مش عارفه ليه رمضان عندنا ربطوه بالفوازير
ماشي تيجوا نعمل فوازير لينا
في مدونين كتير عاملين اسماء لطيفه
كل واحد يدخل المدونه عندي ياريت
يفك الفزوره بتاعته ويقول ليه اختار
الاسم ده او الصوره دي
وكل سنه وانتم طيبين
## رسائل أوليفر ساكس: نافذة على عبقرية حساسة
قبل 14 ساعة
هناك 113 تعليقًا:
ماشى يا استاذه شمس حضرتك قولتى مش هنتسرق ...لا بهزر انا بس عايزه افلسع من الفزوره عشان مخى ذكائه محدود شويه كتير بس فكره لذيذه قوى..
رمضان كريم على حضرتك ان شاء الله..
مدونة جميلة اوى
و متميزم ما شاء الله
اختى انا اسمى خديجة محسن
علشان كده بقى اسمى خديجة محسن
اما لؤلؤة الاسلام
اممممممممممم؟؟؟
لازم يعنى
هههههههه
علشان انا نفسى جدا اعمل حاجة تكون سبب لنصرة الاسلام و المسلمين
بس كده
احنا مستنين تقوليلنا ليه سميتى نفسك
شمس النهار
و تحياااااااتى
و يا ريت نكون صحاب و تبقى مدوناتنا من المدونات المفضلة عند بعض
اه
و معلش استاذنك اختى في انى
انشر الفازورة ديه على مدونتى
بعد اذنك ان سمحتى
لنها بصرااااااااااااااااحة عجبانى اوى
اممممممم
اقولك انا بقى بما انى اسمى ريحاب
ابن اختى البيبى معرفش يقول ليه لقيته بينادى عليا آبى
appy
علشان كده بقى اسمى ده غير كده بقى موضوع الكوكب علشان انا دايما بحس انى غير الناس فى بعض الاوقات يعنى عايشه بنحله ودبور فى دماغى وخرفان ههههههههه
الصورة بتاعت البروفايل شبهى 95%
فاضل لها حسنه تتحط فى مكانها وابقى انا
اختى شمس النهار ممكن تردى عليا في حكاية الفزورة
و على العموم انا بقول بعد اذنك ان سمحتى
يعنى لو ش عايزة ده حقك يا قمر
و تحيااااااااااتى
دمت بخير
*خديجه
علي الرحب والسعه
وماله ياحبيبتي خدي اللي انت عيزاه
انا كمان دخلت مدونتك وعجبتني جدا
ربنا معاكي
*محاسن
نورتيني
بس ليه ماحلتيش الفزوره؟
*ابي
علي فكره انت اللي اوحيتي لي بفكرة الفوازير
لما عرفت حكاية اسمك
وشكرا علي الاجابه
أنا اخترت كاتب مصري عشان مكنتش عاوز أظهر هويتي غسر لما أتعرف بأسلوب كتابتي الأول أما الصورة فبغيرها كل يوم مش ثابته يعني
كل ودي
*كاتب مصري
بس انت اخترت اسم علي مسمي
انت فعلا كاتب ومصري جدا
واتمني ان حد من دور النشر يتبني موهبتك
اعتقد ان علي صغر سنك
انك كل ماتكبر والحياة تديك من تجاربها
هتكبر معاك موهبتك
ربنا يوفقك
ألف شكر بجد مش عارف أقولك ايه
كل ودي
الف شكر على اهتمامك بيا وبمتابعة جديدى يا استاذتى الفاضله شمس وان شاء الله النهارده حنشر بوسطت جديد بس مختلف عن موضوعات المدونه واعذرينى هيبقا طويل يعنةى بعد الغيبه دى بقه...
شاكره لحضرتك اهتمامك ودعمك الف شكر لحضرتك فعلا الف شكر وفعلا اسم على مسمى شمس لانك بكلامك بتنيرى ليا الطريق وبتبعثى الدفء فى نفسى ....
جزاك الله كل خير وحالا هروح اكتب البوست وانشره عشان عيون حضرتك..
حاضر احلها من عنيه بس والله ما خدت بالى اصلى بنسى بسرعة الصوت...
انا بقه اخترت السم ده لان انا مطلقه شرعا من حوالى 3 سنيين واكتر واحسن انى مش فاكرخ بالضبط وطليقى بيحاربنى عشان حقوقى يعنى بيقولى اتنازلى عن حقوقك من كل متعلقاتى اليى حقوق ابننا وعليه يدينى ويتعطف ويتكرم بورقة الطلاق او يسيبنى معلقه زى معلقات الكعبه كده وفعلا بقالى 3 سنيين فى المحاكم انا بالنسبه ليا مش بدور على حق مادى لانى صرفت اضعافه قد ما بدور على حق معنوى ...
