الثلاثاء، 9 يونيو 2009

الخيانه


الخيانه

الخيانه مما لاشك فيه طعمها مر وجرحها لايشفي ولاتقتصر علي الحب فقط

الخيانه انواع كتيره خيانة عهد وفكر وحياة مشتركه وحب ووطن ونفس وحبيب (خيانة الحبيب غير خيانة الحب)

وخيانة الصداقه والعمل والدين والعقيده والاسره

انواعها كتيره جدا

واعتقد ان الكلام عنها ماينفعش ينحصر في الحب فقط ولو ان كل اللي ذكرته انواع من الحب

بس عايزه اقول

ان اللي قلبه يطاوعه انه يكدب ويخون حبيبه في اي شئ مهما كان صغير او كبير

مااعتقدش انه حبه اصلا

نتكلم عن خيانة العهد:اي عهد بين اتنين ربنا بيقول انا ثالث الشريكين مالم يخن احدهم الاخر

اي شريكين في عمل في زواج في صداقه....الخ

خيانة الفكر: ان اخون زوجي او حبيبي او خطيبي حتي لو بالتفكر في اي انسان اخر

او اخون فكر جماعه انتمي اليها كحزب او جريده او نقابه

الحياه المشتركه: ايا كانت هذه الحياه سكان عماره مثلا السباكه بايظه عندي وعماله تنخور في العماره وانا ساكت دي خيانه لباقي السكان

الاسره الواحده البنت او الولد اللي يعمل عمل يسئ لهذه الاسره فهو خاين لأستقرار وسمعة هذه الاسره

الزوج اللي يبص بره خاين مش بس للزوجه لا ده خاين للأسره كلها

وكذلك ينطبق علي الزوجه

وكذلك الام اللي تهمل في واجباتها تجاه اسرتها فهي خاينه للأمانه اللي ربنا حطها في ايديها

وطبعا خيانة الوطن :مش بس التخابر مع الاعداء المواطن اللي مايكنش خير سفير لبلده لما يسافر اي حته فهو خائن لمواطنيه وبلده وزمان قالوا الغريب اديب

خيانة النفس :من افظع الخيانات الانسان اللي مايحافظش علي نفسه وشبابه وصحته وسمعته وايمانه فهو خائن لنفسه

خيانة الحبيب :مش بس انه يحب عليه او يكون له مغامرات وصولات وجولات

لا انه مايهتمش بيه ويرعاه ويشعره بالامان ويحتويه

وخيانة الحب :اننا مانحافظش عليه فهو نعمه من الله ونرعاه ونكبره ونتعامل معاه بصدق وليس بلامبالاه

خيانة الصداقه :من اهمها الصدق في النصيحه يعني ننصح بمايرضي الله مش ننصح بغرض اخر غير سليم

خيانة العمل :يعني ننتمي لمكان العمل مانحاولش نهمل ونتهاون بيسموها خيانة لقمة العيش

ونطلع اسرار العمل بره او يرتشي عشان يعمل حاجه تفيد الراشي وتضر العمل

خيانة الدين :ان مانكنش خير دليل وسفير ان ديننا هو الدين السليم

هو ده بعض رأيي في الخيانه احب اسمع منكم وباقي رأيي هيكون في ردي علي التعليقات عشان مااطولش عليكم




seret el7ob Online recorder

هناك 134 تعليقًا:

عمرو يقول...

مساء الخير يا برنسيس :)
أزيك ؟؟ و عامله أيه فى البرد ده ؟؟
طبعا مافيش عندى اٍضافه لكلامك الموزون بميزان شديد الحساسيه فأى اٍضافه حتبقى بالفعل تحصيل حاصل سوى أن الخيانه هى من أبشع ما يمكن أن يمارسه الاٍنسان من فعل فى الحياة الدنيا ..
بس ليا سؤال محيرنى شويه : هو أيه الصله ما بين موضوع البوست و أغنية الست أم كلثوم سيرة الحب ؟؟!!
أدينى حيرتك أهو :))
تقبلى تحياتى و تقديرى رغم أنف النحل اللى ملا المدونه بسبب الورد الكتير اللى فيها ..

Kiara يقول...

في الوقت دا موش هقدر ارد لكن هقولك بوست قوي واستني ردي ياجمل شمس سطعت في الكون

شمس النهار يقول...

*عمرو
اهلا بيك
ده انا قلت انت مش هتدخل المدونه عندي تاني خوفا من النحل :)

اما بالنسبه للبرد ادينا مشغللين الدفايات :)
هنعمل ايه اهو البرد علينا وعلي غيرنا:)

اما الاغنيه:)
انا كنت بسمعها اول امبارح
وحبيت تسمعوها معايا!!!
اديني مااحترتش والا حاجه :):)

Empress appy يقول...

يعنى انا مودي اتعدل وبقيت مفرفشه بتفكرينى ليه طيب بصى بقى ابعتى البؤجه على القسم وانا همرمطها فى المحاكم واطلبها فى بيت الطاعه
حرام عليكي يا شموس انا ما صدقت نسيت

عمرو يقول...

نحل مين يا برنسيس ؟؟
الشباب المندفعين اللى فى سنى ما يهمهمش النحل و لا حتى الدبابير :))
بس حألاقى سؤال تانى أحيرك بيه برضو ..

yoyo يقول...

مسائك سكر يا شموسة

الخيانة كلمة قاسية فى حد ذاتها
كخنجر مسموم يندس الى القلب فيحطمه و يكسر ما بداخله من مشاعر و احاسيس

و ماقسى ان تاتى الخيانة من اقرب الاشخاص الينا و قتها تصبح مؤلمة جدا
فدوما تاتى الخيانة من قلوب جبانة

ما ارق و اجمل اختيارتك للاغانى فليس هناك اعذب من سيرة الحب و المنظر البديع للازهارك الرائعة و كلماتك الساحرة

دمتى بالف خير وصحة
تحياتى
يويو

من غير عنـــوان يقول...

بوست قوي كالعادة

وآية المنافق ثلاث
إذا أؤتمن خان
وإذا تحدث كذب
وإذا أوعد أخلف

وبذلك نجد أن الخيانة هي ثلث النفاق...

..........
رد لعمرو
الست ثومة بتقول
لا أنا قد الشوق وليالي الشوق

يعني اللي مش قد الحب ما يحبش
وبالتالي ما يقدرش يخون

يعني هناك رابط بين الأغنية والبوست

دي محاولة دفاع عن نفسي خوفا من النحل الموجود هنا

تحياتي للجميع

شمس النهار يقول...

*كيارا
حبيبتي المدونه مدونتك ردي وقت ماتحبي
ربنا يريح قلبك

واطمن عليكي سعيده دايما:)

شمس النهار يقول...

