الجمعة، 17 ديسمبر 2010

فوازير؟؟؟



من وقت للتاني بحب اتمشي في ذكريات المدونه

اقرا البوستات القديمة

وبعض التعليقات

لاقيت البوست ده كان من وجهة نظري لطيف

حبيت انشره تاني

وخصوصا ان مدونين جدد اشتركوا في بلوجر

ياريت كل مدون ومدونة يكتب في التعليق ليه اختار الاسم ده لمدونته


هتلاقوا كمان مدونين معلقين فيه هجروا مدونتهم


فرصه نفتكرهم ونزور مدونتهم

وبهديهم الورد اللي فوق ده
:))

هناك 115 تعليقًا:

Dr Ibrahim يقول...

طيب انا رديت فى الموضوع الاولانى

سواح في ملك اللــــــــــــــــــه- يقول...

السلام عليكم
انا لسة قايل السبب في الامتحان
بس عشان خاطرك هقول تاني
لاني بحب التامل في ملكوت الله
وبحس ان دي طبيعتي
وبعدين اجمل حاجة انك متحسيش انك في ملك حد
ملك الله بس
تحتي ليكي

جايدا العزيزي يقول...

دخلت البوست وعجبنى جدا ياست الكل

واقولك ليه اخترت اسم جايدا العزيزي

اولا لان اسمى عايده وماكنش ينفع اسجل بيه لاعتراض الزوج والاسرة على ذلك

وبصراحه اسم جايدا كان جديد وشدنى وكمان على وزن اسمى

اما العزيزي ده لان امانى اختى عرضت عليا اللقب ده لانها بتعتز باسم العزيزى

وانا فكرت ووافقت

اما الصور بجددها باستمرار

ونبض الحرف لانها بتضم نبض حرف الشعراء العظماء

وصور ومعانى كنت فتحاها للصور ذات معنى ولكنى قررت ان يكون المحتوى كامل دينى فقط

وفيديو اغانى دى عملاها ليا اضع الاغانى التى تروقنى

انت بقى قولى ليه اخترتى الاسم ده

تحياتى

غير معرف يقول...

في ناس قديمه اوييييييي وفعلا هجرت التدوين

فعلا بوست جميل اوي

انا اسمي التدويني فتاه من الصعيد لاني قبل ما افتح مدونتي كنت بعلق بالاسم ده على موضوعات بتتناول الصعيد فكنت بحب اوضح وجهه نظري كواحده منهم ..

وحبيت الناس اللي عرفتني في التعليقات تعرف اني فتحت مدونه ..

اسم مدونتي طبعا جاي من اسم قصيده شهيره للخال عبد الرحمن الابنودي .... وكانت مكتوبه لفلسطين وقت ما فتحت المدونه ..

كمان فعلا انا لسه مش لقيت لحياتي عموما عنوان واضح :)

تحياتي

أنا - الريس يقول...

والله هتفضلي كلك ذوق يا شموستنا ..حاضر جاري المرور علي التدوينة .. وجمعتك شهد ان شاء الله

لــــ زهــــــراء ــــولا يقول...

شمس الشموووووس يا شمووووسه

**********************
بصى يا قمر بما انى رغايه شويه كتيييييييير اتكلم باستفاضه
اسم المدونه بتاعتى انا ولولا بالحب اتجمعنا سبب التسميه ان ده كان برنامج من اعدادى وكان هيتم تقديمه على احدى المحطات الفضائيه وحصل مشكله والموضوع فركش قولت والله لاخلى اسم المدونه كده وكمان لانى انا ولولا الحب هو اللى جمعنا ربنا يجعلنا متجمعين على طول

الحساب بتاعنا باسمائنا اقولك كمان سبب الاسماء دى
زهراء لان اسمى الحقيقى فاطمه الزهراء وباحبه على بعض قولت اخد منه جزء
لولا اقولك الحكايه لانها كانت مشتركه فى احد المنتديات الاسلاميه باسم لولا رحمتك ربى وانا كنت باقولها فى المنتدى لولا عشان كده ده اسم الشهر بتاعها او النيك نيم

كمان تحسى ان لولا وزهراء حاجه كده شبه بعض لاقيين على بعض
هو ده سبب التسميه ياترى فى اى اسئله تانيه

اقولك على سر باحس انك حد شبه الشمس هى بعيده اوى لكن نورها بيعمل مفعول السحر

يراب يجعل حياتك كلها نور ومنوره يا احلى شمس


زهراء

لــــ زهــــــراء ــــولا يقول...

نسيت اقول لك على الصور احنا عادة بنتختار صور قلبين عشان تعبر عننا وكل فتره ممكن نغير الصوره برضه بصورة قلبين


زهراء

غير معرف يقول...

القصة اللي ذكرتها في اول المدونة بتاعتي اني لاقيت شاب كنت اعرفه بيشحت , أوحتلي اني اكتب قصة شحات و اكون انا بطل القصة و بالفعل من اول يوم شدت القراء و ظنوا اني شحات حقيقي و لما انتهت القصة , كتبت قصص اخرى لكن الأصدقاء ظلوا يسموني شحات و انا اعتزيت و حبيت جدا الأسم ده لأنه كان سبب معرفتي بالمدونين و بمدوناتهم الجميلة
فإستمر الأسم معي يوميات شحات

SHAPE YOUR LIFE (ABOALI) يقول...

يااااااااه
فكريتنى بايام جميلة كانت الاجمل
كنت لسه مبتدأ فى التدوين وكنت اقرء لناس كثيرون
ونتخانق على اول تعليق ويحصل اثراء للحوار والفكر ببساطة وشياكة من غير تتطفل
العملة الردئيه كان ليها مكانها المحسوس
والعملات الجيدة تناضل

ولازالت فعلا تلك العقول تناضل
فاءن تاهت فى وسط الزحام
فاءنها تجاهد وتبنى فى اماكن اخرى
واتعشم ان تكون ناجحة ترفع غيرها وتشد عزمه

لازال التدوين طاقة تخرج وتزيل التراب عن نوافذ فى حياتنا
على الاقل عرفنا قيمة اللغة العربية ورونقها وهذا اقل شيىء تمت الاستفادة منه


سيدتى لك كل التقدير المستمر الدائم
ووهبك الله الاستمرار فى امداد البسمة لك ولغيرك

تقديرى

جلال كمال الجربانى يقول...

أسم مدونتى يلا نحب KZ
وKZ أختصار لأسم شركتى التى أعمل بها ودايب دوب فى حبها ( حيقولوا مجنون مش مهم )وبتمنى تكون أحسن من كده وهى فعلاً ممكن تكون أحسن من كده
وكنت أتمنى أن أصنع بمدونتى حركه ثقافيه عماليه داخليه يعنى مثلاً زميلى فلان يرسل لنا معلومه ثقافيه وأخر يجيب لنا خبر علمى أو زميل يقول فكره ونتناقش فيه أو أخر يعرض علينا أقتراح وأيضاً مشاركه زميل أفراحه ونشارك أخر أحزانه
كنت متخيلها كده أو كنت بأتمناها كده
لكن إللى حصل انى وجدت نفسى بعبر عن نفسى وأحلامى ورؤاى
لأنى أكتشفت ان زملائى خايفين يشاركوا معى أو حتى يعلقوا رغم علمى باعجابهم ببعض ما أكتب وبعض تدويناتى صورت ووزعت بالشركه ووصلنى صور ما أكتب
خايفين طبعاً من الأداره
وأمام عدم مشاركه زملائى لى وخوفهم الشديد من المشاركه فكرت بتغيير عنوان مدونتى إلى واحد من العمال لكن مهانش عليا أفرط فى عنوان مدونتى الغالى والعزيز على قلبى KZ
وجعت دماغك ياحاجه صح
أما الصوره فبتعبر عنى وعن أصلى وفصلى

واحد من العمال وبس خلاص

elsha3er يقول...