يعنى مبقاش مهانه وضعيفه ومتمرمطه وانا متجوزه وتفضل الاهانه لحقانى وانا مطلقه وعليه قلتله الساكت عن الحق شيطان اخرس وكفايه سكت سنتين جواز فبس ...وكفايه نكد كده
*محاسن
ماخلعتهوش ليه ده انا سمعت انهم بيخافوا من الكلمه دي وبيطلقوا علي طول ربنا يهديه
ومايشيلش نفسه ذنوب اكتر من كده
تحبي نخللي حد من المشايخ يكلمه وينصحه
يمكن يرتجع
بصى يا ست الحلوين
انا ليا مدونه بس بعنوان كتبته بالانجليزى SHAPE YOUR LIFE
يعنى بالعربى شكل حياتك
بفتح الشين وكسر الكاف
وكان سبب اختيار العنوان اننا لما نتعرض لمشاكل او هموم لا نجعلها تؤثر فينا بالسلب بل نقتحم المشكله ونستمتع بحلها وكمان معظم موضوعات المدونه فيها التفأول والنظرة المتزنة للحياه
وعجبى
وفكرتك ذكية ولها معانى والمعنى فى قلب الشاعر
*ابوعلي
انا بحب التفأول جدا
وبحب اقتحم المشاكل
وعندي قناعه ان كل مشكله ولها حل بأذن الله
وان الخبطه اللي مابتكسر بتقوي
شكرا علي الاجابه والمرور
اولا كل سنة وانتى طيبة ورمضان كريم
بالنسبة لأسمى فالحقيقة اللى طلع اسم فوكسولوجى عليا هو الباشمهندز ايهاب ابن خالتى فى لحظة تجلى كدة ايام زمااااااااااان :))
الصورة بتاعتى فهى سكرين شوت من التتر بتاع فيلم الكيت كات نفس اسم المدونة بتاعتى طبعا :)
حلوة الفزورة شكرا :)
*فوكسلوجي
بصراحه انا كنت متوقعه
ان اسمك ناتج عن المقدره التكنولوجيه
ويبقي معناه ثعلب التكنولوجيا
شكرا علي الاجابه والمرور
كل سنه و انتى طيبه
فكره لذيذه
الدنيا صيام بقي
نفك الاسم بعد الفطار
*شريف
شكرا للمرور
اعتقد انك ماعندكش فزوره
الاسم واضح والصوره صورتك
*اناجعان
نلتقي بعد الفطار
طيب مش تبتدي انتي الأول و تقولي سبب اسم مدونتك شمس النهار طب هو فيه شمس بالليل
عموما مدونتي عابر سبيل و سبب اختياري للاسم اعجابي بشخصية عابر السبيل انها شخصية غير محددة المعالم تمر عليك في حياتك و تترك كلمات قد تترك اثر و قد تنساها بسرعة حسب قوة الكلمات
فكره جميلة جدا
بصي انا مدونتي اسمها أنا و دماغي
عشان أنا دايما في كلام كتير بيدور بيني و بين دماغي حاجة كده أكن فيه اتنين بيتناقشوا في حاجات كتير جوايا
*طارق
اقوي شمس هي شمس النهار
ماحدش بيقدر يبص فيها
ضوءشديد بينور للناس
عشان يشوفوا شؤنهم ويمارسوا عملهم
لكن شمس الغروب ضعيفه وحزينه
وشمس الفجرنورها يادوب
بالنسبه للورده دي من تصويري عشان انا بحب الورد جدا
*سيسم
بصراحه الدماغين اللي عندك كويسين جدا وافكرهم ممتازه
ياريت كل الناس بدماغين
عشان كل دماغ تحاسب التانيه
يمكن الكون ينصلح شويه
لما يكون في محاسبه فوريه
بس ايه موضوع سيسم ده
موافقه يا شموسه كل سنه وانتي طيبه
عجبني تشبيهك لحال المدونين والحكومة
في اول موضوع ليكي
شوفي يا ستي حكاية انا جعان دي
يعني انا لا امت للجوع بصلة نوهائي
ولكن اعتقد لما يكون في بلدنا 32 مليون نفر تحت خط الفقر
اعتقد لازم نقول كدة ولا هايفترسونا
فانا علي يقين من قدوم ثورة الجياع قريبا
شمس انا بلاك جوست اللى بيعلق عند نوارة وانا فتحت مدونة وزى مقلتلك خشيها
طيب ممكن اعرف اوحيت لكي ليه وجاوبى انتى كمان انتى ليه سميتى نفسك كده
حلوة الفزورة دى انا سميت نفسى طالب ثانوى لان دى اكتر صفة مرتبطة بيا حاليا اما اسمى القديم بلاك جوست فانا اخترتة علشان مكنتش عاوز حد يعرف انا مين من عيلتى بس بعد كدة قولت حرام
هي الفوازير أورديحي
مفيش جوايز
:))
أنا محدود الدخل عشان مأنساش محدود الدخل لأن أغلب المصريين في ظل حكومة بيو كلينا والحكومات السابقة واللاحقة بقو محدودين الدخل
...
