجنون
اخيرا ظهرت ده حتي اليوم يومك انت كنت فين
وطبعا كلامك جميل جدا جدا
وموضوع الشهوه ده انا اايده تمام
الحب الطاهر العفيف اسما انواع الحب
الي ان يتوج بالاطار الشرعي اللي ربنا حلله
تمام كده يجب ان يحافظ الحبيب علي حبيبته
والخطيب علي خطيبته
وعدم التعجل في الامور دي خالص ولكل شئ اوان
عشان ربنا يبارك هذا الحب

شمس النهار يقول...

فركشاوي..ناوي
اهلا بيك
مش فهمانه ليه انت بتتأسف وايه اللي كنت فهمه غلط ممكن توضح لي
وطبعا يشرفني مشاركتك سوفا تثري النقاش
الموضوع محتاج اتجاهات كثيره لتوضيحه ووضعه في حجمه ووضعه الطبيعي اللي خلقه ربنا واللي هو الفطره السليمه

شمس النهار يقول...

*ابو المفاصل .الواصل
اهلا بيك في اول زياره للمدونه
هو حضرتك كاتب الشعر ده علي مين
هو جميل ولطيف بس انا مافهمتش هو علي مين

شمس النهار يقول...

*كيارا
ازيك معلش انا كنت طول النهار النهارده مشغوله وكان يوم من الايام اللي مش لطيفه بالنسبه لي
بس شايفه انك وصبرني قايمين بالواجب بشكركم جدا
واديني بشوف وبعلق

شمس النهار يقول...

*انا ودماغي
اهلا بيكي بدعيلك من غير ماتقولي
ربنا يكرمك وتنهي المشروع علي خير وترجعي تحكي لنا عليه

شمس النهار يقول...

*صبرني يارب
ازيك انا كمان جيت صحيح الساعه واحده بس علي ماخلصت اليوم الرخم ده
انت عازمه المعلقين علي رز بلبن انت هتدلعيهم والا ايه

‏«الأقدم ‏‹أقدم   ‏1 – 200 من 219   ‏›أحدث ‏أحدث»