السلام عليكم
على أد ما البوست دة جميل على أد ما زعلنى فى أخواتى اللى كنت معاهم 6 سنين فين الناس اللى اتعودت عليها وحبتها فى محاسن فين برنسيس فين أكون او لا أكون فين د\عمر فاروق وغيرهم وغيرهم انا كرهت التدوين عشان الناس دى انا حبيتهم بجد لكن مشوا كدة من غير ما يكون لينا حق عليهم ولا حتى نتطمن على بعض بجد مش عارف أعبر عن زعلى

م/ الحسيني لزومي يقول...

انا هاخش علي الموضوع علي طول
"مواطنون ضد الشعب"
اسم مدونتي حيث ان الخط الفكري للمدونه يسير في اتجاه ان كل معناه يعيشها الشعب هو في الاساس المساهم الأكبر في صناعتها فهو شعب اغلبه يحلق ارضا بجناحين احدهما السلبيه القاتله والأخر اليأس الغير مكلف ومع ذلك المدونه لا تدعو الي اليأس ولا جلد الذات ولكن تدعو الي تغيير الواقع المر الذي نعيشه من خلال القاء الضوء علي الصوره التي يتفاعل بها الشعب مع المشاكل

Kiara يقول...

تعرفي ياماما اني من مده فتحت البوست دا وقريت تعليقاته كمان

سبحان الله بجد الاقيكي بعدها نشراه كمان :)

Haytham Alsayes يقول...

حلو الفزورة دي

اسم بقي مدونتي مش عارف في ناس قالت انه مش كويس عموما انا سميتها الفردوس الضائع عشان الاندلس اصلي دة تخصصي في الماجستير وبحبه جدا
بس بصراحة لما فكرت بقي لقيت ان كل اللي بكتبه يدخل في الفردوس الضائع برده لان كل حياتنا للاسف بقت فردوس ضائع
ماعلينا

المدونة التانية بقي اسمها مكلكع ايقاظ العيون في تاريخ بني صهيون بصراحة لانه مشروع كتاب فكرته عندى من ساعة ما مات عبد الوهاب المسيرى اصله بلدياتي من دمنهور وبصراحة انا بحب ابحث في موضوع اسرائيل دة وان شاء الله في المستقبل ممكن تلاقي كتاب كبير بنفس الاسم كله علي الله


بس خلاص

اما بقي عن صورة اللي جنب اسمي
تدل علي التفائول وشروق الشمس وكدة بس بصراحة شكلي هاغيرها

اما بقي عن اسمي
فدة اسمي الحقيقي مش تزييف او تحوير

فاضل ايه تاني
امممممم
اه انتي ليه بقي شمس النهار اوعي تقوليلي عشان اغنية وسط البلد
علي فكرة بحب الاغنية دى جداااااا



تحياتي

اسماء عبدالعزيز يقول...

الله عليكِ ياقمر بجد فكرة رائعة جدا جدا

سلمت يداكِ

باللنسبالي .. اخترت اسم المدونة

امنحينـي عـُـــذراً

لان دا اسم روايتي الرومانسيه اللى كتبتها منذ اكتر من عام .. وكنت اسميها في مرحلة العمل .. يعنى قبل ماتنتهى
السحرُ بعينيكـــِ

ووجدت بعد الانتهاء .. امنحيني عذرا احلى
وبعد مامضيت عقدها للنشر مع مؤسسة صوت القلم العربي تراجعت وقدمت أنثى بقلب رجل بدلا منها
وقررت ان تكون هذه هديتي اليكم ..لذلك اريد ان يقرأها الجميع ويذكر عيوبها قبل مميزاتها ..

ومن خلالها تتعرفون على اكثر .. واتعرف عليكم ..وتكون المدونه قائمة بذاتها.. لا ادرج بها اى مواضيع غير الروايه وحلقاتها
...

واتمنى ان تنال اعجابكم
دمت بكل الحب والود

أندروميدا يقول...

السلام عليكم

باختصار

اندروميدا ...هي بطلة لاسطورة اغريقية قديمة ... كما انها ايضا اقرب مجرة فضائية من ارضنا العامرة ... اي انها المستحيل ذاته ...واقعا وحلم ... هي امتزاج بين الماضي الحالم والمستقبل المجهول ....وانا شخصيا شغوف بما حدث في الماضي ...وما يمكن ان يحدث في المستقبل ... لذلك كان الاسم معبرا تماما عما اشعر به .


اخيرا ... اعتذر عن تقصيري في المتابعة ...وسعيد جدا بتواجدي في مدونتك الرائعة .

دمتم بكل ود

كلمات من نور يقول...

ازيك يا شموسة؟

أنا بحب قوي سورة النور وبحب جدا ( نور على نور ) ومن أجل هذا كانت أسماء مدوناتي من نور

ربي يعظم لنا نورا

Maha Shahen يقول...

فكراه انا كمان البوست دا كان من احب واجمل الحاجات اللي قريتها ليكى
وفاكره انى استمتعت جدا بقراية اسم كل شخصيه ووصفه ليها
ومنهم الناس اللي اكتشفت اخيرا انه اسم وجه كدا وخلاص هههههههه
ربنا يسعدك يا شموسه وانا جاوبت فالقديم واكيد هتابع كل جديد

صبح يقول...

سبحان الله لسة بفرج صحبتي على المدونة قالتلي ليه الاسم ده هو معناه ايه
قلتلها والله ماعرف

انا كنت حفتح مدونة تجارب و قلت احط اسم ايه اسم ايه

طلع ده ميستوكوفي

مش عارفه ان كانت كلمة سمعتها و بقيت في اللاوعي و كلعت دلوقتي

او اني اخترعتها في اللحظة

المهم هو اسم ظريف

و مع الوقت حبيتو

و اما جيت اعمل مدونة بجد

سيبتو

و عملتو هو عنوان المدونة و اسمها

بس ايه رايكم فيه حلو موش كده

ههه هههههههه

عاشقة القمر يقول...

ازيك ياشمس وحشتني جدا اسفه لانقطاع\
عن تدوين
دخلت سلم عليكي
انا محتاج تدعي لي ياريت تدعي

غير معرف يقول...

اخترت العنوان دا

لأن شعب عملاق مستعد تماما للأنطلاق يحكمه أقزام يكبلوه ويمنعونه من هذه الأنطلاقه التي تحمل في طياتها فنائهم

ليس فقيرا من يحب يقول...

وحشتييييييييييينى يا شموسه

اخبارك ايه ياروح قلبى

يارب تكونى بالف خير وسعاده

انا سميت المدونه ليس فقيرا من يحب

الجمله دى انا قريتها فى كتاب لعبد الوهاب مطاوع

وعلقت فى ذهنى ولانى متأكده ان اللى بيقدر يساعد الناس ويحبهم ويديهم من وقته وجهده ده اغنى الناس سميتها كده

romansy يقول...