*ابي
في ايه بس ياجميل
ده انا حاطه سيرة الحب كمان
والا يهمك
انت جدعه بزياده

اما البؤجه هي مش واحده دول اتنين
يعني ضرتين:)

شمس النهار يقول...

*عمرو
في ايه يالورد انت مركز معايا ليه بس؟؟؟

وبعدين ام كلثوم دي للعواجيز اللي زي
مش للشباب اللي زيك :)

وبعدين اسأل زي ماانت عايز بس ليه الحيره

ربنا مايحيرك:)

شمس النهار يقول...

*يويو
شاعرتنا الرقيقه
شكرا علي تعليقك الجميل
وعلي كلماتك الرقيقه

وماتخافيش من النحل
المدونه مرشوشه
ماتصدقيش عمرو

شمس النهار يقول...

*من غير عنوان

:)
له حق عمرو يقول لك صديقي الحكيم
رد جميل

ولاتخاف من النحل المدونه مرشوشه ومحصنه ضد النحل والدبابير والنمل :)

أنا - الريس يقول...

ازيك يا شموسة الحمد لله انك بخير دايما ويارب تفضي بخير دايما وابدا ، الخيانات كتير بس فيه حاجة أنا رأي إن اي خيانة لازم يتسامح فيها إلا خيانة الدين وطبعا خيانة الوطن من خيانة الدين . لكن حتي الخيانة درجتها بتختلف ولذلك لازم نسامح فيها لأن بتختلف فيها وجهات النظر يعني مثلا ممكن زوج يخون زوجته بمعرفته شخص أخر وأقول خيانة هنا وليس فاحشة ، وربنا تكون اول الغلطات لهذا الزوج ومن حسن حظه أنه يكتشف حتي لا يتمادي فهذا يسامح فيه ، ربما يكون رأيي فيه غلط بس أنا بعتقد فيه ومن حق الشخص التاني يزعل بس مش من حقه إن يقطع العلاقة قطع تام ، تقبلي مروري

جارة القمر يقول...

تتععدد الخيانة

ولكن المعنى واحد


مهما لبست الأقنعة تظل خيانة

سهم يقتل كل معنى جميل

شموسة رائعة بجد

مودتي

romansy يقول...

الخيانه فى مجملها شئ صعب قوى للحبيب للصديق للوطن
والاصعب ان الخيانه تيجى من ناس عزاز على قلبنا بس يا شموسه لسه فيه ناس طيبن
وناس بتحب تعيش فى امان وناس بتقدر بعضها قوى بس دا قليل

عاشقه الرومانسيه يقول...

الخيانه
كلمه بشعه
واحساسها اكتر بشاعه منها
ربنا يبعد عننا الخيانه والخائنين

رحلتنا في الحياة يقول...

السلام عليكم ورحمة الله وبركاته
حقيقى بوست رائع جدا فى حاجات مكنتش فى بالى بس حضرتك جبتيها هنا اكيد فى انواع من الخيانات غايبة عننا
بس الاهم ان الخيانة هتفضل خيانة محدش يرضى ولا يقبل بيها
بارك الله فى حضرتك :)

بلاش فضايح يقول...

ازى حضرتك اخبارك ايه؟؟

موضوع مهم والله
الخيانة بقت موضة العصر
وبقت كتيرة بشكل قرب يبقى عادى

سواء فى الشغل او مع الاصحاب او مع اى حد قلبه مش صافى

تقبلى مرورى

شمس النهار يقول...

*مستر بريزيدنت
اهلا بيك
شكرا علي كلامك ومجاملتك اللطيفه

الخيانه الزوجيه بتتوقف علي عوامل كثيره بيكون علي ضوئها ممكن نغفر او لا

*مثلا زوجه اهملت زوجها وكأنه مش في الدنيا اصلا راح اتعرف علي حد تاني ولم يغضب الله بفحشاء
هي هنا من وجهة نظري لابد ان تغفر له لأشتراكها في الفعل بطريق مباشر
ده في حالة مارجع ورجعت هي كمان للعقل والمنطق وارادوا العوده والاصلاح
ماهو مش معقول هيرجعوا علي نفس الاخطاء عشان كده الموضوع هيتكرر

*لكن زوج عنده زوجه محبه متفانيه في خدمته وحبه ومدياله كل مايطلب واكتر وجميله وحبوبه زي مابيقولوا
ومع هذا الباشا يزوغ عينه علي اخري
هنا الزوجه هي اللي تقدر تحكم علي زوجها
هل هي نزوه ممكن تروح لحالها وتغفر له من منطلق الا تحبون ان يغفر لكم

او هو اصلا طبع فيه وعينه زايغه علي اللي رايحه واللي جايه
هنا مش هنقدر نلومها لو ماسمحتوش
وبرضه هنقدرها لو سامحته وشالته من دماغها عشان يفضل البيت مفتوح والعيال يتربوا وهمه مالهمش ذنب في الاختيار الغلط اصلا
وكمان هي بتكون اتعقدت من الرجاله وماعندهاش استعداد تتجوز
وخلصت علي كده

ايه رأيك ياريس في الكلام ده

شمس النهار يقول...

*جارة القمر
اهلا بيكي
بجد التعبير اللي قلتيه عجبني جدا
الخيانه تقتل كل شئ جميل في الدنيا
وتقتل المشاعر الجميله في القلوب

شمس النهار يقول...

*رومنسي
صح انا معاك

وفعلا المخلصين موجودين بس صدقني كتار مش قليلين زي مابتقول
بس المهم انك تدور وتختار صح
ومش معني خيانه من صديق او حبيب يعني كله كده لا
في ناس مخلصه كتير

شمس النهار يقول...

*عاشقة الرومانسيه
كلامك صح
وربنا يستجيب لدعائك

شمس النهار يقول...

*ايوشه
اهلا بيكي
جميل ان البوست عجبك
وعمر ماحد يحب الخيانه والا يرضي بيها فهي بطعم الصبار المر
ربنا يكفيكي شر الخيانه

شمس النهار يقول...

*بلاش فضايح
اهلا بيكي وحمد الله علي السلامه

فعلا الخيانه مابتطلعش غير من قلب مريض غير سوي
عشان القلب الصافي الطيب الجميل مابيعرفش يخون

صوت من مصر يقول...

شموسه اولا ايه الاخبار
ثانيا بجد فى حاجه وصلتنى
ان الخيانه كلها تعتمد على الكدب
وبجد تعرضت كتير لحلات خيانه من واصل كلامك
لكنى اخون نفسى بطبيعه الامر
واعرف ذالك لكن الرضى بالواقع اهم من اى شئ بجد موضوع هايل جدا اتمنى انها تكون سلسله بمعنى ان كل جزء يتجزء لوحده

صوت من مصر يقول...