*حاسوبتيه
وانت طيبه بس ماجاوبتيش ليه
*اناجعان
شكرا علي تعليقك
وادعي معايا مايجيش اليوم بتاع ثورة الجياع
وطبعا الصوره بتاعتك
*طالب ثانوي
طيب لماتروح الجامعه هتعمل ايه
وبعدين الحياه مش مذاكره وبس
وانا اعتقدان اغلب مدونات طلاب الثانوي ناجحه جدا
انت نفسك مناقاشاتك قويه جدا تدل علي عقل واعي متفتح واكبر من سنك
النجاح مش مجموع عالي وبس بدليل ان احنا مابنسمعش عن اوائل الثانويه بعد كده
الناجح اللي بيجمع بين الشطاره في العلم والحياه والثقافه وحسن التعامل مع الاخر
ربنا معاك وتبقي طالب جامعه
**ابي
لما كتبتي موضوع اسمك عند نواره وانك ريحاب مش رحاب
قلت اكيد لكل واحد قصه كده
زي ماكنا ننبسط لما اهلنا يقولولنا
ليه همه سمونا كده
قلت لطيف نعرف ليه كل واحد اختار اسمه ده
انا قلت ليه انا اخترت شمس النهار فوق في ردي علي طارق
الميل اللي بعتهلك عجبك
*محدود الدخل
علي فكره غيروها بقة مهدود الدخل
والجايزه الكبر البسمه والضحكه اللي بتحصل لكل واحد يدخل المدونه ويقرا الجمال اللي التانين كتبينه
في جو مشحون بالكلام عن
العباره والدويقه وغزه والعراق والحكومه
يعني بلغة التلفزيون
فاصل قصير ونعود للغم
بنريح اعصبنا شويه عشان نعرف نتغم براحتنا
انا mido g علشان اسمى محمد جمال
اسمى مدونتى أدهم لأنى باعشق اسم أدهم اوى اوى
ملاحظ فى التعليقات طاقة سلبية و يأس
يا جماعة خدوا نفس عميق و اطردوا الطاقة السلبية علشان نعرف نعمل حاجة
أه نسيت
الصورة بتاعتى بتوحى بالتفاؤل و لاايه؟
:))
شمس النهار
انتى حطة وورد فيريفيكاشن ليه قبل التعليقات؟
*mido g
شكرا
انا شخصيا بحب التفؤل وبحب كلمة بكره احلا من النهارده
انا ماكنتش كده قوي بس الدنيا وايماني بالله اولا خلوني كده
انا مش فاهمه الملحوظه بتاعتك
اصل حضرتك انا اتعلمته علي كبر
لما لاقيت كل حاجه كمبيوتر حتي بتاع السوبر مركت
ولما بنتي دخلت كمبيوتر ساينس
حبيت اعرف ايه الموضوع
انت عايز برستيشي يضيع ويقولوا عليه عندي اميه
بصى يا استاذة شمس
ال word verification هى الكلمة الكبيرة الملونة اللى لازم نحطها بعد كتابة التعليق , بس انت مش محتجاها.
ممكن تشيليها
روحى على لوحة التحكم (dashboard)
وبعدين اعدادات (setting)
وبعدين comments
شيلى علامة الصح من قدام السؤال ده
Show word verification for comments?
وبعد كده save
بلاش سيرة الخلع دى عشان بتعملى انا هسهس ..
ده بقه اى راجل مطلع عين مراته يقولها مش عاجبك اخلعينى ..
انما الرجاله اليى الخلع بيسببلها جرح نفسى فدول رجاله شبه محترمه لان اولا فيه حاجه بتأثر فيه ..
ثانيا واحده مش عايزه تعيش معاك متخليك محترم للنهايه وتسيبها باحسان..
فبلاش يا شموسه لو سمحتى السيره العطره دى تانى ..
بس حضرتك فكرى فيها كده هتلاقيها زى ما قلت ..او اسوأ ..
*mido g
ياعم ميدو انا عملت كده مالقيتش السؤال ده اصلا
مع اني عملت كل الخطوات
وبعدين لاقيته مكتوب بالعربي
وانت عارف الترجمه بتبقه زي سلاحف الننجا كده
بالعربى طيب يبقى السؤال حيبقى كده
إظهار التحقق من الكلمات للتعليقات؟ حطى العلامة على (لا)
وماتنسيش تدوسى save او حفظ بعد نفس الخطوات
طبعا كل ده علشان نسهل على المعلقين
*mido
انا عملتها بعد ماحولت اللغه
بس مش عارفه ده هيساعد المعلقين في ايه ياريس
الصوره صوره بنوته رقيقه جدا جدا وانا حساها جوايا
اما عن كيارا
فكيارا دي اسم بنت الاسد سيمبا في الجزء التاني من كارتون الملك الاسد والفيلم بيدور حول كيارا اللي بتقابل كوفو وكوفوا ده ابن سكار اللي اتطرد من المملكه هو بقيه اتباعه لانهم كانوا جانب الشر وكوفوا كان ناوي الغدر لسيمبا لكن لما حب كيارا حب الخير وحب الجمال وساب اتباع اسكار ودافع عن سمبا ضد اتباع اسكار
وانتهي الفيلم نهايه سعيده وكيارا انا اخترته لانها بنوته رقيقه اوي وفي نفس الوقت اسدايه يعني رقه بس مش بضعف كمان حواليها اصدقاء بيحبوها اللي هما تيمون وبومبا
يعني بحس ان كيارا كشخصيه قريبه ليا
اتمني اني اكون فكيت اللغز
*كيار
اهلا بيك
الحل بتاعك جميل ولطيف
الغاء الكلمة الغلسة اللى لازم كل معلق يكتبها قبل ميرسل تعليقه كده الموضوع حيبقى اسرع
هو تامر صلاح ده اسمي الحقيقي وللاسف ومش انا اللي اختارته
اسم البلوج بتاعي مش محتاج تفسير
الصورة بقي رمز للمواطن المصري اللي صاحي وكأنه نايم وشايف كل حاجة ومش فارقة معاه يتحرك ولا ميتحركش وده بقي اللي الحكومة عايزة تعمله فينا كلنا
*mido g