الله عليكى يا شموسه انا صحيح مردتش فى الموضوع الاولانى بس هرد عليكى دلوقتى
سميت مدونتى لهذا الاسم نظرا لانى من زمن بعيد كنت احلم ان اعيش مثلما عاش الاخرون مثل الشاطر حسن وبدر البدور والامير قمر الدين والاميره بدور كنت احلم بالانسانه التى تمتلك خيالى وسوف ابحث عنها

مذكرات موززه عانس يقول...

طبعا يا شموسه مش محتاجه اقولك ليه اخترت الصوره دى اكيد معبره جدا عن محتوى المدونه ولكن الاسم اخترته عشان بيوحى بالدلع والانوثه وانا بحب الاتنين

مـجـنـووون يقول...

شكرا علي زيارتك مدونتي
الي تقريباً مفيش حد بيدخلها دلوقتي

حتي أنا بعيد عنها

المهم
بالنسبة لأختيار الاسم له معاني كتيره
1- لان الي بيقول الحق في الزمن ده بيتقال عليه مجنون

2- للي يحب بأخلاص وبيخاف علي إلي بيحبه بيقولوا عليه مجنون

3- لأن الي بيخاف علي مشاعر أصحابه وبيخاف عليهم بيقولوا عليه مجنون


علشان كده أنا مجنون وهفضل مجنون علي طول

تقبلي مروري
مجنووون

Unknown يقول...

أول مرة (: (:
على المدونة طبعا!!!!
وإن شاء الله مش الأخيرة
دمت بخير
وبصحة وعافية

-_- يقول...

ازيك يا شمس ؟

بحب شرم الشيخ جدا كمدينة سياحية هي من افضل المدن السياحية في العالم فعلا و لاني حبيت الحياة فيها فسميت مدونتي
حياة شرم او شارم لايف
اما الصورة فهي صورتي اللي بتعبر عن انتمائي لهذا البلد العظيم خصوصا اني متعصب جدا لاي شئ مصري !

صيدلانيه طالعه نازله يقول...

بوست جميل اوى يا شموسه
فكرنى بناس مشيت و اكتفت بما قدمت و شفت فيه ناس اتعرفت عليهم بعد كده و بقوا من اعز اصدقائى
انا بقى اخترت اسم مدونتى كده عشان انا عندى صيدليه فى نفس العماره اللى ساكنه فيها
و بالتالى مش واخده راحتى ابدا
حتى لو الصيدليه مقفوله تلاقى ناس ترن عليكى جرس البيت فى حاجات حرجه و بضطر انى انزل لهم
و بالتالى بطلع و انزل كتير طول اليوم و بالتالى حسيت ان الاسم ده بيوضح حالى اللى انا فيه دايماااااا
انتى كمان شجعتينى انى انشر بوستاتى القديمه
ساعات بفضل اتفرج عليها و اضحك
ناويه فعلا اعمل كده قريب

تحياتى لشخص حضرتك الكريم

mostafa rayan يقول...

ازيك يا شموسة يا جميلة
بصي يا ستي
مافيش فوزورة ولا حاجة انا لما جيت اعمل المدونة كانت بهدف واحد ورئيسي ومحدد ومباشر اني انشر ابداعاتي الادبية من قصة وشعر وخواطر علشان كدة خلتها باسمي الحقيقي مصطفي ريان علشان كنت عايز الناس تعرفني باسمي وتعرف ابدعاتي بشكل واقعي عليا لاني من قبلها كنت عارف ان خطوة النشر الورقي باذن الله جاية والمدونة خطوة تمهيدية ليها فماكانش ينفع اختار اسم مستعار
اما ليه شاب ثائر لان الكتابة نوع من الثورة الثورة على كل حاجة مش عاجباكي .. نزار قباني الجميل الله يرحمه ويدخله فسيح جناته واعلاها كان يقولك كل كتابة لا تحدث ثورة ليست بكتابة وانا كمان بطبعي متمرد علشان كدة اخترت (ابداعات شاب ثائر) علشان تكون مناسبة مع سبب انشائها ونوع الادب اللي بكتبه وكمان شخصيتي
وكان طبيعي بعد ما انزل الكتاب ويحصل بيني وبين المدونين لقاءات فعليه اني احط صورتي الحقيقية رغم اني قبلها بردو ماكنتش حاطط اي صور
ادي يا ستي حل فزورتي اللي انا اصلا مش شايف انها فزورة
كل سنة وانتي طيبة وبخير ويارب سنة هجرية وميلادية سعيدة عليكي وعلى كل احبابك

غير معرف يقول...

ثقافة الهزيمة .. مصر بعيون ألمانية
فى كتاب داخل مصر أرض الفراعنة على شفا الثورة "Inside Egypt": الذى صدر عام 2008 يقول كاتبه الصحفي الأنجليزي جون برادلي أن الحكومة المصرية، تحرص كل الحرص علي حماية السمعة الجيدة لمصر والمصريين مشيرا إلي أنها غضبت بشدة حينما طرحت مؤسسة غير معروفة سبع عجائب في الدنيا للتصويت ليس منها أهرامات الجيزة، مستدركاً أن هذا الأثر الخالد بلا شك يستحق تصدر عجائب الدنيا لكن يمكن أن يكون هذا مقبولاً، لو أن وزارة الثقافة التي قادت الحملة أو النظام المصري بشكل عام يحافظ علي السمعة التي طالما تمتعت بها مصر كأرض للبسمة والضيافة والأثار العظيمة، ولم يحولها إلي وطن للفوضي والأستبداد والقمع والفقر.

وأشار إلي أن النظام المصري يستخدم دائما تهمة تشويه سمعة البلاد ضد أي صحفي أو حقوقي أو أصلاحي يوجه أنتقادا للأسرة الحاكمة أو لمؤسسات النظام، مشيراً إلي أن أي زائر للأهرامات الرائعة الأن يكتشف بسهولة أنها تقع تحت سيطرة عدد من المنتفعين وكثيراً ما شكا علماء مصريات وأثار من أن الأهرامات عانت خلال الفترة القصيرة الماضية مع أنتعاش صناعة السياحة أكثر مما عانته خلال أربعة ألاف عام

.. باقى المقال ضمن مقالات ثقافة الهزيمة بالرابط التالى
www.ouregypt.us

جارة القمر يقول...

انا جييييييييييييييت

بصى يا ستى انا كنت زمان بدخل منتديات بالاسم دا واللى اختارته ليا اختى بما انها بتعشق فيروز فقلتلى انتى جارة القمر وقد كان لما فتحت المدونة اخترت نفس الاسم


انتى عاملة ايه بقى ؟ و ايه اخبارك ؟

صوت من مصر يقول...

سمعت الكلام عشان اسلم
مش عشان احل فوازير
مش بعرف احل للاسف

الحياة الطيبة يقول...

السلام عليكم ورحمة الله وبركاته ,أختي شمس النهار التي كلما دخلت مدونتي أضاءتها ...اخترت اسم الحياة الطيبة لأنني أطمح لأن أصل للحياة الطيبة التي يطيب فيها كل شيئ في نظري وإن بدا غير ذلك ...الحياة التي ترتقي فيها نفسي لما فوق السحاب ولا ألتفت فيها لأكدار الحياة الدنيا .....تحياتي .