شموسه
المجموعه هتكون عندك بس مش وعد لان محدش عارف عمره لحد فين
وثانيا وده الاهم انا خلصت اول جزء وهو المرج الجديده
وانا ابن وفى ومجامل
اشك فى ده لانى عمرى مش بحب اجامل خالص وبكره الى بيجامل

Sweet Violet يقول...

بجد ماعنديش اى اضافة
انتى فعلا جبتى انواع الخيانة و تعريفها بشكل وافى

بس انا شايفة ان كل انواع الخيانة متفرعة من خيانة النفس

لان الانسان قبل مابيخون غيره فهو بيخون نفسه اولا

شمس النهار يقول...

*صوت من مصر
الاخبار الحمد لله بخير

طبعا الخيانه بتعتمد علي الكدب
الخاين هو اعظم كداب في الدنيا
ماهو الخيانه ايه غير عجين من الكدب علي الخداع مع الملاوعه والمراوغه
ماهو لو صريح مش هيبقا خاين
ربنا يكفيك شر الخيانه
وشر خيانة النفس

بس مافهمتش حكاية الاجزاء دي
يعني ايه

بالنسبه للمجموعه ربنا يديك العمر والصحه وتكملها
ومبروك علي اول جزء

اما موضوع المجامله ده
طالما المجامله في حدود المسموع وتنبع عن صدق في القول وحب
خلاص
لكن لو وقعت تحت بند النفاق ده مش حلو

لكن الكلمه الطيبه صدقه يعني تقول كلام حلو مجامل صادق
مش تحدف دبش وتقول لي مابعرفش اجامل

وعلي فكره انت من الناس اللي كلامهم لطيف جدا
:)

ادم المصرى يقول...

الخيانه

بها ابتدت جرائم الكون عندما خان قابيل هابيل وقتله

هذا من اول انواع الخيانه وهيه من اول جرائم البشريه

ومن الكبائر بجميع انواعها فهيه ليست من قواعد الاسلام

ولكن هذا الزمن قد امتدت الخيانه بشكل ملحوظ فى جميع انحاء مجتمعنا بجميع طوائفه بجميع حوائطو

موضوعك قوى جدا ويحتاج لنقاش طويل المدا ولكن لا كلام يحلو بعد ما
ابدعتى فى هذا الموضوع اشكر ألهامك اليقين بكتاباتك الثقيله

شمس النهار يقول...

*سويت فيوليت

شكرا علي كلامك

المشكله ان اللي بيخون ده فاكر نفسه فهلوي وحدق وشاطر
وهو اول من بيخدع ويخون بيخون نفسه هو
قبل اي شئ
وشويه شويه بيبقا منبوذ
واقرب الناس اليه بيسيبوه
لحد ما يلاقي نفسه لوحده تماما

شمس النهار يقول...

*ادم المصري
اشكرك علي تعليقك الجميل
والاضافه القيمه للموضوع
وهي تاني خيانه في التاريخ بعد خيانة ادم وحواء لعهد الله ان لايقربوا الشجره

اشكرك
وشكرا علي مجاملتك اللطيف
الحقيقه انا لااجيد فن الكتابه بس انا بكتب اللي بحسه واللي جوايا
وبتكلم معاكم زي مانكون قاعدين مع بعض

صوت من مصر يقول...

انتى كده بتجاملى
صح
مجموعه الاجزاء بمعنى ان مثلا خيانه النفس ينكتب عنها بوست
وخيانه الوطن جزء وهكذااااا
طبعا انا كلامى لطيف
ازاى الله اعلم
عموما حددى ميعاد نتقابل فيه كلنا على البورصه يا ماما

شمس النهار يقول...

*صوت من مصر
علي فكره انا بأحب اجامل بس بالحق
يعني انت لو مش كده هقول لك وبرضه بطريقه لطيفه
عشان انا مؤمنه بنظرية
يابخت من بكاني وبكي عليا والا ضحكني وضحك الناس عليا

والدين النصيحه

اما موضوع البورصه ده صعب شويه

بس ان شاء الله لنا لقاء كلنا وكمان كل من يحب ان يلتقي بنا من المدونين

MaNoOoSh يقول...

كلام شامل فعلا لفروع الخيانة المختلفة

وانا رأيي من رأي سوين
ان فعلا الخيانة تبدا بخيانة النفس

شمس النهار يقول...

*مانوش
شكرا علي كلامك
اذاكان الانسان ممكن يخون نفسه بالشكل اللي في البوست يبقا خلاص ممكن يخون اي حد ببساطه

صوت من مصر يقول...

شموسه هيبقى ليكى عندى صوره هديه للبلوج دخ ختتعمل فى خلال يومين بس يعنى نقول بكره مش اكتر
وعموما بالنسبه لموضوع المترو
انا عايزها تكون روايه مش قصه والسلام وتعدى
مش فاهم اوضحها ازاى لكن انا لو كتبتها هنا هحرق اغلبها وبصراحه هكسل
عموما استا عمرو وانتى وكياره وضد ولازهرى وايوشه والناس الى مفتكرتهمش ليهم منى هديه الله اعلم ازاى لكن ربنا يسهل
ادعيلى بقى اخلصها
انا بالنسبه للبورصه اتكلمنا وقولنا دى اقرب حاجه لينا صح كلنا

شمس النهار يقول...

*صوت من مصر
شفت انت بتحب الناس ازاي وعايز تعمل لكل واحد حاجه تفرحه بيها
عن نفسي مستنيه الصوره

اما بالنسبه للمترو اعمل اللي انت شايفه صح ويوافق ميولك
ربنا يكرمك

اما موضوع القاء سواء في البرصه او غيره
ان شاء الله يتحدد حسب الظروف:9
قوم صلي الفجر

صوت من مصر يقول...

بعد ما صليت
انا هكتب بوست حالا
ده بالذات هيكون موضوع جدل
وعموما الصوره ممكن اعملها حالا بس يلا نخليها بكره

تامر علي يقول...

ذكرتني بجملة رائعة كنت قرأتها في روايه اسمها المريض الانجليزي بتقول "الخيانات في الحرب طفولية إذا ما قورنت بالخيانات في السلم وذلك لأن القلب عضو ناري" :)

فعلاً الخيانة هي نار تحرق كل الأطراف الخائن والمخون ....

طهر الله قلوبنا وأعيننا وأياكم من الخيانة

تحياتي :)

صوت من مصر يقول...