يانهار ابيض
تصدق انا قعدت مره ادور بتتلغي منين
ماعرفتش دي كانت مديقاني جدا
ربنا يكرمك يابني
تامر صلاح
بس الصوره جميله جدا
عجباني قوي
فعلا بتعبر عن واقع الانسان المصري
المنفهش لمايحدث حوله وهو مش فاهم حاجه
موتنك حلوي فكرتك جميل كل عام انتي بخير
شمس مفيش ميل جالى
ابعتى تانى واكتبى انه منك بليز
butterfly_549@hotmail.com
appy*
بعته تاني النهارده بس قوليلي وصل والا لآ
*عاشقة القمر
اهلا بيكي
بس ليه ماحلتيش الفزوره
أخت شمس
مدونتك لديدة
أكتب بالرصاص
لاني نويت اكتب بالرصاص
ساعات باكتب بالقلم الرصاص
وساعات باكتب بطلقات مثل الرصاص
\
الا بالحق
الفوازير دي ليها جوائز والا بلوشي
*اكتب بالرصاص
اهلا بيك
الجوايز زي ماذكرت قبل كده هي البسمه لكل من دخل المدونه وارتاح شويه من الاخبار السيئه المحيطه عالميا ومحليا
بس يارب يكون كلامك اللي من رصاص مايكونش في جته من نحاس(الحكومه)
فزووورة فزوووورة
هي يعني ايه فزورة
المهم انا اسمي زينب و دلعي زيزي او زوزو و بما انا في واحدة حبيبتي من المدونات اسمها زوزو فكانت حتحصل لخبطة اذا انا عملت زوزو و دة الي حصل في البداية بعدها بقى حطيت زوزو الا قولولي انتو مش حتدو اي هدية لصاحبة اطول فزورة اصلي شايفة نفسي طولت يعني
المهم و الطالبة عفو الله دة اسم كنت شفت زمان في احد المنتديات لاحد العضوات و عجبني فاخذته و نسبته لنفسي و فعلا يعني بطلب عفو ربنا
و كل ناس تسالني هو انتي عملتي ايه عشان تطلبي عفو الله مفيش بس الانسان ديما لازم يستغفر و يتوب لربنا ليلا نهارا
يااااااااه دنا طولت اوي و دي اول مرة ادخل للمدونة انا بجد اسفة
يلا سلام
بسم الله الرحمن الرحيم
اسم مدونتى " أمــــى "
ولكى تعرفى إجابة السؤال
" لماذا اخترت هذا الاسم ؟"
يمكنك زيارة المدونة لتدركى حقيقة الاسم
فهى ظاهرة فى كل كلمة كتبت حتى الآن
وسأحاول إظهارها فى كل كلمة ستكتب بإذن الله
*zizi
اهلا بيك
وماطولتيش والاحاجه
وطولي ياستي زي ماانت عايزه
تكلم حتي اراك
*احمد
اهلا بيك
انت اخترت احلي كلمه في الدنيا
سر الكون كله
ربنا جعل رضاه من رضاها
تصدقي لسة شايفة الفوازير وقريت التعليق عندي قلت أجي ألحق أرد
ليه خلي ضافيرك ضليله..
بصراحة كنت عايزة أسم يعبر عن البلد دي بجد وفي نفس الوقت انا بكره المباشرة موت، مش عايزة اسم المدونه أي حاجة فيها كلمة مصر كده بشكل مباشر.. لكن عايزها تدلل عليها..
ومن صغري وانا كنت مغرمة بأغنية انغام تتر مسلسل العائلة وكانت بتتكلم فيها عن مصر وبتقول
خلي ضافيرك ضليله
ولمليمنا يا أصيلة
عشاق ترابك أحبابك
وكلنا أهل وعيلة
فمقدرتش أقاوم بصراحة أني أستعمل البيت الأول من الاغنية
أما الصورة فأنا كنت منزلة مجموعة الصور دي عن مصر من فترة وكانت جيبالي جنان بطريقة رسمهم كانت عجباني جدًا ولما جيت أدور على صورة لاقيت دي مناسبة جدًا..
هي دي الحدوته يا ستي وحل الفزورة
شموس وصل حلو اوي انا بعته لناس كتير رينا يكرمك
بقولك فيه واحد واخد اسمي زي ما عمل مع نواره خلى بالك ابقى ادخلى البروفايل بتاعه بس الاول
انا كاتبه بوست موضحه فيه ربنا يكفينا شر المجانين
*دعاء
تصدقي انت الوحيده اللي كنت عارفه ليه سمت كده بس ماكنتش متأكده
مسلسل العائله لمجدي صابر من اجمل المسلسلات وكان بمثابة نبؤه للي بيجري دلوقتي
شكرا ليك واكتبي عندك حاجه جديده بلاش كسل
*appy
ماتخفيش اسلوبك معروف وادبك في الحوار معروف
وربنا يحلها
الفاضلة . شمس النهار
كرم منك هذا التعليق ، وفكرة الفزورة لطيفة ، فسمعنا واطعنا
لنا انفع اكون صانع ولا افهم فى شغل الغيــط
انا صامت ولا بسمع وانا بمشى فجنب الحيط
ولو ابرة مبعرفشى ادخل فيها طرف الخيـــط
وانا خايف وانا من خوفى متلخبط متـــدهول
ارجو التكرم بمعاودة الزيارة لمدو
ولا تحرميننى من النقد والتوجيه ، وقراة بقية الموضوعات
مع خالص شكرى وامتنانى
*بيرم المصري
يعني انت لاتسمع لاتري لاتتكلم
اخترت كده
بس مدونتك صوتها عالي جدا
ومؤثره جدا
شكراعلي الزجل الجميل
وطبعا الصوره وصف للحال
هههههههههه
فكرة جامده
بصي ياسيدتي
أنا اخترت أسم
انا انسان
انا مسلم انا عربي انا مصري
علشان دي انتماءاتي الاربعه
ولا انتمي لاي شيء بعدهم
انسانيتي
وديني
وقوميتي
ولغتي
وانطلاقا من تلك الانتماءات
بفكر
واقول رائيي
وانقد الواقع
واحاول اصلحه
واي حد يشاركني في اي انتماء من دول
يبقى اخي
اخي في الانسانيه
او الاسلام
او العروبه
او القوميه
..............