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين

اما اختيارى لاسم مدونتى رسول الله 1 ... لانى بحب رسول الله ونفسى كل الى يتابعنى يحبة ونسعى كلنا لجذب مسلمين اخرين يعرفوا اكتر عن رسول الله صلى الله علية وسلم..

المدفعجي يقول...

اخترت اسم المدونه لمعالجعه مشاكل المنطقه بتاعتي

الحياة الطيبة يقول...

الجزء الثاني من الإجابة ,اسميت المدونة بالحياة الطيبة لأنه اسم كتابي وإصداري الأول (تنمية بشرية ) يتكلم عن كيفية معالجتنا لتحدياتنا ...تحياتي .

P A S H A يقول...

صبــــاح الورد

:)

- بالنسبة للمدونة "هجايص" .. كنت قاعد أنا وصديق ليا وطقت في دماغي أعمل مدونة وأنا باعملها قلت له هاسميها هجايص عشان أكتب فيها براحتي أي حاجة قصة/شعر/أدب/قلة أدب ههههههههه .. وحتى لما حذفت مدونتي القديمة وفتحت دي فتحتها بنفس الاسم .. بالنسبة للصورة كنت مختار صورة نظارة على كتاب مفتوح وشكل الصورة المنعكسة على صفحة الكتاب كانت قلب وده لإني باعشق القراءة .. وبعد كده غيرت للصورة الحالية .. شدتني من ساعة ما شفتها .. الاسم بقى كنت بادخل الأول باسم Boshkash بس فجأة لقيته انتشر فأخترت باشا لسببين : السبب الثاني إن فيه حرفين من اسمي s&h.

تخاريف مترجــِــمة يقول...

أنا رديت هناك ^ــ^

فشكووول يقول...

السلام عليكم شمس هانم
تحياتى

لانى اليومين دول كسلان ومش باعمل بوستات جديده ولانى كمان يمكن من اكتر من اسبوعين ما فتحتش المدونه لانى تقريبا كرهتها زى ما كرهت كل حاجه وكرهت نفسى ولم لم اكن مصريا لوددت الا اكون مصرياومش عايز اشرب من نيلها ولا اغنى لها ولا اى حاجه خالص لانى لا الشرب من النيل بينفع ولا بيشفع ولا بيأكل عيش ولا الغنى حينفع فى حاجه .. ولا انا عارف اتكلم ولا فيه اى مناسبه للكلام ده .
اصل مش عارف ازاى اشرح فكرة مدونتى عملتها باسم (فشكووول) يعنى اى حاجه متفشكله واصل القصه ابتدت ازاى .. ما علهش استحملى شويه ...
كنت زمان وانا فى الثلاثينات وكنت فى السعوديه وكنت باشترى دايما جريدة الاخبار وكانت بتوصل تانى يوم وكمان كنت كل خميس اشترى جرنان الوفد ايام العصفوره ما كانت عصفوره وكان الاخبار والوفد يشحتها اصحابى فى الشغل ويقروها ويجيبوها لى اخر النهار آخر فشكله ومقطعه وما فيهاش ورقه فى مكانها وصفحة 3 بعد صفحه 10 وهكذا دواليك .. فسميت الجرنان اى جرنان عندى اتفشكل سميته (فشكول).

فشكووول يقول...

بس يا ستى ما خلصش الموضوع على كده وبس
قوم ايه

حوشت قرشين وانا فى السعوديه وقلت الحمد لله كدا كفايه بلاش ادخل فى موال الناس اللى بيقعدوا ويقولوا السنه الجايه اقعد وبعدين تيجى السنه الجايه واللى بعدها وهما برضه بيقولوا السنه الجايه .. قوم ايه
عملت قرشين حلوين وقلت اروح بقى مصر عشان بلدى وحبايبى والمجتمع والناس .. لا لقيت لا بلدى ولا حبايبى ولا المجتمع ولا الناس لقيت ناس تانيه خالص ... هبيشه وبيلعبوا بالتلات ورقات .. قمت بقى رحت عند ابوكى الحاج اشرف السعد وانت عارفه الباقى ... اتفشكلوا القرشانات ولا طلت لا ابيض ولا اسود غير شوية بضائع بايظين وغاليين جدا وما عملتش بيهم حاجه .
قلت ما فيش مشكله انت لسه شباب .. اعمل مشروع اخر وعملت مشروع اخر وفى الاخر اتفشكل المشروع .
قلت ما تيأسش يا ولد انت لسه صغير .. وبقيت ادخل فى مشروع واطلع من مشروع واعمل خطه زمنيه وزى ما بيقولوا بتوع الاداره اهم حاجه فى الدنيا تحدد الهدف وبعد كده تسعى لتحقيق الهدف .. وحددت هدفى وسعيت لتحقيقه وبالرغم من انى كنت بخطط صح قوى .... لا امكانيات البلد ولا قوانين البلد ولا الناس فى البلد يساعدوا اى حد انه يقدر يخطط .. تلاقى تانى يوم يطلع قانون يبوظ لك كل التخطيط بتاعك .. وكانت كل حاجه تتفشكل خالص

فشكووول يقول...

اقوم بقى اعمل ايه ..
ما تيأسش .. وحياتك .. وخطط تانيه وسعى لتنفيذ الخطط ولا فايده . . واخيرا وفىعام 2008 لقيت البنت اسماء بنت اختى صاحبة مدونة مجنونه فى بلد عاقل وقلت لها اعملى لى مدونه وقالت حتسميها ايه .. نط قدامى على طول الجرنال فشكول بتاعى وحياتى ا للى كلها فشكله فى فشكله فقلت لها اعملى اسمها فشكول ..
بس يا ستنا دا اصل الموضوع

Unknown يقول...

أنا جايه متأخر بس ياريت تقري تعليقي لأني نفسي أتعرف عليكي من ساعة ما بدأت أدون
مدونتي اسمها حدوتة مصرية لأني بكتب قصص قصيره أو أشعار هي حواديت صغيره
شيرين اسمي و أتمنى انك تزوري مدونتي الصغيره

5o5a يقول...

فكره حلوه

انا عامله الرابط باسمي والمدونه dreams
عشان انا بحب ديما احط حلم وامشي وراه

تقبلي مروري لاول مره عندك

رحاب صالح يقول...

حلوة بجد الفزورة
شوفي انا الاول احترت اعمل المدونة اسمها اية لاني كنت حابة يكون اسمها مؤثر ويعني ما يكتب فيها
بعدين اخترت اسم حياتي عشان نويت اكتب فيها عن حياتي وعن صداقاتي
ثم كتبت مش حرة فيها لاني اكتشفت برغم ما املك من حرية اني مش حرة برغم انفي وازاي ده هتلاحظية في مدونتي نفسها ....وموضوعاتها
بعدين مش كنت عايزة اكتب اسمي الحقيقي وكنت هكتب اسم مستعار كنت اوقع به مقالاتي الصغيرة في جريدة شهيرة جدا
ثم وجدتني برغم كل شيء اكتب رحاب صالح صحيح مكتبتش اسمي كله لكن الاسم اللي عرفت به بعد ذلك بكل مقالاتي واحببت اسمي جدا من وقتها ....يمكن لاني لقيت نفسي في الكتابة وان الاسم الحقيق هو ما يبقي وكمان عشان الصدق اني كنت بخاف من موضوع الكتاب اللي اسمهم بيتنسي ععشان كتبهم او رواياتهم او لانهم اتخذوا اسماء مستعارة , وانا كنت اريد العكس ومازلت , والحمد لله اعتقد اني قد وفقت بدرجة 50% من هذا
شكرا للبوست الرائع
ودمت بخير

الفقيرة إلى الله أم البنات يقول...