شموسه انا خلصت الصوره بجد
بس مش عارف ابعتها ازاى
ولا هتخديها ازاى
انا عن نفسى بصراحه بقول انى عملتها حلوه وحظك فيها عالى جدا اول مره اعمل صوره وانا مفتنع بيها
شوفى طريقه

SHAPE YOUR LIFE (ABOALI) يقول...

بوست فى الحقيقة مميز جدا
وشرح فى استرسال انواع الخيانات

ومن بعد ثالث افكر فيه
ان هناك خيانات محمودة او مستحبة
وهى خيانة ما قولتيه

فمن خان الوطن علي ان اخونه ولا اتعامل معه

ومن اراد ان يفسد على اسرتى وحبى لهم حتى ولو كانوا من الاصدقاء
على ان اخونهم

وهكذا

وعند المحبين تتطلق دائما الهمهمات

فعندما تخون حواء اسرتها من اجل حبيبها
فهى خيانة مشروعة فى وجة نظرها
ويحدث ايضا مع المحب

وهناك يا سيدتى خيانة الاعين
كما ورد فى القراءن

يعلم خائنة الاعين وما تخفى الصدور


والمقصود بها

ان تسرق العين النظر وتتلصص


مختصر الكلام

الخيانة
ميراث من ايام ادم عليه السلام
مرورا باءبنائه
وصولا الى انبياء الله حين خانت الازواج نزول الرسالات عليهم
مثلما خانت زوجة سيدنا نوح وزوجة سيدنا دواد وهكذا


اللهم اجعلنا من الخائنين لمن خانك


اشكرك

صبرني يارب يقول...

طب مش تخلي لنا حاجه نقولها طيب يا جميل

بوست رائع طبعا وموضوع هايل



الخيانه فى رايي ما لهاش اي مبرر

والخيانه مش لازم تكون حدث فظيع ولا كبير زي ما انتى قلتى فى اكتر الحالات زي مثلا خيانة الوطن مش لازم تكون وشايه مع العدو واقل من كده يبقى خيانه برضه


وخيانة الزوجه مش بس بالزنا مع واحده تانيه

لكن برضه اقل من كده بكتير يعد خيانه


مافيش اي مبرر يشفع للخائن ابدااااااا ولا حتى يخفف عنه وطأة الكلمه

تحياتي يا شموسه ونورتي يا جميل

حواء يقول...

الخيانه ديه بقت بالنسبالي عامله زي الاغتصاب
ده بيغتصب انثي وده بيغتصب مشاعر حلوه جوه القلب
سعات الشخص مننا بيقدر بيحولها لكرهه
واللي يجنن بجد انه مش عارف يحول المشاعر الحلوه لكرهه وفي نفس الوقت مش قادر يعيش وجوه قلبه حب حد خانه
فبيطر يعيش من غير قلب ومن غير حب

تحياتي علي البوست الرائع ده

محمود خاطر يقول...

كنت دايما بقرا الآية انا عرضنا الامانة
وكنت أتساءل اي امانة
وبعد ان قرأت هذه التدوينة الأكثر من رائعة عرفت كتير من معاني الأمانة

شكرا
والسلام

شمس النهار يقول...

*صوت من مصر
صباح الخير
البوست هروح اشوفه حالا
والصوره بشكرك عليها جدا جدا
انا من قبل مااشوفها واثقه انها حلوه
ابعتها علي الميل
اللي في المدونه
shams_elnahar@live.co.uk

شكرا علي ابداعك

شمس النهار يقول...

*تامر علي
اعجبتني الجمله اللي ذكرتها جدا

فعلا ساعات الخيانات في السلم بتكون اكبر واعمق بكتير

الخيانه عموما اشر انواع الصفات السيئه علي الاطلاق

تخيل ان الانسان ماشي مش عارف يثق في مين والا الخيانه هتجيله منين

شمس النهار يقول...

*ابو علي
كلامك دايما الحقيقه بيسير الجدل وبيفجر قضايا جديده
انا مش فهمه اوي
معني التعليق
يعني اللي يضرني اخونه ازاي
حسب فهمي البسيط
اقاطعه والا انا فاهمه غلط
ارجوا منك التوضيح
:)

SHAPE YOUR LIFE (ABOALI) يقول...

سيدتى ما قصدته
الالفاظ دائما لا تؤخذ على المطلق

فليس معنى ان كل من كذب فى النار مثلا
فهناك كذب محمود ومطلوب

والخيانة
ايضا لا تؤخذ على المطلق ان كلها حرام

هذا ما قصدته

واضفت ان هناك خيانة اخرى
اسمها خيانة الاعين

وهى النظر خلسة

مثلما ينظر رجل مثلا لاهل بيت يزوره خلسة


تحياتى

شمس النهار يقول...

*صبرني يارب

اهلا بيكي ياجميل

بس علي فكره الخاين بيلاقي لنفسه الف مبرر لخيانته
وكدبه وخداعه
وانا اعتقد ان الخاين في الاصل مريض نفسي
والخيانه الزوجيه مش بس احد الطرفين يبص بره
لا
الخيانه الزوجيه لها اوجه كثيره

زي الزوج الكشر في البيت
وتلاقيه مع اصحابه اخر فرفشه وضحك
الا لو الزوجه اصلا نكديه ودي زوجه خاينه ايضا لأنها المفروض تكون له سكن
وكلمة السكن بكل معانيها

وكمان الزوج اللي يقطر علي اهل بيته وهو مروق نفسه بره
ده خاين للأمانه اللي ربنا اداهالوه
(كل ينفق من سعته)

الزوجه اللي بتستخسر صحتها وتقصر في بيتها وتبرر ده بأي كلام

الموضوع كبير ياصبرني يارب

شمس النهار يقول...

*حواء
ازيك واخبارك ايه ياجميله

تعرفي انت قلتي حاجه لطيفه
الخيانه مرادف للأختصاب
وخصوصا خيانة الحب والحبيب
عشان هو بيغتصب حب مش من حقه ومشاعر مش من حقه

وفعلا دي مشكله ان ساعات حب الخاين ده بيكون ملأ القلب والوجدان واصبح مؤلم
لاعارفه تطلعي منه والا تستمري فيه
مشكله

شمس النهار يقول...

*محمود خاطر

اهلا بيك في اول زياره للمدونه

الامانه الاخلاص الوفاء

كل دي عمله واحده

شمس النهار يقول...

*ابو علي

شكرا علي توضيحك الجميل

وسرعة الاستجابه

تنورت المحكمه يافندم:):)

Israa El-sakka يقول...