اما الصورة
فده شعار الحملة
حملة اخلاقنا اسلامنا
واحنا اسسناها
ولو حبيتي تعرفي اكتر
اتفضلي شرفينا بزيارة
بس مافيس عصير
لاننا صايمين
:)
*اناانسان
هدف الحمله رائع
وزي دايما مابنادي وبفول للي حوليه
نبتدي بنفسنا والمحيطين بينا
الاخلاق الاخلاق
الرسول بعث ليتمم مكارم الاخلاق
الاسلام انتشر بالاخلاق
التجار المسلمن كانوا خير سفير للاسلام
بصدقهم وامانتهم(زمان طبعا)
شكراللمرور
وهروح حالا عندكم
ازيك طيب ياستي فعلا انا بعشاق القمر والنجوم دايما لم بيكون مضايقه بتلقني طلعت السطوج بص عليهم بقول سبحانه الله ايه جمال داه بقول باختهم مش عندهم هموم يعني شويه جنون مني هههههههههههههه
اول لما اجى كدا الاقى فزورة ):
امممممم بس الاجابه عندى هاتكون مكرره لانى اول لما عملت المدونه قولت ليه سمتها كدا (:
اما الصورة بقى ابو حنين دايما بيقولى ان دى حنين (:
لكن طبعا النيك نيم بتاعى اسمى مش ينفع احله بقى D:
حلوة الفكره بتاعتك دى انا حليتها اهو
اممممم بس فين بقى الجوايز؟؟؟؟
تحياتى
(:
كل سنه وانتى طيبه
دى اول زياره ليه
واحب اقولك ان ليه رمضان ربطوه بالفوازير
بصى يا شمس النهار
كان يا مكان يا سعد يا اكرام وما يحلى الكلام الابذكر النبى علية الصلاه والسلام كان فيه زمان ملك بيصوم رمضان بص كان كل شويه يقول لوزيره امتى يا وزير المغرب يجى هو لسه المغرب مجاش
انا جعان ومش لاقى حاجه اعملها
الوزير:يا ملك هنده فى اللملكه ونشوف حد يسلى مولاى الملك
ونادى فى المدينه
وجه واحد قال للملك فزورة
والملك خلاه يفكر فيهاطول النهار لحد ما المغرب ادن
وكمان الملك انبسط بالفكرة دية
وكل يوم بقى يسمع فزورة
ويفكر فيها طول النهار عشان اليوم يعدى
هاى
فكرة جامدة:))
بصى انا بحب غروب الشمس اوى بحس انه مشهد ميتوصفش فى كلام:)
اما عن برنسيس فده عشان فى كذا حد من اصحابى بيقولللى كدا -من وجهة نظرهم-انى كدا ومش عايزة اشكر فى نفسى اكتر من كدا ههههههه(وش مكسوف)
اما عن الصورة فانا بموت فى الاطفال
وتحسى الطفلة دى برنسيس فعلا قاعدة فى القصر بتاعها مستنية حاجة
تحياتى
*عاشقة القمر
شكرا بس مااعتقدش انفي حد ما عندوش هموم حتي القمر والنجوم
شكرا
shimmaammahdy*
شيماء مهدي صح
اهلا بيكي
الجوايز هي البسمه الي بيبتسمها كل واحد او واحده دخلوا المدونه
شكراواهلا بيكي
romansy*
رومانسي
شكرا علي المعلومه اللطيفه اول مره اعرفها
بس انت ليه ماحلتش الفزوره ليه سميت نفسك رومانس وطبعاالصوره للرومانسي
كاظم
اهلا بيك
princess*
برنسيس
اهلا بيكي
مدام اصحابك اجمعوا علي كده خلاص لازم تسمعي كلام الرعيه
بس يكون انتخاب حر
شكرا لك
ههههههههه بابنتي دوال هم مرتحين هموم ايه لي القمر والنجوم بس عارفه كيف عندهك هموم
السلام عليكم ورحمة الله وبركاته ...
أولا : كل سنة وانتي طيبة .
ثانيا : أحب أبدي اعجابي بالموضوع لأنه الصراحة جامد .
ثالثا : نرجع لمرجوعنا بقى ...
عنوان المدونة (لا الشعر يرضي طموحاتي ولا الوتر ، إني لعينيك باسم الشعر أعتذر ) هو بيت من قصيدة لنزار قباني ... وهو بيت الصراحة أشعر به جدا لدرجة غير عادية ، وسوف تشعرين به أيضا إذا اطلعت على المدونة وقرأت مواضيعها ، واخترت هذا العنوان لأنني لن أرضى عن نفسي أوكتاباتي مطلقا فهي قاصرة أمام عينيها دوما ...
أما الصورة فهي صورتي بعد أن فمت ببعض التعديلات عليها بالفوتوشوب في أول أيام ابديت فيها الفوتوشوب ... بس
.......
والسـ ختام ــلام
انتى كدة هتاخدى سبق
محصلش قبل كدة الا فيما ندر
واهى فرصه بردو الناس تعرف قصة مواجهات
=================
مواجهات كان عنوان وصلت ليه بعد حيرة لعمود شهرى فى جرنال اى كلام محلى عندنا هنا
وعملت فيها عم المهم وعملت ميل بإسم مواجهات وبعد كدة لما بقيت ببعت للدستور بقيت ابعت منو
وبعد فترة خالد كساب صاحب صفحتين ضربة شمس بقى يمضيلى اسمى (دعاء مواجهات)
استنبطة م الميل ومن اسلوبى ف الكلام
وعجبنى صراحه واتشهرت بيه اوى ومعتقدش انى هتنازل عنو ابدا
لان مميز ومختلف وليه قصه بعتز بيها
ميرسى ع موضوع البوست الجميل دة
بيس
رئيس جمهورية نفسى
اخترت الاسم بعد تردد كتير بين اكتر من اسم احد ما استقريت علية لانى بمنتهى البساطه قرارتى اللى تمسنى اتعودت من منطلق تربيتى انها تكون من دماغي وبتفكير خاص بية انا فحسيت انى بصدر اوامر لنفسى بنفسى
انما الصورة بصراحة لسة مخترتش صور
انا شخصيا معنديش اى شيء غريب خالص مالص الصوره عاديه جدا والاسم أسمى لا اكتر ولا اقل
بس اقدر اسئلك انتى اختارتى ليه شمس النهار ؟!!!