ازيك يا شموسه
معلهش كنت مريضه والبنات كمان والله ما زلنا والحمد لله على فضله ونعمه علينا

طبعا ام البنات علشان عندى 2 من البنات وكان نفسى يبقى عندى اربع بنات وبعدين ربنا رزقنى ببنات كتيير من على النت فاصبحت أم البنات بجد

الصورة بتاعتى عملتها لى صديقتى ام منه صاحبة مدونة نسمة امل وجاهينيات

وحشتينى يا شموسه واسفه على تقصيرى معاك

ذو النون المصري يقول...

انا اول ما فكرت في التدوين كان فيه سؤال شائع بين المدونين عن الجنسيه و الديانه ففكرت في اسم يجعل الكل يعرف جنسيتي و ديانتي بمجرد قراءة اسم المدونه
و لم اجد اروع من ذو النون المصري كما ان صاحب الشخصية له في التصوف قدم راسخه و اعتقد ان نفسي تميل الي هذا الانسان الرائع الذي نعرف عنه القليل رغم اثره القوي في التراث الاسلامي

ذو النون المصري يقول...

الصورة عبارة عن عمود نور اخضر ينزل من السماء بين الصخور في الصحراء فيصيؤها بالنور الفسفوري الاخضر
و اعتقد انه مناسب جدا للاسم

قوس قزح يقول...

اختارت قوس قزح لانى بحب الالوان لدرجة ان ذاكرتى معتمدة عليها فى اغلب الاحيان
يعنى عايزة تفكرنى بحد معين تقوليلى اللى كان لابس ازرق فى ابيض
ده غير انى لما بشوف الوان حلوة باحس ان حالتى النفسية بتتأثر بها
خصوصا الوان الريمبو ..تحسى فيها بهجة غريبة

الصورة اختارتها لسببين
..الشال اللى ملفوف حوالين البنت و الوانه اللى حضنها ..و ان البنوتة دى فيها شبه شوية من بنتى :)

قوس قزح يقول...

ده لينك البوست بتاع مها :)

http://a7santestahel.blogspot.com/2010_12_01_archive.html#5361516073074413489

وداد يقول...

شموسه حبيبتي

ازيك يا قمر

بصي بقى يا ستي

سبب تسميه مدونتي باسم " شوق وحنين "

بما انك لسه شايفة خاطرتي وكانت رومانسية اوي

فانا رومانسية جدا فحبيت يكون اسم مدونتي يظهر فيه الرومانسية دي

وبس

شمس النهار يقول...

* Dr Ibrahim

هنا وهناك في بيتها

المدونة مدونتك يادكتور

انا بعتبر البوست ده واللي هناك

ارشيف للمدونة

شمس النهار يقول...

* سواح في ملك الله

وعليكم السلام

احلي حاجه ان الواحد يبقا في ملك الله
مش في ملك حد

الملك لك لك لك ياصاحب الملك

شمس النهار يقول...

* جايدا العزيزي

مدوناتك كلها جميلة
واسم عايدة جميل

واسم شمس النهار ده انا جاوبته هناك
بس هقولك علشان شمس النهار قوية
وبتنور للكل
ووالدي الله يرحمه كان بيقول لي انتي عامله زي الشمس
:)

شمس النهار يقول...

* فتاه من الصعيد

اه شوفتي قد ايه ناس مشيت

ان شاء الله يكون لحياة عنوان النجاح والسعادة

:))

شمس النهار يقول...

* MR.PRESIDENT

شكرا ياسيادة الريس

ولا اقول بسام ولا اقول ايه بالظبط

الريس احسن
:))

شمس النهار يقول...

* لـــولا وزهـــراء

حبيبتي اتكلمي براحتك المدونة مدونتك

وجميل ان يكون ليكي صديقه تحبيها وتحبك
ده شئ مش سهل اليومين دول
ربنا يخليكم لبعض

واسمك علي بعضه جميل ومتقطع برضوا جميل

وزعلت من موضوع الفركشه بتاعت البرنامج دي
معلش العمر لسه طويل تعملوا فيه اللي انتوا عايزينه

وشكرا علي كلامك الجميل اللطيف
انتي كمان ولولا من الشخصيات اللطيفه جدا جدا
ربنا يسعدك دايما

منورة المدونة يافطومه
:))

شمس النهار يقول...

* يوميات شحات

بصراحة هي كانت قصة قوية جدا

وباقي القصص كمان
بس دي لغرابتها الشديدة كانت متميزة

ان شاء الله دايما متميز ومبدع

شمس النهار يقول...

* SHAPE YOUR LIFE (ABOALI)

انا كمان لما دخلت البوست ده فكرني بناس كتير جدااا
للأسف قفلوا او رحلوا عن مدونتهم

شكرا علي تعليقك ياابو علي

شمس النهار يقول...

* واحد من العمال

لما استغربتش من تعليقك
علشان ده اغلب حال المصريين خايفين يقولوا كلمة الحق
ولو حد قالها بدلهم يخافوا يشتركوا معاه او يقولوا له برافو

:)
وماوجعتش دماغي ولا حاجه
بالعكس تعليقك اضاف للبوست كتير

شمس النهار يقول...

* elsha3er

وعليكم السلام

انا كمان زعلت انهم مشيوا وهجرونا وهجروا العهد الغير مكنوب اللي بينا
اللي هو اخلصنا لمدونتنا
بس عندي امل انهم يرجعوا

مش يمكن لما يلاقونا لسه هنا وموجدين
يرجعوا

:))

شمس النهار يقول...

* م/ الحسيني لزومي

بصراحة اسم مدونتك كنت مستغرباه
بس قلت يمكن يقصد المواطنون
المكوشون علي كل حاجه في البلد
يمكن همه دول اللي فعلا ضد الشعب

شمس النهار يقول...

* كيــــــــــــارا

كوكي

شوفتي الذكريات الجميلة بتزعل وتفرح في نفس الوقت ازاي
الاول تفرحي بيها وبغد كده تزعلي علي انها بقت ذكريات ومااستمرتش

وحشتيني
:))

شمس النهار يقول...

* Haytham Alsayes

الاندلس (الفردوس)الضائع اسم في السليم

علشان بعدها بقا كل شئ بيضيع

ان شاء الله تحقق حلمك وتكتب الكتاب (قول يارب :))العلمي طبعا)

وكمان الزوجي

وهستني هذا الكتاب خصوصا ان اسلوبك جميل في سرد المعلومات التاريخيه

وليه عايز تغير صورة شروق الشمس
حد يغير التفاؤل

لا انا اسمي شمس النهار علشان شمس النهار قويه وبتنور للدنيا
نورت شمس النهار
:))

شمس النهار يقول...

* اسماء عبدالعزيز

اهلا بيكي ياكاتبتناااا الغاليه الموهوبه

القصه جميلة ورائعه
وانت قصاصه ماهرة

نورتيني

شمس النهار يقول...

* اندروميدا

اهلا بيك ومافيش تقصير ولا حاجه

وفعلا هو ده كان تكهني بالنسبه لمدونتك

:)

شمس النهار يقول...

* كلمات من نور

اهلا اهلا بحبايبنا

ربنا يجعل لك في كل خطوة نور

ودايما منوراني

:)

شمس النهار يقول...