شمس النهار
بوست قوي كالعادة بصي أنا بالنسبة لي الحب مبينفصلش عن الخيانة ..يعني استحالة أتهم حد بالخيانة لو مكنش المفروض أنه حبيب ..أيا كان نوع الخيانة ..يعني أنا مثلا من كام سنة أفشوا عمله للإتحاد السوفيتي كانوا بيتجسسزا على إنجلترا أيام الحرب الباردة اللي أنا طبعا مهصرتهاش و لما نقشوهم كان أغلبهم الأمر مبني على عقيدة أو فكر معين !! يعني كان فكر حد منهم قال و هي ست عحوز في حوالي التمنين أن السبب كان أنها عاوزة تحافظ على نظام ( السوفيتي تقصد) وفر للناس العادية الأكل و التعليم و خدمة صحية معقول بعكس النظام الرأس مالي في الغرب اللي طحنهم ده رأي الست ...من ساعتها و أنا بفكر هل دي خيانة؟؟! يعني الموضوع ده متشعب ممكن زي حالة الست العجوز دي كان الموضوع بين فكرها و قناعتها و أهلها و وطنها ...يا ترى الصح كانت تختار إيه؟؟ يمكن عشان القضية مش في بلدي فكرت فيها بشكل فسفسي حبتين ( اللي هو الفلسفي بتاعي يعني:)) طبهاً لو كانت مصرية كنت شبشتلها ...قوليلي رأيك يا شموية
سلام و مستنية جديدك إن شاء الله

صوت من مصر يقول...

انا بعت الصوره
بس والله العظيم انا مش مكتئب او محبط انا بعرض حاله فى البوست وانا كاتب ده فوق
ولا ايه
انا بعت الصوره عايز اعرف ى ايه ظروفها

kmt يقول...

السلام عليكم ورحمة الله وبركاته


اممممممممممممم
الخيانه
الكذب
النفاق ثلاث اوجه لهرم ثلاتي

والنتيجه للأسف في الوقت الحالي اغلبية

مش عايزة اكون سوداويه
بس زي ما كيمو قال الموضوع كله اساسه كذبه
سواء على نفسي او على غيري

على فكرة موضوع صعب

تحياتي
الى اللقاء

بسنت صلاح الدين يقول...

احييكى فعلا بوست هايل،والله فى انواع خيانه كنت اول مره اسمع عنها هنا عندك،حلوه اوى خيانه النفس و الاختلاف بين خيانه الحب و خيانه الحبيب
انتى رائعه يا شمس الشموس

فشكووول يقول...

الحاجه شمس
تحياتى
لقد عددت انواع كثير من الخيانه ولكن هناك ايضا انواع كثيره .. والخيانه والنفاق من اعظم الكبائر
تحياتى

موناليزا يقول...

يكفى ان اسمها خيانة
الخيانة من وجهة نظرى شاملة لكل حاجة وحشة
يعنى الكذب خيانة والغش خيانة والفتنة خيانة والغيبة والنميمة خيانة ...

صوت من مصر يقول...

بجد من تواضعى انى اقول كلمه واحده وهى ان ابنك لسه موصلش لمرحله الابداع وانه لسه بيتعلم وان ده بجد قليل ليكى واسمحيلى اقول لو اقدر اوصل للمس واقولها اسمك على اسمها هروحلها
لكن اخاف اتحرق

غير معرف يقول...

الله على البوست ده
بجد روعة و فادنى كتير اوى على فكرة ...جميل جميل جميييل ربنا يجازيكى خير عليه


وحشانى جدا على فكرة

mostafa rayan يقول...

اتفق معك
ولكن ماذا عندما يخون الوطن ابنائه

ذو الوجه المبتسم يقول...

السلام عليكم ورحمة الله

اعتقد انك حصرتى معظم انواع الخيانة ان لم تكن كلها
وبصراحة عجبنى البوست جدا واسلوبك فيه مميز

الخيانة بصفة عامة تقتل كل المشاعر للطرف الاخر لان الخائن ببساطة شديدة لا يكمن بداخله للطرف الاخر اى نوع من انواع الحب او الاحترام او التقدير

خيانة الحبيب
خيانة الصداقه
خيانة العمل
خيانةالدين والعقيده

- هل للخيانة اشكال متعددة بتظهر فيها ؟
- هل للخيانة اعذار ومبررات ؟
- هل يمكن التسامح لاى خائن ؟

تقبلى تحياتى

tarek momen يقول...

طيب

شمس النهار يقول...

اسراء السقا
ازيك واخبار الامتحانات ايه

بالنسبه للناس اللي مسكوهم دول
دول تجسسوا لحساب وطنهم يعني خدعة حرب
وكمان همه كانوا بيدافعوا عن فكرهم وعقيدتهم واستقرار النظام في وطنهم
يعني روس بيدافعوا عن روس وبيتجسسوا لصالحه
تفرق ان انجليزي يتجسس علي انجلترا لحساب بلد اخر حتي لو كان بيدافع عن فكره هو مؤمن بيها تضر استقرار بلده
هو مؤمن بالفكره يروح يعيش في البلد صاحب الفكره دي لكن مايزعزعش امن البلد
بالنسبه لنا هنا
اي شئ يعمله انسان يدد امن واستقرار البلد دي يعتبر خيانه
هو اللي عملوا التفجيرات دي مش ليهم فكرهم الاسود طيب لما فجروا مش هددوا امن واستقرار الناس وضربوهم في اكل عيشهم
الارهابيين دول خونه لبلدهم ولناسهم ولأسرهم ولنفسهم وقبل كل ده لدينهم

بشكرك علي التعليق الجميل اللي فتح موضوع مهم

شمس النهار يقول...

*صوت من مصر
شكرا ياكيمو علي الصوره اللطيفه
انا فرحت بيها جدا جدا

شمس النهار يقول...

*كيميت
عايزه اقول لك ان اي شئ ضد الاخلاق بيبتدي من تحت عباية الكدب

الانسان اللي بيحترف الكدب توقعي منه اي حاجه
ماهو الكدب هو الخيانه
شكرا ليكي

شمس النهار يقول...

*بسنت صلاح الدين
اهلا بيكي
شكرا علي كلامك الجميل
البوست حلو عشان انتوا اللي بتقروه

شمس النهار يقول...

*فشكول
النفاق ماهو كدب والكدب يهني خيانه
النفاق خيانه لأمانة الكلمه

حضرتك ليه ماكتبتش باقي الانواع
ياريت تكتبها انا بأحب انكم تكتبوا مانسيت وتكملوا الموضوع

شمس النهار يقول...

*موناليزا

عندك حق
واعرفي اي فعل غير سوي
يؤدي لشئ غير سوي
هو خيانه
شكرا ليكي

شمس النهار يقول...