سلام عليكم ويجعلك ربنا تنوري ديما الملأيا شمس النهار أكيد حتكون شمس نهار مش ليل مثلا أنا برحب بنفسي عندك وسعيده إني بشارك بمدونتك يا عسل وعموما الصوره لأنا حطاها لطفله لأني بموت في الأطفال والإسم حور الجنه جه كدا في دماغي أول ماعملت إسم مستعار على النت والله المستعان وشكرا على مدونتك الجميله وأسأل الله أن أن يسكننا الفردوس الأعلى جميعا ورمضان كريم..
*هشام
الشاعر الهمام
كثيرا ماادخل مدونتك لآني بحب الشعر بكل الوانه
وكان لي بعض التعليقات هناك
الانسان الفنان الموهوب في اي فرع من فروع الفن لايرضي عن انتاجه وده سر النجاح لآنه دائما يبحث في وجدانه عن
الابداع
شكرا
*دعاء مواجهات
شكرا علي الاجابه الشيقه
انا حبيت اعمل بسمه في ظل الاحداث الرهيبه اللي بنعشها
وارجوا تكرار المرور
*رئيس جمهورية نفسي
شكرا علي الاجابه
بس برضه لازم يكون في حريه وشوري بينك وبين دماغك
ماتخليش نفسك تثتأثر بالحكم
شكرا علي المرور
*نور شاهين
شكرا علي الاجابه
ليه انا اخترت شمس انا كاتياه في رد علي الاخ طارق وهعمل بيه اجابه عامه عشان كل اللي دخل وشارك في الفزوره يعرف
وشكرا
*حور الجنه
شكرا علي الاجابه
وربنا يكتب لنا جميعا دخول الجنه
شكرا
الحمد لله شيلته
شكرا يا ستي على الكلام الجامد ده ... و زي ما قلتلك سيسم ده سر مش هاقول لحد عليه:)
ليه اسمى
لان دا اسم المدونه اختارته ضد التيار لانى كنت دايما ضد التيار و ضد ان يندرج اسمى تحت قائمه الوحوش فى غابه
للأسف اتعرفت على ناس عشت معهم مغيبه و مشيت مع التيار و الحمد لله فوقت و رجعت تانى ضد التيار
عشان كدا عملت المدونه الجديده وسمتها ضد التيار
الصورة مش عارفه ليه لما شفتها حستها انا قوووووى
اشكرك لدعوتك ليا انى اشارك تانى فى الفزورة
*ضد التيار
اهلا بيكي وشكرا علي الحل
بحب الناس اللي دايما تحاسب نفسها
ولوحست انها غلط ماتتكبرش انها تصلح الغلط وتعترف بيه
مع ان النفس اللوامه هي اجمل نفس
اللي دايما تحاسب صحيبها وتقومه
ربنا ينور لك طريقك
ممممم
والله بالنسبه لاسم البروفايل بتاعي فده لان كل اصحابي بيقولولي يا برنس و انا على طول في بقى كلمة برنس دي..يعني اي حد بقوله يا برنس كده... فكان طبيعي اختار برنس...(ممكن اكون مغرور بس انا شايف نفسي كده)...
بالنسبه للصورة ...فدي اساسا صورتي وانا عندي سنه... فمفيهاش ابتكار يعني
بس فكره حلوه احييكي عليها
سلام
والله فكره.. زى اعترافات ليليه كده بتاعة الإذاعه ..أما الاسم فحكايته اننى كنت مشهورا بين أقرانى بالاختراعات ولماشاهدنا فيلم اسمه هؤلاء الرجال العظام وآلاتهم الطائره those magnifecent men &their flying machines
كان إعجابى شديد بواحد اسمه ماكس وأظن انه كان بيتر فولك "كولومبو المخبر فيمابعد" طلعنا من السينيما وقد اصبح اسمى وسط اصدقائى المقربين ولم يزل ..ولكن بين الفدامى المقربين فقط"ماكس" ولما كانت المدونات مداولة بين أصدقاء فقد اخترت نفس اسمى المعروف لأصدقائى القدامى
أما الصوره فلم أجدها منذ ضياع مدونتى الأولى ..كان فيها أختى وأنا نجلس ورأسانا متلاصقتين وأنا أبرز ساعة خالى الذى أقرضنيها لزوم التصوير وكان هو الذى صور ..كانت ساعه جوفيال موديل حاجه وخمسين كده ..وأنا الآن بصدد البحث عن صوره بس الحاسوب بتاعى عند محمد كمال من أول رمضان وفيه كل الصور
*برنس فور افر
وماله يابرنس
مش اصحابك اللي انتخبوك برنس بالانتخاب يعني
والصوره جميله جدا توقعت انها بتاعتك
شكرا علي حل الفزوره
*ماكس بتاع زمان
هندسه في هندسه يعني
احلا الاسماء عند الانسان الاسم اللي اصحابه بتوع زمان بيطلقوه عليه
ولما نسمعهم لما بنتقابل كل فتره
بنحس اننا لسه صغيرين والشريط الجميل كله بيتعاد
والغريب ان احنا بنفتكر بس الذكريات الحلوه والمضحكه
وبننسي الذكريات اللي مش والابد
ان شاء الله تختار صوره جميله ومبهجه زي مدونتك
شكرا علي الحل
بناء على طلب حضرتك أنا جيت عشان اقول سبب إختيارى إسم ابلة نظيرة كمدونة ..رغم إنى أوضحت السبب ده عندى ، لكن مفيش مشكلة إطلاقا