* nour shahen

اهلا بيكي يانور انتي ليه بتختفي كتير كده

انا كمان بحب البوست ده اوي

بحس انه بوست جماعي كتبناه كلنا

ماتغبيش تااااني

:))

شمس النهار يقول...

* صبح

اهلا بيكي ياصبح ماهو الصبح مايجيش غير لو طلعت شمس النهار
:)))

ميستكوفي يعني شاي علي قهوة
:)))

وطبعا مدونتك لطيفه
ودمها خفيف بس فين باقي البوستات الجديدة
:)

شمس النهار يقول...

* عاشقة القمر

اهلا بيكي
انتي كمان وحشتيني

انتي غايبه ليه يارب يكون خير

وطبعا ان شاء الله هدعيلك

ربنا يريح قلبك

شمس النهار يقول...

* مصري جدا

علي فكرة احنا كناااااا
شعب عملاق

واحنا اللي كبلنا نفسنا بنفسنا
بالبكاء علي الاطلال

والتشدق بالماضي فقط

شمس النهار يقول...

* ليس فقيرا من يحب

اهلا اهلا بالغاااايبين

انتي كمان وحشتيني جدا

اللي يقدر يدي الناس عن حب وعن جدعنه
ومن غير مايستني منهم حاجه هو ده الانسان الغني
بل اغني انسان في العالم
:))

شمس النهار يقول...

* romansy

عارف احلي حاجه في البوست ده ان الناس الغايبه جت وشاركتني فيه
بجد مبسوطه وياريت الناس الغايبه كلها ترجع

انت ماجاوبتش في البوست القديم
بس تعليقك كان جميل جدااا

ان شاء الله هتلاقي بدر البدور الرومانسيه زيك
بس خاللي بالك الناس الرومانسيه اللي زيك مش كتير
وبهذه المناسبه ادعوك ان تعود مرة اخري لبلوجر وبلاش كسل
:))

شمس النهار يقول...

* bombona

الصورة لطيفه
ومدونتك جميلة فعلا

وجميل ان البنت تعيش محبه لكونها بنوته
ولاتتشبه بالرجال

اه وربنا انا بشوف بنات ماشيه عاملة زي الرجال وبتتصرف زي الرجاله

:))

شمس النهار يقول...

* مـجـنـووون

اهلا اهلا بأجمد مجنون في البلوجر

:))

انت هجرت مدونتك ليه؟؟؟
ياريت ترجعها تاني لو سمحت

النقاط التلاته صح ميه ميه
واضيف بيقولوا عليه مجنون وعبيط

وانا بقول لو اللي بيعمل ده مجنون وعبيط فااعتبر ده وسام
لكل اللي كده
احسن من العكس ونبقا فهلويه وجبارين

نورتني يامجنون واوعي تكون غير مجنون يعني اوعي تعقل
:))
:))

شمس النهار يقول...

* حاتم عبدالفتاح

اهلا بيك في اول زيارة

شمس النهار يقول...

* Sharm

الحمد لله كويسه وبخير

كل مصر جميلة جمال رباني لطيف

بس لو اهتمينا بيها مع شوية نضافه هتبقا فله شمعه منورة
علي راي ربنا يرجعه لنا بالسلامة عمرو اديب

انا كمان زيك متعصبه لكل ماهو مصري
علشان احنا كويسين بس بحس ان في ناس بتستعبط وهمه دول اللي بيشدوا مصر ورا

شمس النهار يقول...

* صيدلانيه طالعه نازله

ايوه شوفتي قد ايه ناس مشيت

ياريت يرجعوا تاني

جميل جدا الحال ده اكيد بتنبسطي انك بتلبي طلبات المحتاج

فعلا ياريت تنشري بوستاتك القديمة
بيبقا في بوستات متميزة في البدايه
ياريت من وقت للتاني تنشر مرة اخري

ربنا يبارك فيكي ياصيدلانيه ويجزيكي الخير

شمس النهار يقول...

* mostafa rayan

الحمد لله في خير ونعمة من الله

يعني كده يامصطفي ؟؟
انت كده حليت لغز اختفاء شاب ثائر

نشرت كتابك وخلاص

ارجع المدونة يامصطفي وماتنساش اصدقاء مدونتك

كل سنه وانت بخير وصحة وسعادة
وابداع دائم
:))

شمس النهار يقول...

* جارة القمر

نورتييييي المدونة


انتي فعلا جارة القمر

ومدونتك جميلة ومفضلة ليه
وكمان حطيت كلامك الجميل علي جنب هناك علشان اللي يدخل يقراه

:))

وانا الحمد لله في فضل من ربي ونعمة
وكل مايقضي بيه ربي عليا خير اكيد

:))

شمس النهار يقول...

* صوت من مصر

:)))
كيمووووو المشاغب

مش عارف تحل ايه بس

انت كده كده فعلا صوت من مصر
انت صوت لكتير من شباب مصر الحيران

الله يسلمك ويريح قلبك

نورتني ياكيمو

غير معرف يقول...

السلام عليكم
ازيك
هى فكره حلوه اننا نقول ليه اخترنا اسامى مدوناتنا
انالى 3 مدونات

الاولى اسمها مصر والعالم
دي انا مسميها كده عشان بانشر فيها اللى يخص مصر والعالم وان العالم بقى فعلا زي قريه صغيره وممكن حدث فى فنزويلا او نيجريا او الصين يأثر علينا
وخاصه اخبار المسلمين فى العالم

التانيه مسميها فهمي هويدي
لان دي بانشر فيها مقالات الكاتب الكبير فهمي هويدي وده طبعا غني عن التعريف

التالته مسميها مقاومتنا الفلسطينيه
بانشر فيها اخبار فلسطين الحبيبه وخاصه اخبار المقاومة وعلى راسها حماس
وان كنت بانشر للكل بدون تحيز مادام مقاوما

فالمقاومة هى سبيل النصر ان شاء الله
لان الصهاينه عمرهم ماخرجوا من ارض الا مضطرين
وكمان المقاومة هناك لها اعمال بطوليه ممكن يكون ناس كتير مش عارفاه فبانشره لتوضيحه للناس

ومشارك فى مدونتين بس انا مش من المؤسسسين عشان كده مش مشارك فى تسميتها
وان كنت مش معترض ابدا على التسميه
مدونه د. مروه الشربيني
اللى اتقتلت فى المانيا عشان حجابها
والمدونة التانيه لقيتها اتقفلت مش عارف ليه
كان اسمها المملكه البيضاء لامه محمد (صلى الله عليه وسلم)

معلش طولت عليكي
ربنا يكرمك ويوفقك

Unknown يقول...

السلام عليكم اختي شمس

الرد متأخر جدا.. أعلم.. وأرجو الصفح :)

------------

بالنسية لاسم المدونة:

كانت رغبتي في البداية في الكتابة عن آلاف الخواطر والذكريات التي احتشدت في رأسي منذ زمن بعيد..

فكان أول ما تبادر إلى ذهني عند التفكير في اسم المدونة هو أنه ستحتوي على كل قابلته في حياتي؛ بحيث أقدمه في قالب أدبي جذاب للقارئ، وبحيث يكون به خلاصة ما خرجت به في حياتي من تجارب قد تفيد غيري..

وبالطبع قفز الاسم الشهير امام عيني وهو: هكذا (علمتني) الحياة..