*صوت من مصر
كيمو اي شئ الانسان بيحاول يعمله بضمير واتقان وتفاني فهو ابداع
حتي محاولات الاطفال للرسم بموهبتهم الصغيره فهو ابداع
الست في مطبخها عندما تحاول ان تصنع طبخه وتجود فيها فهي مبدعه

بس فعلا الصوره جميله
اكدب يعني
اخون امانة الكلمه:)

د. ياسر عمر عبد الفتاح يقول...

الخيانة فعل مقزز
جدااااااااااااااا
وبصراحة فيه معاني جديدة من الخيانة لمستها في البوست ده
ربنا يكرمك .. دايماً عند حضرتك الجديد


بالنسبة لسؤال حضرتك عن الإمتحانات
فهيه ماشبة الحمد لله كويس
إلي الأن .. وربنا يسهل

شكراً علي كل حاجة

شمس النهار يقول...

*انا ودماغي
اهلا اهلا
ازيك اخبار الامتحانات ايه
شكرا ليكي ياجميله علي كلامك الجميل

وانت كمان وحشتيني

من غير عنـــوان يقول...

إلى صوت من مصر
شفت الصورة اللي إنت باعتها لشمس النهار.. ما شاء الله.. موهبه واعده..

أمنياتي لك بمستقبل باهر

شمس النهار يقول...

*مصطفي الريان

الوطن لايخون ابنائه
يخون بعض الابناء الاشرار هذا الوطن
ويستعمروه
فيعطي الوطن ظهره للجميع

الوطن محتاج ناس تخلص له حتي يخلص لهم
لااحد يخلص للخائن

Eno يقول...

الخيانه فعل مؤلم للغايه

شعور بعدم الامان في كل الحالات اللي ذكرتيها ياشموسه

تسلم ايدك بوست رائع :)

تحياتي :)

Foxology يقول...

الخيانة مؤلمة بكل أنواعها كفاية الأحساس بعدم الثقة فى النفس وفى الغير بسبب الخيانة

تحياتى على الموضوع الجميل جدا :)

tarek momen يقول...

ممكن اعلق علي تعليق اسراء السقا
الخيانة كاي فعل لها وجهين او تفسيرين تفسير من قام بها و تفسير من وقع عليه فعلها
طيب من قام بالخيانة ممكن يعطي لنفسه الحق في هذا الفعل و لايقر بانه خيانة

او يسوق مبررات مع احساسه ان فعله خيانة
او يقر بان ما قام به خيانة
اما من وقع عليه الفعل فرؤيته انه تمت خيانته و لا مجال للتسامح
مش عارف كلامي مفهوم و لا ملخبط

Eno يقول...

ليكي تاج عندي ياشموسه ياريت تجوبيه :)

غير معرف يقول...

بووووست جامد

الخيانة بشعة بكل انواعها

واغنية الست ام كلثووم تجنن

تحياتي يالغلا

aidy يقول...

موضوع الخيانة صعب اوووووى

لأنه من اكتر الحاجات اللى بتجرح جرح مبيداواش

ساعات بحس ان الكذب اول طريق الخيانة

جايز لأنه بيمهد الطريق ليها

لأنك لما بتخبى حاجة على شخص لازم يعرفها وتكدب بتخون ثقته فيك

بس عامة الخيانة بكل انواعها من الاشياء اللى بحس انها غلطات لا تغتفر

لأنها من اقسى المشاعر بجد

شمس النهار يقول...

ذو الوجه المبتسم
اهلا بيك
السؤال الاول جاوبته في البوست وذكرت بعض اشكال الخيانه مش كله
ولو ان كل فعل غير صادق انا بأعتبره
خيانه

اماالسؤال التاني
اكيد طبعا الانسان الخاين بيحاول يجد لنفسه اسباب ومبررات لخيانته
ومن وجهة نظره المريضه انه صح!!

اما موضوع التسامح ده بيتوقف علي شخصية من وقع عليه الخيانه نفسه

وياريت قرا ردي علي تعليق مستر بريزيدنت:)

شكرا علي كلامك ومجاملتك

شمس النهار يقول...

*دكتور ياسرعمر عبد الفتاح

اهلا بيك والحمد لله ان الامتحانات ماشيه تمام
ان شاء الله تخلص علي خير وتنجح بتفوق

وبشكرك انك رغم الحرب الامتحانيه بتقدر تيجي وتزور المدونه

شمس النهار يقول...

*من غير عنوان
شكرا علي تعليقك علي صورة شمس النهار المهداه من ابني كيمو
وشهادة حضرتك طبعا يعتز بها

الحقيقه هو فعلا موهوب ماشاء الله
بس محتاج يركز شويه ويهدا

شمس النهار يقول...

*اينو
اهلا بيكي
طبعا الانسان اللي وقع عليه الفعل بيفقد الثقه والشعور بالامان من كل اللي حواليه
شكرا علي مجاملتك

شمس النهار يقول...

*فوكس لوجيي
عندك حق اللي بيقع عليه الفعل
بيفقد ثقته في نفسه عشان هو فقد الثقه في الاخرين فعلا
شكرا ليك علي الاضافه

شمس النهار يقول...

*طارق مؤمن
اهلا بيك ياحاج
التعليق لطيف وانا فهمته
مش عارفه انت فهمته:)
منورني ومنور المدونه دايما ياحاج

شمس النهار يقول...

*اينو
شكرا ياجميله
من عينيه
هجاوب وكمان عندي تاج من تامر
يعني عندي واجب كتير الحقيقه

شمس النهار يقول...

*نواره
اهلا بيكي ازيك
جميل ان البوست عجبك
هي الخيانه محتاجه مليون بوست بس ادينا لخصنا الموضوع:)

شمس النهار يقول...

*ايدي
ازيك اخبار الامتحانات ايه
وكلامك كله صح
الخيانه من اقسي المشاعر السلبيه جدا اللي الانسان ممكن يحس بيها ويقدر ينجوا منها من غير عاهه

صوت من مصر يقول...

على اساس انى هسكت
من غير عنوان طبعا اشكرك لكن مش لاقى رد وبجد شكرا
ويا ماما هو انا مجنون
انا عاوزك تسالى كياره عن رايها فى الى انا عملته
وهى ترد عنى
ادعيلى وشكرا على ثقتك فيا دايما

نكهة مغربية يقول...

شموستي الحبيبة خشي لمدونتي عندي ليكي
blog award
بقالك مدة مزرتنيش لعل المانع خير

prince4ever يقول...