فى البداية أنا كنت بتسأل دايما إنت ليه مش عامل مدونة؟؟ كنت برد بكل تلقائية وأقول : وأعمل مدونة ليه؟؟
أنا طبعا كنت بتابع المدونات وبعلق كمان .. وكنت شايف إن المدونات ما أكثرها ، لدرجة إن المواضيع قد تتكرر فى أكتر من مدونة بصورة مملة، يبقى إيه الجديد إللى كنت هضيفه ؟؟
عرفنى المقربين منى بأنى مش طالب طب فقط ، ولكنى واحد ممكن تقولوا عليه سبع صنايع بس البخت مش ضايع الحمد لله ، فأنا أجيد كتابة كل أنواع الأدب بداية من الشعر العربى والانجليزى مرورا بالقصص القصيرة والروايات والاغانى والمقامات والخواطر حتى السيناريوهات والاسكريبتات ، وإن شاء الله فى القريب جدا فيه فيلم بيعمله نجم كبير من تأليفى ، لكن فيه مشاكل إنتاجية موقفاه حاليا
المهم عشان انا بكتب فى الادب أشار على المقربين بفكرة مدونة ادبية ، ولكنى رفضتها لأنها نسخة مكررة
كان هدفى إنشاء مدونة ذات فكرة وطابع جديد غير مطروق كثيرا ، وفى نفس الوقت تحقق الإستفادة لكل قارئيها ، وهنا فقط إهتديت إلى فكرة إنشاء مدونة تتناول قضايا المرأة ، وتكون القضايا المطروحة فى صورة يوميات لشخصية أعطيتها إسم أبلة نظيرة
فيه ناس طبعا هتقوللى أبلة نظيرة كانت بتاعة طبيخ وبس ، هنا أنا بسجل إعتراضى ، لأن أبلة نظيرة إلى جانب مهارتها فى الطبيخ إلا أنها كانت من ناشطى حقوق المرأة ، والست دى فعلا تصلح لأن تكون رمز للقضايا إللى بتناولها بالدراسة
أحب هنا أضيف إن المدونة ليست حكرا على الجنس اللطيف فقط ، بل هى للجنسين ، لأننا عايزين نعرف رأى المرأة فى قضايا المرأة ، ورأى الرجل كذلك ، أضيفوا إلى ذلك إن الرجل أحيانا يكون عنصر هام فى تلك القضايا بصفة أو بأخرى ، ومن هذا يتضح أن تلك المدونة للرجل أيضا
وختاما أعتذر للإطالة .. تحياتى
انا اخترت اسمى (قلب شاعره ) لانى شايفه انه اكتر اسم بيدل على شخصيتى ... ومش اقصد بيه انى شاعره او اكتب شعرا ...لكن قلب الشاعر هو الى تحسه شاعر قبل ما ينطق باى كلمه .... فتقول ده انسان عنده قلب شاعر ...
يعنى القلب الى بيحس بكل شىء حواليه .
اما بالنسبه للصوره فهى لوحة رائعه لفنان مشهور .. وانا من عشاق الرسم وليه زوق خاص فى الرسم خاصة والفن بصفه عامه ... بس خلاص ..
*د/شهاب
شكرا علي الاجابه
وشكرا علي احساسك بقضايا النساء
وسوف اتابع المدونه بستمرار
فهي من المدونات القيمه فعلا
وان شاء الله هراجع كل ماكتبته انت فيها
قلب شاعره
الاسم جميل واختيار الصوره اجمل
شكرا علي الاجابه
اٍسم مدونتى غريب شويه
حبشتكنات فلسفيه
كلمة حبشتكنات من التراث المصرى الصميم و الحقيقه مش عارف أصلها جه منين و لكن المصريين أتفقوا على اٍطلاق هذا اللفظ على الأشياء المتنوعه خفبفة الظل و اللى بتكاد تقارب الهيافه و أحيانا بتطلق على أفعال غير حقيقيه يراد بها أشياء حقيقيه
فقرنتها بلفظة فلسفيه لما لاحظت أن كثير من المدونات عمد أصحابها لتكسيتها بالصبغه الفلسفيه العميقه اللى أحيانا بتستغلق على الفهم لمجرد أن يبانوا بهيئة المثقفين شديدى الثقافه
فقلت لأ أنا مدونتى للدردشه البسيطه و الكلام اللى يقدر يفهمه أى حد
أما الصوره فدى صورتى الحقيقيه
*عمرو
نورت الفوازير
فعلا في ناس في مدونتها بتعمل كده
بس الحقيقه كل واحد حر في اللي بيكتبه زي مااحنا حرين نعلق علي اللي احنا عايزين نعلق عليه
اسم المدونة اتجاهات
لانها متنوعة واتحدث فى مجالات متنوعة
أما اسمى ابراهيم عشان اسمى ابراهيم
أما صورتى فى بلوجر فهى تقريبا شبه صورتى الحقيقية
بس خلاص :)
اسمي الشهرة : بسام
اسم الحكومي : أحمد
المقريبين يقولي : بسبس ( من غير ضحك لو سمحتم )
اسم المدونة : أنا - الريس
السبب : لأني حلم ليس طمعا ولكن املا في تعديل الواقع وأكثر موقع ممكن أغير منه " الرئيس "
تحياتي ليكي يا شموستنا
زين ما عملتي يا شموسة
وطبعا انا واضح اسمي خالص :) :) :)
لاني باختصار لقيت ان المترجم مصنف من ضمن الناس المعرضة للتخاريف و ( الخطرفة ) :)
شغله كله ورق في ورق كلمات جنب كلمات تدي معني
وكلمات جنب كلمات تبوظ الدنيا
ممكن يقضى يوم كامل يترجم ف سطر
وف الاخر يطلع عك ف عك