لكني أردت أن يكون الاسم متميزا وجديدا وفي نفس الوقت معبرا عن محتويات المدونة بجدارة، فاهتديت بعد طول تفكير إلى هذا الاسم: هكذا (عاملتني) الحياة!

وبالفعل أحسب أنه جاء غير مكرر (أكد لي ذلك البحث على جوجل).. لكن بقيت مشكلة صغيرة، وهي أن من يطلع عليها يقرأها (تلقائيا) هكذا علمتني الحياة!!!

وبالنسبة للصورة: كانت في البداية صورة كئيبة لطريق طويل يمتد إلى مرمى البصر.... (كانت تعبر عن مشاعري المكتئبة حين بدأت المدونة).. لكن خلال شهر من بدء المدونة لم تلبث نفسيتي أن تحسنت ولله الحمد، فدخلت مرحلة جديدة من الإقبال على الحياة فاتحا لها ذراعي، ومستعدا بكل أمل وبشر لما ستعاملني به، لأستوعبه وأخرجه تجربة مفيدة جديدة...
وأعتقد أن الصورة الحالية عبرت بقوة عن هذا.....
-----------------
أعتقد بهذا (الرغي الكتير) أكون قد حللت الفزورة!! :)

تحياتي أختي الكريمة على الفكرة الجميلة بحق...

Unknown يقول...

السلام عليكم
الحقيقة اختيارى
للأسم كان عشوائى:(
يعنى من غير تعمد لحظة
ما عملت المدونة جه الأسم
دا فى دماغى يعنى وليد اللحظة
لكن حبيته(من اول بصه)لدرجةان
لما المدونة الأولى عطلت وما بقتش
تيجى على الريدار بتاع
الأصدقاء عملت واحدة
جديدة وسميتها
صعبان على2

Unknown يقول...

المدونة التانية
(جواباتى وأغنياتى
وحاجاتى ومحتاجاتى2 عملتها
بعد كده لماأتشطرت فى النت
شوية وبقى لى معارف وأصدقاء
بقوا يبعتوا لى أميلات كتير
فيها حاجات حلوة كتير بقيت
انشر منها اجزاء وكمان
الأخبار الكبيرة او الخطيرة
او الأغانى لما تعجبنى شىء
منها:خلينتها منوعة يعنى
وكمان اهم شىء ما خليت فيها
تعليقات اكتب اللى اكتبه واحط اللى احطه من غير سين ولا جيم:)بالرغم من
كذا طلب انى افتح التعليقات فيها لكن فعلا مكنش ينفع.

سجل .. أنا مصرية يقول...

لقيت الموضوع حولى بقى فوضى قوى

فكتبت من حيث أعيش
من جمهورية فوضى

شمس النهار يقول...

* الحياة الطيبة

وعليكم السلام ورحمة الله وبركاته

شكرا ليكي ياطيبه
حضرتك اللي منوراني دايما

ربنا ينولك ماتتمني
ويعطيكي الحياة الطيبه الجميلة التي تقر بها عينك

نورتيني

شمس النهار يقول...

* طهر فؤادك

وعليكم السلام ورحمة الله وبركاته

حب رسول الله متمكن من كل مسلم مؤمن حق

اللهم صلي وسلم وبارك علي رسول الله

شمس النهار يقول...

* المدفعجي

طيب يعني ايه السناهرة

اسم غريب جدا

ولا دي بلد ولا ايه؟؟؟

شمس النهار يقول...

* P A S H A

مساء الورد

:))

اهلا بيك

تنورت المحكمة يا سعادة الباشا

واسم بوشكش برضوا لطيف

:)))

شمس النهار يقول...

* تخاريف مترجــِــمة

هنا وهناك واحد ياجميلة

نورتيني

:)

صبح يقول...

هه هه هه

حببتي

البوستات الجديدة اتحطت

في شعر جامد جدا و في كمالة البوست الاولاني
بتاع كيف تصطادين عريسا؟
كنت ناويه احطهم اجزاء و بعدين لقيت انو بوست واحد احسن خصوصا ان البلوجر بيستهبل في الترتيب
عموما مستنية زيارتك و رايك في الشعر

طبعا يا شمس ماتوطليش عليا عشان اعرف اطلع هه هه مش صبح بيطلع بالشمس

هه هه هه
عفكرة

هي طلعت شاي بقهوة

هه هه هه بس ازاي شاي بقهوة

مش الناس بتاخد شاي بحليب

نيهاهاها

شمس النهار يقول...

* فشكووول

وعليكم السلام ورحمة الله وبركاته

خير حضرتك مالك بس

دي هي المدونات دي اللي بنفس فيها عن غضبنا وفرحنا

ماحدش في مصر بيعرف يعمل مشروع الا لو مسنود او معاه مايعيشوا لكتر من سنتين
يعني راس المال لازم يكون كبير جدا
او يعمل مشروع اكل
:)

ان شاء الله كله يبقا تمام
كل سنه وحضرتك طيب
ومافيش حاجه تتفشكل تاني

شمس النهار يقول...

* شيرين سامي

اهلا بيكي ياشيرين

نورتيني

واضح من مدونتك انك لطيفه وحبوبة

:))

شمس النهار يقول...

* 5o5a

اهلا بيكي ياخوخا

جميل ان الانسان يكون له حلم ويمشي وراه

لحد مايحققه

نورتيني في اول زيارة

:)

Unknown يقول...

جاء بناء على مناقشة لى وصديقة لبنانية اقترحت على اسم اوتار وقالت انه يشبهنى :)

شمس النهار يقول...

*re7ab.sale7

اهلا بيكي يارحاب

انتي فعلا حرة ماحدش يقدر يضع قيود علي حد مادام هذه الحريه في اطار الدين والاخلاق والعرف

مدونتك جميلة واحرص علي زيارتها
بس انتي كسلااااانه

:)))

ربنا يوفقك وتبدعي دائما
:)

شمس النهار يقول...

* الفقيرة إلى الله أم البنات

اهلا اهلا بالحبايب

ازيك يارب تكوني بخير
ومعلش هو دور البرد السنه دي رخم جدااا
الف سلامة عليكي

انا الحمد لله بفضل من ربنا علي كبير

البنات نعمة كبيرة من ربنا

انتي كمان وحشتيني ربنا يكرمك
ونورتي البوست والمدونة والبلوجر
:))

شمس النهار يقول...

* ذو النون المصري

ذو النون المصري ابن اخميم وشيخ الشيوخ

علي فكرة مش كتير يعرفوا عنه
مش مشهور في بلدة
:(

الصورة فعلا معبرة
وجميلة
:))

شمس النهار يقول...

* قوس قزح

اهلا بقوس قزح والخير كله

قوس قزح بيجي بعد المطر يعني الارض بتتروي
واحنا بنشوف احلي منظر في السماء

الاسم لايق عليكي جدا
انتي اصلا انسانه جميلة

شكرا علي اللينك الجميل

:)

شمس النهار يقول...

* وداد

اهلا اهلا يا ودة

انا الحمد لله انتي عاملة ايه يارب تكوني بخير

ربنا يديم عليكي رومنسيتك
هي احلي حاجه اللي بتدي للحياة الجافة دي طعم

:))
نورتيني

شمس النهار يقول...