صباح الفل يا استاذه شمس...حاجه شمس بقى يا جدع..
اولا ازاي حضرتك...وحشاني و وحشاني مدونتك بس هي الظروف...
تحليل ممتاز للخيانه...أسوأ حاجه ممكن الوحد يقابلها في حياته بجد...حتى خيانة الفكر اللي حضرتك شحرتيها...الانسان بيحس بيه حتى لو الخاين نفسه مصرحش بيه..اصله يعني ايه واحد ولا واحده يكون مرتبط بحد و يفكر في حد تاني...اسمه ايه ده...و النبي دي قلة ادب... و حاجه في منتهى السوء فعلا
مفيش كلام بعد كلامك يا استاذتنا...انتي قلتي كل حاجه تقريبا

تحياتي و اقبلي اعذراي عشان الامتحانات مبتخلصش والله
سلااااام

شمس النهار يقول...

*صوت من مصر
لاياسيدي ماتسكتش
هتقول ايه الصوره مش حلوه

وحاضر هسأل بناتي الحلوين

ان شاء الله انا عارفه ان ثقتي في محلها

شمس النهار يقول...

*نكهة مغربيه
اهلا بيكي نورتيني
وشكرا علي سؤالك عليا
الحقيقه كان عندي ظروف الحمد لله عليها
وكنت يادوب بدخل عندي ارد علي حبيبي اللي بيزوروني
لكن انت مدونتك من احب المدونات عندي
وشكرا علي دعوتك الكريمه وانا رايحه عندك جري اهو

شمس النهار يقول...

*برنس فور افر
لمافتحت المدونه لاقيت في نور كده قلت خير
وبعدين لاقيت تعليقك بجد ليك واحشه جامده في البلوجر
اهلا اهلا بيكي
ازيك انت فين ده كله
ويارب الامتحانات تكون عدت علي خير يارب
وبرضه الباقي خير
وترجع ناجح ومتفوق كمان
وشكرا علي كلامك ومجاملتك اللطيفه

هبه يقول...

كلامك مظبوط يا ماما شمس.....الخيانه وحشه قوى بالذات لما بتيجى من الحبيب......
متشكره يا ماما لتعليقك الاول فى مدونتى و بدعوكى دائما لزيارتى.....
هبه

شمس النهار يقول...

*هبه
اهلا بيكي في اول زياره للمدونه
ومبروك المدونه الجديده بجد بدايه قويه
وكلام كل مشاعر
ربنا معاكي

tamer.sala7 يقول...

بس اللي بيحب بجد مش بيخون

واللي يدي فرصة لحبيبه انه يخونه ميزعلش


لأن هو اللي بيكون غلطان علشان اداله الفرصة

مصطفى ريان يقول...

العزيزة شمس
اتمنى ان يكون كلامك صحيحا
وان كنت اشك
لكل كل التحية وعذرا لوكان رأيي ازعجك

شمس النهار يقول...

*تامر صلاح
اهلا اهلا
الخاين عمره مابيستني حد يديله فرصه يخون
ممكن الانسان يكون مفتح وعامل اللي عليه واكتر
وبعد كده برضه يتخان

شمس النهار يقول...

*مصطفي ريان
انا مااتصدمتش خالص
انا سمعت الكلام ده كتير من شباب غيرك
واتناقشنا كتير
انتم ظروفكم صعبه طلعتم في ظروف غريبه
مابين انهيار انجازات الثوره اللي خلت المواطن يتكل عليها ومايحاولش يبدع والا ينجز
ومابين الانفتاح اللي ظاهره الرحمه وباطنه الوكسه
ورجال الاعمال اللي طلعوا لنا في البخت اللي تجبروا وخاللوا لكل حاجه تمن يتشري بيه حتي الاخلاق
فا لا انا مستغربه والا زعلانه
بالعكس انا قلبي معاكم وياريت اقدر اعمل لكم حاجه
ربنا معاكم
اخبار حفل التوقيع علي الكتاب ايه:)

aidy يقول...

انا الحمد لله

خلصت امتحانات بسلام

ومنتظرة النتيجة بقي

إدعيلى بجد ..

شمس النهار يقول...

ايدي
الحمد له
وان شاء الله بالنجاح والتوفيق

لاسع افندى يقول...

الكلام جميل بس صعب نلاقى حد كده فى الزمن ده لو ملتزم فى حاجه تلاقيه خاين فى حاجه تانيه والاغلبيه بتخون فى العمل وبتتكاسل


تحياتى

عمرو جويلى يقول...

الخيانه
كلمه بشعه أياً كان درجاتها وأنواعها
واحساسها اكتر بشاعه منها. وقانا الله شر الخائنين بكل أنواعها
وعذراً على التأخير
دمت بكل الخير

صوت من مصر يقول...

اولا انا بقولك اسالى كياره عن المرج حلوان لانها قرات الجزء الاول منها وانا كتبت الجزء التانى
ومش زعلان على الصوره لكن لا اتجمل دائما

Unknown يقول...

الخيانة شيء مخيف
نخاف منه
ونخاف من أنفسنا منه
الخيانة بدات منذ بء الخليقة وستستمر حتى يفني الخالق الخليق
الخيانة أكبر جريمة ارتكبها الانسان في احق أخيه الانسان

تحياتي على ذلك البوست الرائع

ويقى التواصل

Kiara يقول...

فكرت كتير ارد اقول ايه ياشموسه بس بجد انتي قلتي كلام كتير وقلتي كل الانواع مبقاش عندي غير اني اتاب ع التعليقات

الخيانه بكل مسمياتها مره اوي وصعب اي بشر يتحملها لانها ساعات بتوصل للموت حتي لو كان الانسان عايش

Kiara يقول...

كيمو بعتلي الجزء الاول من القصه وبجد تحففففففففففففففففففففففه ياشموسه

(حلـم) يقول...

ياسيدتي هذة قيمة قذرة ولاتحتاج الي هذا الجهد ولاتحتاج الي راي..ولاتحتاج ان نختلف علي قبحتها ووقحتها..انتي اخت عزيزة وانا احد معجبي افكارك..اريد ان تغوصي في العمق وتاتي في البوست القادم بمشاعر وفكار نادرة حية مليانة موسيقا سيان اتراح ام افراح والاخيرة احسن ياوردة المدونات وشمسنا ابدا..اخوك..حلم..

شمس النهار يقول...

*لاسع افندي
عندك حق
بس لو الانسان كسل في عمله يوم واشتغل يوم مش هنعتبرها خيانه ممكن تكون حاله مؤقته او تعبان نفسيا
بس لو علي طول او طبع هيكون كده خاين رسمي:)
وعايزه اقول مافيش حد كامل

Kiara يقول...

شموسه ازييييييييييييييييييييييييييك

شمس النهار يقول...