وممكن يقضي عمره كله يدور عن معني مناسب لكلمة ويموت قبل نا يتذكره :) :) :)
بجد عنده حق يخرف
ههههههه
تسلمي يا قمر لبوستاتك ومدونتك الراائعة
أختك
كيف الحال ؟ :))
بالنسبة لي منذ دخلت عالم الإنترنت وأنا أحب النشر باسمي الحقيقي وكذا صورتي
لا أرى مشكلة ابدًا في هذا، وأحب الصراحة والوضوح لذلك كل بياناتي التعريفية أنشرها بدقة
ولذلك كان اسم مدونتي: أحمد شريف :))
شكرًا لك مدام شمس
طبعا يا شموسه مش محتاجه اقولك ليه اخترت الصوره دى اكيد معبره جدا عن محتوى المدونه ولكن الاسم اخترته عشان بيوحى بالدلع والانوثه وانا بحب الاتنين
انا اخترت اسم اعقل مجنونه لاكتر من سبب
السبب الاول ان عندى اعتقاد شخصى ان الجنون هو قمة العبقريه والعقل هو اقل درجات الجنون ولو اجتمع الجنون مع العقل كدا بقيت على اول درجات سلام الحريه المطلقه حرية الطبيعه اللى قيدها معدومه ولانى عيشه فى مجتمع كه قيود قررت ارضخ للامر الواقع واحرر قلمى وعقلى بس وبكده هيكون قلمى مجنون وهو دا اسم المدونه... بس شفتى الموضوع بسيط ازاى :D
السلام عليكم
أما أنا فاختيارى لإسم مدونتى غريب شوية
أنا سميتها تدوينى ومقالاتى لإحتراف فنون التدوين من الألف إلى الياء
لإنى شوفت فى مجال التدوين الكثير من الهرطقة فأردت أن أحسم الأمر وأجعل هذه المدونة للمدونين المبتدئين
بس الظاهر أنا اللى طلعت مبتدأ لسه فى وسط محترفين
بصراحة أعجبنى الكثير من المدونين العرب
ولكن هو ما ينقصنا هو الترابط كأسرة واحدة
شكرا يا شموسة على الموضوع ده
بس بما إننى قولنا سبب تسمياتنا لمدوناتنا
يبقى انت لازم تقولى برده ليه سميتها
شمس النهار
how to unlock iphone 4
unlock iphone 4
unlock iphone 4 how to unlock iphone 4 unlock iphone 4 how to unlock iphone 4
_________________
how to unlock iphone 4 [url=http://unlockiphone421.com]unlock iphone 4[/url] how to unlock iphone 4 unlock iphone 4
buy targeted facebook likes
facebook likes buy
how to buy facebook likes
buy guaranteed facebook fans buy cheap facebook fans
facebook likes buy buy guaranteed facebook fans
_________________
buy facebook likes [url=http://www.digg-cheap-ticket.info/story.php?id=14860#comments]buy guaranteed facebook fans[/url] buy facebook page likes buy guaranteed facebook fans
هناك الكثير من المغالطات أخي الكريم في التسلسل ، فماهر الريس لم يستقل من إدارة التلفزيون و إنما طلب منه الإستقالة لإهمله و عدم قدرته على السير بالتلفزيون قدما ، كذلك فالأخ محمد الوحيدي لم يكن مسيرا لأعمال التلفزيون ، بل مستشارا لوزير الإعلام و مقرر اللجنة العليا للإعلام الفلسطيني ، و رئيس التلفزيون الموحد ، و هو من عين باسم أبو سمية نائبا لرئيس هيئة إذاعة و تلفزيون فلسطين ، ثم بعد إعفاء رضوان أبو عياش من منصبه ، قام الوحيدي بتعيين باسم أبو سمية رئيسا للهيئة و إحتفظ لنفسه بمنصب نائب رئيس الهيئة و رئيس التلفزيون ، إضافة إلى مهامه الأخرى ، أما محمد الداوودي فهو الذي جاء نتيجة إنقلاب هادئ ضد الوحيدي و هو بالفعل كان مدير العلاقات العامة و هو المسئول عن إنقطاع الإتصال بالإتحاد الأوروبي لتطوير التلفزيون وعن إنقطاع بث فلسطين إلى كندا و أستراليا و أمريكا و غيرها ، و هو الذي أدى إلى حالة التدهور و العشوائية التي ساعدت حماس و غيرها من إفتراس هذة المؤسسة المهمة ، في الوقت الذي حقق فيه الوحيدي معادلة متوازنة أرضت الجميع عندما أعلن عن تلفزيون فلسطين مؤسسة أهلية و فتح الشاشة لجميع اقوى بمن فيها حماس للتعبير و الرأي .. كلمة حق يجب أن تقال في زمن ضاع فيه الحق ، و الله شاهد .
شكرا لك على هذا العمل الرائع
برامجنا هو من افضل المواقع التى تتيح لك مراجعات عن البرامج والتطبيقات والالعاب
جولة هو افضل موقع يعطيك معلومات عن المدن والبلدان والاماكن السياحية والمتنزهات
طبيعة هو موقع ممتاز يهتم بكل ما يخص الطبيعه يهتم بالحيوانات والنباتات وكل ما يخص الطبيعه
إرسال تعليق