* م/محمود فوزى

اهلا بيك

الحقيقه انا متابعة جدا مش هنسكت بعتبرها من المدونات اللي من العيار التقيل
والمدونات الاخري انت مقل فيها
وياريت فعلا نعرف بطولات الابطال في غزة
وكمان نعرف المصريين اللي معاهم
علشان نعرف قد ايه الشباب المصري فيهم اللي ساب حياته ومستقبله وفضل انه يكون هناك في سبيل الله

مدونة امة محمد بصراحة انا مافهمتش المدونة ولا قدرت اعرف ايه اهدفها ولما تابعتها علشان احاول اعرف مالاقيتهاش

شكرا علي مشاركتك في الفزورة
:)

شمس النهار يقول...

* ماجد القاضي
وعليكم السلام ورحمة الله وبركاته


اولا مبروك علي الكتاب بالتوفيق ان شاء الله

:))

علي فكرة ليه برنامج علي راديوا مطلقات اسمه
علمتني الدنيا ان.....
:)))
الدنيا بتعاملنا وبنعاملها
وبتعلم فينا وبنعلم فيها

بس يفضل الامل في الله

شكرا علي مشاركتك

شمس النهار يقول...

* norahaty

اهلا اهلا بنورهاتي العزيزة

انتي ليه هجرتي البلوجر انتي كمان
صحيح بتنشري لكن قفل التعليقات مابيخليش في تواصل

عندي ملف علي اللآب توب بتاعي مسمياه حاجاتي ومحتجاتي وكركيبي
:)))

نورتيني ونورتي البوست وياريت ماتغيبيش كتير

:))

شمس النهار يقول...

* جمهورية فوضى

اهلا بيكي

فعلا هي بقت فوضي علي الاخر

فوضي في الاخلاق والمرور والعيشه والفتاوي والحياة.....اكمل ولا كفايه كده

شكرا علي مشاركتك ويارب تكون المذاكرة والامتحانات بخير

:))

شمس النهار يقول...

* صبح

ياصباح الصبح المشرق

:))

هروح حالا اشوف الحاجات الجديدة الجميلة

بس اخواتي هنا سبتهم كتير من غير ماارد
كل يوم ادخل شويه ارد معلش الصحة مش قد كده اليومين دول
:)))

شوفي ياستي
القهوة بتتعمل مغليه والشاي وبيضيفوا الاتنين علي بعض
ده للي عايز يسهر ويفنجل

:))))

شمس النهار يقول...

* نهر الحب

اهلا اهلا بالغيبين

فين الخبر الحلو؟؟؟

:))

انتي نهر الحب ولحن اوتارة
لايق عليكي الاسمين

يارب تكوني بخير وسعادة

:))

كلام على بلاطة يقول...

طيب خد دى الفزورة
=========
قول على الدنيا السلام
لما الاكاديمى يتخصص فى الكيد الحريمى والردح وفرش الملاية/
ويجعل من شيطانه قدوة قدامه يوجه له سهامه حبا للمكيدة والغواية/
ويردد علينااكاذيبه ويمارس الاعيبه مدعيا التقوى والنصح والهداية/
ويجعل لسانه لسان طريشة يبخ سمه واحيانا يستخدمه كموس وبرايه/
سهتان وكله بهتان وحماقته حماقة غبيه لما تبتدى ما ليهاش ابدا نهايه/
فهو عار عليه ما تعلمه وباعه بما تسلمه من فلوس النقوط او الجبايه/
والالاضيش والاذناب وباقى الذئاب موفرين له الحمايه قبل الدعايه/
فابشر بقرب اضمحلالك وبوار اعمالك مهما عملوا لك من دعايه/

شمس النهار يقول...

* كلام على بلاطة

اهلا بيك

بس كده حضرتك رديت بفزورة علي الفزورة

مدعي النصح والارشاد والتدين والصلاح وهمه في الاصل عكس ده علي طول الخط

نقدر نقول دول فهلوية العصر الحديث
منافقي الدين اللي توعدهم رب العباد
وان كلمتهم يقولوا الحساب بقا يوم الحساب

غير معرف يقول...

السلام عليكم
شمس النهار
جزاكم الله خيرا على كلامك
مدونة مش هنسكت هى طبعا مدونه رائعه
وانا افخر بالانضمام ليها وبصراحه هى اصلا جات لى دعوه للانضمام ليها من المدونه جيجي
ومدونة المملكه البيضاء لامه اقرأ هى كانت مدونه قيمه بها امور جيده وايضا كانت المدونه (أم الخلود) هى التى ارسلت لى دعوه للمشاركه
وبصراحه كانت مشاركاتى قليله وفجاه اختفت صفحه المدونه ومش عارف ليه.

انا مش مقل فى المدونات التانيه
مدونه فهمي هويدي بانشر فيها يوميات مقالاته الرائعه
مدونه مقاومتنا الفلسطينيه بانشر فيها شبه يوميا اخبار فلسطين
مدونه مصر والعالم بانشر فيها شبه يوميا مقال لى او خبر مهم عن مصر او الدول العربيه والاسلاميه

اما عن غزه
فانا اود ان تقرأى مقالى حرب غزه
http://egyptandworld.blogspot.com/2010/12/blog-post_27.html

ده مقال باعيد نشره بمناسبه الذكرى الثانيه للحرب

ولى مقال اخر ساعيد مره اخرى نشره في ذكرى انتهاء الحرب 18 يناير ان شاء الله
حرب الفرقان –م/ محمود فوزي
نشرته قبل كده بعد الحرب

وبرضه لو عايزه تعرفي اكثر عن المقاومه هناك وبطولاتها
شوفى بيان كتائب القسام
http://egyptandworld.blogspot.com/2010/12/blog-post_26.html
وهى اكبر فصيل مقاوم

معلش طولت عليكي
ربنا يكرمك ويوفقك

شمس النهار يقول...

* م/محمود فوزى

وعليكم السلام ورحمة الله وبركاته

الحقيقه اختلط علي الامر في المدونات

لكن فهمت ليه

كمان حصل حاجه في القائمة عندي
ياالمنشور حديث مايطلعش
ياالمدونين يكونوا اتمسحوا منها اصلا

شكرا علي اهتمامك وانا بحاول اصلح واضيف للقايمة اللي راح منها

كل سنه وانت طيب ومرحبا بك دائما
:)

غير معرف يقول...

شمس النهار
جزاكم الله الله خيرا على المتابعه والرد
واشكرك على اهتمامك وتعليقك الجميل عندي


ربنا يكرمك ويوفقك ويسعدك

faroukfahmy يقول...

ياست شمس النهار ----انت صحيح شمس انرت بمدوناتك كلام م- دوناتك حتى لم يسعنا نورك المبهر من قراءة مدونات الاخرين واسمحى لى بمرورى مرة اخرى مع تخفيض فولت مصباحك المصوب على ابصارنا الضعيفة

abo-bder يقول...

شركة تنظيف خيام بالرياض
شركة تنظيف فرشات بالرياض
شركة تنظيف فرشات بالخرج

abo-bder يقول...



شركة تنظيف سيارات بالرياض

abo-bder يقول...




شركة تنظيف بالرياض
شركة تركيب اثاث ايكيا بالرياض
.
فنى تركيب
فني
شركة تركيب اثاث ايكيا بالرياض
فني ستائر بالرياض
شركة تركيب اثاث ايكيا بالرياض
شركة تركيب ستائر بالرياض
شركة نقل اثاث من الرياض الى الامارات