*اللؤلؤه
ربنا يستجيب لدعائك

الحقيقه الموضوع عايز اكتر من بوست عشان في حالات كتير من الخيانه والغش داخلين في بعض مع الكذب
وبيدخلوا في صميم التعامل بين الناس
وكان عندي امل ان المناقشه تلقي علي بعضها الضوء

شكرا لك

شمس النهار يقول...

*صوت من مصر
طيب كويس كيارا هتقدر تقول لك رأي كويس بس ياريت كمان تبعتها لعمرو بدر عشان يقول لك علي اللغويات فيها وانت عارف انه كمان كاتب قدير ومتمكن

ربنا معاك

شمس النهار يقول...

*معتز شاهين...باحث تربوي
اهلا بحضرتك
شكرا علي الزياره والتواصل

شمس النهار يقول...

*كيااارا
يعني انت يافيلسوفه ماعندكيش كلام
اشك:)

كويس ان قصة كيمو عجباكي
انا بثق في حكمك
وهو ماشاء الله عليه موهوب
انت عامله ايه وايه الاخبار

شمس النهار يقول...

*حلم
اهلا بيك
مهما كان القيمه اللي هنتكلم عليها بشعه او لا لابد من ان نلقي عليها الضوء

في النهايه اي قيمه او مشاعر سلبيه في الحياه موجوده وتجاهلها مش هيمنع تواجدها
بالعكس يجب ان نلقي عليها الضوء ونناقشها علي الاقل من باب الفضفضه
وشكرا علي المجامله اللطيفه

Kiara يقول...

يمكن ياشموسه الكلام هيوجع وعشان كدا بقول مش في كلام

شمس النهار يقول...

*كيااارا
حتي الكلام اللي بيوجع لما بيطلع خلاص بيريح صاحبه لما بيطلع

Kiara يقول...

انا اجااااااازه ياشموستى

مامة مازن يقول...

السلام عليكم اختى شمس النهار كيف حالك
حقيقة خدتى الخيانة بمفهومها الواسع الكبير لان الناس فاكراه بس خيانة الحبيب واللا انه يبقى جاسوس لبلد تانى عدو لبلده لكن وضحتى الكلمة دى وبينتى قد ايه انها كلمة قبيحة وموجعة
شكرا ليكى وتقبلى احترامى

شمس النهار يقول...

*ماما مازن
وعليكم السلام
اهلا بيكي
الحمد لله ماشي الحال

بشكرك علي تعليقك الجميل
وبشكرك علي الكلام اللي قلتيه في تعليقك عند حاسوباتيه
نورتيني

حنعيش يعنى حنعيش يقول...

كلمة الخيانة فى حد ذاتة صعبة قوى اى ماكانت صورها ملهاش عزر ومينفعش فيها سماح

همسة ايمان يقول...

الخيانة بجد من اصعب مايكون

والذنب الوحيد الى صعب انى اغفرله لحد

لانه بجد بيبقى حاجة تجرح اووووى واننا

نداويها دة بيحتاج وقت طووويل لحد مانقدر لو قدرنا

جميل اووووووى البوست بتاعك وعبرتى عنه باسلوب جميل جدا......تقبـ مرورى ـلى

الجواز و سنينه يقول...

عجبنى اوى تفصيلك لانواع الخيانه و كلامك عنها
يمكن احنا لما بنتكلم عن الخيانه اللى بييجى فى الزهن هيه الخيانه الزوجيه رغم ان فيه انواع تانيه للخيانه
الخيانه فى كل صورها صعبه
و ربنا يكون فى عون اى حد بيتعرض للخيانه لانها دايما بتحصل من اقرب الناس لانك مش بتستنى الوفاء من الغرب
و صعب اوى تحطى ثقتك فى حد و يخونك
موضوع هااااايل تحياتى

♥نبع الغرام♥♪≈ يقول...

السلام عليكم


اختى الحبيبة شمس النهار

جميل ققوى ما كتبتى عن الخيانه

وبجد دى اصعب حاجه فى الدنيا

وياما شفتها وتذوقتها ولحد الوقتى بعانى منها

دمتى بكل ود
ايناس

شمس النهار يقول...

*هنعيش يعني هنعيش

مافيش حاجه علي الاطلاق في بعض الخيانات ممكن فيها التسامح صحيح بتترك اثر وغصه في الحلق لكن بنقدر نسامح
وده علي فكره بيتوقف علي الشخصيه كمان هتقدر تسامح والا لا
ارجوا ان تقراء تعليقي علي مستر بريزيدنت

mimi يقول...

شموسة ... اسفة جدا علي التأخير عليكي بس سامحيني عندي شوية حاجات كده هتعرفيها بكرة ان شاء الله

المهم البوست ده حلو اوي وعجبني فيه تصنيفات الخيانة ... اصل ناس كتير فاهمة ان الخيانة بس حاجة واحدة وهيا خيانة الحبيب فقط ..

تسلم ايديكي

دمتي بكل ود

شمس النهار يقول...

*همسة ايمان
اهلا بيكي في اول زياره للمدونه

الحقيقه ان جرح الخيانه بيكون علي قد الفعل نفسه
ومعاكي ان جرحها صعب جدا

شكرا علي مجاملتك اللطيفه

شمس النهار يقول...

*الجواز وسنينه

اصعب خيانه طبعا من القريبين وخصوصا الاحباب والاهل

عشان المفروض دول اهل ثقه مش خيانه

واللي بيجرب الخيانه بيبقا صعب جدا انه يثق في حد تاني
بيكون جرح كبير وخطير

شكرا علي كلامك

شمس النهار يقول...

*عاشقة الاحزان

اللي يدوق الخيانه مره بيفتكر ان كل الناس بتخون
خاللي بالك اني تقعي في انك تشكي في كل اللي حواليكي

شمس النهار يقول...

*ميميييييييييي
ازيك عامله ايه يارب تكون اخبار حلوه

الخيانه موضوع كبير محتاج اكتر من بوست بس انا قلت افتح باب المناقشه نشترك كلنا

dina يقول...

انا معاكى فى كل كلمة و دايما بقول ان الخيانة دى انواع ودرجات و الناس للاسف بتبص ليها من منظور ضيق اوى و بتشوفها بس محصورة فى ان واحد يخون واحدة او العكس...حتى فى علاقات الارتباط الخيانة معناها زى ما قلتى بيبدأ بالتفكير و بالنظرة و بكل حاجة....معاكى حق

شمس النهار يقول...

*دينا

ازيك
مش باينه ليه
ايوه احنا سطحنا كل حاجه حتي الخيانه
الخيانه مفهومها واسع جدا
وزي النار بتبداء من مستصغر الشرر
ماتغبيش كتير كده